تابع البارت الخامس
سهيل: زين عيل
دخلت حجرتها ولقت حياب ولد محمد استغربت وقالت: حبيبي حيوب انته شو تسوي هنيه
حياب: بنام عند عمى ذياب
عليا: وعمك ذياب وينه
حياب: عندكم في البيت
دقت عليوه لعلي وقالت له يأ علي حجرة عليوه وقال: محد ذياب يا بنت الناس هنيه
عليوه: عيل من يابه هنيه دق لمحمد
علي :ان شاء الله دق لمحمد وقال له
محمد: يا الله يبشرك بالخير عنبوه جلبنا الدنيا وما ريناه هو من يابه
علي: يقول ذياب
محمد: هيه زين عيل
وبالباجر اول يوم العيد الصبح الشباب وشواب والحريم ساروا صوب المصلي العيد بيصلون العيد والبنات يتعدلن وبتمكيجن ويتلبسن وضرابه على الاستشوار اهم شي هههههههههه
وعقب ساعه بالضبط بالبنات تجهزن ورتزن في صاله خخخخخخخخخخ اهم شي ام الصدف اللي تستوي ايام العيد
دش ابو سهيل وعمر وعلي وخالد وسلموا على اخواتهن واخوانهن وعلى امهن وابوهن وحبوهم على روسهم ...
خالد وهو يلوي على عليا: عنى هبلاج يا الغلا مباركن عيدج
عليا: عساكــ من العآيدـــين والسالمين ان شاء الله
علي: يا هليه الكرام بمناسبة اليوم حبيت اقول لكم اليوم العيد عيدين عيدنا عيد المسلمين وفرحة ملجتنا انا وسهيل تتويج حبنا بزواج ان شاء الله
خالد: الله يهنيكم ان شاء الله
عمر: عليا فديتج غرفى لى بلاليط ترانى ميت من اليوع
عليا: ان شاء الله فديتك
ونشت عليا تغرف ودخلوا عليهم ابو منصور ولده منصور ودخلوا ابو محمد وعياله محمد وذياب وحياب ودخلو بو غانم وعياله غانم وسعيد وسالم وسلموا عليهم كلهم يزوي وايهت عمومها وريلها وعليوه كانت صدق مرتبكه ومختبصه مب عارفه تحجب ولا تكمل غراف وطت صحن من ايدها بسرعه وتحجبت وسلمت على عمومها وتقرب سعيد منها وايها كانت منحرجه منه بس بعدين شافتهم كلهم لاهين مادروا بها هههههههه حلوه طالعه اليوم حد قالج
طالعته عليا بطرف عينها رد قال: لالا انتــــي اصلن دوم حلوه بس الوردي عليج غير ياربي بس على الموردين اليوم
عليا استحت ونشت وسارت فوق ابتسم سعيد وسالم دزه بخفيف وقال: حوو خالي يحاييكــ
سعيد انتبه وقال: هاه عساك من العايدين خالي وسالمين
ضحكــ سهيل عليه وقال: ما قال لك هو مباركن عيدك قال لك شحالكــ ربك بخير والكل ضحك على سعيد اللى انحرج وقال خاله: ما عليه ما ينلام بنتى ماخذه عقله
سعيد ضحك وقال: الا بتخبركم الملاج بيي اليوم ولا بعد هو ماخذ اجازة العيد
سهيل: لا بيي
سالم: خالي مره لا تخبر سعيد انقهر يوم شاف كل المستشفيات بندات بمناسبة العيد وعندهم عطه
خاله ابو سهيل: صدقه الولد متصاوب بالحب خله يحرج عليهم
ضحكوا عليه وقال علي: يلا انا بسير اسلم على باجي العرب
وثاروا كلهم الا عمر اللي يتريق نزلت يزوي وهى تقول: افا عمر ما سرت
عمر وهو ينش يغسل ايده في المغاسل قال: تعالي يزوي شويه ... بلحقهم خلاف
يت يزوي صوبه وقالت: امر
عمر: حسري ايديه ابا اغسل يديه رفعى الكندوره حسريها لين فوق
حسرت يزوي ايديه وهى تامله وقالت: عمر
عمر :لبيه
يزوي: لبية في منى الغالي ... لين متى بتم جيه تحسبنا هب حاسين فيكـ ترا والله تعذب عمرك
عمر يمشش ايديه وقال: معقــــــــوله انا مفضوح
اليازيه: مفضوح واذا تباها خلص موضوعك اليوم واذا عليها هي تراها بتحبك عمر حبيبي البنت تلين بسرعه وبسرعه تحب وتعلق في ريال لكن ريال صعب يلقى وحده تعوضه عن حبيبته اللى يحبها وخلها عنك من الحين اقول لك انته ولد عمها واولى من الغريب
عمر: الله كريم بسير اسلم عليهم ...
يزوي: سير فديتكــ
سار عمر صوب المرآيه وعدل السفره وحط العقال عليها وطالع لحيته اللى مخففنها وشاف شعره اللي طول ومحلتنه اكثر سفره والعقال عليوه من ورى وهي تقول: فدييييييييييييييييييييييي يييييييييت المزايين ياربي الا يوم هم شراتكــ
عمر ببتسامه: صدق عليا بسالج سوال لو انتى ما تحبين سعيد ممكن انج تحبينه اذا تم يعاملج بحب ويصبر عليج وعلى طبعج توقعين بتيب فايده
عليا: اكيييييييييد حبيبي ما يبالها رمسها الغالى دامه محترمنى انا بتعلق فيه قبل كل شي اصلن انته قولى البنات شو يبن من الرياييل غير كمن كلمه حلوه تذوب قلوبهم وخلاص وانتهت السالفه
عمر : دعي لي عليوه ان الله يجمع بينا
عليا: امين والله اتمنى
عمر طلع من بيتهم وركب الرنج وتوكل على رب الكون وهو ساير صوب بيت قوم عمه رن فونه وشاف الرقم ورد: مرحبا
ذياب: مرحبتين الله حيهم شحالك
عمر تنهد: بكــ حي وسهلا تحيا ودوم الغالي ... بخير وسهالة الله ومن صوبك الغالي
ذياب: هب بخير وينكـ عنبوه ما ييت تعيد علينا زعلان
عمر: هـــه زعلان ازعل من روحي والله ما فيك عقل انا ما روم اجابل دانوه وهي ما تباني
ذياب: خل عنك هالرمسه وتعال
عمر :يلا جدام البيت
سكر عمر فونه ودخل سيارته داخل ونزل من سيارة وسلم على عمه
عمر: ومباركن عيدك
عمه: عساكم من العايدين والسالمين
عمر وهو يشوف ذياب نازل من دري الميلس وياي صوبهم قال: هلا بو شباب شحالك واخيرا شرفت
عمر وهو يوايهه: هلا فيك الغالي
ذياب: مباركن عيدك
عمر: عساك من العايدين والسالمين ان شاء الله
ذياب اشر لعمر وغمز له عمر فهم عليه وقال: اترخص انا بسير اسلم على عمتيه
سار عمر صوب الصاله : هوووووووووود هوووووووود
الكل: هدا هدآآآ
عمته: مرحبا الساع بالغالي مرحبا والله
دخل عمر والابتسامه من اليمين لين اليسار: المرحب باجي الغاليه
سلم عليها وحبها على راسها وهو يقول: مباركن عيدج عموه
عمته: الله يعيدكم على عيدكم يا الغالى وعساك من العايدين والسالمين
دانوه كانت يالسه تغرف من الفواله وصدق انصدمت من دخول عمر وشافت ابتسامته ابتسمت مع نفسها وهى تخيل عمرها حادره وياه عقب نفضت الافكار من بالها وقالت دام هو اللي باعنى مره انا بعد ماباه يالسه اقص على عمري انه يحبني ليت الا صدق يا عمر تحبني ...
عمر كان حاس فيها بس يبا يطنشها شويه : انزين عمتيه شو العيد
عمته وهى تصب له جاهي: والله بشوفتك يا الغالى حلو
عمر: عمتيه شله صابه جاهي
عمته: لك
عمر وهو ينش ياخذ الكوب: يا الله عنى افداج يعلج تحدرين عليه حرمتتيه
هههههههههههههههه
ضحكة عمته وهى تقول: ههههههههههههه ان شاء الله ياربي متى بس ايي هاليوم
عمر: جريب ان شاء الله جريب
انصدمت دانه معقولة يفكر بغيري معقولة يبا وحده غيري انزين ليش مثل ما هو باعنى حتى انا ببيعه انا بلايه اليوم وايد مستويه افكر وببيعه ومن هالكلام اسميني بقره
عمر صد صوب شموه وهو يقول: مرحبا بالعرووووس والله شحالج
شموه بحيا: بخير وسهالة الله ومباركن عيدك
عمر: عساج من العايدين والسالمين
شما يلست على الكرسي وهي تعدل المغربية اللي لابستنه وحاطه فوقها العباه ومتعدله تعديل خفيف طالعها عمر وهو يقول: يا ويل حال اخويه عليج اليوم وغمز لها
شما ناقمتنه: عمر عن الجراه زايده ترا الله يعين حرمتك من جرائتك
عمر: تفدينها حرمتيه انتى
شما: ههههههههههه عمر لا ضحكنى
عمر: سهيل يا قومى سيري فوق
شما: ههههههههههههههه لعب على غيري سهيل ياي قبلك وسلم وروح
عمر: هيه شكلج مشغله رادارج على اخويه من الحين
شما بمستحي: لا شغلته ولا الله قاله
شوي وسمعوا هوووووووووووووود هوووووووووووود يا هل البيت
عمر نش واقف وبنظره سريعه للبنات: حدرن داخل
هدا هدااااا قربوا وظهر برى صالة : قربوا الله حيهم وسلم عليهم عمر وقربهم داخل الميلس وهو يشوفهم وما يعرف من ذيلا
دخلوا داخل وكان ابو محمد ومحمد وذياب وحياب داخل سلموا على رياييل
وذياب يشوف عمر وهو متلوم
عمر يطالع ذياب بعيونه بمعني منم ذيلا
ذياب تقرب منه وقال: ذيلا هل عبد الله
عمر نطر حوايبه وقال :لا اله الا الله محمد رسول الله ما عليه انا واقف لهم وقفه
ذياب ضحك وقال: الله كريم
قعدوا كلهم وتعرفوا على الريال وعمر متحرقص يباهم يبدون بالسالفه عشان ويقفهم عند حدهم بس اللي انصدموا منهم كلهم دخول عبد الله وعنده رياييل معروفين صدق حس عمر ان سالفه مصخت بس سكت يبا يعرف النهاية شوه
يلس عبد الله مجابل عمر وقال بو عبد الله: يا بو محمد نحن ييناك اليوم وطالبين القرب في بنتكـ دانه لولدنا عبد الله
بو محمد وبو سهيل انصدموا رد بو محمد وقال: والله ونعم فيكم ونتشرف فيكم وفي نسبكم يا بو عبد الله لكن البنت مهما كان شورها عندها
عمر وقف وسار صوب ابوه وقال: ابويه وانا
بو سهيل مصدوم لين الحين قال: والله يا بويه انته اولى بها من الغريب لكن شور عمك وبنته فوق كل شي نحن ما بيدنا شي
عمر وقف وقال: عمي
التفت الكل صوب عمر وقال عمر: عمي انا البنت مب مرخصنها ولا شرايك يا ذياب
ذياب: هيه نعم صدق يا ابويه العم ولي والخال خلي يا بويه وهو ولد عمها واولى بها ومن سنين يباها
سهيل قال يبرد فواده: صدق عمي جان عمر من سنين يترياها اخر شي تروح لغيره
بو محمد: والله يا جماعة الخير انا البنت بشاورها على عبد الله وعلى عمر واللى تباه تختاره انا ما اغصب بنتى على حد ان شاء الله توافق على عمر ولا عبد الله انا اللى يهمني سعاده بنتى وبس
عبد الله وقف وقال: عيل يا عمي نحن نترخص منكم وان شاء الله نسمع موافقتكم
عمر نطر حوايبه جنه يقول وايد واثق الاخ
اما في البيت شموه ودانوه متربعات عند دريشه يوايجن لازم ايام عيد ههههههههه الله محلااا ذيج الايام مرتزااات عند درايش منوه هذا وهذا ولد منوه ويالله محلى هذا يجنن هذا احلى عن هذا ههههههههههه واخر شي ننكشف خخخخ ونحصل هزبه هههههههههه المهم شفنا الريايييل يظهرون من الميلس قلت لشما: هذا عبد الله اللى كان يدرس برى ويايه دراه بيتنا
شموه عقدة حياتها وقالت: وانتى شدراج
قلت لها :اقولج ويايه برى نفس كلاسي
شما: تدرين انى مب طمنه احس انه شي بيستوي ما شفتى عمر وذياب كيف ظهروا ماشفتى عمر كيف ساق بسرعه جنونيه
دانه في خاطرها يا تري شو مستوي صدق اللي قالته عليوه عبد الله ياي يخطبني بس انا ماباه انا ابا عمر بس عمر ما يباني واكبر دليل اليوم طنشني ولا حتى سلم ولا حتى بارك لي باالعيد معقوله كرهنى بس هو كان يقولى انتى لى ومستحيل ياخذج هالتبن ولا بس كان يقولها من قهره لا مستحيل افكر اخذ عمر اكيد يبا يعذبني لانى الفتره اللي طافت واااايد كنت اتلاسن وياه
اما عمر وذياب راحوا صوب البحر عمر قال بغيض: عنبوه حتى العيد ماتهنيت فيه شو هذا الله يعينا الله ينطب هالحاله
ذياب هز راسه وقرب منه وقال: استهدى بالله ياخويه ودانه لين الحين ما شاوروها
عمر: ذياب بلاك تباني احط ايدي على خدي لين ما يقولون لى ان دانه راحت في نصيبها بلاك انته الله يهديك
ذياب: انا اخوها وبوقف وياك بلاك الله يهداكــ
عمر: ما ينفع حبييبي توقف ويايه اختك لو قالت ابا عبد الله خلاص الموضوع انتهى منوه بيناقش عمي فيه مب انا مرمس ابويه وامايه بس للاسف نحن تاخرنا وايد بعد
ذياب: لا تاخرت ولا هم يحزنون كلمتين مني بيلينن راس دانه
عمر: دخيلك ذياب ظهر منها ماباك تكون انته والزمن على اختك حراااام خلها روحها تختار من بينا خلوها تفكر على راحتها
ذياب: بعد تفكر فيها ... لا حول ولا قوة الا با لله العلى العظيم
عمر هز راسه ويلس على الشاطئ يفر الحصى ويتنهد وقال في خاطره الله ينطب هالحالة معقولة بتوافق عليه وبتخليني انا ولد عمها واولى من الغريب
في مكان ثاني ...
ساروه يالسه في بيت قوم عمتها تسولف ويا يزوي وشما وميثا وموزه اخواتها وعليوه كلهن يلوس ويتكلمن تكلمت يزوي وهي تقول: ترا الملجة في بيتنا دريتن
ميثا: عشان
شما: عشان نحن كل وحده في بيت ابرك نكون كلنا في بيت واحد
يزوي وهى تاكل باجي: قصدج بيت ريالكن
ضحكت شموه وقالت: ينطبج ربي المفروض انتوا تون تملجون عندنا بس نحن سهلنا درب عليكم
ضحكت عليوه وقالت: عشان خاطر سهيل كل شي يهون
شما: يعلج الخير قولى ما شاء الله
عليوه: ما شاء الله تبارك الله
منصور كان تحت اتصل بيزوي واول ما شافت رقمه نشت ونزلت تحت ...
اما ساروه وعليوه كانن يطالعن بعض وعليوه فهمت اللى في خاطر ساروه وقالت: نسير نرتب الحجره عقب الصبح اليوم استوت حوث مررره
ساروه تنهدت براحه انها فهمتها وقامت وياها دخلن داخل وقالت ساروه: اخبار عموري
عليوه: تمام يسرج حاله احسن عن امس واليوم وااايد مستانس
ساروه بفرحه: صدق ياربي دووووووووووووم ان شاء الله الوناسه على محياه
عليوه بضحكه: امين يارب
ساروه: فاتحج بموضوع احم احم
عليوه: هيه قالى شو رايج لو وحده خذت واحد ممكن تحبه في المستقبل قتله هيه بس ريال احسه صعب يتقبل
ساروه بضيجه: اهم شي يكون مستانس
عليوه: لا تمين تفكرين به
ساروه: غصبن عنى والله يا عليوه غصبن عني
عليا: سمعى اسبوع وبتبدا المدارس انزين خلى عنج تفكير به ورانا ثانوية لا زم نشد حيلنا
ساروه: متى بيخطبها؟؟
عليا: انتى شفيج سارونه لين الحين تراه محد يدري شو بيستوي
ساروه: الله كريم
عليا: ساروه حبيبتي اذا الله كاتب بينج وبين عمر نصيب تراه محد بيرده والله والمكتوب ما منه مهروب
تنهدت ساره وهى تقول: والله احبهـــ يا عليوه والله احبه عمر اخوج غير غــــــــــــير عن كل اخوانج وعن اخواني عمر اذا انجرح يكتم في قلبه ما يبوح عمر اذا حب يكتم ما يبوح ليش ما نحس به ليش ليــــــــــــش الكل لاهى عنه ومحد يدري شو اللي بقلبه
عليا: ساروه بس فدبتج لا تعبين عمرج ويلا حبيبتي خلينا ننقفض بياذن المغرب ونحن ما سوينا شي
ساروه: يارب انك تجعل لى الخيره في دربي ودرب عموري حبيبي
عليا: اميين ان شاء الله يا الغلا
بــــــــــــــس صدمه قوــــــــــــٍــــــــــ ـــــــــــه طاحت على راس خالد معقولة ساره تحب عمر اخويه وعمر ما يدري عن هوى دارها يا الله يا دنيا كيف تفرق حليلج يا ساره الله يكتب لج نصيب ويا عمر صدق دانه ما تناسب عمر دانه وايد تكره عمر بشكل كبير ومستحيل توافق عليه وعمر ما يرضى بالمذله مهما كان حتى لو تحبه خطرت في باله فكره تقرب عمر من ساره من دون ما يحس عمر راح خالد وهو يدندن باغنية يردون ونزل من دري بسرعه ودعم في الموز اللى كانت شاله فساتين البنات في ايدها
استحى خالد وقال: فديتج مواز سمحيلي
موزه: بالحل خالد
خالد: اشلهن عنج
موزه ببتسامه: ما يحتاي بو وليد
خالد: هههههههههههه يلا ما وصيج عيل طلعي غرشوبه اليوم
موزه: دوووووووووم غرشوبه
خالد: في عيوني انا بس غرشوبه
ضحكة موزه وقالت: والله في عيونك وعيون غيرك بعد
خالد: يالخقه
موزه: مب خقه ثقهه بالنفس
خالد: مغروره وانا ما حب المغرورين عن اذنج
ضحكت موزه وقالت: الله يهديك يا خالد متى بتفهم مشاعري صوبك،،
ظهر خالد وركب الا ف جي مالته ودق لذياب ورمسه..
بعد صلاة العشا الكل كان جاهز تقريبا حتى العرايس ويالسات في قسم خالد لانه محد بي صوبهن وعليوه وساره ماسكات الكيمره ويصورن سمعن صوت دق باب سارت يزوي بتبطل بس عليوه سبقتها وبطلت الباب وهى تشوف سعيد كيف متكشخ حست بالغيره لو حد شافه من البنات قالت له: يعني ياي تسوي اغراءات خخخخخخخ
سعيد: حقج حلال الاغراءات بس حق غيرج لا والف لا لا يلا خلى ميثوه توقع
عليوه: بتخبركم انتوا شله بديتوا بالصغير قبل الكبير
ضحك سعيد وقال: دراني عن اخوج مستعيل
ضحكة عليوه ودت دفتر صوب ميثوه وقعت ميثا وردت عليوه الدفتر لسعيد اللى قال: ليت اليوم يومي ويومج وشل دفتر
حزت في خاطرها عليوه رمسه تعرف ان سعيد يتريا هاليوم بفارغ الصبر تنهدت ويلست عند البنات وهى متضايقه ليش يا سعيد تلوم بي اكثر انا روحي متلومه الله يسامحك ظهرت عليوه وسارت حجرتها بدلت لبسها وعقت عمرها على شبريه حست ان مودها خترب اه منك يا بو عسكووووور والله انكــ يبتها على العوق صح انا كان المفروض نملج وياهم بس الله ماكتب حتى لو انا وافقت اه بس قطع عليها دخول ساروه: اهىىىىىىىىىىىىىى ليش بدلتى
عليوه: ابا ارقد تعبانه
ساروه: قومي يلا الحين اخوج سهيل ملج وقده بيحدر على شموه وانتى يالسه هنيه ما عندج سالفه
عليوه بضيجه: ساروه برقد حاسه بدوخه اليوم واعيه الفير
ساروه: عنبوه اخوانج هذيلا يا طمطه قومى قام صلبج
عليوه: شوفي ساروه انا وحده مودي بدى يخترب والله بفر عليج رمسه ولا تزعلين بعدين قتلج مودي بدى يخترب يعنى بدى يخترب وبتطلع رمسه منى وبتزعلج
ساروه : خلااص برااايج
طلعت ساروه وردت عند البنات
موزه: اقولج ميثاني حدرناها في الميلس علي بيشوفها وشموه حدروها في صالة عمر وسهيل الحين بي
ساروه شهقة : الله ينطبكم مالقيتوا تحدرونها الا في قسم عمر
موزه: ليش ؟؟
ساروه: يمكن ريال يبا يدش وهذيلا يتاخرون عاده سهيل شو بيفججه يظهر من عند شموه
موزه تضربها على جتفها: اهب قولى ما شاء الله
ساروه: ما شاء الله مــــــــــــــــــــا شاء الله الله يزيد ويباركـــــــ
موزه: يلا انا بنزل اتعشى
ساروه: سيري سهيل حدر ولا
موزه: لا الحين ومالقينا الا قسم عمور مرتب ومدخن وصالة عمر شو حلاته صدق صالة معاريس
ساروه بغيره: قولي ما شاء الله
موزه: ما شاء الله بلاج انتى تلبجين بسرعه
ساره تداركت عمرها: مرحبا المعرس وصل
سهيل من يوم يومه يعتبر ساروه اخته: تعالى حدريني
ساروه استحت: لا لا
سهيل: يلا عليوه محد قالوا لى انها راقده دواها باجر يلا تعالى انتى
ساروه استحت وسارت صوبه وهي تزغرط: كلووللللللللللللللللللللل لللللش الف وصلى وسلم عليك يا حبيب الله محمد كلولووو ووووووووووش مبرووووك سهيل
سهيل: الله يبارك في حياتج وعقبالج يا الغلا احم حسستيني انى معرس صدق ترى كلها ملجه ليت الا اليوم العرس صدق
ساروه: الله ينطب عدوكــــ مستقطع على العرس حمد ربكـــ ان اليوم ملجتكــ
سهيل: احم صبري شويه سار صوب المرايه يعدل عمره
ساروه: والله انك غرشوب خلص لازم تتعدل
سهيل: بلاج انتى صبري لازم اتعدل داش على الحب انا مب على حد ثاني
عدل سفرته والعقال وتعطر من اللى موجود وشاف دهن العود: آآآآآآآآآآآه محلى ريحته حط منه على خشمه وعلى خده شويه
ودخل داخل واول ما شاف شما ابتسم وسار صوبها بالمقابل شما وقفت وكانت موخيه راسها من المستحى باس راسها وهو يقول: مبروووك غناتي
شما: الله يبارك في حياتكــ
يلسوا شما وسهيل يسولفون ................................نسير صوب بو حسن
علي يالس يسولف ويا ميثا وهى وايد مستحيه
علي: الله ينطب مستحاج يا ميثوه والله انى مب عارف اشوف ويهج من كثر ما توخين
ميثا بحيا رفعت راسها وهى تقول: امر
علي: ما يامر عليج عدو الغلا الحين عاد
ميثا سكتت
قال علي: مستانسه
ميثا: الحمد لله
علي: ان شاء الله دووم
ميثا: وياكــــَ
علي وهو يشرب جاهي: انزين ميثاني بقولج شي بس لا تزعلين منيه
ميثا: قول اسمعكــ
علي: انا ترانى بقول لبويه العرس في اجازة الربيع
ميثا سكتت وبعدين قالت: ليش؟؟ تبا العرس بسرعه
علي جدم ويلس عدالها وقال: ميثا تبين الصدق
ميثا استحت من قرب علي وقالت وهى تلعب بصبوعها: هيه
علي مسك ايدها وقال: بسني عاد من البعد عنج ابا طول عمري اكون عندج
ضحكة ميثوه:ههههههههههههههههههه والله انكــ لوتي
علي طالعها وقال: حراااام عليج انا لوتي انا البراءه كلها فيني
ميثا: انزين اللي يريحك سوه
علي باس ايدها: عنــــــى ما خلى منج قولي امين
ميثا: امين ولا منكــ
علي: يلا عيل برايج انا تاخرت بيقولون حلت لهم اليلسه في بيتنا
ميثا: هههه انا بعد بسير ابدل وبسير بيتنا
علي: تدرين ان بيتنا اليوم حلو وانتى اللى محلتنه وان شاء الله قريب بتنورينه وغمز لها
استحت ميثا منه وطلع علي برى وراحت ميثا حجرة البنات تبدل وعقبها راحت ويا اهلها البيت
وبالباجر الصبح نشت عليوه ساعه 6:30 وتغسلت وتسبحت ولبست مخور احمر وشيله صفوى حمرا وحطت مكياج خفيف ونزلت تحت واول ما وصلت اخر دري انفج الباب ودخل سعيد تنهدت عليا من خاطرها وراحت صوب الصالة سعيد دخل وسلم على عمته وخاله ولا تكلم ويا عليا كان مقهور من البارحه منها عليوه حست انه مقهور حتى هي زعلت برايه مب لازم تراضيه
ابو سهيل: عليا
عليا: عونكـــ الغالي
ابو سهيل: عانج الرحمن قربي بولد عمتج
عليا تنهدت: ان شاء الله
نزلت عليا تحت وغرفت من الفوالة وحطت الصحون جدامه وقالت من دون ما طالعه:قرب
نزل سعيد اونه بياكل بس كان يبا ينزل عشان عليا تحت يبا يكون بقربها حتى لو هي زعلانه مثل ما هو زعلان
يلس عدالها بالعماله وقال لها صبي لي جاهي بعد عشان اعرف اخطف اللقمه على الاقل
عليا صبت له الجاهي وعطته اياه وقالت لامها:امايه انا اليوم بسير بيت قوم عمي بو منصور
امها: برايج بنتي سيري فديتج من بيسير هياج
عليا: والله مادري يا امايه ما شورت يزويه
ابوها: شله تسيرن هناك شو عندهم قوم عمج
عليا:ماشي بويه فديتك الاالبنات مسويات لمه ويبنا هياهن
سعيد قال: عمي ترا يوم الاربعاء اخر يوم للاجازات والخميس يمكن يداومون نبا نفحص
عليا كانت ساكته ومنزله راسها رد ابوها وقال: على خير يا الغالي الا جانكـ تبا تملج بسرعه
سعيد تنهد وقال: يا الله يا عمي شو نسوي بعد القلب متصاوب
عمه ضحك وعليا انقهرت منه وقامت وطلعت من البيت وسارت صوب حديقتهم ويلست تحت في ظله وهى مقهوره من سعيد المفروض ما يعاملها بها طريقة هي شو ذنبها يحملها ذنب تاخير ملجتهم حست بحد عندها لفت وشافت سالم
عليا تنهدت وسكتت يلس سالم عدالها وقال: انتوا لازم تناجرون يعني ابا اعرف شي واحد تموتون لو ماتزاعلتوا انتوا يهال بخبركم خلاص ما شي نصيب انكم تملجون وياهم البارحه
عليا بضيجه: سر رمس اخوك لا ترمسني انا اعرف ها شي الا اذا هو ما يعرف ها شي
سالم: الله يهديكم صدق المثل قال الكلام الفايت نقصانه في العقل الحين انتوا اثنينه كبروا عقولكم وافهموا السالفه من بعض وكل تاخيره فيها خيره
سعيد من وراهم: ما قلنا شي على الاقل تجاملني وتقول اللي تباه يا سعيد حاضر
عليوه تاففت في خاطرها وقالت: سعيد انا الحين مضيجه لا تخليني ارمس وياك وعقبها الكلام ما يعيبك
سعيد قرب صوبها وقال: علايا استهدي باالله انتى بلاج اليوم لابجه انا من البارحه مقهور وانتى عادي عندج
وانتهى
|