ﺍﻟﺒﺎﺭﺕ ﺍﻻﺭﺑﻌﻮﻥ
ﺭﻭﺍﻳﺔ ... ﺟﻮﻟﻴﻴﺖ ﻭﺍﺳﺮﻫﺎ .. ﻏﻴﺎﻫﺐ ﺍﻹﻧﺘﻘﺎﻡ
ﺑﻘﻠﻤﻲ ... ﻧﻮﺭ ﺳﻤﻮ ﺍﻟﻌﺮﺍﻕ
💔💔💔💔💔💔💔💔💔💔
ﺗﻨﺒﻴﺔ ﺍﺣﺒﺘﻲ .... ﺍﺣﺘﺮﺍﻣﺎ ﻻﺧﻮﻧﺎ ﺍﻟﺴﻮﺭﻳﻴﻦ ﺍﻟﻲ ﻣﺘﺎﺑﻌﻴﻴﻦ ﻭﻳﺎﻧﻪ ﺍﻛﻴﻴﺪ ﻭﺩﺍ ﺍﻻﺣﻆ ﺣﺴﻦ ﺍﺧﻼﻗﻬﻢ ﻭﻗﻮﻓﻬﻢ ﻣﻊ ﺟﻮﻟﻴﻴﺖ ﻭﺗﻌﺎﻃﻔﻬﻢ ﻭﻳﺎﻫﺎ ﻋﻠﺊ ﺣﺴﺎﺏ ﺑﻨﺖ ﺑﻠﺪﻫﻢ ﺷﺎﻡ ...
ﻳﺎﺭﻳﺖ ﺍﻧﺘﻢ ﺍﺣﺒﺘﻲ ﻫﻤﺎﺗﻴﻦ ﺗﻘﺘﺪﻭﻥ ﺑﻴﻬﻢ ﻭﺗﺒﺘﻌﺪﻭﻥ ﻋﻦ ﺍﻟﺸﺘﻢ ﻭﺍﻟﺴﺐ ﻻﻥ ﺷﺎﻡ ﺍﻳﻀﺎ ﻣﻀﻠﻮﻣﻪ ﻭﻻ ﺗﻔﺸﻠﻮﻧﻲ ﻣﻊ ﺍﺣﺐ ﺑﻠﺪ ﺍﺣﺴﻦ ﻧﺎﺱ ﻭﻫﻢ ﺍﻫﻞ ﺳﻮﺭﻳﺎ ...
ﺍﻗﺘﻀﺊ ﺍﻟﺘﻨﻮﻳﻪ 💔...
.........................................
ﻟﻢ ﺃﻛﻦ ﺃﻋﺮﻑ ﺃﻥّ ﻟﻠﺬﺍﻛﺮﺓ ﻋﻄﺮﺍً ﺃﻳﻀﺎً، ﻫﻮ ﻋﻄﺮ ﺍﻟﻮﻃﻦ ﺳﻮﺭﻳﺎ ...💔
.........................
ﻭﻗﺎﺭ ...
ﺍﻟﻮﻃﻦ ﻫﻮ ﺍﻟﺒﻴﺖ ﺍﻟﺜﺎﻧﻲ ﻭﺍﻻﺏ ﺍﻟﻜﺒﻴﺮ ﺍﻟﻲ ﻳﺤﺘﻮﻱ ﺍﻭﻻﺩﻩ ﺍﻧﺴﺎﻥ ﺑﺪﻭﻥ ﻭﻃﻦ ﻣﺜﻞ ﺑﻘﺎﻳﺎ ﻣﺘﻬﺎﻟﻜﻪ ﻣﻦ ﺍﻟﺒﺸﺮ
ﺍﻻﻧﺴﺎﻥ ﻳﻌﺘﺰ ﻭﻳﻜﺒﺮ ﺑﻮﻃﻨﻪ ﻭﺍﺫﺍ ﺿﺎﻉ ﺍﻟﻮﻃﻦ ﺿﺎﻉ ﺍﻻﻧﺴﺎﻥ ﻭﺭﺍﺣﺖ ﻗﻴﻤﺘﻪ ﺑﻴﻦ ﺍﻟﻨﺎﺱ ...
ﺷﻮﻳﻪ ﻭﺍﻧﺪﻙ ﺍﻟﺒﺎﺏ ﺭﺣﺖ ﻓﺘﺤﺖ ﺍﻟﺒﺎﺏ ﺍﻧﻲ ﻣﺤﺪ ﺟﺎﻥ ﻣﻦ ﺍﻟﻮﻟﺪ ...
ﺷﻔﺖ ﺛﻨﻴﻦ ﻧﺴﻮﺍﻥ ﻭﺣﺪﻩ ﺳﻤﻴﻨﻪ ﺧﺸﻨﻪ ﻟﻬﺠﺘﻬﺎ ﺗﺨﺘﻠﻒ ﻭﺍﻟﺜﺎﻧﻴﻪ ﻧﺎﻋﻤﻪ ﻭﺣﻠﻮﻩ ﺍﺳﺘﻐﺮﺑﺖ ﻫﺬﻥ ﻣﻨﻮﻭ
ﻛﺎﻟﺖ ﺑﺘﻮﺳﻞ ... ﻳﺎﺑﻨﺘﻲ ﺗﺆﺑﺮﻱ ﺍﻟﺒﻲ ﺑﺪﻱ ﻓﻮﺕ ﻟﻠﺤﻤﺎﻡ ﺍﺯﺍ ﻣﻤﻜﻦ
ﺍﺑﺘﺴﻤﺖ ﺑﻬﺪﻭﺀ ... ﺍﻱ ﺧﺎﻟﻪ ﺍﻫﻼ ﻭﺳﻬﻼ ﺗﻔﻀﻠﻲ
ﺩﺧﻠﺖ ﻫﻲ،ﻭﺍﻟﺒﻨﻴﻪ .... ﺍﻟﺒﻨﻴﻪ ﺩﺧﻠﺘﻬﺎ ﺑﺎﻻﺳﺘﻘﺒﺎﻝ ﻭﺍﻟﻤﺮﻩ ﻓﺎﺗﺖ ﻟﻠﺤﻤﺎﻡ
ﺍﺑﺎﻭﻉ ﻟﻠﺒﻨﻴﻪ ﺷﻜﺪ ﺣﻠﻮﻩ ﻭﺷﺎﺑﻪ ﻻﺑﺴﻪ ﺻﺎﻳﻪ ﺷﻮﻳﻪ ﻗﺪﻳﻤﻪ ﻭﺷﺎﻝ ﺍﺳﻮﻭﺩ ﻭﻻﺑﺴﻪ ﺟﻨﻄﻪ ﻗﺪﻳﻤﻪ
ﻛﻠﺘﻠﻬﺎ ﺑﺘﺴﺎﺅﻝ ... ﺍﻧﺘﻢ ﻣﻦ ﺳﻮﺭﻳﺎ
ﺍﺑﺘﺴﻤﺖ ﺑﺤﺰﻥ ... ﺍﻱ ﻧﺤﻨﺎ ﻣﻦ ﺳﻮﺭﻳﺎ .. ﺗﻬﺠﺮﻧﺎ ﻭﺍﺟﻴﻨﻪ ﻟﻬﻮﻭﻥ ﺑﺲ ﺍﺑﻞ ﻻ ﻧﺠﻲ ﻟﻬﻮﻥ ﻛﻨﺎ ﺑﺎﻟﻴﺒﻴﺎ
ﺟﺮﻳﺖ ﻧﻔﺲ ... ﺍﻟﻠﻪ ﻳﺴﺎﻋﺪﻙ ﻭﺍﻥ ﺷﺎﺀ ﺍﻟﻠﻪ ﻳﺮﺟﻊ ﻭﻃﻨﻜﻢ ﺑﺨﻴﺮ ﻭﺍﻣﺎﻥ ...
ﺗﻨﻬﺪﺕ ﺑﻀﻴﻖ ... ﺗﺴﻠﻤﻲ ﻳﺎ ﺃﻟﺒﻲ ﻭﺍﻥ ﺷﺎﺀ ﺍﻟﻠﻪ ﻳﺮﺟﻊ ﻭﻃﻨﻜﻦ ﻣﺘﻞ ﺃﺑﻞ ﻭﺍﺣﺴﻦ
ﻫﺰﻳﺖ ﺭﺍﺳﻲ ﺑﻀﻴﺎﻉ ... ﺍﻣﻴﻴﻦ
ﺍﺟﺖ ﺍﻟﻤﺮﻩ ﺍﻟﺜﺎﻧﻴﻪ ﻭﻛﻌﺪﺕ ﻋﻠﺊ ﺍﻟﻘﻨﻔﻪ ﻛﺎﻟﺖ ... ﻣﻤﻜﻦ ﺗﻌﻄﻴﻨﺎ ﻣﻲ ﻳﺎ ﺑﻨﺘﻲ
ﻭﻛﻔﺖ ﺑﻤﺮﺡ ... ﺍﻱ ﺧﺎﻟﻪ ﺍﺩﻟﻠﻲ
ﺭﺣﺖ ﺩﺍ ﺍﺟﻴﺐ ﺍﺟﺖ ﺟﻮﻟﻴﻴﺖ ﺩﺗﻐﺴﻞ ﺍﻟﻤﺮﺗﻀﺊ ﻣﺎﻛﻞ ﺳﻴﺮﻳﻼﻙ
ﺍﺧﺬﺕ ﺍﻟﻤﻲ ﻛﺎﻟﺖ ﺑﺎﺳﺘﻐﺮﺍﺏ ... ﺍﻟﻤﻦ ﻫﺬﺍ ﻭﻗﺎﺭ
ﺍﺑﺘﺴﻤﺖ ... ﻫﺎﻱ ﺍﺟﻦ ﻻﺟﺌﺎﺕ ﺳﻮﺭﻳﺎﺕ ﻭﺩﺍ ﺍﺧﺬﻩ ﺍﻟﻬﻦ
ﺣﺴﻴﺘﻬﺎ ﺗﻮﺗﺮﺕ ﻳﻤﻜﻦ ﻻﻥ ﺟﺎﺳﺮ ﺟﺎﻥ ﻣﺘﺰﻭﺝ ﺳﻮﺭﻳﻪ
ﻏﺴﻠﺖ ﺍﻻﺑﻨﻬﺎ ﻭﺍﺟﺖ ﻭﺭﺍﻳﻪ ﺳﻠﻤﺖ ﻭﻛﻌﺪﺕ
ﺍﻧﻄﻴﺘﻬﻦ ﻣﻲ ﻭﻛﻌﺪﻧﻪ ﺷﻮﻳﻪ ﺟﻮﻟﻴﻴﺖ ﻛﻠﺘﻠﻬﺎ ... ﺷﻌﺠﺐ ﻃﺎﻟﻌﻴﻴﻦ ﺑﻬﻴﺞ ﻭﻗﺖ ﺍﻧﺘﻢ ﺳﺎﻛﻨﻴﻦ ﻗﺮﻳﺐ ﻣﻨﻪ
ﺟﺮﺕ ﻧﻔﺲ ﻭﺭﺩﺕ ﻣﻦ ﺧﻠﻒ ﺑﻮﺍﺑﺎﺕ ﺍﻟﺤﺰﻥ ... ﻭﺍﻟﻠﻪ ﻳﺎ ﺑﻨﺘﻲ ﻧﺤﻨﺎ ﺍﻋﺪﻳﻦ ﺑﺠﺎﻣﻊ ﺑﺲ ﻣﻮ ﻫﻮﻭﻥ ﺑﻌﻴﺪ ﺷﻮﻭﻱ
ﺑﺲ ﻧﺤﻨﺎ ﻧﺠﻲ ﻫﻮﻭﻥ ﻣﺸﺎﻥ ﻧﺎﺧﺬ ﻣﺼﺎﺭﻱ ﻣﻦ ﺍﻟﻌﺎﻟﻢ ﻭﻛﻤﺎﻥ ﺍﺯﺍ ﺣﺪﺍ ﻋﻨﺪﻭ ﻣﻼﺑﺲ ﺋﺪﻳﻤﻪ ﻳﻤﻜﻦ ﺗﻔﻴﺪﻧﺎ
ﺟﻮﻟﻴﻴﺖ ...
ﻣﻦ ﻛﺎﻟﺖ ﻭﻗﺎﺭ ﻧﺎﺯﺣﻴﻦ ﻣﻦ ﺳﻮﺭﻳﺎ ﻋﺒﺎﻟﻚ ﺍﻧﻀﺮﺑﺖ ﺑﻮﻛﺲ ﻋﻠﺊ ﺑﻄﻨﻲ ﺍﻧﺮﻋﺒﺖ ﺑﺴﺮﻋﻪ ﺭﻏﻢ ﻣﺎ ﺍﻟﻲ ﺣﻖ
ﺷﺎﻡ ﺯﻭﺟﺘﺔ ﻣﻦ ﺯﻣﺎﻥ ﻭﻳﻤﻜﻦ ﻣﻴﺘﻪ ﺑﺲ ﺍﻧﻲ ﻳﻌﻨﻲ ﺍﺧﺎﻑ ﻳﺘﺬﻛﺮﻫﺎ ﻭﺑﻌﺪﻫﺎ ﻳﺤﺎﺭﺑﻨﻲ ﻻﻥ ﻣﺰﺍﺟﻪ ﺍﻛﻴﺪ ﻳﺘﻐﻴﺮ
ﺍﻭ ﻋﻨﺪﻱ ﺍﺣﺘﻤﺎﻝ ﺛﺎﻧﻲ ﻳﻤﻜﻦ ﻳﻜﻮﻧﻮﻥ ﺍﻗﺎﺭﺑﻬﺎ ﻭﺍﺟﻮ ﻳﺴﺎﻟﻮﻥ ﻋﻨﻪ
ﺍﻟﻤﺸﻜﻠﻪ ﻣﻮ ﺑﺲ ﺍﻥ ﺣﺘﺸﺎﺭﻛﻨﻲ ﺑﻲ ﺍﻟﻤﺸﻜﻠﻪ ﺍﻛﺒﺮ ﻣﻦ ﻫﻴﻴﻴﺞ
ﺍﻧﻲ ﺍﺧﺖ ﻗﺎﺗﻞ ﺑﻨﺘﻬﺎ ﻭﻫﻤﺎﺗﻴﻦ ﻣﺎﺧﺬﻩ ﺣﺒﻴﺒﻬﺎ ﻣﻨﻬﺎ
ﻳﻌﻨﻲ ﺧﺴﺮﺕ ﺑﻨﺘﻬﺎ ﻭﺧﺴﺮﺕ ﺯﻭﺟﻬﺎ ﻭﺣﻠﻘﺔ ﺍﻟﺤﺰﻥ ﺗﺪﻭﺭ ﻋﻠﻴﻨﻪ ﺗﻼﺛﺘﻨﻪ ﺍﻧﻲ ﻭﻫﻲ ﻭﺟﺎﺳﺮ
ﺷﻨﻮ ﺣﻴﻜﻮﻥ ﻣﻮﻗﻔﻪ ﻟﻔﺘﺎﺗﺔ ﺍﻟﻤﺪﻟﻠﻪ ﺷﺎﻡ ﺑﻌﺪ ﻣﺎ ﻓﻘﺪ ﺍﻻﻣﻞ ﺑﺮﺟﻮﻋﻬﺎ ﻭﻣﺎ ﺣﻔﻆ ﺍﻣﺎﻧﺘﻬﺎ ﺍﻟﻲ ﺍﻧﻘﺘﻠﺖ ﻋﻠﺊ ﺍﻳﺪ ﺍﻗﺮﺏ ﺍﻟﻨﺎﺱ ﺍﻟﻲ ﻭﻫﻮ ﺍﺧﻮﻳﻪ ﻋﺎﺻﻢ
ﺻﻌﺒﻪ ﻳﺎﺭﺑﻲ ﺻﻌﺒﻪ ﻻ ﻫﻮ ﻳﻜﺪﺭ ﻳﺘﻘﺒﻠﻨﻲ ﻭﻻ ﻫﻲ ﺗﻜﺪﺭ ﻭﻣﻌﺬﻭﺭﻳﻦ ﺍﻟﺼﺎﺭ ﻣﻮ ﺷﻮﻳﻪ
ﺑﺲ ﻟﻼﺳﻒ ﺍﻧﻲ ﻣﺎ ﺍﻛﺪﺭ ﺍﻭﺍﺟﻬﻪ ﺧﺠﻼﻧﻪ ﻣﻨﻬﺎ ﻭﻣﻦ ﻧﻔﺴﻲ،ﻭﻣﻦ ﺟﺎﺍﺍﺳﺮ ...
ﻳﺎﺭﺑﻲ ﻟﻴﺶ ﻫﻴﺞ ﺍﺧﻮﻳﻪ ﻟﻴﺶ ﻫﻴﺞ ﻛﺴﺮﻧﻲ ﻭﺣﺘﺊ ﻭﺍﻧﻲ ﻣﻈﻠﻮﻣﻪ ﺍﺣﺲ ﻣﻈﻠﻮﻣﻴﺘﺔ ﺷﺎﻡ ﺍﻛﺜﺮ ﻣﻨﻲ
ﺳﺎﻗﻨﻲ ﺭﺟﻠﻴﻪ ﺑﺪﻭﻥ ﺍﺭﺍﺩﻩ ﻣﻨﻲ ﻭﺩﺧﻠﺖ ﺷﻔﺘﻬﻦ ﻣﺮﻩ ﻛﺒﻴﺮﻩ ﻭﺍﻟﺜﺎﻧﻴﻪ ﺻﻐﻴﺮﻩ ﺑﺲ ﻣﻮ ﺷﺎﻡ ﻻﻥ ﺷﺎﻡ ﺍﻋﺮﻓﻬﺎ ﻭﺣﺎﻓﻈﻪ ﺗﻔﺎﺻﻴﻠﻬﺎ ﺍﻛﺜﺮ ﻣﺎ ﺣﺎﻓﻈﻪ ﺗﻔﺎﺻﻴﻞ ﻭﺟﻬﻲ ...
ﺳﺄﻟﺘﻬﺎ ﻭﻳﻦ ﺳﺎﻛﻨﻴﻦ ﻭﺷﻌﺠﺐ ﻃﺎﻟﻌﻴﻦ ﺑﻬﻴﺞ ﻭﻗﺖ ﻭﻫﻲ ﺟﺎﻭﺑﺘﻨﻲ ﺍﻟﺤﺎﺟﻪ ﻫﻲ ﺍﻟﻲ ﻃﻠﻌﺘﻬﻦ
ﺭﺩﻳﺖ ﺳﺎﻟﺘﻬﺎ ﺑﺤﺰﻥ ... ﺍﻟﻠﻪ ﻳﺮﺯﻗﻜﻢ ﺧﺎﻟﻪ ﺯﻳﻦ ﺑﺲ ﺍﻧﺘﻲ ﻭﻫﻞ ﺑﻨﻴﻪ
ﺟﺎﻭﺑﺖ ﺑﻌﺪ ﻧﻔﺲ ﻃﻮﻳﻞ ... ﻻ ﻓﻲ ﻋﻨﺎ ﺑﻌﺪ ﺑﻨﺎﺕ ﻛﺘﻴﺮ ﺑﺲ ﻛﻞ ﻭﺣﺪﻩ ﻣﻨﺎ ﺷﻐﻠﺘﻬﺎ ﻧﺤﻨﺎ ﻧﺠﻲ ﻋﻠﺊ ﺍﺯﻗﺎﻕ
ﻭﻓﻲ ﻋﻨﺎ ﺑﻨﺎﺕ ﻳﻜﻮﻧﻮﺍ ﺑﺎﻟﺴﻴﻄﺮﻩ ﻳﻤﺴﺤﻮﺍ ﺳﻴﺎﺭﺍﺕ ﺍﻟﻤﺎﺭﻩ ﻭﻫﻴﻴﻚ ﺍﻟﺤﻤﺪ ﻟﻠﻪ ﺍﻟﻤﻬﻢ ﻧﺤﻨﺎ ﻋﺎﻳﺸﻴﻴﻦ
ﻫﻤﺴﺖ ﺍﻟﺤﻤﺪ ﻟﻠﻪ ﺭﺑﻲ ﻳﺮﺯﻗﻜﻢ ﺍﻥ ﺷﺎﺀ ﺍﻟﻠﻪ ...
ﺧﻠﻴﺖ ﻭﻃﻠﻌﺖ ﺑﺮﻩ ﺭﺣﺖ ﻓﺘﺤﺖ ﻛﻨﺘﻮﺭﻱ ﻋﻨﺪﻱ ﻣﻼﺑﺲ ﺟﺪﻳﺪﻩ ﻻﻥ ﺍﻧﻲ ﻣﻦ ﺗﺰﻭﺟﺖ ﻣﺎ ﺿﻠﻴﺖ ﻫﻮﺍﻳﻪ ﻭﻋﺎﺻﻢ ﻛﺘﻞ ﺍﺧﻮ ﺟﺎﺳﺮ ﻭﺑﻨﺘﻪ ﻭﺍﺑﻮ
ﻟﺬﻟﻚ ﻧﻴﺸﺎﻧﻲ ﻛﻠﻪ ﺟﺪﻳﺪ ﺍﺧﺬﺕ ﻛﻢ ﻗﻄﻌﻪ ﺟﺪﻳﺪﻩ ﻣﻨﻬﻢ ﻭﺧﻠﻴﺘﻬﻦ ﺑﻌﻼﻛﻪ ...
ﻭﻫﻤﺎﺗﻴﻦ ﺧﺎﻟﺘﻲ ﺻﺒﺮﻳﻪ ﻛﻞ ﻣﺎ ﺗﺠﻲ ﺗﻨﻄﻴﻨﻲ،ﻓﻠﻮﺱ ﺭﻏﻢ ﻣﺎ ﺍﺧﺬ ﺑﺲ ﻫﻲ ﺗﺼﺮ ...
ﺣﺴﺒﺘﻬﻦ ﺟﺎﻧﻦ ﺧﻤﺴﻴﻦ ﺍﻟﻒ ﺿﻤﻴﺖ ﺧﻤﺴﻪ ﻭﻋﺸﺮﻳﻦ ﻭﺍﺧﺬﺕ ﺧﻤﺴﻪ ﻭﻋﺸﺮﻳﻦ ﻭﻃﻠﻌﺖ
ﻭﺧﻄﻴﻪ ﺭﻳﻬﺎﻡ ﻫﻤﺎﺗﻴﻦ ﺟﺎﺑﺖ ﺍﻟﻤﻘﺴﻮﻡ ﻭ ﻭﻗﺎﺭ ﺍﻧﻄﺖ ﻓﻠﻮﺱ ﻫﻲ ﻣﺴﺎﻋﺪﻩ ﻭﻣﺎ ﺑﻴﻬﺎ ﺷﺊ،
ﺍﻫﻞ ﺳﻮﺭﻳﺎ ﻧﺎﺱ ﻃﻴﺒﻪ ﻭﺑﻠﺪﻧﺎ ﺍﻟﺜﺎﻧﻲ،ﻣﻦ ﺑﻌﺪ ﺍﻟﻌﺮﺍﻕ
ﺟﺎﺳﺮ ﻳﻤﻮﺕ ﻋﻠﺊ ﺍﻫﻞ ﺳﻮﺭﻳﺎ ﻳﻜﻮﻝ ﻣﻮ ﻻﻥ ﺷﺎﻡ ﺯﻭﺟﺘﻲ
ﺑﺲ ﻫﻢ ﺃﻫﻞ ﻧﺨﻮﻩ ﻭﻣﻦ ﺍﺣﻨﻪ ﺗﺒﻬﺬﻟﻨﻪ ﺑﺴﺒﺐ ﺍﻻﻭﺿﺎﻉ ﻫﻢ ﺍﺣﺘﻀﻨﻮﻧﻪ ...
ﻳﺎﺭﺏ ﻳﺤﻔﻈﻬﻢ ﻭﻳﺤﻔﻆ ﺑﻠﺪﻫﻢ ﻭﻳﺮﺟﻌﻬﻢ ﺳﺎﻟﻤﻴﻦ ﻏﺎﻧﻤﻴﻦ ...
ﻭﻗﺎﺭ ﺣﺠﺖ ﻭﻳﻪ ﻧﻮﺍﻝ ﻛﻠﺘﻠﻬﺎ ... ﻋﻨﺪﺝ ﻣﺴﺎﻋﺪﻩ ﺫﻭﻝ ﻧﺎﺯﺣﻴﻴﻦ ﻣﻦ ﺳﻮﺭﻳﺎ
ﻫﺰﺕ ﺍﻳﺪﻫﺎ ﺑﺘﺬﻣﺮ ... ﺧﻠﻲ ﺍﻧﻄﻲ ﺍﻟﻤﺠﺎﺩﻳﻪ ﺍﻟﻌﺮﺍﻕ ﻭﺍﻧﻮﺏ ﺍﻧﻄﻲ ﺍﻟﻤﺠﺎﺩﻳﻪ ﺳﻮﺭﻳﺎ ﻭﺍﻟﻠﻪ ﻳﺎﻟﻠﻪ ﻧﺎﺱ ﺑﻄﺮﺍﻧﻪ
ﺭﻳﻬﺎﻡ ﺭﺩﺕ ﻋﻠﻴﻬﺎ ... ﺍﻟﺼﺪﻗﻪ ﺗﺪﻓﻊ ﺍﻟﺒﻼﺀ ﻭﺗﺰﻳﻞ ﺍﻟﻬﻢ ﻭﺗﻔﺘﺢ ﺑﺎﺏ ﻓﺮﺝ
ﻭﺑﻌﺪﻳﻦ ﺍﻧﺘﻲ ﺯﻭﺟﺞ ﻣﺘﻮﻓﻲ ﻭﺗﺴﺘﻠﻤﻴﻦ ﺭﺍﺗﺒﻪ ﺧﻠﻲ ﺍﻟﻪ ﺻﺪﻗﻪ ﺟﺎﺭﻳﻪ ﻣﻦ ﺭﺍﺗﺒﻪ ﺧﻄﻴﻪ ﺣﺘﺊ ﺍﻟﻠﻪ ﻳﻨﻮﺭ ﻗﺒﺮﻩ
ﺭﺩﺕ ﺑﻤﻠﻞ ... ﺑﻨﺎﺗﻪ ﺍﺣﻖ ﺑﺎﻟﺼﺪﻗﻪ
ﺍﻟﺤﺠﻲ ﻭﻳﺎﻫﺎ ﺿﺎﻳﻊ ﻋﺎﺩ ﺧﻠﻴﻨﺎﻫﺎ ﻭﺭﺣﻨﻪ ﺍﻧﻄﻴﻨﺎﻫﻢ ﺍﻟﻤﻘﺴﻮﻡ ﻭﻫﻨﻪ ﺗﺸﻜﺮﻥ ﻣﻨﻪ ﻛﺎﻟﻦ ﺍﻥ ﺷﺎﺀ ﺍﻟﻠﻪ ﻛﻞ ﺷﻬﺮ ﻧﻤﺮ ﺍﻟﻜﻢ ﻭﺍﻥ ﺷﺎﺀ ﺍﻟﻠﻪ ﺍﻧﺘﻢ ﻣﺎ ﺗﻘﺼﺮﻭﻥ
ﻭﻗﺎﺭ ﺍﺧﺬﺕ ﺭﻗﻢ ﺍﻟﺒﻨﻴﻪ ﻭﺟﺎﻭﺑﺘﻬﺎ ﺑﺒﺘﺴﺎﻣﻪ ... ﻓﺪﻭﻩ ﺍﻟﻜﻠﺒﺞ ﺷﻜﺪ ﺣﺒﻴﺘﺞ ﺍﻧﻲ ﺍﺣﺐ ﺍﻫﻞ ﺳﻮﺭﻳﺎ ﻣﻦ ﻭﺭﻩ ﻣﺴﻠﺴﻼﺗﻬﻢ ﻭﺧﺎﺻﻪ ﺑﺎﺏ ﺍﻟﺤﺎﺭﻩ
ﻫﻴﺞ ﺍﻛﺰﻛﺰ ﻋﻠﺊ ﺍﻛﻠﻜﻢ ﻳﺠﻨﻦ ﺍﺭﻳﺪ ﺍﺗﻌﻠﻢ ﺍﻛﻼﺕ ﺷﺎﻣﻴﻪ
ﺭﺩ ﺑﻀﺤﻜﻪ ... ﻳﺎ ﻋﻤﺮﻱ ﺍﻧﺘﻲ ﺍﻥ ﺷﺎﺀ ﺍﻟﻠﻪ ﺍﺗﺼﻠﻲ ﻓﻴﺎ ﻭﺑﻌﻠﻤﻚ ﻋﻠﺊ ﺍﻟﻜﺒﺔ ﺍﻟﻠﺒﻨﻴﻪ ﻭﺍﻟﻜﻮﺳﺎ ﺑﺎﻟﻠﺒﻦ ﻭﻣﻬﻠﺒﻴﻪ ﻭﻛﻞ ﺷﺊ ﺑﺪﻛﻴﺎ ...
ﺻﺎﺭﻥ ﺻﺪﻳﻘﺎﺕ ﻫﻲ ﻭ ﻭﻗﺎﺭ ﻭﻳﻪ ﻣﺠﺎﻱ ﻳﻄﻠﻌﻦ ﺩﺧﻞ ﺟﺎﺳﺮ ﺳﻠﻢ ﻋﻠﻴﻬﻦ ﻭﺩﺧﻞ ﺑﺪﻭﻥ ﻣﺎ ﻳﺒﺎﻭﻉ ﺍﻟﻬﻦ
ﻭﻫﻨﻪ ﺭﺩﻥ ﺑﺨﻔﻮﺕ ... ﻭﻋﻠﻴﻜﻢ ﺍﻟﺴﻼﻡ ...
ﺧﻠﻦ ﻭﺭﺍﺣﻦ ﻭﺍﻧﻲ ﻣﺪﺭﻱ ﺷﺒﻴﻪ ﺭﻭﺣﻲ ﻓﺮﺕ ﻣﻦ ﺑﻴﻦ ﺍﺿﻼﻋﻲ ﻣﻘﻬﻮﺭﻩ ﻋﻠﺊ ﺷﺎﻡ ﻳﺎﺭﺑﻲ ﻫﻞ ﺑﻨﺎﺕ ﺫﻛﺮﻧﻲ ﺑﻴﻬﺎ
ﺷﻠﻮﻥ ﺍﺫﺍ ﺍﺟﺖ ﻭﻛﻠﺘﻠﻪ ﺟﺎﺳﺮ ﻭﻳﻦ ﺑﻨﺘﻲ ﺷﻨﻮ ﺣﻴﻜﻮﻥ ﺭﺩﻩ ﺍﻟﻠﻪ ﻳﻌﻴﻨﻬﻢ ﻣﻮﻗﻒ ﺍﺻﻌﺐ ﻣﻦ ﺍﻟﺼﻌﺐ ...
ﺳﻤﻌﺖ ﺻﻮﺗﻪ ﺑﻌﺪ ﻣﺎ ﺻﺎﺡ ﻋﻠﻴﻪ ﺟﻨﺖ ﻻﺑﺴﻪ ﺛﻮﺏ ﺍﺳﻮﻭﺩ ﺷﻮﻳﻪ ﻗﺼﻴﺮ ﻣﻮ ﻛﻮﻭﻭﻟﺶ ﺑﺲ ﺷﻮﻳﻪ ﻭﻻﺑﺴﻪ ﺷﺎﻝ ﺍﺳﻮﺩ ﺣﺰﻳﻨﻪ ﻋﻠﺊ ﺑﺎﺑﺎ ...
ﺩﺧﻠﺖ ﺷﻔﺘﻪ ﺷﺎﻳﻞ ﻣﺠﺘﺒﺊ ﻭﻳﻠﻌﺐ ﺑﻲ ﺑﺎﻭﻋﻠﻲ ﻛﺎﻝ ... ﻫﺬﻥ ﻣﻨﻮ ﺍﻟﻲ ﺟﺎﻧﻦ ﻫﻨﺎ
ﺭﺩﻳﺖ ﺑﻌﺪ ﻣﺎ ﺑﻠﻌﺖ ﺭﻳﻜﻲ ... ﺫﻥ ﻻﺟﺌﺎﺕ ﻣﻦ ﺳﻮﺭﻳﺎ ﻳﺮﺩﻭﻥ ﻣﺴﺎﻋﺪﻩ
ﻫﻮ ﺟﺎﻥ ﺷﺎﻳﻞ ﻣﺠﺘﺒﺊ ﻭﺷﺎﻳﻞ ﺍﻟﻠﻌﺒﻪ ﻣﺎﻟﺔ ﻣﺠﺘﺒﺊ ﺑﺴﺮﻋﻪ ﻭﻛﻌﺖ ﻣﻦ ﺍﻳﺪﻩ ﺑﻀﻴﺎﻉ
ﺑﻠﻊ ﺭﻳﻜﻪ ﺑﻐﺼﻪ ... ﻟﻴﺶ ﻣﺎ ﻛﻠﺘﻴﻠﻲ ﺟﺎﻥ ﺳﺎﻋﺪﺗﻬﻢ
ﺟﺮﻳﺖ ﻧﻔﺲ ﻭﺑﺒﺘﺴﺎﻣﻪ ﻣﺘﻮﺗﺮﻩ ... ﻻ ﺍﻧﻲ ﺍﻧﻄﻴﺘﻬﻢ ﻭ ﻭﻗﺎﺭ ﻭﺭﻳﻬﺎﻡ ﻭﺣﺘﺊ ﻣﺎﻣﺎ ﺭﺿﻴﻪ ﻭﺧﺎﻟﺘﻲ
ﻋﻘﺪ ﺣﻮﺍﺟﺒﻪ ﺑﺎﺳﺘﻐﺮﺍﺏ ... ﻭﺍﻧﺘﻲ ﻣﻨﻴﻠﺞ ﻓﻠﻮﺱ؟
ﺍﺑﺘﺴﻤﺖ ﺑﺬﺑﻮﻝ ... ﻣﻮ ﺧﺎﻟﺘﻲ ﺻﺒﺮﻳﻪ ﻛﻞ ﻣﺎ ﺗﺠﻲ ﺗﻨﻄﻴﻨﻲ ﻋﺸﺮﻩ ﻭﺍﻧﻲ ﺟﺎﻣﻌﻪ ﺧﻤﺴﻴﻦ ﺍﻟﻒ ﺍﻧﻄﻴﺘﻬﻢ ﺧﻤﺴﻪ ﻭﻋﺸﺮﻳﻦ ﻭﺿﻠﺖ ﻋﻨﺪﻱ ﺧﻤﺴﻪ ﻭﻋﺸﺮﻳﻦ
ﻫﻮ ﺭﺍﺡ ﻧﺰﻝ ﻣﺠﺘﺒﺊ ﺑﺴﺮﻳﺮﻩ ﻭﻓﺘﺢ ﺍﻟﻜﻨﺘﻮﺭ ﻣﺎﻟﺘﻪ ﺍﺟﻪ ﺍﺗﻘﺮﺏ ﻣﻨﻲ ﻭﺧﻠﻪ ﺍﻟﻮﺭﻗﻪ ﻛﺪﺍﻣﻲ ﻛﺎﻝ ... ﻫﺎﺍﺝ ﻫﺎﻱ ﻣﻜﺎﻥ ﺍﻟﺨﻤﺴﻪ ﻭﻋﺸﺮﻳﻦ
ﻫﺰﻳﺖ ﺭﺍﺳﻲ ﺑﻨﻔﻲ ... ﻻ ﺍﻧﻲ ﺍﻧﻄﻴﺘﻬﺎ ﺻﺪﻗﻪ ﻋﻦ ﺍﻃﻔﺎﻟﻲ ﻭﺍﺻﻼ ﺍﻧﻲ ﺷﺴﻮﻱ ﺑﺎﻟﻔﻠﻮﺱ
ﺟﺎﻭﺑﻨﻲ ﺑﻤﻠﻞ ... ﻣﻴﺨﺎﻟﻒ ﺍﺧﺬﻳﻬﺎ
ﻫﺰﻳﺖ ﺭﺍﺳﻲ ﺑﻨﻔﻲ
ﺑﺎﻭﻋﻠﻲ ﻭﺟﺮ ﻧﻔﺲ ... ﺍﻣﻮﻭﻭﺕ ﻭﺍﻋﺮﻑ ﺍﻧﺘﻲ ﻋﻠﻴﻤﻦ ﻃﺎﻟﻌﻪ ﻋﻨﻮﺩﻳﻪ ﻣﻦ ﺍﻛﻠﺞ ﺍﺧﺬﻳﻬﺎ ﻳﻌﻨﻲ ﺍﺧﺬﻳﻬﺎ ...
ﺍﺑﺘﺴﻤﺖ ﺑﻘﻠﻖ ... ﺑﺲ ﺍﻧﻲ ﻛﺘﻠﻚ ﻣﺎ ﺍﺭﻳﺪ ﻭﺍﻟﺼﺪﻗﻪ ﺩﻓﻌﺘﻬﺎ ﻣﻦ ﻋﻨﺪﻱ ﻣﺎﻛﻮ ﺩﺍﻋﻲ ﺗﻌﻮﺿﻨﻲ
ﻫﺰ ﺭﺍﺳﻪ ﺑﺎﺳﺊ ... ﻣﻮ ﺗﻌﻮﻳﺾ ﻫﻲ ﺍﻟﺞ
ﻫﻤﺴﺖ ... ﻣﺎ ﺍﺭﻳﺪ
ﺗﻘﺮﺏ ﻣﻨﻲ ﻭﺳﺤﺐ ﺍﻟﺜﻮﺏ ﻣﺎﻟﺘﻲ ﻣﻦ ﻧﺎﺣﻴﺔ ﺍﻟﺼﺪﺭ ﻭﺧﻠﻪ ﺍﻟﻮﺭﻗﻪ ﺑﺼﺪﺭﻱ
ﻋﻄﺖ ﻣﻦ ﺍﻳﺪﻩ ﺍﻟﺨﺸﻨﻪ ﻻﻣﺴﺖ ﺑﺸﺮﺗﻲ ﺍﻟﻨﺎﻋﻤﻪ ﻟﺰﻣﺖ ﺍﻳﺪﻩ ﺑﺨﺠﻞ ... ﺟﺎﺳﺮ ﻋﻮﻭﻭﻓﻨﻲ
ﺑﺎﻭﻋﻠﻲ ﺑﺨﺒﺚ ... ﻋﻮﻭﻭﻓﻲ ﺍﻳﺪﻱ ﺍﻧﺘﻲ
ﻫﻤﺴﺖ ﺑﻘﻠﻖ ... ﻻﺍﺍﺍﺍ ﺍﻧﺖ ﻭﺧﺮ ﺍﻳﺪﻙ ﺍﻧﺖ ﻣﺘﺴﺘﺤﻲ ﻫﺎﻱ ﺩﺍﺋﻤﺎ ﻫﻴﻴﺞ ﺗﺴﻮﻱ
ﺭﻓﻊ ﺣﺎﺟﺐ ﺑﺒﺮﺍﺀﻩ ﻋﻮﺩ ﻫﻮ ﻣﺴﻜﻴﻦ ... ﺷﻤﺴﻮﻱ ؟
ﺩﺍ ﺍﺭﻳﺪ ﺍﻭﺧﺮ ﺍﻳﺪﻩ ﻣﻨﻲ ﺑﺲ ﻫﻢ ﻣﺼﺮ ﻋﻠﺊ ﻫﻴﺞ ﺷﺊ ﻫﻤﺴﺖ ﺑﺘﻌﺐ ... ﺟﺎﺳﺮ ﻭﺧﺮ ﺍﻳﺪﻱ ﺗﻮﺟﻌﻨﻲ ﻭﺍﻧﻲ ﻻﺯﻣﻪ ﺍﻳﺪﻙ
ﻏﻤﺰﻟﻲ ... ﻋﻮﻓﻲ ﺍﻳﺪﻱ
ﺟﺎﻭﺑﺘﻪ ﺑﻨﻔﻲ ... ﻻ ﺍﻳﺪﻙ ﻣﻮ ﺭﺍﺣﻪ
ﺿﺤﻚ ... ﻗﺎﺑﻞ ﺷﺴﻮﻱ ﺍﻛﺮﺻﺞ
ﻋﻘﺪﺕ ﺣﻮﺍﺟﺒﻲ ... ﻛﻮﻭﻭﻟﺸﻲ ﺗﺴﻮﻱ،ﻭﺧﺮﺭﺭﺭ
ﺗﻨﻬﺪ ... ﺍﻭﺧﺮ ﺑﺲ ﺑﺸﺮﻁ ﺍﺭﻳﺪﺝ ﺗﺎﺧﺬﻳﻬﺎ
ﻫﺰﻳﺖ ﺭﺍﺳﻲ ﺑﺄﻱ ﻫﻮ ﻭﺧﺮ ﺍﻳﺪﻩ ﻭﻫﻲ ﺿﻠﺖ ﺑﺼﺪﺭﻱ ﻣﺎ ﻃﻠﻌﺘﻪ
ﻛﺎﻝ ﺑﺨﺒﺚ ... ﻳﺎﻟﻠﻪ ﺍﺷﻜﺮﻳﻨﻲ ﺑﻮﺳﻪ ﺣﻀﻨﻪ ﺍﻱ ﺷﺊ
ﺍﺑﺘﺴﻤﺖ ... ﻻ ﺍﻧﺖ ﻻﺯﻡ ﺗﺤﻀﻨﻲ ﻭﺗﺒﻮﺳﻨﻲ ﻭﺗﺸﻜﺮ ﻣﻨﻲ ﻻﻥ ﻗﺒﻠﺖ ﺍﺧﺬ ﻣﻨﻚ
ﻋﺎﺩ ﻫﻮ ﻣﺎ ﺻﺪﻙ ﻫﺠﻢ ﻋﻠﻴﻪ ﺑﺴﺮﻋﻪ ﻣﻦ ﺑﻮﺳﻪ ﺍﻟﺤﻀﻨﻪ ﻭﻟﺸﻜﺮ ﻭﻻﺯﻡ ﻭﺟﻬﻲ ﻭﻳﺒﻮﺱ ﺷﻔﺎﻳﻔﻲ ﺑﻌﻨﻒ ... ﻣﺸﻜﻮﺭﻩ ﺍﻡ ﻣﺠﺘﺒﺊ ﺳﻮﻳﺘﻲ ﻓﻀﻞ ﻣﻦ ﺍﺧﺬﺗﻲ ﺍﻟﻮﺭﻗﻪ
ﺩﻓﻌﺘﻪ ﻭﻃﻠﻌﺖ ﻭﺍﻧﻲ ﺍﺧﻔﻲ ﺍﺑﺘﺴﺎﻣﺘﻲ،ﻭﻣﺴﺤﺖ ﺷﻔﺎﻳﻔﻲ ﺑﺴﺮﻋﻪ ﻭﻛﻠﺒﻲ ﻳﻨﺒﺾ ﻳﺎﻟﻠﻪ ﻫﻮ ﻳﺤﺒﻨﻲ ﻟﻮ ﻣﺠﺮﺩ ﻏﺮﻳﺰﻩ
ﻳﺎﺭﺑﻲ ﻻ ﺗﺤﻴﺮﻧﻲ ﺍﺧﺎﻑ ﺑﺲ ﻣﺠﺮﺩ ﺷﻬﻮﻩ ...
ﺍﻱ ﺍﻧﻲ ﻏﺮﻳﺰﻩ ﻭﺷﺎﻡ ﺍﻟﺤﺐ ...
ﻳﺎﺭﺑﻲ ﺍﺭﺣﻢ ﺿﻌﻔﻲ ﻭﻗﻠﺔ ﺣﻴﻠﺘﻲ ﻳﺎﺭﺏ ﻳﺘﻴﻤﻪ ﻭﻓﻘﺪﺕ ﺍﺑﻮﻭﻳﻪ ﻭﺣﺘﺊ ﺍﻣﻲ ﻭﻣﺎ ﺍﻟﻲ ﻏﻴﺮﻙ ﻳﺴﻨﺪﻧﻲ ﻭﻳﻔﺮﺣﻨﻲ ﺑﻬﺎﻱ ﺍﻟﺪﻧﻴﺎ ...
ﺣﻨﻦ ﮔﻠﺒﻪ ﻋﻠﻴﻪ ﻭﻋﻠﺊ ﺍﻃﻔﺎﻟﻲ،ﻣﺎ ﺍﻟﻲ ﺍﺣﺪ ﻏﻴﺮﻩ ﻣﻦ ﺑﻌﺪﻙ ﻳﺎﺭﺏ ...
............................
ﻭﻗﺎﺭ ..
ﺭﻳﻬﺎﻡ ﺭﺍﺩﺕ ﺗﺮﻭﺡ ﻟﻠﺪﻛﺘﻮﺭﻩ ﺗﺮﺍﺟﻊ ﻋﻦ ﺍﻟﺤﻤﻞ ﻛﻠﺘﻠﻬﺎ ﺍﺭﻭﺡ ﻭﻳﺎﺝ ...
ﻛﺎﻟﺖ ... ﻳﺎﻟﻠﻪ ﺣﺒﻴﺒﺘﻲ ﺣﻀﺮﻱ ﻧﻔﺴﺞ
ﻭﺍﻟﻠﻪ ﺻﺪﻙ ﺧﺎﺑﺮﺕ ﺟﺎﺑﺮ ﻛﺎﻝ ... ﺭﻭﺣﻲ
ﺑﺪﻟﺖ ﻭﻛﻤﻠﺖ ﻭﺍﻧﺘﻈﺮﺕ ﺭﻳﻬﺎﻡ ﺗﻜﻤﻞ ﺑﺲ،ﻭﻳﻦ ﺭﻳﻬﺎﻡ ﺗﻜﻤﻞ ﺍﺟﻪ ﺻﻼﺡ ﻟﻮ ﻳﺠﻲ ﺍﺑﻠﻴﺲ،ﻣﺎ ﻳﻄﻠﻊ ...
ﺷﻮﻳﻪ ﻭﻃﻠﻌﺖ ﺭﻳﻬﺎﻡ ﻻﺑﺴﻪ ﺟﺒﻪ ﺍﺳﻼﻣﻴﻪ ﻟﻮﻧﻬﺎ ﺟﻮﺯﻱ ﻣﻦ ﻓﻮﻙ ﻣﻦ ﺟﻮﻩ ﺍﺳﻮﺩ ﻋﺒﺎﻟﻚ ﻧﻔﺲ ﺍﻟﺘﻨﻮﺭﻩ ﻭﻻﺑﺴﻪ ﺷﺎﻝ ﺍﺳﻮﺩ ﻭﺣﺬﺍﺀ ﻭﺟﻨﻄﻪ ...
ﻭﺻﻼﺡ ﻫﻤﺎﺗﻴﻦ ﻣﺒﺪﻝ ﺭﺣﻨﻪ ﻟﻠﺪﻛﺘﻮﺭﻩ ﻭﺻﻼﺡ ﻛﺎﻝ ... ﺍﺧﺬ ﻓﺮﻩ ﻭﺍﺭﺟﻊ ﻋﻠﻴﻜﻢ ...
ﺷﻮﻳﻪ ﻭﺻﺎﺣﺖ ﺍﻟﺪﻛﺘﻮﺭﻩ ﺑﺎﺳﻢ ﺭﻳﻬﺎﻡ ﻃﺒﻌﺎ ﺍﺣﻨﻪ ﺣﺎﺟﺰﻳﻦ ﻋﻠﺊ ﺍﻟﻤﻮﺑﺎﻳﻞ ...
ﺩﺧﻠﺖ ﺭﻳﻬﺎﻡ ﻭﺍﻧﻲ،ﺩﺧﻠﺖ ﻭﻳﺎﻫﺎ ﻓﺤﺼﺘﻬﺎ ﻛﻠﺘﻠﻬﺎ ... ﻣﺎﻣﺎ ﺭﺣﻤﺞ ﻧﻀﻴﻒ ﺑﺲ ﺍﻓﻀﻞ ﻣﺎ ﺗﺤﺒﻠﻴﻦ ﻫﺴﻪ ﻻﻥ ﺍﻧﺘﻲ ﻫﺴﻪ ﻣﺴﻘﻄﻪ ﺍﺧﺬﻱ ﻭﻗﺖ ﻭﺗﺎﻟﻲ،ﺍﺗﻬﻴﺊ ﻟﻠﺤﻤﻞ
ﻭﺳﻮﺕ ﺍﻟﻬﺎ ﻓﺤﻮﺻﺎﺕ ﻃﻠﻊ ﺩﻣﻬﺎ ﻧﺎﺍﺯﻝ ﺣﻴﻴﻞ ﻓﻜﺘﺒﺖ ﺍﻟﻬﺎ ﺗﺤﻠﻴﻞ ﻛﻠﺘﻠﻬﺎ ﻫﺬﺍ ﺗﺴﻮﻱ ﺑﻤﺪﻳﻨﺔ ﺍﻟﻄﺐ ﺣﺘﺊ ﻳﻌﺮﻓﻮﻥ ﻫﺎﻱ ﺍﻟﺤﺎﻟﻪ ﺷﻨﻮﻭ
ﻭﻫﻤﺎﺗﻴﻦ ﺭﻳﻬﺎﻡ ﻋﻨﺪﻫﺎ ﻃﻜﻊ ﺯﺭﻙ ﺑﺠﺴﻤﻬﺎ ﻫﻲ ﺍﻟﺪﻛﺘﻮﺭﻩ ﻣﻦ ﺷﺎﻓﺘﻬﻦ ﻛﻠﺘﻠﻬﺎ ﺍﻱ ﺍﺧﺬﻱ ﻫﺬﺍ ﺍﻟﺘﺤﻠﻴﻞ ﺍﻓﻀﻞ ﻟﻼﻃﻤﺌﻨﺎﻥ ﻭﺍﻥ ﺷﺎﺀ ﺍﻟﻠﻪ ﻣﺎ ﺑﻴﺞ ﺷﺊ
ﺍﻣﺎ ﺍﻧﻲ ﻣﻦ ﻃﻠﻌﺖ ﺭﻳﻬﺎﻡ ﺳﻮﻟﻔﺘﻠﻬﺎ ﻋﻦ ﺣﺎﻟﺘﻲ ﻛﺎﻟﺖ ﺍﺻﻌﺪﻱ ﺍﻓﺤﺼﺞ ﻣﺎﻣﺎ
ﺍﻧﻲ ﺑﺼﺮﺍﺣﻪ ﺧﻔﺖ ﻭﺍﺳﺘﺤﻴﺖ ﺍﻭﻝ ﻣﺮﻩ ﺍﻣﺮ ﺑﻬﻴﺞ ﺷﺊ
ﻛﻠﺘﻠﻬﺎ ﻣﻴﺼﻴﺮ ﺗﺤﻠﻴﻞ ﺍﺷﻌﻪ ﺍﻱ ﺷﺊ ﺑﺲ ﻣﺎ ﺍﺣﺐ ﺗﻜﺸﻔﻴﻦ ﻋﻠﻴﻪ
ﺿﻠﺖ ﺗﻀﺤﻚ ﻛﺎﻟﺖ .. ﺷﺒﻴﺞ ﺣﺒﻴﺒﺘﻲ ﺗﺮﺉ،ﻓﺤﺺ ﻋﺎﺩﻱ ﻭﺍﻥ ﺷﺎﺀ ﺍﻟﻠﻪ ﻣﺎ ﺍﺍﺫﻳﺞ
ﺻﺪﻙ ﻓﺤﺼﺘﻨﻲ ﺑﻌﺪﻧﻲ ﺑﺒﺪﺍﻳﺔ ﺍﻟﻔﺤﺺ ﻭﺻﺮﺧﺖ ﺑﻘﻮﻭﻩ ﻋﺎﺩ ﻳﻤﻜﻦ ﺷﺮﺩﺕ ﺍﻟﻤﺮﻳﻀﺎﺕ
ﺟﺮﺕ ﻧﻔﺲ ﻛﺎﻟﺖ ... ﻛﻮﻣﻲ ﺣﺒﻴﺒﺘﻲ ﻛﻮﻣﻲ
ﻛﻌﺪﺕ ﻳﻤﻬﺎ ﻭﺍﻧﻲ ﺍﺭﺗﺐ ﺑﻤﻼﺑﺴﻲ ﻭﺍﻟﺪﻣﻌﻪ ﺑﻌﻴﻨﻲ ﻛﺎﻟﺖ ... ﻣﺎﻣﺎ ﺷﻮﻓﻲ ﺍﻟﻐﺸﺎﺀ ﻣﺎﻟﺘﺞ ﻣﻄﺎﻃﻲ ﺍﻛﻮ ﺍﻧﻮﺍﻉ ﻣﻦ ﺍﻟﻐﺸﺎﺀﺍﺕ ﺍﻛﻮ ﻣﻄﺎﻁ ﺍﻟﻪ ﺑﻌﻤﻠﻴﻪ ﺍﻛﻮ ﻻ ﻻﺯﻡ ﺍﻛﺜﺮ ﻣﻦ ﻣﺮﻩ ﻭﻳﻌﻨﻲ ﻫﻴﺞ ﺷﺊ ﺑﺲ ﺍﻧﺘﻲ ﻣﺎﻣﺎ ﻏﺸﺎﺋﺞ ﻣﻴﺤﺘﺎﺝ ﺗﺪﺧﻞ ﻃﺒﻲ ﻻﻥ ﺍﻛﺜﺮ ﻣﻦ ﻣﺮﻩ ﻳﺘﻤﺰﻕ
ﺑﺲ ﺍﺣﺘﻤﺎﻝ ﺯﻭﺟﺞ ﺣﺬﺭ ﻭﻳﺎﺝ ﻓﺤﺎﻭﻟﻲ ﺗﺴﻠﻤﻴﻦ ﻧﻔﺴﺞ ﻭﺍﻥ ﺷﺎﺀ ﺍﻟﻠﻪ ﻣﺎﺑﻴﺞ ﺷﺊ
ﺗﺸﻜﺮﺕ ﻣﻨﻬﺎ ﻭﺧﻠﻴﺖ ﻭﻃﻠﻌﺖ ﻟﻜﻴﺖ ﺭﻳﻬﺎﻡ ﻣﻨﺘﻈﺮﺗﻨﻲ ﻛﺎﻟﺖ ... ﺻﻼﺡ ﻣﻨﺘﻈﺮﻧﻪ ﺑﺮﻩ ﺑﺴﻴﺎﺭﺗﻪ ﻳﺎﻟﻠﻪ ﻧﺮﻭﺡ
ﺧﻠﻴﻨﻪ ﻭﻃﻠﻌﻨﻪ ﺷﻔﻨﻪ ﺻﻼﺡ ﻃﺎﺑﻚ ﺑﺴﻴﺎﺭﺗﻪ ﺟﺎﻥ ﻓﺎﺕ ﻭﺍﺣﺪ ﺑﺎﻭﻉ ﻟﺮﻳﻬﺎﻡ ﻛﺎﻝ .. ﺍﺭﻭﺡ ﻓﺪﻭﻩ ﻟﻬﻞ ﻋﻴﻮﻭﻭﻥ
ﻫﻲ ﺧﻄﻴﻪ ﺍﺭﺗﺒﻜﺖ ﺿﻠﺖ ﻣﺘﻌﺮﻑ ﺷﺘﺴﻮﻱ ﻭﻫﻮ ﻟﺤﺪ ﺍﻻﻥ ﻳﻐﺎﺯﻝ ﺑﻴﻬﺎ ﺷﺎﻓﻪ ﺻﻼﺡ ﻣﻦ ﺑﻌﻴﺪ
ﻭﻧﺰﻝ ﺑﺴﺮﻋﻪ ﻣﻦ ﺍﻟﺴﻴﺎﺭﻩ ﺳﺤﺒﻪ ﻣﻦ ﻳﺎﺧﺘﺦ ﺫﺍﻙ ﺑﺎﻭﻋﻠﻪ ﺑﺎﺳﺘﻐﺮﺍﺏ ﻭﻣﺎ ﻳﺸﻮﻑ ﻧﻔﺴﻪ ﺍﻟﻪ ﻋﻠﺊ ﺍﻻﺭﺽ
ﻭﻛﻒ ﺑﻐﻀﺐ ... ﻟﻴﺶ ﺗﻀﺮﺑﻨﻲ
ﻫﺠﻢ ﻋﻠﻴﻪ ﺻﻼﺡ ﻭﻫﻮ ﻳﻐﻠﻂ ﻋﻠﻴﻪ .. ﻟﻚ ﻛﻠﺐ ﺣﻴﻮﺍﻥ ﺍﺷﻮﻓﻚ ﻣﻦ ﺑﻌﻴﺪ ﻭﺍﻧﺖ ﺗﻀﺎﻳﻘﻬﺎ ﺍﺑﻦ ﺍﻟﻜﻠﺐ ﻣﺎ ﺟﺎﺑﺘﻪ ﺍﻣﻪ ﺍﻟﻴﺘﻌﺪﻩ ﻋﻠﺊ ﻋﺮﺿﻲ ..
ﺭﻳﻬﺎﻡ ﺧﻄﻴﻪ ﺟﺎﻧﺖ ﺗﺠﺮﺟﺮ ﺑﺼﻼﺡ ﻭﺗﺘﻮﺳﻞ ﺑﻲ .. ﻓﺪﻭﻩ ﺻﻼﺡ ﻛﺎﻓﻲ ﺣﺘﻤﻮﺗﻪ ﺑﻴﺪﻙ
ﺍﻟﻌﺎﻟﻢ ﺍﻟﺘﻤﺖ ﻭﺿﻠﺖ ﺗﻔﺎﺭﻍ ﺑﻴﻬﻢ ﻭﺫﺍﻙ ﺍﻟﻮﻟﺪ ﺩﺧﻠﻮﺍ ﻳﻐﺴﻠﻮﻥ ﺍﻟﻪ ﺑﺎﻟﺴﻮﺑﺮ ﻣﺎﺭﻛﺖ ﻭﺭﻳﻬﺎﻡ ﺳﺤﺒﺖ ﺻﻼﺡ ﻭﺍﺧﺬﺗﻪ ﻟﻠﺴﻴﺎﺭﻩ
ﻋﺎﺩ ﻫﻮ ﺳﺤﺐ ﺍﻳﺪﻩ ﻣﻨﻬﺎ ﺑﻐﻀﺐ ﻭﻣﺸﻪ ﻛﺪﺍﻣﻨﻪ ﻫﻲ ﺑﺎﻭﻋﺘﻠﻲ ﻣﺘﻔﺎﺟﺌﻪ ﻭﺍﻧﻲ ﻫﻤﺎﺗﻴﻦ
ﺻﻌﺪﻧﻪ ﺑﺎﻟﺴﻴﺎﺭﻩ ﻫﻲ ﻛﻌﺪﺕ ﻭﺭﻩ ﻻﻥ ﺯﻋﻼﻧﻪ ﻭﺍﻧﻲ ﻫﻤﺎﺗﻴﻦ
ﺍﻭﻝ ﻣﺎ ﺷﻐﻞ ﺍﻟﺴﻴﺎﺭﻩ ﺩﺍﺭ ﻭﺟﻬﻪ ﻋﻠﻴﻬﺎ ﻛﺎﻟﻬﺎ ﺑﺴﺨﺮﻳﻪ ... ﺍﻟﺸﻮﻓﻴﺮ ﻣﺎﻟﺠﻦ ﺍﻧﻲ ﺗﻌﺎﻱ ﺍﻛﻌﺪﻱ ﺑﺎﻟﺼﺪﺭﻱ
ﺩﺍﺭﺕ ﻭﺟﻬﻬﺎ ﺯﻋﻼﻧﻪ .... ﻫﻨﺎ ﻣﺮﺗﺎﺣﻪ
ﻫﻮ ﻧﺰﻝ ﻣﻦ ﺍﻟﺴﻴﺎﺭﻩ ﻭﻓﺘﺢ ﺍﻟﺒﺎﺏ ﺑﺎﻭﻋﻠﻬﺎ ﻭﻫﻲ ﻣﺘﻜﺘﻔﻪ ﺳﺤﺒﻬﺎ ﻣﻦ ﺍﻳﺪﻫﺎ ﻭﻫﻮ ﻳﻀﺤﻚ ﻋﻠﺊ ﺗﺼﺮﻓﺎﺗﻬﺎ ...
ﻭﻛﻔﻬﺎ ﺑﻌﺪ ﻣﻌﺎﻧﺎﺓ ﻭﺭﻓﺾ ﻛﺒﻴﺮ ﻣﻨﻬﺎ
ﻛﻌﺪﺕ ﺑﺎﻟﺼﺪﺭ ﻭﺩﺍﺭﺕ ﻭﺟﻬﻪ ﺯﻋﻼﻧﻪ ﻣﻨﻪ
ﺿﻞ ﻳﺴﻮﻕ ﻭﻳﺒﺎﻭﻋﻠﻬﺎ ﻛﻠﻬﺎ ... ﺍﺭﻳﺪ ﺍﻋﺮﻑ ﺷﻐﻠﻪ ﻭﺣﺪﻩ ﺷﺒﻴﺞ ﺯﻋﻠﺘﻲ
ﺩﺍﺭﺕ ﻭﺟﻬﻪ ﻋﻠﻴﻪ ... ﻳﻌﻨﻲ ﺣﻠﻮﻩ ﺗﺪﻓﻊ ﺍﻳﺪﻱ ﻛﺪﺍﻡ ﺍﻟﻌﺎﻟﻢ ﻋﺒﺎﻟﻚ ﺍﻧﻲ ﻣﻜﻴﻔﻪ ﻫﺬﺍ ﻳﻐﺎﺯﻟﻨﻲ ﺍﻟﻌﺎﻟﻢ ﺷﺘﻜﻮﻝ ﻋﻠﻴﻪ
ﺑﺎﻭﻋﻠﻬﺎ ﺑﺤﺐ ... ﺍﻟﻲ ﻳﻜﻮﻝ ﻋﻠﻴﺞ ﻛﻠﻤﺔ ﻭﺣﺪﻩ ﺍﺣﻂ ﺍﻟﻨﻌﺎﻝ ﺑﺤﻠﻜﻪ ...
ﺑﺲ ﺍﻧﻲ ﺷﻮﻳﻪ ﺟﻨﺖ ﺿﺎﻳﺞ ﺍﻧﻲ ﺍﺗﺨﺒﻞ ﻣﻦ ﻭﺍﺣﺪ ﻳﺘﻘﺮﺏ ﻣﻨﺞ ﻭﻫﺬﺍ ﺷﻔﺘﻪ ﻳﻐﺎﺯﻟﺞ ﺍﻧﻬﺎﺭﻳﺖ
ﻭﺍﻧﺘﻲ ﻣﺎﻛﻮ ﺩﺍﻋﻲ ﺗﺰﻋﻠﻴﻦ ﻣﻨﻲ ﻣﻦ ﺗﺸﻮﻓﻴﻨﻲ ﺿﺎﻳﺞ ﺍﺣﻀﻨﻴﻨﻲ ﺑﻮﺳﻴﻨﻲ ﺣﺘﺊ ﺍﻫﺪﺀ ﺷﻮﻳﻪ ﻣﻮ ﺗﺰﻋﻠﻴﻴﻦ
ﺿﺮﺑﺘﻪ ﻋﻠﺊ ﻛﺘﻔﻪ ... ﻫﺎﺍﺍ ﻫﺎﺍﺍ ﺧﻮﻳﻪ ﺻﻼﺡ ﺷﺠﺎﻙ ﺷﻄﺤﺖ ﻋﻠﺊ ﺍﻟﺘﺮﺍﺑﻲ ﻭﻳﻦ ﺗﺒﻮﺳﻚ ﺑﻨﺺ ﺍﻟﺸﺎﺭﻉ
ﺑﺎﻭﻋﺘﻠﻲ ﻭﻫﻲ ﺗﺒﺘﺴﻢ ﺑﺎﺳﺘﻬﺰﺍﺀ ... ﺷﻔﺘﻲ ﺍﺧﻮﺡ ﻭﻗﺎﺭ ﺑﺴﺮﻋﻪ ﻳﺰﻋﻞ ﻭﻳﺘﻌﺼﺐ ﻣﺪﺭﻱ ﺷﺒﻲ
ﺑﺎﻭﻋﻠﻬﺎ ﻭﺳﺤﺐ ﺍﻳﺪﻫﺎ ﻭﺑﺎﺳﻬﺎ ... ﺗﺮﺉ ﺍﻧﻲ ﺍﺣﺴﻦ ﻭﺍﺣﺪ ﺑﺨﻮﺍﻧﻲ
ﺟﺎﻥ ﻓﻼﺡ ﺍﻟﻠﻪ ﻳﺮﺣﻤﻪ ﻋﺼﺒﻲ،ﻧﺎﺭ ﻭﻧﻮﺍﻝ ﻣﻦ ﻳﻠﺰﻣﻬﺎ ﻳﺴﻜﻄﻬﺎ ...
ﺟﺎﻭﺑﺘﻪ ... ﻭﺗﻘﺎﺭﻥ ﺭﻳﻬﺎﻡ ﻭﻳﻪ ﻧﻮﺍﻝ ﺻﺪﻙ ﺗﺤﺠﻲ ﻫﻲ ﻧﻮﺍﻝ ﺷﻨﻮ ﻫﻞ ﻋﺮﻣﻪ ﻓﻼﺡ ﻳﺤﺠﻲ ﻛﻠﻤﻪ ﻫﻲ ﺗﺮﺩﻫﺎ ﻋﺸﺮﻩ
ﺑﺎﻭﻋﻠﻲ ﺑﺎﻟﺠﺎﻡ ﻣﺎﻟﺔ ﺍﻟﺴﻴﺎﺭﻩ ﻛﺎﻝ ... ﻭﺟﺎﺳﺮ ﺍﻭﻭﻭﻳﻠﻲ ﻣﻦ ﻳﮕﻮﻡ ﻳﺨﺒﻂ ﻋﻤﺎﻥ ﻭﺷﻤﺎﻥ ﻭﻳﺤﺮﮒ ﺍﻻﺧﻀﺮ ﻭﺍﻟﻴﺎﺑﺲ ...
ﻫﺴﻪ ﺩﻋﻴﻨﻪ ﻣﻦ ﻣﺮﺗﻪ ﺷﺎﻳﻔﺘﻪ ﻣﻦ ﻳﻠﺰﻡ ﺟﻌﻔﺮ ﺳﻜﺮﺍﻥ ﻟﻮ ﻣﻦ ﻟﺰﻡ ﺩﺍﻭﻭﺩ ﻣﻦ ﻧﺸﺮ ﺻﻮﺭﺝ ﻭﺍﻟﻠﻪ ﻋﺒﺎﻟﻚ ﻣﺴﻠﻢ ﻭﻛﻊ ﺑﻴﺪ ﻛﺎﻓﺮ ...
ﺍﻟﻪ ﺍﻧﻲ ﻋﻄﻮﻑ ﻭﺭﺣﻴﻢ ﺑﺲ ﻫﻢ ﺑﻴﻪ ﺧﻴﻂ ﺧﺒﺎﻝ ﻣﻦ ﺍﺧﻮﺍﻧﻲ ...
ﺍﺭﺩﻑ ﺑﻌﺘﺐ ... ﺷﻠﻮﻥ ﺑﺎﻟﻠﻪ ﺍﻋﻮﻭﻑ ﺍﺧﻮﺍﻧﻲ ﻳﺘﺨﺒﻠﻮﻥ ﺍﻟﻮﺣﺪﻫﻢ ﻣﺎ ﻳﺼﻴﺮ
ﺿﺤﻜﺖ ﺭﻳﻬﺎﻡ ... ﺑﺲ ﻻ ﺗﺨﻠﻲ ﺣﺮﮔﺘﻚ ﺑﻴﻪ ﺍﻧﻲ ﺍﺗﺤﺴﺲ ﻭﺍﺿﻮﺝ ﻭﺍﻧﻘﻬﺮ ﺑﺴﺮﻋﻪ
ﺗﻘﺮﺑﺖ ﻣﻨﻬﺎ ﻭﺍﻧﻲ ﺍﺑﻮﺳﻬﺎ ... ﺍﻭﻭﻭﻱ ﻓﺪﻳﺖ ﺣﻤﺎﺗﻲ ﺣﺴﺎﺳﻪ ﻃﺎﻟﻌﻪ ﻋﻠﻴﻪ ...
ﺻﻼﺡ ﺿﺮﺑﻨﻲ ﺑﺨﻔﻪ ﻋﻠﺊ ﺍﻳﺪﻱ .. ﻭﺧﺮﻱ ﻣﻦ ﻣﺮﺗﻲ ﻣﺤﺪ ﻳﺮﺍﺿﻴﻬﺎ ﻏﻴﺮﻱ
ﺿﺤﻜﺖ ... ﺭﺍﺿﻲ ﻋﻴﻨﻲ ﺭﺍﺿﻲ ﺑﺲ ﺍﻧﻲ ﻣﺤﺪ ﻳﺮﺍﺿﻴﻨﻲ
ﻫﻮ ﺭﺟﻊ ﺍﺧﺬ ﺍﻳﺪﻫﺎ ﻭﺑﺎﺳﻬﺎ ﻛﺎﻝ ... ﻭﺍﻟﻠﻪ ﻣﻦ ﻛﺜﺮﻱ ﺣﺒﻲ ﺍﻟﻬﺎ ﻣﺎ ﺍﺣﺐ ﻭﺍﺣﺪ ﻏﻴﺮﻱ ﻳﺘﻐﺰﻝ ﺑﻴﻬﺎ ﺣﺘﺊ ﻟﻮ ﻣﻮ ﺫﻧﺒﻬﺎ ﺑﺲ ﻫﻴﻴﺞ ﺍﻧﻲ ﺍﻧﺴﺎﻥ ﺍﻏﺎﺭ ﺍﺗﺨﺒﻞ ﺷﻠﻮﻥ ﺑﺎﻟﻠﻪ ﺍﺣﺮﮒ ﺭﻭﺣﻲ ...
ﻫﻲ ﺿﺤﻜﺖ ... ﻻ ﻳﺎﺑﻪ ﺷﻠﻮﻥ ﺗﺤﺮﻙ ﺭﻭﺣﻚ ﺍﻧﻮﺏ ﺍﺿﻞ ﺑﺪﻭﻥ ﺭﺟﻞ ﻫﻮ ﺍﻧﺖ ﻭﺳﻮﻳﺖ ﺧﺘﻤﺎﺕ ﻳﺎﻟﻠﻪ ﺣﺼﻠﺘﻚ ﻫﻬﻪ ...
ﺿﺤﻚ ﻋﻠﻴﻬﺎ ﻭﻛﻒ ﺑﻨﺺ ﺍﻟﻄﺮﻳﻖ ﺍﺷﺘﺮﻩ ﺍﻟﻬﺎ ﻭﺍﻟﻴﻪ ﻏﺰﻝ ﺍﻟﺒﻨﺎﺕ ﻋﻮﻭﺩ ﻳﺮﺍﺿﻴﻬﺎ ﻭﺍﻧﻲ ﻭﻳﺎﻫﺎ ﻋﻠﺊ ﺍﻟﻮﺍﻫﺲ ...
ﻭﺻﻠﻨﻪ ﻟﻠﺒﻴﺖ ﻭﻫﻲ ﺭﺍﺣﺖ ﻟﻠﻤﻄﺒﺦ ﺗﺴﺎﻋﺪ ﺟﻮﻟﻲ،ﻭﺍﻧﻲ ﻛﻌﺪﺕ ﺑﺎﻻﺳﺘﻘﺒﺎﻝ ...
ﻛﻌﺪﺕ ﻋﻠﺊ ﺍﻟﻘﻨﻔﻪ ﺧﺎﺑﺮﺕ ﺟﺎﺑﺮ ﻛﺘﻠﻪ ﺑﺪﻟﻊ ... ﺍﻟﻮﻭﻭ
ﺭﺩ ﺑﺴﺮﻋﻪ ... ﻓﺪﻳﺖ ﺍﻻﻟﻮ ﻭﺭﺍﻋﻴﺘﻪ
ﺍﺑﺘﺴﻤﺖ ... ﻓﺪﺍﮎ ﮐﻠﻲ ﻳﮑﻠﻲ
ﻫﻤﺲ ﺑﺬﻭﺑﺎﻥ ... ﻣﺸﺘﺎﻕ ﻟﺤﻀﻨﻚ ﻳﺤﻠﻮﻭ
ﻋﻀﻴﺖ ﺷﻔﺎﻳﻔﻲ ﺑﺨﺠﻞ ... ﺍﻥ ﺷﺎﺀ ﺍﻟﻠﻪ ﺍﻟﻴﻮﻡ ﺭﺍﺟﻌﻪ ﺣﺒﻴﺒﻲ
ﻛﺎﻝ ... ﺍﻱ،ﺻﺪﻙ ﺭﺣﺘﻲ ﻟﻠﺪﻛﺘﻮﺭﻩ ﻭﺷﻨﻮ ﻛﺎﻟﺘﻠﺞ
ﺟﺮﻳﺖ ﻧﻔﺲ ... ﺍﻱ ﺭﺣﺖ ﻭﻛﺎﻟﺖ ﻣﺎﻣﺎ ﻏﺸﺎﺋﺞ ﻣﻄﺎﻃﻲ ﺑﺲ ﻣﺎ ﻳﺤﺘﺎﺝ ﺗﺪﺧﻞ ﻃﺒﻲ ﺍﻥ ﺷﺎﺀ ﺍﻟﻠﻪ ﺑﺎﻟﻤﺮﻭﺭ ﺍﻟﻮﻗﺖ ﺗﻜﻮﻧﻴﻦ ﻃﺒﻴﻌﻴﻪ
ﺟﺮ ﻧﻔﺲ ... ﺍﻱ ﺍﻥ ﺷﺎﺀ ﺍﻟﻠﻪ ﺷﻮﻛﺖ ﺍﺟﻲ ﺍﺧﺬﺝ
ﺟﺎﻭﺑﺘﻪ ﺑﺤﺐ ... ﻭﺭﻩ ﺍﻟﻌﺸﺎ ﺍﺫﺍ ﺗﺮﻳﺪ ﺗﻌﺎﻝ ﺗﻌﺸﺎ ﻳﻤﻨﻪ
ﺭﺩ ﻋﻠﻴﻪ ﺑﺸﻜﺮ ... ﺗﺴﻠﻤﻴﻦ ﻳﮕﻠﺒﻲ ﺑﺲ ﻣﻌﺰﻭﻡ ﺍﻟﻴﻮﻡ ﻋﻨﺪ ﺍﺻﺪﻗﺎﺋﻲ ﺍﻥ ﺷﺎﺀ ﺍﻟﻠﻪ ﻏﻴﺮ ﻣﺮﻩ ﻭﺍﻥ ﺷﺎﺀ ﺍﻟﻠﻪ ﺑﺎﻟﻴﻞ ﺍﺟﻴﺞ
ﻫﻤﺴﺖ ... ﻋﺎﻓﻴﺎﺕ ﻳﺮﻭﺣﻲ ﺍﻫﻼ ﻭﺳﻬﻼ ﺑﻴﻚ ﻣﻦ ﺑﻴﺖ ﺻﺪﻳﻘﻚ ﺍﻟﺒﻴﺘﻨﻪ
ﻗﻔﻠﺖ ﺍﻟﺨﻂ ﻭﺩﺧﻠﺖ ﻧﻮﺍﻝ ﻛﻌﺪﺕ ﻳﻤﻲ ﻛﺎﻟﺖ ... ﺍﻣﻤﻢ ﺟﻨﺘﻲ ﺗﺨﺎﺑﺮﻳﻦ ﺑﺠﺎﺑﺮ
ﺟﺎﻭﺑﺘﻬﺎ ﺑﻀﻴﻖ ... ﺍﻱ
ﺗﻨﻬﺪﺕ ﺑﻤﻜﺮ ... ﺻﺪﻙ ﻃﻠﻌﺘﻲ ﻣﻮ ﺑﻨﻴﻪ
ﻓﺰﻳﺖ ﻣﻦ ﻣﻜﺎﻧﻲ ... ﺷﻨﻮﻭﻭﻭ ﺍﻧﺘﻲ ﺻﺪﻙ ﻣﺘﺴﺘﺤﻴﻦ ﺷﻨﻮ ﻫﻞ ﻛﻼﻡ ﺍﻧﻲ ﻟﻮ ﺻﺪﻙ ﻣﺜﻞ ﻣﺎ ﺗﺪﻋﻴﻦ ﺟﺎﻥ ﻣﺎ ﻟﻜﻴﺘﻴﻨﻲ ﻫﺴﻪ ﻣﻮﺟﻮﺩﻩ ﺟﺎﻥ ﻏﺴﻠﻮﺍ ﻋﺎﺭﻫﻢ ﺟﺎﻥ ﺟﺎﺑﺮ ﺍﺗﻬﻤﻨﻲ
ﺑﺲ ﺍﻧﻲ ﺍﺷﺮﻑ ﻣﻨﺞ ﻭﻣﻦ ﻋﺸﻴﺮﺗﺞ
ﻭﻛﻔﺖ ﺑﺰﻋﻞ .. ﻳﻤﻪ ﻳﻤﻪ ﻣﻨﺞ ﺃﻡ ﺍﻟﻠﺴﺎﻥ ﻭﻟﺞ ﺍﻧﻲ ﺷﺤﺠﻴﺖ ﻭﺷﻜﻠﺖ ﺍﻧﻲ ﺍﺻﻼ ﺷﺪﺧﻠﻨﻲ،ﺣﺘﺊ ﻣﺎ ﺍﺩﺭﻱ
ﻏﻴﺮ ﺳﻤﻌﺖ ﻣﻦ ﺟﻮﻟﻴﻴﺖ ﻫﻴﺞ ﺩﻛﻮﻝ ﺍﻧﺘﻲ،ﻣﻮ ﺑﻨﻴﻪ ﻭﺳﺘﺮﺝ ﺟﺎﺑﺮ ...
ﻓﺘﺤﺖ ﻋﻴﻮﻧﻲ ﺑﺼﺪﻣﻪ ... ﺍﺣﺘﺮﻣﻲ ﻧﻔﺴﺞ ﻧﻮﺍﻝ ﺍﺷﺮﻓﻠﺞ ﻭﺑﻌﺪﻳﻦ ﺟﻮﻟﻴﻴﺖ ﺷﻌﺮﻓﻬﺎ ﺷﻨﻮ ﺍﻟﻲ ﻳﺪﻭﺭ ﺑﻴﻨﻲ ﻭﺑﻴﻦ ﺟﺎﺑﺮ
ﺭﺍﻓﻌﺖ ﺍﻛﺘﺎﻓﻬﺎ ﺑﻤﻌﻨﺊ ﻣﺎ ﺍﺩﺭﻱ ...
ﺩﻓﻌﺘﻬﺎ ﻭﻃﻠﻌﺖ ﺩﺍ ﺍﻋﺎﺭﻙ ﺟﻮﻭﻟﻲ ﺷﻔﺖ ﺟﺎﺳﺮ ﻭﺍﻛﻒ ﺍﺳﺘﻌﺬﺕ ﺑﺎﻟﻠﻪ ﻣﻦ ﺍﻟﺸﻴﻄﺎﻥ ﺍﻟﺮﺟﻴﻢ ﻭﺍﺗﺮﺍﺟﻌﺖ
ﻣﺎ ﺍﺭﻳﺪ ﺗﺴﺒﺐ ﺍﻟﻬﺎ ﺑﻤﺸﺎﻛﻞ ﻭﺍﻋﺮﻑ ﺟﺎﺳﺮ ﻣﺎ ﻳﺮﺣﻤﻬﺎ ﺑﺲ ﻭﺍﻟﻠﻪ ﺗﻌﺒﺖ ﻣﻦ ﺍﻟﺘﻔﻜﻴﺮ ﻣﺤﺪ ﻳﻌﺮﻑ ﻏﻴﺮﻱ ﺍﻧﻲ ﻭﻳﺎﻩ ﺷﻠﻮﻥ ﻧﻮﺍﻝ ﻋﺮﻓﺖ ﻭﻣﻨﻴﻦ ﻳﺎﺭﺑﻲ ﺩﺧﻴﻠﻚ ...
ﺻﺒﻮﺍ ﻋﺸﺎ ﻣﺎ ﻗﺒﻠﺖ ﺍﻛﻞ ﻭﻣﺒﻴﻦ ﺍﻟﻀﻴﻖ ﻋﻠﺊ ﻭﺟﻬﻲ ﺣﺘﺊ ﺟﺎﺳﺮ ﺳﺄﻟﻨﻲ ﺍﺧﺎﻑ ﺟﺎﺑﺮ ﻣﻀﻮﺟﻨﻲ
ﺟﺎﻭﺑﺘﻪ ﻻ ﻣﺤﺪ ﻣﻀﻮﺟﻨﻲ ﺑﺲ ﺍﻧﻲ،ﻣﺎ ﺍﻋﺮﻑ ﺷﺒﻴﻪ
ﺍﺟﻴﺖ ﺍﻛﻮﻟﻪ ﻋﻠﺊ،ﺟﻮﻟﻴﻴﺖ ﺑﺲ ﺧﻔﺖ ﻣﻦ ﻧﺘﺎﺋﺠﻬﺎ ﻭﻫﻤﺎﺗﻴﻦ ﺧﻔﺖ ﺍﺿﻠﻢ ﺟﺎﺑﺮ ﻭﺟﻮﻟﻴﻴﺖ ﺍﺧﺎﻑ ﻫﺎﻱ،ﻧﻮﺍﻝ ﺗﺠﺬﺏ
ﺑﺲ ﻣﻨﻴﻦ ﻋﺮﻓﺖ ﻭﺍﻟﻠﻪ ﻋﺠﻴﺒﻪ ﻳﺎﺭﺏ ﺩﺧﻴﻠﻚ ﺷﻨﻮ ﻫﻞ ﻣﺸﻜﻠﻪ
ﺑﻌﺪﻫﺎ ﺍﺟﻪ ﺟﺎﺑﺮ ﻭﺧﻠﻴﺖ ﻭﺭﺧﺖ ﺑﺲ ﻣﺎ ﺑﻴﻨﺖ ﺍﻟﻪ ﺍﻧﻲ ﺿﺎﻳﺠﻪ ﺑﺎﻟﻌﻜﺲ ﺟﻨﺖ ﻃﺒﻴﻌﻴﻪ ....
..................................
ﺷﻬﺪ ...
ﺯﻭﺟﺔ ﺍﺑﻮﻳﻪ ﻛﺎﻟﺖ ﻟﺒﺎﺑﺎ ﻳﺮﺩﻭﻥ ﻳﺨﻄﺒﻮﻥ ﺷﻬﺪ ﻧﺎﺱ ﻣﻌﺮﻭﻓﻴﻦ ﻭﺧﻮﺵ ﻧﺎﺱ ...
ﺑﺲ ﺍﺑﻨﻬﻢ ﻣﺘﺰﻭﺝ ﻭﻣﻄﻠﻚ ﻳﻌﻨﻲ ﻫﻲ ﺯﻭﺟﺔ ﺍﺧﻮﻭ ﻭﻫﺎﺟﺮﻫﺎ
ﺑﺎﻭﻋﻠﻲ ﻛﺎﻝ ﺑﻤﻠﻞ ... ﺗﺮﺩﻳﻨﻪ
ﺍﺳﺘﻐﺮﺑﺖ ﺷﻨﻮ ﻫﻮ ﺟﻴﺲ ﻣﺼﻘﻮﻝ ﻭﺍﺭﻳﺪﻩ ﺷﻬﻞ ﺳﺆﺍﻝ ﺍﻟﺘﺎﻓﻬﻪ
ﻧﺰﻟﺖ ﺭﺍﺳﻲ ﻋﻮﺩ ﻣﺴﺘﺤﻴﻪ ﻛﺘﻠﻪ ... ﺑﻜﻴﻔﻚ
ﺟﺎﻭﺑﺘﻪ ﺯﻭﺟﺔ ﺍﺑﻮﻳﻪ ... ﺯﻭﺟﻬﺎ ﻳﻤﻌﻮﺩ ﺯﻭﺟﻬﺎ ﻫﻢ ﺍﻟﺒﻨﺎﺕ ﻟﻠﻤﻤﺎﺕ ﺯﻭﺟﻬﺎ ﻗﺒﻞ ﻻ ﺗﺠﻴﺒﻠﻨﺎ ﻣﺼﻴﺒﻪ
ﺭﺩ ﻣﻦ ﻭﺭﻩ ﺧﺸﻤﻪ ... ﺑﺎﺟﺮ ﺧﺎﺑﺮﻳﻬﻢ ﻭﻛﻠﻴﻠﻬﻢ ﺗﻌﺎﻟﻮﺍ ﺍﺧﻄﺒﻮﺍ
ﻋﺎﺩ ﺍﻧﻲ ﻓﺰﻳﺖ ﻣﻦ ﻣﻜﺎﻧﻲ ﻭﺭﺣﺖ ﺍﺭﻛﺾ ﻭﻓﺮﺣﺎﻧﻪ ﻭﻫﻲ ﺗﺼﻴﻴﺢ ... ﻃﺎﺡ ﺣﻀﺞ ﻭﻳﻦ ﺍﻟﺨﺠﻞ ﻭﻳﻦ ﺍﻻﻧﻮﺛﻪ ﻭﺍﻟﻠﻪ ﺍﻟﻪ ﻳﺮﺩﻭﻧﺞ ﺛﺎﻧﻲ ﻳﻮﻡ
ﺩﺧﻠﺖ ﺍﻟﻐﺮﻓﺘﻲ،ﻭﺣﻀﻨﺖ ﺑﺰﻭﻧﺘﻲ ﻭﺍﻧﻲ ﺍﺭﻛﺺ ﻭﻳﺎﻫﺎ ﻣﺜﻞ ﺟﺎﻙ ﻭﺭﻭﺯ ﻭﻣﺘﺨﻴﻠﺘﻬﺎ ﺟﻌﻔﺮ ﻭﻣﻐﻤﻀﻪ ﻋﻴﻮﻧﻲ
ﻭﻫﻲ ﺗﺘﻤﺰﺭﻙ ﻣﻦ ﺑﻴﻦ ﺍﺩﻳﻪ ﺗﺮﻳﺪ ﺗﻨﻬﺰﻡ ﻭﺑﻌﺪﻫﺎ ﺧﻠﺖ ﻭﺷﺮﺩﺕ ﻛﺒﺮ ﻟﻔﻬﺎ ﻭﻻ ﺗﺨﻠﻲ ﻭﺍﺣﺪ ﻳﻌﻴﺶ ﺍﻟﻠﺤﻈﻪ ...
ﺧﺎﺑﺮﺕ ﺟﻌﻔﺮ ﻭﻛﺘﻠﻪ ... ﺑﺎﺑﺎ ﻭﺍﻓﻖ ﺍﺗﺰﻭﺟﻚ
ﺭﺩ ﺑﺤﺐ ... ﺷﻠﻮﻧﻪ ﻫﻮ ﻭﻣﺎ ﻳﻮﺍﻓﻖ ﺍﻛﻴﺪ ﻳﻮﺍﻓﻖ ﻭﻫﻮ ﺍﻟﻤﻤﻨﻮﻥ ﺍﺑﻮ ﺻﺎﺩﻕ ﺍﻧﻲ ﻟﻮ ﻣﻦ ﺑﺎﻟﻌﺮﺍﻕ ﻋﺸﺮﻩ ﺟﺎﺍ ﻫﺴﻪ ﺍﻣﺮﻳﻜﺎ ﺗﻐﺎﺭ ﻣﻨﻪ
ﺿﺤﻜﺖ ... ﻓﺪﻳﺖ ﺍﻟﻮﺍﺛﻖ
ﻛﺎﻝ .. ﺍﻥ ﺷﺎﺀ ﺍﻟﻠﻪ ﺍﻟﺨﻄﻮﺑﻪ ﻫﺬﺍ ﺍﻻﺳﺒﻮﻉ
ﻳﺎﻟﻠﻪ ﺷﻜﺪ ﻓﺮﺣﺖ ﻭﺍﺧﻴﺮﺍ ﺭﺍﺡ ﺍﻧﺠﻤﻊ ﺑﺤﺒﻴﺒﻲ ﺟﻌﻔﺮ ﺷﻜﺪ ﺍﺣﺒﺒﻪ ﺍﻣﻮﺕ ﻋﻠﻴﻪ ﺍﻋﺸﻘﻪ ﺷﻜﺪ ﺣﻠﻮﻭ ﻭﺍﻟﻠﻪ ﺍﻟﻪ ﺍﺧﻠﻲ ﻳﺒﻄﻞ ﻋﺮﮒ ...
ﻧﻤﺖ ﻭﺍﻧﻲ ﺍﺣﻠﻢ ﺷﻠﻮﻥ ﺍﺳﺘﻌﺪ ﻟﻠﺨﻄﻮﺑﻪ ﻭﺷﻠﻮﻥ ﺍﺭﻛﺺ ﻭﺍﻣﺸﻲ ﻭﺗﻌﻴﻘﻞ ﻋﻠﺊ ﻣﺮﺓ ﺍﺑﻮﻱ ﻫﻬﻬﻬﻪ
......................
ﺟﻮﻟﻴﻴﺖ ...
ﺟﺎﺳﺮ ﻛﺎﻝ ﺣﻀﺮﻱ ﻧﻔﺴﺞ ﺍﺧﺬﺝ ﻟﻠﺪﻛﺘﻮﺭ ﻭﺍﺧﺬ ﻣﺠﺘﺒﺊ ﻟﺤﺪ ﺍﻻﻥ ﻋﻨﺪﻱ ﺣﺴﺮﺓ ﺑﺪﺍﺧﻠﻲ
ﻭﻫﻞ ﺣﺴﺮﻩ ﺑﺴﺒﺐ ﻣﻮﺕ ﺍﺑﻮﻳﻪ ﻻﻥ ﻣﺎﺕ ﻭﻣﺎ ﺣﻀﺮﺕ ﻓﺎﺗﺤﺘﻪ ﻭﻻ ﺣﻀﺮﺕ ﺩﻓﻨﺘﻪ
ﻛﻞ ﻳﻮﻡ ﺍﺧﺬ ﻣﻮﺑﺎﻳﻞ ﺟﺎﺳﺮ ﻭﺍﺧﻠﻲ ﺍﻟﺴﻤﺎﻋﺎﺕ ﻭﺍﻃﻠﻊ ﻟﻄﻤﻴﺎﺕ ﺭﺛﺎﺀ ﻋﻠﺊ ﺍﻻﺏ ﻭﺍﺿﻞ ﺍﺑﺠﻲ،ﻣﻨﺎ ﻟﻤﻦ ﻛﻮﻭﻭﻟﺶ ﺍﺩﻭﻭﺥ ﻭﺍﻧﺎﻡ
ﻭﻫﺎﻱ ﺻﺎﺭ ﻛﻢ ﻳﻮﻡ ﻣﺎ ﻳﻨﻄﻴﻨﻲ ﺍﻟﻤﻮﺑﺎﻳﻞ ﻳﻜﻮﻝ ﻋﻴﻮﻧﺞ ﺍﻧﻌﻤﻦ ﻛﺎﻓﻲ ﺑﺠﻲ ...
ﺗﻮﺳﻠﺖ ﺑﻲ ﺑﺴﺖ ﺍﻟﮕﺎﻉ ﺑﺲ ﺭﺩﺕ ﻳﺎﺧﺬﻧﻲ ﺍﻻﻣﻲ ﻣﺎ ﻗﺒﻞ ﻭﺍﻟﻤﻮﺑﺎﻳﻞ ﻣﺎﻟﺘﻬﺎ ﻫﻤﺎﺗﻴﻦ ﻣﺎ ﻗﺒﻞ ﻳﻨﻄﻴﻨﻴﺎﻩ
ﺍﻧﻲ ﺣﺴﻴﺖ ﻫﻞ ﻣﻮﺑﺎﻳﻞ ﺑﻲ ﺷﺊ ﻟﻴﺶ ﻟﻌﺪ ﺍﺧﺬﻩ ﻣﻨﻲ ﺗﺴﻠﻠﺖ ﻟﻐﺮﻓﺘﻪ ﻫﻮ ﺟﺎﻥ ﻃﻠﻊ ﻭﻓﺘﺸﺖ ﺍﻟﻜﻨﺘﻮﺭ ﻛﻠﻪ ﻣﺎﻛﻮﻭ
ﺍﻟﺪﺭﻭﺝ ﻛﻮﻟﻬﻦ ﻓﺘﺸﺘﻬﻦ ﻣﺎﻛﻮﻭ ﺗﺎﻟﻲ ﺷﺴﻮﻳﺖ ﺻﻌﺪﺕ ﻋﻠﺊ ﺍﻟﻜﺮﺳﻲ ﻭﺩﻭﺭﺕ ﻓﻮﻙ ﺍﻟﻜﻨﺘﻮﺭ ﻫﻤﺎﺗﻴﻦ ﻣﺎﻛﻮﻭ
ﻳﺎﺭﺑﻲ ﻫﻞ ﺭﺟﺎﻝ ﺣﻴﺠﻠﻄﻨﻲ ﻣﺪﺭﻱ ﻭﻳﻦ ﻳﻀﻢ ﺍﻟﺸﺊ ﻳﺨﻔﻲ
ﺍﻛﻮ ﺧﺎﻧﻪ ﺑﺎﻟﻤﻴﺰ ﺟﺎﻧﺖ ﻣﻘﻔﻮﻟﻪ ﺷﻜﺪ ﺣﺎﻭﻟﺖ ﻣﺎﻛﻮ ﻣﺎ ﻧﻔﺘﺤﺖ ﻭﺍﻟﻤﻔﺘﺎﺡ ﻣﺎﻛﻮﻭ
ﻋﺎﺩ ﺷﺴﻮﻳﺖ . ﺭﺣﺖ ﺟﺒﺖ ﺳﺤﻴﻦ ﻭﻓﺘﺤﺘﻪ ﺷﻠﻮﻥ ﻳﻌﻨﻲ ﺻﺎﺭ ﺳﺎﻳﻒ ﺣﺘﺊ ﻟﻮ ﻳﻨﻘﻔﻞ ﻳﻀﻞ ﻣﻔﺘﻮﺡ ...
ﺩﻭﺭﺕ ﻟﻜﻴﺖ ﺟﻴﺲ،ﺑﻲ ﺻﻮﺭ ﻛﻠﻬﻦ ﺻﻮﺭ ﺷﺎﻡ ﻭﺑﻨﺘﻪ ﻭﺣﺪﻩ ﻣﻦ ﺍﻟﺼﻮﺭ ﺍﻟﻬﻢ ﺟﻤﺎﻋﻴﻪ ﻛﺎﺗﺐ ﻋﻠﻴﻬﺎ ...
ﻣﺎﺗﺠﻴﻦ
ﻣﺤﻀﺮ ﺍﺿﻠﻮﻉ ﺍﺣﺘﻴﺎﻁ
ﺍﻟﺸﺒﮕﺘﺞ ﻣﻮ ﺑﺲ ﺍﺩﻳﻦ ...
ﺭﺟﻔﺖ ﺷﻔﺎﻳﻔﻲ ﺑﺎﻟﻢ ﻭ ﻭﺟﻊ ﻫﻞ ﻛﺪ ﻳﺤﺒﻬﺎ ﻳﺎﺭﺑﻲ ﺍﺫﺍ ﺷﺎﻓﻬﺎ ﺷﻠﻮﻥ ﺣﺘﻜﻮﻥ ﺍﻟﻠﻬﻔﻪ ﺑﻌﻴﻮﻧﻪ
ﺩﻣﻌﺖ ﻋﻴﻮﻧﻲ ﺑﻮﺟﻊ ﻣﺴﻠﻮﺏ ﻣﻦ ﺭﻭﺣﻲ ﻭﺭﺟﻌﺖ ﺍﺑﺎﻭﻉ ﻟﻠﺼﻮﺭ ﺍﺛﺎﺭ ﺍﻧﺘﺒﺎﻫﻲ ﺻﻮﺭﻩ ﺍﻟﻴﻪ
ﺩﺭﺗﻬﺎ ﻟﻜﻴﺘﻪ ﻛﺎﺗﺐ ... ﺗﺘﻌﺒﻚ ﻣﺰﺍﺟﻴﺘﻲ ﻭﻳﺘﻌﺒﻨﻲ ﺗﻌﺒﻚ ﻭﻛﻼﻧﺎ ﻣﺘﻌﺒﻴﻦ ﻭﻻ ﺭﺍﺣﻪ ﻻﺣﺪﻧﺎ ﺍﻻ ﺑﺎﻻﺧﺮ ...
ﺷﻬﻜﺖ ﻭﺣﻄﻴﺖ ﺍﻳﺪﻱ ﻋﻠﺊ ﺷﻔﺎﻳﻔﻲ ﺑﻨﺤﻴﺐ ... ﺍﻱ ﻭﺍﻟﻠﻪ ﻳﺎﺟﺎﺳﺮ ﺗﻌﺒﺎﻧﻪ ﻣﻦ ﻣﺰﺍﺟﻴﺘﻚ ﻭﺍﺣﻨﻪ ﻭﺍﺣﺪ ﻣﺤﺘﺎﺝ ﻟﻼﺧﺮ ﻃﻴﺐ ﺟﺮﻭﺣﻲ ﻳﺎﺑﻮ ﻣﺮﺗﻀﺊ،ﻭﻻ ﺗﺠﺮﺣﻨﻲ ﻣﺤﺪ ﺑﻘﻪ ﻏﻴﺮﻙ ﻭﺍﻧﺖ ﺍﻟﮕﺸﻪ ﺍﻟﺤﺎﻃﻪ ﺍﻣﺎﻟﻲ،ﻋﻠﻴﻬﺎ
ﺭﺟﻌﺖ ﺍﻟﺼﻮﺭ ﺍﻟﻤﻜﺎﻧﻬﻦ ﻭﺭﺟﻌﺖ ﺍﺩﻭﺭ ﻋﻠﺊ ﺍﻟﻤﻮﺑﺎﻳﻞ ﻟﻜﻴﺘﻪ ﻣﺨﻠﻲ ﺑﺰﺍﻭﻳﺔ ﺍﻟﻤﻴﺰ ﺍﺧﺬﺗﻪ ﺑﺴﺮﻋﻪ ﻭﺭﺟﻌﺖ ﺳﺪﻳﺖ ﺑﺎﺏ ﺍﻟﻤﻴﺰ ﻭﺧﻠﻴﺖ ﻭﻃﻠﻌﺖ ﺑﺴﺮﻋﻪ ...
ﺍﺟﺖ ﻣﺎﻣﺎ ﺭﺿﻴﻪ ﻛﺎﻟﺖ ﺟﺎﺳﺮ ﻳﻜﻮﻝ ﺧﻠﻲ ﺗﺤﻀﺮ ﻧﻔﺴﻬﺎ ﺭﺍﺡ ﺍﺟﻲ ﺍﺧﺬﻫﺎ ...
ﺻﺪﻙ ﺑﺴﺮﻋﻪ ﺣﻀﺮﺕ ﻧﻔﺴﻲ ﺩﻭﺭﺕ ﺑﺎﻟﻤﻮﺑﺎﻳﻞ ﻋﻠﺊ ﺷﺊ ﻣﻬﻢ ﻣﺎﻛﻮﻭ ﻭﺍﺻﻼ ﺍﻧﻲ ﻣﻮ ﻫﻠﻜﺪ ﺍﻋﺮﻑ ﺍﺑﺤﻮﺵ ﺑﺎﻟﻤﻮﺑﺎﻳﻼﺕ
ﺣﻀﺮﺕ ﻧﻔﺴﻲ ﻭﺣﻀﺮﺕ ﻣﺠﺘﺒﺊ ﻭﻃﻠﻌﻨﻪ ﺑﻌﺪ ﻣﺎ ﻫﻮ ﺍﺟﻪ ﺍﺧﺬﻧﻪ
ﻭﺑﻌﺪﻫﺎ ﺭﺣﺖ ﻟﻠﺪﻛﺘﻮﺭ ﺳﻮﺍﻟﻲ ﺍﺷﻌﻪ ﻛﺎﻝ ﻳﻨﺮﺍﺩ ﺍﻟﻬﺎ ﺗﺠﺒﻴﺲ ﻭﺟﺒﺴﻮﻫﺎ ..
ﻭﺭﺟﻌﻨﻪ ﺍﺧﺬﻧﻪ ﻣﺠﺘﺒﺊ ﻛﺎﻝ ﺍﻟﺪﻛﺘﻮﺭ ... ﻋﻨﺪﻩ ﻧﻘﺺ ﺑﺎﻟﻜﺎﻟﺴﻴﻮﻡ ﻭﺗﻠﻒ ﺑﺎﻻﻋﺼﺎﺏ ﻭﺍﻧﻄﺎﻧﻪ ﻋﻼﺝ ﻭﻛﻮﺭﺳﺎﺕ ﺭﻳﺎﺿﻪ
ﺭﺟﻌﻨﻪ ﻟﻠﺒﻴﺖ ﻭﻣﺠﺘﺒﺊ،ﻣﻄﻠﻊ ﺭﺍﺳﻪ ﻣﻦ ﺍﻟﺸﺒﺎﻙ ﻭﻳﻌﻴﻂ ﻣﻦ ﺟﺎﻡ ﺍﻟﺴﻴﺎﺭﻩ ﺻﺎﻳﺮ ﻳﺤﺠﻲ ﺍﺑﻮ ﻟﺴﺎﻥ ﻭ ﻭﻛﺢ ﺣﻴﻴﻞ
ﺟﺎﺳﺮ ﻛﺎﻝ ﺑﺘﻬﺪﻳﺪ ... ﻻ ﺗﺴﺒﺤﻴﻦ ﻋﻠﺊ ﺍﻳﺪﺝ ﻭﺍﻟﻠﻪ ﺍﺫﺍ ﺳﺒﺤﺘﻲ ﻣﺎ ﺗﻠﻮﻣﻴﻦ ﻏﻴﺮ ﻧﻔﺴﺞ ﻣﻮ ﻳﻮﻣﻴﻪ ﻣﺠﺒﺲ ﺍﻧﻲ
ﺭﺩﻳﺖ ﺑﻘﻬﺮ ... ﻟﻌﺪ ﺷﻠﻮﻥ ﺍﺿﻞ ﻭﺳﺨﻪ
ﺑﺎﻭﻋﻠﻲ ﺑﻄﺮﻑ ﻋﻴﻨﻪ ... ﺍﻧﻲ ﻣﻮﺟﻮﺩ ﻭﺍﺳﺒﺤﺞ
ﺭﻓﻌﺖ ﺣﺎﺟﺐ ﻭﺭﺟﻌﺖ ﺣﻀﻨﺖ ﻣﺠﺘﺒﻪ ﻳﺴﺒﺤﻨﻲ ﻫﻮ ﻣﻨﺤﺮﻑ ﻣﻮ ﻣﺤﺮﻣﻨﻲ ﻋﻠﺊ ﻧﻔﺴﻪ
ﺩﺧﻠﻨﻪ ﻟﻠﺒﻴﺖ ﻭﺍﺷﻮﻑ ﻧﻮﺍﻝ ﻭﺟﻬﻪ ﻣﺨﻄﻮﻑ ﻭﺍﺻﻔﺮ ﻭﻛﻞ ﺷﻮﻳﻪ ﻭﺍﺗﺼﻞ ﻣﻮﺑﺎﻳﻠﻬﺎ ﻭﻫﻲ ﺩﻛﻮﻝ ... ﺑﺲ ﺍﺻﺒﺮﻟﻲ ﻛﻢ ﻳﻮﻡ ﻭﺍﻧﻲ ﺍﺩﺑﺮﻫﻦ ﻻ ﺗﻔﻀﺤﻨﻲ
ﺍﺳﺘﻐﺮﺑﺖ ﺷﺒﻴﻬﺎ ﻫﺎﻱ ﺻﺎﺭ ﻛﻢ ﻳﻮﻡ ﻫﻴﺞ ﺑﺲ ﺗﺨﺎﺑﺮ ﻭﻣﺨﻄﻮﻑ ﻟﻮﻧﻬﺎ ...
ﺩﺧﻠﺖ ﻟﻐﺮﻓﺘﻲ ﺷﺪﺧﻠﻨﻲ،ﺑﻴﻬﺎ ﺍﺻﻼ ﺣﺎﻭﻟﺖ ﺍﺑﺪﻝ ﺑﺎﻟﻜﻮﻩ ﻳﺎﻟﻠﻪ ﻛﺪﺭﺕ ﺍﺑﺪﻝ ﻣﻦ ﻭﺭﻩ ﺍﻳﺪﻱ، ...
ﺷﻮﻳﻪ ﺍﻧﻔﺘﺢ ﺍﻟﺒﺎﺏ ﻭﻫﻮ ﻋﻴﻮﻧﻪ ﺗﺠﺪﺡ ﻧﺎﺭ ﻭﺷﺮﺍﺭ ﺧﻔﺖ ﻣﻨﻪ ﻳﺎ ﺭﺑﻲ ﺷﻜﻮ ﺷﻤﺴﻮﻳﻪ ﺣﺘﺊ ﻫﻴﺞ ﻫﺠﻢ
ﻫﻤﺴﺖ ﺑﺨﻮﻑ .. ﺷﻜﻮﻭﻭ
ﻫﺠﻢ ﻋﻠﻴﻪ ﻭﻟﺰﻣﻨﻲ ﻣﻦ ﺷﻌﺮﻱ ﺑﻘﺴﻮﻩ ... ﺍﻧﺘﻲ ﻓﺎﺗﺤﻪ ﺍﻟﻜﻮﻣﺪﻱ ﻣﺎﻟﺘﻲ
ﻫﺰﻳﺖ ﺭﺍﺳﻲ ﺑﻨﻔﻲ ﻭﺧﻮﻭﻭﻑ
ﻫﺰﻧﻲ ﺑﻘﻮﻭﻩ ﻭﺷﻌﺮﻱ ﺣﺴﻴﺘﻪ ﺍﻧﺸﺎﻝ ﻣﻦ ﺟﺬﻭﺭﻩ ... ﺟﺬﺏ ﻻ ﺗﺠﺬﺑﻴﻴﻦ ﺍﺣﺠﻲ،ﻭﻳﺎﺝ ﺟﺎﻭﺑﻲ ﺑﺼﺪﻕ ﻻ ﺗﺠﺬﺑﻴﻦ ﻻ ﺍﺣﺮﮒ ﻋﺸﻴﺮﺗﺞ
ﺑﻠﻌﺖ ﺭﻳﻜﻲ،ﻭﺍﺧﺘﻔﻪ ﺍﻟﻜﻼﻡ ... ﺭﺩﺕ ﺍﺷﻮﻑ ﺍﻣﻲ ﺧﺎﺑﺮﺕ ﻟﻮ ﻻ
ﺳﺤﺒﻨﻲ ﻣﻦ ﺷﻌﺮﻱ ﺑﻜﻞ ﻋﻨﻒ ﻭﺷﻤﺮﻧﻲ ﻋﻠﺊ ﺍﻟﺴﺮﻳﺮ ﺭﻓﻊ ﺍﺻﺒﻌﻪ ﺑﺘﻬﺪﻳﺪ ... ﻛﻠﺒﻪ ﺣﻴﻮﺍﻧﻪ ﻣﺎ ﺗﺼﻴﺮ ﺍﻟﺞ ﺟﺎﺭﻩ ﺑﺴﻴﻄﻪ ﺑﺴﻴﻴﻄﻪ ﺍﻟﻪ ﺍﻧﺪﻣﺞ ﻭﺍﺧﻠﻴﺞ ﺗﻌﺮﻓﻴﻦ ﻣﻨﻮ ﺟﺎﺳﺮ
ﺗﻘﺮﺏ ﻣﻨﻲ،ﻭﺍﻧﻲ ﺭﺟﻌﺖ ﺑﺨﻄﻮﺍﺕ ﺧﺎﻳﻔﻪ ﻟﺰﻣﻨﻲ ﻣﻦ ﻓﻜﻲ ﺑﻜﻞ ﻋﻨﻒ ... ﺍﻧﻲ ﻣﻦ ﺍﺣﺠﻲ ﺷﺊ ﻛﻢ ﻣﺮﻩ ﻛﺘﻠﺞ ﻣﺎ ﺍﺭﻳﺪ ﺍﻋﻴﺪﻩ ﻭﻻ ﺍﺭﻳﺪ ﺗﻨﺎﻗﺸﻴﻦ ﻟﻴﺶ ﺗﺤﺒﻴﻦ ﺗﺴﺘﻔﺰﻳﻨﻲ
ﻫﻤﺴﺖ ﺑﻌﺒﺮﻩ ... ﻭﺍﻟﻠﻪ ﻣﺎ ﺳﻮﻳﺖ ﺷﺊ ﺑﺲ ﺷﻔﺖ ﺍﻟﻤﻮﺑﺎﻳﻞ
ﺻﺮﺥ ﺑﻮﺟﻬﻲ ﺑﻜﻞ ﻏﻀﺐ ... ﻫﺬﺍ ﺍﻟﻤﻮﺑﺎﻳﻞ ﺑﻲ ﺻﺨﺎﻡ ﺑﻮﺟﻬﺞ ﺍﻧﺘﻲ ﻟﻴﺶ ﺗﺤﺒﻴﻦ ﺍﻟﻨﻜﺪ ﻟﻴﺶ ﻣﺎ ﺗﺎﺧﺬﻳﻦ ﺍﻟﺤﺠﻲ ﺗﺤﺒﻴﻦ ﺍﻟﻤﺼﺎﻳﺐ ﺍﻧﺘﻲ ﻟﻴﺶ ﺗﺒﺤﻮﺷﻴﻦ
ﺭﻣﺸﺖ ﺑﻌﻴﻮﻧﻲ ﺑﻜﻞ ﺧﻮﻭﻑ ... ﺍﺀﺀ ﻣﺼﺎﻳﺒﻴﺶ
ﺯﻣﺠﺮ ﺑﻮﺟﻬﻲ ﻋﺒﺎﻟﻚ ﺍﺳﺪ ﻭﻟﻜﻪ ﻓﺮﻳﺴﺘﻪ ... ﺍﻧﺠﺒﻲ ﺻﻮﺗﺞ ﻣﺎ ﺍﺳﻤﻌﻪ
ﺍﻧﻲ ﺍﻟﻜﻠﺐ ﺍﻟﻲ ﻣﺘﻌﺎﻃﻒ ﻭﻳﺎﺝ ﺍﺻﻼ ﺍﻧﺘﻲ ﻣﻮ ﻭﺟﻪ ﻋﻄﻒ ﺍﻧﺘﻲ ﺗﺤﺒﻴﻦ ﺍﻟﺮﺯﺍﻳﻞ ﻭﺍﻻﻫﺎﻧﻪ
ﻭﺍﻟﻠﻪ ﺑﻌﺪ ﻣﻦ ﺗﻤﺪﻳﻦ ﺍﻳﺪﺝ ﻋﻠﺊ ﺷﺊ ﺍﻛﺴﺮﻫﺎ ﻣﺜﻞ ﻣﺎ ﻛﺴﺮﺗﻲ ﺍﻟﻘﻔﻞ ...
ﻧﺰﻟﺖ ﺭﺍﺳﻲ ﻭﻣﺎﺣﺠﻴﺖ ﺭﺟﻌﺖ ﺑﺎﻭﻋﺘﻠﻪ ﻫﻮ ﺭﻣﻘﻨﻲ ﺑﻨﻈﺮﻩ ﻏﺎﺿﺒﻪ ﻭﺧﻠﻪ ﻭﻃﻠﻊ ...
ﻭﺍﻧﻲ ﺭﺟﻌﺖ ﺍﻟﻨﻮﺑﺔ ﺍﻟﺒﻜﺎﺀ ﻳﻌﻨﻲ ﻟﻴﺶ ﻳﺤﺮﻣﻨﻲ ﻣﻦ ﺍﻣﻲ ﻭﺣﺘﺊ ﻣﺎ ﻳﻘﺒﻞ ﺍﺧﺎﺑﺮﻫﺎ ﻟﻴﻴﺶ ﻭﺍﻟﻠﻪ ﺗﻌﺒﺖ ﻭﺍﻟﻠﻪ
ﻫﻮ ﺷﻨﻮ ﺍﻟﻀﺎﻣﻪ ﻋﻨﻲ ﺣﺘﺊ ﻣﻴﻘﺒﻞ ﺍﺗﻮﺍﺻﻞ ﻭﻳﻪ ﻣﺎﻣﺎ ﺗﻌﺒﺖ ﻣﻨﻪ ﻭﺍﻟﻠﻪ ...
ﺿﻠﻴﻨﻪ ﺗﻘﺮﻳﺒﻦ ﻳﻮﻣﻴﻦ ﻭﻫﻮ ﺯﻋﻼﻥ ﺣﺘﺊ ﻣﺎ ﻳﺒﺎﻭﻉ ﺍﻟﻮﺟﻬﻲ ﻭﻻ ﻳﻘﻠﺪ ﺍﻟﻲ ﺍﺑﺒﺒﺪ ﻋﺒﺎﻟﻚ ﻻ ﺷﺊ ﺍﻧﻲ
ﻭﻧﻮﺍﻝ ﻣﺪﺭﻱ ﺷﺒﻴﻬﺎ ﻭﺟﻬﻪ ﻣﺎ ﻳﻜﺼﻪ ﺍﻟﺴﻴﻒ ﻭﻛﻞ ﺷﻮﻳﻪ ﻭﺍﺟﺘﻬﺎ ﻭﺣﺪﻩ ﻭﻛﺎﻟﺖ ﻫﺎﻱ ﺻﺪﻳﻘﺘﻲ
ﻭﺍﺧﺮ ﺷﺊ ﺍﺟﺖ ﻣﺮﻩ ﻫﺪﺕ ﻋﻠﻴﻨﻪ ﻫﻲ ﻭﺭﺟﺎﻝ ﻛﺒﻴﺮ ﻭﻣﻦ ﻛﻌﺪﻭﺍ ﻭﻳﺎﻫﺎ
ﻛﺎﻟﺖ ﺍﻃﻠﺐ ﻧﻮﺍﻝ ﻋﺸﺮﻳﻦ ﻣﻠﻴﻮﻥ ﻭﻛﻞ ﻣﺮﻩ ﺩﻛﻮﻝ ﺍﻭﻓﻴﺞ ﻭﻛﻮﻟﺸﻲ ﻣﺎﻛﻮ
ﻋﺎﺩ ﺟﻌﻔﺮ ﻣﻦ ﺳﻤﻊ ﺗﺨﺒﻞ ﺷﻠﻮﻥ ﻋﺸﺮﻳﻦ ﻣﻠﻴﻮﻭﻥ ﻭﺍﻟﻤﻦ ﻭﻳﻦ ﻭﺩﺗﻬﻦ ﻟﺰﻣﻬﺎ ﻛﻄﻌﻬﺎ ﺗﻜﻄﻊ
ﻭﺍﺟﺖ ﺍﻣﻬﺎ ﻭﺍﺧﻮﻫﺎ ﺍﺧﺬﻭﻫﺎ ﻭﻫﻲ ﻣﺎ ﺧﻠﺖ ﻛﻠﻤﻪ ﻣﺎ ﻓﺸﺮﺗﻬﺎ ﻋﻠﺊ ﺟﻌﻔﺮ
ﻭﻛﺎﻝ ﺟﻌﻔﺮ ﻭﺍﻟﻠﻪ ﺍﻟﻪ ﺍﻃﻠﻜﻬﺎ ﻣﺎ ﺩﺍﻡ ﻣﺮﻩ ﻣﺘﺤﺘﺮﻡ ﻧﻔﺴﻬﺎ ﻋﻨﺪﻫﺎ ﺭﺍﺗﺐ ﻭﻣﻄﻠﻮﺑﻪ ﺍﻟﻤﻦ ﻣﺨﻠﺼﺘﻬﻦ ﻭﺍﻟﻠﻪ ﺍﻟﻪ ﺍﻃﻠﻜﻬﺎ ....
ﻭﺑﻌﺪﻫﺎ ﺟﺎﺳﺮ ﻋﻠﻦ ﻋﻦ ﺧﻄﺒﺔ ﺟﻌﻔﺮ ﺍﻟﻲ ﺻﺪﻣﻨﻪ ﻛﻠﻨﻪ ﺧﺎﻟﺘﻲ ﺍﻡ ﻓﻼﺡ ﺗﺨﺒﻠﺖ ﻛﺎﻟﺖ ﺷﻨﻮ ﻳﺘﺰﻭﺝ ﺍﻧﻮﺏ ﺍﺛﻨﻴﻦ ﻧﺴﻮﺍﻥ ﻟﺠﻌﻔﺮ ﺣﺘﺊ ﻧﺸﻴﻞ ﻣﻦ ﺍﻟﺒﻴﺖ
ﺑﺲ ﺟﻌﻔﺮ ﻣﺼﺮ ﻟﺬﻟﻚ ﺻﺎﺭﺕ ﺍﻟﺨﻄﺒﻪ ﺑﻬﺬﺍ ﺍﻟﻮﻗﺖ ﻭﻋﺰﻣﻮﺍ ...
ﻛﻠﺖ ﺍﺭﻭﺡ ﺍﻋﺘﺬﺭ ﻣﻦ ﺟﺎﺳﺮ ﺍﻻﻥ ﺍﺧﺬﺕ ﺍﻟﻤﻮﺑﺎﻳﻞ ﻣﻦ ﺩﻭﻥ ﻋﻠﻤﻪ ﺑﺲ ﻣﻦ ﺷﻔﺘﻪ ﻣﺰﻳﺪ ﺑﻄﻨﻜﻮﺭﺗﻪ ﻋﻔﺘﻪ ﺍﺣﺴﻦ ﻣﺎ ﺍﺣﺼﻞ ﺭﺍﺷﺪﻱ،ﻣﻮ ﺻﺢ ...
............................
ﺷﻬﺪ ...
ﺍﻟﻴﻮﻡ ﺍﻟﺨﻄﺒﻪ ﻋﻴﻮﻧﻲ ﻟﺤﺪ ﺍﻻﻥ ﻣﺎ ﻧﺎﻳﻤﻪ ﻭﻻ ﺷﻔﺖ ﺍﻟﻨﻮﻡ ﻣﻦ ﻛﺪ ﻣﺎ ﻓﺮﺣﺎﻧﻪ
ﻭﻓﺮﺣﺖ ﺍﻛﺜﺮ ﻣﻦ ﻧﻮﺍﻝ ﻃﻠﻌﺖ ﻣﻦ ﺍﻟﺒﻴﺖ
ﻃﺒﻌﺎ ﺍﺟﺖ ﻭﻗﺎﺭ ﻭﺭﺿﻴﻪ ﺍﺧﺬﻧﻲ ﻟﻠﺼﺎﻟﻮﻥ ﺣﺠﺰﻥ ﻭﻫﻤﺎﺗﻴﻦ ﺍﺟﺮﻥ ﺍﻟﻴﻪ ﺑﺪﻟﻪ ﻟﻮﻧﻬﺎ ﺑﻨﻔﺴﺠﻲ ﻛﻴﺒﻮﺭ ﺑﺲ،ﺗﺠﻨﻦ
ﺍﻧﻲ ﺭﺩﺕ ﻓﺴﺘﺎﻥ ﺑﺲ ﺍﻡ ﺍﻟﺼﺎﻟﻮﻥ ﻣﻘﺒﻠﺖ ﻛﺎﻟﺖ ... ﺍﻧﺘﻲ ﺻﻐﻴﺮﻩ ﻭﺟﺴﻤﺞ ﻧﺎﻋﻢ ﺍﺫﺍ ﺗﺠﻴﺒﻴﻦ ﻓﺴﺘﺎﻥ ﺗﻀﻴﻌﻴﻦ ﻭﻳﻪ ﺍﻟﺠﻬﺎﻝ
ﺟﻴﺒﻲ ﺑﺪﻟﻪ ﺍﺣﺴﻦ ﻭﺍﺳﻮﻳﻠﺞ ﺗﺴﺮﻳﺤﻪ ﻣﻔﺘﻮﺣﻪ ﻭﻣﻦ ﻛﺪﺍﻡ ﺷﻮﻳﻪ ﻋﺎﻟﻴﻪ ﺣﺘﺊ ﺗﻄﻠﻌﻴﻦ ﻃﻮﻭﻳﻠﻪ
ﺻﺪﻙ ﻫﻨﻪ ﺍﺟﻦ ﺍﺧﺬﻧﻲ ﻟﻠﺼﺎﻟﻮﻥ ﻭﺟﺎﺑﻦ ﺍﻟﺒﺪﻟﻪ ﻭﺧﻠﻦ ﻭﺭﺍﺣﻦ ﻭﺍﻧﻲ ﺿﻠﻴﺖ ﻭﺣﻴﺪﻩ ﺑﺎﻟﻤﺴﺘﺸﻔﺊ
ﺍﻧﻘﻬﺮﺕ ﺣﻴﻴﻞ ﻭﺣﺴﻴﺖ ﺑﻐﺮﺑﻪ ﻻ ﺍﻡ ﻻ ﺍﺧﺖ ﺑﺲ ﺍﻧﻲ ﻭﺍﻟﺒﻨﺎﺕ ﻛﻠﻬﻦ ﻭﻳﺎﻫﻦ ﺍﺧﻮﺍﺗﻬﻦ ﻭﺍﻣﻬﺎﺗﻬﻦ ﺑﺲ ﺍﻧﻲ ﻻﺍﺍ
ﺣﺎﻭﻟﺖ ﺍﺳﺘﻐﻨﺊ ﻋﻦ ﻫﺬﺍ ﺍﻻﺣﺴﺎﺱ ﻭﺿﻠﻴﺖ ﺍﺭﺍﺳﻞ ﺑﺠﻌﻔﺮ ﺍﺟﺖ ﻭﺣﺪﻩ ﻣﻦ ﺍﻣﻬﺎﺕ ﺍﻟﺼﺎﻟﻮﻥ ﻛﺎﻟﺖ .. ﺍﻧﺘﻲ ﺷﻨﻮ ﺯﺑﻮﻧﻪ
ﺟﺮﻳﺖ ﻧﻔﺲ ﻭﺟﺎﻭﺑﺘﻬﺎ ... ﻻ ﺧﻄﻮﺑﺘﻲ ﺍﻟﻴﻮﻡ
ﻛﺮﺻﺖ ﺧﺪﻱ ﻭﻫﻲ ﺗﻀﺤﻚ .. ﻳﻤﻪ ﻓﺪﻭﻭﻭﻩ ﻭﻟﺞ ﺑﻌﺪﺝ ﻧﻮﻧﻮ ﻭﻳﻨﺞ ﻭﻳﻦ ﺍﻟﺰﻭﺍﺝ
ﺿﺤﻜﺖ ... ﻻ ﻣﺎﺧﺬﺗﺦ ﻋﻠﺊ ﺣﺐ
ﺿﺮﺑﺘﻨﻲ ﻋﻠﺊ ﺧﺪﻱ ﻋﻠﺊ ﻛﻴﻒ ﻛﺎﻟﺖ ... ﻋﺰﺍ . ﺑﻌﻴﻨﺞ ﻭﻳﻨﺞ ﻭﻳﻦ ﺍﻟﺰﻭﺍﺝ ﺭﺍﺡ ﺍﺩﺧﻞ ﺑﺎﻟﺘﻼﺛﻴﻴﻦ ﻭﺍﻛﻮﻝ ﺑﻌﺪﻧﻲ ﺻﻐﻴﺮﻩ
ﺑﻌﺪﻫﺎ ﻛﺎﻟﺖ .. ﻣﻨﻮ ﺟﺎﻱ ﻭﻳﺎﺝ ﺍﺷﻮ ﻭﺣﺪﺝ
ﺗﻨﻬﺪﺕ ﺑﻀﻴﻖ ... ﻣﺤﺪ ﺍﻟﻜﻞ ﻣﺸﻐﻮﻝ ﻭﺍﻣﻲ ﻧﺎﻳﻤﻪ ﺑﻮﺍﺩﻱ ﺍﻟﺴﻼﻡ
ﺑﺎﻭﻋﺘﻠﻲ ﺑﻘﻬﺮ ﻭﺟﺮﺕ ﻧﻔﺲ ... ﻛﻮﻣﻲ ﺣﺒﻴﺒﺘﻲ ﺍﻟﻴﻮﻡ ﺍﻃﻠﻌﺞ ﻣﻠﻜﻪ ﻭﻟﻮ ﺍﻧﺘﻲ ﺣﻠﻮﻩ ﻭﻣﻼﻣﺤﺞ ﻧﺎﻋﻤﻪ ﺑﺲ ﺍﺿﻴﻔﻠﺞ ﻟﻤﺴﺎﺕ ﺗﺠﻨﻦ ...
ﺭﺣﺖ ﻭﻳﺎﻫﺎ ﻧﻤﺖ ﻋﻠﺊ ﺍﻟﻜﺮﺳﻲ ﻭﻫﻲ ﺿﻠﺖ ﺗﻤﻜﻴﺞ ﺑﻴﻪ ﻭﺑﻌﺪﻫﺎ ﺷﻐﻠﻦ ﺍﻏﻨﻴﻪ ﻭﻛﻠﺘﻠﻬﻦ ﻋﻮﻓﻦ ﻛﻞ ﺍﻟﻲ ﺑﻴﺪﺟﻦ ﺗﻌﺎﻟﻦ ﺍﺭﻛﺼﻦ ...
ﻋﺎﺩ ﻫﻨﻪ ﻣﺎ ﺻﺪﻛﻦ ﻳﺮﻛﺼﻦ ﻭﻳﻬﻮﺳﻦ ﻫﺬﻥ ﺍﻣﻬﺎﺕ ﺍﻟﺼﺎﻟﻮﻥ ﻭﺍﻟﻌﺮﺍﻳﺲ ﻛﻠﻬﺎ ﺗﻀﺤﻚ ﻭﻓﺮﺣﺎﻧﺎﺕ
ﺍﻧﻲ ﺍﺧﺬﻧﻲ ﺍﻟﺤﻤﺎﺱ ﻭﻛﻤﺖ ﺫﺑﻴﺖ ﻟﺤﻢ ﻭﻳﺎﻫﻦ ﺍﻫﺰ ﺑﺨﺼﺮﻱ ﺗﻌﺠﺒﻦ ﻋﻠﻴﻪ ﻛﻞ ﺷﻮﻳﻪ ﻭ ﻭﺣﺪﻩ ﺿﺮﺑﺘﻨﻲ ﻭﻛﺎﻟﻦ .. ﻫﻨﻴﺎﻝ ﺍﻟﻤﺎﺧﺬﺝ ﺻﻔﻴﻨﺎﺯ ﻣﺘﻠﺤﻜﺞ
ﺍﻧﻮﺏ ﻭﺣﺪﻩ ﻣﻦ ﺍﻟﻌﺮﺍﻳﺲ ﻛﺎﻟﺖ ﻋﻠﻴﻪ ﺍﻭﻝ ﻣﺮﻩ ﺍﺷﻮﻑ ﻋﺮﻭﺱ ﺧﻔﻪ ﻣﺜﻞ ﻫﺎﻱ
ﺭﺩﻳﺖ ﻋﻠﻴﻬﺎ ﺍﺣﺴﻦ ﻣﺎ ﺍﺻﻴﺮ ﻣﺜﻠﺞ ﺑﻮﻣﻪ ﺧﻠﻲ ﺍﻭﻧﺲ ﻧﻔﺴﻲ ﺍﺣﺴﻦ
ﺭﺟﻌﺖ ﻛﻤﻠﺖ ﻣﻜﻴﺎﺟﻲ ﻭﺧﻄﻴﻪ ﻫﻲ ﻟﺒﺴﺘﻨﻲ ﺍﻟﺒﺪﻟﻪ ﻭﺭﺟﻌﺖ ﺳﻮﺗﻠﻲ ﺗﺴﺮﻳﺤﻪ
ﺗﻌﺠﺒﻦ ﻋﻠﻴﻪ ﻛﺎﻟﺖ ﺧﻠﻲ ﺍﺻﻮﺭﺝ ﺍﺧﻠﻴﺞ ﺑﺎﻟﻜﺘﻠﻮﻙ ﻻﻥ ﺣﻴﻞ ﺍﻫﺘﻤﻴﺖ ﺑﻴﺞ ﻛﺘﻠﻬﺎ .. ﺻﻮﺭﻱ ﺻﻮﺭﻱ ﺑﺲ ﻣﺎ ﺍﻟﻜﺎﻫﻦ ﺑﺎﻟﻴﻮﺗﻴﻮﺏ
ﺿﻠﺖ ﺗﻀﺤﻚ ﻭﺍﺧﺬﺗﻠﻲ ﻛﻢ ﺻﻮﺭﻩ ﻭﺧﺎﺑﺮﺕ ﺟﻌﻔﺮ ﺩﺯ ﺍﺑﻦ ﺍﺟﻪ ﺍﺧﺬﻧﻲ ﻫﻮ ﻭﻗﺎﺭ ﻭﺣﺘﺊ ﻭﻗﺎﺭ ﻛﺎﻟﺖ ﺗﺠﻨﻨﻴﻦ ﻃﺎﻟﻌﻪ ﻧﻴﺎﻝ ﺟﻌﻔﺮ ﻭﺍﻟﻠﻪ
ﺿﺤﻜﺖ ﺑﺨﺠﻞ ﻣﻨﻬﺎ ﻣﻮ ﻣﻦ ﺟﻌﻔﺮ ﻭﻧﺰﻟﺖ ﺭﺍﺳﻲ ﻭﺑﻌﺪﻫﺎ ﺭﺣﺖ ﺍﻟﺒﻴﺖ ﺍﻫﻠﻲ ﺯﻭﺟﺔ ﺍﺑﻮﻳﻪ ﻣﻦ ﺷﺎﻓﺘﻨﻲ ﺗﺮﻋﻮﺻﺖ ﻣﺪﺭﻱ ﺷﺒﻴﻬﺎ
ﻳﻤﻜﻦ ﻻﻥ ﻃﺎﻟﻌﻪ ﺣﻠﻮﻩ ﻋﻮﺩ ﻋﺒﺎﻟﻬﺎ ﺣﻄﻠﻊ ﻣﺤﻠﻮﻩ ﻻﻥ ﻣﺤﺪ ﻭﻳﺎﻳﻪ ﻣﺘﺪﺭﻱ ﺍﻧﻲ ﺻﺎﺣﺐ ﺍﻣﻬﺎﺕ ﺍﻟﺼﺎﻟﻮﻥ ﻭﻛﻠﻬﻦ ﺟﺒﺖ ﺍﺭﻗﺎﻣﻬﻦ ...
.............................
ﺟﻮﻟﻴﻴﺖ ...
ﺍﻟﻴﻮﻡ ﺧﻄﺒﺖ ﺟﻌﻔﺮ ﺍﻧﻲ ﻣﻘﺒﻠﺖ ﺍﺭﻭﺡ ﻭﺍﺻﻼ ﻣﺎ ﺭﺩﺕ ﺍﺭﻭﺡ ﺑﺲ ﻣﺎﻣﺎ ﺭﺿﻴﻪ ﻛﺎﻟﺖ ﻳﻜﻮﻝ ﺟﺎﺳﺮ ﺧﻠﻲ ﺗﻤﺸﻲ ﺍﺣﺴﻦ ﺍﻟﻬﺎ ﻻﻥ ﻣﺤﺪ ﺣﻴﻀﻞ ﺑﺎﻟﺒﻴﺖ ...
ﻳﺎﺭﺑﻲ ﻭﺍﻟﻠﻪ ﻣﺎ ﺍﺭﻳﺪ ﺍﺭﻭﺡ ﺷﻨﻮ ﻳﻌﻨﻲ،ﻭﺍﻟﻠﻪ ﺍﺑﻮﻳﻪ ﺑﻌﺪﻩ ﺗﺮﺍﺑﻪ ﺍﺧﻀﺮ ﻭﺍﺻﻼ ﻣﺎ ﻋﻨﺪﻱ ﺷﺊ ﺍﺳﻮﺩ ﺍﻟﺒﺴﻪ
ﺭﺣﺖ ﻳﻢ ﺭﻳﻬﺎﻡ ﻟﻜﻴﺘﻬﺎ ﺗﺤﻀﺮ ﺑﺮﻭﺣﻬﺎ ﺿﻠﻴﺖ ﺍﺷﻜﻲ،ﻳﻤﻬﺎ ﻛﺎﻟﺖ ﻫﺬﺍ ﻋﻨﺪﻱ ﻓﺴﺘﺎﻥ ﻭﺍﻟﺒﺴﻲ ﻻ ﺗﻌﺎﻧﺪﻳﻨﻪ ﻭﻫﻮ ﻋﺼﺒﻲ
ﻭﺧﻄﻴﻪ ﺗﺨﺮﺏ ﺧﻄﺒﺔ ﺟﻌﻔﺮ ﻣﻦ ﻭﺭﺍﺝ ...
ﺍﺧﺬﺕ ﻣﻨﻬﺎ ﺍﻟﻔﺴﺘﺎﻥ ﻭﺭﺣﺖ ﻟﺒﺴﺘﻪ ﻃﻠﻊ ﻛﻮﻭﻭﻟﺶ،ﺣﻠﻮ ﻋﻠﻴﻪ ﻻﻥ ﺍﻧﻲ ﻭﺭﻳﻬﺎﻡ ﻧﻔﺲ ﺍﻟﺠﺴﻢ ...
ﺷﺴﻮﺭﺕ ﺷﻌﺮﻱ ﻭﺑﻌﺪﻫﺎ ﻟﻔﻴﺘﻪ ﻭﺑﺪﻟﺖ ﻟﻼﻃﻔﺎﻝ ﺍﻟﺤﻤﺪ ﻟﻠﻪ ﻓﺘﺤﺖ ﺍﻟﺠﺒﺲ
ﻟﺒﺴﺖ ﺣﺠﺎﺑﻲ ﻭﻃﻠﻌﺖ ﻣﺎ ﺭﺩﺗﻪ ﻳﺸﻮﻓﻨﻲ ﻭﺻﻠﻨﻪ ﺍﻻﻫﻞ ﺍﻟﻌﺮﻭﺱ
ﺍﺧﺬﺗﻨﻪ ﺧﺎﻟﺘﻲ ﺻﺒﺮﻳﻪ ﺍﻟﻄﺮﻳﻖ ﻛﻠﻪ ﺗﺪﻙ ﻭﺗﺮﻛﺺ ﻭﻣﺴﺪﺳﻬﺎ ﻣﻄﻠﻌﺘﻪ ﻣﻦ ﺍﻟﺴﻴﺎﺭﻩ ﺭﻏﻢ ﻫﻮ ﻓﺎﺭﻍ ﺑﺲ ﻛﻞ ﺷﻮﻳﻪ ﻭﺻﺎﺡ ﺑﻴﻬﺎ ﺟﺎﺳﺮ ﻭﻛﻠﻬﺎ ﺍﻛﻌﺪﻱ ﺣﺠﻴﻪ ﻻ ﺗﺒﻠﻴﻨﻪ
ﻛﻌﺪﺕ ﺑﻘﻬﺮ ... ﺧﺎﻳﺐ ﺷﻜﺪ ﺣﻘﻨﻪ ﺍﻟﻤﺴﻮﺩﻥ ﻛﻞ ﺷﻮﻳﻪ ﻭﻛﺎﻝ ﺍﻛﻌﺪﻱ ﺻﺒﺮﻳﻪ ﺷﺘﺮﻳﺪ ﻣﻦ ﺻﺨﻤﻴﻪ ﺩﺧﻠﻴﻨﻲ ﺍﺭﻛﺺ ﺍﻓﻮﺥ ﻛﻠﺒﻲ
ﺷﺎﻓﺖ ﺟﻌﻔﺮ ﻃﺎﻟﻊ ﻣﻦ ﺍﻟﺠﺎﻡ ﻭﻳﻬﻮﻭﺱ ﺑﻴﺪﻩ ﻫﻲ ﻣﺎ ﺻﺪﻛﺖ ﻃﻠﻌﺖ ﻧﺺ ﺟﺴﻤﻬﺎ ﻭﻣﺴﺪﺳﻬﺎ ﺑﻴﺪﻫﺎ ﻭﺗﻬﻮﺱ ﻭﺗﺼﻴﺢ ... ﺟﺎﻥ ﺻﺎﺣﺒﻬﺎ ﻭﺍﺧﺬﻫﺎ ﻭﺟﺎﻥ ﺻﺎﺣﺒﻬﺎ ﻭﺍﺧﺬﻫﺎ
ﺟﺮﺗﻬﺎ ﻣﺎﻣﺎ ﺭﺿﻴﻪ ﺑﻌﺘﺐ ... ﻭﻟﺞ ﺍﺳﻜﺘﻲ ﻓﻀﺤﺘﻴﻨﻪ ﻻ ﺗﺴﻮﻳﻠﻨﻪ ﻣﺸﻜﻠﻪ
ﺑﺎﻭﻋﺖ ﻋﻠﻴﻬﺎ ... ﺟﺎﺍﺍﺍ ﺍﻧﻪ ﻣﺠﺬﺑﻪ ﻏﻴﺮ ﺻﺎﺣﺒﻬﺎ
ﺑﻌﺪﻫﺎ ﻭﺻﻠﻨﻪ ﻟﻠﺒﻴﺖ ﺑﻴﺘﻬﻢ ﺗﻌﺒﺎﻥ ﻭﺑﻲ ﺑﺎﻟﻮﺳﻂ ﺩﻛﺎﻥ ﺻﻐﻴﺮ ﺟﻌﻔﺮ ﻓﺘﺢ ﺍﻟﺒﺎﺏ ﻋﺒﺎﻟﻚ ﻣﻦ ﺍﻫﻞ ﺍﻟﺒﻴﺖ ... ﺗﻔﻀﻠﻮﺍ ﺗﻔﻀﻠﻮﺍ ﺍﻫﻼ ﻭﺳﻬﻼ ...
ﺍﺳﺘﻘﺒﻠﻨﻪ ﺍﺑﻮﻫﺎ ﺩﺧﻞ ﻋﻤﻲ ﺍﻟﺸﻴﺦ ﺍﺑﻮ ﺟﺎﺑﺮ ﻭﺟﺎﺳﺮ ﻭﺟﺎﺑﺮ ﻭﺻﻼﺡ ﻭﺟﻌﻔﺮ ﻭﺑﻌﺪ ﻧﺎﺱ ﻣﻦ ﺍﻟﻌﺸﻴﺮﻩ ﻭﺍﺣﻨﻪ ﺍﻟﻨﺴﻮﺍﻥ
ﺩﺧﻠﻨﻪ ﺷﻔﻨﻪ ﺍﻟﻌﺮﻭﺳﻪ ﺟﺎﻧﺖ ﻧﺎﻋﻤﻪ ﺣﻴﻴﻞ ﻭﺻﻐﻴﺮﻩ ﺑﺲ ﻣﺎ ﺷﺎﺀ ﺍﻟﻠﻪ ﺷﻜﺪ ﺣﻠﻮﻩ ﻭﺭﻗﻴﻘﻪ ﻭﺑﻴﻴﻀﻪ
ﺿﻠﻴﻨﻪ ﻛﺎﻋﺪﻳﻦ ﺷﻮﻳﻪ ﻭﺻﺎﺣﻮﺍ ﻫﻠﻬﻠﻮﺍ ﺻﺎﺭ ﺍﻟﺪﻙ ﻭﺍﻟﺮﻛﺺ ﻭﺍﻟﻬﻼﻫﻴﻞ ﺍﻧﻲ ﻧﺰﻋﺖ ﺣﺠﺎﺑﻲ ﻻﻥ ﻣﺤﺪ ﻋﻨﺪﻫﻢ
ﻭﺑﻌﺪﻫﺎ ﺩﺧﻞ ﺟﻌﻔﺮ ﻳﻌﻘﺪ ﻫﻮ ﻭﺍﻟﺸﻴﺦ ﻭﻋﻤﻲ ﻋﻜﺎﺏ ...
ﻫﻢ ﻃﻠﻌﻮﺍ ﻭﺿﻞ ﺑﺲ ﺟﻌﻔﺮ ﺗﺎﻟﻲ ﺭﺣﻨﻪ ﻳﻤﻬﻢ ﻟﻜﻴﻨﻪ ﻛﺎﻋﺪ ﻫﻮ ﻭﺷﻬﺪ ﺑﺲ ﺷﻮﻳﻪ ﺑﻌﻴﺪ ﻋﻨﻬﺎ
ﻛﻌﺪﻧﺎﻫﻢ ﻋﻠﺊ ﺍﻟﻘﻨﻔﻪ ﻭﺿﻠﻦ ﻳﺪﻛﻦ ﻭﻳﺮﻛﺼﻦ ﻭﺻﺒﺮﻳﻪ ﺫﺑﺖ ﻟﺤﻢ ﻭﺟﻌﻔﺮ ﻳﻜﻠﻬﺎ ... ﺑﻌﺪ ﺭﻭﺣﻲ ﺻﺒﻮﺭﻩ ﺍﺧﺪﻣﺞ ﺑﻴﻮﻡ ﻋﺮﺳﺞ
ﺍﺣﺘﺮﻳﻨﻪ ﻭﺑﻴﺘﻬﻢ ﺿﻴﻖ ﻛﻨﺎﻟﻬﻢ ﺗﻌﺎﻟﻮ ﺑﺎﻟﺼﺎﻟﻪ ﻋﺎﺩ ﻃﻠﻌﻨﻪ ﺑﺎﻟﺼﺎﻟﻪ ﻭﺿﻠﺖ ﻭﻗﺎﺭ ﺗﺼﻮﺭ ﺑﻴﻬﻢ ﻻﻥ ﺟﺎﻳﺒﻴﻦ ﻛﺎﻣﻴﺮﺍ
ﺻﺒﺮﻳﻪ ﻛﻞ ﺷﻮﻳﻪ ﻭﻛﻠﺘﻠﻪ ... ﺑﻮﺳﻬﺎ ﻭﻻ ﺗﺨﺎﻑ ﻣﻦ ﺍﻣﻬﺎ
ﺍﻭﻝ ﻣﺮﻩ ﻫﻮ ﻣﺎ ﺑﺎﺳﻬﺎ ﻭﺍﺷﻮ ﻫﺬﺍ ﺍﺧﺬﻟﻪ ﺩﻗﻴﻘﺘﻴﻦ ﻭﺿﻞ ﻛﻞ ﺩﻗﻴﻘﻪ ﺑﺎﻳﺴﻬﺎ ﻭﻫﻲ ﺫﺍﻳﺒﻪ ﻻ ﺩﻛﻮﻝ ﻭﻻ ﺗﺤﺠﻲ ﺑﺲ ﻓﺎﺗﺤﻪ ﺣﻠﻜﻬﺎ ﺗﻀﺤﻚ ...
ﻭﻻﺯﻣﻪ ﺟﻌﻔﺮ ﻣﻦ ﺍﻳﺪﻩ ﻭﻫﻮ ﻛﻞ ﺷﻮﻳﻪ ﻭﻛﺎﻝ . ﺭﺍﺡ ﺍﺧﺬﻫﺎ ﻭﺭﻭﺡ ﺍﻟﺒﻴﺘﻨﻪ ﻻ ﻋﺮﺱ ﻭﻻ ﺑﻄﻴﺦ
ﻭﺻﺒﺮﻳﻪ ﺍﺧﺬﺗﻬﺎ ﻣﻨﻪ ... ﻳﺎﺍﺍﺍ ﻭﺍﻟﻠﻪ ﻻ ﻳﻤﻪ ﻻﺍﺍ ﺍﻧﺮﻳﺪ ﻋﺮﺱ ﻭﻃﻜﻄﻜﻪ ﺍﺭﻳﺪ ﺍﺩﺍﺭﻱ ﺭﻭﺣﻲ ﻣﻨﺎ ﺍﻟﻌﺮﺳﻚ ﺑﻠﻜﻲ ﻭﺍﺣﺪ ﻳﻨﻌﺠﺐ ﺑﻴﻪ ﻭﻳﺨﻄﺒﻨﻲ ﻻﻥ ﻣﻘﺮﺭﻩ ﺍﺩﻙ ﺗﺎﺗﻮ
ﻫﻮ ﻳﺮﺩ ﻋﻠﻴﻬﺎ ﺑﻨﺬﺍﻟﻪ ... ﺣﻠﻮﻩ ﺑﺪﻭﻭﻥ ﺗﺎﺗﻮﻭﻭ ﺻﺒﻮﺭﺗﻲ
ﻭﻫﻲ ﻛﻞ ﺷﻮﻳﻪ ﻭﺑﺎﺳﺘﻪ ... ﺧﺎﺏ ﺍﻧﺪﺍﺭﻟﻚ ﺳﺒﻊ ﻓﺪﻭﺍﺕ ﺟﺎﺍ ﺷﻤﺎﻟﻪ ﺍﺑﻮ ﺍﻟﻠﻮﻝ ﻣﺎ ﻋﻨﺪﻩ ﺫﻭﻭﻕ
ﻭﺍﻧﻮﺏ ﺟﺎﺳﺮ ﺧﺎﺑﺮ ﺟﻌﻔﺮ ﻛﻠﻪ ... ﺗﻄﻠﻊ ﻟﻮ ﺷﻠﻮﻥ ﺑﺲ ﻻ ﻧﺎﻭﻱ ﺗﺒﺎﺕ ﻫﻨﺎ ﺍﻟﻴﻮﻡ
ﺭﺩ ﻋﻠﻴﻪ ﺟﻌﻔﺮ ... ﺍﻟﻠﻪ ﻳﺨﻠﻴﻠﻚ ﺍﻡ ﻣﺮﺗﻀﺊ ﺑﺲ ﺷﻮﻳﻪ ﻭﺍﻟﻠﻪ ﺩﺍﻓﻊ ﻓﻠﻮﺱ ﺻﺎﻟﻮﻥ ﻭﺑﺪﻻﺕ ﻭﻣﺎ ﺷﺒﻌﺖ ﺷﻮﻑ
ﻋﺎﺩ ﺿﻞ ﺷﻮﻳﻪ ﻭﻻﺯﻡ ﺍﻳﺪ ﺷﻬﺪ ﺷﻜﺪ ﺣﺒﻴﺘﻬﻢ ﻭﺗﻤﻨﻴﺖ ﺍﻟﻬﻢ ﺍﻟﺴﻌﺎﺩﻩ ﺍﻥ ﺷﺎﺀ ﺍﻟﻠﻪ ﺭﺑﻲ ﻳﺪﻭﻣﻬﺎ ﻋﻠﻴﻬﻢ ﻭﻣﺎ ﻳﻄﻠﻊ ﺍﻟﻬﻢ ﻓﺪ ﻋﺎﺭﺽ ﻭﻟﻮ ﻧﻮﺍﻝ ﺣﺎﺩﻩ ﺍﺳﻨﺎﻧﻬﺎ ...
ﺍﻟﻤﻬﻢ ﻳﻤﻜﻦ ﺧﻤﺴﻴﻦ ﺍﺗﺼﺎﻝ،ﻭﺗﺎﻟﻲ،ﺳﻮﺍﻩ ﺻﺎﻣﺖ ﺍﻧﻮﺏ ﺻﻼﺡ ﺧﺎﺑﺮ ﻋﻠﺊ ﺭﻳﻬﺎﻡ ﻭﺷﻠﻌﻨﺎﻩ ﺷﻠﻊ ﻳﺎﻟﻠﻪ ﻃﻠﻊ ﻣﻦ ﺷﻬﺪ
ﺍﻧﻮﺏ ﻳﻮﺻﻞ ﻟﻠﺒﺎﺏ ﻭﺭﺟﻊ ﺑﺎﺳﻬﺎ ﻭﺍﺧﺬﻧﺎﻩ ﺳﺤﻞ ﻣﻮﺗﻨﻪ ﻭﻫﻲ ﺧﻄﻴﻪ ﻣﻜﻴﻔﻪ ﻭﻫﻤﺎﺗﻴﻦ ﻣﺘﺮﻳﺪﻩ ﻳﺮﻭﺡ ...
ﺍﻟﻤﻬﻢ ﻃﻠﻌﻨﻪ ﻣﻦ ﺑﻴﺘﻬﻢ ﺍﺑﺎﻭﻉ ﺍﻟﺠﺎﺳﺮ ﺍﺑﺪ ﻣﺎ ﺍﻫﺘﻢ ﺍﻟﻴﻪ
ﻭﺻﻠﻨﻪ ﻟﻠﺒﻴﺖ ﻭﻫﻲ ﻋﺎﺩﻡ ﻭﺟﻮﺩﻱ ....
ﺍﻭﻝ ﻣﺎ ﺭﺟﻌﻨﺎ ﻣﻦ ﺧﻄﺒﺔ ﺟﻌﻔﺮ ﺭﺣﺖ ﻟﻐﺮﻓﺘﻲ ، ﺑﻌﺪﻧﻲ ﻣﻤﺒﺪﻟﺔ ﻣﻼﺑﺴﻲ ، ﻭﻛﻔﺖ ﻛﺒﺎﻝ ﺍﻟﻤﺮﺍﻳﺔ ﺻﻔﻨﺖ ﺷﻮﻳﻪ ﻭﺗﺤﺴﺮﺕ ﺑﺪﻭﻥ ﺇﺭﺍﺩﺓ ﻣﻨﻲ .
ﺗﺬﻛﺮﺕ ﻣﻦ ﻓﺘﺖ ﻟﻠﺒﻴﺖ ﻫﻮ ﺟﺎﻥ ﻛﺎﻋﺪ ﺑﺎﻻﺳﺘﻘﺒﺎﻝ ﻟﻮﺣﺪﻩ
ﻭﺍﺣﻨﻪ ﻣﻦ ﺩﺧﻠﻨﺎ ﻛﻞ ﻭﺣﺪﺓ ﺭﺍﺣﺖ ﻟﻐﺮﻓﺘﻬﺎ .
ﻓﻜﺮﺕ ﺍﺭﻭﺡ ﻛﺪﺍﻣﻪ ﻭ ﺍﺧﻠﻲ ﻳﺸﻮﻓﻨﻲ ، ﻣﻦ ﺻﺪﻙ ﺍﻟﻔﺴﺘﺎﻥ ﺭﻏﻢ ﺳﻮﺍﺩﻩ ﻛﻠﺶ ﺣﻠﻮ ﻋﻠﻴﻪ ﻭﺑﺎﺭﺯ ﺟﻤﺎﻟﻲ ﻭﺑﻴﺎﺽ ﺑﺸﺮﺗﻲ ﺍﻟﺼﺎﻓﻲ .
ﺍﺭﻳﺪ ﺍﺷﻮﻑ ﺭﺩﺓ ﻓﻌﻠﻪ ﺷﻨﻮ ، ﻧﺰﻟﺖ ﻭﺗﻮﺟﻬﺖ ﺭﺃﺳﺎ ﻟﻼﺳﺘﻘﺒﺎﻝ ، ﺑﺎﻭﻋﺘﻠﻪ ﻛﺎﻋﺪ ﺑﻜﻞ ﺟﺒﺮﻭﺕ ، ﻭﻣﺪﺩ ﺍﻳﺪﻩ
ﻉ ﺍﻟﻘﻨﻔﺔ ﻭﺍﻟﻠﺦ ﻻﺯﻡ ﺍﻟﻤﻮﺑﺎﻳﻞ ﻭﻣﺨﻠﻲ ﻭﺟﻬﻪ ﺑﻲ ﻭﻳﻄﻜﻄﻚ .
ﻭﻻ ﺍﻧﺘﺒﻪ ﻋﻠﻴﻪ ﻭﻻ ﺣﺲ ﺑﻮﺟﻮﺩﻱ ، ﺭﻓﻌﺖ ﺗﻚ ﺣﺎﺟﺒﻲ
ﻭﻋﻀﻴﺖ ﺷﻔﺘﻲ .
ﻭﻫﻴﺌﺖ ﻧﻔﺴﻲ ﺣﺘﻰ ﺍﻓﺰﺯﻩ ﻭﺍﺧﻠﻲ ﻳﺸﻮﻓﻨﻲ .
ﻋﻄﺖ : ﺭﻭﻭﺿﻲ ﻭﻳﻨﻚ ﺣﺒﻴﺒﻲ ﺍﻧﺘﻪ ﻫﻨﺎﻧﻪ ؟ ﻳﺎﺍﺍ ﻭﻳﻦ ﺭﺍﺡ ﻣﺮﺗﻀﻰ .
ﺍﺣﺠﻲ ﻭﺍﺳﻮﻱ ﻧﻔﺴﻲ ﺩﺍ ﺍﺩﻭﺭﻩ ، ﺑﺎﻭﻋﺘﻠﻪ ﺷﻔﺘﻪ ﻳﺘﺄﻣﻠﻨﻲ ﺑﺴﻜﻮﻥ ، ﻭﻧﻈﺮﺍﺗﻪ ﺑﻴﻬﺎ ﻭﻣﻴﺾ ﺍﻋﺠﺎﺏ ﻭﻫﻮ ﻳﺒﺎﻭﻋﻠﻲ ﻣﻦ ﻓﻮﻙ ﻟﻴﺠﻮﻩ .
ﻧﻈﺮﺍﺗﻪ ﺍﻟﺪﺍﻓﻴﺔ ﺻﺎﺑﺖ ﮔﻠﺒﻲ ﻭﻟﻮﻧﺖ ﺧﺪﻭﺩﻱ .
ﺳﻮﻳﺖ ﻧﻔﺴﻲ ﺍﺗﺠﺎﻫﻞ ﻧﻈﺮﺍﺗﻪ ﻭﻣﻤﻬﺘﻤﺔ ﺍﻟﻪ .
ﻭﺍﻧﻲ ﺍﻣﺸﻲ ﻭﺍﺗﻤﺘﻢ : ﻳﺎﺍ ﻋﺰﺍﺍﺍ ﺭﻭﺿﻲ ﻭﻳﻦ ﺭﺍﺡ .
ﻃﻠﻌﺖ ﻣﻦ ﺍﻻﺳﺘﻘﺒﺎﻝ ﺑﺎﻧﻔﺎﺱ ﻣﺨﻄﻮﻓﺔ ﻭﺣﺮﺍﺭﺓ ﻃﺎﻟﻌﺔ ﻣﻦ ﻭﺟﻬﻲ ، ﺟﺮﻳﺖ ﻧﻔﺲ ﻭﺗﺤﺴﺴﺖ ﺑﺸﺮﺗﻲ ﺍﺣﺴﻬﺎ ﺣﺎﺭﺓ .
ﺍﺑﺘﺴﻤﺖ ﻭﺍﻧﻲ ﺍﺗﺬﻛﺮ ﻧﻈﺮﺍﺗﻪ ﺍﻟﻨﻔﺎﺫﺓ ﺍﺣﺲ ﻟﺴﻌﺘﻨﻲ .
ﻃﺒﻴﺖ ﻟﻠﻤﻄﺒﺦ ﺷﺮﺑﺖ ﻣﻲ ﺑﺴﺮﻋﺔ ﻭﻃﻠﻌﺖ ﺻﻌﺪﺕ ﻓﻮﻙ .
ﺗﻮﻩ ﺩﺍﺍﻓﻮﺕ ﺣﺴﻴﺖ ﺑﺄﻳﺪﻩ ﺍﻟﺪﺍﻓﻴﺔ ﺗﺴﺤﺒﻨﻲ ﻣﻦ ﺳﺎﻋﺪ ﺍﻳﺪﻱ ﻭﺗﻘﻴﺪﻧﻲ ، ﺳﺤﺒﻨﻲ ﻃﺨﻴﺖ ﺑﺼﺪﺭﻩ ﻭﺗﻮﺟﻬﺖ ﻧﻈﺮﺍﺗﻨﺎ .
ﻧﺰﻝ ﺍﻳﺪﻩ ﻣﻦ ﺭﺳﻐﻲ ﻭ ﻟﺰﻡ ﻛﻒ ﺍﻳﺪﻱ ﺍﻟﺼﻐﻴﺮﺓ ﺍﻟﺒﺎﺭﺩﺓ ﻭﺻﺮﺕ ﺍﺣﺴﻬﺎ ﺩﻓﺖ ﺗﺤﺖ ﺿﻐﻂ ﺍﺻﺎﺑﻌﻪ ..
ﻗﻔﻞ ﺍﻟﺒﺎﺏ ﻭﺿﻐﻂ ﻋﻠﺊ ﺍﻳﺪﻱ ﺣﻴﻴﻞ ﻭﻋﻴﻮﻧﻪ ﺗﺘﺎﻣﻠﻨﻲ ﺑﺠﺮﺋﺔ
ﺗﻔﺎﺟﺌﺖ ﻛﺘﻠﻪ ﺑﺘﻌﺠﺐ .. ﺟﺎﺍﺍﺍﺍﺳﺮ
ﻛﻮﻧﻮﺍ ﺍﻧﺘﻢ ﻛﻮﻧﻮﺍ ﺑﺨﻴﺮ ... ﺍﺣﺒﻜﻢ 💔
ﻧﻮﺭ ﺳﻤﻮ ﺍﻟﻌﺮﺍﻕ 😘
ﻻ ﺗﻨﺴﻮﺍ ﺍﻟﺘﺼﻮﻳﺖ ﺍﺣﺒﺘﻲ ﺭﺟﺎﺀﺍ ﺣﺘﺊ ﺍﺳﺘﻤﺮ ﺭﻏﻢ ﺍﻣﺘﺤﺎﻧﺎﺗﻲ ﻭﺍﺳﻔﻪ ﻋﻠﺊ ﺍﻟﺘﺎﺧﻴﺮ ....
ﺍﻟﻘﻔﻠﻪ ﺣﻠﻮﻭﻭﻩ ﻫﺎﺍﺍﺍ 😂😂 ﺍﻛﺴﺮ ﻭﺍﺟﺒﺮ 💪
|