البارت السادس
عليا : لا من قال لك ان عادي عندي والله ان من البارحه انته قاهرني وحملتني مسؤلية تاخير ملجتنا تي الحين وتلومني سعيد انا ماداني الشخص اللي ما يقدر غيره
سعيد: انزين انا ما قلت شي كل اللى قلته ابا املج تين انتى وتوقفين في ويهي على اساس شو انج ما تبين الحين
سالم انقهر من سعيد وقال: سعووود عاد ما عرفنا لك بلاك انته على البنت
عليأ: سعيد اذا تبا تملج ملج انا ماعندى اي مانع بس لا تلومني اكثر من جيه سبق وقلت لكــ اسبابي يا بو عسكور
سعيد قرب منها وقال: شو يصبرني لين يوم الاربعاء يا عليا شو يصبرني انا اباج بقربي
عليا استغفرت ربها وقالت: افففففففف يا سعود لا تكرهني في العرس وطاريه
سعيد ضحك وقال: ههههههههههه والله حاله ناس مشتتطه تبا العرس اليوم قبل باجر وناس عقولهم في دراسه بخبرج انا شو بستفيد منج يوم بتكملين دراسه ان شاء الله اختنا في الله ناويه تصنعين النووي ولا شوة
عليا: تطنز حضرتكـ
سعيد: عليا
عليا: هلا
سعيد: انتى شو تبين دراسه سوال يطرح نفسه
عليا: جوابه ما ضمن الدنيا شو مخبيه لي في المستقبل احافظ على عمري ونفسي واعتمد على نفسي ابرك لي ولك ولدنيا كلها
سعيد عقد حياته وقال: شقصدج بما تضمنين دنيا
سالم حس ان سعيد بدى يعصب طالع عليا وغمز لها
عليا فهمت وقالت: سعود اقصد من ناحية علميه مب شي ثاني انا ادري شو دار في بالك شوف من ناحيه علميه اذا توظفت بيكون راتبيه عالى وخص اذا كنت جامعيه واذا كنت ثانويه بيكون معاشي مقبول صح ولالا معاشي على معاشكـــ بنعيش بسلام
سعيد: هاي اللي بكفخها حبيبتي نحن هب قاصرنا شي انزين يوم تحيدين عمرج بتفتقرين اشتغلى عيالنا منوه بيربيهم
عليا انصبغ ويها وتنحت وهى طالعه سعيد اول ما استوعب اللي قاله ضحك وقال: ههههههههههههههههههههههههه ههههههههه ام الحاله والله انى مشفر ما عليه حبيبي صدق يعنى من بتخلينهم على تجل البشاجير لا فديتج انا مابا
عليا: ولا انا بعد مابا المهم انته خلنا نملج عقب فكر في العيال
سعيد حبها على راسها وقال: سموحه فديتج بس غصبن عني عصبت
عليا: بالحل ويايولك تلومنى مره ثانيه انا في حياتي مالمتك الا على الحادث اللي سويته
سعيد: ان شاء الله بحاول انتى بعد لاتعصبين بي من اقول شي قولي تم مره
عليا ضحكة : تم مــــــــــــــــــره
سعيد: عنى هبلاج ياربي
راح سالم ومسسك سعيد وياه وقال سعيد: عليوووووووووووه غناتي من يبدون دوام بنداوم وياهم بنفحص وبرد
هزت راسه عليوه بمعنى لا اله الا الله ضحك سعيد وسالم عليها
سالم: حشىىى يا بوك كرهت البنت في طاري العرس
سعيد: حراام عليك سالمينو والله انى متيم في هواها واموووت وعشق ثراها بس شو اسوي لو انا مالج عليها لحين محد بيقول حرام تيلس حرام مادري شو حرام تمسك ايدها يوم اكون حلالها انا جيه برتاح بسوي اللي اباه ان شاء الله اسافر وياها
ضحك سالم وقال: الله يا دنيا الاول يوم اقول لك قلت لى اختيه شو احب يهال انا
سعيد ضربه على جتفه: جب جبببببببببببب والله لو تسمعك عليا بتزعل شدرانى انك كاشفنى من قبل الله ينطبكــ
سالم: ما يحتاي اكشفك انته تومي لازم احس فيك
سعيد: الله ينطبكــ عيل لم ثمك وسكر هالسالفه مابا اسمعها يو اندر ستاند ذات
سالم: شووور
سعيد: اوكييييه اي ويل سي ذات
سالم:جنكــ خايف الا ازل بلسساني
سعيد: هيه والله خايف والله وتسير تقولها عاد عليوه حساسه نحن على سالفة الملجة مضاربين بلاك انته الله يهديكـ
سالم: خلاص يا بوك مب قايلين شي
تنهد سعيد وهو يقول: متى بس بنملج
سالم: سعود تبا صدق انا كرهت هالطاري وين عليا بس عليها متحملتنك
سعيد: برايها بعدين بتعرف انا شكثر احبها
سالم ضحك وكمل سواقته لين ما وصلوا بيتهم ونزلوا ....
ميثا: هلا والله بالغراشيب
سعيد وسالم: المهلي ما يولي الغاليه
موزه: سعود ساروه يالسه فوق تصيح ومحد يعرف بلاها سر طالعها
سعيد بخوف فز بسرعه وطب فونه اللى كان محطوط على الطاولة وسالم قال :يعنى لازم تروعينه
موزه: محد يروم لها الا سعيد اصلن وهو يحبها ويخاف عليها اكيد بيعرف شو فيها ..
ساره كانت فوق يالسه تبدل ملابسها ويوم تذكرت ان عمر ممكن في اي لحظه يروح منها صاحت هي تحبه ما تنكر ها شي وتمووووووت فيه بس انقهرت يوم عرفت ان دانه مب عاطيه عمر ويه ....قطع عليها دخول سعيد اللى شافها تصيح وهى مغطيه ويهها بيدها سار صوبها وحضنها: ساروه امايه بلاج
ساروه كانت تصيح وتشاهق
سعيد حاول وياها منيه مناك يعرف بس ماشي فايده
ساروه عقب ماهدت قالت: ما شي بس تذكرت موقف بايخ البارحه استوى وتلومت
سعيد باس راسها: عنى افداج يا الغلا
ساروه قامت من مكانها وهى تقول: شي كان في خاطركــ
سعيد: لا حشى يا غير هاي البدله روعتني عليج قالت لى ساروه تصيح
ساروه وهى تمش عيونها بكنينكس:من هاي ؟؟
سعيد: منو غيرها هالتبن موزوه روعتنيه عليييج
ساروه ضحكة على كلمة تبن لان عمر يقولها يوم يعصب ابتسمت وهي تقول وين كنت
سعيد: بيت عمي اراضي عليوه
ساروه : اها الله يهنيكم يارب والله انكم لا يقين لبعض ما شاء الله عليكم الله لا يفرق بينكم
سعيد بحب اخوي: امين فديتج ويا حظ اللي بياخذج صراحه بس عليه اللى بيضوي بنت سلطان
ساره بالم تنهدت وهى تقول اللى اباه ما يباني هيه يا دنيا صدق اللي قال اللي يبينا عيت النفس تبيه واللى نباه عيا البخت لا يجيبه اه يا دنيا ليش تبعديني عن عمر والله احبكــَ كلمه وقالها فزاع يا عمر(( من يحبكـــ كثر ما حبكـــَ انا ))وكلمة قالها احمد ((يا عـــمر قلبي تولع بكـــ ولووووعـــــ )) ...
سعيد شافها وقال: ساره اذا في قلبج شي تبين تقولينه انا اخوج قولى فضفضي اسمعج
ساره: ما فيني شي فديتكــ قلت لك كنت مضايجه ومتلومه من الموقف اللي صار امس ويا عليا
سعيد عقد حياته: اي موقف
ساره : يوم حدرت عليها وقلت لها ليش بدلتي قبل ما ينزفون اخوانج عند حريمهم قالت بس تعبانه حسيت انها متضايجه قعدت اتكلم وياها وخلاف قالت لى انا مضيجه الحينه لا تخليني اعصب احترمت رغبتها وظهرت
سعيد: ما عليه حبيبي انا كنت مزعلنها
ساره: هيه انزين سعيد انا بكلم عليا الحين
سعيد ابتسم وقال: زين فديتج
ظهر سعيد واتصلت ساروه بعليا...
في بيت قوم بو سهيل الكل يالس سوالف وضحك وعليوه طالع التلفزيون ومشتاقه لساروه واايد شوي صاح فونها بس كان عمر قريب منه شل عمر الفون وانصدم من الاسم (( شوقكــ يــآأ عمـــر)) يتصل بكــ
عمر عقد حياته وقال: من شوقك يا عمر
انتقضت عليوه من مكانها وهى تقول: هات هاي ربيعتيه
عمر وهو مب مصدق بس يقول في خاطره الا اعرفها من هاي
ردت عليوه على ساروه: هلا والله
ساروه: ساعه يصيح
عليوه خبرت ساروه سالفه
ساروه شهقت: يعلج الخير يا عليوه الحين شو بيقول عنى
عليوه: مادري بج قتله هاي ربيعتيه
ساروه: انزين سمعى انا من شوي كنت يالسه اصيح تذكرت عمر حبيبي المهم ويا سعيد وخبرتها السالفه كلها عليوه حبيبتي اسمحي لي والله ما كان عندي عذر غير سالفة البارحه واذا سعيد رمسج بها سالفه قولي له انى انا الغلطانه
عليا: عادي فديتج شعلينا من سعود نحن ربيعات وبنات عم وتوم روحي انتى متى ما نزعل من بعض ومتى ما نرضى من بعض عااادي ما فيها شي مب لازم هم يدخلون في كل شي وبعدين انا عاذرتنج وسمعيني وشكلج اذا كل يوم بتصيحين عز الله يبتيها نسبه
يا بنت العمه
ساروه: غصبن عنى يا عليا تحسبينه بيدي ها شي احبه مب بيدي
عليا: لا اله الا الله ساروه اذا تميتي جيه بييج انهيار عصبي سمعي كلامي زين ما زين وحطيه في اذنج عمر مرده يوم من الايام بيعرس ومنوه من نصيبه الله العالم انا اقولها لج مب كل اثنين يحبون بعض يعرسون قبل سنين ما كان خالد اخويه يحب واخر شي طلع حبه خرطي حب مراهقه تذكرين هذا اولا ثانيا عندج غانم اخوج ما كان هو ويزوي يحبون بعض مووووووت شوفي كل واحد في نصيبه سار والحين يزوي الله رزقها بمنصور معوضنها عن ناس كلهم وتمموووت فيه مب معناته عمر ودانوه بياخذون بعض واذا ما عندج خبر ترا دانوه البارحه خطبها واحد من بوظبي مادري من دبي ما دري به من وين المهم انه البارحه يووا الرياييل وخطبوها وكان عمر موجود حاول يوقف الخطبه بس عمى قال له بيشاورون دانه وهى تختار من بينهم حتى البارحه مره ما جفته
........................ عند خالد وعمر
عمر سرحان بالاسم يفكر من هاي معقولة دانوه لا ما ضني هي باغضتنى ومب واااايد ويا اخواتي معقولة مثل ما قالت عليا وحده من ربيعاتها لالا ما ضني عليا اكثر ربيعاتها ساروه بنت عمتي وبس
خالد وهو يهز عمر: حووووووووووووو بو شباب وين سرحان
عمر: خالد بسالك سوال
خالد: امر الغالى
عمر: امممم ساروه بنت عمى هى الوحيده ويا عليا صح
خالد في خاطره وصلنا خير يارب تحبها تراها مسكينه تحبكــ قال: هيه اكثر وحده بس ليش تسال
عمر: عيل من شوقك يا عمر
خالد: هاه شوقك يا عمر ؟؟
عمر: والله انا احس انها وحده من البنات معقولة تكون دانوه
خالد: كيف فهمني شو سالفه
عمر: كان فون عليوه يرن ورحت برد وشفت اسمها على شاشه شوقكـ يا عمر يوم قلت لها من هاي قالت وهى مرتبكة هاي ربيعتيه شو تفسر هذا ؟؟
خالد: احم يمكن وحده من ربيعاتها صدق
عمر: لا ما ضن هي اكثر شي ويا ساروه
خالد: اونكــ عاد مستبطر في ناس مشتاقين لكــ
عمر : هزرك،،، هالبنت انا شوقها
خالد هز راسه وهويضحك: هييييييييييه ههههههههههههههههههه
عمر: شله تضحك انته ويهك
خالد: لو طلعت صدق بنت نكها شوقكـ يا عمر وقصدها انته شو بيكون شعوركــ
عمر بخقه: يحق لهن احم وشعوري شعور اي انسان عايش في دولة الامارات
خالد: والله انكــ خقاق الا صح بسالكــ شرايكــ بساروه كزوجه
عمر: ما بتحصل اخير عنها
خالد: مالت عليكــ انا ما قصدت عمري قصدتك انته
عمر : وانا شباها عندى دانه تسوي بنات دنيا كلها
خالد: هــــــــــه ترياها عيل
عمر: ليش فاقد الامل وبعدين بترياها
خالد:زين عيل انا اترخص وبتعذر عن ساروه خلاف
عمر تافف وانقهر من خالد شو بتعذر عنه انا ما افكر الا بدانة قلبي خخخخخخخخخ ماحيد عمري غواص خخخخخخخخخخ دانة قلبي لؤلؤة حياتي هههههههه استغفر الله اثور من بقعتيه ابرك لي واسير صوب الوالد نرمسه...
وفي بيت اول مره نزورهــــ في دــــِـــي دـآر الحــــــــىٍ
بو عبد الله: يا حرمه نحن سرنا وخطبناها ولدج يباها شو تبينا نسوي
ام عبد الله: بتخبركــ وين شفتها؟؟
عبد الله: كانت تدرس ويايه في كندا
ام عبد الله: وبلاهن بنات خالتك
عبد الله: بلاهن اللى بلاهن عنى هبلاج يا غير قلبي متصاوب صوب اهل العين
ام عبد الله: بتخبرك انته نهيت تدرس ولا نهيت تحب
عبد الله وهو ياشر بصبوع ايديه: 2 امايه
ام عبد الله وهى تعدل برقعها: وشو يفزعنا لين العين
عبد الله: يفزعج غناتي غلا ولدج
ام عبد الله:لا اله الا الله جانك بتفزعني العين
عبد الله: قلبي يا امايه تولع باهل العين عاد انا شو ذنبي اباها والله
ام عبد الله لفت صوب طحنون وقالت: تصوخ اخوك شو يقول
طحنون: صدقه يا امايه قلبه متولع شو يسوي يباها يا امايه ولا تبونه ييسوي شي ما يرضيكم
ام عبد الله: انته بعد قطعها ارمسه وصخ سادني اخوكـــ ترد انته وتقولى متصاوب بعد
مجتوم اللى كان نازل من دري ضحك على امه وقال: بلاج يا امايه
ام عبد الله: تعال سمع اخوكــ يبا وحده ما نعرفها من هيه
ابو عبد الله: بتخبرج محد اخير عن حد كلنا عيال ادم وحواء والله ان ما يوزتى عبد الله البنت اللي يباها حرام ما ياخذ من بنات اختج
عبد الله نطر حوايبه لخوانه وقال: احم فديت ابو عبد الله دامه ويايه خلاص بعد شو
ام عبد الله: بنشوفها عقولة المثل بنحضر دبا وبنشوف مقيضه
عبد الله: انتي مب بس بتحضرين دبا بتحضرين كل شي حلو وخضر في دنيا
ام عبد الله: بنشوف
مجتوم يغايض عبد الله: صدقها امايه بنحضر دبا وبنشوف مقيضها وحرام ان ما طلعت حلوه يمرغك بها العصا لين تقول اميييين وغمز لعبد الله
ضحك عبد الله وقال: فالكـــ طيب
مجتوم: اقول عبد الله ما عندها اخوات
عبد الله: عندها والله وحده بس فاتتكـــ املجت البارحه
ام عبد الله: تصوخوا انته بعد لا يكون تبا من العين
مجتووم: مقيولة امايه العين دار الزين لازم فيها غرااشيب
طحنون: هيه والا اقول مجتوم شو رايك ندور على بنات عمومها ولا خوالها اكيد غراشيب
عبد الله ضحك وقال: والله يلا بنستوي نسايب
ام عبد الله: شكلكم كلكم بتناسبونهم
عبد الله:والله يا امايه لو تشوفينها ما بتنزلين عينج عنها دقيقه مررره
ام عبد الله: ليش حليمه بولند
عبد الله: تهبي الا هي توصل عند جمال دندونه
طحنون: دام اسمها دندونه اشهد انها غرشوبة زمانها
مجتوم:تعال عبد الله بقول لكـــ شي ما عندهآآآ بنت عم غرشوبة اخذ انا وحده منهن
هنادي يايه من دوام:من هاي اللى عندها بنت عم غرشوبة
عبد الله: هنادي سكتي دخيلج شويه هاه امايه اليوم الخطبة رسميه كلنا بنسير رياييلنا وحريمنا
ام عبد الله وهى تعدل برقعها: انزين الا بو عبد الله بغيت اتخبركــ انته تعرفهم زين
عبد الله: هيييييييييييه يعرفهم
ام عبد الله: جنى سالت ابوكـ
ابو عبد الله: عل بيوز ولدي من عرب ما عرفهم هيه سالنا عنهم وفوق هذا ماشاء الله كل واحد يشتغل في مكان له رتبته وله مكانته الاجتماعية ولهم صيت في هالبلد الطيب
ام عبد الله: خلاص عيل على المغرب نحن عندهم دق للعرب وقول لهم
بو عبد الله ان شاء الله
وبعد مروووور الوقت ويا وقت المغرب يوا الحريم بيت قوم بومحمد ومحمد وحياب في الميلس عند ريايييل وكل شباب العايلة موجودين الا عمر وذياب اللي مروحين صوب واحد من ربعهم مسوي حادث ..
عند الحريم كانت ام عبد الله وااايد مرتاححه من اختيار عبد الله وهنادي بنتها بعد استانست على اختيار اخوها
هنادي ترمس عليا: اقول فديتج
عليا: لبيه
هنادي: انتى اختها
عليا: لا عنى هبلاج انا بنت عمها
هنادي وهى تاشر على ساره: وذيج
عليا: هاي بنت عموه
هنادي: اها الا بسالج مخطوبه؟؟
عليا: من ساره
هنادي: من ساره
عليا اشرت على ساروه
هنادي بابتسامه: لا فديتج انا اطريج انتى
عليا ارتبكت وقالت والله لو يدري سعيد ينحرني ويقولي انا ما قلت لج نملج وياهم ردت ببتسامه:هيه فديتج وملجتيه قريب وتراج معزومه
هنادي: يا بخت من ضواج والله
عليا ابتسمت: تسلمين من ذوقج
يت ساروه وقالت: عليا ممكن شوي اباج
عليا قامت وسارن ورى البيت ويلسن يرمسن
ساروه بضيجه:دقي لعمر خليه ايي يوقف هالمهزلة شو تبيني اشوف عمر يموت ببطء من دون ما سوي شي
عليا: انتى ينيتي
ساروه وهي تمط التلفون:ينيت اذا ابا عمر يحافظ على حبه سمعتيني ولالا
عليا :هدي شوي ساروه ما يصيراللي تسوينه
ساروه وهى تصيح: يصير يا البقره عيل تبيني اشوف عمر يخسر حبه الوحيد
عليا طالع ساروه اللى دق بصبوع مرتجفه لعمر
ساره وهى ترد كانت تصيح فرت تلفون على عليوه
عليوه: لا انا ما بكلمة انتى كلميه
ساروه: هذا اخوج يا البقره ليش ترضين تشوفين حبه الوحيد يروح من ايده وجدام عيونج واقفه مكتفه ايدنج
ساروه حطت سماعه على اذنها وهى تشاهق عدلت صوتها يوم سمعت عمر يرد حاولت تبين لعمر ان صوتها عادي: احم مرحبا عمر
عمر: هلا والله من
ساره: مب مهم انا من المهم الحق دانه خطبتها اليوم عمر تعال مابا حب حياتك يضيع وانته تهوم برى تعال شوف حبيبتك تروح من ايدك تعال وبسك هوامه
عمر يتاكد من الرقم رقم اخته عليوه بس صوت صوتـــ من سكرت ساروه وهى تصيح حضنتها عليوه وهى تقول: بس حبيبتي بس سويتي لي في راسج وقلتى لعمر والله لو وحده غيرج ما تسوي اللي انتى سويتيه
ساروه: لانى احبــــــــــــــــه جي سوييييييييييييييييت ماباه يتعذب ابدا ابدــــــــــــــــا
بس اللى ما يعرفنه غلامتين ان خالد ومحمد كانوا يالسين برى وسمعوا كل شي انقال وخالد فواده يعوره على ساره
محمد : لا اله الا الله تبا صدق خالد الله يعين قلب هالبنت حليلها
خالد: تسالني والله يعينها على قلب عمر لو تسكر من عقب دانوه
محمد: لا حول ولا قوة الا بالله شوف وصلت انها تقول له لو حده غيرها ما بتفتكر في عمر
خالد: ليت الا اعرف ان ساروه في يوم بتحبني والله ياخذها واعوضها عن كل شي بس اللى قاهرنى ميته عليه لدرجة انها ضحت بها شي وشوي سمعوا صوت سياره وراحوا صوب الميلس وكانوا رياييل يتفقون على كل شي بس بو محمد قال: بس نحن ما شاورنا البنت ولا خيرناها بين عبد الله وعمر عشان تخلصون الحيه من الحينه
عمر: ولا تشاورها عمي انا اللى انطعن في ظهريه شو هالرمسه عرب ما تعرفونهم بتيوزونهم وانا اللى تربية ايديكـــ ورابي ويا عيالكـــ ما تباني لبنتكـــ
محمد: ما عاش يا ولد العم من يردكــ جانك تباها واصله لكــ بثيابها اللى عليها
بو محمد: محمد دامنى حي محد له حايه يرمس في خواتكــ عمر ابويه انته على العين والراس لكن انا بشاور دانوه وبخيرها بينكم
عمر: وانته يا عمي مالكـ شور على بناتكــ عمى يوم طلبتوا منا مارديناكم يوزناكم لكن يوم نطلب منكم ما تيوزونا
بو محمد: لا حشى يا بويه ما قلنا جيه وروضه من سنين لذياب بني الحينه ونحن نقول لا يا غير انا بشاورها وانا اختارتكــ تراها خير والحمد لله وان ما ختارتكــ ترا شو نقول نصيب
عمر تنهد ويلس وقال: افففففففف يا عمى حرام عليكــ
خالد منقهر من حركة عمر ما فكر بقلب هالمسكينه اللى ماتت صايح وهى تبا تخبره تنهد خالد بضيجه وقال: عمر ترا نصيبكـــ ما تعرفه وين خلها على ربكــ
عمر تنهد وطالعه ويلس على الكرسي يطالعهم وقال لعبد الله: انته شدراكــ ان دانه موافقه
عبد الله: اكييييييييييييييييييييييي ييد بتوافق لانى احبها
عمر منقهر وقال مجامله: هيه صح حتى انا احبها ما شاء الله عليكـــ
عبد الله عقد حياته وقال: نحن بنشوف وشوه رايها ليش مستعيلين
خالد قام ومسك عمر : ممكن شويه
عمر: خالد تعبان مارووم
خالد: تعال شويه بس
ظهر عمر و هو يتاافف وقال بعد ما ظهروا : ها بو وليييييييييد شو عندكــ
خالد: عمر عنى هبلاك وغلات ابويه في قلبكــ وغلات دانه اللى تحبها سر توضى وصل ركعتين استخاره وصدقني اذا فيها خيره والله ما تكون الا لك واذا كانت ما فيها ذرة خير والله بعدها عنكــ عرف انها خيرتكــ في دنيا ونصيبكــ مب هي وحده اخير عنها ان شاء الله
عمر هدى شويه وقال: صدـــقكــ محد بيرشدني للخير غير ربي
خالد ابتسم وهو يقول: وعسى الخير في دربكــ يا الغالى
ابتسم عمر وطلع ركب سيارته وسار البيت
داخل البيت
هنادي من صبح عينها على يزوي وشما وتشوفهن كيف حرجات ويعاونن الحريم في شل والحط وما ييلسن وطالعهن وتبتسم شافت ساروه وعليوه توهن حادرات وشافت حصه هنادي تقول لعليا: اقول عليا
عليا بضيجه على حال ساروه : هلا آمري
هنادي: من اللي لابسه برتقالي
عليا: اليازي اختى
هنادي: والعنابي
عليا: شموه
هنادي: ما شاء الله عليهن مخطووبات
عليا ضحكة وقالت: مالجات
هنادي انحرجت كل ما تسال عن حد طلعت خالصه حيتها : وذيج اللي لابسه وردي
عليا: حصه لا مب مخطوبه
هنادي ضحكة وقالت: ههههههههههه لا عاد هالمره ما كنت بسالج اذا مخطوبه ولالا كنت بسالج عندها خوات
عليا: هيه هند اللي لابسه اصفر وريم اللي لابسه تركوازي
هنادي وهى تاشر على ميثا: وذيج
عليا: ذيج ميثا بنت عمتيه اللي لابسه بني محروق
هنادي: كم عمرها
عليا في خاطرها وينكــ يا علي بيخطبون حرمتكــ بس قالت بتسوي فيه مقلب اتصلت عليه وحطته عدالها في نفس لحظه اللى رد علي قالت عليا: هلا سمحي لي ما سمعتج
هنادي: اللي لا بسه بني محروق قلتى لي اسمها ميثا صح
عليا: هيه فديتج
هنادي: كم عمرها
عليا: 22 سنه
هنادي: ما شاء الله عليها مخطوبه
عليا : صبري فديتج الحين بتاكد بس اذا مخطوبه ولالا اشرت عليا على ميثا اللي يات صوبهن وقالت: هلا
عليا مسكت ايد ميثا وما شافت دبله قالت: لا شكلها لا
هنادي ابتسمت وقالت ميثا : شو اللى لا
هنادي: لا فديتج كنت اسال اذا انتى مخطوبه بس الحمد لله طلعتى مب مخطوبه واخير لقيت لخويه وحده غاويه
نقعت عليوه ضحك وميثا انحرجت وقالت: انا مالجه والله مالجه دبلتيه وين عليوه
عليوه: وانا شدراني دبلج وين شكلج مب مالجه تقصين على الحرمه
ميثوه: والله عليوه اخبر اخوج قالت ميثا بعصبيه: والله اختى انا مالجه واللى مالج عليه اخوها بس هي تستهبل
هنادي ضحكة وقالت: بلااااااااااااااج انتي احرجتيني
عليوه قالت: وانتى بلااااااااااااااج الله يهديج طيحين على المعرساااااااااات ولا المخطوبات
هنادي: ما شاءالله عليكن كل وحده احلى عن ثانيه زادنه عبد الله محتشر ما يبا الا دانه ثره الجمال منكن وفيكن
عليوه : فديتج والله حتى انتى مزيونه
هنادي ضحكة وقالت: انزين ام البنفسجي من
عليوه: ههههههههههههههههههههههههه هه ساروه
هنادي: بذبحج ان قلتى مخطوبه
عليوه: لا معرسه وتحتها 4 قولي ما شاء الله خخخخخخخخخ
هنادي منصدمه: تمزحين
عليوه ضحكة ودمعة عيونها من ضحك:اسولف وياااااج والله لا والله هب مخطوبه يلا عاد وبليها من عندج
هنادي ضحكة وقالت: والله مجتوم يناسب لها هههههههههههههههه
عليوه: والله الا اخوج عاد مايندرى به يباها ولالا لا تحطمون بنتنا
هنادى :ههههههههههههههههههههههه والله دمج عسل
عليوه: هههههههههههههههههههههه صدق
هنادي: عنلاتج جنج تطنز ين
عليوه: جني يا يوج اطنز
هنادي:كم عمرها
عليوه: كبري داشين ثانويه عامه
هنادي: صدق انتوا ما شاء الله عيال عمومتكم يحرونكم صح
عليوه: مخلوط عمومتيه وعمومي عااادي
هنادي: شي طيب والله
عليوه: امممم لاحظت
ساروه كانت تحس بدوخه فضيعه في راسها وضببن عيونها فجاه وتغمض عيونها وتفجهن وترد تغمضهن وتفجهن وغمضت عيونها حطت راسها على الكرسي وهى تتنهد وتقول في خاطرها اه يا عمر عشانكـــ والله دموعي استون سيــــــــــــــل متى بس تحس فيني الله يسعدكــ ويهنيكـــ..
يت موزه ويلست عدالها: ساروني قومي جانج تعبانه
ساروه: موزه احس بدوخه وعيوني مضببات ما شوف بوضوح
موزه بخوف: بسم الله عليج قومي بنسير فوق وطي راسج شويه
ساروه: لا ابا اروح البيت
موزه وهي طلع فونها: قومي يلا بتصل بسالم ايي يشلنا ولا غانم
ساروه : اول تصلي وخلاف بثور ماروم اوقف
موزه اتصلت بغانم اللى كان مقهور من سالفة الخطبه هو ما يبا عمر يتعذب نفس ما هو تعذب بحب يزوي تنهد ورد:هلاا
موزه: غانم ساروه تعبانه شغل سيارتك برد البيت
غانم: يلا عيل ظهرن خاري
موزه: ان شاء الله
سكر غانم ونش وظهر من الميلس لحقه خالد
خالد: خير عسى ما شر ليش ظهرت
غانم تنهد وقال: ساره تعبانه
خالد بخوف: شفيها
غانم: مادري والله هالبنت استوت ما تاكل زين ولا في بالها شي ابدا الله يعينا عليها يا بوكـ
خالد: الله كريم
ظهرت موزه وساروه وسارن صوب سياره ساره تاجت علىسياره لين ما ايي غانم يا غانم وبطل الباب لهن وحدرن ركبن سياره ساروه عقت عمرها على سيت الوراني وانسدحت وموزه راكبه جدام عند غانم كل شوي يتنهد ويصد يطالع اخته
موزه: هممم بلاكـــ فديتكـ
غانم: احاتي ساروه هالانسانه هب طبيعيه قل اكلها وقل كل شي فيها حتى بين انها ضعفت
موزه تنهدت بخوف: والله يا غانم تبا الصدق البنت مادري بلاها شو مستوي بها
غانم: اكيد عين ما صلت على النبي
موزه: عليه الصلاة والسلام
غانم وصل البيت وشاف اخته راقده حول من سيارته وشلها بين ايديه وهو يقرى عليها خايف عليها وحطها في حجرتها وسدحها على شبريه وشغل المكيف وبند الستارة والليت وظهر خاري وهو خايف على اخته شو سالفتها وشو بلاها لا اله الا الله استغفر ربه وظهر خاري
موزه عقب ما بدلت ملابسها يلست في صالة الفوقيه تاكل مكسرات وطالع التلفزيون : هاه غانم شو صار
غانم: مادري والله هالبنت هب طبيعيه وشوي يوا الكل ميثا وسالم وسعيد والكل واحد راح حجرته يريح
عند عمـــــــــــــــــــــر شوقكـ يا عمريتصل بك شو قكـ يا عمر شوقكـ شوقكــ انزين عاد من هاي وانا بلانى افكر بلاها اهم شي الحين دندونه انا بين نارين نار حبي لدانوه ونار خوفي من موافقتها على عبد الله اليوم عقب ما استوى رسمي بين الحريم واهم شي انهم بيخيرونها وجانه وافقت عليه ظفر فيها ولد السفير وجانها رفضته ظفرت بحبي الكبير لها اففففففففف ليش نحن مستوي بينا علامة اكس يعنى يا انا يا هو نحن غلطنا يوم فجينا لها راسها وقلنا لها سافري ليت عمي ما طاع يخليها تسافر بس عاد مستمدحين اول بنت في العايله تيها بعثها قلنا لها سيري هذا
يتتتتتبع
|