[فيتامين سي]

صلوا ع محمد


33



نهى اتجهت لها بخطوات واسعه ساعدتها ع جلوس :ي بنت وش فيك
نور حطت يدها ع راسها :مدري رجعت لي الدوخة مره الثانية و راسي يدور
نهى تناظرها : ي الدبه لا يكون حامل وانتِ ما تدرين ترى الصبغة تأثر ع الحامل
نور اعتدلت في جلستها وريحت ظهرها ع السرير هي ملت من هـ السالفة ما تبغى تفرح بعدين تنصدم :لا وش حامل أنتِ الثانية
نهى بـ أصرار عليها :قومي حللي انا عندي جهاز الحمل اثنين واستخدمته واحد بقي واحد ما استخدمته كنت شاكة أني الحامل بس الحمد لله ارتاحت كافي علي تولين وملفي طلعوا شيب في راسي
نور ضحكت ابتسامة صفراء: وينهم عيالك وخاصة تولين ودي اعضها مع خدودها ما شاء الله
نهى طلعت الجهاز من الدرج :اقول بس بلا كثر حكي قومي حللي يلا ولا اقوم اجرك الحين
نور عارفه ما راح تتركها بـ لحالها إلا لما تسوي اللي تقول لها :اوف منك اغصب أحلل ما بغى وانا متأكدة أني مو حامل
نهى بـ عناد :اي روحي سوي اللي قول لك عليه ما راح تخسريني شيء ترى اذا طلعتي حامل الحمد لله واذا لا بعد
تو الناس ع الحمل؛ ايه خلي الباب مفتوح تعرفين اخاف يصير لك شيء
نور قامت اخذت الجهاز منها راح تزن فوق راسي هزت راسها بـ أي دخلت الحمام أنتم بكرامة ؛ تحس جسمها مو متوازن حللت توها بتشوف شريط الحمل إلا رجعت لها الدوخة ما قدرت تمسك نفسها اغمى عليها
نهى كنت واقفه عند الباب سمعت صوت ارتطم قوي فتحت الحمام : يمه نور قومي طلعت من الحمام تراكض تنادي الخادمة شافتها ترتب المطبخ تعالي سيتي شوي
سيتي :نعم ماما اش يبغى
نهى بضجر مسكت يدها :اتركي اللي في يدك وتعالي فاضيه اشرح لك انا دخلت معها الغرفة اتجهت لحمام تعالي نساعد نور
سيتي بخوف :هذا ماما نور هو ايش فيه
نهى بنرفزة: خلصي علي بلا هذرة زياده ساعدني اشيلها قبل لا تجي أمي
سيتي ساعدت نور ع الوقوف وساندتها ع كتفها بمساعدة نهى حطوها ع السرير
نهى :خلاص مشكوره سيتي روحي شوفي شغلك انا بشوفها
بعد ما طلعت سيتي اتجهت الحمام انتم بكرامة تدور ع الجهاز شافته اخذت من ع الارض شافته خطين ابتسمت لهبله حامل و ما تدري طلعت من الحمام انتم بكرامة مشت بخطوات واسعه متجه لسرير حطت الجهاز ع طاوله اخذت عطر وحطت ع يدها وحركت عند خشم نور يلا نور قومي
نور حطت يدها ع راسها :اه ي راسي وش صار لي
نهى ابتسمت لها : ما فيك إلا العافية ي حلوه هذا ولدك متعبك حبتين
نور تحاول تركز في كلامها :وش تقولين انتِ ما فهمت منك شيء
نهى حضنتها :مبروك حبيبتي أنتِ حامل لازم بعد تروحين المستشفى عشان تتأكدين اكثر.
نور اي صح تذكرت هي سوت تحليل وأغمى عليها : انتِ متأكدة أني حامل
نهى ترفع الجهاز في وجها :شوفي خطين مبروك ي عمري.
نور بكت يعني هي حامل راح تصير ام لـ العيال عبد الرحمن دموعها انزلوا اكثر سحبت هواء لصدرها :نهى جدا أنا حامل.
نهى مسحت دموعها :اي جدا ليه تبكين ي بنت قول الحمد لله تراك ما طولتي حيل واخذتي سنوات كله سنه كم الشهر وانتِ الحين حامل
نور :الحمد لله اكيد جدتي راح تستأنس بالحيل
نهى :اكيد المهم حبيبتي روحي المستشفى اليوم اذا فاضيه ايه بعدين مره الثانية لا تصبغين شعرك ألا لما تتأكدين انك مو حامل هبله انتِ
نور: طيب يتيمون راح اسمع كلامك قامت بس رجعت اجلست ابغى شي يخفف علي هـ الدوخة تعبت منها
نهى :دقيقه بسوي لك عصير برتقال او الليمون اتجهت المطبخ سوت لها عصير بارد ورجعت يلا اشربي كله راح تتحسن حالتك
نور شربت العصير مع انها ما تحبه حطت الكاس ع طاولة سحبت هواء لصدرها اكثر من مره ليش ما اروح اشوف عبد الرحمن لازم اكلمه مو ع كيفي يتهمني بشي ما قلت له
نهى :الحين احسن
نور قامت من ع السرير :اي الحمد لله يلا مشكوره نهى ع كل شيء
نهى تناظرها بطنازه :قد هـ الكلام انتِ ما فيه شكرا بين الاخوات ؛المهم لا تنسني روحي المستشفى اي اكشخي لزوجك غمزت لها الون يجنن عليك تصدقين أحلى عليك من لون الاسود
نور ابتسمت لها :قصي علي بهـ الكلام اي ان شاء الله بروح المستشفى بس مو اليوم
نهى :والله جدا أبرز جمالك ي هبله صح أنتِ عاديه واقل من عاديه بعد تغيظها تحرك حواجبها
نور بحده :اقول ي تيمون تعالي اوريك شغلك؛ ترى انا احلى منك
نهى ضحكت عليها :نمزح معك ما فيه احلى منك ارتحتي للحين
نور :ايه وغصبن عنك اصلا تقولين عني حلوه البست عبايتها يلا باي وراي اشغال باست خدها سلام طلعت من غرفتها شافت عمتها يلا مع سلامه ي عمه ان شاء الله اشوفكم ع خير طلعت من بيت عمتها تمشي وصلت البيت دخلت
حطت يدها ع بطنها مستانسه الا بتطير من الفرح اي اكيد عبد الرحمن بـ يفرح كان متشفق يكون اب واحلى اب بعد بس لازم اروح اشوفه مو ع كيفه يبعدني عنه بعد ما احبيته اي انا حبيته
.
.
.
طلع من الجامعة خلص محاضراته مبكر متجه لسيارته فتح الباب السيارة راكب سكر الباب حط يده في جيبه وطلع جواله انتبه لرسائل كثير من استاذ فاهد اوف وش اللي صاير دق عليه؛ رد عليه الاستاذ :هلا بدكتور صيت
صيت ماسك الدركسون وريح ظهره ع الكرسي: هلا فيك زود أمرني استاذ الوليد فيه شي
الوليد :ما يأمر عليك عدو والله ولدك فاهد مستوى نازل بالحيل الي الدرجة انه ينام في الفصل مو مهتم الدراسة وسالته ليه تسوي كذا ي فاهد انت شاطر؛ رد علي قال ما احب المدرسة أنا؛ ايه بعد اخذ له اسبوع كامل غياب عن المدرسة
صيت بضيق من ولده :طيب طيب مشكور ما قصرت الله يعطيك العافية تضايق اكثر لما عارف انه ما يدوم
الوليد :ولو هذا واحبي تكفى انتبه ع فاهد لا يضيع من يدك سلام عليكم
صيت حط الجوال بدون اهتمام المكان مخصص له مسح ع وجه متضايق من تصرفات فاهد وش سواه معه خليني احرك الحين روح بيت اهلي واشوفه حرك سيارته مبتعد عن الجامعة
وصل البيت اهله هو ما صار يجي هنا اكثير عشان فاهد يجلس مع جدته ويتغدى لانه اذا شافه يجلس في غرفته ولا يطلع دخل البيت شاف هزاع بـ يطلع :هلا والله كيف حالك بشرتي عنك
هزاع ابتسم :نحمد لله وبشرك حالي يسرك ولا بعد اسمع هـ البشارة بصير ابو
صيت ابتسم له وقرب منه وحضنه :ع البركة الله يتمم عليكم ان شاء الله ع خير من يصدق هزاع القزم يصير ابو
هزاع يناظره بطرف عين: اقول بس منقهر من طولي اكيد احلى ابو بعد يلا روح لولدك اسمع الله الله فيه لا تضغط. عليه ولا تقهر اكثر من تسذا سامع
صيت ضحك : هههههههههههه واضح مين اللي منقهر ههههه ؛ان شاء الله ابشر سلم ع زوجتك وبارك لها اللهم يتم لكم ع خير
هزاع :ان شاء الله يوصل؛ أمين طلع من البيت وصيت دخل داخل ينادي ع امه ام رعد وينتس فيه انا جيت
ام رعد جالسه تتقهوى وفاهد منسدح ع رجولها :هنا وانا امتس
صيت دخل الصالة قرب من امه وباس راسها ويدها :وش لونتس ي الغالية
ام رعد :أنا بخير ادمكم بخير بشرني عن العيال ونجلا عساهن طيبين وشلونك معها عسى ما تضايقها وانا امتس
صيت ابتسم لها :الحمد لله كلنا طيبين ما نشكي باس ليه نايم عندتس هنا
ام رعد تناظر فاهد بحزن :الله يكون بالعون الاسبوع اللي طاف كله ما غير يحلم بكوابيس ويجلس من النوم مفزوع ما يرتاح الا اذا نام في حضني
صيت تضايق ع ولده :عشان تسذا ما دوام الأسبوع اللي راح
ام رعد :اي مدري وش اللي بلاه الله يعين بس أنت وش فيك احسك تعبان وانا امتس
صيت تنهد :ابد ما غير ولدي فاهد متعبني معه المدرسة يشتكون منه ويقول استاذ اللي يدرسه صاير كسلان
ام رعد تضايقت :وش بلاه ولدك يبغي يعيد السنه مره الثانية هو تسان شاطر من الأوائل بعد وش راح تسوي معه..
صيت ابتسم شاف ولده جالس بس يسوي حاله نايم :ابد الحين يروح معي البيت غصب عنه
فاهد قام زي المقروص يبغى ينحاش بس ابوه سد الطريق عليه تكلم بحقد :ما راح اروح معك ما بغى افهم انا مو ولدك
صيت بهدوء ولا كأنه يسمع له :بـ تروح معي وانت تضحك بعد ابوك غصبن عنك
فاهد تحرك من مكانه وهو مقهور :وش راح تسوي
صيت يناظره تضايق عليه لانه مقهور بس هو اجبره :سوني و الجوال ما فيه
فاهد بكى :انا اكرهك ليتني مت مع امي ولا اروح معك عند اللي ما تتسمى
صيت اوجعه كلامه بعصبيه :ولد لا عاد تدعي ع نفسك يلا امشي معي الحين ولا عادي عندك اخذ سوني وجوالك
فاهد هو ما يبغي يروح معه بس كل شيء ولا ياخذ سوني ولا جواله
صيت قرب من امه وباس راسها : يلا يمه مع سلامة تحرك طلع من البيت ومتأكد انه فاهد وراءه اتجه السيارة ركب فاهد فتح الباب اللي وراء وركب
صيت معليه اهم شي جاء معي : حيا الله فاهد كيف حالك وانا ابوك اشتقت لك
فاهد ساكت ولا كلمه يناظر الشارع وما يبغى يكلم ابوه يبكي بصمت ابوه اقهره بالحيل والله لا اوريها هل اسمها نجلا عشان تعرف مين فاهد
صيت سكت لما شافه ما عطه وجه راح اتعب معه بالحيل بس اهم شيء يكون قدام عيوني

.
.
.
لازم اروح لـ جدي واشكره ع الهديه كان بيروح الشركة شاف الساعة الحين 2:22 غير طريقة اتجه البيت جده وصل ونزل من السيارة فصخ نظارته الشمسية وحطها في جيبه العلوي دخل شاف سواق يغسل السيارة :وين جدي
رفع راسه لـ نيشان ابتسم :كيف حال انت بابا كويس
نيشان ابتسم له: تمام انت كويس جدي وينه فيه
هز راسه :انا الحمد لله كويس 100/100 بابا دخل هو مجلس
نيشان :طيب شكرا دخل يمشي بخطوات واسعه الهواء يحرك ثوبه مطلع صوت فصخ نعلته انتم بكرامة دخل المجلس شاف جده ومعه امه تنرفز وش جابها هنا هذي السلام عليكم ورحمة الله وش علومك ي جدي
سلمان يحط ع القناة القرآن التفت لـ نيشان: وعليكم السلام يسرك حالي انت وينك لك يومين مختفي ما عاد تزوني
نيشان قرب من جده وباس راسه و رجوله :اسف والله كنت مشغول بالحيل ابتسم له وجلس جنب مشكور يبه ع الهديه اللي جبته لي ما بغيت تشتريه لي
سلمان استغرب :وش جالس تهذر فيه انت
ام حازم ابتسمت يعني اعجبته الهديه الحمد لله
نيشان يغمز له : يعجبني لي يسوي حاله ما يدري عن شيء
يعدل المخدة اللي جنبه يبغي ياخذ غفوة ع اقل نص الساعة: قول اللي عندك ولا طس عن وجهي لا بعد جاي لي في هـ الوقت وانت تدرين اني اخذ قيلولة
نيشان رفع حاجبه اليمن وش سالفه :يبه ع الخيل اللي موجود في المزرعة
سلمان :اي خيل والله اني مو فاهم شي من اللي جالس تقول لي
ام حازم تصب لها قهوة تشرب رشفه تناظر نيشان وهو جالس مقابل ابوها: تستاهل اكثر من كذا
سلمان التفت لها :وش سالفة هـ الخيل
أم حازم :ابد يبه كل ما في الموضوع أني شريت ل نيار الفرس اللي يبغاها
نيشان نصدم ما توقع انه امه تفكر تشتري له شيء يبغاه
ام حازم قامت قرب من نيشان مسحت ع راسه وباست راسه زفرت براحة مسكت وجه خلته يناظرها :تعبت من كثر ما افكر وش اللي يرضيك ويخليك تسامحني إلي ان تذكرت أنك تحب الخيل من وانت صغير وعرفت اي فرس تبغاها وصيت مدير أعمالي يجيبه وقلت له يحطه لك في المزرعة ابوي حبيت اسوي لك مفاجأة ابتسمت له بس انت خربت لـ مفاجأة
نيشان للحين مصدوم من تصرفات امه يناظرها ويناظر يدها اللي حاطته ع وجهه يناظر جده يبغاه يساعده
سلمان فهم عليه رفع العقال ورماه قدامه :طلبتك تسامحها يكفي اللي صار بينكم مسح ع للحيته
نيشان ما يقدر يرد جده لو يطلب روحه فداء له راح يعطيه اياها
نيشان مسك يد امه باس يدها جلس يبكي ام حازم اخذته في حضنها :سامحني يمه وحضنته بالحيل جلست تبكي معه
كيف قدرت تقس عليه وهو ماله اي ذنب كان اختبار من ربها لي واللي صار معي مكتوب اني ما اجيب عيال غير حازم ونيار
سلمان بكى معهم الحمد لله اللي تصافت القلوب الله يهديهم
.
.
.
يتقلب بالفراش انزعج من رنين الجوال قام وهو شعره واقف كشه
الجوهرة طلعت من الحمام شافت شكل سعد ماتت ضحك: قوم غسل وجهك ورتب شعرك شوف شكله هو واقف يضحك ماتت ضحك مو قادره تمسك نفسها
سعد قام ورمى البطانية ابتسم ع شكلها وهي من قلب تضحك قرب منها وباس راسها همس في اذنها: مساء الخير ي حلوه و زدتِ حلاوة وانتِ تضحكين
الجوهرة توترت منه من كلامه تناظر اي شي إلا هو :روحي غسل يلا
سعد ابتسم يدري أنه يربكها بتصرفاته معها : طيب ي حلوه بس اغسل ورجع لك غمز لها دخل الحمام
الجوهرة سحبت هواء لصدرها تدري انه بايع كلام ابتسمت مع كذا يخليها توترت هي تحبه بس ما تبي يعرف بهـ الشيء يمكن بسبب افعاله معها؛ سمعت انه سكر المويه اكيد بـ يطلع الحين خليني أكون ع طبيعتي اتجهت المطبخ امس انتقلوا من الفندق الي شقة سوت له كوفي طلعت جلست في الصالة ودها تقنعه يرجعون سعوديه مالت من جلوس هنا يمكن الحين صار لهم الشهر :اوف اشتقت لهم بالحيل
سعد طلع من الغرفة يدورها شافها في الصالة جالسه وبيدها كوفي سحب منها :وش هلـ الانانية هذي حتي انا ابي كوفي يلا قومي سوي لك الثاني انا باخذ هذا
الجوهرة ارتاعت حطت يدها ع صدرها :بسم روعتني اخذه عليك بالعافية
سعد يناظرها بطرف عين بغيره :مين تفكرين فيه ي حلوه انا صح
الجوهرة اعتدلت في جلستها جلست اقباله بصدق :لا والله كنت افكر في سعوديه والاهل اشتقت لهم تكفى سعد خليني نرجع
سعد يشرب رشفه من الكوفي :لا ما فيه ولا تحاولين يلا قومي خلينا نتمشى الجو هنا زين
الجوهرة صدت عنه ي اخي ليه ما يفهم تبغى تولد وتكون خالتها جنبها هي من الحين خايفة من الولادة
سعد مسك وجها لف له : حبيبتي افهميني ما بغى أحد يكون معنا وانا ابغى سوي لك الشهر عسل اللي ضيعته بسب تصرفاتي
الجوهرة تعبت نفسيتها وهي بعيده عنهم دموعها تجمعوا في عيونها :انت الحين خلنا ننزل سعوديه بعد ما اولد سفرني ع كيفك بعد نخلي ولدي او بنتي عند خالتي وحنا نسافر بـ لحالنا
سعد يهز راسه :لا ما فيه حتى بعد ما تولدين حبيبتي بنتي ما راح اخليها بروحها واذا فيك ولد بخليه عند أمي
الجوهرة يارب منه ما يجيب راسه شيء مو حاس فيها هي تبي تولد هناك ؛انا اوريك تقهره :مستحيل اخلي ولدي عند أحد اصلا ما راح يفرقني ابد
سعد ناظرها بقهر :يصير خير؛ تعرفيني أنا أمشي كلامي عليك وانا الرجال لازم تمشي كلمتي
الجوهرة تضحك: ايه صح الرجال تقهره إلا بزر
سعد يناظرها ويقهرها :بزر ولا عجوز
الجوهرة ابتسمت :عادي ع اقل عقلي اكبر منك
سعد بسخريه :اوضح أنه عقلك كبير الي الدرجة انك ما عيرتيني
صد عنها زعل منها كل شوي تشوفني بزر عندها انا الرجال مو بزر قام من الصالة دخل الغرفة النوم تنهد بضيق شاف جواله يرن خليني اشوف مين هـ المزعج اللي ازعجني ما خلاني انام
الجوهرة ناظرته وهو يدخل الغرفة :ويه زعل مني جد والله كنت امزح الله يعني الاخ صاير حساس
.
.
.
نزلت من السيارة وهي شايلها الصندوق القطط: يلا مع سلامة حبيبتي رائف مشكوره ي عمري تعبتي معي اليوم من الدوام الى السوق
رائف :اقول طسي بس وسكري الباب وراك أنتِ ما تعرفين تتكلمين
أمل ضحكت : طيب اسفين يلا سلام سكرت الباب ودخلت بعد ما ودعت خويتها وهي فرحانه بالقطط اللي شرتهم اكيد رياني بـ يستأنس فيهم دخلتهم داخل ريان ماما وينك تعال شف وش جبت لك
ريان كان جالس في المطبخ يأكل اندومي :ماما انا في المطبخ أكل
أمل اتجها المطبخ وهي شايلها الصندوق ابتسمت له :بالعافية عليك ي قلبي قربت منه باست راسه تدري وش فيه الصندوق
ريان يناطرها :لا وش اللي فيه شي احب انا
أمل حطت الصندوق ع الارض جلست جنب ولدها :والله انا مدري كان تحبه هـ الشيء ولالا بس ان شاء الله يعجبك يلا خلص اكل وتعال لي الصالة زين قامت وشالت الصندوق معها اتجهت الصالة شافت ام اياد جالسه حوالينها عيالها ابتسمت لهم قربت من ام اياد باست راسها شلونك يمه
ام اياد :هلا يمه الحمد لله انتِ بشريني عنك كيف دوامك
أمل جلست حطت الصندوق عند رجولها :كل شي تمام الحين ودي بس اخذ شاور وأجلس شوي مع العيال
ام اياد :الله يسعدك ويوفق ي بنت
أمل تنهد :امين اجمعين
ريان دخل الصالة وهو يركض : ماما يلا خليني اشوف وش في الصندوق انا متحمس بالحيل
ام اياد :شوي شوي ي ولد وش اللي في الصندوق
أمل ابتسمت له :فديت المتحمس انا؛ يلا تعال انت افتحه وطلع اللي فيه راح تعرف
ريان قرب من الصندوق جلس ع الارض فتح الصندوق توه بـ يدخل يده الا تطلع القطوه صغار الوانهم بيض ورمادي وبني :ماما يجنون لي صح راح اسميهم
امل ابتسمت ع فرحته :ايه لك يعمري وانت بعد اختار اسم لهم
ام اياد :يزينهم حلوين يلا يمه دامك جيتي بودي عيالك الغرفة ناموا بـ اخلي الباب مفتوح عشان تسمعين اذا احد فيهم صحى انا بروح انام ما نمت زين اليوم
امل ابتسمت لها :الله يعطيك العافية يمه ما قصرتي
ام اياد :ما سويت الا واجب هم عيال الغالين دخلت داخل غرفة النوم امل وزياد وهي شايلها ايلان واياد ورجعت شالت الباقي
ريان يمسح ع ظهر القطوة ويناظر في عيونهم :عيونهم تجنن
امل قامت: يلا رياني العب معهم بروح اخذ شاور واي بعد العصر اذا تبي نروح السوق نشتري لهن بيت واكل
ريان مستأنس فيهم :زين قام وحضن أمه ماما انا أحبك بالحيل و رجع يلعب مع القطط
أمل ابتسمت له اخ ي رياني ليتك تشبه ابوك اخذت ملامح عمك زياد ؛دخلت الغرفة النوم عشان تاخذ شاور وتريح تعبانه حدها بس لعيون ريان رحت السوق اليوم
دخل زياد البيت وهو يضغط ع رجله لالا خلاص ما عاد فيني اصبر اكثر من كذا رجولي تألمني بروح المستشفى قريب دخل الصالة وشاف رياني يلعب مع القطوه : ليش تدخل هـ القطوه هنا وصخين
رياني يمسح ع شعر اللي لونها ابيض :لا بابا مو انا جبتهم ماما جبتهم لي
زياد يجلس ع الكنبة اليوم ضغط ع نفس بالحيل :جدا يعني انت فرحان فيهم
رياني يناظر ابوه وهو مبتسم :ايه ليه كيوت بفرح لانه ماما جابتهم لي
زياد منقرف منهم :وش كيوت انت الثاني وع قرف قوم شيلهم من قدامي
امل اخذت شاور نشفت شعرها بالمنشفة البست بجامه ثقيلة مع كذا تحس بالبرد دخلت الفراش تفكر هل هي اللي جالسه تسويه صح بس انا ما قدر اتحكم في قلبي هو عاشق لـ إياد واكيد الكل بقول عني خاينة زياد يدري وعارف أني مستحيل أحب غير اياد بس بعد حس أني ظالمه لزياد لازم يفكر في نفسه خلاص امول رياحي راسك التفت ل اياد اللي جالس يلعب ي عمري عليه قربت منه واخذته من السرير وش هـ النومة هذي حضنته بحب




.
.
.
يتمشى بالسيارة طفشان من الشغل اوف اليوم برد غير طبيعي لازم اشرب شيء دافي اتجه القهوة طريق طلب له
موكا حار و دونات ؛ ينتظر على ما يخلص طلبه ؛يفكر في الحان تعب معها وهي رافضه احدد العرس مبكر انا صدق غبي ليه جالس انتظر قرارها اقول بس بكلمها وان شاء الله تقتنع انتبه ع اللي ينادي فتح النافذة واخذ طلبه ودفع له و حطه في المكان المخصص له في السيارة وحرك مبتعد شرب رشفه من قهوة يبغى يدفي جسمه اخذ جوال فتحه و دخل الواتس بحث ع رقمها
"هلا الحاني كيفك اليوم خلاص صبرت بما فيه كافيه و ابغى زواجنا يكون قريب وانا اقول هـ الاسبوع"
الحان جالسه تعلن المطعم توه فاتح :هاييييات ي حلويييين شوفواااا هالمطععععم ووووالله هذا اناااا حلففففت لكمممم ييييجننن ممممن الاخرررر واذاااا ما ععععجبكم ايييي ششششيء ممممن الاككككل تققققدرون تقومووون وتقوووولون لهم ما عجججبنا ويرجعوووون لكمممم فلوسككككم شوفواااا أككككلهم ممممن الاخرررر جناااان
الحان خلصت شغلها انتبهت الواتس اوف هذا وقته ما راح ارد عليه التفتت لصاحبه المطعم : اهااا عسسسسى اعجبكككك اعلانييي
الصاحبة المطعم ابتسمت لها :شغلك يجننن بس اعلان واحد شوفي وش سويتي زبائن بدوا يجون عليه مشكوره وهذا فلوسك تفضلي زي ما تفقنا 50 الف
الحان اخذت منها المبلغ: ولو حاضرييين للطيبيييين بتوفيققق لمطعكككم والخييير جايكككك وما ررراح تحتاجييين لييي بععععد يلا سسسسلام طلعت من المطعم وركبت السيارة وحركت اوف لو يدري هايف راح يعصب كيفه انا ما راح اترك السواقة عشانه وصلت البيت ونزلت شافت خواتها :اوووو وشششش عندككككم اليييوم مجتمعييين عندناااا
بروق ابتسمت :ابدا اشتقت لكم وجيت عندكم ولا بعد في خبر حلو
الحان وهي تمشي بخطوات سريعة وتكلم اختها وهي ما عطيتها ظهرها :برووووح ااااخذ شششاور سسسريع وجايييي ريحتيييي كككلها اككككل اتجهت الغرفة بدون لا تسمع وش قالوا لها دخلت الحمام اخذت شاور طلعت البست ملابس ثقيلة استشورت شعرها وخلته مفتوح واخذت الجوال اللي رمت ع السرير اوف رسائل كثير منه وش يبغي هذا دخلت الواتس وهي تنزل "أهلين تمام" بسخريه اللي يقول اخذ لي سنه من ملكت
هايف بنرفزة "ليش ما رديتي علي من اول ما رسلت شفته صحين"
الحان "كنت مشغوله المهم الحين وش تبغى مني"
هايف "الحان لا تجننين شوفي وش اكتبت في بداية المحادثة"
الحان "انتظر وش وراك انت ولا شي انا بنفسي اجي اقول لك متى نتزوج"
هايف بعصبيه "مين الرجال انا ولا انتِ بكون عندك بعد نص الساعة انتظريني "
الحان تتأفف" اخواتي عندنا اليوم تعال وقت الثاني "
هايف" لا والله حجه هذي ما شاء الله ترى كنتِ عايشه معهم 26 سنه جات ع هـ الدقائق ما تبتعدين عنهم بجي يليت تطلعين لي "
الحان متضايقة منه من تصرفاته شكله يبغى يتحكم فيني ما عاش مين يتحكم في الحان اتجهت الصالة :ماماااا رررراح يجييي هايييف
رسل تناظرها: وش فيك تقولينه بدون نفس
ام رسل توها تنتبه ع بنتها :صح كلام اختك وش فيك عليه سوى لك شيء ضايقك
الحان بردت فعل سريعة :لالالالا مافيييه شييييء بس اناااا متضايقققه من شششغل
بروق :واسعي صدرك والله ايام الملكة احلى فتره صدقيني راح تضحكين ع نفسك
الحان :ان ششششاء الله شششكلي مررررتب ؛ شسسسمه بروووق وش الخبرررر الليييي كنتييي بتقووولين ليييي
بروق بفرحه :راح تصير خاله المره الثانية اي شكلك مرتب كيوت تجننين راح طيرين عقل هايف
الحان لبسها بلوزه صوف وبنطلون اسود وشعرها مفتوح وجها خالي من اي مكياج
رسل تقهرها :أنتِ قديمة انا اللي خليتكم خالات لعيالي
ام رسل ابتسمت :اقول رسل لا تحطمين فرحت اختك.
الحان قربت من بروق وحضنتها :مبروكككك حبيبتيييي هههههههههه تخيييل شكلككك وانتِ اااام انتبهت جوالها يرن ردت عليه بسرعه ططططيب طلعت تفتح له
هايف نزل من السيارة اتجه الباب توه بـ يطق الا نفتح دخل شافها ابتسم لها قرب منها باس خدها اليمين :كيفك حبي
الحان :طططيبه أااانت كيييفك
هايف مسكها من يدها ودخل معها المجلس :أنا تعبان من دونك تكفين ارحميني ي بنت الناس
الحان تحاول تفك يدها منه :ممككككن تتركككك يدييي
هايف مسكها بأحكام وجلس وخلاها تجلس جنبه :لا يلا الحين قولي لي ليش ما تبين عرسنا يكون هـ الاسبوع
الحان :ما بغى
هايف ترك يدها بحده: ليه وش سبب انتِ سامعه عني شيء موزين يصرخ تكلمي ترى انا حليم معك للحين
الحان خافت منه تكلمت وهي ترجف :أااانت تدريييي أني مطلقققه بسسس ماتدريييي ليييه لانهههه هوووو مثلككك يقول ككككلام بس وقت الجددد تغييير كلامككك قال ليييي أاانا راضيييي فيييك بكككل عيييوبك تخيييل بس باقييي كم يوووووم ع الزوااااج طلقنيييي قال ليييي روحيييي الله يسعدكككك مع غيييري قال ما يقدررر يكككمل معيييي بسبب صصصعوبة نطططق عنديييي
هايف يناظرها بقهر :والله ما عندك سالفه انا تقارنيني مع طليقك تافه
الحان تناظر فيه وهو معصب جلست تستغفر ربها من الخوف
هايف يكمل كلامه بغرو :حبيبتي انا هايف ولد فيصل تعرفين مين هايف ما تشبهني بواحد تبن مثل طلقيك ولا تحطين مقارنه مع أي احد انا هايف ع سن ورمح ي ماما بعصبيه بكرا الساعة 12 تردين علي تقولين لي موافقه ع العرس ولا انا بحدد ولا علي منك طلع من المجلس وهو معصب انا تقارني بهـ الزفت هزلت والله انا هايف ما جبت امه اللي يشبهني
الحان بعد ما طلع جلست تبكي هذا اولها يعصب مني المفروض يفهمني مو يعصب هـ التبن مغرو ما دري وش شايف نفسه عليه
.
.
.
لازم اروح المستشفى اول بعد اروح له دخلت غرفة اخوها اخذت مفتاح السيارة طلعت من غرفة اخوها وهي تفكر في كلام نهى خوفتني لما قالت يمكن يصير لجنين أي ضرر بسب الصبغة لالا يارب تحركت طالعه من البيت سكرت الباب اتجهت لسيارة ركبت وحركت مبتعدة عن بيتهم صدق غبيه ليه ما لاحظت أنها ما تشتهي الاكل بسبب الحمل
بعد مشاكلي مع عبد الرحمن ما تخلص اكيد ما راح انتبه ع نفسي معليه ان شاء الله ما فيني الا الكل خير وصلت انزلت اتجهت الاستقبال :لو سمحتي ابغى شوف دكتوره.
الموظفة : اعطيني بياناتك
نور اعطتها البيانات حقتها طلبت منها تنتظر دورها عشان تدخل؛ دخلت غرفة الانتظار ياربي اكثر شيء اكره وهو الانتظار الحمد لله بعد ما فيه زحمه جلست مرت نص الساعة وجاء دورها ادخلت عن دكتوره :السلام عليكم
دكتوره :هلا اخت نور وش اللي بـ يوجعك
نور : انا ابغى سوي تحليل الحمل
دكتوره :طيب نادت ع الممرضة شوفي اخذي منها دم لتحليل الحمل
ممرضه :طيب
نور قامت معها وأخذت منها الدم الدوخة ارجعت لها الممرضة اعطتها عصير نور رجعت الدكتورة
الدكتورة :انتظري في غرفة الانتظار بس تطلع نتيجة التحليل وراح نادي عليك
نور طلعت برا جلست في الغرفة الانتظار؛ تنتظر النتيجة اوف اصلا ما فيه زحمه يطولون السالفة الله يعين بس بعد ربع الساعة جات الممرضة تنادي عليها قامت معها اتجهت الغرفة الدكتورة
الدكتورة ابتسمت لها :مبروك مدام نور انتِ حامل وبثلاث اسابيع توك في الاسابيع للأولى انتبهي ع نفسك
نور بخوف تسالها :دكتوره انا اليوم صبغت شعري و جاتني الدوخة ممكن يتضرر الجنين
الدكتورة شافت الخوف بعيونها : عادي ما راح يصير لك شيء الا اذا الله كاتب لك يصير انتبهي ع صحتك وصحة الجنين راح اكتب لك فتأمينات ادويه لازم تأكلين هـ الأدوية قويه لازم تغذي كويس
نور : طيب ابغى شيء يخفف علي الغثيان الاكل ما قدر اكل إلا ع طول استفرغ كل اللي في بطني انتم بكرامة
دكتوره :طيب بكتب لك وصفه تخفف الاستفراغ عندك مدت الوصفة لها
نور اخذتها منها: الله يعطيك العافية
دكتوره :مبروك مره الثانية الله يتمم عليك والله يعافيك
نور طلعت من عندها اتجهت الصيدلية اخذت ادويتها طلعت متجه السيارة ركبت رمت الكيس الأدوية السيت اللي وراء لازم تشوف عبد الرحمن اليوم هي مشتاقه له صاير عنيد مره ابتسمت بسخريه الحين يوم حبيته تركني ؛ليه ما يصبر علي اكثر وين كلامه لي ما راح يتركني كله كلام بس انا ما راح اتركه مو علي كيفه طلعت جوالها من شنطة وهي تناظر طريق بعد إشارة المرور دقت ع عهود حطت سماعات للاسلكية ركزت ناظرها ع طريق ردت عليها :هلا
نور حركت بعد الإشارة خضراء :هلا فيك زود ما عليك امر ممكن اطلب منك خدمه
عهود ابتسمت لها كأنها تشوفها :أمري ي قلبي
نور زفرت بضيقة : شوفي عبد الرحمن زعلان مني ع شيء انا ما سويت قلت لها السالفة كامله
عهود ضحكت : اوف دحيم حساس الاخ صح المفروض ما يتدخل بينك بين امك طيب اسمعي انا اليوم عازمه اهلي عندي ودحيم رفض يجي معنا روحي البيت بعد الصلاة راح يكون البيت فاضيه انا برسل لك عشان تروحين طيب
نور ارتاحت ابتسمت : مشكوره ي قلبي ايه راح انتظر رسالتك لي يلا سلام سكرت منها وصلت البيت اخذت اغراضها ونزلت من السيارة وهي مبسوطة بالحيل تحس الارض مو شايلتها من الفرحة راح اصير ام الحمد لله دعوات امي ما استجابت لانه خافت تستجاب دعوتها انا ما ظلمتها هي اللي ظلمتني معها المهم ما علينا الحين خلينا اروح اكشخ بعدها بروح عبد الرحمن

.
.
.
جالس في الشارع عند الباب البيت طفشان ما يبغى يجلس معهم هو ما جاء مع ابوه الا عشان سوني والجوال ولا ما فكر حتى يكون معهم اصلا حط يده في جيب برد ناظر السماء شكلها بـ تمطر جلس يلعب بـ الجوال انتبه ع صوت السيارة رفع راسه ليه وقف عند باب بيتنا ؛نزل منه الرجال معه طفل مين هذا وش يبغى جاي هنا
سعود وهو يلعب مع تيم ابتسم له باس خده :راح اشتاق لك ي حلو قرب من فاهد هلا ي بطل
فاهد قام من مكانه يناظر فيه ما يعرفه :هلا امرني ي اخوي مين أنت
سعود ابتسم له ما شاء الله تصرفاته كانه الرجال :هلا فيك زود أنا سعود اسمع أنت بطل صح
فاهد ابتسم :اكيد ما يبغى لها كلام امرني بس؛ تعرف لعبة ببجي قتلتهم كلهم ما بقى الا واحد شوف يرفع له الجوال
سعود ناظر جواله :طيب اسمع اخذ هـ الوالد وشنطة بعد انا مستعجل بالحيل تعرف تشيله ولا ما تعرف
فاهد شاله :الا اعرف مستأنس انه قال له بطل لحظه مين انت ومين هـ الولد
سعود :انا اخو نجلا وهذا تيم
فاهد بحقد لما عرف انه ولد نجلا انا اوريكم بعد ما راح سعود دخل داخل وهو شايله شاف نجلا جالسه في الصالة اتجه لها ورمى ولدها في حضنها تيم ارتاع جلس يبكي
نجلا انصدمت شفي هذا أنجن انتبهت ولدها اللي صار وجه ازرق نجلا دموعها نزلت حضنته ولدها تهزه ما فيه فايدة اذا مات هي سبب اركضت وهي شايلته حطت ولدها ع السرير يبكي وجه مخطوف اخذت عبايتها والبست العباية بسرعه شالت تيم دق ع السواق وطلبت منه يشغل السيارة طلعت تحت نظرات فاهد بحقد تكلم بصوت عالي :جعله يموت
نجلا ما اهتمت لكلامه طلعت بسرعه من البيت ركبت :بسرعه حركة ع مستشفى جالسه تناظر في ولدها وهو يبكي تبكي معه وصلت المستشفى دخلت الطوارئ
دخلت عند دكتور علاج ولدها :تطمني هو بخير الحين بس لو تأخرتِ ثانيه كان مات عطيته علاج الحين وراح يرتاح؛ اختي شكله طايح منك انتبهي له مرة الثانية
نجلا :ايه بالخطأ الحمد الله قامت أخذت ولدها وحضنته
دكتور :انتبهي له واخذي هذي الوصفة الله يحفظه لك
نجلا اخذت الوصفة وطلعت من الغرفة دكتور لو مات ولدي يمه والله اموت وراءه خلاص ما راح اخلي فاهد يلمسه او ياخذه والغبي سعود يوم جاء نزل واعطني اياه دقت ع اخوها وهي معصبه رد عليه سعود :مره الثانية اذا جبت تيم دخله أنت داخل ولا تعطي بزر بغي يموت وسبب اهمالك قالت كلامها وسكرت في وجه
ركبت السيارة وقالت سايق يحرك جلست تناظر ولدها :يمه فديتك فديت عيونك الله يحفظك حضنته بحنان تنهدت وش تسوي مع فاهد لازم ما تخلي ولدها معه راح يخلص عليه هو رماه علي بكل قسوة ما استبعد عليه يقتله
صيت دخل البيت ما شف عياله موجودين في الصالة اكيد في غرفهم دخل المطبخ يبحث عن نجلا وينها فيه يمكن في الغرفة ما حصلها وين راحت طلع من الغرفة اتجه الصالة الا ع دخول نجلا وهي حضنه تيم بأحكام: السلام عليكم
صيت : وعليكم السلام وين كنت فيه
نجلا ترد عليه وهي تحط تيم ع الكنب وتضبط المخدات جنبه: ابد رحت المستشفى اودي تيم تعب علي
صيت اتجه له خذه من الكنب وجلس وحطه في حضنه: ليه حطتيه ع الكنب خليه يلعب ع الارض
نجلا تناظر ولدها بحنان وخوف عليه : عادي بس عشان انه تعبان
فاهد كان وقف عند الباب الصالة يسمعها وش تقول لـ ابوه
نجلا :انتبه له ي صيت بروح أفصخ عبايتي وأجي
صيت مستغرب تصرفاتها وش بلاها الحرمة في شيء اكيد ما ردي بعرف السالفة خليني مع البطل :ها تيم ي بطل شفت البابا
تيم يمص اصبعه ويضحك لصيت يقول له :بابا بابا
صيت يؤخر صبعه عن فمه يضحك له :يزينك اكلك قول لي اكلك
تيم يضحك له خيال وخياله دخول الصالة فرحانين بـ تيم
خياله :متى جاء وين ماما نجلا
خيال :مدري ما شفتها
فاهد اتجه لـ نجلا بعد ما شافها بـ لحالها :لا تسوين فيها حالتس طيبه تسان قلت لـ ابوي اني بغيت اذبح تيم
نجلا قربت منه مسكت من كتوفة وهو خايف منها وش بتسوي فيه
:انا فعلا ما حب اظلم احد او أني اخذ مكان احد ؛أمك راح تبقى محفوره في قلبك هنا اشرت ع قلبه ويمكن ابوك ما انساها بس الحياه تمشي ما نوقف ع احد ايه اسمع تهدده من أجل صغيرها تسوي أي شيء ولدي تيم لا عاد تقرب منه يمكن اسكت لك مره مرتين بعدها اتحمل اللي يجيك مني
فاهد وخرها عنه بقرف :أنتِ اللي اخذتي مكان امي وانا ما احبتس اتمني تموتين انتِ ولدتس اذا تبين ولدتس يكون بخير ابعديه عني تركها بعد ما قال كلامه صبري لسىّ ما شفتي شي مني اتجه الصالة شاف ابوه واخوانه يتكلمون يسالفون مع تيم وده يقوم يذبحه بيده
خياله :بابا خل تيم يقول اسمي
خيال يضحك عليها :صعب اسمك زين منه يقول ماما وبابا
صيت يناظر فاهد :حفظت الابيات
فاهد بدون لا يناظر ابوه هز راسه
صيت تعب معه من جابه من بيت جدته ما تكلم معه ولا كلمة حتى اخوانه ما يكلمهم الله يعين عليك ي فاهد
نجلا دخلت شافتهم يلعبون مع ولدها ابتسمت بس خايفة عليه من فاهد وش هـ الحقد في عيونك وانا وش اسوي عشان احمي ولدي اخليه عند امي لالا ما قدر اتحمل بعده عني دقيقة هايف صاير يخليه عنده بـ الاسابيع صارت اشتاق له هو يكون عنده ابوه صح بس بعد بـ يتعلم منه ما تبغى ولدها يصير نسخه عنه تناظره فيه شبه منه اخ ي تيم ليت ابوك مو هايف ليته صيت غمصت عيونها بضيق هي متضايقة بسبب انه ولدها يروح عند ابوه وهو حقه بس ما تبغى يبعد عنها الثانية وحده شلون بـ الاسابيع وزادت ضيقتها تصرفات فاهد ولدي بغى يروح مني اليوم قامت ما تبغى صيت يحس بشيء دموعها نزلوا ع تيم الحمد لله ما صار فيه شي
.
.
.
متضايق منها وزعلان بعد هي تشوفه بزر بتصرفاته بس لانه اصغر منها وده يقول لها لا عاد تقولين عني بزر انا الرجال غصب عن اللي ما يرضى جالس يفكر وهو حط يده ع خده الجوهرة اي نوع من الرجال تفضلين علي هي تزوجت لانه ابوي خطبها لي ما اعترضت ولا شيء كان طلبها اني اتركها في حالها ويعيش حياته هو ما اهتم لـ وجودها كان اهم شيء عنده يحصل ع المها بس الحين اهو يعاشقها حد ثماله يحس بالجنون مجرد تفكير انه ما هو الرجال اللي تحبه او تفضله عن الباقي الرجاجيل راسه يعوره من كثر ما هو مقهور منها تشوفه بعيونها بزر ولا شي عندها ما راح يسمح لها تقول له بزر مره الثانية راح تعرف مين سعد؛ قام من مكانه متجه لها
الجوهرة بعد ما دخل الغرفة ما طلع ويه لا يكون زعل صدق الله يعيني ع نفسيه الحين شافت جوالها يرن بـ اسم شامخ وش عنده توها بترد عليه الا سعد سحب الجوال منها وحط في جيبه لف وجها له جلس يناظرها بنظراته الحاده :انا وش بنسبه لك
الجوهرة غمضت عيونها خايفة من نظراته لها وش فيه هذا
سعد ماسك فكها بالقوة :الجوهرة جاوبي ع السؤال انا وش اعني لك
الجوهرة فتحت عينها تناظر اي شي بس ما تبغي يشوف الحب بعيونها راح يعرف وش هو بنسبه لها هي هبله حبته ؛
وهو اللي تفنن بتعذيبها لو غيري بمكاني داست عليه ومشت اخذت نفس :أنت زوجي ابو ولدي..
سعد بالقهر :لا تقولين ولدي قولي بنتي سحب هواء لصدره تنهد ليه ما تقولي لي انا حبيبك
الجوهرة ناظرته مستغربه وش جاه فجاه : سعد وش فيك متضايق مني طيب انا اسفة؛ تكفى بعد يدك عن فكي تراك تعورني
سعد بعد يده و قام حط يده ع شعره رجعه ع لورى ؛يحاول يمسك اعصابه :حبيبتي أنتِ لا تغيرين الموضوع انا اسالتك ليه ما تقولين لي حبيبي
الجوهرة غمضت عيونها تكلمت وهي خايفة منه يمكن يعصب عليها بعد كلامها : سعد لا تطلب مني شيء انا ما قدر اعطيك اياه بسهوله صعب الي تطلبه
سعد يناظرها بحب وتملك جلس قرب منها : فتحي عيونك وناظرني تدرين وش ابغى
الجوهرة فتحت عيونها ناظرته خافت من كلامه :لا وش تبغى
سعد اشر ع قلبها :قلبك راح يكون لي ما راح يكون لاحد غيري ايه حبي لا عاد تقولين لي بزر انا الرجال قد كلمتي انتبه لجوالها طلعه من جيبه شافه يرن باسم شيخ الشاب شامخ رفع حاجبة اليمين ما شاء الله شامخ شيخ الشباب اجل انا وش كاتبه اسمي بجوالك
الجوهرة تبغى تسحب الجوال منه ما تبغى يشوف رقمه بدون اسم
سعد رفع يده لفوق :لالا بشوف وش سجلتي اسمي؛ دام شامخ شيخ الشاب يناظرها وهي تحاول تاخذ الجوال منه ابتسم لها بخبث تبين جوالك تعالي اخذي راح يركض وهي تلحقه وهو يضحك عليها دخل الغرفة سكر الباب في وجها حبيبتي مرة الثانية لا تركضين انتِ حامل جلس يـ تعبث في جوالها يدور ع اسمه شاف كل واحد فيهم حط لهم القاب او دلع عنودي؛ ابوي ناظر عيني؛ امي جنة الدنيا ؛سيوف؛ عدول ما حصل اسمه وينه فيه وش مسميته تضايق يمكن مو حافظه رقمي لالا خليني اتأكد طلع جواله من جيبه دق ع جوالها رن برقمه بدون اسم انصدم وزعل اللي هـ الدرجة شطبتني من حياتها سكر جوالها يحس انه موجع بالحيل منها هي ما رجعت له عشانه يمكن عشان اللي في بطنها
مدري ليه رجعت لي دامها بـ تجرحني كذا زفر بضيقة فتح الباب طلع من الغرفة ناظرها بحزن قرب منها فتح يدها حط الجوال فيها سألها وهو موجع :ليه رجعتي لي دامك شطبتني من حياتك كانت بترد عليه قطعها اوششش ولا كلمه كل الكلام اللي تقولين لي كذب في كذب عطها ظهره وتحرك طلع من الشقة ما يبغى يجلس معها وهو عارف نفسه ما يقدر يتحكم بتصرفاته اخ الجوهرة متى بس تقول خلاص سامحتك

.
.
.
رجعت البيت اخذت لها شاور لانه ريحة المستشفى علقت في ملابسها لازم تكشخ له لازم يعرف انه تحبه هو اللي علمني ع الحب ليه هـ الوقت بذات قرار يتركني ما راح اسمح له يبعدني عن حياته ولا راح اسمح له بعد يتركني بعد ما علقني فيه استشورت شعرها خلت مفتوح تناظر شعرها طويل ابتسمت كان طوله عند كتوفي الحين وصل منتصف ظهري يجنن بالون البني اول مره اجربه احس بشعور غريب طاقه ايجابيه ضحكت حطت يدها ع بطنها صح بابا ههههههه
وربي فرحانه بالحيل كيف شعور عبد الرحمن عضت شفاتها اكيد بـ ينبسط قربت عند المرايا تزينت بالمكياج خفيف اخذت زجاجة عطر رشت ع فستانها مسحت ع رقبتها ابتسمت : تجننين ي نوري تهبلين ارسلت بوسه للمرايا يلا لازم اروح له الحين قلت لي عهود انهم عندها اخذت عبايتها لبستها واخذت مفتاح السيارة اصيل سكرت الانوار طلعت من الصالة وهي تددن اغنيه من الاغاني المفضلة عندها طلعت من الببت اركبت السيارة تحركت متجه البيت اهله وصلت
اخدت نفس نزلت سكرت السيارة قلت لها عهود انه خلت الباب شارع مفتوح لها فعلا دفعت الباب برجلها و انفتح معها دخلت سكرت الباب وراءها دخلت داخل البيت متجه الغرفة عبد الرحمن تحس انه بذلت مجهود كبير هي صح فرحانه بس بعد خايفة يقول لها ما عاد ابغاك حتى لو حامل لالا ابعدي الشيطان عنك ما راح اطلع من هنا إلا هو معي وراضي علي بعد بـ الاول اعدل شكلي ورتب حالي و اروح له اتجهت لغرفة وحده من غرف البنات بعد ما تأكدت انها خاليه و فصخت عبايتها ورتبت شكلها وطلعت بسرعه متجه لغرفة عبدالرحمن وقفت عند الباب غرفته توها بطق الباب الا عبدالرحمن فتحه
عبد الرحمن جالس ع السرير يقرأ دفتر التحضير عنده بكره خمس حصص اوف ما فيه راحه الله يعين بس لازم اصحصح اليوم ما نمت كويس دوامت وانا تعبان محتاج اخذ كفايتي من النوم ودي بالقهوة مو اي قهوة ودي بالقهوة اللي تسويها نور من شربت قهوتها ما عاد ابغى اي قهوة ثانيه من صدقك دحيم من وين نجيب لك قهوة نور تخيل بس اروح لها قول لها نور ي حلوه ابغى قهوتك جلس يضحك ع نفسه بصوت عالي والله أني انجنيت رسمي وسبب هي قام خليني اسوي لي ع اقل شاي فتح الباب انصدم بوجودها: هذي أنتِ ولا جنيتها
نور ابتسمت له :لا هذا انا ممكن تخليني ادخل
عبد الرحمن انصدم يعني هي واقفه قدامه حط يده ع خصره :ليش جيتي هنا
نور تناظره منصدمة من اسلوبه بس راح تحاول معه دموعها تجمعوا في عيونها : أنا مشتاقه لك أنا أحبك وربي أنا احبك كثير دموعها نزلوا و ساح الكحل تتكلم وهي تبكي كان المفروض قلت لك هـ الكلام من قبل اكثر من مليون مره كان علي أني اقول لك تمسح دموعها ترجع تنزل اكثر تدري انا كنت خايفة تتركني في اي لحظه لكن انا أدري والكل يدري أني لست سهله المعشر انا ادري بهـ الشيء تدري أنك فضل شيء حصل لي انا ما قدر اتحمل بعدك و لا ابغى اعيش من دونك
عبد الرحمن يناظرها وهي تبكي تمسح دموعها ودموعها تعاندها ترجع تنزل اكثر وهي تمسح ع خدها بقوة وده يقول لها وقفي لا تجرحين خدك وده يحضنها ويمسح دموعها يقول لها انا هنا جنبك حبيبتي لا تبكين
نور شافته ساكت فتحت الشنطة طلعت الهديه :تفضل أتمنى تقبلها مني
عبد الرحمن اخذ الهديه وحطها ع التسريحة التفت لها بحده :مين جابك هنا تكلمي وكيف دخلتي البيت
نور ناظرته مصدومة من اسلوبه معها كانت جايه بـ تعتذر له وهي ما سوت شيء عشان تعتذر ويعاملها كذا شافت الارهاق واضح ع وجه حتى ذقنه غير مرتب اهمل نفسه
عبد الرحمن لما شافها سكتت مسكها من كتوفها وصرخ عليها :مين اللي جابك تكلمي وهو متأكد انها جات بالسيارة اصيل هو خايف عليها كيف جات بالسيارة بحالها في هـ الوقت
نور دموعها نزلوا من جديد هي توقعت ياخذها في حضنه مثل قبل بس هذا ما عرفه مو عبد الرحمن زوجي الحنون :هذا اللي يهمك وبس مين جيت معه وكل الكلام اللي قلت لك مو مهم عندك
عبد الرحمن : جوابي ع سؤال مين جيتي معه
نور تعض ع شفاتها بقهر منه ومن اسلوبه :جيت بالسيارة أصيل ارتحت الحين
عبد الرحمن بحده: انا كم مره قلت لك لا عاد تجين بالسيارة اصيل انتِ ما تفهمين الازم تسوين اللي في راسك
نور تبكي بصوت عالي :جيت اشوفك حس فيني تعبت منك من اسلوبك معي
عبد الرحمن صد عنها ما يبغى يضعف و ياخذها بحضنه :يلا روحي ارجع البيت ولا اقولك انا اللي برجعك يلا البس عبايتك بسرعه طلع من غرفته ناظرها وهي واقفه بعصبيه نور تحركي
نور تحركت متجه الغرفة اللي فيها عبايتها اخذتها ولبستها طلعت من الغرفة شافته واقف تحرك الحقته دموعها ما وقفوا جرحها بالحيل قلبي يعورني بقوه ليتني ما حبيت ليتني ظليت اكرهك طلعوا من البيت اخذ منها مفتاح السيارة أصيل ركبوا اتجهوا البيت وصل :يلا انزلي
نور نزلت ودخلت البيت كانت بـ تسكر الباب مسك الباب بيده استغربت انه بـ يدخل
عبد الرحمن شاف الاستغراب في وجها :باخذ اغراضي لأني بسافر
نور تضايقت اكثر المفروض يحل المشكلة اللي بينا انصدمت منه اكيد كرهني خلاص
.
.
.
تروح وتجي هل اللي سوت صح بس يمكن يعصب علي لالا من حقه انه يحب وينحب هو يستأهل اكثر من كذا حرام يظلم حاله معي خلاص اجل ليش خايفة من ردت فعله اي هو اذا عصب لازم ابتعد عنه بس اليوم بوقف في وجهه كافي يعذب حاله معي طيب راضيه يتزوج علي
أمل تبغينه يطلقك لا بس يـتزوج علي تدرين أنك أنانيه بالحيل تبغين تجلسين ع ذمته ما تحبينه لا بعد تطلب منه يتزوج عليك جالسه تحملينه فوق طاقته معليه كل شي يهون ولا تأنيب الضمير احس أني ظالمه ليه يحبني وهو عارف متأكد اني أحب اياد هو تحت تراب اه يوجع هـ الشيء وربي أني اشوفه يتألم وساكت ما قدر اتحمل شوفته كذا تنهدت بالضيق لو قلبي بكيفي يمكن حبيته انا بقول له ع اللي سويته بشوف وش يقول قامت دخل الحمام انتم بكرامة غسلت اسنانها توضت طلعت صلت الصلاة الوتر خلصت وجلست تدعي ربها انه يساعدها باللي جالسه تسويه ناظرت الساعة كانه زياد تأخر شوي وتجي الساعة 1؛ انا بالعادة ما أنتظره إلي أن يرجع اروح انام يمكن عشان كذا حسيت انه تأخر يمكن ولا عشان سالفة اللي بـ تقولينه له قامت اخذت الجوال توها بدق عليه إلا شافته يدخل الغرفة معه كيس ادويه وش اللي صاير معه
زياد رمى حاله ع السرير يبغي ينام وبس تعب من الشغل وألم رجوله يحس من قوة ألم بـ تنقطع ناظرها مستغرب من انها صاحية ما نامت بالعادة يجي يحصلها نايمة واو فيه تطورات :ليش ما نمتي فيك شيء
امل قامت من ع سجادتها رتبت السجادة وحطتها في مكانها :ابد ما فيني شيء بس زياد لو اطلب منك طلب تنفذه لي لو صعب
زياد منسدح ع عرض سرير مريح راسه ع يده يناظرها بحب : لو تطلبين عيوني فدوه لك بس بعد ع حسب طلب لانه حاس وراءها شيء ما راح يحبه
أمل ابتسمت له واقفت قريب من السرير :تسلم ما تقصر تناظره و بارتباك زياد انا اليوم سويت شي المفروض ما سوي إلا بـ اذنك بس ما قدرت اتحمل
زياد قام زي المقروص :وش اللي سويتي تكلمي
امل بخوف من عصبيته بس بعد لازم يعرف :انا اليوم خطبت لك
زياد يناظرها وعيونه صارت حمراء من الغضب :

.
.
.
ستوب
همسة محب :
"تتأخر وكأنها ليست من نصيبك
ثم يبهرك الله بطريقة تحقيقها، ثق بالله وأطمئن".
ما احلل ولا اسامح اللي ينقل الرواية بدون ذكر اسمي هايدي فتاة صحراء
إلى اللقاء إلى البارت الجاي