[فيتامين سي]

البارت الاخير من الجزء الاول45
رواية...جولييت_واسرها...غياه� � الإنتقام
بقلمي...نور سمو العراق
💔💔💔💔💔💔💔💔💔💔💔
لحـظةُ حِـدآدٍِ مَـعَ ذآتي
أُرتِـبُ بهآ أورآق مشآعري
مآ بين الغُمـوض والسكـون
لأكـونْ حينهآ أو لآ أكـون ...!!
انا جولييت طائشه متهورة موشومه بالجنون...
........................
من كثر خيبات الامل تعلمت شغله وحده وهي عدم المبالاة للقادم
لكن للاسف اكو شعور بداخلي ما اكدر اتخلص منه الوحدي احتاج واحد يداويني بس اني تعودت ازيل اوجاعي بالنسيان...
بس للاسف الي اتاكد منه اني دا اوجع نفسي اكثر ما اداويها...
والحظ دائما يعاكسني ويعاندني ودائما يقدمني طعم مغري بين انياب الكاسر...
دا اغسل بالثلاجه داخل المطبخ وخايفه حييل خايفه جاسر يعرف بهروب حازم وياذيني ولو متاكده اني راح التهب من نيرانه المتوجره...
الممه دليل قاطع ضدي وكم مره اخابر الشيخ يطلع مشغول واني هماتين ما اكدر اخابره اله خلسه اخاف انلزم..
وجاسر دائما يسجل المكالمات...الحمد لله المكالمه الاخيره جانت سطحيه ومجرد رضيه طلبت من الشيخ يجي...
صمت رهيب مخيم علئ المكان لكن سرعان ما اختفئ الهدوء وحل محله انتفاضه من الجنون بعد ما رعبني جاسر بصرخته الوحشية الي علئ اثرها انتفض جسمي من هول الصرخه...جوليييييييت
لزمت كلبي بخوف واني احس بخفقانه ودگاته المتسارعه والرجفه الي اعتلت بقايا روحي...
رفعت عيوني بحده علئ صوته الشرس اقترب مني بهدوء خفت انفضح نزلت عيوني بسرعه
حط ايده تحت فكي وتكلم بخفوت...بااااوعيلي
نزلت راسي اكثر
صرخ بيه بحيث حسيت صوته انبح...باااااااااااااوعيلي
باوعتله بخوووف وانيين موجع من بين شفايفي...
رفع راسي بقسوووه وشعري تطاير بين اديه عيوني عبالك شلال نازل منهن وشفايفي ترتعد من هل موقف المرعب
التقت نظراتنه نظراتي متشتته وضايعه وهو نظراته حاقده ومرعبه...
لزم عضدي بكل قسوه وهزني ...حرام اضررربج مو صح قاروره انتي موصين بيج مو هييج
رجع هزني بحيث حسيت نفسي لعبه بين اديه....احجيي احجيييي انتي الئ هربتي حاااازم مووو؟
هزيت راسي بنفي وخفق گلبي بعد ما جر شعري بقسوة همست وبعد ما بلعت ريكي واني احس بطعم الموت...لااااااااا
لزم الممه خلاها بوجهي وعيونه تنبض بكرهه....هاي شنووو؟
رجعت خطوتين خايفه منه وهو هجم عليه بقسوه جان اكو كرسي موجود بالمطبخ وكعت عليه وانكلب بيه وكعت علئ ظهري
حطيت ايدي علئ ظهري وصرخت وهو سحبني بقسوه من ايدي حسيتها انخلعت...تخونيني جوووليتتت والله اذا ما ندمتج ما اطلع جاسر...
شهكت بخوف ورعب باوع لعيوني....احجيييييي
همست بخوف...ووو والله...
ما اشوف اله رضيه وام فلاح وجعفر وشهد لزمته رضيه بتوسل...شبيييك يمه كول يالله...
هو صرخ بوجهه رضيه...لحد يتدخل اطلعوووا كلكم بررا...
جنت مثل الفريسه بين اديه لا اهل ولا اخو ولا والي متشتته ضايعه والدموع تشكي حالي والحزن عنواني...
حسيت نهايتي بين اديه من ضل يصيح ويغلط.وطرد الكل حسيت الكل اتخله عني الكل خاني وتركني
طلعوا وضليت الوحدنا اني وياه ماكوو فرج اكيد راح اموت بين اديه اكيد راح اضيع وامووت
شلون راح يعاقبني ياخذ اطفالي ويذلني لو شنو لو يذبحني ويتم اطفالي كوولشي يتعوض بس اطفالي ما يتعوضون....
لزمت ايده بتوسل...لا تكسرني جاسر الصار غصبا عني الصار اني بريئه منه...
سحب شعري بكل قسوه....بريئه لج حيوووووانه بريييييئه لج حيوانه حقيره جذابه ولج انتي مثل النسوان انتي اصلا عار علئ النسوان
تطلعين وتدخلين بكيفج ولج والله لو انطيج مجال شويه تسويين مصايب بس اني مكسر اجناحاتج ...
امشي ولي اجمعي ملابسج خلي اوديج لعمج ياخذج الاخوج العار حتئ تشبعيين منهم مو تحبيهم وترديييهم...
رجفت شفايفي والدمعه تنزل علئ خدودي...جاسر فدوه جاسر والله ما اكدر اعوووف اطفالي والله احبببهم والله...
خنكني بعنف...تحبينهم لو تحبينهم والله ما سويتي السويتي لج ادبسزززز
لطمت علئ وجهي بانهيار ...والله ما سوييت شئئ والله ارحمني لا تجرح كلبي تريد انتحر واكتل روحي حتئ ترتاح
جر ايدي وجرني من المطبخ واني ابجي يريد يطردني لاهلي ويأخذ اطفالي..
صار بوجهه عمي الشيخ عكاب وجابر...
هو باوع الهم بجمود وخفف من قبضته علئ ايدي
الشيخ باوعلي ورجع باوعله بغضب...شبيك بويه تخبلت تسودنت انت صار كلش لا تحترم جبير ولا صغير
هاي مريتك مثل العسل طفله وجايبتلك توم ولد مثل الطيور كون تخليها علئ راسك ووتبوس ايدك وجهه وكفه
هو رجع باوعلي وجر الحجاب علئ وجهي والشيخ باوع الجابر كله...روح بويه جابر شوف اختك ريهام وخليني اتفاهم ويه المسودن مال عشيرته
جاسر بغضب...عمييي
الشيخ بنرفزه...وعمه العماك شبيييك تخبلت...
عاد هو سكت ما جاوبه و رحلنه اخذنه للاستقبال بس الي فرحني الشيخ حط ايده علئ كتفي،وباس راسي كال...اريدك تمد ايدك علئ بنيتي جولي شني تايهتلك
مات ابوها وشفتها يتيمه محد الها ولك هاي يتيمتك يا جاسر خاف الله بيها...
واذا مات ابوها اني ابوها وان شاء الله هي ورهومه مثل ما عزه واكثر...
هو ساكت بس قابض علئ ايده علئ ساعه يتعارك ويه الشيخ وتصير بالعكل...
مسح وجهه بتوتر...عمي هاي نذله خانتني وحررت اخوها واني صار شكد اريد اخذ ثاري واريح كلبي...
والله والله ليلي ما انامه ليش ليييش غزل توكع مثل ورقه يابسه من غصني ابوووي حازم ظهري كتلع العار اخوها فلاح اخوووي والله جرحي مو هيين ليش محد يفهمني....
يعني وكل هذا وهي تدافع للعار الي نكرها وما رادها اخت اله وكلهم ما يستاهلوها منو منهم رف كلبه عليها وكال هاي شصار بيها شدار عليها الزمن
وتالي ما تالي،تخوني وتروح بكل صلافه تهرب اخوها من هل يوم واني بطريق وهي بطريق اطلكها وتنسه عندها اطفال خلي يفيدها عاصم الكلب....
شهكت برعب وبجيت نحيب...حطيت ايدي علئ قلبي يخفق بشده عبالك ديطلع من مكانه
الشيخ رد عليه وهو يركز علئ سبحته العقيق...ابو مرتضئ بويه اذا كتلك مو هل مسكينه هي الهزمته تصدكني؟
جاوبه بثقه....لاااا ما اصدكك لان عندي دليل عليها ممة ابنها الثوله ناسيتها هناك شلون اجت الممه اكيد هي جانت هناك
الشيخ...اي صدك جانت هناك بس اني الي اخذتها وجبرتها تروح وياي لان اعرفها هي تندل البيت واني ما اندله
عقد حواجبه باستغراب...شنو قصدك شنو ماتندله عمي احجي لا تحيرني...
نزل عيونه وجر نفس....سمعتك تحجي انت وجابر ودكله عندي حازم ومتفق وياه وهاااا جويبر حسابه بعدين لان مثلك نذل ما معترفين بيه وتتصرفون من كيفكم ولا جني كبيركم وتاج علئ روسكم يا زمايل...
واجيت لجوليت كلتلها تندلين بيت جاسر القديم خابرني وكال جولي تندله ويريد يبيعه وكال خلي هي تدليك
جبتها واجيت وهي دلتني ومن شافت اخوها غلبتها العاطفه وتعاتبوا
عاد انه فتحت الحبال وهزمته وخليته يرجع الاهله
هو صرخ بوحشيه بوجهه...عمه لييييش ليييش والله ما اصدكك انت بس تريد تحميها...هي راحن وحدها
ابتسم بقهر ورد عليه...وروح مهيوب الاعز من جابر عندي انه الي اخذته للبيت وانه هربت حازم
وبعدين الولد ما اله ذنب وانت ما رافع دعوه لو مثلا مثلا واحد اشتكي عليكم وكالوا انت خاطف حازم ما جان نمت بسجن انت وجويبر الخاين وصلاح...
ولك بووويه انت لا تلعب بالنار ارفع دعوه وخلصنه ودير بالك علئ وابن عمك واخوتك وخلي الله بين عيونك
واني حلفت الك اني الي اخذت جولييت واذا تريد جيب القران وادكه واحلف بي ومستعد لان انه رجال بحياتي لا ماكل حرام ولا مجذب وانت اكثر الوادم تعرفني
ما اكول والله علئ كص ركبتي وانت تعرفني كلش زين وكلامي صادق ومو جذاب...
رد بجمود وتوتر....لا عمي حشاك اعرفك ما تجذب بس هي فد وحده صلفه اذا تعرف حازم تهرب ليش ما حجتلي ليش ضمت عني اخوها عااار والله عار
شلون تقبل تهزمه شلووووون...
جاوبته برجفه ودموع حزينه..افهمني جاااسر فدوه خلي نفسك بمكاني لو اخوك صلاح كاتل اخوتي واهلي انت شنو موقفك
والله والله تضمه بزاغور وما تنطي ضحيه حتئ لو قاتل والله
عمي فدوه حسوا بيه والله حتئ لو اخويه عاار هو ابن امي اني امي اذا مات واحد من ولده والله تموت
مهما يكون البزر ظالم جاحد بس يعز علئ الام والله يعز
خالتي شكد قاسيه ويايه وظالمه بس والله ابد ما فديوم شكيت منها ولا رفعت صوتي عليها لان اعرف المره هم مظلومه والراحو الها مو شويه
جاسر بس افهمني صعب عليه انت تقتل اخويه صعب سلمه للحكومه وخلي تعدمه
والله ما الي عين من امي ...من امي بس محد عامني انام بصفك وانت قاتل اخووويه
اني بنيه وانت رجال تكدر تتحكم بعواطف وما يهمك كلام اي شخص بس اني لااا عاطفتي تسيرني واهتم للكلام
بس الكلام امي والله امي اذا عاتبتني شنو اكولها جاسر اذا تقتل اخويه اني وياك ننتهي
انت اذا تقبلتني لان اني مظلومه وياااك واني كبش فداء المشاكل واخطاء غيري
ارحمني ارحمنيييي ما عندك رحم
هو سكت مجاوب وبعدها كال ...ما عندج عذر الصار يمشي بدمي اني مرت عليه ايام اتمنئ الموت بيها وما اشفئ،اله اخذ ثاري من عاصم
الشيخ...هسه عوفونا من عاصم وحازم والثار انت يا جاسر غلطت بحق بنيتي جولي ولازم تعتذر منها
انه راح اخذ وياي البيتي،وجيب عمامك وجيبلها عراضه ورجعها...
اني ابتسمت رغم حزني وجاسر عقد حواجبه كال...يا عمام يا عراضه شبيك عمي اني بيا حال...
جاوبه ابو جابر...واني ما اجذب يا ما تعتذر منها كدامي وتبوس راسها يا اما اخذها وياي وتجيني تعتذر منها...
لان البنيه ما الها ذنب وانت اجيت هجمت عليها ورعبتها
هو باوعلي وتنهد واني رحت بست ايد عمي الشيخ .هو خطيه ما قصر باس راسي وباوعله...تعتذر منها لا اخذها..
ابتعدت شويه
وجاسر تقرب مني وباس راسي همس...بسييطه
باوع للشيخ كله...اعتذرت منها
ضحك الشيخ واني خليت وطلعت تنفست بارتياح...الحمد لله يارب دائما تهب اليه هديه من السما تنقذني
يارب يطول بعمر ابو جابر ويخلي سور وتاج فوك روسنا...
ضلوا يمنه للغدا واني سويت غدا ورهومه وشهد ويانه وشهد كل شويه وسالتني شكو ليش رجلج راد يكتلج
لان ما غاسله ملابسه لو حاركه قميصه لو من طلعتي وهو ميعرف
جاوبتها...لا لان نسيت الاوتي علئ القميص وحركته
عاد هي غلست لو ما حاركه قميص جعفر جان انطتني محاضره الها اول ما الها تالي...
.................................
وقار
جنت دا اسوي بالغدا وفجأة صارت خبصه وهوووسه خفت طلعت شفت جابر يحجي ويه عمو .بعدهه خلو وطلعوا ...
وعمي ما لحك يابس عكاله وراحو علئ السريع ...
خابرتني صديقتي السوريا وصفت الها بيتنه وكالت ان شاء الله اجيكم
صدك انتظرتها شويه واجت سلمت عليها ودخلت كعدت بالاستقبال المره الكبيره و وياها البنيه الثانيه تعرفت عليها من زمان اسمها ياسمين...
كعدنه نسولف وبعدها جبت الها مي وعصير المهلبيه والكبه اللبنيه واني لازمه ورقه وقلم واكتب...
بعدها راحت فتحت كنتوري عندي قطعة قماش وعبايه وصايه وفلوس جبتهن انطيتهن الهن...
كلتلها ببتسامه...اني كووولش أحب اهل سوريا
ردت عليه بمرح...يا عمري ونحنا كتير بنحبك يا ئمر انتي
ضحكت...يفديتج تسلميلي
جرت نفس واردفت...تؤبريني شوو مزوئه
تنهدت بضيق...اخويه قبل جان متزوج سوريا بس من صار القصف انقدت
عضت شفايفها بقهر...عنجد كتير ناس انفقدت بسبب داعش يبعتلن حمه تسلؤ بدنن...
هزيت راسي...اميين ان شاء الله ربي يخلصنه منهم
كالت بمرح...اي اتزكرت بدي تعلميني علئ اكلات عرائيه وانا كمان بحب الاكل العرائي
ضحكت ...شتردين اعلمج علئ الدولمه لو البرياني لو الكبه الموصليه اني كولشي اعرف ونفسي طيب بالاكل...
كرصت خدي...والله باين انت اصلا من فوء لتحت بتجنني
ضلينه نسولف ونحجي ويه شةفتني صور شلون قبل جانوا عايشين بأمان بسوريا وشلون جانن مرتبات وانيقات وجميلات
وبعدها كالت المكان الكاعدين بي هوايه تجي بي بنات من سوريا وحتئ من الموصل والمناطق المحتلة ببلدكم...
هزيت راسي وحزنت عليهم يا ترئ شام ماتت لو هم يجي يوم ونلكاها ويه النازحات السوريات الله يعينهم....
............ ... ...
شهد...
لحد الان زعلانه من جعفر والله جايبلي،وجهه الطاوه وانوب حامل منه
دخلت للغرفه وهو اجه كعد بصفي حضني من وره وباس رگبتي من وره ...
باوعتله ودرت وجهي زعلانه ...
حرك ايده علئ خصري وكال...فديت الزعلان زين بيبي علئ شنو زعلانه ترئ والله ما محبلها هي حبلت روحها الوحدها...
باوعتله باستهزاء...منين حبلت بالله من الحايط مو رسلت تحليل الحمل مكتوب نوال وعليها كم شهر جعفر اذا نمت وياها ليش تزوجتني
رد بنفي...والله ما نايم وياها والله يعني قابل اجذب عليج اني حتئ وسكران بس ترئ مأخذ احتياطاتي يعني يحبي مستحييل انام وياها
رفع ايده بالدعاء...ياربي كون هيج اسوي تحليل ويطلع عندي عقم ونسبتي صفر وما اخلف
ضربته علئ ايده ...يمه اسم الله فال الله ولا فالك بيش طالبنه انوب ميصير عدنه اطفال
رد بقهر...لا مو اريد وجهه الطاوه شلون تجذب ودكول محبلها والله احبل كنوش صبريه وما احبلها..
رجع حضني برومانسيه...والله يحلوو. اتمنئ انتي تخبلين وهيج تتدلعين عليه مشتهيه فرواله مشتهيه تفاح مشتهيه بطل عرگ
اوووويلي ونسكر للصبح سوه
باوعتله بدلع...جعفر...
رد بحب ...يروحه وعقله ومصارينه
همست بذوبان...احبكم
نزع قميصه..احتركت نويله بنار ونفط هي وذريتها...
تقرب منها وهي يبوسني بشغف وحب وذوبان ويهمس بعشقه وحنانه رغم بصراحه ما احب هيج يسوي...أحسه سخيف ...
بس ميخالف لازم اعود نفسي حتئ اجيب نونو احلئ من نونو نويله...
ولو جعفر يكول جذابه هي هاي سوالف الزعلانات اول مره حامل وبعد كم شهر طاح الطفل...
بس شنو هل ايام ما اخلي يشرب ابد وعلمته يصلي واحلفه صليت وهو يحلف جذب يكول اي صليت وهو ممصلي...
..............................
جولييت...
صار يومين لا هو يحجي ويايه ولا اني احجي وياه بس صدك اني مهتمه باكله ولبسه حتئ ما يلزم عليه مستمسك ...
جنت كاعده اعزل بملابس اطفالي وهم كاعدين بالكاروك مالتهم هو كبير ورغم مجتبئ يزحف ومرتضئ يمشي بس دائما اكعدهم بي...
هم يلعبون بالممه الي شهدت ضدي ادبسز ما فضحتني...
دخل عليه جاسر مثل اعصار تسونامي الياباني
من خوفي شمرت الملابس من اديه و وكفت بادب
باوعلي وهو عاقد حواجبه كال...قميصي ليش ما غاسلته
رديت عليه بارتباك...غسلته والله بس لكيته واكع ومترب
عض شفته بقهر...ما بيج خيير بس بالصلافه والوكاحه نادره
رديت ببراءه ...شمسويه والله ممسويه اي شئ
نزل راسه علئ راسي كال...ما مسويه شئ مدام موو ولج انتي سوالفج فيفي عبده ممسويتهن
متحلف بيج والله اله اندمج بس بختج بعمي الشيخ اله انتي ما تستاهلين واحد يتعاطف وياج
رجعت شعري ليوره وخزرته
نبت اصابعه بخصري حسيت نفسي انكطع...اااااااه جاسر موتتني اذيتني عوفني
رد من بين اسنانه ...كم مره كتلج عيونج اذا باوعتيلي هيج اله افكس عيونج والله
رمشت...فكسهن بعد ما اريدهن
جرني من ثوبي حييل...لا تستفزيني ولج
جريت نفس...اهووز هسه انت جاي تعارك علئ قميصك هسه اغسله وانشفه واكوي بس لا تتعصب
حطيت ايدي علئ لحيته واني امتص غضبه...لان العصبية تسوي شيب وحرامات تصير شايب وانت باول ايامك
نزل ايدي بسرعه...هااا ولج تعزفين علئ الوتر الحساس خايفه عليه اصير شايب من وره افعالج انتي واهلج مو بس شايب لا شايب ومخرف
ضحكت وحاولت اكتم ضحكتي لان كال شايب مخرف هيج اتخيل جاسر شايب مخرف ويعارك هو هيج مينحمل مو انوب مخرف...
لزم ايدي حييل ولواها وره ظهري وصررخ بوجهي...لا تضحكييين حيووووانه..
سكتت ونزلت راسي
ما اشوف اله الممه انركعت بكتف جاسر بقوه ...
هو باوع شاف مرتضئ،واكف علئ سياج الكاروك ومجتبئ يلعب...
هو باوع المرتضئ...ابن الكلب ابن الزمال انعل ابوكم لابو الخلفكم اني صوجي الكلب الي خلفتكم...
مرتضئ رد عليه بعصبية...ننننننننننننه
ضليت اعض بشفايفي اكتم ضحكتي حبيبي رضاوي ما يقبل علئ ابو يضربني ...
عاد جاسر خله وطلع...
هذا محتبئ ثار شلون مرتضئ يضرب ابووو دنك ولزمه عضه من رجله حييل ومرتضئ صرخ
ولزم بشعر مجتبئ وجره حييييييل ومجتبئ صرخ وكب الصريخ والعياط والملاخ والخراميش
حرب البسوس صارت
ركضت عليهم واني افارغ بيهم وهم يعيطوون ويصرخون ...
حاولت افارغهم ما كدرت لان مجتبئ لازم بشعر مرتضئ ومرتضئ كذلك
عاد مجتبئ عضني من ايدي هسه طالعه سنين حادات شلعني شلع ...
دخل جاسر علئ هوستهم ورد باستنكار...شكوو شبيكم شكووو خابصين الامه ...
رديت عليه وايدي بحلك مجتبئ...تعاركوا
عاد هو اخذ مرتضئ وشاله ...شبيك بابا حبيبي ليش تتعاركون مو عيب
رديت عليه واني ادغدغ بي اريده يعوفني عافني وهو يصرخ...
ورجع شال مجتبئ...كافي باباتي كافي شبيكم تخبلتوا مو عيب
رديت عليه...غير يشوفونك ابن الوز عوام
باوعلي بنص عيين...اسكتي انتي لا تتدخلين بيني وبين اطفالي
اجيت اكله درووح بس خفت انسحل ...
ضل يسكت بيهم وهم يناشغون
كال...عليمن تعاركوا
جاوبته بتنهيده...لان مرتضئ ضربك بالممه مجتبئ انقهر وعضه وهذا ملخه وتعاركوا وهي هيج السالفه...
تنهد واخذهم وطلع واني ضليت اعزل بالغرفه وانضف واشتغل
وهو جابهم مشتري الهم حلويات واني هماتين علئ الواهس جايبلي قواطي ببسي،ونساتل وحب وكرزات ههههه ضحكت مستغني عني ...
..........................
شهد...
كعدت يم ماما رضيه لان هي صاحتني كالت...يمه شهوده يروحي راح تجي نوال ما اريد تتعاركين وياها اريدج تكونين عاقله وحبابه
باوعتلها بحزن ورديت ...والله ماما صعب عليه اني احب جعفر وهاي تجي تتدلع عليه وانوب حامل
لزمت ايدي بتوسل...حبيبه بنتي تولي لا تحتكين بيها منا لمن نعرف صدكها من جذبها وتالي نحدد اذا صدك حامل بعد شنسوي هي زوجته من زمان
واذا مو حامل نطردها وانتي الاصل والفصل والمهم احنه وجعفر نحبج وهذا اهم شئ
جريت نفس...ماما اني شدخلني بيها المهم هي تخلصني من شرها
خليت وطلعت بس بصراحه الدنيا ضايقه بصدري والدموع غرغرت بعيوني ليش ياربي ليش يعني هسه اله تحبل يعني قبل ما حبلت اله هسه
شلون حظ فكر مثل راعيته....
شويه ودخلت هي وامها وبناتها لابسه صايه مزركشه وشال مزركش والمكياج طن بحيث عبالك مخليه وجهه بعلبة المكياج ومطلعته
ولازمه بطنها وتتبطح سلمت علئ ماما رضيه وسلمت علئ ام فلاح و ريهام
وضلت تباوعلي وتخوزر بيه اني خليت و رحت هجمت عليه بوووس
شلونج خاله نوال شلون صحتج مبروك علئ الحمل ان شاء يتربئ بدلال ابوو
هي باوعتلي مصدمومه كالت...خاله شنو ترئانتي ضرتي
ضحكت وضربتها علئ كتفها...يااا صدك جذب خاله والله انت اكبر من امي الله يرحمها واني من باب الاحترام هيج اكولج
لان اني بكد بناتج
صكت علئ أسنانها ودفعتني وكعدت علئ القنفه صاحت...ماما سجاوي جيبيلي ليمونه من الثلاجه يمكن بيه ولد اتنسه كل حموضه
هي راحت جابت الها صحت...عفيه سجاوي وياج ليمونه بس لا اطلع حامل ولو اني ما اريد احبل هسه بعدني كتكوته
باوعتلي رضيه كالت...هههه ان شاء الله حامل يمه شهوده
رديت عليها...ان شاء الله هي فاتتني كم يوم انتظر شويه واحلل
عاد نوال باوعتلي حسيت شويه وتاكلني وتعوف الليمونه...
جابت سجئ ليمون وملح وسجين وضلينه ناكل اني ونوال ونمطك وثنينه جذابات الله يساعد جعفر علينه....
كملت وشمرت الكشر علئ الطاوله ودتروح صحت عليها...خاله خاله تعالي شيلي كشورج لا تضلين تاكلين وتزبلين مثل الهوش
هي ما كلت هيج انتفضت من مكانها وهجمت عليه...ولج الزعطوطه بكد زري وتتجاوزين عليه
جاوبتها بصدمه مصطنعه...ياااا صدك جذب خاله هاي واني دا انصحج
مو حلو الانسان ياكل ويزبل لازم يحترم المكان الي هو بي مو هيج ماما رضيه
جاوبت ام فلاح...اي والله لا عاب حلكج بس وين اكو مطي يفهم بهل بيت...
عاد نوال خزرت خالتي وخلت وراحت صعدت هي وبناتها
عاد اني شلت الكشور وخليت وطلعت شمرتهن بالزبل بسيطه نويله اله امشيج علئ الخط السريع
ام السحوره...
عاد هي شوي ونزلت وضلت تفتر وثوبها ضيق واجه جعفر اول ما شافها انهزم ودخل للغرفه
كال برعب...بويه وجهه الطاوه شجابها انعل ابوها لابو الخلفها....
وانوب خله وانهزم من البيت هزيت ايدي لا ربحنا الضاهر راح احارب الوحدي....
................ .............
جابر...
خابرني صلاح كال...جابر تمشي وياي اريد اروح اجيب تحليل ريهام وما ادري احس خايف وقلقان
جاوبته بخوف ورعب..يالله جايك جايك...
خليت ورحت اله ركبنه بالسياره ورحنه للدكتور شويه ودخلنه للدكتور
طلع تحليلها وانخطف لونه مسح علئ حاجبه وهو يرتبه ...بابا تحليل ريهام عكاب مووو
هزيت راسي واني اباوع الصلاح وصلاح انخطف لونه
رجع الدكتور كال بايمان...يابه انتم تعرفون الله وتعرفون قضاءة وقدره وان شاء الله انتم مؤمنين ولازم تخلون عينكم بعين الله
وان شاء الله الشفاء والها وتعرفون الطب تطور
حسيت الرعب دب باعظامي ...دد دكتور فدوه تحليلها بي شئ
نزل عيونه ودك كلبي واباوع الصلاح اديه ترجف كال الدكتور...للاسف ريهام تعاني من السرطان بيها لوكيميا
وكف صلاح برعب وباوعلي وصدره يصعد وينزل وجهه صار اصفر
رجع باوع للدكتور...الله يخليك دكتور الله يوفقك كول غير هل حجي لا دكول بيه سرطان
اله هل مرض ريهام حبيبتي ريهام بنيتي
اني جنت بس ارمش من هوول الصدمه وما اعرف شنو اسوي اني رجال وما تهزني جبال بس ياريهام هزيتيني
والدموع نزلت بدون سابق انذار
اخذ صلاح التحليل وطلع وهو يركض واني اركض وراه ركبنا بالسياره والصمت جان سيد الموقف
بس الدموع تشكي حالنه
وكف صلاح بنص الطريق وصرخ بصوووت عالي.....ريهاااااااام ريهااااام لاااا يابه لاااا كسرتيني والله
مو تعرفين ما اكدر اعيش بدونج مو تعرفين الحياة بدونج بنظري لا شئ احببببج والله
كون المرض اليه يالفقيره يالمؤدبه المرض مو الج والله
حبيبتي رهووومه والله احببج
حضنته واني ابجي ...خوويه ريهام خوويه والله متت شكول لابووي شكول لامي والله كسرتيني
ريهام والله لو اعرف ابيع بيتي والله اطيبج خلينه نسافر بيها صلاح لازم نسافر ...
هز راسه بأي...راح ابيع كلشي واروح لتركيا بيها
بس اخاف عليها تاخذ كيماوي ويوكع شعرها الحلوو تبذل والله تذبل وريهام اله شعرها تحبه اكثر من روحها...
بس كلشي يتعوض بس هي ما تتعوض اريدها بس تطيب والله ما اريد شئ...والله
حطيت ايدي علئ كتفه واسودت الدنيا بعيني اوووف يا ريهام طفلتي المسكينه مريضه وما ادري بيها...
خلصناها الوقت كله بس نبجي ومحتارين شلون نواجهه كتله...لا دكللها خلينه ناخذها المدينة الطب وبعدها ان شاء الله نسفرها للخارج ...
هز راسه بيأس ...ان شاء الله هو كتب الها نوم بالمدينة عشر ايام وان شاء الله اسفرها للخارج...
......................
ريهام....
جنت دا اصلي بس صلاح اتاخر عليه خفت حييل اخاف صار شئ...
اتصلت عليه مجاوبني...
رجعت أقره قران دائما احب اقره سورة مريم ودائما احب واكوف عن هاي الايه ...وَاذْكُرْ فِي الْكِتَابِ مَرْيَمَ إِذِ انْتَبَذَتْ مِنْ أَهْلِهَا مَكَانًا شَرْقِيًّا ۝ فَاتَّخَذَتْ مِنْ دُونِهِمْ حِجَابًا فَأَرْسَلْنَا إِلَيْهَا رُوحَنَا فَتَمَثَّلَ لَهَا بَشَرًا سَوِيًّا ۝ قَالَتْ إِنِّي أَعُوذُ بِالرَّحْمَنِ مِنْكَ إِنْ كُنْتَ تَقِيًّا ۝ قَالَ إِنَّمَا أَنَا رَسُولُ رَبِّكِ لِأَهَبَ لَكِ غُلَامًا زَكِيًّا ۝ قَالَتْ أَنَّى يَكُونُ لِي غُلَامٌ وَلَمْ يَمْسَسْنِي بَشَرٌ وَلَمْ أَكُ بَغِيًّا ۝ قَالَ كَذَلِكِ قَالَ رَبُّكِ هُوَ عَلَيَّ هَيِّنٌ وَلِنَجْعَلَهُ آيَةً لِلنَّاسِ وَرَحْمَةً مِنَّا وَكَانَ أَمْرًا مَقْضِيًّا....
دخل صلاح وهو يستمع اليه واني اقره بالايه اتصدقت علئ القران ووكفت بخوف...هااا صلاح بشر
ابتسم بهدوء ومسح علئ خدي...ماكو شئ حبيبتي مجرد فقر دم وابو صفار بس لازم تنامين مستشفئ حتئ تصيرين زينه
بلعت ريكي بارتياح...صدك تحجي لو تكذب عليه اذا بيه شئ عادي كول اني مؤمنه بقضاء الله وقدره
احتضني وجر نفس...لا حبيبتي صدكيني ما بيج شئ بس كتلج لازم تنامين مستشفى
حطيت ايدي علئ خده وابتسم...اي حبيبي عادي اروح شكو بيها المهم ما بيه شئ واصير زينه
تنهد ورجع حضني وسحبني نومني بصفه وهو يباوعلي بحزن بحيث خفت يارب دخيلك اشو كلبي ممرتاح...
.........................
جولييت....
صلاح كال ريهام مريضه بالسرطان تخبلت عليها ضليت ابجي واصرخ والله والله عيوني ورمت من البجي
وهي خطيه تجي تسألني شكو جولي حبيبي منو وياج منو ماذيج
ارد عليها بضحكة وجذب...مشتاقه الاهلي
خطيه تكعد تصبر عليه وتبجي ويايه وخطيه متدري ابجي عليها
وماما رضيه من عرفت هي و ام فلاح تخبلن تخبلن ضلن يبجن ويصرخن وهي من تسأل يكوللها تذكرنه فلاح ومهيوب وغزل...
بس اهلها لحد الان ما يعرفون هي مريضه خطيه امها تموت عليها وابوها يعشقها
والله ما يستاهل عمو عكاب هو هذا الانسان الزين ما اله حظ بالدنيا...
بس اني اليوم كووولش ضايجه هماتين علئ ريهام وهماتين اكو شئ بداخلي ياذيني...
ريهام ما نخليها تنضف ابد بس اني وشهد ونوال مخلصتها حامل ما اكدر...
ونوال ما تعرف بريهام مريضه صلاح كال لا دكولون هاي فتانه واخاف دكلها انتي مريضه وتخبل البنيه
واحنه هماتين ابد ما حجينه...
شويه ودخلت خالتي ام هاله تلطم ...يمممه يمممه ولكم الحكوا
اجينه نركض عليها وخالتي ام فلاح لزمت ام هاله وسالتها بخووف...شبيييج خيه شبييج شكو ليش تصرخين
ردت بمكر عود هي مقهوره...اليوم تصير ملحمه جاسر لعب لعب جاااسر كتل عاصم
صدمه الجمت كل حواسي و وكع الصحن من ايدي همست بقهر وروح مسلوبه ....عاصم مااات كتله جاسر
نهاية البارت...يتبع
كونوا انتم كونوا بخير...احبكم 💔
نور سمو العراق...🌹
التمس منكم العذر للتوقف عند هذه النقطه والبدء للجزء الثاني بعد حين ان شاء الله ما أتأخر عليكم
والسبب وراء الجزء الثاني هو الوقت والظروف كلكم تعرفون عندي امتحانات وتقارير ومدا انطي للقصه حقها
والجزء الثاني بي مشاعر جياشه ومواقف غامضه وحب عمييق واستكشافات وصدمات جديده ايجابيه وسلبيه...
انتظروني قريبا بأذن الله....ارجوا المعذره احبتي احبكم والله بس لازم اقف عند هل نقطه
لا تنسوا التصويت و المشاركه😘
اشكركم كلكم احبتي علئ مساندتكم ومئازرتكم اليه و وقفتكم المشرفه واشكر طلحه ونورا ناصر وسمسمه و وئام الشيخلي وكل من دعمني وساندني...
واشكر كروبي بالفيس ورود وفراشات علئ حماسهم وتشجعيهم المستمر🌹❤
احبكم بكد السماء 😍😍😍😍😍