[لامارا]

(((البارت الثالث والثلاثون🌱)))


لا تجعلون الروايه تلهيكم عن طاعاتكم اللهم بلغت اللهم فشهد




باقٍ على العهد تواقٌ للقياك.













قاعد يبكي بحرقه وبصمت وهو قاعد يشوفها بين الحياه والموت يتخيّل لو يفقدها آه هزز راسه بسرعه وهو يتخيّل انه ماودعها ماشاف عيونها قبل تقفلهن يمكن للابد ندم ندم يبغاها بس ترجع والله مايسوي شي مايقول شي مايعصب مايزعل عليها والله تصير طلباتها اومر بس يبغاها يبغا يسمع صوتها ضحكتها عيونها غمازتها اه يحس محروووق جواه نار مو طبيعي كيف مقهور من نفسه وده بلحظه ذي يقتل نفسه من كثر القهر يكره عصبيته تسرعه
ياترى بتسامحه نشور وهو تركها باعزززز لحظات كانت تحتاجه بها

بدا يسترجع قبل يوم
ضحك لؤي /ابشري
نشور تفكر/اي اي صح فيه شي بعد
لؤي ببال طويل/وش
نشور/ابغاك تدخل معي غرفة العمليات وام بعد اي وتكون ماسك يدي طول العمليه عشان احس بالامان
ضحك لؤي وهو يشد على يدها /بس كذا?? ابشري


ضرب راسه بقهررر وقف وطلع لااقرب غرفه
بدا يصارخ ويضرب الجدار بقهرررر
دخل فهد المسرع له
فهد /لؤي تعوذ من ابليس قفل الباب ماكان يبغا احد يشوف لؤي بهلضعف
ضم لؤي الي كان يصارخ بقهر ودموعه تنزل بحرقه
فهد/لؤي بسم الله عليك اهدا لا تعور قلبي مااقوا ياخوك
لؤي بهمس اخذ يد فهد وحطها على قلبه/يوجعني يوجعني احس انا المشيول قلبي مو هي
احس فيها احس باآلمها ولاني قادر اسوي شي
فهد ضمه ودموعه تحجرت بعينه من منظر لؤي الي اول مره يشوفه بهلضعف ذا
لؤي /ماودعتها يافهد ماقلت لها اني احبها كنت بخيل بمشاعري والله بخيل
فهد ضمه/بتقوم بالسلامه وتقول كل الي بخاطرك ياحبيبي لا تخاف
لؤي دف فهد وصارخ بقهر/انت متخيييل انها دخلت غرفة العمليات لحالها بدون اي احد بدونييي وانا الي كنت واعدها واخلفت بوعدي يافهد وين اودي وجهي من ربي ومن قلب المسكينه الي كانت متأمله فيني وش كان شعورها انا ادري انها كانت خايفه وحست بالوحده انا تركتها والله تركتها انت متخيل
فهد/اهدا يالؤي اهدا بتسامحك وتعذرك انا اعرفك ماتركتها الا لشديد القوي
لؤي /الله ياخذني وياخذ تفكيري وياخذ عصبيتي وياخذ شدتيً
فهد صارخ /استغفر ياكلب ياغبي اهدا وش فيك انخبلت
تركت نشور قبل لا تدخل ماقلنا شي بس مالك عذر اذا انهبلت كذا ومارحت لها الحين وصرت معاها حتى لو ماكانت تحس فيك وجودك معاها مهم
لؤي ببكاء /اخوها بين الحياه والموت وانا دخلتها غرفة العمليات ولا علمتها لو صار فيه شي تسامحني
لف وهو يقول ااااااااااااااااااه ياهّمي

فهد /اخوها؟
لؤي لف عليه وهو يمسح دموعه/مشاري انصاب بطلق ناري
فهد بصدمه /تستهبل
لؤي /لا
فهد /اهدا وغسل وجهك ورح لنشور خلك معاها بروح اشوف مشاري
وطلع يركض يفكر بردة فعل شروق


بعد ماطلع الاسعاف

توق تطالع لااحلامها الي ضاعت الثوب الابيض والبشت الاسود اليً كانت متخيله مشاري يطل عليها بها ويركبها السياره الي كان مستأجرها لها
انقلب كل شي
وصار الثوب من ابيض لااحمر
السياره من سياره فخمه ومطله وكلن يتمنى يركبها الى سيارة اسعاف مااحد يتمنى حتى يسمع صوتها
بساعه وحده انقلبو من حال الى حال
شب قلبها نار على حالها وحال زوجها
اغمى عليها
صرخت الزين
يمه
جت امها وفاطمه يركضوون ومنخرعين مصيبه صارت عليهم مصيبه مؤلمه مااحد يتمناها حتى ):/

ام فاطمه تبكي /اتصلووو على متعب
فاطمه /لا يمه نصحيها اول ونروح كلنا للبيت
ام فاطمه بنياح/يويلييي عليكم ياعيالي وش صار فيكم
كلن حاله اردى من الثاني هذي بليلة عرسها زوجها بين الحياه والموت والثاني اه يالثاني الله يعلم بحاله اه يبناتي
فاطمه الي تبكي ضمة امها /يحبيبتي تعوذي من ابليس وقولي لا اله الا الله الدنيا اختبار ياامي ولازم نصبر ونتحمل وباذن الله بنلقاه وبنؤجر ان شاءالله قومي معانا خلينا نروح للبيت ونرتاح يله ياروحي
صحن توق الي قامت تصيح اخذهن متعب المنهار داخليا من الي صار فجعه فجعه مااحد يتمناها



شروق الي تصارخ بشارع بكل جنون /اخووووي جيبو اخوووي اكرهكم وين اخذتوه تكفون جيبو اخوي
جاء ابوها الي كان ثوبه كله دم بيحضنها
دفته شروق وهي تصارخ /لا تلمسنييي لا تقرب مني اكرهك كل المصايب من تحت راسك انت السبب عمري ماراح اسامحك
لفت على خالد ابغاا مشاري تكفىى ياولد عمي ودني لخوي هذاني انخاك
خالد الي دموعه متحجره /مشينا
راحو كل البنات معاهم منهارين الميكب سايح الشعر خرب الفساتين المنفشه تحت العبايه وواضحه لابست اي عبايه واي حجاب حالتهم مزريه وتكسر الخااطر
الكل يطالع لهن وهو شفقان على حالتهن


يوسف صارخ /ياغبي تستشيرنا رح سوها لا يموت والله لو مات لااموتك تسمع
الدكتور/اخوي كلنا مقدرين وضعك لاكن بااسلوب الله يهديك لو سويت العمليه بدون شورك بفقد وظيفتي
يوسف بعصبيه /موافق موافق رح شف شغلك
جاء الوليد بعصبيه وسحب يوسف وحذفه على عزام /امسك هلخبل
لف على الدكتور /علمني يادكتور وش الاضرار
الدكتور بطول صبر معنه مقهور من اسلوب يوسف /الطلقه جت بجبينه الايسر ضررت الجمجمه وبنفس الوقت الضغط مرتفع معه ولا حنا قادرين نسيطر عليه ولو ارتفع الضغط زياده ماراح يضخ دم لراس وبتتفجر العروق وبنفقد المريض الحل الوحيد الحالي هو اننا نطلع الجمجمه ونزرعها داخل جسمه عشان ماتنشف
الين مانسيطر على الضغط ونرجع نزرعها داخل راسه
الوليد /طيب ذا كله وش دخله بالطلقه
الدكتور/ماله اي صله بس انا اتكلم عن الضغط بالنسبه لطلقه قاعدين نحاول نطلعها لاكن مو قادرين بسبب الضغط المرتفع للمريض
الوليد /وش الاضرار المترتبه
الدكتور/انا مااضمن لك صحة المريض الكامله ولا واحد بالميه حتى اضمن نجاح العمليه ويكون عايش
كيف عايش انا مااعرف بصحته الكامله مشلول ميت دماغياً كلها ذي اشياء مااعرف عنها ولا حاجه ومافيه شي واضح حاليًا
الوليد بحزن/اوكي توكل على الله وسوها
الدكتور/بس وقع على الاوراق
الوليد /تمام وقع على الاوراق ودخل الدكتور
لما جاء فواز قال له كل شي وقال له فواز انه سوا التصرف الصحيح
حاليًا مايبغون شي من الدنيا كثر مايبونه يعيش يعيش وبس

جاء فهد مسرّع /السلام عليكم الله يصبركم يارب
الكل امين
فهد /وش صار
فواز /بلعمليات
فهد /من ماسكه
الوليد بتعب /اظن حسن
فهد يفكر /حسن حسن اهاا اي كويس ذا لا تخافون دام الله معه والدكتور حسن بيطلع بالسلامه باذن الله
يوسف الي انفلت من عزام جاء لفهد يركض
/تكفى يالنسيب انا انخاك انك تدخلني على اخوي بس بشوفه لو من بعيد
لف فهد وهو منحرج مايقدر يدخل اي شخص بغرفة العمليات الا الدكاتره
فهد تلعثم
فواز حس بااحراج فهد /انهبلت انت كيف بتدخل عنده والله يايوسف اقسم بمن احل القسم اني لااوديك البيت ولا تطبً عتبة المستشفى
يوسف /على كيفكم هوووو مو على كيفكم ابغاا اخووي
فهد انسحب من عندهم وراح لحسن
رفض حسن رفض الين ماوافق بعد مده من طلب فهد
جاء فهد لهم ناظر يدور يوسف لقاه جالس بالزاويه بالارض ويصيح بشكل يعور القلب والقهر واضح عليه وفواز جالس يقرا عليه
جاء لهم مد يده ليوسف
يوسف الي كان مو منتبه له
فهد ابتسم يبي يعطيه امل وهو وده يعطي امل لنفسه وقطعه من قلبه بالدور الثالث بين الحياه والموت
قال/ماتبغا تشوف اخوك
ناظر يوسف له بصدمه
فهد /بسرعه لحسن يغير رايهه ??
فز يوسف بسرعه وهو يضحك مع بكاء
راح مع فهد ودخله على مشاري الي راسه مفتوح وبين الحياه والموت
طاقم طبي متجمع حوله
جاء يوسف
حسن/استراحه فكو الطريق
بعد كل الطاقم الطبي
يوسف مسك يد مشاري
/مشاري مو انت وعدتني مااحد يزفك لعروستك غيري اخلفت بالوعد يامشاري اول مره تسويها انا زعلان عليك ترا جد جد مو تقولي بعدين يوسف اول مره سامحني ترا من الحين ماراح اسامحك وبحق بعد بس انت اصحا
حط راسه على كتف مشاري وبدا يبكي بقهر
والله مااخليه يعيش والله لااخذ حقك ياخوي والله والله مااخليه يتنفس متهني بس انت قم وتشوف اخوك كيف ياخذ حقك تكفى ياخوي لا تخليني لحالي بالدنيا مستاحشك ياخوي
ضحك بحزن بعدين من انشب له يعطيني لايكات عشان اشتهر زياده واسب اخوياك وتجي تهاوشني وانا اضحك هاه مشاري قل لي تكفى ياخووي تكفى

حسن الي كان مرره محزن بس مايقدر يطول اكثر همس لفهد /فهد ترا كل ماطولنا المريض تزيد خطورته
فهد هز راسه بتفهم وجاء ليوسف ومسك يده /يله يوسف خل الدكاتره يشوفونه عشان يقوم بالسلامه باذن الله
يوسف هز راسه وماكان وده يقوم بس غصب
وقف وتوجه لحسن /اخوي بذمتك طلعه لي بااحسن حال وبعدها والله لو تطلب روحي بقول لك تم
هز راسه حسن
وطلع يوسف مع فهد
يوسف لا تلقائي ضم فهد وبدا يبكي على صدره
راسه مفتوح اه ياحال اخوييي شكله يقطع القلب بعد وهو يطالع لفهد تخيل تخيل قبل ساعتين والله يضحك معي ومسوي زعلان ليش انا بزفه والله قبل ساعتين مابه شي احسني مقهوررر
فهد ضمه بحزن وهو يقول /تصبر وانا اخوك تصبر لو شفت مصايب الناس تهون مصيبتك والله
يوسف بعد بحزن /ماقصرت يافهد ماانسا وقفتك
فهد طقه /اخوان مابيننا
ابتسم يوسف باانكسار وراح جلس بجنب فواز


••••

هاني
الي قاعد بالسياره وامه بجنبه وخواته ورا لهم ساعه على هلحال
قاعد يطالع الدم حق خويه بثوبه الابيض مو متخيل انه يفقد مشاري الفكره مي داخله عقله مو مستوعب اصلاً
امه /ياوليدي خلنا نمشي وصلنا ورح تطمن عليه
هاني هز راسه بصمت ومشا
يمكن مشا 5 كيلو ماتحمل ووقف على جنب ونزل يحس التنفس عنده ضعيف مخنوووق
روابي بدت تبكي وهي تشوف حال اخوها كذا مهما سوا ومهما فعل ماتحب تشوفه ضعيف عادي يكسر الدنيا على راسها بس اهم شي الدنيا ماتكسر عليه شي
روان بهدوء /انا بنزل له
روابي مسكت يدها/بايعه نفسك انتي اهجدي بس
روان /معليك ماراح يقول شي فكت الباب ونزلت
لف هاني بيهاوش وتذكر مشاري لحظه ورجع صد وهو يداري دموعه مداراه
هاني /روان اركبي لا اذبحك بمكانك
روان جت ووقفت بجنبه وهي تقول /(وَعَسَى أَن تَكْرَهُواْ شَيْئًا وَهُوَ خَيْرٌ لَّكُمْ وَعَسَى أَن تُحِبُّواْ شَيْئًا وَهُوَ شَرٌّ لَّكُمْ وَاللَّهُ يَعْلَمُ وَأَنتُمْ لاَ تَعْلَمُونَ ) صدق الله العظيم ماتدري ياخوي يمكن خيره له ويمكن تكفير ذنوب الله يقول انا اعلم وانتم لا تعلمون مااحد يدري وين الخير
ممكن تلقا ضوء نور خفيف بعتمة ليل سوداءءء
مااحد يدري الخير وينه ياخوي تصبر اذا مو عشانك عشان امي وعشان صاحبك وعشان نفسك بعد
ادع له بالصبر والشفاء وتوكلو على الله والله رحيم بعباده
بكل شر الا فيه خير
لا جتك مصيبه قل إنا لله وإنا إليه راجعون لاحول ولا قوة الا بالله ولا تقنط من رحمة الله ياهاني
يوم توفى ابوي الله يرحمه
صد هاني الي طاحت دمعته ومسحها
كملت روان /كنت اكرر "اللهم اسلل سخيمة قلبي " لين ارتاح وأنام ويومياً كنت اقولها لحد اليوم ذا ماصرت اشوف الا الراحه النفسيه والقلب المطمئن
اشتاق له صح اشتاق ومن مايشتاق له لاكن الله دايم يخجلني بلطفه ويخفف شوقي له ويعطيني يقين اني راح اشوفه بالجنه باذن الله وابوي وينه تحت التراب فما بالك بصاحبك الحي الحمدلله تقدر تشوفه وتدعي له وتساهم بي شي ممكن يفيده لو بدعوه ووكل امرك لله سبحانه والله الله ماراح يخيبك ابد
طبطبت على كتفه ومشت ركبت السياره وهي تداري دمعتها مداره

روابي /ماقال شي
روان هزت راسها بلا
اخذو فتره وبعدها جاء هاني ركب بصمت وصلهم البيت نزلو وبعدها كمل للمستشفى وكله كان وهو ساكتين

روابي بحزن/يكسر الخاطر هاني
روان /الله يصبره ويصبر قلوب اهل مشاري
روابي /امين


••••

صارخ لؤي /لا لا نشورررر تكفييين نشورررر عشاني عشاني نشور مسك يدها بقوه يله نشور تشجعي لا تخليني اموت بحسرتي تكفين
ابو عادل الي يغمض ويفتح /ماني قادر اصيطر
لؤي /تكفى ياابو عادل تكفى انا راجيك
الدكتور الثاني /جسمها مو متقبل يالؤي انت تشوف وتعرف لا تصعب علينا
لؤي /تبغاني اخليها امووووت مريض انت ليش دكتور تحاول لااخر لحظه وهذا المفروض
لف لنشور بجنون ومسك يدها وهو يقول /نشور عارف تسمعيني لا تروحين نشورررر
حالة نشور الي بدت تتأزم والعروق بدت تنتفخ لانها مو قادره تحصل اكسجين
ضرب ابو عادل الانذار وبعدها قال
على الدكتور فهد ال *** والدكتور راكان ال *^^ التوجهه لغرفة العمليات رقم 1200 بشكل سريع الحاله طارئه
فهد الي كان واقف
صرخ /نشوررر وراح يركض
كلهم /نشور!!
فواز غمض وفتح وهو يصارخ/العمليه
محسن/بكره
فواز/شكلها اليوم وراح يركض
دخلت شروق تركض باانهيار
راح لها يوسف وضمها وجت شهد ضمتهم وبدو يبكون بحرقه على حضن يوسف الي يحاول يتصبر عشان خواته
يوسف/طيب طيب ان شاءالله وبيقوم بالسلامه ان شاءالله ويغثنا بعد
شروق ضربته مع كتفه /مو غثيث مشاري
ضحك يوسف بحرقه والم واضحين
اخذهم وقعدو بعد فتره الكل وصل اخوياه عيال عمه عيال خواله والبنات السيب امتلأ

فهد الي كان يركض بجنون وصل للغرفه
فتح وغمض عيونه وهو يشوف جسم نشور الازرق الاكسجين مو واصل
راكان صارخ/رجعو الاول
ابو عادل/محنا قادرين خلاص مامنه اي امل
لؤي طاح ويبكي وهو يسكر اذانه وعيونه مايبي يسمع اي شي
فهد صارخ /سوو اي شي
ابو عادل صارخ اكثر بتوتر /ماني قاااادر الجسم مو متقبل
فهد /نغير الدم يمكن يضبط
ابو عادل /من وين نجيب دم كافي ؟
فهد صارخ /صيطر عليها و اوعدك اجيب لك دم بس اوعدني مايصير فيها شي
ابو عادل بيأس /معك نص ساعه
راح يركض فهد وهو يصارخ على السستر
Blood boxes. Blood boxes
صناديق دم صناديق دم

ووراه دكتور راكان الي خلاه عادل يساعده
فزو الكل وهم يشوفون فهد طالع ويركض بجنون
شروق بخرعه /فهد
على جيت فواز الي يتراجف
وقف يوسف يصارخ/نشور بها شي
فواز طاح على الكرسي وهو يتراجف بشكل يخوف اول مره يشوفونه كذا حتى مع مشاري ماسوا كذا
شاف شكلها المزرق خالي من الحياه وكانت كلها متنفخه وكأنها بطقه وحده بس راح تنفجر
شروق صارخت /نشور وش بها نشور
شجون فزت/ليكون نشور بالعمليه
هز راسه فواز
طاحت شروق الي دموعها تتساقط /ماتت
اماني وقفت وراحت
فواز يرجف /زرقاء زرقاء وكبييره عروقها بارزه بشكل يخوف وجها خالي من اي شعور شكلها ذبحني
شروق مسكت راسها /يويلي عليكم ياخواني وش صار فيكم
خالد طاحت دمعته بقهر
جاء الجد يركض وابو مشاري وامه وعماته وخالاته
شروق فزت واتجهت لشهد وهي تضربها بقهر/مااحد ذبح نشور الا انتي ورجالك الله ياخذك انتي وهو الله ياخذكم
هاني بسرعه اخذ الشباب كلهم وطلعو من السيب مهما كان ماكانو يبون يتطفلون اكثر
شهد صرخت/وش بها بنتي
فواز /مااتت بنتك
شهد شهقت بفزع بشكل يخوف واغمى عليها
جو السستر واخذوها لاكن ماكان احد مهتم الكل كان يفكر بنشور ومشاري
شروق طلعت بجنون تركض تدور اي احد بتسأل بتشوف
مشاري ونشور بيوم واحد بمستشفى واحد يفصل بينهم دور واحد كل واحد بين الحياه والموت ويصارع
مشاري يصارع يصارع لحد الان
لاكن نشور استسلمت للقدر ..


جاء فهد يركض بعد اشترا بنك دم كامل من فصيله معينه بمبلغ جدا خييييالي حطه وهو مغمض ولا فكر بشي يبغاها تعيش وبس
شروق شافته وركضت. /فهد
فهد طالع لها بس ماكان فاضي رفع يده لها ومشا يركض ركضت وراه بتشوف وين يروح بتشوف نشور بتتطمئن
دخل فهد الي يصارخ /جبته جبته
ابو عادل/بسرعه جالسين نفقد المريضه غيرو نخاع الدم بسرعه
راكان/مايسبب لها ضرر وهي بهلحاله لازم يوافق زوجها
فهد صارخ /انا موافق وانا ااتكفل بس خلونا نخلص
راكان صارخ/يسبب مضاعفات ممكن صدق راح نفقدها
فهد /ابو عادل شفيك بسرعه بتخليها تموت وعدتني انت
تكفى يابو عادل انا طالبك ابد
ابو عادل هز راسه وهو يطالع للؤي الي اغما عليه وحطو له مغذي واسدحوه بسرير جنب نشور رفض يطلع
سم بالله وبدا يغير نخاع دمها لعل وعسىٰ القلب يتقبل الجسم وجسم نشور يتقبل
وقفت شروق تطالع من بعيد ماتشوف شي بدت تبكي بقهر على حال نشور وحال مشاري الي تحت
كأنهم تؤام حتى بالمرض بيوم واحد !!
كان يقول دايم اه ياليتني بمكانك ليتك مادعيت ياخوي تحقق منيّاك ولو رحتو كلكم انا شسوي
ابو عادل باارهاق /ينقصنا 3 ابر دم
فهد شوي ويبكي /هذا كل الدم الي بالرياض بنفس الفصيله
ابو عادل/دور متبرع بسرعه فهد
فهد هز راسه وطلع راح يركض وقف عند اخوياء مشاري والعيال كلهم المتجمعين
من منكم فصيلة دمه ** ومستعد يتبرع
هاني /انا
الوليد /انا
محسن/فصيلة شجون اختي دقيقه اناديها
فهد بفرحه /تعالو معي بسرعه
جاء محسن/شجون انتي فصيلة دمك ** صح
شجون /اي
محسن/يبغون متبرع لنشور تعالي
فزت شروق مع شجون وراحو
فيصل/مافيه خبر عن مشاري ؟
فواز هز راسه ب لا
تنهد فيصل وجلس وهو يطالع بعيونه يدور اسيل معنه مايعرفها بس تذكر مشاري اليوم يوم قاله ترا عروستك اسمها اسيل وينك يااسيل

وقف فهد وهو يرجف وعيونه مدمعه مو قادر يسحب الدم من هاني
شروق من وراه /فهد عطني عنك انا اسحب لا تنسا انا متدربه
هز راسه فهد
سحبت الدم من هاني والوليد وشجون
مدتهم لفهد الي اخذهم وهو يشكرهم بسرعه ويطلع يركض شروق ركضت وراه وهي تقول /فهد وقف
فهد لف /انتظريني هنا انا اجيك وعد
قربت منه وهي تضمه فهد من الصدمه ماكان قادر يوازن الدم وكان بيطيح بس سيطر عليه ماكان قادر يبادلها الحضن لان يده مليانه حط راسه على راسها
بدت تبكي شروق بحسره على حالهم
بعد مده بعدها فهد بتعب وهو يقول /انتظريني هنا
وراح يركض بسرعه
وهو يتصل على عساف الي مسافر للبحرين نقاهه له يمكن خمس شهور وقال له يجي
ودق على عيال اخوانه كلهم وقال لهم يجون بدون لا يدري ابوي الي هو الجد

فهد جاء للؤي يصحيه
ابو عادل باارهاق /خله يافهد يرتاح
فهد /انا اعرفه راح يصحا بعدين ويقول ليش ماصحيتوني ويسوي مناحه
هز راسه ابو عادل
فهد بهمس /لؤي لؤي ابو فهد
فز لؤي بسرعه وهو يقول /نشورر نشور وينها
فهد /اهدا اهدا حالتها مستقره
لؤي وقف بسرعه /وينها
فهد اشر بعيونه لمكان
لف لؤي للمكان الي يأشر عليه شافها نايمه بعمق والاجهزه حولها
لؤي راح بسرعه لها وهو يمسك يدها
لف مافيه احد بس فهد وابو عادل
شصار ؟
ابو عادل /من اليل حاولنا ياما تقبل جسمها بعد ماغيرنا نخاع الدم عندها
لؤي /وكيف حالتها الحين مستقره
ابتسم ابو عادل /انت دكتور انت شخصها
لف ومشا بروح للبيت اذا تبغون شي نادوني
فهد /انا بطلع اشوف مشاري انتبه لها
لؤي لف بحزن وهو يطالعها /لا توصي حريص ! بس شصار عليه مشاري
فهد /مدري انا هنا من اليل وتو خلصنا
لؤي /كم الساعه
فهد /الفجر
لؤي هز راسه
فهد /لا تنسا تصلي الفجر وتدعي لها وانا اخوك
هز راسه لؤي
طلع فهد واتجه لدور الثاني بيشوف مشاري
نزل ولقا اهله كلهم كانو واصلين
فز محمد /شصار
فهد /حالتها مستقره حالياً يبغا لها اربع وعشرين ساعه عشان نشوف الاكسجين والقلب
هز راسه محمد
عيسى/ليش ماقلت لنا من بدري
فهد /ماكنت متذكر اصلاً
نواف هز راسه للجهه الثانيه وهو يهمس/ كلهم جاين عشان نشور فيه اشكال جديده مهي من عيالهم
فهد تنهد /مشاري اصيب بطلق ناري على راسه واثرت على الجمجمه
نواف تنهد /الله يصبرهم
الكل /امين
راح فهد لهم
الكل التفت
فز فواز/شصار لنشور
فهد /حالتها مستقره الحين ونتابع حالتها
الكل /الحمدلله
فهد /ومشاريً
فواز /مافيه خبر الا ان العمليه نجحت نبغا نعرف حالته حالياً وش مااحد راضي حتى يطالع فينا
فهد /الحين اشوفهم وراح
عبدالله همس لخالد/منو ذا
خالد /نسيبنا ماخذ بنت عمي وبنفس الوقت بنت خالتي يصير عمها
عبدالله /ذا من عايلة ال ^**
خالد /اي
اخذ شوي وجاء وهو يقول /حالته الحين مستقره مافيه خبر لان الدكتور نفسه مو قادر يشخص حالته مافيه شي واضح بس الاهم تعدا مرحلة الخطر والضغط نزل عنده ورجعو حطو الجمجمه له
الكل تنهد براحه
فهد كمل /والحين وجودكم مامنه اي فايده لان ماراح تاخذون خبر روحو للبيت وتعالو العصر
فواز /يعطيك العافيه يافهد ماننسى هلوقفه
فهد /مابيننا ومشا وهو يدور بعيونه على شروق مالقاها
يوسف توجه له /فهد
فهد لف /هلا
يوسف /شروق بلمصلى حق الحريم
ابتسم فهد طبطب على كتفه ومشا

خلا السستر تدخل تناديها
السستر جت/دكتور مافيه الا بنت وحده ونايمه
فهد /فاضي المصلى
السستر /يس
فهد هز راسه /تمام انا اشوفها انتي خليك هنا ياما اطلع
السستر /اوك
دخل فهد لقاها منسدحه وترجف درى انها تبكي
نزل شوزه واتجه لها وجلس بجنبها
شروق
شروق فزت /شصار
فهد /كل خير
شروق تنهدت براحه وهي تضمه وتبكي
خفت خفت لما طولت ولا طلعت خفت افقدها شدت عليه
فهد /ياروحي مابها الا كل خير ان شاءالله بس طولت لان احتجنا وقت
شروق /الحمدلله بعدت عنه وهي تقول كيف حالتها وحالة مشاري
فهد /كلهم حالتهم مستقره
شروق تنهدت باارتياح وهي تمسح دموعها /الحمدلله
سكتو شوي
فهد طالع لفستانها عيونها الي بها العدسات والرموش
وبقايا المكياج حول وجهها
وحجابها حتى ماكانت متغطيه
وبيلطف الجوء مسك اذنها بخفه وهو يقول /ماتستحين جايه للمستشفى بفستانك ومكياجك ذا ولا بعدددد مانتي متغطيه وفوق ذا عبايتك بكبرها فستان هاه يقليلة الادب
ضحكت شروق /شسوي ماكانت فاضيه جيت بي شي
فهد ابتسم /الحين تروحين للبيت تاخذين شور يريحك وتنامين
شروق فزت /لا لا بقعد هنا ياما يصحون
فهد رجع مسك اذنها /مصره للحين بتجلسين بهلفستان
والعدسات
شروق ابتسمت وبعدين قالت بجد /بليز فهد بجلس
فهد بجديه /بتجلسين ليش وجودك مامنه اي فايده ماراح تاخذين خبر ولا راح حتى تدخلين او ترافقين روحي للبيت ونامي ومن تصحين وعد انا اجي اخذك بنفسي واجيبك هنا واصلاً حتى انا بروح البيت باخذ شور وانام يعني مرره مال وجودك اي داعي
شروق /وعد من اصحا تجيبني
فهد ضحك /بس مو من الساعه وحده الظهر
شروق ابتسمت /مالك شغل عاد اي وقت ابغا
فهد /حاضر ياست الكل لو بعد شوي
شروق طالعت لوجهه التعبان بوضوح /حتى انت تعبان رح للبيت وارتاح
فهد وقف /يله كلنا نروح
شروق وقفت وهي تهز راسها
فهد /هاااه ان شفتك مره ثانيه جايه كذا للمستشفى مايصير طيب
شروق ابتسمت /طيب
فهد /وبعدين ذي العبايات حذفيها خلاص لانك ماراح تلبسينها
شروق /طيب
فهد طلع مفتاح سيارته /والحين سيده وعلى سيارتي بوقع واجي
شروق /انت بتوصلني
فهد /اي اجل انا غبي ارجعك لذاك السيب به الشباب كلهم والحين تطمنو يعني صحصحو وتلقين كل وحده يلقط عيونه
شروق ضحكت/حرام عليك عيالنا محترمين وحبوبين ماندري عن عيالكم
مسك خدها فهد /تغازلين رجال قدامي
شروق ضحكت ومشت/امش امش بس
فهد /على السيارره علطوول
شروق /ابشررر
ابتسم فهد الين ماطلعت ورجعت تعابير وجهه الحزينه
حالة نشور لحد الان مي واضحه تنهد وطلع


متعب /نامت
هزت راسها فاطمه بتعب
الزين/منتي رايحه لبيتك
فاطمه/اروح وتوق بهلحاله بك شي انتي
الزين /وانا شدراني وكملت طلعت للغرفه
متعب /يله دام تطمنا عليها وعلى مشاري روحي نامي انتي بعد وارتاحي
فاطمه هزت راسها ووقفت وهي تقول /صلوحي مهو بجاي واحشني
ابتسم متعب/على نهاية الاسبوع يجون خواله واخذذذه
ضحكت فاطمه /الله يخليك له
متعب /امين
مشت فاطمه /تصبح على خير
متعب /وانتي من اهله


••••

>>>>

لؤي ماسك يدها ودموعه متحجره بعيونه
/اعذريني ياحب لا دخلت معك بالعمليات ولا كنت معك وقت ماصار العمليه والله اني ماقويت اشوفك بهلمنظر فكرة اني افقدك توجع اوجعتني نشور والله اوجعتني متو تصحين وتلميني وتخففين وجعي
سند راسه وهو يقول
ندمان ندمان اني خليتك تسوينها والله لو يرجع فيني الزمن مااخليك تتألمين كل هلألم ولا خليتك تخافين او تفكرين انك راح تسوينها لاني بوقتها راح ارفض
نشور لا تخلين حسرتي عليك طول عمري اصحي نشور خلينا نروح لبيتنا
مسك يدها المنتفخه وعروقها البارزه بشكل مره يوجع
باسها بخفه مايبغاها تتألم وحط راسه عندها ونام



••••


توق بتعب /ابغا اروح له
متعب /ياحبيبتي وين تروحين له اصلاً هم مايدخلون
توق /ولو ابغا اروح
امه/خلاص ياوليدي خذها
توق/الزفت شصار عليه
فاطمه/بالسجن
توق بهمس /الله يموته الله يموته
متعب /استغفري ربك وقولي الله لايبلانا
توق/استغفرالله
سندها متعب وطلع معاها للمستشفى


••••



فيصل/هاني هاني قم امك تدق لها ساعه اكيد منخرعه عليك قم طمنها
هاني الي كان نايم بالاستراحه/اص اص بنام
فيصل /يقطع هلطبع الخايس
رد عليها وقال لها ان هاني نايم بالاستراحه
دخل اصيل /السلام عليكم
فيصل الي انسدح/وعليكم السلام
ودخل وراه عبدالله ورائد
رائد /ذا للحين نايم
فيصل هز راسه/ولبكره مايصحا ذا
رائد /قال لااهله
فيصل/امه دقت وعيا يرد وانا رديت
اصيل/ياويلك منه
فيصل /معلي منه
دخل مسفر وسند الي كانو اخر شي
سلمو وجلسو
سند /احسني بحلم والله العظيم امس بمكه عندي شغل وراجع بسرعه بحظر العرس لو اخره ويوم وصلت اسعاف ومدري كيف من كثر ماني مصدوم ديورت ورحت بيتنا ونمت احس كنت بحلم
مسفر/كلنا نحس بحلم لدرجة شف ذاك من الصباح نايم والحين بيئذن العشاء وهو للحين نايم وكلنا نعرف ان هاني ماينام هلنوم الا اذا كان منخرع وذا شف وجهه اصفر رفع فيصل جواله يطالع لوجهه
ضحكو كلهم
وقف عبدالله /يله قومو بعشيكم وبعدها نطلع لمشاري
فيصل /نترك هاني ؟
عبدالله /اي خله ينام عشان يرتاح
هز راسه ووقفو طلعو مع بعض متوجهين للمطعم


••••


فهد تنهد /ياشروق والله بس كذا روحتك مامنها اي فايده بتجلسين بالسيب عند الغرفه وبعدها اخذك ونطلع
شروق وهي شوي وتبكي /مالي شغل فهد انت وعدتني.
فهد/ طيب تجهزّي
شروق /يله لا تتأخر
فهد/حاظر عمتي فيه اوامر ثانيه
شروق/يس كوب اسبريسو من دانكن
فهد /على كذا بتأخر
شروق /ماالي شغل وازن وقتك
فهد ضحك /يله يله
اخذ لها وله اسبريسو وطلع لبيتها
ركبت /السلام عليكم
فهد /وعليكم السلام
مشا فهد
شروق /هذا طلبي
فهد /اي
شروق اخذته /شكرا
فهد ابتسم وسكت
ماكان بمزاجه واضح ولا هي فسكتو
بعد مده/اكلتي شي
شروق/اي الحمدلله
فهد /اكيد !؟
شروق /اي والله
فهد /حلو
شروق /واضح مانمت
فهد /مامن نوم عساف جاء ورجعنا للؤي بالمستشفى قعدنا معه وبعدين نمت شوي وراجع له
شروق /ماطلع من المستشفى
فهد تنهد بحزن/رافض يطلع
شروق /الله يعينه
فهد /كنت ادري ان لؤي يحب نشور بس ماتوقعت لدرجه ذي امس شفت لؤي مختلف عمري ماشفته كذا
شروق /من مايحب نشور يافهد ؟
فهد تنهد وهو يكرر /صادقه


••••


الجده/وراك ماتروحين لمرت ولدك وتشوفين ولدك
ام لؤي/وي والله مالي خلق
الجده صفقت يد بيد بيأس
ام لؤي /روحي انتي
الجده /انا عمتها ولا انتي
ام لؤي/انتي جدتها
الجده/قومي اذلفيً عن وجهي قومي
ام لؤي كشرت وقامت راحت لبيتها


••••


علا صارخت /مو من جددده بنت خالي بين الحياه والموت ويبي يزف ذا وش يحس به
امها تبكي/ابوك تقل مسحور يابنتي كل ماقال له شي قال تم تم واخوك يتكلم يتكلم مااحد راضي يسمّع
علا قعدت تبكي/يمه اكره اكره
ضمتها بحسره /معليه يابنتي مرات العجله بها خيره
علا /يمهه كيف ازّف ونشور بحالتها ذي
ام علا هزت كتفها بيأس
جاء عدي /وش بكم
علا/عدي كيف ازّف بهلسرعه ونشور تعبانه ماعندي احساس ماعندي مشاعر هو مايحسسسس
عدي /انهبل ولد عمك ولا يسمع حتى
ام علا /روحي خوذي شورّ وخلينا نروح لبنت خالك نتطمئن عليها وبعدها نطلع السوق مابقا الا اربع ايام
ناخذ الاشياء الاساسيه والباقي انتي تكلمينها
علا هزت راسها بقهر ووقفت توجهت لغرفتها



••••


طلعو مشاري لغرفة العنايه العاديه
فواز /طيب وش الاضرار الي حاصله له
الدكتور /شلل بنسبة99%
فواز دنق راسه/لا حول ولا قوة الا بالله طيب فيه علاج؟
الدكتور/الله اعلم باذن الله اذا صحا نعرف كل شي تفأل بالله وخل ايمانك قوي يمكن 1%انه سليم هي الي تحدث
فواز هز راسه وهو يقول /والنعم بالله
ابتسم الدكتور ومشا على جية متعب وتوق
متعب سلّم على فواز /كيفه الحين
فواز /حالته مستقره ننتظر يصحا بس
متعب /نقدر ندخل نشوفه؟
فواز /حياكم بعد فواز عن الباب ودخل متعب وتوق
توق الي ترجف تقدمت لمشاري وهي مصدومه امس بنفس هلوقت كان مصور بكل اناقه وفرحان ويضحك
والحين حاله انقلب وجهه اسود وهالاته واضحه وجهه منهلك وراسه كله مغطا بشاش شعره الكثيف راح دقنه راح تغير 180 درجه عن امس حظها شين شين الله لا يوفقك لا دنيا ولا اخره ياوايل لعبت فينا لعب وش سويت لنا
متعب طلع وخلا توق
توق جلست بجنبه وهي تحس بغرابة شعور اول مره تقرب من شخص غريب عنها كذا
مدت يدها الي ترجف وهي متردده تمسك يده او لا
ماقدرت ورجعت يدها
بدت تتأمله وهي تبكي وتدعي له
صح انها ماعرفته ولا تعلقت فيه حتى ولا كلمته اثناء خطوبتها مثل اي بنت لانها ماملكت عليه اصلاً وكل ذا كان بسبب وايل ويوم جات فرحتها ويوم انها تشوفه وتناظر له ويكلمها ويجي لها ويزفونه لها ويزفونها له هدم وايل كل هلحظات وايل وايل وايل وين ماتلتفت تلقاه بحياتها تنهدت وقامت
وهي تقول /يمكن ماتسمعّني او ماتحس فينّي لاكن تأكد انا احس فيك وعمري ماراح اترك لو ايش ماكان بتقوم بالسلامه ان شاءالله وراح اجيك كل يوم ترا وابتسمت تحس كأنه يسمع لها
مشت وهي تقول /الله يحفظك اشوفك بكره باذن الله
طلعت ومشت مع متعب وهي تبكي بحسره وصمت


••••

جت شروق وفهد لقو فواز
فهد /شصار
فواز سكت
فهد لف لشروق /ادخلي وانا الحقك
شروق قربت من فواز وهي تقول /وش صاير
فواز /ماصاير شي
شروق /اعرفك ياعمي تكلم شصاير
فواز دنق راسه وهو يقول /احتمال 99%مشلول
فهد الي كان متوقع اصلاً مااستغرب قال/لا حول ولا قوة الا بالله تفألو بالخير يمكن مايصير كل هلاحتمالات لا تخافون ولا تشيلون هم
شروق لفت ودخلت عند مشاري
توجهت له وهي تركض ضمته وهي تبكي
شروق /ياحسرتي عليك ياخوي الدنيا وش سوت فيك
بدت تبكي على حضنه بقوه
شروق وهي تشد على لبسه/يقولون انك مشلول شدت اكثر وهي تقول لا تخيب ظني ياخوي تكفى اصحا وعلمهم ان كل هلاحتمالات كذب تكفىى ياابو يوسف انا طالبتك
بعدت عنه وهي تمسك يدينه وتقول /تدري ان يوسف من امس وهو منهار عليك الين ماعطاه خالد منوم بالغصب تدري ولا ماتدري شف حاله من بعدك ولا شهد الي حالتها حاله ولا امي انت متخيل امي منهاره شوي وتنجن تكفى ياخوي والله مانقوىٰ بعدك قم لنا ولنفسك ولنشور حتى نشور محتاجتك قم يله مشاري بلا دلع
قم خلاص عرفنا قدرك ياسخيف قم يله وبدت تبكي بنياح
جاء فهد الي كان عندها وهو يسحبها غصب وهي تحاول تبعد فهد عنها وفهد مصر يبعدها الين مارضخت للامر الواقع وضمته وهي تبكي وتقول /انت دكتور عالجه وخله يقوم يله
فهد همس /استغفري ربك وادعي له الامر كله بيد الله حنا ماعلينا الا الدعاء وبس
شروق /الله يشفيه الله يشفيه

طلعو بعد فتره عيو يدخلون احد عن نشور ممنوع الزياره يعني

شروق الي اخذها فهد لكوفي /يعني مالهم داعي مايدخلوني ترا انا دكتوره بالمستقبل ورجالي دكتور
ضحك فهد بسخريه ماكان يبغا يتناقش تقديراً لحالتها
شروق كملت /بعدين انت يادكتور ليش ماتوسطت لي ؟ولا بس ليوسف
ضحك فهد وهو ساكت
تأففت وشربت الكوفي حقها وهي تقول /شعندك ماتتكلم
فهد/خايف انجلد
ضحكت شروق غصباً عنها


••••


عساف /يله لؤي عشاني خلنا نطلع تاخذ شور بعيداً عن اجواء المستشفى تجيب لك ملابس واغراض واخذ لك قهوه وارجعك يله ياحبيبي والله مانطول ساعه
لؤي الي منسدح وكان تعبان اصلاً ماخذ شور ونام عند نشور وصفقه المكيف حق المستشفى ومن صحا وهو مكسل
لؤي /ماالي خلق عساف حبيبي مالي خلق
تنهد عساف الا انظم لهم فهد بعد ماوصل شروق لبيتها
جايب قهوه وحلا
حطهن على الطاوله وهو يقول يله شباب تعالو
جاء عساف
فهد /لؤي لا تردني تعال بتذبح نفسك انت؟
لؤي تأفف وجاء
فهد /عليه مددح عاد جبت لكم منه
عساف ضحك /نذوق عاد قصص لنا
فهد/ابشر
لؤي/شصار على مشاري
فهد/مستقره حالته
الله يشفيه
•••••


بليل


دخل هاني بيتهم لقا روابي بالحوش جالسه
هاني بعصبيه/وش مقعدك بالحوش لحالك
فزت بخرعه روابي وهي تقول/خرعتني شفيك
هاني /يمه بسم الله
روابي ضحكت
هاني صرخ /مافيه شي يضحك
روابي علطول تجمعت الدموع بعيونها ووقفت مشت
هاني تنهد وقال/وين اختك مهي جالسه معك
روابي /نايمه
هاني /وامي
روابي /نايمه
هاني /دامهم نايمين وش عندك جالسه برا لحالك
روابي /طفشت من البيت قلت اغير جوء
هاني /ولو ماتطلعين لحالك برا
روابي /ابشر
هاني /يله اذلفي
روابي راحت تركض
ضحك هاني ومشا وراها وهو يصارخ /جوالك يابزر نسيتيه
روابي رجعت وهي ماتطالع له حتى
وهاني وقف الين مادخلت وقفل الباب وطلعت تركض عند روان هي لها غرفه بس تنام عند روان دايم فصارت غرفتها مع غرفة روان وغرفتها الاولى حطو فيها الدولاب حق الملابس والمرايا والرفوف

•••••

مر اسبوع والوضع كان هادي جدًا ونفس ماكان



لؤي ماسك يدها وبيده الثانيه يمسح دمعه طاحت منه

/مر اسبوع وانا مرابط عندك على امل انك راح تفتحين
يله نشور يكفي لا توجعين قلبي زياده انا طالبك
نشور انا بردان والله بردان بدونك حياتي صارت سيئه والله
نشور ابشرك فيه وعد مااخلفت به تتذكرين لما قلتي لي اوعدني ابوي مايزورني جاء اليوم وقومت الدنيا كلها عليهم عشان مايدخل عندك يله نشورر كفايه قومي احتاجك انا لؤي يحتاجك انتي متخيلله اني اول مرره احس بشعور الضياع والعجز والوحده

انفتح الباب بقوه
طالع لؤي الا فهد حذف عليه شنطة حلاقه وملابس
فهد يتصنع العصبيه/قم اخلص حلق وجهك الي حتى الشياطين مخترعه منه وبدل ملابسك بنحظر عرس علا
لؤي /مررره مرره مالي خلق
فهد صارخ /قلت لك قم يعني قم
لؤي انخرع /شفيك معصب
فهد/والله عاد كيفي بتقوم ولا كيف
لؤي وقف وتوجه لدورة المياه
بعد مده طلع وهو لابس الثوب والغتره اخذه فهد ومشو

لؤي صارخ /مريض انت
فهد /انكتم بس
لؤي تأفف وركب السياره وصار هو الي يسوق
فهد /تعرف قصر ال ^^* ولا ماامداه يكمل الا صارخ لؤي /مرتي بالمستشفى بين الحياه والموت ومحتاجتني وانت تبيني اروح لقصور بعد
فهد /اجل وين كنت ناوي تروح ياشيخ
لؤي /ابارك لعمتي ورجالها وارجع
فهد بيعترضً
لؤي /لا تختبر حظك يافهد طلعت عشان خاطرك وخاطر عمتي لا تعترض
فهد /اوف مريض مريض
ومثل ماسوا توجه لعمته وبارك لها ورجع لبيته هو اخذ له ملابس وبدل بترنق رياضي وتوجه للمستشفى



••••

تناظر لشكلها البسيططط جدا فستان كان ابدا مو منفوخ على الجسم ومن تحت واسع شوي ولا هو بطويل حتى
كعب صغير
شعرها ستريت وحاطه الطرحه بشكل خفيف وكانت صغيره الطرحه
المكياج هي كانت حاطته منقهره من طارق من ملك عليها لا جاها ولا كلمها حتى مسكت مسكتها وقعدت تنتظر الزفه
دخلو بنات عمها وبنات خوالها عليها وقعدن معاها
تحس ببرود التوتر عندها 0


••••


عزوز يناظر بقهررر للكل يحس مكتوم مكتوم فكرة انها بتروح لغيره تقتل

جاء عيسى وهو يقول /غريبه المعرس باقي ماجاء
مازن/يمكن زحمه
عيسى /بس شف كم الساعه
مازن /ننتظر شوي


••••


عند طارق الي كان يبكي بقهر طول اصلاً من ملك عليها طلقها علطول وقرر يتركها بيوم عرسها انتقام

ارسل الورقه مع طفل صغير وهو يقول /تلقا وحده داخل عند الباب عطها هلورقه
هز راسه وراح يركض وعطاها عامله كان متفق معاها اخذتها وودتها لعلا بغرفتها

علا الي كانن البنات عندها عطوها الورقه
علا الي ماكانت فاضيه /يمكن هديه من صاحباتي حطيها فوق بعدين ماما تشوفها
سحبتها حلا بفضول/بشووفها عادي
علا هزت راسها بااي
فكتها حلا بحماس وانصدمت انخطف لونها حست الدنيا دارت بها
علا انخرعت /وش بك سحبتها وهي تقرا شهقت بصدمه
وبدت تضحك بجنون
بنفس الوقت طارق وصل ورقه لعدي وعمه نسخه

ابو علا الي مااتحمل واغما عليه
ضج عرس الرجال وهم منخرعين البعض تناول الورقه من عدي عشان بس يقرا المحتوى
انخرع الكل وبدا كلً واحد يقول لثانيً


علا بدت تصارخ بقهر وجنون الين مااغمى عليها




•••

تمت☑



اشهد ان لا اله الا الله واشهد ان محمد عبده ورسوله
ان اصبت فهو من الله وان اخطئت فهو من نفسي والشيطان



توقعاتكم وردودكم تسعدني 💘💘

اعذروني على التأخير بس كنت مسافره والله

انتظروني الاربعاء القادم💘💘


تحياتي

...

سَيَجْعَلُ اللَّهُ بَعْدَ عُسْرٍ يُسْرًا