[shymaa abou bakr]

المشاركة الأصلية كتبت بواسطة ام زياد محمود

انا ضحكت !!
كلمة موجعه اوى من جويرية حتى الضحك مستكتراه على نفسها وحسه انه شئ كبير انها عملته بالرغم من انه مش الضحك القوى اللى طالع من القلب بس مجرد المحاولة والرغبة فى الضحك حاجة كبيرة بالنسبة ليها
تشاى وغيرته عليها بتخليه يحاول يقرب اكتر عشان يقدر يفهم مشاعرها وتصرفاتها وبالذات علاقتها بخالد وعرف دلوقتى انه سعيد بدوره انه يخرجها من الحالة اللى هى فيها
فدا واول قبلة اللى واضح انها اتحولت لكابوس بعد كدا واتجوزت راجى واتطلقت منه بس الغريب مشاعر الخيبة اللى حسيتها فى انه ما اتجوز بنت خاله
لينة موجع ومؤلم جدا اللى حصلها والبداية الوردى اللى افتكرت انها هتفتح لها الحياة قدامها واتحول الامر لكابوس بعد زواجها من مشرق والتحول اللى حصله
صعبت على اوى وهى بتقول لغسان وتناديه بأبوها زى ما تكون غريق وماصدق حد ينجده فى الغربة
مصعب طلع منجذب لتهانى المجنونة من زمان بشقاوتها وحلاوتها اللى دايما بتلفت النظر ووعد غسان ليه عاش سنين عشان يحققه ويرتبط بواحده من بنات الرجل اللى بيحبه ويقدره
تهانى والغيرة على مصعب وغيظها القوى من تصرفاته معاها اللى بتخليها تعمل اى شئ للفت نظره حتى لو كان شئ مستفز من تصرفاتها المجنونة
تسلم ايدك ياجميل

هههههههههههه نفهم من مصعب انه صهيب ... صح؟
لينة زي ماقولتلك لحد دلوقتي قصتها حقيقية بالحرف الا موقف الدبوس فقط
وده شي موجع فعلا