[طُعُوْن]

المشاركة الأصلية كتبت بواسطة الشموس!!

صباح الخير عليكم جميعاً..

طبعاً مايحتاج امدحك لان ابداعك يتكلم عنك♥♥♥

'
'

رصاص ودارين:
‏وأنِّي جبانٌ فِي فِراقِ أَحِبّتِي ..
‏وإن كُنتُ في غَيْرِ الفِرَاقِ شُجَاعا


طال صمتها فأوجعه ..
و حين وصله ردها ..
وصله خافتًا قد سكنته البحة .. بتساؤل وحيد / مخذول : ليش ؟

معاها حق تنصدم كانت متأمله في هذا الشخص وبانية احلام معاه.. وكانت تظن انه راح يبقى معاها للاخر.. وفجأة يقول راح اتركِ في المنتصف..

'


دارين ! انا خلاص ماعاد فيني رجا .. افضل لش قبل انه يكون لي .. ما بتستفيدين شيء مني .. ماعادني الكتف اللي تبغينه ..

مو من حقه يقرر من نفسه..
لانها هي تشوفك سعادتها..
وتشوفك لها سند وظهر ..
وتشوفك الامان من بعد ابوها..
يعني لو حاولت تقنعها ماراح تقدر..
اولاً لانها توها فاقده ابوها..
وثانياً لانه شخصيه كشخصيتها بكل ذا الاصرار والحب ماراح تتنازل عنك بسهولة..

'


برجاء : حتى لو طولت ؟
شهقة بكاء فلتت منها فشدها إليه اكثر ..
قالت بعد لحظات : حتى لو طولت ..
بس لا تطول كثير

مو اي شخص يقدر يتمسك وقت الشدة..
ولا اي شخص يقدر يضحي بحياته عشان ينقض غيرة..
واللي اقوى من هذا كله الصدق في الوعود والألتزام بالكلمه لنهاية..


'


ستفيده الهرولة و ستخرج طاقته السلبية دون أن يشعر.

جالسين نجمع اشياء جميلة من روايتك..


'

و لكنه ممتن لها بحق لأنها لم تظهر أي شيء ..
لم تنفر منه صباحًا ..
و لم تتجهم بوجهه مع أنه كان عابسًا ..
ممتن لكل ما تفعله لأجله ..


‏" وأُحب أن أُبدي امتناني البالغ لوجهكِ، الوجه الرقيق الذي دائمًا ما كان يعرف حزني.. ويأتي في الوقت المناسب- ليصبح كل شيءٍ على مايُرام ".



ابغاش تعالجيني .

خطوة قوية من شخص عانا كثير.. وبإذن الله راح يكون المردود اقوى.. اهم شي الخطوة الاولى لانها هي الاصعب..

'

لا يعلم كم انتظرت قراره و إقراره بأنه يحتاج للعلاج ..
لو يعلم .. لم يكن ليتلاعب بها هكذا

من كثر مو هي فرحانه بخطوته.. وقبلها مضغوطه من تعبه وماضيهم.. اخذت كلامه على محمل الجد.. وطبعاً ردت فعلها طبيعيه جداً
لانه مو سهل احد يهديك الامل وفجأة يسحبه منك..
لكن افضل شي انها مابينت له تأثرها..
لانها لو بينت له راح يكون صعب عليه ويمكن يأثر عليه لانه يشوف فيها الامل للحياه
والدواء للاوجاع..


'


و لكنه يحتاج لأن يتعافى ..
يحتاج لأن يعيش ما تبقى من حياته و إن بفتات من الراحة

اخذ الشي الجميل من كل هاللي صار..
‏اولاً حالُك اليوم مهما قسا لن يكون نهايتك..
ثانياً مهما تعرضنا لصعوبات في حياتنا المفروض أننا نخرج منها أكثر قوه..
‏ثالثاً لا تسمح لنفسك بأن تعيش دور الضحية.. واجعل تلك الصعوبات فرصة لتغيير حياتك للأفضل.


:
:


لوحت عمتها بيدها بلا مبالاة : ايه اللي تبغينه .. تبغين توافقين عليه و تلمين سمعتش و تصكين ثم فهيدان والا ترفضينه وكلن بطريقه و تتحملين الكلام اللي بيجي عليش


ايه نعم عمتها وتبغين مصلحتها.. لكن اوقات ذا الاسلوب ينفر الشخص منك..
والاكيد هي ما استخدمت ذا الاسلوب الا وهي تعرف انه يمشي معاها.. بس لابد مايترك شي في النفس.. حتى لو جاء اليوم اللي تكون مقتنع فيه بس يحسسك انك اخترته لان ما باليد حيله..

'


قالت بغيظ و قد فلتت منها شهقة بكاء : مانيب موافقة ..
ما سويت شيء عشان اقعد أداري ..


احياناً صاحب الحق يكون صوته ضعيف ومايكون عنده القوة لاخذ حقه من الذي ظلمه..
مو ضعف في شخصيته لكن العادات والتقاليد والمجتمع حكم عليها..
وماعندك الا خيار التماشي معاها..


'
هي ليست للزواج ..
هي لا تعرفه ..
و لا تعلم كيف ستتعامل معه ..
كيف تخبره ؟؟
هل ستستطيع ؟؟

اعطي نفسك فرصة للحياة ف الحياة عبارة عن فرص ياعزيزتي..

:
:

ابتهال:

قبلوا كل تصاميمي مجود..و عطوني مبلغ كبير ..


و لكنها تأخد احتياطاتها واحدًا تلو الآخر حتى إذا عادت لن يعيقها شيء ..
ستثبت لهم بأنها قد نجحت ..


انجاز ابتهال وفرحتها فيه ذكرني بالبيت اللي يقول:

نمشي على درب ما توطاه الاقدامي
‏وان وعرت الأرض يعجبني المشي فيها

لشيخ محمد بن راشد
اعتبر هذي اجمل عبارة تشجيعية لها..

:
:

نجد:

ماذا افعل الآن !!..
لن استطيع أن ابقى مكتوفة الأيدي بعد أن سقط حزن والدتي بقلبي ..
لن استطيع التجاهل

بغض النظر مين اللي اتفق معاها في زواجها من يوسف ومين اللي كان ضدها..
لكن الاكيد لو حطينا نفسنا مكانها وشفنا مدى حزن امها وعجزها وقلة حيلتها..
بنقول هذا الشي الصحيح ولا راح نلومها على قرارها..
لانها هي تشوف الحل عندها وبامكانها تحافظ على اسرة كاملة..
قليل اللي يفكر نفس تفكير نجد ويقدم مصلحة غيره على نفسه..


وفي الختام صل الله على نبينا محمد وعلى اله وصحبه اجمعين..

مساء النور و السرور ..


و انتِ ما اعتقد يحتاج اقولش كم تعجبني اقتباساتش و كأنها مكتوبة لهم
مخصوص 💜🍃



اسعدتيني بمرورش .. و كنت متوعدتش لو ما وصل التعليق قبل التنزيل 😂😂🏃🏻‍♀



لا عدمتش 🍃