ﺍﻟﺒﺎﺭﺕ ﺍﻟﻌﺸﺮﻭﻥ
ﺭﻭﺍﻳﺔ ... ﺟﻮﻟﻴﻴﺖ ﻭﺍﺳﺮﻫﺎ ... ﻏﻴﺎﻫﺐ ﺍﻹﻧﺘﻘﺎﻡ
ﺑﻘﻠﻤﻲ ... ﻧﻮﺭ ﺳﻤﻮ ﺍﻟﻌﺮﺍﻕ
💔💔💔💔💔💔💔💔💔💔
ﻙ
ﺳﺮﺍ ﻓﻲ ﺃﺿﻠﻌﻲ ﻭﺍﺣﺪ ﺗﻠﻮ ﺍﻵﺧﺮ .. ﺿﻮﺿﺎﺀ ﺗﺮﺗﺞ ﻓﻲ ﺩﺍﺧﻠﻲ ﺗﻜﺴﺮ ﺛﻨﺎﻳﺎ ﻗﻠﺒﻲ .. ﻻ ﺃﻋﻠﻢ ﻫﻞ ﺃﻥ ﺍﻟﺰﻣﺎﻥ ﻟﻢ ﻳﺮﺣﻤﻨﻲ؟؟ ! ﺃﻡ ﺃﻧﻪ ﻗﺪﺭﻱ .. ﺇﻧﻨﻲ ﻻﺍﺭﻯ ﻣﻼﻣﺤﻲ .. ﻭﻻ ﻟﺬﻩ ﻓﻲ ﻋﻴﻨﻲ . ﻭﻻ ﺍﻟﺒﻘﺎﺀ ﻓﻲ ﺩﻧﻴﺘﻲ . ﻭﻣﺎﻟﺠﺮﻡ ﻓﻲ ﺣﻘﻲ؟؟
ﺑﻘﻠﻢ ﺍﻟﻤﺘﺎﺑﻌﻪ ﺍﻟﻤﺒﺪﻋﻪ .. ammar123ammar
...........................
ﺗﺮﺍﺩﻋﺖ ﺍﻟﻤﺸﺎﻋﺮ ﺩﺍﺧﻞ ﻗﻠﺒﻲ ﺍﺣﺴﺎﺱ ﻣﺆﻟﻢ ﻣﻦ ﺗﺸﻮﻓﻴﻴﻦ ﻗﻄﻌﻪ ﻣﻦ ﻛﻠﺒﺞ ﻳﻌﺎﻧﻲ ﻭﻳﺘﻌﺬﺏ ... ﺍﺗﻌﺬﺏ ﺍﻟﻌﺬﺍﺑﺔ
ﺍﻧﻲ ﻓﺎﻗﺪﻩ ﺭﺍﺣﺔ ﮔﻠﺒﻲ ﺷﻠﻮﻥ ﺍﻗﺪﻡ ﺍﻟﺮﺍﺣﻪ ﻟﮕﻠﺐ ﺍﺑﻨﻲ
ﺍﺣﺴﺎﺱ ﻣﺆﻟﻢ ﻣﻦ ﺗﺸﻮﻓﻴﻦ ﻧﻔﺴﺞ ﻏﺎﺭﻗﻪ ﺑﺎﻟﻤﺸﺎﻛﻞ ﻭﻣﺘﻠﻜﻴﻦ ﺍﺣﺪ ﻳﺴﺎﻧﺪﺝ
ﻛﻞ ﺍﻟﻤﺸﺎﻛﻞ ﻭﺍﻻﺭﻫﺎﻗﺎﺕ ﻭﺍﻟﻘﺴﺎﻭﺓ ﺍﻟﻲ ﺷﻔﺘﻬﺎ ﻣﻨﻪ ﺗﻬﻮﻭﻭﻭﻥ ﺑﺲ ﺍﺑﻨﻲ ﻣﺎ ﻳﻬﻮﻭﻭﻭﻥ
ﺩﻣﻌﺖ ﻋﻴﻨﻲ ﺑﻌﺪﻡ ﺗﺼﺪﻳﻖ ﻭﻫﺰﻳﺖ ﺭﺍﺳﻲ ﺑﻨﻔﻲ .... ﻻﺍﺍﺍﺍﺍ ﺟﺬﺏ ﺍﺑﻨﻲ ﻣﻮ ﻣﺮﻳﺾ ﺍﻧﺖ ﺗﺮﻳﺪ ﺗﺤﺮﻙ ﻛﻠﺒﻲ ﻋﻠﻴﻪ ﺗﺮﻳﺪ ﺗﻌﺬﺑﻨﻲ ﻻﻥ ﺗﻜﺮﻫﻨﻲ ...
ﺗﺠﺎﻫﻞ ﻛﻼﻣﻪ ﻭﺭﺟﻊ ﺑﺎﺳﻪ ﺑﺼﺪﺭﻩ ﺟﺮ ﻧﻔﺲ ﻭﻛﺎﻝ ... ﻣﻮ ﻟﻬﻠﺪﺭﺟﻪ ﺣﻘﻴﺮ ﺣﺘﺊ ﺍﻓﺎﻭﻝ ﻋﻠﺊ ﺍﺑﻨﻲ ﻣﺠﺘﺒﺊ ﻋﻨﺪﻩ ﻓﺘﺤﻪ ﺑﺎﻟﻘﻠﺐ ﻭﺭﺧﺎﻭﺓ ﺑﺎﻻﻋﺼﺎﺏ .... ﻭﻻﺯﻡ ﻳﺘﻌﺎﻟﺞ
ﺣﻄﻴﺖ ﺍﻳﺪﻱ ﻋﻠﺊ ﺻﺪﺭﻱ ﺑﻨﺤﻴﺐ .... ﻻﺍﺍﺍ ﻳﻤﻪ ﻻﺍﺍﺍ ﻳﻤﻪ ﻣﺠﺘﺒﺊ ﻻﺍﺍﺍﺍ ﺍﺑﻨﻲ ﻣﺎ ﺑﻲ ﺷﺊ ﻻ ﺗﻜﺴﺮﻧﻲ ﻳﻤﻤﻤﻪ ﻣﺎﻟﻲ ﻏﻴﺮﻛﻢ ﻭﺍﻟﻠﻪ ...
ﺍﺧﺬﺗﻪ ﻣﻦ ﺍﻳﺪﻱ ﻭﺍﻧﻲ ﺍﺑﺠﻲ ﺑﺼﻮﺕ ﻋﺎﻟﻲ ... ﻳﻤﻪ ﺍﺑﻨﻲ،ﻳﻤﻪ ﻳﺎ ﺿﻨﺎﻱ ﻣﺘﺖ ﻭﺍﻟﻠﻪ ﻣﺘﺖ ﻣﻦ ﺍﻟﻮﺟﻊ ﻣﻦ ﺟﺒﺘﻚ ﻣﺜﻞ ﺳﻜﺮﺓ ﻣﻮﻭﻭﺕ ﻭﻻﺩﺗﻚ ﻳﻤﻤﻤﻪ ...
ﺗﻘﺮﺏ ﻣﻨﻲ ﺟﺎﺳﺮ ﻭﺟﺮ ﻧﻔﺲ ﻛﺎﻝ ... ﻻﺯﻡ ﺍﻋﺎﻟﺠﻪ ﺍﻥ ﺷﺎﺀ ﺍﻟﻠﻪ ﺧﻴﻴﺮ ...
ﻛﻌﺪﺕ ﻋﻠﺊ ﺍﻻﺭﺽ ﻭﺣﻀﻨﺖ ﻣﺠﺘﺒﺊ ﺩﻓﻨﺖ ﻭﺟﻬﻬﻲ ﺑﺼﺪﺭﻩ ﻭﺑﺠﻴﺖ ﺑﻘﻠﺐ ﻣﺤﺮﻭﻕ
ﻭﺍﺷﻜﻲ ﺍﻻﺑﻨﻲ ﺍﻟﻤﺮﻳﺾ ﻭﻫﻮ ﻫﺎﺩﺉ ﻭﺍﻧﺎﺷﻎ ... ﻳﻤﻤﻤﻪ ﻣﺮﻳﺾ ﻳﻤﻪ ﺳﻮﺩﻩ ﺑﻮﺟﻬﻲ ﺍﻟﻤﺮﺽ ﺍﻻﻣﻚ ﻳﻌﻤﺮﻱ ﺍﻧﺘﻲ ﺣﺒﻴﺒﻲ ﻳﻤﻤﻤﻪ ﻛﻠﺒﻚ ﺗﻌﺒﺎﻥ
ﻫﻮ ﺍﺧﺬ ﺍﻟﻄﻔﻞ ﻣﻨﻲ ﻭﺭﺟﻌﻪ ﺍﻟﻜﺎﺭﻭﻛﻪ ....
ﺿﺮﺑﺖ ﻋﻠﺊ ﺻﺪﺭﻱ ﺑﻨﺤﻴﺐ ... ﻛﻠﻪ ﺑﺴﺒﺒﻲ ﺍﻧﻲ ﺍﻟﺴﺒﺐ ﺍﻧﻲ ﺍﻟﺤﻘﻴﺮﺓ ﺍﻧﻲ ﻳﻤﻤﻤﻪ
ﺗﻌﺐ ﮔﻠﺒﻚ ﻣﻦ ﻭﺭﺍﻱ ﻳﻤﻪ ﻣﺎ ﺩﺭﺕ ﻧﻔﺴﻲ ﻋﻠﻲ ﺭﻭﺣﻲ ﻳﻤﻤﻤﻪ ﺧﻠﺼﺘﻬﺎ ﺿﻴﻢ ﺑﻀﻴﻢ ﻣﺎ ﻃﺎﺣﺖ ﺑﮕﻠﺒﻲ ﻃﺎﺣﺖ ﺑﮕﻠﺒﻚ ﻣﻦ ﺳﻮﺩﻩ ﻋﻠﻴﻪ ﻳﻤﻤﻤﻪ ﻳﻌﻤﺮﻱ ...
ﺩﻧﮓ ﻋﻠﻴﻪ ﺳﺤﺒﻨﻲ ﻭﮔﻔﻨﻲ ﺻﺮﺕ ﻣﻘﺎﺑﻴﻠﻪ ﻭﺍﻧﻲ ﺍﻣﺴﺢ ﺩﻣﻮﻋﻲ ﻭﺍﺑﺠﻲ ..
ﺗﻨﻬﺪ ﺑﺼﻮﺕ ﺧﺎﻓﺖ ... ﺍﻟﺪﻛﺘﻮﺭ ﻃﻤﻨﻲ ﻛﺎﻝ ﻋﻨﺪﻩ ﻓﺘﺤﻪ ﺑﺎﻟﻘﻠﺐ ﻭﺭﺧﺎﻭﻩ ﺑﺎﻻﻋﺼﺎﺏ ﻧﻨﻄﻲ ﻋﻼﺝ ﺍﺫﺍ ﻣﺎ ﺗﻨﺴﺪ ﺍﻥ ﺷﺎﺀ ﺍﻟﻠﻪ ﺍﺳﻮﻳﻠﻪ ﻋﻤﻠﻴﺔ ....
ﻭﺍﻟﺮﺧﺎﻭﻩ ﻛﺎﻝ ... ﺍﺫﺍ ﺿﻞ ﺑﺪﻭﻥ ﻋﻼﺝ ﻳﻜﻮﻥ ﻣﺜﻞ ﺣﺎﻟﺔ ﺍﺑﻮﻭﻭﺝ ﻳﻌﻨﻲ ﻳﻤﺸﻲ ﻋﻠﺊ ﺍﻃﺮﺍﻑ ﺍﺻﺎﺑﻌﻪ ...
ﻓﺘﺤﺖ ﻋﻴﻮﻧﻲ ﻣﺼﺪﻭﻣﻪ ... ﻳﻌﻨﻲ ﻣﺠﺘﺒﺊ ﺣﻴﻜﻮﻥ ﻣﺜﻞ ﺑﺎﺑﺎ
ﺟﺮ ﻧﻔﺲ ﺑﺠﻤﻮﺩ ... ﺍﺑﻮﺝ ﻣﺎ ﺗﻌﺎﻟﺞ ﻓﻀﻞ ﻫﻴﺞ ﻭﻣﻦ ﻛﺒﺮ ﻋﻼﺟﻪ ﺻﺎﺭ ﺻﻌﺐ ﺗﻌﺮﻓﻴﻦ ﻗﺒﻞ ﺟﺎﻧﺖ ﺍﻟﻌﺎﻟﻢ ﻣﻬﻤﻠﻪ ﻭﺍﻟﻄﺐ ﺗﻄﻮﺭ ﻫﺴﻪ ﻓﺄﻛﻴﺪ ﻳﺘﻌﺎﻟﺞ ﻳﻌﻨﻲ ﻳﻨﺮﺍﺩ ﺍﻟﻪ ﻋﻼﺝ ﻭﻫﻢ ﻻﺯﻡ ﻛﻮﺭﺱ ﻟﻠﻤﻔﺎﺻﻞ ﺍﻓﺘﻬﻤﺘﻲ ...
ﺑﻠﻌﺖ ﺭﻳﻜﻲ ﺑﺪﻣﻮﻉ ﺣﺎﻳﺮﺓ ... ﻳﻌﻨﻲ ﻳﺼﻴﺮ ﺯﻳﻦ ﻭﻳﻤﺸﻲ ﻃﺒﻴﻌﻲ ﺯﻳﻦ ﻭﮔﻠﺒﻪ ﺷﻠﻮﻥ
ﺗﻘﺮﺏ ﻣﻨﻲ ﻭﻣﺴﺢ ﺩﻣﻮﻋﻲ ... ﻳﺼﻴﺮ ﺯﻳﻴﻴﻦ ...
ﺟﺮ ﻧﻔﺲ ﻭﻛﻤﻞ ﺑﻐﻤﻮﺽ ... ﺍﻧﻲ ﺟﻨﺖ ﺣﺎﻗﺪ ﻋﻠﺊ ﻧﻔﺴﻲ ﻳﺲ ﻣﻦ ﺷﻔﺖ ﻣﺮﺗﻀﺊ،ﻭﻣﺠﺘﺒﺊ ... ﻭﻋﺮﻓﺖ ﻣﺠﺘﺒﺊ ﻣﺮﻳﺾ ﺍﺣﺲ ﺭﺟﻌﺘﻠﻲ ﻣﺄﺳﺎﺓ ﻏﺰﻭﻟﻪ ﺷﻔﺖ ﺑﻴﻬﻢ ﻏﺰﻝ ...
ﺍﻧﺘﻲ ﺍﻣﻬﻢ ﻭﺍﻛﻴﺪ ﻣﺎﻛﻮ ﺍﺣﻦ ﻣﻨﺞ ﻋﻠﻴﻬﻢ ﻟﻬﺬﺍ ﺍﻟﺴﺒﺐ ﺍﻧﻲ ﻏﻴﺮﺕ ﺭﺃﻳﻲ ﻭﺧﻠﻴﺘﺞ ﻭﻳﺎﻫﻢ ....
ﺑﻠﻌﺖ ﺭﻳﻜﻲ ﻭﻣﺴﺤﺖ ﺩﻣﻌﺘﻲ ﺑﻄﺮﻑ ﺍﺻﺒﻌﻲ ... ﻳﻌﻨﻲ ﻣﺮﺍﺡ ﺗﻄﻠﻜﻨﻲ ﻳﻌﻨﻲ ﻧﺴﻴﺖ ﺛﺎﺭﻙ ﺭﺍﺡ ﻧﻌﻴﺶ ﺑﺄﻣﺎﻥ
ﺭﺩ ﺑﻘﺴﻮﺓ ... ﺍﻣﻮﺕ ﻭﻣﺎ ﺍﻧﺴﺊ ﺛﺎﺭﻱ ﻭﻋﺎﺻﻢ ﺍﻧﻲ ﻛﺘﺎﻟﻪ ﻭﺍﻛﺘﻠﻪ ﻟﻮ ﻳﻀﻞ ﻳﻮﻡ ﺑﻌﻤﺮﻱ ....
ﺑﺲ ﺍﻧﻲ ﺟﻨﺖ ﻣﻘﺮﺭﺝ ﻭﺍﺧﺬ ﺍﻟﻄﻔﻞ ... ﺣﺘﺊ ﺟﻨﺖ ﻧﺎﻭﻱ ﻣﺎ ﺍﺗﻘﺮﺏ ﻣﻨﻪ ...
ﺑﺲ ﻣﻦ ﺗﺨﺮﺑﻄﺘﻲ ﻭﺍﺧﺬﺗﻲ ﺳﻮﻧﺎﺭ ﻃﻠﻌﺘﻲ ﺣﺎﻣﻞ ﺑﺘﻮﻡ ﺣﺠﺘﻠﻲ ﺭﺿﻴﻪ ﻭﺍﺣﺪ ﻣﻦ ﺍﻻﻃﻔﺎﻝ ﺣﺎﻟﺘﻪ ﺗﻌﺒﺎﻧﻪ ..
ﺑﻴﻮﻣﻬﺎ ﻋﺸﺖ ﺑﺤﻴﺮﻩ ﺑﻴﻦ ﻗﻠﺒﻲ،ﻭﺑﻴﻦ ﻋﻘﻠﻲ ﺍﺛﺎﺭ ﻋﺎﻃﻔﺘﻲ ﻣﺠﺘﺒﺊ ﺍﻛﺜﺮ ﻣﻦ ﻣﺮﺗﻀﺊ ﻻﻥ ﻣﺮﻳﺾ
ﻗﺮﺭﺕ ﻻ ﺍﻧﻄﻴﻬﻢ ﻭﻻ ﺍﻃﻠﻜﺞ ﻟﺨﺎﻃﺮﻫﻢ ﻻ ﺍﻟﺨﺎﻃﺮﺝ ﻭﻻ ﺍﻟﺨﺎﻃﺮ ﻧﻔﺴﻲ ....
ﺍﻧﺘﻲ ﺍﻣﻬﻢ ﺗﺮﺑﻴﻨﻬﻢ ﻭﺗﻌﻴﺸﻴﻦ ﻣﻌﺰﺯﻩ ﻣﻜﺮﻣﻪ ﻫﻨﺎ ﻻ ﺍﻃﺎﻟﺒﺞ ﻣﺜﻞ ﻗﺒﻞ ﺗﺴﻠﻤﻴﻦ ﺍﺧﻮﻭﺝ ﻭﻻ ﺍﻃﺎﻟﺒﺞ ﺑﺤﻘﻮﻕ ﺯﻭﺟﻴﺔ ...
ﺍﻧﻲ ﻫﻨﺎ ﺍﺻﺮﻑ ﻋﻠﻴﺞ ﻭﻋﻠﺊ ﺍﻃﻔﺎﻟﻲ ﻭﻛﻞ ﺷﺊ ﺍﻧﻲ ﺍﻭﻓﺮﻩ ﺍﻟﻜﻢ ﻭﻣﺎ ﺍﻗﺼﺮ ﺑﺄﻱ ﺷﺊ ﻋﺎﻳﻞ ﻭﻳﺎﺝ
ﻓﺘﺤﺖ ﻋﻴﻮﻧﻲ ﺑﻔﺮﺣﻪ ﻣﻤﺼﺪﻛﻪ ﻛﻼﻣﻪ ﻛﻤﺰﺕ ﻋﻠﻴﻪ ﻭﺣﻀﻨﺘﻪ ﻭﺣﻄﻴﺖ ﺍﻳﺪﻱ ﻋﻠﺊ ﺭﻗﺒﺘﻪ ﻭﺭﺍﺳﻲ ﻋﻠﺊ ﺻﺪﺭﻩ ﻫﻤﺴﺖ .... ﺷﻜﺮﺍ ﺷﻜﺮﺍ ﻭﺍﻟﻠﻪ ﻣﻤﺼﺪﻛﻪ ﻛﻮﻭﻝ ﺣﻘﻴﻘﻴﻪ ﻣﻮ ﺣﻠﻢ
ﺑﻌﺪﻧﻲ ﻋﻨﻪ ﺑﻬﺪﻭﺀ ﻭﻛﻤﻞ ﺑﻐﻤﻮﺽ .... ﺑﺲ ﻋﻨﺪﻱ ﺷﺮﻁ ﻭﻫﻞ ﺷﺮﻁ ﻣﻦ ﺣﻘﻲ ﻣﻦ ﺣﻖ ﺍﻃﻔﺎﻟﻲ
ﻫﻤﺴﺖ ﺑﺮﻣﺸﺎﺕ ﻣﺘﺘﺎﻟﻴﻪ .... ﺷﻨﻮﻭﻭﻭﻭ؟
ﺩﺍﺭ ﻭﺟﻬﻪ ﻭﺳﺤﺐ ﻣﻦ ﺑﺎﻛﻴﺘﻪ ﺟﻜﺎﺭﻩ ﻭﺭﺛﻬﺎ ﻭﻋﺾ ﺷﻔﺘﻪ ﺑﺘﻨﻬﻴﺪﻩ .... ﺗﺘﺒﺮﻳﻦ ﻣﻦ ﺣﺎﺯﻡ ﻭﻋﺎﺻﻢ
ﻛﻤﻞ ﺑﺠﻤﻮﺩ ... ﺗﻨﺴﻴﻦ ﻋﻨﺪﺝ ﺍﺧﻮﻭﻭﻭﺍﻥ ﺍﺫﺍ ﺣﺎﺑﻪ ﺗﻌﻴﺸﻴﻦ ﺗﻨﺴﻴﻬﻢ ﺍﻧﻲ ﻣﻐﻠﻄﺎﻥ ﻭﻳﺎﺝ ﻣﻮ ﺻﺢ
ﺳﻜﺘﺖ ﻣﺠﺎﻭﺑﺘﻪ ﺑﺲ ﻭﺍﻟﻠﻪ ﺍﺣﺲ ﺑﻨﺎﺭ ﺑﺼﺪﺭﻱ ﺗﺮﺉ ﻳﻀﻠﻮﻥ ﺍﺧﻮﺍﻧﻲ ﻣﻬﻤﺎ ﻳﻜﻮﻥ ...
ﻧﻔﺦ ﺍﻟﺪﺧﺎﻥ ﺑﻤﻠﻞ ... ﻫﺎﺍﺍﺍ ﻻ ﺗﺨﻠﻴﻨﻲ ﻣﻜﺎﻟﻤﺔ ﻓﺎﺋﺘﺔ ﺍﺣﺠﻲ ﺷﻨﻮ ﻗﺮﺭﺗﻲ
ﺗﻨﻬﺪﺕ ﺑﻀﻴﻖ ... ﻳﻌﻨﻲ ﺷﻨﻮ ﺍﺣﺠﻲ ﺍﺻﻼ ﺍﻧﻲ ﻛﺎﻋﺪﻩ ﻋﻨﺪﻙ ﻭﻣﺎ ﺍﻋﺮﻑ ﻭﻳﻦ ﺍﺭﻭﺡ ﻗﺎﺑﻞ ﺷﺴﻮﻱ ...
ﺟﺎﺳﺮ ... ﺍﻟﻘﺼﺪ ﺷﻨﻮﻭﻭ؟
ﺟﻮﻟﻴﻴﺖ ﺑﺄﻟﻢ ... ﺍﻟﻘﺺ ﻣﺜﻞ ﻣﺘﺮﻳﺪ ﻭﻣﺜﻞ ﻣﺘﺤﺐ
ﺑﻠﻞ ﺷﻔﺎﻳﻔﻪ ﺑﺎﻧﺘﺼﺎﺭ ... ﻫﺬﺍ ﺍﻻﺭﻳﺪﻩ ﻭﺍﻥ ﺷﺎﺀ ﺍﻟﻠﻪ ﺑﺎﺟﺮ ﺍﺭﻭﺡ ﺍﺧﺬﻫﻢ ﺛﻨﻴﻨﻬﻢ ﻻﻥ ﺭﺿﻴﻪ ﺩﻛﻮﻝ ﻋﻨﺪﻫﻢ ﺍﺑﻮ ﺻﻔﺎﺭ
ﺗﻘﺮﺑﺖ ﻣﻨﻬﻢ ﻭﺍﻧﻲ ﺍﺑﺎﻭﻋﻠﻬﻢ ﺑﺤﺰﻥ .... ﺍﻱ ﺧﻄﻴﻪ ﻭﺟﻬﻬﻢ ﺍﺻﻔﺮ ﺑﺲ ﺍﺧﺎﻑ ﻋﻠﺊ ﻣﺠﺘﺒﺊ ﻳﺼﻴﺮ ﺑﻲ ﺷﺊ
ﺍﺑﺘﺴﻢ ﻭﻃﻔﺊ ﺍﻟﺠﻜﺎﺭﻩ ... ﺍﻭﻭﻭﻩ ﻧﺴﻴﺖ ﺭﻭﺣﻲ ﺍﻓﺘﺤﻲ ﺍﻟﺒﺎﺏ ﻻ ﻳﺨﺘﻨﻜﻮﻥ ﻣﻦ ﺍﻟﺪﺧﺎﻥ ...
ﺭﺣﺖ ﺑﺴﺮﻋﻪ ﻓﺘﺤﺖ ﺍﻟﺒﺎﺏ ﻭﺍﻟﺸﺒﺎﻙ ﺷﻔﺖ ﻧﻮﺍﻝ ﻻﺯﻣﻪ ﺑﻨﺘﻬﺎ ﺗﺴﺤﺐ ﺑﻴﻬﺎ ﻣﻦ ﺷﺎﻓﺘﻨﻲ ﺟﺎﺑﺘﻬﺎ ﺑﺮﺍﺷﺪﻱ ﺧﻠﺘﻬﺎ ﺗﻌﻴﻴﻂ ...
ﺟﺎﺳﺮ ﻛﺎﻝ ... ﺷﻜﻮﻭﻭ ﻫﺬﺍ ﻣﻨﻮ ﺍﻧﻀﺮﺏ
ﺭﺩﻳﺖ ﺑﻘﻠﻖ ... ﺑﻨﺖ ﻓﻼﺡ ﺿﺮﺑﺘﻬﺎ ﻧﻮﺍﻝ
ﻃﻠﻊ ﻣﻦ ﺍﻟﺒﺎﺏ ﻛﺎﻝ ... ﻟﻴﺶ ﺿﺮﺑﺘﻴﻬﺎ
ﺭﺩﺕ ﺑﻬﺪﻭﺀ ﻭﺍﺑﺘﺴﺎﻣﻪ ﺧﺎﻳﻔﻪ ... ﻫﺎﺍﺍﺍ ﺧﻮﻭﻳﻪ ﻭﻛﺤﻪ ﻣﻮﺗﺘﻨﻲ ﺗﺮﻳﺪ ﺗﻄﻠﻊ ﺑﺎﻟﺸﺎﺭﻉ ﻭﺍﻧﻲ ﺍﺧﺎﻑ ﻋﻠﻴﻬﺎ ..
ﺟﺎﺳﺮ ... ﻛﻢ ﻣﺮﻩ ﻛﻨﺎﻟﺞ ﻻ ﺗﻀﺮﺑﻴﻦ ﺍﻟﺒﻨﺎﺕ ﻻ ﺗﻀﺮﺑﻴﻬﻦ ﺍﻧﺘﻲ ﺷﻨﻮﻭﻭ ﻣﺎﻛﻮ ﻋﻨﺪﺝ ﺿﻤﻴﻴﺮ ﻟﺞ ﻳﺘﻴﻤﺎﺕ ...
ﻧﻮﺍﻝ .. ﻫﻮ ﻣﻨﻮ ﻣﻬﺘﻢ ﺍﻟﻬﻦ ﺍﺷﻮ ﻛﻠﻤﻦ ﺣﺎﻳﺮ ﺑﺮﻭﺣﻪ ﻭﺍﻧﺖ ﻣﺎ ﺻﺪﻛﺖ ﺻﺎﺭ ﻋﻨﺪﻙ ﺗﻮﻡ ﻧﺴﻴﺖ ﺣﺘﺊ ﺛﺄﺭ ﺍﻫﻠﻚ
ﺟﺎﺳﺮ ﺑﺠﻤﻮﺩ .... ﻫﺬﺍ ﺍﻟﺸﺊ ﺭﺍﺟﻊ ﺍﻟﻲ ﺍﻧﺘﻲ ﻣﺎﻟﺞ ﺷﻐﻞ ﻭﻻ ﺗﺘﺠﺎﻭﺯﻳﻦ ﻭﺗﺮﻓﻌﻴﻦ ﺻﻮﺗﺢ ﺍﻧﺘﻲ ﻫﻨﺎ ﻣﺮﻩ ﻏﺮﻳﺒﻪ ﺗﺤﺘﺮﻣﻴﻦ ﻧﻔﺴﺞ ﻭﺗﻜﻌﺪﻳﻦ ﺑﻤﺎ ﻳﺮﺿﻲ ﻟﻠﻪ ...
ﻭﺍﺫﺍ ﻫﺬﺍ ﺍﻟﺸﺊ ﻣﻌﺎﺟﺒﺞ ﻭﺍﺣﻨﻪ ﻣﻘﺼﺮﻳﻦ ﻭﻳﺎﺝ ﺭﻭﺣﻲ ﺍﻻﻫﻠﺞ ﺗﺮﺩﻳﻦ ﺗﺄﺧﺬﻳﻦ ﺍﻟﺒﻨﺎﺕ ﺍﺧﺬﻳﻬﻦ ﻭﻣﺼﺮﻓﻬﻦ ﻳﻮﺻﻠﺞ ...
ﻳﺎﺑﻪ ﻣﻌﺎﺟﺒﺞ ﺍﻟﻠﻪ ﻭﻣﺤﻤﺪ ﻭﻋﻠﻲ ﻭﻳﺎﺝ ...
ﻭﺍﺫﺍ ﺗﻜﻌﺪﻳﻦ ﻫﻨﺎ ﺗﺤﺘﺮﻣﻴﻦ ﻧﻔﺴﺞ ﻭﻻ ﺗﺘﺪﺧﻠﻴﻦ ﺑﻐﻴﺮﺝ ﺣﺘﺊ ﺍﻟﻨﺎﺱ ﺗﺤﺘﺮﻣﺞ ....
ﺭﺩﺕ ﺑﺨﺒﺚ ﻭﺗﺼﻨﻊ ... ﻻ ﺷﻨﻮ ﺍﻟﺴﺎﻟﻔﻪ ﺍﻧﻲ ﺍﺣﺒﻜﻢ ﻭﻣﺎﺷﻴﻪ ﻭﻳﺎﻛﻢ ﻋﻠﺊ ﺣﺐ ﺍﻟﻠﻪ ﻭﺍﻧﻲ ﻣﻨﺘﻈﺮﻩ ﺗﺎﺧﺬ ﺛﺎﺭ ﺍﺑﻮ ﺑﻨﺎﺗﻲ،ﺣﺘﺊ،ﻳﻨﺎﻡ ﻣﺮﺗﺎﺡ ﻭﻣﺎ ﺍﻃﻠﻊ ﻣﻦ ﺑﻴﺘﻜﻢ ﺍﻟﻪ ﺗﺠﻴﺒﻠﻲ ﺭﺍﺱ ﻋﺎﺻﻢ
ﺟﺎﺳﺮ ﺭﻓﻊ ﺣﺎﺟﺐ ﺑﺘﻜﺒﺮ .... ﺛﺎﺭﻱ ﻣﺤﺪ ﻳﻮﺻﻴﻨﻲ ﻋﻠﻴﻪ ﻣﻮ ﺍﻧﺘﻲ ﺗﻨﺒﻬﻴﻨﻲ ﻭﺛﺎﺭﻱ ﻣﺎ ﻣﺤﺼﻮﺭ ﺑﺲ ﺑﻔﻼﺡ ﻻﺍﺍﺍ ﺍﺑﻮﻭﻭﻱ ﻭﻏﺰﻝ ﻓﻼ ﺗﺸﻌﻠﻴﻦ ﻧﺎﺭ ﺍﻟﻔﺘﻨﻪ ﻭﻻ ﺗﺴﺘﻔﺰﻳﻨﻲ ...
ﺍﻧﻲ ﺟﻨﺖ ﺑﺲ ﻭﺍﻛﻔﻪ ﺍﺗﺴﻤﻊ ﺍﻟﻜﻼﻣﻬﺎ ﺑﺲ ﺟﻨﺖ ﻣﻘﻬﻮﺭﻩ ﻣﻦ ﺍﻟﻜﻼﻡ ﺍﻟﺼﺎﺭ ﺑﺲ ﻣﺎ ﺍﻟﻲ ﺣﻖ ﺍﺣﺠﻲ ...
ﺟﺎﻭﺑﺘﻪ ﺑﺤﺰﻥ ... ﺷﺒﻴﻚ ﻳﺎ ﺧﻮﻳﻪ ﻳﺎ ﺍﺑﻮ ﻏﺰﻝ ﻗﺎﺑﻞ ﺷﻨﻮ ﺍﻧﻲ ﺍﻛﺮﻫﻚ ﻭﺍﺛﻴﺮ ﺍﻟﻔﺘﻨﻪ ﻭﺍﻟﻠﻪ . ﺍﻟﻠﻪ ﻣﻴﺘﻪ ﻗﻬﺮ ﻋﻠﺊ ﺍﺑﻨﻚ ﻃﻠﻊ ﻣﻌﻮﻕ ﺍﻧﻲ ﺟﻨﺖ ﺍﻋﺮﻑ ﻻﻥ ﺍﻫﻞ ﻣﺮﺗﻚ ﻛﻠﻬﻢ ﻣﻌﻮﻗﻴﻦ ﻓﺄﻛﻴﺪ ﻳﻄﻠﻊ ﻣﻌﻮﻕ
ﺿﺤﻚ ﺑﺎﺳﺘﻬﺰﺍﺀ ... ﻣﺠﺘﺒﺊ ﻣﻮ ﻣﻌﻮﻕ ﻣﺠﺘﺒﺊ ﻣﺮﻳﺾ ﻳﺘﻌﺎﻟﺞ ﺍﻥ ﺷﺎﺀ ﺍﻟﻠﻪ ﻭﻣﺎ ﺍﻗﺒﻞ ﺍﻱ ﻭﺍﺣﺪ ﻳﻜﻮﻝ ﻋﻦ ﺍﺑﻨﻲ ﻣﻌﻮﻭﻕ ﻭﺃﻱ ﺷﺨﺺ ﻳﺤﺠﻲ ﻫﻞ ﻛﻠﻤﻪ ﺍﻛﺺ ﺍﻟﺴﺎﻧﻪ ﻭﺍﻟﻠﻪ ﻻ ﺗﻤﺸﻮﻧﻬﺎ ﻋﻠﻴﻪ ﺗﻤﺎﻡ ...
ﻧﻮﺍﻝ ... ﻳﺎﺍﺍ ﻻ ﺍﻟﻠﻪ ﻳﺸﺎﻓﻲ ﺍﻥ ﺷﺎﺀ ﺍﻟﻠﻪ ﻭﺗﺸﻮﻓﻪ ﻋﺮﻳﺲ ﺑﺲ ﺍﻧﺖ ﻳﺎ ﺟﺎﺳﺮ ﻛﻠﺖ ﺗﻄﻠﻚ ﺟﻮﻟﻴﻴﺖ ﻳﻌﻨﻲ ﺍﻧﻲ ﻭﺍﻟﻠﻪ ﻣﻦ ﺣﻘﻲ ﺍﻃﺎﻟﺐ ﺑﻄﻼﻗﻬﺎ ﻻﻥ ﻣﺎ ﺍﻛﺪﺭ ﺍﺷﻮﻑ ﺍﺧﺖ ﻛﺘﺎﻝ ﺯﻭﺟﻲ ﺗﺎﻛﻞ ﻭﺗﺸﺮﺏ ﻭﻳﺎﻧﻪ ....
ﺟﺎﺳﺮ ... ﺍﻧﺖ ﻣﻮ ﺗﺎﻣﺮﻳﻨﻲ . ﻻ ﺗﻔﺮﺿﻴﻦ ﺭﺍﻳﺞ ﻋﻠﻴﻪ ﻫﺬﺍ ﺍﻟﺸﺊ ﺭﺍﺟﻊ ﺍﻟﻴﻪ ﺗﻤﺎﻡ ﺧﻠﻴﺞ ﺑﺤﺎﻟﺞ ﻭﻋﻮﻓﻲ ﺣﻴﺎﺗﻲ ﻻ ﺗﺘﺪﺧﻠﻴﻦ ﺑﻴﻬﺎ ....
ﻭﻫﺎﺍﺍ ﺣﺎﺏ ﺍﻛﻠﺞ ﺷﻐﻠﻪ ... ﺟﻌﻔﺮ ﻫﻮ ﺍﻟﻲ ﻃﻠﺐ ﻳﺘﺰﻭﺟﺞ ﻻﻥ ﺻﻼﺡ ﻋﻤﻲ ﺍﻧﻄﺎﻩ ﺭﻳﻬﺎﻡ
ﻓﺘﺤﺖ ﻋﻴﻮﻧﻬﺎ ﻣﺮﻋﻮﻭﻭﻭﻭﺑﻪ ﻭﻓﻜﺖ ﻗﺒﻀﺘﻬﺎ ﻣﻦ ﺍﻳﺪ ﺑﻨﺘﻬﺎ ....
ﺟﺎﺳﺮ ﺍﺟﺎﻩ ﺍﺗﺼﺎﻝ ﻭﺧﻠﻪ ﻭﻃﻠﻊ ....
ﻭﻫﻲ ﻧﻮﺍﻝ ﻫﺠﻤﺖ ﻋﻠﻴﻪ ﺑﻐﺾ ... ﺑﻨﺖ ﺍﻟﻜﻠﺐ ﺑﻨﺖ ﺍﻟﺰﻣﺎﻝ ﺣﻀﺞ ﻛﺎﺍﺍﺍﺍﻋﺪ ﻣﺜﻞ ﺣﻀﻲ
ﺍﻧﻲ ﺧﻔﺖ ﻣﻨﻬﺎ ﻻﻥ ﺟﻨﺖ ﻫﺴﻪ ﺟﺎﻳﺒﻪ ﻭﻣﺎ ﺑﻴﻪ ﺣﻴﻴﻞ ﺍﻟﻬﺎ ...
ﺧﻠﻴﺖ ﻭﺩﺧﻠﺖ ﺍﻟﻐﺮﻓﺘﻲ ...
ﻭﻫﻲ ﺗﺼﻴﺢ ﻭﺗﻐﻠﻂ ﻛﻌﺪﺗﻬﻢ ﻣﻦ ﺍﻟﻨﻮﻡ ﺍﺟﺖ ﺭﺿﻴﻪ ﻭﺍﻡ ﻓﻼﺡ ﻭ ﻭﻗﺎﺭ
ﻛﺎﻟﻦ ﺷﻜﻮﻭ ﺷﻜﻮﻭ ﺍﻧﻲ ﺟﻨﺖ ﺍﺑﺎﻭﻉ ﺍﻟﻬﻢ ﻣﻦ ﺍﻟﺸﺒﺎﻙ ﻭﻫﻲ ﺗﺘﻬﺪﺩ ....
ﺗﺮﺩﻭﻥ ﺗﺰﻭﺟﻮﻧﻲ ﺟﻌﻔﺮ ﺍﺑﻮ ﺍﻟﻌﺮﻙ ... ﺷﻔﺘﻮ ﺍﺗﻔﻬﻪ ﻭﺍﺣﺪ ﺑﻴﻜﻢ ﺗﺮﺩﻭﻥ ﺗﺒﻠﻮﻧﻲ ﺑﻲ ﻭﺍﻟﻠﻪ ﻣﺎ ﺍﻗﺒﻞ ...
ﻭﺑﻌﺪﻳﻴﻦ ﺍﻧﺘﻢ ﺻﺎﺭ ﻣﻦ ﻣﺎﺕ ﻓﻼﺡ ﻟﺤﺪ ﺍﻻﻥ ﺗﻘﺸﻤﺮﻭﻥ ﺑﻴﻪ ﺍﻧﻲ ﻻ ﻣﻴﺘﻪ ﻋﻠﺊ ﺻﻼﺡ ﻭﻻ ﺷﺊ ﺑﺲ،ﻋﻴﺐ ﻋﻠﻴﻜﻢ ﺗﺠﺬﺑﻮﻥ ﻋﻠﻴﻪ ...
ﺭﺿﻴﻪ ... ﻭﺷﺒﻲ،ﺟﻌﻔﺮ ﻋﻴﻨﻲ ﻓﻮﻙ ﻣﺎ ﺭﺍﺿﻲ ﺑﻴﺞ ﺍﺭﻣﻠﺔ ﺍﺧﻮﻭ ﻭﻋﻨﺪﺝ ﻛﻮﻣﺔ ﺑﻨﺎﺕ ﻭﻫﻮ ﺑﻌﺪﻩ ﺷﺎﺏ ﻣﻴﺔ ﻭﺣﺪﻩ ﺗﺘﻤﻨﺎﻫﺎ
ﺗﺨﺼﺮﺕ ﺑﺴﺨﺮﻳﻪ ... ﻋﺸﺘﻮ ﻣﻨﻮ ﺗﺘﻤﻨﺊ ﻭﺍﺣﺪ ﻋﺮﻛﺠﻲ ﺳﻜﻴﺮ ﺑﺲ ﺍﻟﺘﺎﻓﻬﻪ ﻭﺍﻟﻤﺎﺑﻴﻬﺎ ﺧﻴﻴﺮ ﺗﺮﺩﻭﻥ ﺗﺒﻠﻮﻧﻲ ﺑﺠﻌﻴﻔﺮ ﺍﺑﻮ ﺍﻟﻌﺮﮒ
ﺗﻌﺮﻓﻮﻥ ﺍﻧﻲ ﻣﺎ ﺍﺗﺮﺍﻫﻢ ﻭﻳﻪ ﺟﻌﻔﺮ ﻭﺩﻭﻡ ﻧﺘﻌﺎﺭﻙ ﺗﺮﺩﻭﻥ ﺗﺒﻬﺬﻟﻮﻥ ﺑﻨﺎﺗﻲ ...
ﺍﻧﻲ ﻣﺎ ﺍﺭﻳﺪﻩ ﻭﺭﺍﺡ ﺍﺭﻭﺡ ﺍﻻﻫﻠﻲ ...
ﺍﻡ ﻓﻼﺡ ... ﺷﺴﻮﻱ ﻳﻌﻨﻲ ﺷﻴﺦ ﻋﻜﺎﺏ ﺍﻧﻄﻪ ﺭﻳﻬﺎﻡ ﺍﻟﺼﻼﺡ ﺍﻓﺸﻠﻪ . ﺍﻛﻠﻪ ﻣﺎ ﺍﺭﻳﺪﻫﺎ ...
ﻧﻮﺍﻝ ... ﻭﺷﻮﻛﺖ ﺷﻴﺦ ﻋﻜﺎﺏ ﺍﻧﻄﺎﻛﻢ ﺭﻳﻬﺎﻡ ﻭﺑﻌﺪﻳﻦ ﺷﻠﻜﻢ ﺑﻬﻞ ﻛﻼﻭﺍﺕ ... ﻛﻮﻟﻮﺍ ﻣﺎ ﻧﺮﻳﺪﺝ ﻻ ﺗﻀﻠﻮﻥ ﺗﺘﻬﻤﻮﻥ ﺍﻟﻌﺎﻟﻢ ....
ﻭﺑﻌﺪﻳﻦ ﺍﻧﻲ ﺍﻋﺮﻑ ﺑﺎﻟﺼﺎﺭ ﻭﻳﻪ ﺭﻫﻴﻤﻪ ﻣﺴﻮﻳﻪ ﺭﻭﺣﻬﺎ ﻣﺘﺪﻳﻨﻪ ﻭﻫﻲ ﻣﺨﻠﺼﺘﻬﺎ ﺗﻤﻄﻚ
ﺃﻡ ﻓﻼﺡ .. ﺍﻧﺠﺒﻲ ﻻ ﺗﺎﺧﺬﻳﻦ ﻋﺮﺽ ﺍﻟﺒﻨﻴﻪ ﻫﻞ ﻓﻘﻴﺮﻩ ﺍﻟﻤﺴﻜﻴﻨﻪ
ﺭﺍﺣﺖ ﺗﻐﻠﻂ ﻭﺗﺴﺐ ﻭﺍﻡ ﻓﻼﺡ ﺿﻠﺖ ﺗﺤﺠﻲ ﻋﻠﻴﻬﺎ ﻭﻫﻢ ﺗﻐﻠﻂ ﻛﺎﻟﺖ ... ﻳﻤﻤﻤﻪ ﻧﺴﻮﺍﻥ ﻭﻛﺤﻪ ﻣﺘﺖ ﻣﻨﺠﻦ ﺍﻟﻠﻪ ﻳﻨﺘﻘﻢ ﻣﻨﺠﻦ ﻭﻳﺨﻠﺼﻨﻲ ﻭﺿﻠﺖ ﺗﻐﻠﻂ ....
ﺷﻔﺘﻬﺎ ﺟﻤﻌﺖ ﻣﻼﺑﺴﻬﺎ ﻭﺧﺎﺑﺮﺕ ﺍﻣﻬﺎ ﺍﺟﺖ ﺍﺧﺬﺗﻬﺎ ....
ﺍﻧﻲ ﻃﻠﻌﺖ ﺍﻏﺴﻞ ﺍﻟﻤﻤﺎﺕ ﻣﺎﻟﺖ ﺍﻃﻔﺎﻟﻲ،ﺟﺎﻥ ﺳﻤﻌﺖ ﺍﻡ ﻓﻼﺡ ﺩﻛﻮﻝ ﻟﺮﺿﻴﺔ ... ﻳﻄﺒﻬﺎ ﻣﺮﺽ ﺧﻠﻲ ﺗﺮﻭﺡ ﻣﻠﻴﺖ ﻣﻨﻬﺎ ﺍﻧﻲ ﻣﺤﺪ ﻛﺎﺳﺮ ﻇﻬﺮﻱ ﻏﻴﺮ ﺑﻨﻴﺎﺕ ﻓﻼﺡ ﻫﺎﻱ ﻣﺎ ﺗﺮﺣﻢ ﺑﺤﺎﻟﻬﻦ ...
ﺭﺿﻴﻪ ... ﻋﺰﺍ ﺑﻌﻴﻨﻬﺎ ﻭﻟﺞ ﻛﺎﻋﺪﻩ ﺗﺎﻛﻠﻴﻦ ﻭﺗﺸﻤﺮﻳﻦ ﺻﻴﻨﻴﺘﺞ ﻭﺗﻤﺴﺤﻴﻦ ﺍﺩﻳﺞ ﺑﺎﻟﺤﺎﻳﻂ ﻟﺤﺪ ﻳﺤﺠﻲ ﻭﻳﺎﻫﺎ ﻟﺤﺪ ﻣﺎﺫﻳﻬﺎ ﺷﺒﻴﻬﺎ ﺗﺨﺒﻠﺖ ....
ﺍﻡ ﻓﻼﺡ ﺑﺘﻨﻬﻴﺪﻩ ... ﺍﻧﻲ ﻣﻮ ﺿﺤﻴﺖ ﺑﺼﻼﺡ ﻟﺨﺎﻃﺮﻫﺎ ... ﺑﺲ ﺻﻼﺡ ﺍﻟﻠﻪ ﻳﺤﺒﻪ ﻭﺧﻠﺼﻪ ﻣﻨﻬﺎ ﺧﻠﻲ ﻳﺘﺰﻭﺝ ﺭﻳﻬﺎﻡ ﻭﺧﻠﻲ ﺟﻌﻔﺮ ﻳﺘﺤﻤﻞ ﻧﺘﻴﺠﺔ ﻏﻠﻄﻪ ...
ﻭﺍﻟﻠﻪ ﻣﻘﻬﻮﺭﺓ ﻋﻠﺊ ﺭﻳﻬﺎﻡ ﻣﻦ ﻛﺎﻝ ﺟﺎﺳﺮ ﺍﻋﺘﺪﺉ ﻋﻠﻴﻬﺎ ﺻﻼﺡ ﻟﺤﺪ ﺍﻻﻥ ﺣﺘﺊ ﻣﺎ ﺍﻟﻲ ﻋﻴﻦ ﺍﺑﺎﻭﻉ ﺑﻮﺟﻬﻬﺎ ...
ﺭﺿﻴﻪ ﺑﻔﺮﺣﻪ .... ﻳﻤﻤﻤﻪ ﺍﻧﻲ ﻓﺮﺣﺎﻧﻪ ﻭﺍﻟﻠﻪ ﺍﺣﺐ ﺭﻫﻴﻤﻪ ﺗﺨﺒﻞ ﻭﻣﺆﺩﺑﻪ ﻭﻣﺘﺪﻳﻨﻪ
ﻭﺟﻌﻴﻔﺮ ﺧﻠﻲ ﻳﺘﺰﻭﺝ ﻧﻮﻳﻠﻪ ﺟﺪﺭ ﻭﻟﮕﻪ ﻏﻄﺎﻩ ...
ﺿﺤﻜﺖ ﺍﻡ ﻓﻼﺡ ... ﻫﻬﻬﻪ ﺍﻱ ﻭﺍﻟﻠﻪ ﺑﺲ ﻫﻮ ﺩﻭﺍﻫﺎ ﺑﺲ ﺧﻴﻪ ﺭﺿﻴﻪ ﺍﻧﻲ ﺍﺧﺎﻑ ﻣﻦ ﺍﻟﻤﺸﺎﻛﻞ ...
ﻛﻤﻠﺖ ﻏﺴﻞ ﺍﻟﻤﻤﻴﺎﺕ ﻭﺭﺣﺖ ﻟﻠﻐﺮﻓﻪ ﺑﺲ ﺷﻔﺖ ﺍﻡ ﻓﻼﺡ ﺟﺎﻧﺖ ﻧﻈﺮﺍﺗﻪ ﺗﺘﺒﻌﻨﻲ ﻣﻦ ﺍﻟﺤﻮﻭﻭﺵ ﻟﺤﺪ ﺑﺎﺏ ﻏﺮﻓﺘﻲ ....
ﻛﻌﺪﺕ ﺍﺭﺿﻊ ﺑﻴﻬﻢ ﻭﺍﺣﺪ ﻭﺍﺣﺪ ﻳﻌﻤﺮﻱ ﻛﺘﺎﻛﻴﺖ ﻳﺠﻨﻨﻮﻥ
ﺧﻄﻴﻪ ﺍﻣﻲ ﺟﺎﻧﺖ ﺗﺘﻤﻨﺊ ﺗﺼﻴﺮ ﺑﻴﺒﻲ ﻭﺟﺎﻧﺖ ﺩﻛﻮﻝ ﺟﻮﻟﻲ ﻳﻤﻤﻤﻪ ﺷﻮﻛﺖ ﺍﺷﻮﻑ ﺍﺑﻨﺞ ﺍﺩﻟﻠﻪ ﺩﻻﻝ ﻭﺍﺷﺘﺮﻳﻠﻪ ﻭﺍﺧﻠﻲ ﻋﻠﺊ ﮔﻠﺒﻲ ...
ﻭﺣﺎﺉ ﺑﺎﺑﺎ ﻣﻦ ﻋﺮﻑ ﺑﻴﻪ ﺣﺎﻣﻞ ﺷﻜﺪ ﻓﺮﺡ ﻭﻛﺎﻝ .. ﻳﺎﺑﻪ ﺟﻮﻟﻴﻴﺖ ﺟﻬﺎﺯ ﺍﺑﻨﺞ ﻋﻠﻴﻪ ﻭﻣﻦ ﺍﺳﺘﻠﻢ ﺭﺍﺗﺒﻲ ﺍﻧﻄﻲ ﺍﻻﻣﺞ ﻓﻠﻮﺱ ﺗﺸﺘﺮﻱ ﺍﻟﻪ ﻣﻼﺑﺲ .
ﻳﺎﺭﺑﻲ ﻣﻴﺘﻪ ﻋﻠﺊ ﺷﻮﻓﺔ ﺍﻣﻲ ﻭﺍﺑﻮﻭﻭﻳﻪ ﻃﺎﮒ ﻛﻠﺒﻲ ﻋﻠﻴﻬﻢ ﻭﺍﻟﻠﻪ ...
ﺣﺘﺊ ﺑﺎﻟﺤﻠﻢ ﻣﺪﺍ ﺍﺷﻮﻓﻬﻢ ﻳﺎﺭﺑﻲ ﻟﻴﻴﻴﺶ ﺍﺭﻳﺪﻫﻢ ﺣﺘﺊ ﻟﻮ ﺑﺤﻠﻢ ﺩﺧﻴﻠﻚ ﺭﺑﻲ ...
...........................
ﺷﻬﺪ ...
ﺻﺎﺭ ﻳﻮﻣﻴﻦ ﺍﺗﺼﻞ ﺑﺠﻮﺟﻮ ﻣﺪﻳﺠﺎﻭﺏ ﻣﺘﺖ ﻗﻬﺮ ﻭﺧﺎﻳﻔﻪ ﻋﻠﻴﻪ ﺑﺲ ﻻ ﺗﺮﻛﻨﻲ،ﺑﻌﺪ ﻣﻴﺤﺒﻨﻲ،ﻭﻳﻠﻌﺐ ﻋﻠﻴﻪ
ﻋﻀﻴﺖ ﺷﻔﺎﻳﻔﻲ ﺑﻘﻬﺮ ... ﺧﻮﻭﻭﺵ ﻳﺠﻌﻴﻔﺮ ﺍﻧﻲ ﺍﻟﻚ ﺍﺫﺍ ﻣﺎ ﻧﺪﻣﺘﻚ ﻳﺎ ﺧﺎﺍﺍﻳﻦ ﻳﺎ ﺍﺑﻮ ﺍﻟﻨﺴﻮﺍﻥ ﻣﺎ ﺍﻃﻠﻊ ﺷﻮﺷﻮ ﺍﻧﻲ،ﺗﻀﺤﻚ ﻋﻠﻴﺔ ... ﺍﻧﻲ ﺗﻀﺤﻚ ﻋﻠﻴﻪ
ﺿﻠﻴﺖ ﺍﻓﺘﺮ ﺑﺎﻟﻐﺮﻓﻪ .. ﺷﺴﻮﻭﻭﻱ ﺷﺴﻮﻭﻱ ﻻﺯﻡ ﺍﺳﻮﻱ ﺷﺊ ﺍﺧﻠﻲ ﺗﺤﺖ ﺍﻷﻣﺮ ﺍﻟﻮﺍﻗﻊ ... ﺍﺭﻭﺡ ﺍﻻﻫﻠﻪ ﻭﺍﻛﻠﻬﻢ ﻋﻠﻴﻪ
ﺗﺆﺅ ﻏﻠﻂ ﻫﻴﻴﺞ ﺍﺧﺎﻑ ﺍﺗﻨﺪﻡ ... ﻟﻌﺪ ﺷﺴﻮﻱ ﻭﺍﻟﻠﻪ ﻭﺭﻃﻪ ﻳﺠﻮﺯ ﺯﻋﻞ ﻻﻥ ﻣﺎ ﺷﻤﺮﺕ ﺑﺰﻭﻧﺘﻲ ﺍﻟﻔﺮﻋﻮﻧﻴﺔ
ﺑﺎﻭﻋﺖ ﺍﻟﺒﺰﻭﻧﺘﻲ ﺑﺤﻴﺮﻩ ﻭﺩﺭﺕ ﻭﺟﻬﻲ ... ﻭﺍﻟﻠﻪ ﺣﻘﻪ ﻫﻲ ﻫﺎﻱ ﺍﻟﺒﺰﻭﻧﻪ ﻣﺤﻠﻮﻩ ﻋﺒﺎﻟﻚ ﺑﻴﻬﺎ ﺟﻨﻲ ﻓﺮﻋﻮﻭﻧﻲ ...
ﺑﺲ ﻭﺍﻟﻠﻪ ﺍﺣﺒﺒﻬﺎ ﺧﻄﻴﻪ ﻣﺘﺸﺮﺩﻩ ﻭﺍﻧﻲ ﺍﻧﺘﺸﻠﺘﻬﺎ ﻣﻦ ﻣﺰﺑﻠﺘﻬﺎ ﻳﻮﻡ ﺍﻟﻴﻨﺘﺸﻠﻨﻲ ﺟﻮﺟﻮ ﻣﻦ ﻫﻞ ﻣﺰﺑﻠﻪ ...
ﺍﺑﺘﺴﻤﺖ ﻣﻦ ﻟﻜﻴﺘﻬﺎ ﺑﺒﺎﺏ ﺑﻴﺘﻨﻪ ﺿﻌﻴﻔﻪ ﻋﻈﺎﻣﻬﺎ ﻣﺒﻴﻨﻪ ﻭ ﻭﺳﺨﻪ ﺣﻴﻴﻞ ﻭﺧﻄﻴﻪ ﺟﻮﻭﻭﻋﺎﻧﻪ ﻣﻴﺘﻪ ﺟﻮﻭﻉ ... ﺍﻧﻲ ﺟﻨﺖ ﺩﺍﺋﻤﺎ ﺍﺷﻮﻓﻬﺎ ﺑﺎﻟﻘﻄﻌﻪ ﺍﻟﻤﻘﺎﺑﻴﻠﻨﻪ ﺍﻟﻲ ﺑﻴﻬﺎ ﺯﺑﺎﻟﻪ
ﺭﺣﺖ ﻟﻠﻄﺒﺎﺥ ﻟﻜﻴﺖ ﻣﺮﺓ ﺍﺑﻮﻳﻪ ﺳﺎﻟﮕﻪ ﻟﺤﻢ ﻻﺑﻮﻳﻪ ﺧﻤﻄﺖ ﻣﻨﻬﺎ ﻭﺍﻧﻄﻴﺘﻬﺎ ﺍﻛﻠﺖ ...
ﺍﺧﺬﺗﻬﺎ ﺳﺒﺤﺘﻬﺎ ﺟﺎﻧﺖ ﻣﺮﺓ ﺍﺑﻮﻳﺔ ﺷﺎﺭﻩ ﺛﻮﺑﻬﺎ ﻋﻠﺊ ﺍﻟﺤﺒﻞ ﻟﻔﻴﺘﻬﺎ ﺑﺎﻟﺜﻮﺏ ﻭﻧﺸﻔﺘﻬﺎ ﻭ ﺭﺟﻌﺖ ﺷﺮﻳﺖ ﺍﻟﺜﻮﺏ ﻭﻣﻦ ﻫﺬﺍ ﺍﻟﻴﻮﻡ ﻭﻫﻲ ﺻﺎﺭﺕ ﺻﺎﺣﺒﺘﻲ
ﺣﺘﺊ ﻣﺮﺍﺕ ﺍﺷﻜﻲ ﺍﻟﻬﺎ ﻣﻦ ﺟﻌﻔﺮ ﻫﻲ ﺩﻛﻠﻲ ﻣﻴﻮﻭ
ﺍﻋﺮﻑ ﻗﺼﺪﻫﺎ ﻳﻌﻨﻲ ﺩﻛﻮﻝ ﺍﺻﺒﺮﻱ ﻋﻠﻴﻪ ..
ﺟﺎﻧﺖ ﻣﻮﻧﺴﺘﻨﻲ ﻗﺒﻞ ﻻ ﻳﻜﻮﻥ ﻋﻨﺪﻱ ﻣﻮﺑﺎﻳﻞ ﺍﻧﻮﻣﻬﺎ ﺑﺤﻀﻨﻲ ﻭﺍﺳﻮﻟﻒ ﻭﻳﺎﻫﺎ ﺳﺎﺩﻩ ﻋﻨﺪﻱ ﺍﻟﻔﺮﺍﻍ ...
ﺑﺲ ﺑﻌﺪﻳﻦ ﻣﻦ ﺷﻔﺖ ﻣﺮﺓ ﺍﺑﻮﻳﻪ ﻭﻳﻪ ﺍﺑﻮ ﻃﺨﻪ ﻭﻫﻲ ﺧﺎﻓﺖ ﺍﻓﺘﻦ ﺍﺷﺘﺮﺗﻠﻲ ﻣﻮﺑﺎﻳﻞ ﻭﺳﻮﺗﻠﻲ ﻓﻴﺲ
ﺍﻟﺜﻮﻟﻪ ﺷﻠﻮﻥ ﺍﻓﺘﻦ ﻭﺍﻧﻲ ﻣﺎ ﻋﻨﺪﻱ ﺩﻟﻴﻞ ﺿﺪﻫﺎ .. ﺑﺲ ﻳﺎﻟﻠﻪ ﺍﻥ ﺷﺎﺀ ﺍﻟﻠﻪ ﺍﺻﻮﺭﻫﺎ ﺑﺎﻟﻤﻮﺑﺎﻳﻞ ﻭﺗﺼﻴﺮ ﺍﻟﻔﺘﻨﻪ ﺻﺪﻙ ﺍﺷﺪ ﻣﻦ ﺍﻟﻘﺘﻞ ..
ﺭﺟﻌﺖ ﺍﺗﺼﻠﺖ ﺑﺠﻌﻔﺮ ﻓﺘﺢ ﺧﻂ ﻛﺎﻝ ﺑﺪﻭﺧﻪ ... ﺍﻟﻮﻭﻭﻭ ﻫﺎﺍﺍﺍ ﻧﻮﻳﻠﺔ ﻭﺟﻬﻪ ﺍﻟﻄﺎﻭﻟﻪ ﺍﺭﺗﺎﺣﻴﺘﻲ ﺭﺍﺡ ﺗﺘﺰﻭﺟﻴﻨﻲ
ﻋﺮﻓﺘﻪ ﺳﻜﺮﺍﻥ ﺟﺮﻳﺖ ﻧﻔﺲ ... ﺍﻧﻲ ﻣﻮ ﻧﻌﻴﻠﺔ ﻭﺟﻬﻪ ﺍﻟﻄﺎﻭﺓ ﺍﻧﻲ ﺷﻬﺪ ...
ﺭﺩ ﺑﺬﻭﺑﺎﻥ ﻭﻫﺪﻭﺀ ... ﺣﺒﻴﺒﺘﻲ ﺷﺶ ﺷﻮ ﺷﻮ
ﺣﺴﻴﺖ ﺑﻌﺼﺮﻩ ﺑﺼﺪﺭﻱ ... ﺳﻜﺮﺍﻥ ﺟﻌﻔﺮ
ﻋﺎﻁ ﺑﺼﻮﺕ ﻋﺎﻟﻲ ... ﻻﺍﺍﺍﺍﺍﺍﺍ ﺑﺤﻴﺎﺍﺍﺗﻲ ﻛﻠﻬﺎ ﻣﺎ ﺷﺎﺭﺏ
ﻫﺰﻳﺖ ﺍﻳﺪﻱ ... ﺍﻱ ﻣﺒﻴﻴﻦ ﻇﺎﻟﻤﺘﻚ ﺍﻧﻲ ﺍﻟﻤﺠﺮﻣﻪ ﺍﻧﺖ ﺷﺎﺭﺏ ﻋﺼﻴﺮ ﺩﺍﻟﻲ
ﺭﺩ ﺑﻘﻬﺮ ﻭﻫﺪﻭﺀ ... ﺿﺎﻳﺞ ﺍﻡ ﺍﻟﺸﻮﺵ ﺿﺎﻳﺞ
ﻫﻤﺴﺖ ... ﻟﻴﺶ؟
ﺗﻨﻔﺲ ﺑﻐﻀﺐ ﻭﻛﻤﻞ ... ﻳﺮﺩﻭﻥ ﻳﺰﻭﺟﻮﻧﻲ ﻭﺟﻬﻪ ﺍﻟﻄﺎﻭﺓ ﺍﻟﻤﺤﺘﺮﻛﻪ
ﻭﻛﻔﺖ ﺑﻌﺼﺒﻴﺔ ... ﺷﻨﻮﻭ ﺷﻨﻮﻭ ﻣﻮ ﺩﻛﻮﻝ ﺍﺧﻮﻙ ﺍﻟﻮﺳﻂ ﺣﻴﺘﺰﻭﺟﻬﺎ ...
ﺗﻨﻬﺪ ﺑﻀﻴﻖ ... ﻣﻮ ﺣﻘﺮﺍﺀ ﺫﺑﻮﺍ ﻋﻠﻴﻪ ﺗﻬﻤﻪ ﻳﻜﻮﻟﻮﻥ ﻋﻮﺩ ﺍﻧﻲ ﻣﺸﺮﺏ ﺻﻼﺡ ﻭﻣﻐﺘﺼﺐ ﺻﺒﺮﻳﺔ ..
ﻋﻘﺪﺕ ﺣﻮﺍﺟﺒﻲ ... ﻳﺎ ﺻﺒﺮﻳﺔ ؟
ﺗﺎﻓﺌﻒ ﺑﻘﻬﺮ ... ﺻﺒﺮﻳﺔ ﺑﻨﺖ ﻋﻤﻲ ﻋﻜﺎﺏ ﻫﺎﻱ ﺍﻻﻛﻠﺞ ﻣﻦ ﺟﻤﺎﻋﺔ ﺍﻟﺰﺭﻗﺎﻭﻱ ﻫﻮﺍﻱ ﺗﺼﻠﻲ ..
ﻧﻔﺨﺖ ﺑﻌﺼﺒﻴﺔ ... ﻣﻮ ﺩﻛﻮﻝ ﺍﺳﻤﻬﺎ ﺭﻳﻬﺎﻡ
ﺟﻌﻔﺮ ﺑﺪﻭﺧﻪ ... ﻻ ﺧﺎﻟﺘﻬﺎ ﺭﻳﻬﺎﻡ ﺑﻴﺘﻬﻢ ﺑﺸﻬﺮﺑﺎﻥ ﺣﺘﺊ ﻋﻨﺪﻫﺎ ﺛﻴﺮﺍﻥ ﺍﻥ ﺷﺎﺀ ﺍﻟﻠﻪ ﻳﻨﻄﺢ ﻭﺟﻬﻪ ﺍﻟﻄﺎﻭﺓ ﻭﺍﺧﻠﺺ ﻣﻨﻬﺎ
ﺣﻀﻨﺖ ﺑﺰﻭﻧﺘﻲ ﺑﺎﺳﺊ ... ﻭﻫﺴﻪ ﺷﻨﻮﻭ ﻭﺑﻌﺪﻳﻦ ﻟﻴﺶ ﻣﺎ ﻳﺘﺰﻭﺟﻬﺎ ﺍﺧﻮﻭﻙ ﻭﺍﻧﺖ ﻣﺎ ﻛﻠﺖ ﺍﺗﺰﻭﺟﺞ ﻟﻴﺶ ﺗﺴﻜﺮ ﻭﺗﺠﺬﺏ ﺭﻭﺡ ﻏﺴﻞ ﻭﺗﻌﺎﻝ ﻫﺴﻪ ﻣﺪﺍ ﺍﻓﻬﻢ ﺷﺊ ...
ﺟﺎﻭﺏ ﺑﺎﺳﺘﻨﻜﺎﺭ ... ﺟﺬﺍﺑﻴﻴﻦ ﻻ ﻣﺸﺮﺏ ﺻﻼﺡ ﻭﻻ ﻓﻼﺡ ﻫﻢ ﻋﺮﻛﺠﻴﻪ ﺳﺮﺳﺮﻳﻪ ﻳﺴﻮﻥ ﻣﺼﺎﻳﺐ ﻭﻳﺨﻠﻮﻥ ﺑﺮﺍﺳﻲ
ﻗﻔﻠﺖ ﺍﻟﺨﻂ ﺑﻘﻬﺮ ﻣﺎ ﻃﺎﻳﻘﻪ ﺍﺳﻤﻊ ﻣﻨﻪ ﻛﻠﻤﻪ ﻛﻢ ﻣﺮﻩ ﻛﺘﻠﻪ ﻻ ﺗﺸﺮﺏ ﻻ ﺗﺴﻤﻢ ... ﺍﻭﻭﻭﻙ ﺍﻧﺖ ﺑﺲ ﺍﺻﺤﺊ ﻳﺎ ﺟﻌﻔﺮ ﻭﺍﻧﻲ ﺍﻋﺮﻑ ﺷﻠﻮﻥ ﺍﻗﺴﻢ ﺍﻟﻚ ...
ﺍﻧﻮﺏ ﻳﺮﻳﺪ ﻳﺘﺰﻭﺝ ﻧﻮﻳﻠﻪ ...
ﺷﻤﺮﺕ ﺍﻟﻤﻮﺑﺎﻳﻞ ﺍﺟﺖ ﺑﺰﻭﻧﺘﻲ ﺩﺧﻠﺖ ﺑﺤﻀﻨﻲ ﺩﻓﻌﺘﻬﺎ ﺑﻘﻬﺮ ... ﻭﺧﺮﻱ ﻣﻨﻲ ﺍﻧﻲ ﻛﻢ ﻣﺮﻩ ﺍﻛﻮﻟﺞ ﻣﻦ ﺍﺿﻮﺝ ﻻ ﺗﺘﻘﺮﺑﻴﻦ ﻣﻨﻲ ...
ﻫﻲ ﺍﻧﻬﺰﻣﺖ ﻭﻭﻛﻔﺖ ﺑﺒﺎﺏ ﺍﻟﻐﺮﻓﻪ ﺍﺳﺘﻠﻘﺖ ﺑﺠﺴﻤﻬﺎ ﺍﻟﻨﺤﻴﻴﻞ ﻭﺍﻭﻣﺌﺖ ﺑﺼﻮﺕ ﻧﺎﺻﻲ ﻭﺣﺰﻳﻦ .. ﻣﻴﻮﻭﻭ
ﺟﺎﻧﺖ ﺍﻟﻐﺮﻓﻪ ﺿﻠﻤﻪ ﺑﺲ ﺻﻮﺀ ﺍﻟﺤﻮﺵ ﺿﺎﺭﺏ ﻋﻠﻴﻬﺎ ﺍﻧﻘﻬﺮﺕ ﻋﻠﺊ ﻧﻮﺷﻪ ﺍﻟﺒﺰﻭﻧﻪ ﺻﺤﺘﻠﻬﺎ ﺍﺟﺘﻨﻲ ﺗﺮﻛﺾ ﻧﺎﻣﺖ ﺑﺤﻀﻨﻲ ...
ﺑﺴﺘﻬﺎ ﺑﺎﺳﻒ ... ﻧﻮﻧﻪ ﺣﺒﻲ ﻣﻮ ﻗﺼﺪﻱ ﺍﻋﻴﻂ ﺑﻮﺟﻬﺞ ﺑﺲ ﻭﺍﻟﻠﻪ ﺿﺎﻳﺠﻪ ﻭﺧﺎﻳﻔﻪ ﺟﻌﻔﺮ ﻣﺎ ﻳﺘﺰﻭﺟﻨﻲ ﺍﻧﺘﻲ ﻣﺎ ﺗﺤﺴﻴﻦ ﺷﻠﻮﻥ ﺍﻟﺤﺐ ﻋﺬﺍﺏ ﻫﺴﻪ ﺑﺲ ﺗﺤﺒﻴﻦ ﺷﻮﻓﻲ ﺷﻠﻮﻥ ﺗﺘﻌﺬﺑﻴﻦ ...
ﺍﺫﻛﺮﺕ ﺟﻌﻔﺮ ﻣﻦ ﻳﻘﻠﺪ ﻋﻠﻴﻬﺎ ﻭﺍﻧﻲ ﺍﻛﻮﻟﻪ ﺑﺎﺟﺮ ﺗﺤﺐ ﻭﺗﺰﻭﺝ ﻭﻳﺼﻴﺮ ﻋﻨﺪﻫﺎ ﺍﻃﻔﺎﻝ ﻭﺗﺼﻴﺮ ﺗﺠﻨﻦ ﻭﺍﻟﻌﺘﻮﻱ ﻳﻄﻠﺐ ﺭﺿﺎﻫﺎ
ﻳﻜﻮﻝ ﻣﻨﻮ ﻳﺘﺰﻭﺟﻬﺎ ﺟﻨﻬﺎ ﻣﺮﺓ ﺍﺑﻮ ﻃﺒﺮ ...
ﺣﺎﻗﺪ ﺣﺘﺊ ﻋﻠﺊ ﺍﻟﺒﺰﻭﻧﻪ ﻫﻮ ﺍﻧﻲ ﻟﻮ ﺃﻣﻲ ﻋﺪﻟﻪ ﺍﺣﺒﺒﺒﻪ
ﻣﺴﺤﺖ ﺩﻣﻮﻋﻲ ﺑﻘﺴﻮﺓ ﺣﺎﺳﻪ ﺑﺘﺄﻧﻴﺐ ﺍﻟﻀﻤﻴﺮ ﻳﻤﻜﻦ ﻫﺴﻪ ﺍﻣﻲ ﻣﺮﺍﺿﻴﺔ ﻋﻨﻲ ﻻﻥ ﺍﺣﺠﻲ ﻭﻳﻪ ﺟﻌﻔﺮ ﻭﺩﻛﻮﻝ ﻫﺎﻱ ﻣﻮ ﺧﻮﺵ ﺑﻨﻴﺔ ...
ﺑﺲ ﺍﻧﻲ ﻣﺎ ﺍﺭﻳﺪ ﺍﺿﻞ ﻫﻨﺎ ﻣﺎ ﺍﺭﻳﻴﻴﻴﻴﺪ ﺍﺧﺎﻑ ﻋﻠﺊ ﺭﻭﺣﻲ ﻫﻲ ﺯﻭﺟﺔ ﺍﺑﻮﻳﻪ ﻗﺒﻞ ﻻ ﺗﺰﻭﺝ ﺍﺑﻮﻳﻪ ﺳﻮﺕ ﻭﻳﺎﻩ ﻋﻼﻗﻪ ﻭﻣﻦ ﺍﻣﻲ ﺩﺭﺕ ﺍﺑﻮﻳﻪ ﺿﺮﺑﻬﺎ ﺑﺎﻟﺤﺎﻳﻂ ﻭﻓﻠﺶ ﺭﺍﺳﻬﺎ ...
ﻭﺻﺎﺭﺕ ﻣﺨﺒﻠﻪ ﻭ ﺗﺮﻛﺾ ﺑﺎﻟﺸﺎﺭﻉ ﻭﻛﺎﻟﻮ ﻭﻛﻌﺖ ﻣﻦ ﺍﻟﺪﺭﺝ ﻭﻧﺸﮓ ﺭﺍﺳﻬﺎ ﺑﺲ ﺍﻧﻲ ﺷﻔﺘﻪ ﻣﻦ ﺿﺮﺑﻬﺎ ...
ﻟﻬﺬﺍ ﺍﻟﺴﺒﺐ ﺍﻧﻲ ﻣﺎ ﺍﺭﻳﺪ ﺍﻛﺒﺮ ﻋﻨﺪﻫﻢ ﻭﻻ ﺍﺭﻳﺪ ﻣﺜﻞ ﻣﺮﺓ ﺍﺑﻮﻳﻪ ﻛﻮﻣﻪ ﻋﻼﻗﺎﺕ ﺍﺭﻳﺪ ﺑﺲ ﺟﻌﻔﺮ ﺑﺴﺴﺲ ﺟﻌﻔﺮ ...
ﺑﺲ ﻣﺘﺖ ﺍﺣﺲ ﺍﻛﻮ ﺷﺊ ﻏﻠﻄﻂ ﺑﺪﺍﺧﻠﻲ ﺍﺣﺲ ﺩﺍ ﺍﺩﺧﻞ ﺑﺸﺊ ﻏﻠﻂ ﺭﻏﻢ ﻣﺮﺓ ﺍﺑﻮﻳﻪ ﺩﻛﻮﻝ ﻣﻮ ﻏﻠﻂ ﻭﺍﺣﺴﺎﺳﻲ ﻳﻜﻮﻝ ﻏﻠﻂ ...
ﺭﻏﻢ ﻭﺍﻟﻠﻪ ﺟﻌﻔﺮ ﻣﻤﺘﺠﺎﻭﺯ ﻭﻳﺎﻳﻪ ﺑﺲ ﻧﻬﺎﺭ ﻛﻠﻪ ﺳﻜﺮﺍﻥ ﻭﻳﺴﺐ ﺑﻨﻌﻴﻠﺔ
ﻭﺍﻧﻲ ﻣﺨﻠﺼﺘﻬﺎ ﻋﻠﻴﻪ ... ﺗﺰﻭﺟﻨﻲ ﻭﺍﻟﻠﻪ ﺍﺻﻴﺮ ﺍﻟﻚ ﺣﺰﺍﻡ ﺑﻈﻬﺮﻙ ﻭﺍﺷﻚ ﺣﻠﻚ ﻧﻮﻳﻠﻪ ﻋﻠﺊ ﺿﻮﺟﺘﻚ
ﺭﺣﺖ ﻧﻤﺖ ﻭﺍﻧﻲ ﺍﻓﻜﺮ ﺑﻬﻞ ﺩﻭﺍﻣﻪ ﺍﻟﻲ ﺻﺎﺭﺕ ﺑﺤﻴﺎﺗﻲ ....
...........................
ﺭﻳﻬﺎﻡ ...
ﻻﺑﺴﻪ ﻋﺒﺎﻳﺔ ﺍﻟﺼﻼﺓ ﻭﻛﺎﻋﺪﻩ ﺑﻴﻦ ﻳﺪﻱ ﻟﻠﻪ .. ﺍﻟﺪﻣﻌﻪ ﻣﺎ ﻓﺎﺭﻛﺖ ﻋﻴﻨﻲ ﻭﻻ ﻃﻠﻌﺖ ﻣﻦ ﻫﻞ ﻛﻬﻒ ﺍﻟﻤﻈﻠﻢ ﻣﻦ ﻳﻮﻡ ﺍﻟﻲ ﺗﺤﺮﺵ ﺑﻴﻪ ﺻﻼﺡ ﻟﺤﺪ ﺍﻻﻥ ....
ﺍﺑﻮﻳﻪ ﺟﺎﻥ ﻳﻜﻮﻝ ﺑﻮﻳﺔ ﺭﻳﻬﺎﻡ ﺍﻧﺘﻲ ﻣﺜﻞ ﺳﺠﺪﻩ ﺑﻌﻄﺮ ﺍﻟﺠﻮﺭﻱ ﻻ ﻭﺍﻟﻠﻪ ﺑﻮﻳﻪ ﺍﻧﺘﻲ ﺍﻧﻘﺊ ...
ﻛﻔﻜﻔﺖ ﺩﻣﻮﻋﻲ ﺑﺎﻧﻬﻴﺎﺭ ... ﺑﻮﻳﻪ ﺍﻟﺴﺠﺪﻩ ﺗﻠﻮﺛﺖ ﺑﺲ ﻣﻮ ﺫﻧﺒﻲ ﻭﺍﻟﻠﻪ ﻭﻣﻊ ﺍﻟﻌﻠﻢ ﺍﻋﺮﻑ ﻣﻮ ﺫﻧﺒﻲ ﺑﺲ ﺩﺍ ﺍﺣﺲ ﺑﻘﻬﺮ ﻓﻀﻴﻴﻊ
ﻫﻤﺴﺖ ﺑﻨﺤﻴﺐ ... ﻳﺎﺑﻪ ﺟﺴﻤﻲ ﻣﺤﻤﻞ ﺑﺎﻟﻤﺴﺎﺗﻪ ﻭﻻ ﻋﺒﺎﻟﻚ ﻓﺮﺣﺎﻧﻪ .... ﻟﻤﺴﺎﺗﻪ ﻣﺜﻞ ﺍﻟﺴﻮﻭﻁ ﺗﺤﺮﻙ ﺟﺴﻤﻲ ﻭﻣﺎ ﺗﺸﺎﻓﻲ ...
ﺻﺮﺕ ﺍﻛﺮﻩ ﺍﻟﻠﻴﻞ ﻭﺍﻟﺴﺒﺤﻪ ﻣﺎ ﺗﻔﺎﺭﻙ ﺍﺻﺎﺑﻌﻲ ﻭﺍﻧﻲ ﺍﺳﺒﺢ ﺑﻤﻄﺮ ﺍﻟﻐﻔﺮﺍﻥ ﺑﻠﻜﻲ ﺗﻐﻔﺮ ﻋﻤﻖ ﺧﻄﻴﺌﺔ ﺻﻼﺡ ﻭﻳﺎﻳﻪ ...
ﻫﻤﺴﺖ ﺑﺤﻨﻴﻦ .. ﺍﻟﻠﮭــــــــﻢَ ﺑﺸـــــﺮَﻧْﻲ ﺑﺂﻟِﺼﺒﺮ
ﮔﻤّﺂ ﺑﺸــــــــﺮَﺕِ ﺍﻟﺼﺎﺑﺮﻳﻦ ﺑــ ﺑﺎﻟﺠﻨﺔ ....
ﺗﻨﻬﺪﺕ ... ﻣﺎ ﺍﺭﻳﺪ ﺑﺲ ﺍﻟﺼﺒﺮ ﺍﻟﻲ ﻳﺸﻮﻓﻨﻲ ﻳﻜﻮﻝ ﻫﺎﻱ ﺗﺒﺎﻟﻎ ﺑﺲ ﻭﺍﻟﻠﻪ ﻣﺴﺘﺤﻴﻞ ﺗﻜﻮﻥ ﻣﺒﺎﻟﻐﻪ ﻣﻨﻲ ﺍﻧﻲ ﺍﻧﺴﺎﻧﻪ ﺗﻌﻠﻤﺖ ﻋﻠﺊ ﺍﻟﺸﺮﻑ ﻭﺍﺣﺘﺮﺍﻡ ﻣﺴﺘﺤﻴﻪ ﻣﻦ ﻧﻔﺴﻲ ﻻﻥ ﺍﻟﻲ ﺻﺎﺭ ﺣﺮﺍﻡ ﺍﻋﺮﻑ ﻣﺎ ﺍﻟﻲ ﺫﻧﺐ ﺑﻲ ﺑﺲ ﻣﺎ ﺍﻛﺪﺭ ﺍﺗﺠﺎﻭﺯ ﻫﻴﺞ ﻣﻮﻗﻒ ﺑﺤﻴﺎﺗﻲ ...
ﻭﻣﺴﺘﺤﻴﻞ ﻳﻤﺮ ﻣﺮﻭﺭ ﺍﻟﻜﺮﺍﻡ ﺣﺴﻴﺖ ﻧﻔﺴﻲ ﺷﻬﻮﻩ ﻭﺭﻏﺒﻪ ﻭﺟﺴﻢ ﺷﻨﻮ ﺍﻟﻲ ﺟﺬﺑﻪ ﺍﻟﻴﻪ ﻻﺑﺴﻪ ﺍﻟﻤﺨﺼﺮ ﻣﺴﻮﻳﻪ ﺍﻏﺮﺍﺀﺍﺕ؟ ﻭﺍﻟﻠﻪ ﺑﺤﻴﺎﺗﻲ ﻛﻠﻬﺎ ﻣﺎ ﺍﺗﻌﻤﺪﺕ ﺍﺛﻴﺮ ﻏﺮﻳﺰﺓ ﺭﺟﻞ ...
ﻻﻥ ﺣﺮﺍﻡ ﻣﺎ ﻓﺪﻳﻮﻡ ﻗﺪﻣﺖ ﻧﻔﺴﻲ ﺑﻄﺒﻖ ﻣﻦ ﺫﻫﺐ ﻭﻻ ﺗﻌﺮﻳﺖ ﻭﻻ ﺗﻤﻀﺤﻜﺖ ﻟﻴﺶ ﺍﻧﻲ ﺑﺎﻟﺬﺍﺕ ﺻﻼﺡ ﻳﻌﺘﺪﻱ ﻋﻠﻴﻪ
ﺣﺴﻴﺖ ﺍﻟﺒﺎﺏ ﺍﻧﻔﺘﺢ ﺻﺎﻳﺮﻩ ﺑﻴﻪ ﺧﻮﻭﻓﻪ ﻣﻦ ﻳﻨﻔﺘﺢ ﺍﻟﺒﺎﺏ ﺑﺎﻭﻋﺖ ﺷﻔﺘﻪ ﺟﺎﺑﺮ ﺗﻨﻬﺪﺕ ﻭﺭﺟﻌﺖ ﺍﺳﺒﺢ ﺑﺎﻟﺴﺒﺤﻪ
ﺟﺮ ﻧﻔﺲ ﻭﺍﺟﻪ ﻛﻌﺪ ﻋﻠﺊ ﺍﻟﺴﺮﻳﺮ ﻣﺤﺠﻴﺖ ﻭﻻ ﻛﻠﻤﻪ ﻭﻫﻮ ﻫﻤﺎﺗﻴﻦ ﻣﺎ ﺣﺠﻪ ...
ﺷﻮﻳﻪ ﻭﺗﻜﻠﻢ ﺑﺼﻌﻮﻭﺑﻪ ... ﺣﺒﻴﺒﺘﻲ ﺭﻳﻬﺎﻡ ﻋﻨﺪﻱ ﻣﻮﺿﻮﻉ ﻭﻳﺎﺝ
ﺩﺭﺕ ﻭﺟﻬﻲ ﻋﻠﻴﻪ ﺑﺘﺴﺎﺅﻝ ... ﺍﻥ ﺷﺎﺀ ﺍﻟﻠﻪ ﺧﻴﺮ
ﻣﺴﺢ ﻭﺟﻬﻪ ﺑﺘﻮﺗﺮ ... ﺧﻴﻴﺮ ﺧﻴﻴﺮ
ﻛﻤﻞ ﺑﺘﺮﺩﺩ ... ﺭﻳﻬﺎﻡ ﺍﻧﻲ ﻣﻮ ﺍﺩﺍﻓﻊ ﺍﻟﺼﻼﺡ ﺑﺲ ﻭﺍﻟﻠﻪ ﺻﻼﺡ ﺟﺎﻥ ﺳﻜﺮﺍﻥ
ﺣﻀﻨﺖ ﺟﺴﻤﻲ ﺑﺼﺪﻣﻪ ... ﻳﺎﺍﺍﺍﻭﻳﻞ ﺣﺎﻟﻲ ﺳﻜﺮﺍﻥ ﻟﻮﺙ ﺟﺴﻤﻲ ﻭﻫﻮ ﺳﻜﺮﺍﻥ ﺣﻴﻮﺍﻥ ﺣﻘﻴﻴﻴﺮ ﻣﺎ ﺍﻟﻪ ﺍﻱ ﻋﺬﺭ ﻭﻋﺬﺭﻩ ﺍﻗﺒﺢ ﻣﻦ ﻓﻌﻠﻪ ... ﻳﺸﺮﺏ ﺍﻧﻮﺏ ﻳﺸﺮﺏ ﻳﻐﻀﺐ ﺭﺑﻪ ﺣﺴﺎﻓﻪ ﻭﺍﻟﻠﻪ ﺣﺴﺎﻓﻪ
ﺟﺮ ﻧﻔﺲ ... ﺷﺒﻴﺞ ﺭﻳﻬﺎﻡ ﻫﻮ ﻣﻮ ﻳﺸﺮﺏ ﺑﺲ ﺟﻌﻔﺮ ﺷﺮﺑﻪ ﺣﺒﺎﻳﻪ ..
ﻭﻛﻔﺖ ﺑﻐﻀﺐ ... ﺻﺪﻛﺘﻪ ﻣﻮﻭ ﺗﺮﺉ،ﺟﺬﺍﺏ ﻳﺪﻭﺭ ﺍﻟﻪ ﻋﺬﺭ ﻣﺴﺘﺤﻴﻴﻴﻞ ﺷﻨﻮ ﺍﺣﻨﻪ ﻗﺸﺎﻣﺮ ﺣﺘﺊ ﻳﻀﺤﻚ ﻋﻠﻴﻨﻪ
ﻭﻛﻒ ﻭﺗﻘﺮﺏ ﻣﻨﻲ ﺍﺣﺘﻀﻨﻲ ﺑﺤﻨﺎﻥ ... ﺣﺒﻴﺒﺘﻲ ﺭﻳﻬﺎﻡ ﺍﺳﻤﻌﻲ ﻣﻨﻲ ﺧﻠﻲ ﺍﻓﻬﻤﺞ ﻣﻦ ﺍﺟﻪ ﺟﻌﻔﺮ ﺟﺎﻥ ﺑﻴﺪﻩ ﺣﺒﻮﺏ ﻭﺍﻧﺘﻲ ﺳﻮﻳﺘﻲ ﺟﺎﻱ ﻭﺑﻬﺎﻱ ﺍﻻﺛﻨﺎﺀ ﺩﺧﻞ ﺻﻼﺡ ﻓﺠﻌﻔﺮ ﺧﺎﻑ ﻣﻨﻪ ﺷﻤﺮ ﺍﻟﺤﺒﺎﻳﺔ ﺑﺎﻟﺠﺎﻱ ﻭﺻﻼﺡ ﺑﺪﻭﻥ ﻣﻴﺪﺭﻱ ﺷﺮﺑﻪ
ﺑﺎﻭﻋﺘﻠﻪ ﺑﻌﺪﻡ ﺗﺼﺪﻳﻖ ﺍﺑﺘﺴﻢ ﺑﺤﺰﻥ ... ﺍﻥ ﺑﻌﺾ ﺍﻟﻈﻦ ﺍﺛﻢ ﻳﺎ ﺭﻳﻬﺎﻡ ﻭﺍﻧﻲ ﺿﻨﻴﺖ ﺑﻲ ﻫﺬﺍ ﺍﻟﻈﻦ
ﺟﺎﻭﺑﺘﻪ ﺑﻘﻬﺮ ... ﻫﺬﺍ ﻛﻼﻣﻪ ﻟﻮ ﻛﻼﻣﻚ ﻳﻌﻨﻲ ﻫﻮ ﺍﺧﺘﻠﻖ ﻫﻞ ﻋﺬﺭ ﻟﻮ ﺍﻧﺖ ﺷﻔﺘﻪ ...
ﻫﺰ ﺭﺍﺳﻪ ﺑﻨﻔﻲ ... ﻻ ﻭﺍﻟﻠﻪ ﺍﻧﻲ ﺷﻔﺘﻪ ﺍﻟﺠﻌﻔﺮ ﺧﻠﻪ ﺍﻟﺤﺒﺎﻳﻪ ﺣﺘﺊ ﺿﻠﻴﺖ ﺍﺣﺠﻲ ﻋﻠﻴﻪ ...
ﺩﺭﺕ ﻭﺟﻬﻲ ﺑﺰﻋﻞ ... ﺣﺘﺊ ﻟﻮ ﺟﺎﻥ ﺳﻜﺮﺍﻥ ﻟﻴﺶ ﺍﻗﺘﺤﻢ ﻏﺮﻓﺘﻲ ﺷﻨﻮ ﺟﺎﻥ ﺗﻔﻜﻴﺮﻩ ﺑﻴﻪ ...
ﺳﻜﺘﺖ ﻣﺎ ﺭﺩﺕ ﺍﺣﺠﻲ ﺍﻛﺜﺮ ﻭﻻ ﺍﺩﺧﻞ ﺑﻤﻮﺍﺿﻴﻊ ﻣﺎ ﺍﻟﻬﻪ ﺻﺤﻪ
ﻣﺴﺤﺖ ﺩﻣﻮﻋﻲ ... ﺑﻌﺪ ﺍﻟﺼﺎﺭ ﺻﺎﺭ ﺧﻠﻲ ﻳﻜﻮﻥ ﺑﻌﻴﺪ ﻋﻨﻲ
ﺟﺎﺑﺮ ... ﺑﺲ ﻫﻮ ﻳﺮﻳﺪ ﻳﻌﺘﺬﺭ ﻣﻨﺞ
ﺟﺎﻭﺑﺘﻪ ﺑﺼﺪﻣﻪ .... ﻻﺍﺍﺍﺍﺍ ﻣﺴﺘﺤﻴﻴﻞ ﻣﺎ ﺍﺭﻳﺪ ﺍﺷﻮﻭﻭﻭﻓﻪ ﺧﻠﻲ ﺑﻌﻴﺪ ﻋﻨﻲ ...
ﺿﺤﻚ ... ﺯﻳﻦ ﺷﻠﻮﻥ ﻣﻦ ﺑﺎﺟﺮ ﻳﺠﻤﻌﻜﻢ ﺳﻘﻒ ﻭﺍﺣﺪ
ﻋﻘﺪﺕ ﺣﻮﺍﺟﺒﻲ ﺑﺎﺳﺘﻐﺮﺍﺏ ... ﺷﻨﻮ ﻗﺼﺪﻙ
ﺟﺮ ﻧﻔﺲ ﻭﻣﺴﺢ ﻋﻠﻰ ﺧﺪﻱ ﺑﺤﻨﺎﻥ ﻛﺎﻝ .. ﺑﺎﺟﺮ ﺍﻫﻠﻲ ﻳﺮﺟﻌﻮﻥ ﻣﻦ ﺍﻟﻌﻤﺮﻩ ﺍﺭﻳﺪﺝ ﺗﻜﻮﻧﻴﻦ ﻗﻮﻳﻪ ﻭﻣﺎ ﺗﺒﻴﻨﻴﻦ ﺍﻟﺼﺎﺭ
ﻫﻤﺴﺖ ﺑﻬﺪﻭﺀ .. ﺍﻥ ﺷﺎﺀ ﺍﻟﻠﻪ
ﻃﻠﻊ ﺧﻄﻴﻪ ﻣﻦ ﺍﻟﻐﺮﻓﻪ ﻭﺍﻧﻲ ﺍﻧﻘﻬﺮﺕ ﻋﻠﻴﻪ ﺣﻴﻴﻞ ﺻﺎﺭ ﻛﻢ ﻳﻮﻡ ﻣﻦ ﺍﻟﺤﺎﺩﺙ ﻟﺤﺪ ﺍﻻﻥ ﻭﺍﻧﻲ ﻫﺎﻣﻠﺘﻪ ﺧﻄﻴﻪ ﻳﺠﻴﺐ ﺍﻛﻞ ﻛﻠﻪ ﻣﻦ ﺍﻟﻤﻄﻌﻢ ...
ﻭﺍﻧﻲ ﺍﺳﺘﺤﺮﻡ ﺍﻛﻞ ﺍﻛﻞ ﻣﻄﺎﻋﻢ ﻟﻜﺺ ﻭﺍﻟﻜﺒﺎﺏ ﻭﺍﻟﻤﺸﺎﻭﻱ ﻻﻥ ﻣﺎ ﺍﻋﺮﻑ ﻣﺼﺪﺭﻫﻦ ﻭﺍﺧﺎﻑ ﻣﺴﺘﻮﺭﺩ ﻭﻣﻤﺬﺑﻮﺡ ﻋﻠﺊ ﺍﻟﻘﺒﻠﻪ ...
ﻓﻬﻮ ﻳﺠﻴﺐ ﻟﻔﺎﺕ ﻓﻼﻝ ﻟﻮ ﻳﺠﻴﺐ ﺗﻤﻦ ﻭﻣﺮﻙ ﺳﻔﺮﻱ
ﻃﻠﻌﺖ ﺩﺍ ﺍﺳﻮﻱ ﺍﻛﻞ ﺧﺎﺑﺮﺕ ﻭﻗﺎﺭ ﻓﺘﺤﺖ ﻋﻠﻴﻬﺎ ﺧﻂ ﺿﻠﻴﺖ ﺍﺣﺠﻲ ﻭﻳﺎﻫﺎ ﻭﻫﻲ ﻛﺎﻟﺖ ﺑﻔﺮﺣﻪ ... ﺭﻫﻮﻣﻪ ﺣﺒﻲ
ﺻﻼﺡ ﺣﺠﻪ ﻭﻳﻪ ﻣﺎﻣﺎ ﻭﻳﺮﻳﺪ ﻳﺨﻄﺒﺞ ...
ﺭﺩﺕ ﺑﻔﺮﺣﻪ .... ﻣﻤﺼﺪﻛﻪ ﻭﻧﺒﻲ ﻣﻤﺼﺪﻛﻪ ﻣﻌﻘﻮﻟﻪ ﺣﻨﻜﻮﻥ ﺍﻧﻲ ﻭﻳﺎﺝ ﻧﻔﺲ ﺍﻟﺒﻴﺖ ﻭﻧﻌﻴﺶ ﺳﻮﻩ ﻣﺎ ﺍﺧﻠﻴﺞ ﺗﻨﺎﻣﻴﻦ ﻳﻢ ﺻﻼﺡ ﺗﻨﺎﻣﻴﻦ ﻋﻨﺪﻱ
ﺣﺴﻴﺖ ﺑﻌﺼﺮﺓ ﺑﺼﺪﺭﻱ ... ﺍﺳﻜﺘﻲ ﺷﻨﻮ ﻫﻞ ﺣﺠﻲ ﻫﻮ ﻻﺯﻡ ﻳﺘﺰﻭﺝ ﻧﻮﺍﻝ ﻻﻥ ﻫﻢ ﻗﺮﺭﻭﺍ ﻭﺍﺻﻼ ﺍﺑﻮﻳﻪ ﻃﻠﺐ ﻣﻨﻪ ﻳﺘﺰﻭﺟﻬﺎ ... ﺑﻌﺪ ﺷﻨﻮ ﻫﻞ ﻛﻼﻡ ...
ﻭﻗﺎﺭ ﺑﻀﺤﻜﻪ ... ﻫﻬﻬﻬﻬﻪ ﺗﺤﺠﻴﻦ ﻫﻴﺞ ﻻﻥ ﺧﺠﻼﻧﻪ ﺍﺩﺭﻱ ﺑﻴﺞ ﻳﻌﻤﺮﻱ ... ﺑﺲ ﻣﺘﻌﺮﻓﻴﻦ ﺷﻜﺪ ﻓﺮﺣﺎﻧﻪ ...
ﺷﻤﺌﺰﻳﺖ ﻣﻦ ﻛﻼﻣﻬﺎ ﻭﻗﻔﻠﺖ ﺍﻟﺨﻂ ﺑﻮﺟﻬﻬﺎ ﺗﻌﺒﺎﻧﻪ ﻧﻔﺴﻴﺎ ﻭﺟﺴﺪﻳﺎ ﻣﺎ ﺍﻟﻲ ﺧﻠﮓ ﺍﻻﻱ ﺷﺊ ....
ﻛﻤﻠﺖ ﺍﻻﻛﻞ ﺍﻛﻠﻨﻪ ﻭﺑﻌﺪﻫﺎ ﺿﻠﻴﺖ ﺍﻧﻀﻒ ﻭﺍﺭﺗﺐ ﻭﺍﻧﻮﺏ ﺭﺟﻌﺖ ﺍﺻﻠﻲ،ﻭﻧﻤﺖ ...
ﻛﻌﺪﺕ ﺍﻟﺼﺒﺢ ﺟﺎﺑﺮ ﻛﺎﻝ ... ﺭﺍﺡ ﻳﺠﻮﻥ ﺍﻫﻠﻲ ... ﺭﺍﺡ ﺍﺟﻴﺒﻬﻢ ﻣﻦ ﺍﻟﻤﻄﺎﺭ ﺗﻤﺸﻴﻦ ﻭﻳﺎﻱ
ﺍﺑﺘﺴﻤﺖ ﺑﺤﺰﻥ ... ﻻ ﺭﻭﺡ ﺍﻧﺖ ﻟﻮﺣﺪﻙ ﺍﻟﻠﻪ ﻭﻳﺎﻙ ...
ﺧﻠﻪ ﻭﺭﺍﺡ ﻭﺍﻧﻲ ﺿﻠﻴﺖ ﺍﺭﺗﺐ ﺑﺎﻟﺒﻴﺖ ...
ﺷﻮﻳﻪ ﻭﺍﺟﻮﻱ ﻣﻦ ﺍﻟﺴﻌﻮﺩﻳﻪ ﺷﻜﺪ ﻓﺮﺣﺖ ﺑﺠﻴﺘﻬﻢ ﺣﻀﻨﺖ ﻣﺎﻣﺎ ﻭﺑﺠﻴﺖ ﺑﺼﻮﺕ ﻋﺎﻟﻲ ﻭﻫﻲ ﺧﻄﻴﻪ ﺿﻠﺖ ﺗﺒﺠﻲ ﻛﺎﻟﺖ ... ﻣﺮﻩ ﺛﺎﻧﻴﻪ ﻣﻦ ﺍﺭﻭﺡ ﺍﻟﺒﻴﺖ ﺍﻟﻠﻪ ﺍﺧﺬﺝ ﻭﻳﺎﻳﻪ ...
ﺍﻧﻮﺏ ﺣﻀﻨﺖ ﺑﺎﺑﺎ ﻭﺑﺠﻴﺖ ﻭﻫﻮ ﻳﻀﺤﻚ ﻋﻠﻴﻪ ﻭﻳﺒﻮﺱ ﺑﺮﺍﺳﻲ ... ﺑﻨﻴﺘﻲ ﺭﻫﻮﻭﻭﻣﻪ ﺩﻋﻴﺖ ﺍﻟﺞ ﺑﻴﺖ ﺍﻟﻠﻪ ﻳﻮﻓﻘﺞ ﻭﻳﻨﻮﺭ ﺩﺭﺑﺞ
ﺍﺑﺘﺴﻤﺖ ﻭﺑﺴﺖ ﺍﻳﺪﻩ ...
ﺳﻠﻤﺖ ﻋﻠﺊ ﺧﺎﻟﺘﻲ ﺻﺒﺮﻳﻪ ﻭﻛﻌﺪﻧﻪ ﺷﻮﻳﻪ ﻫﻢ ﻳﺴﻮﻟﻔﻮﻥ ﻋﻠﺊ ﺍﻟﺰﻳﺎﺭﺓ ﻭﻣﺘﺤﻤﺴﻴﻦ ....
ﺻﺒﺮﻳﺔ ... ﻳﻤﻤﻤﻤﺎﻱ ﻛﻌﺪﻧﻪ ﺑﻔﻨﺪﻕ ﻣﻮ ﻓﻨﺪﻕ ﻻ ﻭﺍﻟﻠﻪ ﻋﺒﺎﻟﻚ ﺑﺘﺮﻛﻴﺎ ﺷﻨﻲ ﺍﻟﺸﺎﺑﻮ .. « . ﺍﻟﺸﺎﻣﺒﻮ »
ﺷﻨﻲ ﺍﻟﺼﺎﺑﻮﻥ ﻟﻴﻔﻪ ﺷﻨﻲ ﺣﺘﺊ ﻧﻌﺎﻝ ﺍﺑﻴﺾ ﻣﺎﻝ ﺩﻛﺎﺗﺮﻩ ﻣﺨﻠﻴﻦ ﻟﻤﻴﺘﻬﻦ ﻛﻠﻬﻦ ﺟﺒﺘﻬﻦ ﻣﻦ ﺍﻟﻔﻨﺪﻕ ...
ﺷﻠﻮﻥ ﻧﺎﺱ ﻃﻴﺒﻪ ﺯﺭﻧﻪ ﻭﺩﻋﻴﻨﺎﻟﻜﻢ ﺭﻫﻴﻤﻪ ﺩﻋﻴﺘﻠﺞ ﺗﺰﻭﺟﻴﻦ ﺻﻼﺡ ﻻﻥ ﺧﻮﻭﺵ ﻭﻟﺪ ﺍﺫﻛﺮ ﻣﻦ ﺟﻜﻠﻴﺘﻪ ﺍﺧﺬﻫﺎ ﺭﺟﻠﻬﺎ ﻭﻫﻮ ﺍﺧﺬﻧﻲ ﺍﻟﻬﺎ ﺷﻠﻮﻥ ﻭﻟﺪ ﺣﺒﺎﺏ
ﺣﺘﺊ ﺷﺘﺮﺍﻟﻲ ﺑﻄﻞ ﺳﻴﻔﻮﻥ ﺑﺲ ﻣﻮ ﺳﻴﻔﻮﻥ ﺿﻠﻴﺖ ﺍﺗﺮﻳﻊ ﺣﺘﺊ ﻣﻦ ﺧﺸﻤﻲ ...
ﺍﺑﻮﻳﺔ ﺿﺤﻚ ﺑﺼﻮﺕ ﻋﺎﻟﻲ .... ﻫﻬﻬﻬﻬﻬﻪ ﻫﺴﻪ ﺍﻧﺘﻲ ﺣﺒﻴﺘﻲ ﺻﻼﺡ ﻋﻠﺊ ﺑﻄﻞ ﺍﻟﺴﻴﻔﻮﻥ ...
ﺻﺒﺮﻳﺔ ... ﻻﺍﺍﺍ ﺑﺲ ﺣﺮﺍﻣﺎﺕ ﻫﻞ ﺷﺎﺏ ﺍﻟﺤﻠﻮﻭ ﻳﺎﺧﺬ ﻣﺮﺓ ﺍﺧﻮﻭﻭ ﻫﻮ ﻣﺒﻴﻦ ﻣﺆﺩﺏ ﻣﻮ ﻣﻠﻄﻠﻂ ﻣﺜﻞ ﺍﺑﻮ ﺍﻟﻠﻮﻝ ﻣﺎ ﺻﺪﻙ ﺍﺧﻮ ﻣﺎﺕ ﺗﺰﻭﺝ ﺣﺰﻳﻨﻪ ﺟﻨﻬﺎ ﺻﻮﻳﻠﺢ ﺍﺑﻦ ﻣﺮﻳﻢ ...
ﺍﺑﺘﺴﻤﺖ ... ﺻﺪﻙ ﺧﺎﻟﻪ ﻧﺴﻴﺖ ﺟﻮﻟﻴﻴﺖ ﺟﺎﺑﺖ ﺛﻨﻴﻦ ﻭﻟﺪ ﺗﻮﻭﻡ ﺩﻛﻮﻝ ﻭﺛﺎﺭ ﻳﺠﻨﻨﻮﻥ
ﻭﻛﻔﺖ ﺑﻔﺮﺣﻪ .... ﺻﺪﻙ ﺟﻮﻳﻠﻴﺘﻪ ﺟﺎﺍﺍﺍﺑﺖ ؟ ﻭﺍﻧﻮﺏ ﺗﻮﻡ ﻭﻟﺪ ﻣﺎ ﻣﺼﺪﻛﻪ ﺷﻠﻮﻥ ﻃﻠﻜﺖ ﺑﻴﻬﻢ ﻫﻞ ﺟﻜﻠﻴﺘﻪ ﺍﻟﻤﺎﻳﻌﻪ
ﺍﻧﻪ ﻫﻨﺎﻙ ﻭﺍﻓﻜﺮ ﺷﺸﺘﺮﻱ ﻟﻔﺮﺥ ﺟﻮﻳﻠﻴﺘﻪ ﺟﺎﺑﺖ ﻣﻼﺑﺲ ﻭﻫﺪﻳﻪ ﺍﻟﻬﺎ ...
ﺧﻠﻲ ﺍﺭﻭﺡ ﺍﻟﻬﺎ ...
ﺟﺎﺑﺮ ... ﺧﺎﻟﻪ ﺍﻧﺘﻲ ﻣﻮ ﻫﺴﻪ ﺟﺎﻳﻪ ﻣﻦ ﺩﻭﻟﻪ ﻭﺗﻌﺒﺎﻧﻪ ﺍﻛﻌﺪﻱ ﻭﺍﻥ ﺷﺎﺀ ﺍﻟﻠﻪ ﻣﻦ ﺗﺮﺗﺎﺣﻴﻦ ﺍﺧﺬﺝ ﺍﻟﻬﺎ ...
ﺻﺒﺮﻳﺔ ﺑﻐﻀﺐ ... ﺧﻴﺒﻪ ﻛﻮﻭﻭﻡ ﺗﻌﺒﺎﻧﻪ ﺷﻨﻲ ... ﻣﺎ ﺩﻛﻠﻲ ﺟﻨﺖ ﺷﺴﻮﻱ ﺍﺣﺼﺪ ﻳﻮ ﺍﻓﻠﺢ ﻫﻲ ﻛﻠﻬﺎ ﻣﺨﻠﺼﺘﻬﺎ ﺭﺍﻓﻌﻪ ﺍﻳﺪﻱ ﻭﺍﺩﻋﻲ ﺭﺑﻲ ﻳﺤﻔﻆ ﺣﻼﻟﻲ ...
ﺑﺲ ﻧﺴﻴﺖ ﺍﺩﻋﻲ ﻋﻠﺊ ﺣﺴﻨﻪ . . ﻻ ﻣﻮ ﻧﺴﻴﺖ ﺑﺲ ﺧﻠﻲ ﺗﻮﻟﻲ ﺣﺮﺍﻣﺎﺕ ﺍﻭﺳﺦ ﻟﺴﺎﻧﻲ ﺑﻴﻬﺎ
ﺭﺩ ﺍﺑﻮﻳﻪ .. ﻻ ﺧﻮﻳﻪ ﺻﺒﺮﻳﺔ ﺍﺭﺗﺎﺣﻲ ﻭﺍﻥ ﺷﺎﺀ ﺍﻟﻠﻪ ﺑﺎﻟﻴﻞ ﻳﺎﺧﺪﺝ ﺟﺎﺑﺮ
ﺻﺒﺮﻳﺔ ﺑﻘﻬﺮ ... ﺧﻮﻳﻪ ﻣﻮ ﺿﺎﻝ ﺑﺎﻟﻲ ﻋﻠﺊ ﻃﻠﻴﺎﺗﻲ ﻭﺩﺟﻴﺠﺎﺗﻲ ﻭﻛﻨﻮﺵ ﺗﺪﺭﻱ ﺑﻲ ﻣﺘﻌﻠﻢ ﻋﻠﻴﻪ ﺗﺬﻛﺮ ﻣﻦ ﺧﺎﺑﺮﺕ ﺍﻟﻔﻼﺡ ﺷﮕﺎﻝ ..
ﮔﺎﻝ ﮔﻨﻮﺵ ﻣﺎ ﻳﺎﻛﻞ ﺍﻋﺮﻓﻪ ﻣﺎ ﻳﺎﻛﻞ ﺍﻟﻪ ﻣﻦ ﺍﻳﺪﻱ ﺳﻮﺩﻩ ﺑﻮﺟﻬﻪ ﺣﺴﻨﻪ ...
ﺍﺑﻮﻳﻪ ﻛﻠﻬﺎ ... ﻣﻴﺨﺎﻟﻒ ﺧﻮﻳﻪ ﺍﺭﺗﺎﺣﻲ ﻭﺍﻥ ﺷﺎﺀ ﺍﻟﻠﻪ ﻳﺎﺧﺬﺝ ﺟﺎﺑﺮ ﺑﺎﻟﻴﻞ ﺍﻟﺠﻮﻟﻴﻴﺖ ﻭﻋﮕﺐ ﺑﺎﺟﺮ ﻳﺎﺧﺬﺝ ﺍﻟﺒﻴﺘﺞ ....
ﺻﺒﺮﻳﺔ ... ﺍﻭﻭﻭﻑ ﻳﺎ ﺭﻳﺤﺔ ﮔﻨﻮﺵ ﻣﻌﺰﺗﻪ ﺧﺎﺍﺍﺻﻪ ﺍﺣﺒﻪ ﺍﻛﺜﺮ ﻣﻦ ﺣﺒﻲ ﺍﻻﺑﻮ ﺍﻟﻠﻮﻝ ﻣﻦ ﺟﻨﺖ ﻣﺮﺍﻫﻘﻪ ﻭﺛﻮﻟﻪ ﻭﺍﺣﺒﻪ
ﺍﻣﺪﺍﻧﻲ ﺍﺷﻔﺖ ﻣﻨﻪ ﻫﻞ ﺍﻟﺼﺨﻞ ﻫﺬﺍ ...
ﺿﻠﺖ ﺗﺴﻮﻟﻒ ﻭﺗﺤﺠﻲ ﻭﺍﺣﻨﻪ ﻧﻀﺤﻚ ﻣﻦ ﺍﺟﻮﻭ ﺍﻫﻠﻲ ﺍﺭﺗﺎﺣﻴﺖ ﺷﻮﻳﻪ ...
ﺟﺎﺑﺮ ﺫﺑﺢ ﻃﻠﻲ ﻭ ﻭﺯﻋﻪ ﻟﻠﻔﻘﺮﻩ ﻟﺴﻼﻣﺔ ﺍﻫﻠﻲ ﻣﻦ ﺍﻟﺴﻔﺮ .....
ﺿﻠﻴﻨﻪ ﻟﻠﻴﻞ ﺍﺟﺖ ﻋﻤﺘﻲ ﺍﻡ ﻓﻼﺡ ﻭﻋﻤﺘﻲ ﺭﺿﻴﻪ ﻭﺟﺎﺳﺮ ﻭﺻﻼﺡ ﺗﺒﺎﺭﻛﻮﺍ ﺍﻻﻫﻠﻲ ...
ﺟﺎﻧﺖ ﺟﺎﻳﻪ ﻭﻗﺎﺭ ﻭﻳﺎﻫﻢ ﺿﻠﺖ ﻛﺎﻋﺪﻩ ﻳﻤﻨﻪ ...
ﺑﻌﺪﻫﺎ ﺍﻟﻮﻟﺪ ﺭﺍﺣﻮ ﻣﻦ ﺍﺟﻪ ﺻﻼﺡ ﻭﻳﺎﻫﻢ ﺣﻴﻴﻞ ﺿﺠﺖ ﺑﺲ ﺑﺪﺍﺧﻠﻲ ﻧﻘﻴﺾ ﻣﻦ ﺍﻟﻤﺸﺎﻋﺮ ﺳﺎﻋﻪ ﺍﺿﻮﺝ ﺳﺎﻋﻪ ﻃﺒﻴﻌﻴﺔ ...
ﺧﺎﻟﺘﻲ ﺍﻡ ﻓﻼﺡ ﻛﻌﺪﺕ ﻳﻢ ﺍﺑﻮﻳﻪ ﻛﺎﻟﺖ ... ﺧﻮﻭﻭﻳﻪ ﺍﺑﻮ ﺟﺎﺑﺮ ﺍﻧﺖ ﺗﻌﺮﻑ ﻭﻟﺪﻱ ﻭﺍﻧﺖ ﻣﺮﺑﻴﻬﻢ ﻭﺗﻌﺮﻑ ﺑﺼﻼﺡ ﺷﻜﺪ ﻣﺆﺩﺏ ﻭﺍﺧﻮ ﺍﺧﻴﺘﻪ ...
ﺍﺑﻮﻳﻪ ﺭﺩ ... ﻭﻧﻌﻢ ﻣﻨﻪ ﺷﻠﻮﻥ ﻣﺎ ﺍﻋﺮﻓﻬﺎ ﺻﻼﺡ ﻭﺭﺩﻩ ﻭﺍﻟﻠﻪ ﻭﺳﺒﻊ ﻭﻟﻜﻞ ﺗﺸﻬﺪ ﺍﻟﻪ ..
ﻓﺮﻛﺖ ﺍﺩﻳﻬﺎ ﺑﺘﻮﺗﺮ ... ﺍﺭﻳﺪ ﺍﻃﻠﺐ ﺍﻳﺪ ﺭﻳﻬﺎﻡ ﻟﺼﻼﺡ ﻻﻥ ﻫﻮ ﻣﺎ ﻳﺮﻳﺪ ﻣﺮﺕ ﺍﺧﻮﻭ ﻭﺗﺮﻳﺪ ﺍﻟﺼﺮﺍﺣﻪ ﻫﻮ ﻋﺎﺟﺒﺘﻪ ﺭﻳﻬﺎﻡ ...
ﺍﺑﻮﻳﻪ ﺿﺤﻚ ﻭﻫﻮ ﻳﺒﺎﻭﻋﻠﻲ ﻭﺍﻧﻲ ﻧﺰﻟﺖ ﺭﺍﺳﻲ ﺑﺨﺠﻞ ﻭﻓﺸﻠﻪ ﻭﺑﻠﻌﺖ ﺭﻳﻜﻲ
ﻛﺎﻝ ... ﻭﺍﻟﻠﻪ ﻫﻮ ﺑﻜﻴﻒ ﺭﻫﻮﻣﻪ ﺍﻧﻲ ﻣﻦ ﺯﻣﺎﻥ ﻛﺎﻳﻞ ﻣﺎ ﺍﺟﺒﺮﻫﺎ ...
ﺣﻀﻨﺘﻨﻲ ﺍﻡ ﻓﻼﺡ ﻛﺎﻟﺖ ... ﺑﻨﺘﻲ ﺭﻫﻮﻣﻪ ﺳﺎﻛﺘﻪ ﺍﻛﻴﺪ ﻣﻮﺍﻓﻘﻪ ﻣﻮ ﻳﻜﻮﻟﻮﻥ ﺍﻟﺴﻜﻮﺕ ﻋﻼﻣﺔ ﺍﻟﺮﺿﺎ
ﺍﺑﻮﻳﻪ ﺑﻀﺤﻜﻪ ... ﻫﻬﻬﻬﻪ ﻭﺍﻟﻠﻪ ﺍﻛﻴﻒ ﻋﻠﺊ ﺍﻻﻗﻞ ﺑﻨﻴﺘﻲ ﻣﺎ ﺗﺮﻭﺡ ﺍﻟﻨﺎﺱ ﻏﺮﺏ ﻭﺍﻟﺘﻌﺮﻓﻪ ﺍﺣﺴﻦ ﻣﻦ ﺍﻟﻲ ﻣﺎ ﺗﻌﺮﻓﻪ ﺑﺲ ﻳﻀﻞ ﺍﻟﺮﺍﻱ ﺭﺃﻳﻬﺎ
ﺍﻧﻲ ﺧﺠﻠﺖ ﺧﻠﻴﺖ ﻭﺭﺣﺖ ﺑﺴﺮﻋﻪ ﻃﻠﻌﺖ ﻭ ﻭﻗﺎﺭ ﻃﻠﻌﺖ ﻭﺭﺍﻱ ﻭﻫﻲ ﺗﺼﺤﻚ ﻣﺘﺤﻤﺴﻪ ﻋﺒﺎﻟﻚ ﻫﻲ ﺧﺎﻃﺒﻴﻬﺎ ﻣﻮ ﺍﻧﻲ
ﺣﻀﻨﺘﻨﻲ ﻛﺎﻟﺖ ... ﺍﻗﺒﻠﻲ ﺍﻟﻠﻪ ﻋﻠﻴﺞ ﻭﺍﻟﻠﻪ ﺻﻼﺡ ﺍﺧﻮﻳﻪ ﺣﺒﺎﺏ
ﺩﺍﺭﺕ ﻭﺟﻬﻪ ﻋﻠﻴﻪ ﺷﺎﻓﺖ ﺍﻟﺪﻣﻮﻉ ﺑﻌﻴﻨﻲ ﻛﺎﻟﺖ ... ﺭﻳﻬﺎﻡ ﺷﺒﻴﺞ ﻟﻴﺶ ﺗﺒﺠﻴﻴﻦ
ﺳﻜﺘﺖ ﻣﺤﺠﻴﺖ ﻭﻫﻲ ﺗﻨﻬﺪﺕ ﺑﻀﻴﻖ ﻭﺷﻜﺖ ﺑﺄﻣﺮﻱ ...
............................
ﺟﻮﻟﻴﻴﺖ ...
ﺭﺍﺡ ﺟﺎﺳﺮ ﻫﻮ ﻭﺭﺿﻴﻪ ﺍﺧﺬ ﺍﻻﻃﻔﺎﻝ ﺻﺢ ﺍﻧﻄﻴﺘﻬﻢ ﺍﻟﻪ ﺑﺲ ﺟﺎﻥ ﻛﻠﺒﻲ ﻳﺮﺟﻒ ﻣﻦ ﺍﻟﺨﻮﻑ ﺟﻨﺖ ﺍﺷﻚ ﻳﺎﺧﺬﻫﻢ ﻭﻳﻨﻄﻴﻬﻢ ﺍﻻﺧﺘﻪ
ﺟﻨﺖ ﺍﻓﺘﺮ ﺑﺎﻟﻐﺮﻓﻪ ﺑﺨﻮﻭﻭﻑ ﺍﺣﺲ ﺍﺗﺎﺧﺮﻭﺍ ﺣﻴﻴﻴﻞ ....
ﻃﻠﻌﺖ ﻣﻼﺑﺴﻬﻢ ﻭﺣﻀﻨﺘﻬﻦ ﺍﻧﺘﺒﻬﺖ ﻋﻠﺊ ﺍﻟﻤﻼﺑﺲ ﺗﺨﺺ ﻣﻼﺑﺲ ﺍﻃﻔﺎﻝ ﻭﻟﺪ ﻭﻧﻔﺲ ﺍﻟﻠﻮﻥ ﺟﻨﺖ ﻋﺒﺎﻟﻲ ﻣﻼﺑﺲ ﺑﻨﺖ ﻧﻮﺍﻝ ﺍﻟﻲ ﻣﺎﺗﺖ ...
ﺑﺲ ﺍﻧﺼﺪﻣﺖ ﺍﻟﻤﻼﺑﺲ ﺗﺨﺺ ﻣﻼﺑﺲ ﺗﺆﻡ ﻣﻦ ﺳﺎﻟﺖ ﺭﺿﻴﻪ ﻛﺎﻟﺖ ﻣﻦ ﻋﺮﻑ ﺟﺎﺳﺮ ﺑﻴﺖ ﺗﻮﻡ ﻭﻟﺪ ﺍﻧﻄﺎﻧﻲ ﻓﻠﻮﺱ ﻭﻛﺎﻝ ﺟﻴﺒﻲ ﺟﻬﺎﺯ ﻛﺎﻣﻞ ﺍﻟﻬﻢ
ﺍﻟﺤﻤﺪ ﻟﻠﻪ ﻃﻠﻊ ﻋﻨﺪﻩ ﻗﻠﺐ ...
ﺭﺟﻌﺖ ﺑﺬﺍﻛﺮﺗﻲ ﻻﻳﺎﻡ ﺯﻣﺎﻥ ﻣﻦ ﺍﺗﺰﻭﺟﻨﻲ ﺟﺎﺳﺮ ﻣﺠﺒﻮﺭ ﺑﺴﺒﺐ ﺍﻟﺘﻬﻤﻪ ﺍﻟﻠﻌﻴﻨﻪ ﺍﻟﻲ ﻃﻠﻘﻬﺎ ﻋﻠﻴﻪ ﺍﺧﻮ ﻫﺎﻟﺔ ﻋﻠﺊ،ﻟﺴﺎﻥ ﺍﺣﻤﺪ ﺧﻄﻴﺐ ﻫﺎﻟﺔ ..
ﺣﺴﻴﺖ ﺑﺤﻘﺪ ﻋﻠﺊ ﻋﺎﺻﻢ ﻭﺣﺎﺯﻡ ﺣﺘﺊ ﻣﻦ ﺗﺰﻭﺟﺖ ﺗﺰﻭﺟﺖ ﻣﻜﺴﻮﺭﺓ ﺧﺎﻃﺮ ﻭﻓﺸﻼﻧﻪ ﻣﻦ ﺍﻫﻠﻲ ﻭﻣﻦ ﻧﻔﺴﻲ
ﺍﺗﺬﻛﺮ ﻣﻦ ﺩﺧﻞ ﺣﺎﺯﻡ ﺭﻓﺲ ﺍﻟﺒﺎﺏ ﺑﻘﻮﻩ ﺍﻧﻲ ﻭﺍﻣﻲ ﻭﺍﺑﻮﻳﻪ ﻓﺰﻳﻨﻪ ﻣﻦ ﻣﻜﺎﻧﻪ
ﺳﺤﻠﻨﻲ ﺑﻘﺴﻮﺓ ﻣﻦ ﺷﻌﺮﻱ ﻭﺿﺮﺑﻨﻲ ﺭﺍﺷﺪﻱ ﻭﺑﻌﺪﻫﺎ ﻃﺎﺣﻠﻲ ﺑﻮﻛﺴﻴﺎﺕ ﻭﻫﻮ ﻳﺼﻴﺢ ... ﻟﺞ ﻛﺢ ﻟﺞ ﺍﺩﺑﺴﺰ ﻫﻴﺜﻢ ﺍﺑﻦ ﻋﻤﻲ ﻳﻜﻮﻝ ﺧﻄﻴﺐ ﻫﺎﻟﻪ ﺩﺍﺯﻟﻪ ﺭﺳﺎﻟﻪ ﻳﻜﻠﻪ ﺑﻨﺖ ﻋﻤﻚ ﺟﻮﻟﻴﻴﺖ ﺟﻨﺖ ﺍﺧﺬﻫﺎ ﺷﻘﻖ ...
ﺍﻣﻲ ﻟﻄﻤﺖ ﻋﻠﺊ ﺧﺪﻫﺎ ﻭﺭﺟﻌﺖ ﺗﻠﻄﻢ ﻋﻠﺊ ﺻﺪﺭﻫﺎ ... ﻳﻤﻤﻪ ﻋﺰﺍ ﺍﻟﻌﺰﺍﻧﻲ ﻳﻤﻪ ﺻﺨﺎﻡ ﺍﻟﺼﺨﻤﻨﻲ ﻭﺍﻟﻠﻪ ﺟﺬﺏ ﺟﺬﺏ ﺟﻮﻟﻴﺖ ﻟﻮ ﺗﺘﺎﺧﺮ ﺩﻗﻴﻘﻪ ﺍﺭﻭﺡ ﺍﺭﻛﺾ ﻟﻠﻤﺪﺭﺳﻪ ﺍﺟﻴﺒﻬﺎ ﻭﺍﺟﻲ
ﻫﻮ ﺭﻓﺴﻨﻲ ﻋﻠﺊ ﺑﻄﻨﻲ ﻭﺻﺮﺥ ... ﺟﺬﺍﺍﺍﺍﺑﻪ ﻫﺎﻱ ﺟﺬﺍﺍﺍﺑﻪ ﻃﻴﺤﺖ ﺣﻀﻨﻪ ﻭﻃﻴﻨﺖ ﺭﻭﺳﻨﻪ ﻭﺍﻟﻠﻪ ﺑﺲ ﻳﺠﻲ ﻋﺎﺻﻢ ﺍﺧﻠﻲ ﻳﻤﻮﺗﻬﺎ ﺣﻼﻝ
ﺟﻨﺖ ﺍﺻﺮﺥ ﻭﺍﺗﻮﺳﻞ ﺑﻲ ﻭﺍﺑﺠﻲ ﻭﻫﻮ ﻻ ﺍﺑﺎﻟﻲ
ﺍﻣﻲ ﻟﺰﻣﺘﻪ ﺗﺒﺠﻲ ﻭﺍﺑﻮﻱ ﻻ ﺣﻮﻝ ﻭﻻ ﻗﻮﺓ ﻳﺒﺠﻲ ﺑﺄﻟﻢ ﻭﻳﻜﻠﻪ .. ﻭﻟﻚ ﻋﻮﻓﻬﺎ ﻭﻟﻚ ﺟﻮﻟﻴﻴﺖ ﺗﺮﺑﻴﺘﻲ ﻣﺘﺴﻮﻳﻬﺎ ﻭﻟﻜﻢ ﺍﺭﺣﻤﻮﻫﺎ ...
ﺍﺟﻪ ﻋﺎﺻﻢ ﺷﺎﻓﻨﻲ ﺑﻴﻦ ﺍﺩﻳﻴﻦ ﺣﺎﺯﻡ ﻣﻦ ﺷﻔﺖ ﻋﺎﺻﻢ ﻣﺎﺗﺖ ﺭﺟﻠﻴﻪ ﻣﻦ ﺍﻟﺨﻮﻭﻑ
ﺣﺎﺯﻡ ﺻﺎﺡ ﺑﺼﻮﺕ ﻋﺎﻟﻲ ... ﺗﻌﺎﻝ ﺷﻮﻑ ﺍﺧﺘﻚ ﺍﻡ ﺍﻟﺸﻘﻖ ﻭﻟﻚ ﺍﻛﺘﻠﻬﺎ ﻭﺍﻏﺴﻞ ﻋﺎﺭﻙ ﺍﺣﻨﻪ ﻻﺯﻡ ﻧﻐﺴﻞ ﻋﺎﺭﻧﻪ ﻫﺎﻱ ﻫﺴﻪ ﺗﻄﻠﻊ ﻣﻮ ﺑﻨﻴﺔ ...
ﻋﺎﺩ ﻋﺎﺻﻢ ﺗﺨﺒﻞ ﻛﻠﻪ . . ﻣﻨﻮ ﻳﻜﻮﻭﻝ ﺷﻨﻮ ﻫﻞ ﻛﻼﻡ
ﺟﺎﻭﺑﻪ ﺣﺎﺯﻡ ... ﻫﺬﺍ ﻛﻼﻡ ﺍﺣﻤﺪ ﺧﻄﻴﺐ ﻫﺎﻟﻪ ﻫﻮ ﺍﻟﻲ ﻛﺎﻝ ﻟﻬﻴﺜﻢ ﻭﻫﻴﺜﻢ ﻣﺘﺨﺒﻞ ﻭﻣﺘﺨﻠﻒ ﻳﻜﺘﻞ ﺍﺣﻤﺪ ...
ﻋﺎﺻﻢ ﺗﺨﺒﻞ ﺻﺎﺭ ﻳﻔﻠﺶ ﺑﺎﻟﺒﻴﺖ ﺗﻔﻠﺶ ﻭﺑﻌﺪﻫﺎ ﻟﺰﻣﻨﻲ ﻛﻄﻌﻨﻲ ﺗﻜﻄﻊ ﺩﺧﻠﻨﻲ ﻟﻠﻤﻄﺒﺦ ﻭﺷﻐﻞ ﺍﻟﻄﺒﺎﺥ ﻭﻗﻔﻞ ﺍﻟﻤﻄﺒﺦ ﺍﻣﻲ ﺟﺎﻧﺖ ﺗﺘﻮﺳﻞ ﺑﻲ ﻭﺗﺒﺠﻲ ...
ﺣﺎﺯﻡ ﻟﺰﻣﻨﻲ ﺍﻟﻪ ﻭﻫﻮ ﻟﺼﻖ ﺍﻟﺴﺠﻴﻦ ﻋﻠﺊ ﺭﺟﻠﻲ ﺑﻴﻮﻣﻬﺎ ﺭﻭﺣﻲ ﺻﻌﺪﺕ ﺍﻟﺮﺏ ﺍﻟﻌﺒﺎﺩ ﺻﺮﺕ ﺍﺻﺮﺭﺭﺭﺥ ﺑﺼﻮﺕ ﻋﺎﻟﻲ
ﻭﻓﻘﺪﺕ ﺍﻟﻮﻋﻲ ﻣﻦ ﺍﻟﻮﺟﻊ ...
ﻣﻦ ﺍﺗﺬﻛﺮ ﺍﻟﻤﺎﺿﻲ ﺩﻣﻮﻋﻲ ﺗﻨﺰﻝ ﺑﻮﺟﻊ ﻭﺍﻱ ﺫﻛﺮﻩ ﻣﻨﻬﻢ ﺗﺒﺠﻴﻨﻲ ﻭﺑﺤﺮﻗﺔ ﻗﻠﺐ ...
ﻣﺴﺤﺖ ﺩﻣﻮﻋﻲ ﺑﻘﺴﻮﻩ ﻣﺮ ﺑﺨﻴﺎﻟﻲ،ﻣﻦ ﻃﻠﻌﻮﻧﻲ ﻣﻦ ﺍﻟﻤﻄﺒﺦ ﻭﺍﻧﻲ ﺷﺒﻪ ﻓﺎﻗﺪﻩ ﻃﻠﻌﺖ ﺍﻣﻲ ﻻﺑﺴﻪ ﻋﺒﺎﻳﺘﻬﺎ ﻭ ﺗﺮﻛﺾ
ﺑﻴﻮﻣﻬﺎ ﺍﺟﻪ ﺟﺎﺳﺮ ﺑﺲ ﺩﺧﻞ ﺑﺪﺧﻮﻝ ﻣﻬﻴﺐ ﻣﻦ ﺍﺗﺬﻛﺮﻩ ﺍﺣﺲ ﺑﺎﻧﺘﻌﺎﺵ ﺑﺮﻭﺣﻲ ...
ﺍﺑﺘﺴﻤﺖ ﻣﻦ ﺍﺗﺬﻛﺮﺕ ﺩﺧﻠﺘﻪ ﻟﺒﻴﺘﻨﻪ ﺑﺲ ﻗﻄﻊ ﺳﻠﺴﻠﺔ ﺍﻓﻜﺎﺭﻱ ﻃﺮﻕ ﺍﻟﺒﺎﺏ ...
ﺭﺣﺖ ﻓﺘﺤﺖ ﺍﻟﺒﺎﺏ ﺷﻔﺘﻬﺎ ﺭﺿﻴﻪ ﺷﺎﻳﻠﻪ ﺍﻻﻃﻔﺎﻝ ﺍﻧﻄﺘﻬﻢ ﺍﻟﻴﻪ
ﺳﺎﻟﺘﻬﺎ ﻋﻦ ﺻﺤﺘﻬﻢ ﻛﺎﻟﺖ ... ﺯﻳﻨﻴﻦ ﺑﺲ ﻫﺬﺍ ﻋﻼﺝ ﺍﺧﺬﻱ ﺍﻟﻬﻢ ﻭﺩﻳﺮﻱ ﺑﺎﻟﺞ ﻋﻠﺊ ﻣﺠﺘﺒﺊ ﻻﻥ ﻧﺴﺒﺘﻪ ﺍﻛﺜﺮ ﻣﻦ ﻣﺮﺗﻀﺊ
ﺑﺎﻭﻋﺘﻠﻬﻢ ﺑﺤﺰﻥ ﻭﺑﻮﺳﺘﻬﻢ ﻭﺍﺧﺬﺗﻬﻢ ﻟﻠﻜﺎﺭﻭﻙ ﺿﻠﻴﺖ ﺍﻟﻌﺐ ﺑﻴﻬﻢ ﺑﺲ ﻫﻢ ﻣﺨﻨﺠﺮﻳﻦ ...
ﺣﺴﻴﺖ ﺍﻛﻮ ﺣﺮﻛﻪ ﺑﺎﻟﺒﻴﺖ ﻓﺘﺤﺖ ﺍﻟﺸﺒﺎﻙ ﺷﻔﺖ ﺧﺎﻟﺘﻲ ﻭﻫﺎﻟﻪ ﺩﺧﻠﻦ
ﺟﺎﺳﺮ ﺟﺎﻥ ﻭﺍﻛﻒ ﺑﺎﻟﺤﻮﺵ،ﻫﻲ ﻫﺎﻟﻪ ﺗﺒﺎﻭﻋﻠﻪ ﻭﺗﺒﺘﺴﻢ ﺑﺲ ﻫﻮ ﺟﺎﻥ ﻛﻠﺘﻬﻲ ﺑﻤﻮﺑﺎﻳﻠﻪ ﻭﻣﻤﻬﺘﻢ ﺍﻟﻬﺎ
ﻗﻬﺮﺗﻨﻲ ﻣﺎﻝ ﺍﻃﻠﻊ ﺍﻟﻬﺎ ﻭﺍﺟﻴﺒﻬﺎ ﺑﺮﺍﺷﺪﻱ ﺍﻟﺮﺧﻴﺼﻪ
ﻳﻌﻨﻲ ﺍﻟﻐﻴﺮﺓ ﻫﻴﺞ ﺗﺴﻮﻱ ﺍﺫﺍ ﻫﻴﺞ ﺗﺴﻮﻱ ﻣﺤﺪ ﻳﻠﻮﻡ ﺍﺧﻮﺓ ﻳﻮﺳﻒ ﻣﻦ ﺷﻤﺮﻭﺍ ﺑﺎﻟﺒﻴﺮ
ﻓﻌﻼ ﺍﻟﻐﻴﺮﻩ ﺗﺤﺮﻕ ﺭﺟﻞ ﺍﻟﻲ ﻳﺪﺧﻞ ﺑﻴﻬﺎ ...
ﺍﻟﺤﻘﺪ ﻫﻴﺞ ﻳﺴﻮﻭﻭﻱ ﻣﻦ ﻏﻴﺮﺗﻬﺎ ﻭﺣﻘﺪﺗﻬﺎ ﻣﺴﺘﻌﺪﻩ ﺗﻨﺰﻟﻨﻲ ﺑﻐﻴﺎﻫﺐ ﺍﻻﻧﺘﻘﺎﻡ ﻭﻫﻲ ﺍﻟﻤﻤﻨﻮﻧﻪ ...
.........................
ﺭﻳﻬﺎﻡ ....
ﺧﺎﻟﺘﻲ ﺻﺒﺮﻳﻪ ﻛﻌﺪﺕ ﺗﺮﻳﻜﺖ ﻭﺣﻀﺮﺕ ﺍﻏﺮﺍﺿﻬﺎ ﻣﻤﺨﻠﻴﻪ ﺷﺊ ﻣﺠﺎﻳﺒﺘﻪ ﻟﺠﻮﻟﻴﻴﺖ
ﻣﻼﺑﺲ ﺍﻟﻬﺎ ﻭﺍﻟﻄﻔﻞ ﻣﺎﻟﺘﻬﺎ ... ﻭﺟﺎﻳﺒﻪ ﺣﺘﺊ ﻣﻼﺑﺲ ﺩﺍﺧﻠﻴﻪ
ﻣﺎﻣﺎ ﻛﻠﺘﻠﻬﺎ . ﺍﻧﺘﻲ ﺷﻜﻮ ﺟﺎﻳﺒﻪ ﻣﻼﺑﺲ ﻧﻮﻡ ﺍﻟﺰﻭﺟﺔ ﺟﺎﺳﺮ
ﺭﺩﺕ ﺑﻌﺼﺒﻴﺔ .. ﺑﻠﻜﺖ ﻫﻞ ﺛﻮﺭ ﻛﻮﻳﺴﺮ ﻣﻦ ﻳﺸﻮﻓﻬﺎ ﺗﺘﺪﻟﻊ ﻋﻠﻴﻪ ﻳﻄﻴﺢ ﺑﺤﺒﻬﺎ ﻭﻳﺒﻄﻞ ﻳﺎﺫﻳﻬﺎ
ﻭﻟﻮ ﺟﻜﻠﻴﺘﻪ ﻣﺎ ﺑﻴﻬﺎ ﺧﻴﻴﺮ ﻣﺎ ﺗﻌﺮﻑ ﻣﺜﻞ ﺣﺴﻨﻪ ﺍﻟﺨﺎﻳﺴﻪ ﺗﺨﻤﻂ ﺍﻟﺰﻟﻢ
ﺟﻮﻳﻠﻴﺘﻪ ﻧﻔﺴﻲ ﺧﺠﻮﻟﻪ
ﺍﻣﻲ ﺭﺩﺕ .. ﺻﺒﺮﻳﺔ ﻣﻨﻴﻠﺞ ﺧﺠﻮﻟﻪ
ﺻﺒﺮﻳﺔ ... ﺍﻱ ﻫﻢ ﺻﺪﻙ ﺍﻧﻪ ﻻ ﺍﺧﺠﻞ ﻭﻻ ﺍﺳﺘﺤﻲ ﻫﺴﻪ ﻋﻮﻓﻴﻨﻪ ﺍﻧﻲ ﺍﺭﻳﺪ ﺍﻋﻠﻤﻬﺎ ...
ﺟﻤﻌﺖ ﺍﻏﺮﺍﺿﻬﺎ ... ﻭﺟﺎﺑﺮ ﺣﻀﺮ ﻧﻔﺴﻪ ...
ﻃﻠﻌﺖ ﺑﺮﻩ ﺷﻔﺖ ﺑﺎﺑﺎ ﺩﻳﺘﻮﺿﺊ ﻳﺮﻳﺪ ﻳﺼﻠﻲ
ﻭﺍﻧﻲ ﺭﺣﺖ ﺍﺧﺬﺕ ﺍﻛﻞ ﻟﻠﺪﺟﺎﺝ ﺍﻧﺪﻙ ﺍﻟﺒﺎﺏ
ﺍﺑﻮﻳﻪ ﺟﺎﻥ ﺩﻳﺜﺒﺖ ﻭﺭﺍﺡ ﻓﺘﺢ ﺍﻟﺒﺎﺏ ﺿﻞ ﺷﻮﻳﻪ ﻭﻛﺎﻝ ... ﺗﻔﻀﻠﻮﺍ ﺗﻔﻀﻠﻮﺍ ﺍﻫﻼ ﻭﺳﻬﻼ
ﺑﺎﻭﻋﺖ ﺍﻧﺼﺪﻣﺖ ﻣﻦ ﺷﻔﺘﻬﺎ ... ﻧﻮﺍﻝ ﻭﺍﻣﻬﺎ ...
ﻧﻬﺎﻳﺔ ... ﺍﻟﺒﺎﺭﺕ . . ﻳﺘﺒﻊ
ﻛﻮﻧﻮﺍ ﺍﻧﺘﻢ ﻛﻮﻧﻮﺍ ﺑﺨﻴﺮ ... ﺍﺣﺒﻜﻢ 💔
ﻧﻮﺭ ﺳﻤﻮ ﺍﻟﻌﺮﺍﻕ 😘
|