ﺍﻟﺠﺰﺀ ﺍﻟﺜﺎﻧﻲ ...
ﺍﻟﺒﺎﺭﺕ ﺍﻻﻭﻝ
ﺭﻭﺍﻳﺔ ... ﺟﻮﻟﻴﻴﺖ ﻭﺍﺳﺮﻫﺎ ... ﻏﻴﺎﻫﺐ ﺍﻹﻧﺘﻘﺎﻡ
ﺑﻘﻠﻤﻲ ... ﻧﻮﺭ ﺳﻤﻮ ﺍﻟﻌﺮﺍﻕ
💔💔💔💔💔💔💔💔💔
.......
ﻳﺎ ﺃﺳْﺮﻱ ....
ﻫﻞ ﺍﻧﺘﻬﻴﺖَ ﻫﻞ ﻣﻀّﻰ ﺛﺄﺭﻙَ ...
ﻫﻞ ﺷُﻔﻴﺖٓ ﺟﺮﺍﺣُﻚَ ...
ﻫﻞ ﺗﺸﻌﺮ ﺑـ ﺗﺤّﻄُﻤﻲ ..
ﻻ ﺗﻌﻲّ ﻛﻠٰﺎﻣﻲٓ ﻭﻟﻜــﻦ ...
ﻫﻞ ﻓﻜﺮﺕَ ﺑﻲّ ﺃﻧﺎ ...
ﺃﻧﺎ ﺃﺳﻴﺮٓﺗﻚَ ....
ﻫﺎ ﻗـﺪ ﺭﻗﺪﺕّ ﺭﻭُﺡ ﺃﺣﺒﺎﺋِﻚ ﺑـ ﺳﻼﻡٍ ...
ﺃﻧﺎ ﺃُﻧﺜـﻰ ﺇﻧﺘْﻬﺖّ ﺣﻴّـﺎﺗﻬـُﺎ ...
ﻭﻟﻜـــــﻦ ....
ﺳﻮﻑَ ﺃﺑﻘٓﻰ ﺃﺻُﺎﺭﻉُ ﺍﻟﺤﻴﺎﺓَ ..
ﻣﻦ ﺃﺟﻞ ﺃُُﻣـﻲ ﻭﺃﺷﺒﺎﻟﻲَْ ....
ﻫﻨﺎ ﺗﻮﻗﻒ ﻓـﺆُﺍﺩﻱ ﻋﻦ ﺍﻟﻨﺒـﺾِ ﺑـ ﺣﺒﻚَ ...
ﻻ ﺃﺳﺘﻄﻴﻊُ ﺍﻟﺘﻨﺒﺆَ ﺑﻤﺎ ﺳﺄﻓﻌﻞٰ ...
ﻓﺄﻧﺎّ ﺍﻷﻥ ﺃﻧﺜـﻰ ﺩﻫُﺴّﺖ ﺑـ ﻋْﺮﺑﺔِ ﺍﻟﻘﺪَْﺭِ ..
ﻭﺗﺤﻄﻢَ ﻓـﺆُﺍﺩﻱ ﻭﺗﺤﻮﻝَ ﺇﻟﻰ ﻗﻄﻊٍ ﺻﻐﻴﺮﺓٍ ...
ﺳﺘْﺮﻯٰ ﻳﺎ ﻛٓﺎﺳـﺮﻱ ..
ﺳﺘْﺮﻯٰ ﺃﻧﺜﻰ ﺟُﻨﺖ ﺑﺎﻟﻜﺎﻣﻞِ ...
ﺳﻮﻑَ ﺃﺻﺎﺭﻋﻚَ ﻷﺧﺬِ ﺛﺄﺭﻱِْ ...
ﺃﻧﺎ ﺍﻵﻥ ﺗﺤُﻮﻟﺖُ ﻣﻦ ﺍﻣﺮﺃﺓٍ ﻣﺘﻬﻮﺭﺓٍ ..
ﺳﺄﺗﺤٓﻜﻢُ ﺑـ ﻧﻔﺴْﻲِ ..
ﻷﺧﺬِ ﺛﺄﺭﻱِْ ﻣﻨﻚَ ﻭﺣِﻴﻨﻬٓـﺎ ..
ﻟـِ ﺗﺮﻗُﺪَ ﺭﻭﺣﻲِّ ﺑـ ﺳﻼﻡٍ ...
ﻳـﺎ ﻛَــِﺎﺳْـﺮﻱٓ ....
ﺑـ ﻗﻠﻢ Dima Al-Azzawi
...........................................
ﺡ
ﺍﺯﻡ ....
ﺑﻌﺪ ﻣﺎ ﺣﺮﺭﺗﻨﻲ ﺍﺧﺘﻲ ﺟﻮﻟﻴﻴﺖ ﺭﺟﻌﺖ ﺑﻨﻔﺲ ﺍﻟﻄﺮﻳﻖ ﻭﺍﻧﻲ ﺣﺎﻣﻞ ﻣﺮﺳﺎﻝ ﺍﻟﻬﻢ ﻋﻠﺊ ﻋﺎﺗﻘﻲ ﻣﺮﺳﺎﻝ ﻣﻦ ﺍﺧﺘﻲ ﻳﺨﺼﻬﺎ ﻭﻳﺨﺺ ﺍﻣﻲ ...
ﺍﺗﺬﻛﺮ ﺩﻣﻮﻋﻬﺎ ﻭﻋﻴﻮﻧﻬﺎ ﻭﺟﻔﻮﻧﻬﺎ ﺍﻟﺤﻤﺮ ﻭﺧﺪﻫﺎ ﺍﻟﻤﺸﻮﻫﻪ ﻣﻦ ﺍﺛﺮ ﺿﺮﺑﻪ ﻗﺎﺳﻴﻪ ﭼﺎﻧﺖ ﺍﻹﺳﺮﻫﺎ
ﻏﻤﻀﺖ ﻋﻴﻮﻧﻲ ﻭﻏﺰﻩ ﺍﻟﺪﻣﻊ ﻋﻴﻮﻧﻲ ﻭﺍﻟﻐﺼﻪ ﻭﺍﻛﻔﻪ ﺑﺒﻠﻌﻮﻣﻲ ﺍﺧﺘﻲ ﻣﺤﺪ ﻧﺼﻔﻬﺎ ﻻ ﺍﺣﻨﻪ ﻭﻻ ﻏﻴﺮﻧﺎ ﺿﺮﺑﺖ ﺍﻟﺴﺘﻴﺮﻥ ﺑﻘﻮﻩ
ﻓﺘﺤﺖ ﻋﻴﻮﻧﻲ ﻭﺍﻧﻲ ﺍﻟﻒ ﺍﻟﺴﻴﺎﺭﻩ ﺑﻘﺼﻮﺉ ﻭﺳﺮﻋﻪ ﻋﺎﻁ ﺑﻴﻪ ﺍﻟﺮﺟﺎﻝ ﺑﻐﻀﺐ ... ﺍﺑﻦ ﺍﻻﻭﺍﺩﻡ ﺟﺎﻥ ﻣﺘﻨﻪ ﻣﻦ ﻭﺭﺍﻙ ﻻ ﺑﺎﺭﻙ ﺍﻟﻠﻪ ﺑﻴﻚ ﻭﻻ ﺑﻠﻲ ﺧﻠﻪ ﺑﻴﺪﻙ ﺳﻴﺎﺭﻩ
ﺍﺗﻐﺎﺿﻴﺖ ﻋﻦ ﻛﻼﻣﻪ ﻭﻣﺠﺎﻭﺑﺘﻪ ﻛﻠﺒﻲ ﻣﺤﻤﻞ ﺑﺎﻟﻬﻤﻮﻡ ﻭﺍﻟﺠﺮﺍﺡ ﻭﺍﻟﻨﻔﺲ ﻣﺎ ﺍﻟﻬﺎ ﺧﺎﻃﺮ ﺑﺎﻟﺮﺩ
ﻛﻤﻠﺖ ﻃﺮﻳﻘﻲ ﺑﺼﻤﺖ ﻣﺮﻳﺐ ﻭﺻﻠﺖ ﻣﻦ ﺳﻴﻄﺮﻩ ﻭﺟﺎﻥ ﺍﺯﺩﺣﺎﻡ ﺿﻠﻴﺖ ﺑﻘﻠﻖ ﻭﺧﻮﻭﻑ ﺍﺧﺎﻑ ﻣﻦ ﺟﺎﺳﺮ ﻳﻠﺰﻣﻨﻲ ﺑﺎﻟﻄﺮﻳﻖ ﻭﺧﺎﻳﻒ ﻋﻠﺊ ﺍﺧﺘﻲ ﺗﺘﻌﺎﻗﺐ
ﺑﺎﻭﻋﺖ ﻟﻠﺮﺳﺎﻟﻪ ﺍﺛﺎﺭﻧﻲ ﺍﻟﻔﻀﻮﻝ ﻓﺘﺤﺘﻬﺎ ﻭﻗﺮﻳﺘﻬﺎ ﺟﺎﻥ ﻣﻜﺘﻮﺏ ﺑﻴﻬﺎ ﺍﻭﻝ ﺳﻄﺮ ...
ﻳﻤﻤﻤﻤﻤﻤﻪ
ﺷﻠﻮﻧﺞ ﻳﻤﻪ ﺣﺒﻴﺒﺘﻲ،ﻣﺸﺘﺎﻗﺘﻠﺞ ﻫﻮﻭﺍﻳﻪ ﺭﺣﺘﻲ،ﻭﺭﺍﺣﺖ ﺍﻟﻌﺎﻓﻴﻪ ﻭﻳﺎﺝ ﻳﻤﻪ ﻟﺤﺪ ﺍﻻﻥ ﻣﺤﺘﻔﻈﻪ ﺑﻜﻞ ﺫﻛﺮﺉ،ﻣﻨﺞ
ﺍﺗﺬﻛﺮ ﻣﻦ ﺗﺮﺯﻟﻴﻨﻲ ﻭﺗﻀﺮﺑﻴﻨﻲ ﻭﺗﺮﺟﻌﻴﻦ ﺗﻄﻴﺒﻴﻦ ﺧﺎﻃﺮﻱ ﻭﺗﺒﻮﺳﻴﻨﻲ،ﻭﺗﻀﺤﻜﻴﻦ ﺣﺘﺊ ﺗﻀﺤﻜﻴﻨﻲ
ﺑﺲ ﻳﻤﻪ ﻟﺤﺪ ﺍﻻﻥ ﺍﻻﺑﺘﻌﺎﺩ ﻋﻨﺞ ﻓﺎﺟﻌﻪ ﺳﻜﻨﺖ ﺑﺄﻋﻤﺎﻕ ﮔﻠﺒﻲ ﻭﻟﺤﺪ ﺍﻻﻥ ﺍﻟﺪﻣﻮﻉ ﺗﻨﺰﻝ ﺑﺎﻟﻢ ﻭﻛﻞ ﻳﻮﻡ ﺍﺻﺮﺭﺥ ﻭﺍﻧﺤﺐ ﻭﺍﺳﺘﻨﺠﺪ ﺑﻴﺞ ﺑﺲ ﻣﺎ ﺍﻟﮕﺎﺝ
ﻳﻤﻪ ﺍﻓﺘﻘﺪﺗﺞ ﺍﻓﺘﻘﺪ ﺍﻟﺼﻮﺗﺞ ﻳﻤﻪ ﺯﺍﺩ ﺍﻟﺪﻟﻊ ﺑﺎﺳﻤﻲ ﻫﺬﺍ ﻳﺴﻤﻴﻨﻲ ﺟﻮﺟﻮ ﻭﺫﺍﻙ ﺟﻮﺟﻪ ﻭﻫﺬﺍ ﺟﻜﻠﻴﺘﻪ ﺑﺲ ﺍﻟﺪﻟﻊ ﻣﻦ ﺷﻔﺎﻳﻔﺞ ﻏﻴﻴﺮ ﻭﺑﺼﻮﺗﺞ ﺍﺣﻠﺊ
ﺍﺗﺬﻛﺮﺝ ﻣﻦ ﺩﻛﻮﻟﻴﻦ ﺟﻮﻟﻴﺎﻧﻪ ﻳﻤﻤﻤﻤﻪ ﺗﻌﺎﻟﻲ ﺭﺻﻲ ﺭﺟﻠﻴﻪ ... ﻳﻤﻪ ﺣﺴﺮﻩ ﺑﻜﻠﺒﻲ ﻭﻳﻴﻴﻨﺞ ﺗﻌﺎﻟﻲ،ﻓﺪﻭﻩ ﺑﺲ ﺧﻠﻲ ﺍﺷﻮﻓﺞ
ﻳﻤﻪ ﻋﺸﺖ ﺑﻨﺼﻬﻢ ﻏﺮﻳﺒﻪ ﻭ ﻭﻟﺪﺕ ﻏﺮﻳﺒﻪ ﻭﺍﻣﻮﺕ ﻭﺍﻧﻲ ﻏﺮﻳﺒﻪ ... ﺍﻱ ﻭﺍﻟﻠﻪ ﻳﻤﻪ ﻏﺮﻳﺒﻪ ﻭﺷﺎﻳﻠﻪ ﺑﻜﻠﺒﻲ ﻋﻠﻴﻜﻢ
ﻳﻤﻪ ﻻ ﺗﺰﻋﻠﻴﻦ ﻣﻨﻲ ﺍﺫﺍ ﻋﺎﺗﺒﺘﺞ ﺑﺲ ﻻﻥ ﻭﺍﻟﻠﻪ ﺍﺣﺒﺒﺞ ﻭﻣﺤﺘﺎﺟﻪ ﺍﻟﺤﻀﻦ ﺍﻟﺪﺍﻓﻲ ﻭﺣﻨﺎﻧﺞ ﺍﻋﺘﺐ ﻋﻠﻴﺞ
ﻳﻤﻪ ﻳﺎ ﺟﻨﺘﻲ ﻣﻦ ﻳﻮﻡ ﺍﻟﻲ ﺍﺑﺘﻌﺪﺗﻲ ﻭﺍﻧﻲ ﮔﻠﺒﻲ ﻣﻠﻴﺎﻥ ﺑﺎﻻﺣﺰﺍﻥ ..
ﺍﻟﺮﺳﺎﻟﻪ ﺟﺎﻧﺖ ﺑﻀﺮﻑ ﻃﺒﻌﺎ ﻫﻲ ﻣﺴﻮﻳﺘﻪ ﺟﻮﻟﻴﻴﺖ ﻣﻦ ﺍﻭﺭﺍﻕ ﻭﻛﺎﺑﺴﺘﻪ ﻭﻣﺨﻠﻲ،ﺑﻲ ﺍﻟﺮﺳﺎﻟﻪ ﺍﻟﻀﺎﻫﺮ ﻣﻦ ﺯﻣﺎﻥ ﻣﻌﺎﺗﺒﻪ ﺍﻣﻲ ﻭﺻﺎﺭ ﺍﻟﻮﻗﺖ ﺍﻟﻲ ﺗﻮﺻﻞ ﺑﻲ ﺭﺳﺎﻟﺘﻬﺎ
ﺟﺎﻥ ﺑﺒﻄﻦ ﺍﻟﻀﺮﻑ ﺷﻲ ﺣﺎﺍﺩ ﻣﺜﻞ ﺍﻟﻜﺎﺭﺗﻮﻧﻪ ﻃﻠﻌﺘﻪ ﺟﺎﻧﺖ ﺻﻮﺭ ﺗﻮﺍﻣﻬﺎ ﺑﺎﻭﻋﺖ ﻋﻠﻴﻬﻢ ﺑﺤﺴﺮﻩ ﻭﺍﻟﺪﻣﻮﻉ ﺣﺠﺒﺖ ﻋﻨﺪﻱ ﺍﻟﺮﺅﻳﻪ
ﻣﺴﺤﺖ ﺩﻣﻮﻋﻲ ﺍﻟﻤﺘﻄﺎﻓﺮﻩ ﻭﺍﻧﻲ ﺍﺑﺎﻭﻉ ﺍﻟﺠﻤﺎﻟﻬﻢ ﺍﻟﺒﺮﻳﺊ ﺑﺴﺘﻬﻢ ﻭﺭﺟﻌﺖ ﺍﺑﺎﻭﻋﻠﻬﻢ ﺑﻠﻬﻔﻪ ...
ﺩﺭﺕ ﺍﻟﺼﻮﺭﻩ ﺷﻔﺘﻬﺎ ﻛﺎﺗﺒﻪ ﻳﻤﻪ ﺫﻭﻝ ﺍﻃﻔﺎﻟﻲ ﺑﺎﻋﻲ ﺷﻜﺪ ﺣﻠﻮﻳﻴﻦ ﺍﺩﻋﻴﻠﻲ ﺭﺑﻲ ﻳﺤﻔﻈﻬﻢ
ﺍﺑﺘﺴﻤﺖ ﺑﺤﺰﻥ ﻭﺑﻌﺪﻫﺎ ﻓﺮﻳﺖ ﺍﻟﺴﻴﺎﺭﻩ ﻭﺍﻧﻄﻠﻘﺖ ﻟﻠﻨﺠﻒ ﺍﻻﺷﺮﻑ ﺍﺳﻼﺣﻲ ﻣﺮﺧﺺ ﻟﺬﻟﻚ ﺟﺎﻧﺖ ﺭﻭﺣﺘﻲ ﺳﻬﻠﻪ
ﻭﺻﻠﺖ ﻟﻠﻨﺠﻒ ﺧﻠﻴﺖ ﺍﻟﺴﻴﺎﺭﻩ ﺑﺎﻟﻜﺮﺍﺝ ﻭﺭﺣﺖ ﺯﺭﺕ ﺍﺑﻮﻭﻱ ﺑﺎﻭﻋﺖ ﺍﻟﻜﺒﺮﻩ ﺗﻀﺮﺏ ﺑﻲ ﺍﻟﺸﻤﺲ
ﺍﻟﻠﻪ ﻳﺮﺣﻤﻚ ﻳﺎﺑﻪ ﻣﺘﺖ ﻭﺍﺭﺗﺎﺣﻴﺖ ﻣﻦ ﻣﺸﺎﻛﻠﻨﻪ ﻋﺬﺑﻨﺎﻙ ﻭﺣﻴﺮﻧﺎﻙ ﻭﻳﺎﻧﻪ ﻭﺍﻧﺖ ﺍﻟﺠﺒﺖ ﻃﻮﻝ ﻋﻤﺮﻙ ﻣﺘﻌﻮﺏ
ﺑﻠﻠﺖ ﻛﺒﺮﻩ ﺑﺎﻟﺪﻣﻮﻉ ﻭﺿﺤﻜﺖ ﻣﻦ ﺑﻴﻦ ﺩﻣﻮﻋﻲ .. ﺑﻮﻳﻪ ﺗﺪﺭﻱ،ﻣﻨﻮ ﺍﻟﻨﻘﺬﻧﻲ ﺍﻟﻴﻮﻡ ﻧﻘﺬﺗﻨﻲ ﺍﺧﺘﻲ ﺟﻮﻟﻲ
ﻫﻬﻬﻪ ﻣﺘﺼﺪﻙ ﻫﻞ ﻣﺎﻳﻌﻪ ﺻﺎﻳﺮﻩ ﻗﻮﻭﻭﻳﻪ ﺑﺄﻟﻒ ﺭﺟﺎﻝ ﻻ ﺧﺎﻓﺖ ﻣﻦ ﺷﻴﺦ ﻭﻻ ﻣﻦ ﺟﺎﺳﺮ ﺍﻟﻲ ﺍﺣﻨﻪ ﺍﻟﺰﻟﻢ ﻣﻬﺰﻭﻣﻴﻦ ﻣﻨﻪ ...
ﺗﺮﺑﻴﺘﻚ ﺑﻮﻳﻪ ﺟﻮﻟﻲ،ﺑﻨﻴﺘﻚ ﺷﺎﺑﻌﻪ ﻗﻬﺮ ﻋﻠﻴﻚ ﺻﺎﻳﺮﻩ ﺍﻡ ﻟﺜﻨﻴﻦ ﻭﻟﺪ ﺳﻮﺗﻚ ﺟﺪ ﻳﺎﺭﻳﺘﻚ ﻣﻮﺟﻮﺩ ﻭﺗﺸﻮﻑ ﺑﻌﻴﻨﻚ ﺍﻃﻔﺎﻟﻬﺎ
ﻃﻠﻌﺖ ﺍﻟﺼﻮﺭﺓ ﻭﺧﻠﻴﺘﻬﺎ ﻋﻠﺊ ﻛﺒﺮﻩ ... ﻳﺎﺑﻪ ﻫﺬﻭﻝ ﺍﻃﻔﺎﻟﻬﺎ ﻳﺨﺒﻠﻮﻥ ﻳﺸﺒﻬﻮﻧﻬﺎ ﺣﻴﻴﻴﻞ ﺗﻮﻡ ﺑﻌﻴﻮﻥ ﺍﻣﻬﻢ ﻭﺷﺮﺍﺳﺔ ﺍﺑﻮﻫﻢ ...
ﺣﺴﻴﺖ ﻧﻔﺴﻲ ﺩﺧﺖ ﻗﺮﻳﺖ ﺷﻨﻮ ﺣﺎﻓﻆ ﻣﻦ ﺍﻟﻘﺮﺍﻥ ﻭﺍﺷﺘﺮﻳﺖ ﺩﺑﺔ ﻣﻲ ﺭﺷﻴﺘﻬﺎ ﻋﻠﻴﻪ ﻭﺗﺎﻟﻲ ﺧﻠﻴﺖ ﻭﺭﺣﺖ ﻧﻤﺖ ﺑﺎﻟﻔﻨﺪﻕ ﺿﻠﻴﺖ ﻳﻮﻣﻴﻦ ...
ﻓﺘﺤﺖ ﻣﻮﺑﺎﻳﻠﻲ ﻟﻜﻴﺖ ﻋﺎﺻﻢ ﻣﺘﺼﻞ ﺑﺎﻟﺨﻤﺴﻴﻦ ﻣﺮﻩ
ﻛﻠﺖ ﺧﻠﻲ،ﻳﻮﻟﻲ ﺳﺒﺐ ﺍﻟﻤﺸﺎﻛﻞ ﻫﻮ ﻭﻟﻮ ﺑﺼﺮﺍﺣﻪ ﺣﺎﺯﻡ ﻣﻮ ﻏﻠﻄﺎﻥ ﻫﻮ ﻓﻼﺡ ﺍﻟﻲ ﺍﺳﺘﻔﺰﻩ ﻭﻋﺎﺻﻢ ﻟﻌﺐ ﺍﻟﺸﻴﻄﺎﻥ ﺑﻌﻘﻠﻪ ...
ﺿﻠﻴﺖ ﻳﻮﻣﻴﻦ ﻭﺑﻌﺪﻫﺎ ﻓﺘﺤﺖ ﻋﻠﻴﻪ ﺧﻂ ﻛﺎﻝ ﺑﻘﻠﻖ ﻭﺻﻴﺎﺡ ... ﺍﻧﺖ ﻭﻳﻴﻴﻴﻦ
ﺟﺎﻭﺑﺘﻪ ﺑﺒﺮﻭﺩ ... ﺑﺎﻟﻨﺠﻒ
ﺭﺩ ﺑﻌﺼﺒﻴﺔ ... ﺻﺎﺭﻟﻚ ﺷﻜﺪ ﺑﺎﻟﻨﺠﻒ ﺍﻧﺖ ﻣﺎ ﺗﺴﺘﺤﻲ ﺍﻣﻲ ﺍﺟﺖ ﺗﻤﻮﺕ ﻣﻦ ﻭﺭﺍﻙ ﻻ ﺑﺎﺭﻙ ﺍﻟﻠﻪ ﺑﻴﻚ ﺍﻧﻲ،ﻭﺩﻳﺘﻚ ﻟﻌﻤﻲ ﻟﻮ ﺭﺍﻳﺢ ﻟﻠﻨﺠﻒ
ﻛﺘﻠﻪ ﺑﻤﻠﻞ ... ﺟﺎﺳﺮ ﺧﻄﻔﻨﻲ ﻭﺍﺧﺬ ﻣﻨﻲ،ﺍﻟﻔﻠﻮﺱ،ﻭﻛﻞ ﻫﻞ ﻓﺘﺮﺓ ﺍﻧﻲ ﺟﻨﺖ ﻋﻨﺪﻩ
ﺯﻣﺠﺮ ﺑﻐﻀﺐ ... ﺷﻨﻮﻭﻭﻭ ﺍﻧﺖ ﺗﺤﺠﻲ،ﺻﺪﻙ ﻫﻞ ﻛﻠﺐ ﺗﻤﺎﺩﻩ ﺣﻴﻴﻴﻞ ﻭﻫﺴﻪ ﺍﻧﺖ ﻭﻳﻴﻴﻦ
ﻏﻤﻀﺖ ﻋﻴﻮﻧﻲ ... ﺟﻮﻟﻴﻴﺖ ﻧﻘﺬﺗﻨﻲ ﻣﻨﻪ ﻭﺭﺣﺖ ﻟﻠﻨﺠﻒ ﺍﺧﺘﻨﻪ ﺍﺫﺍ ﻋﺮﻑ ﺑﻴﻬﺎ ﻣﻬﺮﺑﺘﻨﻲ ﻳﺬﺑﺤﻬﺎ ﺣﻼﻝ ﻫﺎﻱ ﺍﺫﺍ ﻣﺎ ﺫﺑﺤﻬﺎ
ﺭﺩ ﺑﺤﺪﻩ ﻭﻋﻨﻒ ... ﻭﺍﻟﻠﻪ ﻭﺍﻟﻠﻪ ﺍﻧﻲ ﻛﺘﺎﻟﻪ ﺍﻟﻴﻮﻡ ﺍﻛﺘﻠﻪ ﺍﻛﺘﻠﻪ ﻭﺍﻧﻲ ﺭﺍﺟﻊ ﺍﻟﺒﻐﺪﺍﺩ ﺑﻲ ﺧﻴﺮ ﺧﻠﻲ ﻳﻮﺍﺟﻬﻨﻲ
ﺟﺎﻭﺑﺘﻪ ﺑﺨﻮﻑ ﻭﻗﻠﻖ ... ﻻ ﻋﺎﺍﺍﺻﻢ ﺃﺳﺘﻌﻴﺬ ﻣﻦ ﺍﻟﺸﻴﻄﺎﻥ ﻻ ﺗﻐﻠﻂ ﻣﺜﻞ ﻗﺒﻞ ﻛﻮﻭﻭﻝ ﻳﺎﻟﻠﻪ
ﻫﻮ ﻗﻔﻞ ﺍﻟﻤﻮﺑﺎﻳﻞ ﻭﺍﻧﻲ،ﺿﻠﻴﺖ ﺍﺗﺼﻞ ﺑﻲ ﺍﺗﺼﻞ ﻣﺎﻛﻮﻭﻭ
ﻧﺰﻟﺖ ﻣﻦ ﺍﻟﻔﻨﺪﻕ ﺍﺭﻛﺾ ﻭﺍﺧﺬﺕ ﺍﻏﺮﺍﺿﻲ ﻭﺭﺣﺖ ﻟﺴﻴﺎﺭﺗﻲ ﺭﻛﺒﺘﻬﺎ ﺑﺴﺮﻋﻪ ﻭﺍﻧﻄﻠﻘﺖ ﻋﻠﺊ ﺍﻟﺨﻂ ﺍﻟﺴﺮﻳﻊ ﺭﺍﺟﻊ ﺍﻟﺒﻐﺪﺍﺩ
ﺿﻠﻴﺖ ﺍﺗﺼﻞ ﺑﻲ ﺍﺗﺼﻞ ﻣﺎﻛﻮﻭﻭ ...
ﺟﺎﻥ ﺩﻧﻴﺎ ﺍﻟﻴﻞ،ﻭﺻﻠﺖ ﺍﻟﻔﺠﺮ ﺍﻟﺒﻐﺪﺍﺩ ﺿﻠﻴﺖ ﺍﺗﺼﻞ ﺑﻲ ﻣﺎﻛﻮﻭ ﺍﺗﺼﻞ ﻣﺎﻛﻮ
ﺿﻠﻴﺖ ﺍﻓﺘﺮ ﻳﻢ ﺑﻴﺖ ﻋﻤﻲ ﻭﻋﻠﺊ ﻣﻜﺎﻥ ﺷﻐﻞ ﺟﺎﺳﺮ ﺍﺗﺨﻄﻒ ﻣﻦ ﺍﻟﻤﻜﺎﻥ ﺗﻘﺮﻳﺒﺎ ﺻﺎﺭﺕ ﺑﺜﻨﻌﺶ ﺍﻟﻀﻬﺮ ...
ﺷﻔﺖ ﺳﻴﺎﺭﺓ ﻋﺎﺻﻢ ﻣﻦ ﺑﻌﻴﺪ ﻃﺒﻜﺖ ﺧﻔﺖ ﺍﻧﺰﻝ ﻭﻧﻨﻔﻀﺢ ﺿﻠﻴﺖ ﺍﺗﺼﻞ ﻣﻴﺠﺎﻭﺏ
ﺷﻔﺖ ﺟﺎﺳﺮ ﻃﻠﻊ ﻭﻫﻮ ﻳﻌﺪﻝ ﺑﻘﻤﻴﺼﻪ ﻭﻳﺤﺠﻲ ﻭﻳﻪ ﺻﺪﻳﻘﻪ ﺑﻌﺪﻫﺎ ﺭﻛﺐ ﺳﻴﺎﺭﺗﻪ ﻭﺭﺍﺡ ﻭﻋﺎﺻﻢ ﻟﺤﻜﻪ ﻭﺍﻧﻲ ﻭﺭﺍﻫﻢ
ﺭﺩﺕ ﺍﻭﺻﻞ ﺑﻌﺎﺻﻢ ﺑﺲ،ﻋﺎﺻﻢ ﻃﺎﻳﺮ ﺿﺮﺑﺖ ﻋﻠﺊ ﺍﻻﺳﺘﻴﺮﻥ ﻋﺎﺻﻢ ﻻﺍﺍﺍ ﻻ ﺗﻮﺭﻃﻨﻪ ﻻﺍﺍﺍ ...
ﺷﻔﺖ ﻋﺎﺻﻢ ﻋﻜﺲ ﻋﻠﺊ ﺟﺎﺳﺮ ﻭﺧﻠﻪ ﺟﺎﺳﺮ ﻭﻛﻒ ﻣﺬﻫﻮﻝ ﻣﺪ ﺭﺍﺳﻪ ﻣﻦ ﺷﺒﺎﻙ ﺍﻟﺴﻴﺎﺭﻩ ﻛﻠﻪ ... ﺷﺒﻴﻴﻚ
ﻋﺎﺻﻢ ﺑﺪﻭﻥ ﺳﺎﺑﻖ ﺍﻧﺬﺍﺭ ﺧﺮﻃﻪ ﺧﺮﻁ
ﺍﻧﻲ ﻧﺰﻟﺖ ﺍﺭﻛﺾ ﻣﻦ ﺍﻟﺴﻴﺎﺭﻩ ﺻﺤﺖ ... ﻋﺎﺍﺍﺍﺻﻢ ﻭﻟﻚ ﻋﺎﺍﺍﺻﻢ ﻻﺍﺍﺍ
ﺟﺎﺳﺮ ﺑﺎﻭﻋﻠﻲ ﻭﺭﺟﻊ ﺑﺎﻭﻉ ﻟﻠﺴﻴﺎﺭﻩ ﺭﺩ ﺑﺬﻫﻮﻭﻝ ﻋﺎﺍﺍﺻﻢ؟
ﻧﺰﻝ ﻋﺎﺻﻢ ﻭﻫﻮ ﺷﺎﻳﻞ ﺳﻼﺣﻪ ﻭﻳﺘﻬﺪﺩ .. ﻟﻚ ﺟﺎﺳﺮ ﻟﻚ ﻛﻠﺐ ﺍﻧﺖ ﺗﻬﺪﺩﻧﻲ ﺍﻧﺖ ﺗﻀﺮﺏ ﺍﺧﺘﻲ ﻭﺗﺨﻄﻒ ﺍﺧﻮﻭﻱ ﻭﺍﻟﻠﻪ ﻻﺑﻬﺬﻟﻜﻢ ﻣﺜﻞ ﻣﺎ ﺑﻬﺬﻟﺘﻮﻧﻪ
ﻣﺎ ﺍﺷﻮﻑ ﺍﻟﻪ ﻋﺎﺻﻢ ﺍﻧﺨﺮﻁ ﺧﺮﻁ ﻭﺍﻟﺪﻡ ﺿﻞ ﻳﺘﻄﺎﻓﺮ ﻣﻨﺎ ﻭﻣﻨﺎ ...
ﺑﺎﻭﻋﺖ ﺍﻟﺠﺎﺳﺮ ﺷﻔﺘﻪ ﻻﺯﻡ ﺍﺳﻼﺣﻪ ﺑﺎﻧﺘﻘﺎﻡ ﻣﻮﺟﻬﻪ ﻋﻠﺊ ﻋﺎﺻﻢ ﻭﺧﺮﻃﻪ ﺧﺮﻁ ...
ﺻﺮﺧﺖ ﺑﺼﻮﻭﻭﺕ ﻋﺎﻟﻲ ... ﻻﺍﺍﺍ ﻋﺎﺍﺍﺍﺻﻢ ﺧﻮﻭﻭﻭﻳﻪ ﻋﺎﺻﻢ ...
ﻫﻮ ﻧﺰﻝ ﻣﻦ ﺳﻴﺎﺭﺗﻪ ﻭﺿﻞ ﻳﺒﺎﻭﻉ ﺍﻟﻌﺎﺻﻢ ﺍﻟﻲ ﻳﺮﻓﺲ ﻭﻳﺸﺤﻂ ﺑﺪﻣﻪ ﻭﺍﻧﻲ ﺍﻟﻄﻢ ﻭﺍﺑﺠﻲ ﻭﺍﺻﺮﺭﺭﺥ ...
ﺟﺎﻥ ﺍﻟﻤﻜﺎﻥ ﻣﻜﻄﻮﻭﻉ ﺑﺲ ﺍﻟﺴﻴﺎﺭﺍﺕ ﺗﺨﻄﻒ ﻣﻨﻪ
ﺑﺎﻭﻉ ﺑﺠﺒﺮﻭﺕ ﻭﺍﻧﺘﻘﺎﻡ ﻟﻌﺎﺻﻢ ﻭﺗﻜﻠﻢ ﻣﻦ ﺑﻴﻦ ﺍﺳﻨﺎﻧﻪ ... ﻫﺎﻱ ﻧﻬﺎﻳﺘﻚ ﻳﺎ ﻋﺎﺻﻢ ﻋﻠﺊ ﺍﻳﺪﻱ ﻫﺴﻪ ﺭﺟﻌﺖ ﺑﻴﻪ ﺍﻟﺮﻭﺡ ﻭﺍﺟﻴﺘﻨﻲ ﺑﺮﺟﻠﻴﻚ
ﺍﻛﻮ ﻧﺎﺱ ﺗﻔﻮﺕ ﺑﺴﻴﺎﺭﺍﺗﻬﻢ ﻧﺰﻟﻮﺍ ﻣﻨﻬﺎ ﺳﺎﻋﺪﻭﻧﻲ ﻧﺸﻴﻠﻪ ﻭﻧﺨﻠﻲ ﺑﺎﻟﺴﻴﺎﺭﻩ ...
ﻭﺑﻌﺪ ﻣﺎ ﺷﻔﺖ ﺟﺎﺳﺮ ﺑﻴﻨﻬﻢ ..
.....................
ﺍﻟﺤﺰﻥ ﺍﻟﻤﻔﺎﺟﺊ ﺍﻟﻲ ﻳﻨﺘﺎﺏ ﺍﻟﺸﺨﺺ ﻣﻦ ﺩﻭﻥ ﺳﺒﺐ ﺗﻔﺴﺮ ﻋﻠﻤﻴﺎ ...
ﺑﺄﻥ ﻫﻮ ﺩﻓﻌﻪ ﻟﻤﻮﺍﻗﻒ ﺍﺧﻴﺮﻩ ﺍﺗﺮﺍﻛﻤﺖ ﺑﺎﻟﻤﺎﺿﻲ ﻭﺍﻧﺖ ﺟﻨﺖ ﺑﻴﻬﺎ ﺻﺎﻣﺪ ﻭﺻﻠﺐ ...
ﻗﺒﻞ ﻻ ﺗﺠﻲ ﺧﺎﻟﺘﻲ ﺍﻡ ﻫﺎﻟﻪ ﺑﺪﻗﺎﻳﻖ ﺍﻧﺘﺎﺑﻨﻲ ﻧﻮﻉ ﻣﻦ ﺍﻟﺤﺰﻥ ﻭﺍﻟﻜﺂﺑﺔ ﺍﺳﺘﻌﺎﺫﻳﺖ ﺑﺎﻟﻠﻪ ﻣﻦ ﺍﻟﺸﻴﻄﺎﻥ ﺍﻟﺮﺟﻴﻢ ﻭﻣﺴﺤﺖ ﻋﻠﻰ ﺻﺪﺭﻱ ﺑﺎﻳﻤﺎﻥ
ﺍﻭﻭﻭﻑ ﻳﺎﺭﺑﻲ ﺍﻧﺖ ﺟﺎﻫﻲ ﺍﻧﺖ ﺣﺒﻴﺒﻲ ﺍﺭﺣﻤﻨﻲ ﻳﺎ ﺍﺭﺣﻢ ﺍﻟﺮﺍﺣﻤﻴﻦ ﻭﻃﻴﺐ ﺧﺎﻃﺮﻱ ﻳﺎﺭﺏ ...
ﻛﻌﺪﺕ ﻋﻠﺊ ﺍﻟﺪﺭﺝ ﻛﻠﺖ ﻳﻤﻜﻦ ﻻﻥ ﺭﻫﻮﻣﻪ ﻣﺮﻳﻀﻪ ﻭﺍﻧﻲ،ﺣﻴﻴﻞ ﺍﺣﺐ ﺭﻳﻬﺎﻡ ﻭﻫﻲ ﻣﺘﺴﺘﺎﻫﻞ ﺍﻟﻤﺮﺽ
ﺳﺤﺒﺖ ﻧﻔﺲ ﻭﺯﻓﺮﺗﻪ ﺷﻔﺖ ﺷﻬﺪ ﻃﻠﻌﺖ ﻣﻦ ﻏﺮﻓﺘﻬﺎ ﺍﺟﺖ ﻛﻌﺪﺕ ﻳﻤﻲ، ﻛﺎﻟﺖ ... ﺧﻴﺮ ﻛﺎﻋﺪﻩ ﺍﻟﻮﺣﺪﺝ ﺑﺪﻝ ﻫﻞ ﻛﻌﺪﻩ ﺟﺎﻥ ﻋﺠﻨﺘﻲ ﻭﺧﺒﺰﺗﻲ
ﻏﻤﻀﺖ ﻋﻴﻮﻧﻲ ﻭﺍﻧﻲ ﺍﺻﺒﺮ ﻧﻔﺴﻲ ﻳﺎﻟﻠﻪ ﻫﺎﻱ ﺷﺘﺤﺠﻲ ﻋﺒﺎﻟﻚ ﻋﻤﺘﻲ ﺍﻡ ﺭﺟﻠﻲ ﺟﺎﻭﺑﺘﻬﺎ ﺑﻬﺪﻭﺀ ... ﻋﺪﻧﺎ ﺧﺒﺰ
ﻓﺮﺕ ﺷﻔﺎﻳﻔﻬﺎ ﺑﻄﺮﻳﻘﻪ ﺳﺮﻳﻌﻪ ﻛﺎﻟﺖ ... ﺷﻔﺘﻲ ﻧﻮﻳﻠﻪ ﺭﺟﻌﺖ ﻋﺰﺍ ﺑﻌﻴﻨﻬﺎ ﻣﺎﻃﻪ ﺑﺮﺍﻃﻤﻬﺎ ﻣﻂ ﺑﺲ ﻫﻲ ﺣﻠﻮﻩ ﺗﺮﺍ ﺑﺲ ﻫﺎﺍﺍ ﻣﻮ ﺍﺣﻠﺊ ﻣﻨﻲ ﻻﻥ ﺍﻧﻲ ﻋﻠﺊ ﺍﻟﻄﺒﻴﻌﻪ ﻫﻲ ﻣﺘﺼﻨﻌﻪ
ﻫﺰﻳﺖ ﺭﺍﺳﻲ ﺑﺄﻱ
ﺟﺮﺕ ﻧﻔﺲ ﻭﻛﻤﻠﺖ ... ﻫﻮ ﺟﻌﻔﺮ ﺟﺬﺏ ﻋﻠﺊ،ﺑﺎﺑﺎ ﻭﻛﺎﻝ ﻃﻠﻜﺘﻬﺎ ﻭﻫﻮ ﺟﺬﺏ ﻣﻤﻄﻠﻜﻬﺎ ﻭﺑﺎﺑﺎ ﻟﻮ ﻳﻌﺮﻑ ﻳﻄﻠﻜﻨﻲ ﻻﻥ ﻣﻴﺼﻴﺮ ﻫﻴﺞ ﻃﻠﻌﺘﻮﺍ ﺟﺬﺍﺑﻴﻦ
ﻛﻠﺘﻠﻬﺎ ﺑﻤﻠﻞ ... ﺍﻛﻮﻟﺞ ﺍﻧﺘﻲ ﻣﻮ ﺗﺪﺭﻳﻦ ﺑﻲ ﻣﺘﺰﻭﺝ ﺷﻜﻮ ﻗﺒﻠﺘﻲ
ﻭﻛﻔﺖ ﻭﺗﺨﺼﺮﺕ ﺑﻌﺼﺒﻴﺔ ... ﻛﻮﻟﻲ ﺑﻌﺪ ﻛﻮﻟﻲ ﺍﺧﺬﺗﻪ ﻣﻦ ﻧﻮﻳﻠﻪ ﻋﻴﻨﻲ ﺣﺒﻴﺒﺘﻲ ﮔﻠﺒﻲ ﺗﺮﺉ ﺟﻌﻔﺮ ﺣﺒﻴﺒﻲ ﻣﻦ ﻗﺒﻞ ﻻ ﻳﻤﻮﺕ ﺣﻤﺎﻳﻪ ﺯﻭﺝ ﻧﻮﻳﻠﻪ ﻭﻫﻲ ﺍﺧﺬﺕ ﺟﻌﻔﺮ ﻣﻨﻲ
ﺍﺑﺘﺴﻤﺖ ... ﺍﻱ ﺻﺢ ﻧﺴﻴﺖ
ﺭﺟﻌﺖ ﻛﻌﺪﺕ ﻭﺿﻠﺖ ﺻﺎﻓﻨﻪ ﺑﻮﺟﻬﻲ ﻛﺎﻟﺖ ﺑﺤﺴﺮﻩ ... ﺟﻮﻟﻲ ﻫﻨﻴﺎﻟﺞ
ﻋﻘﺪﺕ ﺣﻮﺍﺟﺒﻲ ﺑﺎﺳﺘﻐﺮﺍﺏ ... ﻫﻬﻪ ﻋﻠﺊ ﺷﻨﻮ ﻫﻨﻴﺎﻟﻲ؟
ﺭﺟﻌﺖ ﻭﻛﻔﺖ ﺑﺤﻤﺎﺱ ﻛﺎﻟﺖ ... ﺍﻣﻤﻢ ﺫﺍﻙ ﺍﻟﻴﻮﻡ ﺷﻔﺘﺞ ﺗﻐﺴﻠﻴﻦ ﺑﺎﻟﻤﻼﺑﺲ ﻭﺟﺎﺳﺮ ﺗﻌﺎﺭﻙ ﻭﻳﺎﺝ ﻭﻟﺰﻣﺞ ﻣﻦ ﺧﺪﻭﺩﺝ ﺣﻴﻴﻴﻞ ﺑﺎﺻﺎﺑﻌﻪ ﻭﻫﻮ ﻋﺼﺒﻲ ﻧﺎﺍﺍﺍﺭ
ﺷﻜﺪ ﺟﺎﻥ ﺍﻟﻤﻮﻗﻒ ﻗﺎﺳﻲ ﺑﺲ ﺷﻜﻠﺞ ﻛﻴﻮﻭﺕ ﺟﻨﺞ ﻛﻄﻴﻮﻩ ﻫﻬﻬﻬﻬﻬﻪ
ﺿﺤﻜﺖ ﻭﻫﺰﻳﺖ ﺍﻳﺪﻱ ... ﻫﻬﻬﻬﻬﻪ ﻋﻠﺊ ﻫﺎﻱ ﻫﻨﻴﺎﻟﻲ
ﺭﺩﻳﺖ ﺑﻠﻬﻔﻪ ... ﻻﺍﺍ ﻻﺍﺍ ﺑﺲ ﺍﻧﺘﻲ ﺍﺟﻴﺘﻲ ﺯﻋﻼﻧﻪ ﻟﻠﻤﻄﺒﺦ ﻭﺍﺻﺎﺑﻌﻪ ﻣﻦ ﻟﺰﻣﺞ ﻣﺨﺘﻮﻣﻪ ﺑﺨﺪﺝ ﺷﻜﺪ ﺣﻠﻮ ﻭﺟﻬﺞ ﺻﺎﻓﻲ ﻭﺍﻟﻄﺒﻊ ﺍﺣﻤﺮ ﺷﻮ ﺍﻧﻲ ﻣﺮﻩ ﺍﺑﻮﻱ ﺿﺮﺑﻨﻲ ﺻﺮﺕ ﺯﺭﻛﻪ ﻫﻬﻬﻬﻬﻪ ...
ﻓﺈﻧﻲ ﺍﻛﻮﻝ ﻫﻨﻴﺎﻟﺞ ﻋﻠﺊ ﺑﺸﺮﺗﺞ ﺻﺎﻓﻴﻪ ﻭﺣﻠﻮﻩ ﺷﻨﻮ ﺗﺴﺘﻌﻤﻠﻴﻦ ﺍﻟﻬﺎ ﻭﺍﻟﻠﻪ ﻣﺘﺖ ﻣﻦ ﺑﺸﺮﺗﻲ ﺑﻴﻬﺎ ﺣﺐ ﻭﺧﻠﻴﺖ ﺩﺭﻣﻮﺩﻳﻦ ﻭﻛﻮﺍﺩﺭﻳﻢ ﻭﺑﺘﻨﻮﺳﺎﻡ ﻭﻣﺎ ﻓﺎﺩ ﻣﻴﺮﻭﺡ
ﺭﻓﻌﺖ ﺣﻮﺍﺟﺒﻲ ﺑﺼﺪﻣﻪ ... ﻻﺍﺍ ﻋﺰﺍ ﻻ ﺗﺴﺘﺨﺪﻣﻴﻦ ﻋﺼﺎﺻﻴﺮ ﺗﺘﻠﻒ ﺍﻟﺒﺸﺮﻩ ﺍﻭﻻ ﺍﻧﺘﻲ،ﺑﻌﺪﺝ ﻣﺮﺍﻫﻘﻪ ﻭﻫﺬﺍ ﺣﺐ ﺷﺒﺎﺏ ﺍﺫﺍ ﺣﺎﺑﻪ ﺭﺍﺟﻌﻲ ﺩﻛﺘﻮﺭ ﺍﺣﺴﻦ ﻳﺠﻮﺯ ﻋﻨﺪﺝ ﺣﺴﺎﺳﻴﻪ
ﺟﺮﺕ ﻧﻔﺲ ... ﺍﻱ،ﺍﻥ ﺷﺎﺀ ﺍﻟﻠﻪ ﺍﺭﻭﺡ ﻟﻠﺪﻛﺘﻮﺭ ﺍﺣﺴﻦ
ﺧﻠﻴﻨﻪ ﻭﺭﺣﻨﻪ ﻧﻨﻀﻒ ﻭﻧﺸﺘﻐﻞ
ﺑﺲ ﺍﻧﻲ ﺍﻟﻴﻮﻡ ﻛﻮﻭﻭﻟﺶ ﺿﺎﻳﺠﻪ ﻫﻤﺎﺗﻴﻦ ﻋﻠﺊ ﺭﻳﻬﺎﻡ ﻭﻫﻤﺎﺗﻴﻦ ﺍﻛﻮ ﺷﺊ ﺑﺪﺍﺧﻠﻲ ﻳﺎﺫﻳﻨﻲ ...
ﺭﻳﻬﺎﻡ ﻣﺎ ﻧﺨﻠﻴﻬﺎ ﺗﻨﻀﻒ ﺍﺑﺪ ﺑﺲ ﺍﻧﻲ ﻭﺷﻬﺪ ﻭﻧﻮﺍﻝ ﻣﺨﻠﺼﺘﻬﺎ ﺣﺎﻣﻞ ﻣﺎ ﺍﻛﺪﺭ ...
ﻭﻧﻮﺍﻝ ﻣﺎ ﺗﻌﺮﻑ ﺑﺮﻳﻬﺎﻡ ﻣﺮﻳﻀﻪ ﺻﻼﺡ ﻛﺎﻝ ﻻ ﺩﻛﻮﻟﻮﻥ ﻫﺎﻱ ﻓﺘﺎﻧﻪ ﻭﺍﺧﺎﻑ ﺩﻛﻠﻬﺎ ﺍﻧﺘﻲ ﻣﺮﻳﻀﻪ ﻭﺗﺨﺒﻞ ﺍﻟﺒﻨﻴﻪ
ﻭﺍﺣﻨﻪ ﻫﻤﺎﺗﻴﻦ ﺍﺑﺪ ﻣﺎ ﺣﺠﻴﻨﻪ ...
ﺷﻮﻳﻪ ﻭﺩﺧﻠﺖ ﺧﺎﻟﺘﻲ ﺍﻡ ﻫﺎﻟﻪ ﺗﻠﻄﻢ ... ﻳﻤﻤﻤﻪ ﻳﻤﻤﻤﻪ ﻭﻟﻜﻢ ﺍﻟﺤﻜﻮﺍ
ﺍﺟﻴﻨﻪ ﻧﺮﻛﺾ ﻋﻠﻴﻬﺎ ﻭﺧﺎﻟﺘﻲ ﺍﻡ ﻓﻼﺡ ﻟﺰﻣﺖ ﺍﻡ ﻫﺎﻟﻪ ﻭﺳﺎﻟﺘﻬﺎ ﺑﺨﻮﻭﻑ ... ﺷﺒﻴﻴﻴﺞ ﺧﻴﻪ ﺷﺒﻴﻴﺞ ﺷﻜﻮ ﻟﻴﺶ ﺗﺼﺮﺧﻴﻦ
ﺭﺩﺕ ﺑﻤﻜﺮ ﻋﻮﺩ ﻫﻲ ﻣﻘﻬﻮﺭﻩ ... ﺍﻟﻴﻮﻡ ﺗﺼﻴﺮ ﻣﻠﺤﻤﻪ ﺟﺎﺳﺮ ﻟﻌﺐ ﻟﻌﺐ ﺟﺎﺍﺍﺳﺮ ﻛﺘﻞ ﻋﺎﺻﻢ
ﺻﺪﻣﻪ ﺍﻟﺠﻤﺖ ﻛﻞ ﺣﻮﺍﺳﻲ ﻭ ﻭﻛﻊ ﺍﻟﺼﺤﻦ ﻣﻦ ﺍﻳﺪﻱ ﻫﻤﺴﺖ ﺑﻘﻬﺮ ﻭﺭﻭﺡ ﻣﺴﻠﻮﺑﻪ .... ﻋﺎﺻﻢ ﻣﺎﺍﺍﺕ ﻛﺘﻠﻪ ﺟﺎﺳﺮ
ﺑﺎﻭﻋﺘﻠﻲ،ﻭﻫﻲ ﺗﻠﻄﻢ ﻛﺎﻟﺖ ﺑﺼﻴﺎﺡ ... ﺍﻱ ﻛﺘﻠﻪ ﻋﻤﺞ ﻭ ﻭﻟﺪ ﻋﻤﺞ ﺧﺎﺑﺮﻫﻢ ﺣﺎﺯﻡ ﻭﻛﻠﻬﻢ ﺟﺎﺳﺮ ﻛﺘﻞ ﻋﺎﺻﻢ ﻭﺭﺍﺣﻮﺍ ﻟﻠﻤﺴﺘﺸﻔﺊ ﻛﺎﻟﻮ ﻣﺎﺍﺍﺕ
ﺗﺠﻤﺪﺕ ﺍﻋﻀﺎﺋﻲ ﻭﺗﻴﺒﺴﺖ ﺍﻟﺪﻣﻮﻉ ﺑﻤﺤﺎﺟﺮ ﻋﻴﻮﻧﻲ ﺟﺴﻤﻲ ﻛﻠﻪ ﻣﺎﺍﺕ ﺍﻋﺼﺎﺑﻲ ﻛﻠﻬﺎ ﻭﻛﻔﺖ ...
ﺑﺎﻭﻋﺘﻠﻬﺎ ﺑﻌﺪﻡ ﺗﺼﺪﻳﻖ ﻭﺻﺪﻣﻪ ... ﻛﺘﻠﻠﻠﻠﻠﻠﻠﻪ ﻛﺘﻠﻠﻠﻠﻪ ﻻﺍﺍﺍﺍ ﻻﺍﺍﺍﺍ ﻭﻳﻦ ﻟﻜﺎﻩ ﺍﺻﻼ ﻭﻛﺘﻠﻪ ﻻ ﺗﻘﻬﺮﻳﻨﻲ ﺍﺣﺠﻲ
ﻟﻄﻤﺖ ﻋﻠﺊ ﻭﺟﻬﻪ ﻭﻫﻲ ﺗﺼﻴﺢ ... ﻋﺰﺍ ﺍﻟﻌﺰﺍﻧﻲ ﺭﺍﺡ ﻳﺼﻴﺮ ﻛﺎﺗﻞ ﻭﻣﻜﺘﻮﻝ ﺍﻟﺪﻡ ﺭﺍﺡ ﻳﺼﻴﺮ ﻟﻠﺮﻛﺎﺏ ﻣﺤﺪ ﻳﺴﻜﺖ ﻋﻦ ﺛﺎﺭﻩ ﻣﺤﺪ ﺍﻟﻜﻞ ﻣﺘﺨﺒﻞ
ﻟﺰﻣﺘﻬﺎ ﻣﻦ ﺍﻛﺘﺎﻓﻬﺎ ﺑﻘﻮﻭﻭﻩ ﻭﻫﺰﻳﺘﻬﺎ ﺑﻨﻬﻴﺎﺍﺍﺍﺭ ... ﺷﻠﻮﻭﻭﻭﻭﻥ ﻛﺘﻠﻪ ﺷﻠﻮﻭﻭﻭﻥ ﻫﻮ ﻣﻮ ﻫﻨﺎ ﺍﺻﻼ ﻋﺎﺻﻢ ﻣﻮ ﻫﻨﺎ ﻫﺎﻱ ﺍﻛﻴﺪ ﻟﻌﺒﻪ ﻣﻨﻜﻢ ﺍﻧﺘﻢ ﺳﺎﺱ ﺍﻟﺒﻠﻪ ﺍﻧﺘﻢ ﺍﺻﻞ ﺍﻟﻔﺘﻨﻪ
ﻋﺎﺩ ﻫﻲ ﺩﻓﻌﺘﻨﻲ ﺑﻐﻀﺐ ... ﺍﻧﺠﺒﻲ ﻟﺞ ﻭﻟﺞ ﺍﻧﻲ ﺧﺎﻟﺘﺞ ﻭﻣﺮﺓ ﻋﻤﺞ ﻫﻴﺞ ﺗﺤﺠﻴﻦ ﻭﻳﺎﻱ ﻓﻮﻙ ﻣﺎ ﺟﺎﻱ ﺍﻭﺍﺳﻴﺞ ﻋﻠﺊ ﺍﺧﻮﺝ
ﺑﺲ ﺍﻧﺘﻲ ﺗﻀﻠﻴﻦ ﻃﻮﻝ ﻋﻤﺮﺝ ﺣﻘﻴﺮﻩ ﻭﻛﻠﺒﻪ ﺍﺣﻨﻪ ﻃﻠﻌﻨﻪ ﺳﺎﺱ ﺍﻟﺒﻠﻪ ﻳﺎ ﺳﻮﺳﺔ ﺍﻟﺒﻠﻪ
ﺿﻠﻴﺖ ﺍﺷﻬﻚ ﻭﺍﺻﺮﺥ ﻣﻦ ﻛﻼﻣﻬﺎ ﻭﻫﻲ،ﻛﻤﻠﺖ ﺑﻌﻨﻒ ﻭﺑﺪﻭﻥ ﺭﺣﻤﺔ .... ﻛﺘﻠﻪ ﺟﺎﺳﺮ ﻭﺍﺧﺬ ﺣﻘﻪ ﻣﻨﻪ ﻣﺠﺮﻡ ﻭﺑﺮﮔﺒﺘﻪ ﺗﻼﺛﻪ ﻭﻳﺴﺘﺎﻫﻞ ﺍﻟﻘﺘﻞ
ﺑﺲ ﺍﺣﻨﻪ ﻧﻜﻮﻝ ﺍﺑﻦ ﻋﻤﻨﻪ ﻭﺍﺑﻦ ﺍﺧﺘﻨﻪ ﻻﺯﻡ ﻧﺘﺎﺛﺮ ﻋﻠﻴﻪ ﺍﻟﻪ ﻫﻮ ﻣﺎ ﻳﺴﺘﺎﻫﻞ ﺍﻟﺒﺠﻲ ﻭﺑﺸﺮ ﺍﻟﻘﺎﺗﻞ ﺑﺎﻟﻘﺘﻞ
ﺣﻄﻴﺖ ﺍﺩﻳﻪ ﻋﻠﺊ ﺍﺫﺍﻧﻲ ﻣﺎ ﺍﺭﻳﺪ ﺍﺳﻤﻊ ﻛﻼﻣﻬﺎ ﺍﻟﻼﺫﻉ ﺩﻓﻌﺘﻬﺎ ﺑﻜﻞ ﻗﺴﻮﻩ ... ﺍﻃﻠﻌﻴﻴﻲ ﺑﺮﺭﺭﺭﺍ ﺍﻃﻠﻌﻴﻴﻲ ﺟﺬﺍﺍﺍﺑﻪ ﺍﻟﻠﻪ ﻻ ﻳﻮﻓﻘﻜﻢ ﺍﻟﻠﻪ ﻳﻨﺘﻘﻢ ﻣﻨﻜﻢ
ﺻﺮﺧﺖ ﺑﺼﻮﺕ ﻋﺎﻟﻲ ﻣﺎ ﻋﺎﺵ ﺍﻟﻴﻄﺮﺩﻧﻲ ﻣﻦ ﺑﻴﺖ ﺍﺧﺘﻲ ﺍﺻﻼ ﺍﻧﺘﻲ ﻣﺎﻟﺞ ﻣﻜﺎﻥ ﺑﻬﻞ ﺑﻴﺖ ﺑﻴﺞ ﺧﻴﺮ ﺍﻃﻠﻌﻲ ﺑﻜﺮﺍﻣﺘﺞ ﺯﻭﺟﺞ ﻛﺘﺎﻝ ﺍﺧﻮﻭﺝ ﻭﺍﻧﺘﻲ ﻧﺎﻳﻤﻪ ﺑﺤﻀﻨﻪ ﺻﺪﻙ ﻣﺎ ﺗﺴﺘﺤﻴﻴﻦ
ﻛﻼﻣﻬﺎ ﻣﺜﻞ ﺳﻢ ﻭﻳﺪﺧﻞ ﺑﺠﺴﻤﻲ ﺧﻠﺘﻨﻲ ﺗﻬﺴﺘﺮﺕ ﻣﺎ ﻋﺮﻓﺖ ﺷﻨﻮ ﺍﺳﻮﻭﻭﻱ ﺍﺣﺘﺎﺭﻳﺖ ﺍﺑﺠﻲ،ﺍﻟﻄﻢ ﺍﻧﻮﻭﻭﺡ
ﻧﻘﺬﺗﻨﻲ ﻣﺎﻣﺎ ﺭﺿﻴﻪ ﻣﻦ ﺣﺠﺖ ﻭﻳﺎﻫﺎ ﺑﻐﻀﺐ ﻛﺎﻟﺖ ... ﺍﻃﻠﻌﻲ ﺑﺮﺍﺍﺍ ﺍﻃﻠﻌﻲ ﺍﻧﺘﻲ ﺷﺘﺤﺠﻴﻦ ﻭﺷﻜﻮ ﺟﺎﻳﻪ ﺍﺫﺍ ﺟﺎﺳﺮ ﻛﺘﻞ ﻋﺎﺻﻢ ﺗﺤﻄﻴﻦ ﻟﻠﻨﺎﺭ ﺣﻄﺐ ﻟﻮ ﺷﻨﻮ ﺳﺎﻟﻔﺘﺞ ﺍﻃﻠﻌﻲ ﻳﺎﻟﻠﻪ
ﻃﺎﺣﺖ ﺑﻴﻬﺎ ﻭﻃﺮﺩﺗﻬﺎ ﻭﻗﻔﻠﺖ ﺍﻟﺒﺎﺏ ﻭﺧﺎﻟﺘﻲ ﺍﻡ ﻫﺎﻟﻪ ﺿﻠﺖ ﺗﺴﺐ ﻭﺗﻐﻠﻂ ﻋﻠﺊ ﻣﺎﻣﺎ ﺭﺿﻴﻪ ..
ﺑﺎﻭﻋﺖ ﺍﻟﺨﺎﻟﺘﻲ ﺍﻡ ﻓﻼﺡ ﺟﺎﻧﺖ ﻣﻼﻣﺤﻬﺎ ﺟﺎﻣﺪﻩ ﻣﺘﻌﺒﺮ ﻋﻦ ﺍﻱ ﺷﺊ،
ﻭﻧﻮﺍﻝ ﻓﺮﺣﺎﺍﺍﺍﻧﻪ ﻭﻛﻞ ﺷﻮﻳﻪ ﻭﻛﺎﻟﺖ ... ﻳﺎﺭﺏ ﻛﻮﻭﻥ ﺍﻟﺨﺒﺮ ﺻﺤﻴﺢ ﻧﺬﺭ ﻋﻠﻴﻪ ﺭﺍﻳﻪ ﺑﻴﻀﻪ ﻋﻠﺊ،ﻃﻮﻝ ﺑﺎﺏ ﺍﻟﺒﻴﺖ ﺍﻋﻠﻜﻬﺎ ﺑﺲ،ﻛﻮﻥ ﻫﻞ ﻛﻠﺐ ﺻﺪﻙ ﻓﻄﺲ ﻭﺛﺎﺭ ﻓﻼﺡ ﺍﺧﺬﻩ ﺟﺎﺳﺮ ...
ﺭﻳﻬﺎﻡ ﺟﺎﻧﺖ ﻭﺍﻛﻔﻪ ﻫﻲ ﻭﺷﻬﺪ ﻭﻣﺴﺘﻐﺮﺑﺎﺕ ﻣﻦ ﺍﻟﺼﺎﺭ ﺑﺲ ﺟﺎﻧﺖ ﺭﻳﻬﺎﻡ ﺗﺘﺼﻞ ﻋﻠﺊ ﺟﺎﺑﺮ ﻭﻛﻞ ﺷﻮﻳﻪ ﻭﻛﺎﻟﺖ ... ﺟﺎﺑﺮ ﺭﺩ ﻭﻳﻴﻦ ﺭﺣﺖ ﻭﻳﻴﻴﻦ ﻳﺎﻟﻠﻪ ﺑﺲ ﻻ ﺻﺪﻙ ﻛﺘﻠﻪ ﻭﺍﻟﻠﻪ ﻧﺮﻭﺡ ﺑﻴﻬﺎ ﺗﺼﻴﺮ ﺛﺎﺭﺍﺕ ﺑﻴﻦ ﺍﻟﻌﺸﺎﻳﺮ ...
ﺣﻄﻴﺖ ﺍﻳﺪﻱ ﺍﻟﺮﺍﺟﻔﻪ ﻋﻠﺊ ﺷﻔﺎﻳﻔﻲ ﻭﮔﻠﺒﻲ ﺍﺣﺲ ﺣﻴﻄﻠﻊ ﻣﻦ ﻣﻜﺎﻧﻪ ﻳﺮﺑﻲ ﺍﻟﺨﺒﺮ ﺟﺬﺏ ﻳﺎﺍﺍﺍﺭﺏ ﻓﺪﻭﻩ ﺍﺭﻭﺣﻠﻚ ﻛﻮﻥ ﺍﻟﺨﺒﺮ ﺟﺬﺏ ...
ﺿﻠﻴﺖ ﺍﻓﺘﺮ ﺑﺎﻟﺤﻮﺵ ﺗﺤﺖ ﺍﻧﻀﺎﺭﻫﻦ ﻭﺍﻓﺮﻙ ﺑﺎﺩﻳﻪ ﺑﺘﻮﺗﺮ ﻭﺑﻄﻨﻲ ﺍﺣﺴﻬﺎ ﺳﺠﺎﺟﻴﻦ ﺗﻜﻄﻊ ﺑﻴﻬﺎ ﻭﺭﺟﻠﻴﻪ ﻭﺣﺪﻩ ﺗﻀﺮﺏ ﺑﺎﻟﺜﺎﻧﻴﻪ ﻣﻦ ﺍﻟﺨﻮﻭﻑ
ﻭﺍﺭﺩﺩ ﺑﻜﻠﻤﺎﺕ ﺍﻟﻠﻪ ﺍﻟﺘﺎﻣﻪ ﻭﺍﻃﻤﻦ ﺑﻨﻔﺴﻲ ﻳﺎﺭﺏ ﺍﻥ ﺷﺎﺀ ﺍﻟﻠﻪ ﺟﺎﺳﺮ ﻣﻮ ﻗﺎﺗﻞ ﺍﻥ ﺷﺎﺀ ﺍﻟﻠﻪ ...
ﺗﻮﺳﻠﺖ ﺑﻤﺎﻣﺎ ﺭﺿﻴﻪ ﺗﻨﻄﻴﻨﻲ ﻣﻮﺑﺎﻳﻠﻬﺎ ﺍﺧﺎﺑﺮ ﻋﻠﺊ،ﺟﺎﺳﺮ ﺍﺳﺘﻔﺴﺮ ﻣﻨﻪ ﻭﻫﻲ،ﺧﻄﻴﻪ ﻣﻘﺼﺮﺕ ﺍﻧﻄﺘﻨﻲ ﺍﻟﻤﻮﺑﺎﻳﻞ ﺧﺎﺑﺮﺕ ﻛﻢ ﻣﺮﻩ ﻳﻄﻠﻊ ﻣﺸﻐﻮﻭﻝ ﻟﻮ ﻫﻮ ﻳﻜﻄﻌﻪ
ﺩﺧﻞ ﺻﻼﺡ ﻭﺟﻌﻔﺮ ﺑﺲ ﺷﻨﻮ ﻋﻮﻭﺩ ﻣﺮﺗﺒﻜﻴﻦ ﻭﺣﺴﻴﺖ ﺑﻴﻬﻢ ﻣﻀﺠﻮﺟﻴﻦ ﺧﻔﺖ ﻭﻣﺎ ﺗﺸﺠﻌﺖ ﻭﺳﺎﻟﺘﻬﻢ ﻭﻻ ﺗﺠﺮﺃﺕ ﺧﻔﺖ ﺣﻴﻴﻞ ...
ﻣﺎﻣﺎ ﺭﺿﻴﻪ ﻭﺧﺎﻟﺘﻲ ﺍﻡ ﻓﻼﺡ ﺭﺍﺣﻦ ﻭﺭﺍﻫﻢ ﻭﺗﻘﺮﻳﺒﺎ ﻋﺸﺮ ﺩﻗﺎﻳﻖ ﻭﻃﻠﻌﻮﺍ ﻛﻠﻬﻢ ﺷﻔﺖ ﺻﻼﺡ ﺧﻠﻪ ﺍﻟﺴﻼﺡ ﺑﺤﺰﺍﻡ ﺑﻨﻄﺮﻭﻧﻪ ﻭﻓﻮﻛﺎﻩ ﺍﻟﺴﺘﺮﻩ ﻣﺎﻟﺘﻪ ...
ﺭﻏﻢ ﻛﻞ ﺍﻻﺣﺪﺍﺙ ﻭﺭﻏﻢ ﻛﻞ ﺍﻟﻲ ﺻﺎﺭ ﺑﺲ ﺍﻧﻲ ﺩﺍ ﺍﻛﺬﺏ ﺍﻟﺤﻘﻴﻘﻪ
ﻣﺎﻣﺎ ﺭﺿﻴﻪ ﻭﺟﻬﻪ ﺻﺎﺍﺍﺭ ﺍﺻﺼﺼﺼﺼﻔﺮ ﻭﺍﻡ ﻓﻼﺡ ﻭﺟﻬﻪ ﻳﻨﻄﻖ ﺑﺎﻟﺠﺒﺮﻭﺕ ...
ﺑﺲ ﻭﺣﺪﻩ ﺗﺒﺎﻭﻉ ﻟﻠﺜﺎﻧﻴﻪ ﺣﺴﻴﺖ ﺍﻛﻮ ﺑﻴﻨﻬﻦ ﻟﻐﺰ
ﻣﺮﺗﻀﺊ ﺟﺎﻥ ﻳﻠﻌﺐ ﻫﻮ ﻭﻣﺼﻄﻔﺊ ﺑﺎﻭﻋﺘﻠﻬﻢ ﻭﺟﺮﻳﺖ ﺣﺴﺮﻩ ﻋﻠﻴﻬﻢ ... ﺍﻟﻠﻪ ﻳﻌﻴﻨﺎ ﻳﻤﻪ ﺷﺮﺍﺡ ﻳﺼﻴﺮ ﺑﻴﻨﻪ ﺑﻌﺪ ﻫﻞ ﻳﻮﻡ ...
ﻛﻤﺰﺕ ﻋﻠﺊ،ﺻﻮﺕ ﺍﻟﺒﺎﺏ ﺷﻔﺘﻪ ﺍﻳﻴﻲ ﻫﻮ ﺟﺎﺳﺮ ﺩﺧﻞ ﻭﻋﻴﻮﻧﻪ ﺗﻨﻄﻖ ﺑﺎﻟﺤﻘﺪ ﻭﺍﻟﺠﺒﺮﻭﺕ
ﺍﻧﺴﻠﺒﺖ ﻣﻨﻲ ﺍﻟﺮﻭﺡ ﻣﺠﺮﺩ ﻣﺎ ﺷﻔﺖ ﻣﻼﻣﺤﻪ ﺍﻟﻘﺎﺳﻴﻪ ﺑﻴﻦ ﺍﻹﺭﺍﺩﺓ ﻭﻻ ﺃﺭﺍﺩﻩ ﺑﻴﻦ ﺍﻟﺤﻘﻴﻘﻪ ﻭﺍﻟﻮﺍﻗﻊ ﺗﺮﺍﺟﻌﺖ ﻟﻠﺨﻠﻒ ﺑﺨﻄﻮﺍﺕ ﻗﻠﻴﻠﻪ ﻣﺎ ﺍﺭﻳﺪ ﺍﺳﻤﻊ ﻣﻨﻪ ﻛﻠﻤﻪ ﺗﺠﺮﺣﻨﻲ ...
ﺷﺠﻌﺖ ﺭﻭﺣﻲ ﻭﺗﻘﺮﺑﺖ ﻣﻨﻪ ﻭﺩﻣﻮﻋﻲ ﺗﺸﻜﻲ ﻣﺄﺳﺎﺗﻲ ﻭﺍﻟﺮﻭﺡ ﺫﺍﻳﺒﻪ ﺑﺤﻀﺮﺗﻪ ﻟﺰﻣﺘﻪ ﻣﻦ ﻳﺎﺧﺔ ﻗﻤﻴﺼﻪ ﻭﺍﻧﻲ ﺍﺑﺎﻭﻉ ﻟﻌﻴﻮﻧﻪ ﺩﺍ ﺍﺷﻮﻑ ﻣﺪﺉ ﺻﺪﻕ ﻛﻼﻡ ﺧﺎﻟﺘﻲ ﺍﻡ ﻫﺎﻟﻪ ﺑﻌﻴﻮﻧﻪ ﻫﻤﺴﺖ ﺑﺼﻮﺕ ﺣﺰﻳﻴﻦ ... ﻛﺘﻠﺖ ﻋﺎﺻﻢ؟
ﺿﻞ ﻣﺮﻛﺰ ﺑﻌﻴﻮﻧﻲ ﻭﺛﻮﺍﻧﻲ ﻭﻋﺪﺕ ﻋﻠﻴﻪ ﺍﻟﺴﺆﺍﻝ ﺑﻤﺮﻩ ﺛﺎﻧﻴﻪ ﻭﺑﻤﺮﺍﺭﻩ ﻭﻋﻠﻘﻢ ﻭﺧﻮﻑ ﺟﻨﺖ ﻣﺘﺮﻗﺒﻪ ﺍﻻﺟﺎﺑﻪ ﻭﻗﺴﺊ،ﺍﻛﺜﺮ ﻣﺎ ﻫﻮ ﻗﺎﺳﻲ ﺟﺎﻭﺏ ﺑﺠﺒﺮﻭﺕ ... ﺍﻳﻴﻲ ﻛﺘﻠﺘﻪ
ﻭﻛﻔﺖ ﺑﻠﺤﻈﺔ ﺻﻤﺖ ﻭﻋﺪﻡ ﺍﺳﺘﻴﻌﺎﺏ ﺭﻣﺸﺖ ﺑﻌﻴﻮﻧﻲ،ﺍﺭﻳﺪ ﺍﺻﺪﻙ ﺍﻟﻲ،ﻳﻜﻮﻭﻭﻟﻪ ﺍﻧﻬﻴﺎﺭ ﻫﺸﻢ ﺃﺟﺰﺍﺀ ﺭﻭﺣﻲ ﺻﺮﺧﺖ ﺑﺼﻮﺕ ﻋﺎﻟﻲ ... ﻟﻴﻴﻴﻴﻴﺶ ﻟﻴﻴﻴﺶ ﺿﻠﻤﺘﻨﻲ ﺟﺎﺍﺍﺍﺳﺮ ﻭﺍﻟﻠﻪ ﺿﻠﻤﺘﻨﻲ ﻻﺍﺍﺍﺍﺍﺍﺍ ﻟﻴﺶ ﻫﻴﺞ ﺳﻮﻭﻳﺖ
ﻣﻮ ﻛﺘﻠﻚ ﺍﻧﻲ ﻣﻮ ﻛﺘﻠﻚ ﺧﻠﻲ ﺍﻟﺪﻭﻟﻪ ﺗﻜﺘﻠﻪ ﺗﻌﺪﻣﻪ ﺑﺲ ﺍﻧﺖ ﻻﺍﺍﺍﺍﺍﺍ ﺷﻠﻮﻭﻭﻥ ﺍﻋﻴﺶ ﻭﻳﺎﺍﺍﺍﻙ ﺷﻠﻮﻭﻭﻭﻭﻥ ﺍﺣﺠﻲ
ﻣﺎ ﺍﻫﺘﻢ ﻟﺪﻣﻮﻋﻲ ﺍﻟﻤﺘﻼﻻﺓ ﺑﻌﻴﻮﻧﻲ ﻭﺻﺮﺥ ﺑﻮﺟﻬﻲ ﺑﻘﺴﻮﻭﻭﻭﻩ .. ﻟﻴﺸﺶ ﺍﻧﻲ ﺷﻠﻮﻥ ﻋﺸﺖ ﻭﻳﺎﺍﺍﺍﺝ ﻭﺍﻧﺖ ﺍﺧﺖ ﻛﺘﺎﻝ،ﺍﻫﻠﻲ
ﺻﺮﺧﺖ ﺑﻨﻬﻴﺎﺭ ﺗﺎﻡ ﻭﺻﻮﺕ ﺣﺰﻳﻦ ... ﺍﻧﻲ ﺍﺧﺘﻪ ﺍﻳﻴﻲ ﺍﺧﺘﻪ ﻣﻮ ﺍﻧﻲ ﺍﻟﻲ ﻛﺘﻠﺖ ﺍﻫﻠﻚ ﺍﻧﻲ،ﺍﻡ ﻭﻟﺪﻙ ﻣﺎﻟﻲ ﺫﻧﺐ ﺑﺎﻟﺼﺎﺭ
ﺑﺲ ﺍﻧﺖ ﻛﺘﻠﻪ ﺍﻧﺖ ﺍﻟﻘﺎﺗﻞ ﻣﻮ ﺍﺧﻮﻭﻭﻙ ﻭﻻ ﺍﻱ ﺷﺨﺺ ﺍﻧﺖ ﺍﻳﺪﻙ ﺗﻠﻄﺨﺖ ﺑﺪﻡ ﺍﺧﻮﻭﻳﻪ
ﻟﻴﻴﻴﻴﻴﺶ ﻟﻴﻴﻴﺶ ﺍﺣﺴﻚ ﺗﺘﻠﺬﺫ ﺑﻌﺬﺍﺑﻲ ﻭﺗﺤﺐ ﺗﺸﻮﻑ ﺩﻣﻮﻋﻲ ﻭﺗﻜﺴﺮﻧﻲ ﻭﺗﺪﻭﺳﻨﻲ ﺑﺮﺟﻠﻚ
ﺍﻧﻲ ﻣﻮ ﻛﺘﻠﻠﻠﻚ ﻻ ﺗﻜﺘﻠﻪ ﺍﻧﺖ ﺍﻱ،ﻭﺍﺣﺪ ﻳﻜﺘﻠﻪ ﺍﻻ ﺍﻧﺖ ﺧﻠﻲ ﺍﻟﺪﻭﻟﻪ ﺧﻠﻲ ﺍﻟﻜﻞ ﺑﺲ ﺍﻧﺖ ﻻﺍﺍﺍﺍﺍ
ﻋﻴﻮﻧﻪ ﺟﺎﻧﺖ ﺗﻨﻄﻖ ﺑﺎﻟﺤﻘﺪ ﻫﺰﻧﻲ ﺑﻘﻮﻭﻭﻩ ﻭﺯﻣﺠﺮ ﺑﺼﻮﺕ ﻋﺎﻟﻲ .... ﺍﺧﻮﻭﺝ ﻗﺎﺗﻞ ﻗﺎﺍﺍﺍﺍﺍﺗﻞ
ﺻﺮﺧﺖ ﺑﻮﺟﻬﻪ ... ﻭﺷﺘﻔﺮﻕ ﻋﻨﻪ ﺍﻧﺖ ﺻﺮﺕ ﻣﺜﻠﻪ ﻗﺎﺗﻞ ﻣﺎ ﺗﻔﺮﺭﻕ ﻋﻨﻨﻨﻪ ﺷﺌﺌﺊ
ﺭﺩﺕ ﺧﺎﻟﺘﻲ ﺑﺒﺮﻭﺩ ... ﻭﺑﺸﺮ ﺍﻟﻘﺎﺗﻞ ﺑﺎﻟﻘﺘﻞ ﺍﺧﻮﺝ ﻣﺠﺮﻡ ﻭﻻﺯﻡ ﻳﺎﺧﺬﻭﻥ ﻣﻨﻪ ﺍﻟﻘﺼﺎﺹ ﻭﺍﺧﺬ ﺣﻘﻪ ﻣﻦ ﺟﺎﺳﺮ
ﺩﺭﺕ ﻭﺟﻬﻲ ﻋﻠﻴﻬﺎ ﺑﺬﻫﻮﻝ ﻭﺍﻟﺪﻣﻌﻪ ﺗﺤﺮﻙ ﻭﺟﻨﺎﺗﻲ ... ﻓﺮﺣﺎﻧﻪ ﺍﺑﻨﺞ ﺍﺧﺬ ﺍﻟﻘﺼﺎﺹ ﻣﻦ ﺍﺧﻮﻳﻪ ؟ ﺗﻌﺮﻓﻴﻦ ﺷﺤﻴﺼﻴﺮ ﺣﻴﺼﺮ ﺩﻡ ﺑﻴﻦ ﺍﻟﻌﺸﻴﺮﺗﻴﻴﻦ ﻧﺎﺱ،ﺗﺠﺮ ﻧﺎﺱ ﺗﻌﺮﻓﻴﻦ ﺷﻨﻮ ﺍﻧﺘﻲ ﻣﺘﺨﺎﻓﻴﻦ ﻋﻠﺊ،ﻭﻟﺪﺝ
ﺭﺩﺕ ﻧﻮﺍﻝ ... ﺍﻟﻤﻬﻢ ﻋﺎﺻﻢ ﺍﻟﻨﺬﻝ ﺍﻧﻜﺘﻞ ﻭﻫﺬﺍ ﺍﻟﻲ،ﻧﺮﻳﺪﻩ
ﺗﺨﺒﻠﺖ ﻣﻦ ﻛﻼﻣﻬﻦ ﻣﺪﺭﻱ ﺷﺒﻴﻬﻦ ﺣﺘﺊ ﻟﻮ ﻣﻘﻬﻮﺭﺍﺕ ﻋﻠﺊ ﻓﻼﺡ ﻭﻋﻤﻲ ﺍﻟﺸﻴﺦ ﺑﺲ ﻋﺎﺻﻢ ﻣﺎﺕ ﻭﺍﻟﻜﺘﻠﻪ ﺟﺎﺳﺮ ﻭﺍﻟﻤﻴﺖ ﻣﺎ ﺗﺠﻮﺯ ﻋﻠﻴﻪ ﺑﺲ ﺍﻟﺮﺣﻤﻪ ﻟﻴﺶ،ﻫﻴﺞ ﻳﺤﺠﻦ
ﺻﺮﺧﺖ ﻭﻟﻄﻤﺖ ﻭﺷﻌﺮﻱ ﻣﻠﺨﺘﻪ ﻭﺍﻧﻲ ﺍﺻﺮﺥ ... ﻳﺎﺍﺍ ﻭﻳﻴﻞ ﺣﺎﻟﻲ ﻳﻤﻤﻤﻪ ﺷﺤﺎﻟﺞ ﻫﺴﻪ ﺳﻮﺩﻩ ﻳﻤﻤﻤﻪ
ﺍﻧﻬﺮﺕ ﺑﺼﻮﺭﺓ ﻋﺼﻴﺒﻪ ﻭﻫﺠﻤﺖ ﻋﻠﻴﻪ ﻭﺍﻧﻲ ﺍﺻﺮﺥ ﺑﻮﺟﻬﻪ ... ﻟﻴﻴﻴﺶ ﺟﺎﺍﺍﺳﺮ ﻟﻴﻴﻴﺶ ﺷﻠﻮﻭﻭﻥ ﻫﻴﻴﻴﺞ
ﺿﺮﺑﺘﻪ ﻋﻠﺊ ﺻﺪﺭﻩ ﻭﺍﺭﺟﻒ ﺑﺼﻮﺭﻩ ﻣﻮ ﻃﺒﻴﻌﻴﻪ ﻭﺑﺪﻝ ﺍﻟﺪﻣﻮﻉ ﺗﻮﻛﻊ ﻋﺸﺮﻩ ﻫﻮ ﻟﺰﻣﻨﻲ ﻭﺛﺒﺘﻨﻲ ﺑﺎﺩﻳﻪ ﻭﺻﺎﺡ ﺑﺼﻮﺕ ﻋﺎﻟﻲ ... ﺗﻌﺎﻟﻦ ﺍﺧﺬﻧﻬﺎ ﻻ ﺗﺨﻠﻨﻬﺎ ﺗﻄﻠﻊ
ﺩﻓﻌﺘﻪ ﺑﻐﻀﺐ ﺷﺪﻳﺪ ﻭﺑﺼﻮﺕ ﻣﺨﺘﻨﮓ ﻣﻦ ﺍﻟﺒﺠﻲ ... ﻋﻮﻓﻨﻲ ﻟﺤﺪ ﻳﻠﺰﻣﻨﻲ ﻟﺤﺪ ﻳﻠﺰﻣﻨﻴﻴﻲ ﺧﻠﻮﻭﻭﻭﻧﻲ ﺍﺭﻭﺡ ﻻﻣﻲ ﺍﺭﺭﺭﻳﺪ ﺍﻣﻲ
ﻫﻮ ﺻﺎﺡ ﺑﺼﻮﺕ ﻫﺰ ﺍﺭﻛﺎﻥ ﺍﻟﺒﻴﺖ ... ﺩﺧﻠﻨﻬﺎﺍﺍﺍﺍ ﺑﺴﺮﺭﺭﺭﻋﻪ ﺑﺴﺮﺭﺭﻋﻪ
ﻣﺎﻣﺎ ﺭﺿﻴﻪ ﻭ ﻧﻮﺍﻝ ﺭﺍﺩﻥ ﻳﺪﺧﻠﻨﻲ ﺑﺲ ﺍﻧﻲ ﺍﺟﺘﻨﻲ،ﻗﻮﻩ ﻣﺪﺭﻱ ﻣﻨﻴﻦ ﻻﻥ ﻣﺤﺘﺮﻙ ﻛﻠﺒﻲ ﻣﺪﺭﻱ ﺷﻨﻮ ﻣﺎ ﺧﻠﻴﺖ ﺍﻱ ﻭﺣﺪﻩ ﺗﻠﺰﻣﻨﻲ
ﺿﻠﻴﺖ ﺍﻓﺘﺮ ﺑﺎﻟﺤﻮﻭﺵ ﺑﺮﻋﺐ ﻭﺍﺭﻳﺪ ﺍﻃﻠﻊ ﺍﺭﻳﺪ ﺍﻫﺞ ﻣﻦ ﻫﻞ ﺑﻴﺖ ﺍﺭﻳﺪ ﺍﺭﻭﺡ ﺍﻻﻣﻲ،ﺑﻌﺪ ﻣﺎ ﻣﻦ ﺣﻘﻪ ﻳﺒﻌﺪﻧﻲ ﻋﻦ ﺍﻣﻲ ﻫﻮ ﺍﺧﺬ ﺛﺎﺭﻩ ﻭﻣﺎ ﺍﻟﻪ ﻋﺪﻧﺎ ﺷﺊ ﻣﻮ ﻣﻦ ﺣﻘﻪ
ﺭﻛﻀﺖ ﺩﺍ ﺍﺭﻳﺪ ﺍﻃﻠﻊ ﻭﺍﻧﻲ ﺍﺷﻬﻚ ﺑﺼﻮﺕ ﻳﻜﻄﻊ ﮔﻠﺒﻲ ﺑﺲ ﻫﻮ ﺍﺣﺘﻀﻨﻲ ﺑﻘﺴﻮﻩ ﻣﻦ ﻭﺭﻩ ﻭﻣﺎ ﺧﻼﻧﻲ ﺍﻃﻠﻊ ﺳﺤﺒﻨﻲ ﻭﺍﻧﻲ ﺍﺻﺮﺥ ﻭﺍﺿﺮﺏ ﺑﻲ
ﻓﺘﺢ ﺑﺎﺏ ﺍﻟﻐﺮﻓﻪ ﻭﺩﺧﻠﻨﻲ ﻭﻗﻔﻞ ﺍﻟﺒﺎﺏ ﺿﻠﻴﺖ ﺍﺩﻙ ﺑﺎﻟﺒﺎﺏ ﻭﺻﻴﺢ ﺑﺼﻮﺕ ﻋﺎﻟﻲ ... ﻃﻠﻌﻮﻧﻲ،ﻳﺎ ﻣﺠﺮﻣﻴﻴﻦ ﻃﻠﻌﻮﻧﻲ ﻳﺎ ﺍﻧﺬﺍﻝ ﺍﺭﻳﻴﻴﺪ ﺍﻣﻲ ﺧﻠﻮﻧﻲ ﺍﺭﻭﺡ ﺍﻻﻣﻴﻴﻲ
ﺭﻛﻀﺖ ﻓﺘﺤﺖ ﺑﺎﺏ ﺍﻟﺸﺒﺎﻙ ﺷﻔﺖ ﻣﺠﺘﺒﺊ ﻭﻣﺮﺗﻀﺊ ﻳﺼﺮﺧﻮﻥ ﻭﻣﺮﻋﻮﺑﻴﻦ ﻣﻦ ﺻﻮﺗﻲ ﻭﺑﻜﺎﺋﻲ ﺑﺎﻭﻋﺘﻠﻬﻢ ﺑﺤﺴﺮﻩ ﻣﺤﺪ ﺑﺤﺎﻟﻬﻢ ﻭﻫﻮ ﻃﻠﻊ ﻣﻦ ﺍﻟﺒﻴﺖ ﺑﻜﺒﺮﻩ
ﻣﺪﻳﺖ ﺍﻳﺪﻱ ﺍﻟﻬﻢ ... ﺗﻌﺎﻟﻮ ﻳﻤﻤﻤﻪ ﻣﺮﺗﻀﺊ ﻣﺠﺘﺒﺊ ﺗﻌﺎﻟﻮﻭ ﺟﻴﺒﻮﺍ ﻭﻟﺪﺩﺩﺩﻱ ﻣﻮ ﻣﻦ ﺣﻘﻜﻢ ﺗﺤﺒﺴﻮﻧﻲ ﻫﻨﺎﺍﺍﺍﺍ
ﺍﺟﺖ ﻧﻮﺍﻝ ﻭﻫﻲ ﺗﻀﺤﻚ ﺷﺎﻟﺖ ﻣﺠﺘﺒﺊ ﻭﺗﺒﻮﺱ،ﺑﻲ ﻭﻫﻮ ﻳﺪﻓﻊ ﺑﻴﻬﺎ ﻭﻳﺼﺮﺥ ﺿﻠﺖ ﺗﺒﺎﻭﻋﻠﻲ،ﻣﻦ ﺍﻟﺸﺒﺎﻙ
ﺑﺎﻭﻋﺖ ﺍﻟﻬﻢ ﺑﺤﺴﺮﻩ ﻭﺳﻜﻨﺖ ﻣﻦ ﺛﻮﺭﺗﻲ ﺑﺲ ﺍﻟﺪﻣﻮﻉ ﺗﺸﻜﻲ ﺣﺎﻟﻲ ...
ﻣﺎ ﺍﺭﻳﺪﻫﺎ ﺗﻠﻤﺲ ﺍﻃﻔﺎﻟﻲ،ﻣﺎ ﺍﺭﻳﺪﻫﺎ ﺍﺟﺖ ﺭﻳﻬﺎﻡ ﻭﺍﺧﺬﺗﻪ ﻣﻨﻬﺎ ﻭﺷﻬﺪ ﺷﺎﻟﺖ ﻣﺮﺗﻀﺊ
ﺗﻘﺮﺑﺖ ﻣﻨﻲ ﺭﻳﻬﺎﻡ ﻭﻫﻲ ﺗﺒﺠﻲ ﻭﺧﻠﺖ ﻣﺠﺘﺒﺊ ﻗﺮﻳﺐ ﻣﻨﻲ ﻟﺰﻡ ﺍﺩﻳﻪ ﺍﻟﻲ ﻻﺯﻣﻪ ﺑﻴﻬﺎ ﺣﺪﻳﺪ ﺍﻟﺸﺒﺎﻙ ﻭﻫﻮ ﻳﺸﻬﻚ ﺑﺎﻟﺒﺠﻲ ...
ﻏﻮﺷﺖ ﻋﻴﻮﻧﻲ،ﻣﻦ ﺍﻟﺪﻣﻮﻉ ﻣﺴﺤﺖ ﺩﻣﻮﻋﻲ ﺑﺎﺭﺩﺍﻥ ﺛﻮﺑﻲ ﻭﺑﺎﻭﻋﺖ ﺍﻟﺮﻳﻬﺎﻡ ﺑﺤﺴﺮﻩ ﻫﻤﺴﺖ ﺑﻌﺬﺍﺏ ... ﺷﻔﺘﻲ ﺷﺴﻮﻭ ﺑﻴﻪ ؟
ﻫﻤﺴﺖ ﺑﺼﻮﺕ ﺣﺰﻳﻦ ﻭﺗﻌﺒﺎﻥ .. ﺍﻧﺎ ﻟﻠﻪ ﻭﺍﻧﺎ ﺍﻟﻴﻪ ﺭﺍﺟﻌﻮﻥ
ﺭﺩﻳﺖ ﻋﻠﻴﻬﺎ ﺑﺤﺪﻩ ... ﻭﺍﻟﻠﻪ ﻣﺎ ﺍﺑﻘﺊ ﺩﻗﻴﻘﻪ ﻣﻦ ﻳﺠﻲ ﺧﻠﻲ ﺍﻣﻪ ﺗﺤﺠﻲ ﻭﻳﻪ ﻭﺧﻠﻲ ﺩﻛﻮﻟﻪ ﻳﻄﻠﻜﻨﻲ ﻣﺎ ﺍﺭﻳﺪ ﺍﻋﻴﺶ ﻭﻳﺎﻫﻢ ﺍﻟﻨﻔﺲ ﻣﺎ ﺗﺸﺘﻬﻴﻬﻢ
ﻧﺰﻟﺖ ﺭﺍﺳﻬﺎ ﻭﻣﺎ ﺣﺠﺖ ﻣﺠﺘﺒﺊ ﻣﺪ ﺍﺩﻳﻪ ﺍﻟﻨﺎﻋﻤﻪ ﻣﻦ ﺍﻟﺸﺒﺎﻙ ﻭﺿﻞ ﻳﻤﺴﺢ ﺑﺪﻣﻮﻋﻲ ﻭﻫﻮ ﻳﺒﺠﻲ،ﻭﻳﻜﻮﻝ .. ﻻ ﺍﺑﺠﻴﻴﻦ « ﻻ ﺗﺒﺠﻴﻦ »
ﻣﺴﺤﺖ ﺃﻧﻔﻲ ﻭﺍﻧﻘﻬﺮﺕ ﻋﻠﺊ ﻧﻔﺴﻲ ﺣﺘﺊ ﺍﻃﻔﺎﻟﻲ ﻣﺎ ﺍﻛﺪﺭ ﺍﺣﻀﻨﻬﻢ ﺭﺃﺳﺎ ﺑﺎﻭﻋﺖ ﻻﺩﻳﻪ ﺷﻔﺖ ﺍﺻﺎﺑﻌﻲ ﻣﺘﻌﻮﺟﻪ ﻭﻋﺒﺎﻟﻚ ﻭﺍﺣﺪ ﺻﺎﻋﺪ ﻋﻠﺊ ﺍﻟﺜﺎﻧﻲ
ﺻﺮﺧﺖ ﻭﺍﻧﻲ ﺍﺑﺎﻭﻉ ﺍﻻﺩﻳﻪ ... ﻳﻤﻤﻤﻤﻪ ﺍﺩﻳﻪ ﺍﺩﻳﻴﻴﻴﻪ ﺷﺒﻴﻬﻦ
ﺭﻳﻬﺎﻡ ﺑﺎﻭﻋﺘﻠﻲ ﻣﺼﺪﻭﻣﻪ ... ﺷﺒﻴﻴﺞ ﺟﻮﻟﻴﻴﺖ ﺷﺼﺎﺭ ﺷﺒﻴﻬﺎ ﺍﺩﻳﻴﺞ
ﺍﺑﺘﻌﺪﺕ ﻋﻨﻬﺎ ﻭﺍﻧﻲ ﺍﻓﺘﺮ ﺑﺎﻟﻐﺮﻓﻪ ﻣﺜﻞ ﺍﻟﻔﺎﻗﺪﻩ ﻧﻀﺮﻫﺎ ﻭﺍﻟﺮﻭﺡ ﻣﺴﻠﻮﺑﻪ ﻣﻨﻲ ﺍﺑﺎﻭﻉ ﺍﻻﺩﻳﻪ ﻋﺒﺎﻟﻚ ﻣﺜﻞ ﺍﻟﻤﻀﺮﻭﺑﻪ ﺟﻠﻄﻪ
ﺩﺧﻠﺖ ﻟﻠﺤﻤﺎﻡ ﻭﺍﻧﻲ ﺍﻣﺸﻲ ﺑﺼﻌﻮﺑﻪ ﺑﻌﺪﻧﻲ ﺑﺒﺎﺏ ﺍﻟﺤﻤﺎﻡ ﻭ ﻭﻛﻌﺖ ﺿﻠﻴﺖ ﺍﺭﻓﺲ ﺑﺮﺟﻠﻴﻪ ﻭﺑﻌﺪﻫﺎ ﻣﺎ ﺣﺴﻴﺖ ﺑﺸﺊ ...
.............................
ﺟﺎﺑﺮ ...
ﻃﻠﻌﺖ ﻣﻦ ﺍﻟﺤﻤﺎﻡ ﺟﻨﺖ ﺍﺳﺒﺢ ﻭﺍﻟﺪﻧﻴﺎ ﻭﺍﻛﻔﻪ ﺑﻌﻴﻨﻲ ﻋﻠﺊ ﺍﺧﺘﻲ ﺭﻳﻬﺎﻡ ﺍﻣﻲ ﻭﺍﺑﻮﻱ ﻣﺎ ﻳﻌﺮﻓﻮﻥ ﺑﻴﻬﺎ ﻭﻫﺬﺍ ﺍﻟﻜﺎﺳﺮ ﺿﻬﺮﻱ
ﺍﻣﻲ ﻭﺍﺑﻮﻱ ﻣﺎ ﻳﺘﺤﻤﻠﻮﻥ ﻫﻞ ﺧﺒﺮ ﺭﻳﻬﺎﻡ ﻋﻨﺪﻫﻢ ﻣﺜﻞ ﺍﻟﻬﻮﺍ ﺷﻠﻮﻥ ﻻ ﻋﺮﻓﻮﺍ ﺍﻟﺨﺒﻴﺚ ﻳﻨﻬﺶ ﺑﻌﻀﻤﻬﺎ ﻧﻬﺶ ..
ﺣﺴﻴﺖ ﻋﻠﺊ ﻭﻗﺎﺭ ﺑﻌﺪ ﻣﺎ ﺧﻠﺖ ﺍﺩﻳﻬﺎ ﻋﻠﺊ ﺍﻛﺘﺎﻓﻲ ﻭﺣﻀﻨﺘﻨﻲ،ﻭﻫﻲ ﺗﺒﺠﻲ،ﻣﻦ ﻋﺮﻓﺖ ﺑﺮﻳﻬﺎﻡ ﻣﺮﻳﻀﻪ ﻟﺤﺪ ﺍﻻﻥ ﻭﻫﻲ ﺑﺲ،ﺗﺒﺠﻲ ﻻﻥ ﻫﻦ ﺻﺪﻳﻘﺎﺕ ﻣﻦ ﺍﻟﻄﻔﻮﻟﻪ ﻭﺭﻏﻢ ﻭﻗﺎﺭ ﺍﻛﺒﺮ ﻣﻦ ﺭﻳﻬﺎﻡ ﺑﺲ ﻋﻼﻗﺘﻬﻦ ﺣﻠﻮﻩ ﺣﻴﻴﻞ
ﻫﻤﺴﺖ ﺑﺼﻮﺕ ﺣﺰﻳﻦ ... ﺍﻟﻠﻪ ﻳﺸﻔﻴﻬﺎ ﺣﺒﻴﺒﻲ،ﻣﺎ ﺑﻴﺪﻧﺎ ﻏﻴﺮ ﺍﻟﺪﻋﺎﺀ ﺍﻟﻬﺎ ﻭﻻﺯﻡ ﺑﺄﺳﺮﻉ ﻭﻗﺖ ﻧﺎﺧﺬﻫﺎ ﻟﻠﻤﺴﺘﺸﻔﺊ ﺣﺘﺊ،ﺍﻟﻤﺮﺽ ﻣﺎ ﻳﺴﺘﻔﺤﻞ ﻋﻠﻴﻬﺎ
ﻗﺒﻀﺖ ﺍﺩﻳﻪ ﺛﻨﻴﻨﻬﻦ ﻭﺟﺎﻭﺑﺘﻬﺎ ﺑﺘﻨﻬﻴﺪﻩ ﻃﻮﻭﻳﻠﻪ ... ﺍﻟﺤﻤﺪ ﻟﻠﻪ ﻋﻠﺊ ﻛﻞ ﺣﺎﻝ ﺍﻥ ﺷﺎﺀ ﺍﻟﻠﻪ ﺭﺍﺡ ﻧﺎﺧﺬﻫﺎ ﺍﻟﻤﺪﻳﻨﺔ ﺍﻟﻄﺐ ...
ﻛﻠﺒﻲ،ﻋﻨﺪﻫﺎ ﺍﺭﻳﺪ ﺍﺭﻭﺡ ﺍﻟﻬﺎ ﺍﺷﻮﻓﻬﺎ ﻣﻦ ﻳﻮﻡ ﺧﺒﺮ ﻣﺮﺿﻬﺎ ﻟﺤﺪ ﺍﻻﻥ ﻭﺍﻧﻲ،ﺍﻟﺪﻣﻌﻪ ﻣﺎ ﻧﺸﻔﺖ ﻣﻦ ﻋﻴﻨﻲ،ﻋﻠﻴﻬﺎ ﺍﺧﻴﺘﻲ،ﻓﻘﻴﺮﻩ ﻭﺣﻴﺪﺗﻲ،ﻣﺎ ﺭﺯﻗﺘﻲ ﺭﺑﻲ ﺑﻐﻴﺮﻫﺎ ﻭﺗﺮﻭﺡ ﻣﻦ ﺍﺩﻳﻨﻪ ﻭﺍﻟﻠﻪ ﻗﻬﺮ
ﺟﺮﻳﺖ ﻧﻔﺲ ﺟﺎﻱ ﺍﻃﻠﻊ ﻭﻣﺎ ﺍﺳﻤﻊ ﺑﺲ،ﺍﻟﺪﻙ ﻋﻠﺊ ﺑﺎﺏ ﻏﺮﻓﺘﻲ ﻛﻠﺖ ﺍﺣﺘﻤﺎﻝ ﺍﺑﻮﻱ ﻋﺮﻑ ﺭﻳﻬﺎﻡ ﻣﺮﻳﻀﻪ ﻭﺗﺨﺒﻞ ﻻﻥ ﻣﺎ ﻛﺘﻠﻪ ﺑﺲ،ﻭﺍﻟﻠﻪ ﺍﻧﻲ،ﺍﺧﺎﻑ ﻋﻠﻴﻬﻢ ﺍﻋﺮﻑ ﻫﻞ ﺧﺒﺮ ﻳﺰﻟﺰﻟﻬﻢ ...
ﻓﺘﺢ ﺍﻟﺒﺎﺏ ﺑﺴﺮﻋﻪ ﻭ ﻭﻗﺎﺭ ﻭﺍﻛﻔﻪ ﻭﺭﺍﻱ ﻭﺧﺎﻳﻔﻪ ﻃﺘﻠﻪ ﺑﻘﻠﻖ . . ﺧﻴﻴﺮ ﻳﺎﺑﻪ ﺷﻜﻮ؟
ﺭﺩ ﻋﻠﻴﻪ ﻭﻫﻮ ﻋﺎﻛﺪ ﺣﻮﺍﺟﺒﻪ ﻭﻗﺎﺑﺾ ﻋﻠﺊ ﺳﺒﺤﺘﻪ ... ﺟﺎﺳﺮ ﺍﺑﻦ ﻣﻬﻴﻮﺏ ﻛﺘﻞ ﻋﺎﺻﻢ ﺍﺧﻮ ﺟﻮﻟﻴﻴﺖ ﺧﻠﻴﻨﻪ ﻧﻠﺤﻚ ﻋﻠﻴﻬﻢ ﻻ ﺍﻧﻮﺏ ﺗﺼﻴﺮ ﻛﺎﺗﻞ ﻭﻣﻜﺘﻮﻝ ﺑﺴﺮﻋﻪ ﺗﻌﺎﻝ ﻭﻳﺎﻱ
ﻭﻗﺎﺭ ﻟﻄﻤﺖ ﺧﺪﻫﺎ ﻭﺭﺩﺕ ﺑﺨﻮﻑ .. ﻋﺰﺍ ﺍﻟﻌﺰﺍﻧﻲ ﻳﻤﻪ ﺑﺲ ﻻ ﻳﻬﺪﻭﻥ ﻋﻠﻰ ﺍﺧﻮﺍﻧﻲ ﻭﻳﻜﺘﻠﻮﻧﻬﻢ ﻓﺪﻭﻩ ﻋﻤﻮ ﺍﺧﻮﺍﻧﻲ ﺍﻣﺎﻧﺔ ﺑﺮﻛﺒﺘﻚ
ﺍﺟﺖ ﺍﻣﻲ ﻟﺰﻣﺘﻨﻲ،ﻣﻦ ﻗﻤﻴﺼﻲ ﻛﺎﻟﺖ ﺑﺨﻮﻑ ﻭﺣﺪﻩ ... ﻻﺍﺍ ﺍﺑﻮ ﺟﺎﺑﺮ ﻓﺪﻭﻭﻩ ﻻ ﺗﺎﺧﺬ ﺟﺎﺑﺮ ﻻ ﻳﻨﻜﺘﻞ ﺍﻧﻲ ﺭﺑﺤﻲ ﺑﻤﻨﻮ ﺍﺫﺍ ﺍﻧﻜﺘﻞ ﺟﺎﺑﺮ ﻫﺎﻱ ﺳﺎﻟﻔﺔ ﺍﻟﺜﺎﺭﺍﺕ ﻣﺎ ﺗﻔﺾ ﻭﺍﻟﺪﻡ ﻳﺠﺮ ﺍﻧﻲ ﻣﺎ ﺍﺭﻳﺪ ﺍﺑﻨﻲ ﻳﺮﻭﺡ ﺑﺸﺮﺑﺔ ﻣﻲ،ﻣﻦ ﻭﺭﺍﻫﻢ ...
ﻫﻮ ﺑﺎﻭﻋﻠﻲ ﻭﺟﺎﻭﺑﻬﺎ ﺑﻌﺼﺒﻴﺔ ... ﺍﺑﻦ ﻋﻤﻪ ﻛﺎﺗﻞ ﻛﺘﻞ ﻭﺗﺮﺩﻳﻨﻪ ﻳﻜﻌﺪ ﻫﻨﺎ ﻭﻳﻪ ﺍﻟﻨﺴﻮﺍﻥ
ﺭﺩﺕ ﻋﻠﻴﻪ ﺑﻘﻬﺮ ... ﺍﻱ ﺟﺎﺳﺮ ﻳﻨﺴﺠﻦ ﻭﻓﻀﻮﺍ ﺍﻟﺴﺎﻟﻔﻪ ﻭﺧﻠﻲ ﺍﻟﺪﻭﻟﻪ ﻫﻲ ﺗﺎﺧﺬ ﺍﻟﺤﻖ ﺍﻟﻌﺎﻡ ﻭﻋﻮﻓﻮﺍ ﺳﻮﺍﻟﻒ ﺍﻟﺜﺎﺭ ﻭﺍﻟﻘﺘﻞ ﺍﻧﻲ ﻣﺎ ﻣﻀﺤﻴﻪ ﺑﺎﺑﻨﻲ ﻟﺨﺎﻃﺮ ﺟﺎﺳﺮ ﻭﺃﺧﻮﺍﺗﻪ
ﺟﺎﻭﺑﻬﺎ ﺑﻐﻀﺐ ... ﺍﺳﻜﺘﻲ ﻳﺎﺍﺍ ﻣﺮﻩ ﻣﻮ ﺍﻧﺘﻲ ﺍﻟﺘﻌﻠﻤﻴﻨﻪ ﺑﺸﻐﻠﻨﻪ ﺍﻧﻪ ﺍﻟﺸﻴﺦ ﺍﺑﻮ ﺟﺎﺑﺮ ﻛﻀﺎﻱ ﺍﻟﻜﻼﻓﺎﺕ ﺗﺮﺩﻳﻨﻲ ﺍﻧﻪ ﻭﺍﺑﻨﻲ ﻧﻜﺎﺑﻠﺞ ﻭﻧﻜﻌﺪ ﻭﺍﻋﻮﻑ ﻭﻟﺪ ﺍﺧﻮﻱ
ﺍﻧﻪ ﻟﻠﻐﺮﺏ ﻭﺍﻛﻒ ﺳﻴﻒ ﻭ ﺩﺭﻛﻪ ﺗﺮﻳﺪ ﻫﺴﻪ ﺍﻋﻮﻑ ﺍﺑﻦ ﺍﺧﻮﻱ ﻭﻫﻮ ﺑﺎﺯﻣﺘﻪ ﺷﻴﻜﻮﻝ ﻋﻠﻴﻪ ﻣﻬﻴﻮﺏ ﺑﻜﺒﺮﻩ
ﻫﻲ ﺿﻠﺖ ﺗﺤﺠﻲ ﻭﺗﺒﺤﻲ ﻭﺗﺘﻮﺳﻞ،ﺑﻲ،ﺑﺲ ﺍﻧﻲ،ﻣﺎ ﻗﺒﻠﺖ ﺍﺑﻦ ﺍﻟﻌﻢ ﺍﺧﻮ ﻭﺍﻧﻲ،ﻭﺍﺟﺐ ﺍﻭﻛﻒ ﻭﻳﺎﻫﻢ ﻭﺧﻠﻴﻨﻪ ﻭﻃﻠﻌﻨﻪ ﺍﻧﻲ،ﻭﺍﺑﻮﻭﻱ،
ﻣﺮ ﻋﻠﻴﻪ ﻃﻴﻒ ﺟﻮﻟﻴﻴﺖ ﻭﺗﺬﻛﺮﺕ ﻣﺮﻩ ﺟﺎﺳﺮ ﻛﺎﻝ ﺟﻮﻟﻴﻴﺖ ﺗﻤﻮﺕ ﺍﺫﺍ ﻛﺘﻠﺖ ﻋﺎﺻﻢ ﺗﺮﻳﺪ ﺍﻟﺪﻭﻟﻪ ﺗﺎﺧﺬ ﺍﻟﻘﺼﺎﺹ،ﺑﺲ ﻣﺎ ﺗﺮﻳﺪ ﺍﻧﻲ ﺍﻟﻄﺦ ﺍﻳﺪﻱ ﺑﻲ ...
ﺍﻭﻭﻭﻑ ﺟﺎﺳﺮ ﻋﻨﻴﻴﻴﺪ ﻭﺍﻟﺒﺮﺍﺳﻪ ﻳﺴﻮﻭﻱ،ﺍﺑﺪ ﻣﺎ ﻳﻬﺘﻢ ﻟﺪﻣﻮﻉ ﺟﻮﻟﻴﻴﺖ ﻭﺗﻮﺳﻼﺗﻬﺎ ...
ﻭﺻﻠﻨﻪ ﺍﻟﺒﻴﺖ ﻋﻤﻲ ﻟﻜﻴﻨﻪ ﺻﻼﺡ ﻭﺟﻌﻔﺮ ﻻﺯﻣﻴﻦ ﺍﺳﻠﺤﺘﻬﻢ ﻭﻧﺎﻃﺮﻳﻦ ﺑﺎﻟﺒﻴﺖ ﻭﺟﺎﺳﺮ ﺷﻮﻳﻪ ﺍﺟﻪ
ﺍﺑﻮﻱ ﺿﻞ ﻳﺤﺠﻲ ﻋﻠﻴﻪ ﻛﻠﻪ ﺍﻟﺴﻮﻳﺘﻪ ﻏﻠﻂ ﺑﺲ ﻫﻮ ﺿﻞ ﻳﺼﻴﺢ ﻭﻳﻐﻠﻂ ﻋﻠﻴﻬﻢ ﺍﻟﺘﻤﺖ ﺍﻟﻌﺸﻴﺮﻩ ...
ﻭﺍﺑﻮﻱ ﻛﺎﻝ ﺍﺧﺬ ﺍﻟﺸﻴﻮﺥ ﻭﺍﺭﻭﺡ ﺍﻟﺒﻴﺖ ﻋﻢ ﻋﺎﺻﻢ ﻭﻧﺸﻮﻑ ﺷﻨﻮ ﺍﻟﻴﺮﺩﻭﻧﻪ ﻭﺍﻧﺖ ﺟﺎﺳﺮ ﺷﻮﻓﻠﻚ ﻣﻜﺎﻥ ﻭﺍﻛﻌﺪ ﺑﻲ ﻻ ﻳﻜﺘﻠﻮﻧﻚ ﺍﻭ ﻳﺴﺠﻨﻮﻧﻚ
ﺭﺩ ﺑﻌﻨﻒ ... ﻣﺎ ﺧﺎﻳﻒ ﻣﻨﻬﻢ ﺛﺎﺭﻱ ﻭﺍﺧﺬﺗﻪ ﻳﺮﺩﻭﻥ ﻳﺴﺠﻨﻮﻥ ﺧﻠﻲ ﻳﺴﺠﻨﻮﻥ ﻳﺮﺩﻭﻥ ﻳﻜﺘﻠﻮﻥ ﺧﻠﻴﻬﻢ ﻳﻜﺘﻠﻮﻥ ﺍﻧﻲ ﺭﺟﺎﻝ ﺩﺍﻓﻌﺖ ﻋﻦ ﻧﻔﺴﻲ،ﻭﻋﻦ ﺍﻫﻠﻲ
ﺍﺑﻮﻱ ﻫﺰ ﺭﺍﺳﻪ ﺑﺎﺳﻰ ﻭﺧﻠﻪ ﻭﺭﺍﺡ ﻭﺍﺣﻨﻪ ﺿﻠﻴﻨﻪ ﻧﻨﻄﺮ ﻟﻠﺼﺒﺢ ﺍﺟﻪ ﺍﺑﻮﻱ ﻛﺎﻝ ﺍﻧﻄﻮﻧﻪ ﻋﻄﻮﻩ ﻣﺪﻩ ﺗﻠﺚ ﺍﻳﺎﻡ ﻭﺍﻥ ﺷﺎﺀ ﺍﻟﻠﻪ ﺧﻴﺮ ...
ﺑﺲ،ﻫﻢ ﻣﺎ ﺭﻣﻮﺍ ﻋﻠﻴﻨﻪ ﻭﻻ ﺣﺘﺊ،ﻃﻠﻘﻪ ﻭﺣﺪﻩ ﺍﻛﺘﻔﻮﺍ ﺑﺎﻟﻌﻄﻮﻩ ﻭﺣﺘﺊ،ﻣﺎ ﺳﺠﻠﻮ ﺩﻋﻮﻩ ﺿﺪ ﺟﺎﺳﺮ
ﺍﺣﺘﻤﺎﻝ ﻫﻢ ﻳﺮﺩﻭﻥ ﻋﺎﺻﻢ ﻳﻤﻮﺕ ﺍﻭ ﻳﻤﻜﻦ ﺍﻛﻮ ﻏﺎﻳﻪ ﺑﻨﻔﺴﻬﻢ
.....................
ﺷﻬﺪ ...
ﻭﺟﻬﻪ ﺍﻟﻄﺎﻭﻩ ﻣﻜﻴﻔﻪ ﻭﻓﺮﺣﺎﻧﻪ ﻭﻋﻨﺪﻫﺎ ﻋﻴﺪ ﻻﻥ ﻣﺎﺕ ﻋﺎﺻﻢ ﺧﺎﺑﺮﺕ ﻋﻠﺊ ﺍﻣﻬﺎ ﻛﻠﺘﻠﻬﺎ ﺍﺭﻳﺪ ﺭﺍﻳﻪ ﺑﻴﻀﻪ ﺍﺧﻠﻴﻬﺎ ﺑﺎﻟﺒﻴﺖ ﻧﺬﺭ ﺍﻧﻲ ﻧﺎﺫﺭﻩ ...
ﻭﺍﻣﻬﺎ ﻣﺎ ﺻﺪﻛﺖ ﺟﺎﺑﺖ ﺍﻟﺮﺍﻳﻪ ﺍﻟﺒﻴﻀﻪ ﻭﺍﺟﺖ ﺗﺮﻛﺾ
ﺍﺫﺍ ﻫﻲ ﻫﻴﺞ ﺗﺤﺐ ﺯﻭﺟﻬﺎ ﻭﺗﺮﻳﺪﻩ ﻭﻣﻘﻬﻮﺭﻩ ﻋﻠﻴﻪ ﺷﻜﻮ ﺗﺘﺰﻭﺝ ﺟﻌﻔﺮ ﻭﻫﻮ ﺣﻤﺎﻫﺎ ﻭﺍﺻﻐﺮ ﻣﻨﻬﺎ ﻟﻮ ﺷﻠﻐﻤﺖ ﺍﻟﻪ ﺗﺰﻭﺝ ﺟﻌﻔﺮ ﺣﺒﻴﺒﻲ
ﻭﻳﻴﻴﻊ ﺷﻜﺪ ﺍﻛﺮﻫﻪ ﻧﻔﺴﻲ،ﻣﻦ ﺍﺗﺬﻛﺮ ﺍﻧﻲ،ﻭﺟﻬﻪ ﺍﻟﻄﺎﻭﻩ ﺷﺮﻳﻜﺔ ﺑﺠﻌﻔﺮ ....
ﺩﺧﻞ ﺟﻌﻔﺮ ﻭﻫﻮ ﻣﻠﺜﻢ ﻭﺷﺎﻳﻞ ﺳﻼﺣﻪ ﻭﻋﻴﻮﻧﻪ ﻣﺜﻞ ﻋﻴﻮﻥ ﺍﻟﺼﻜﺮ ﻓﺪﻳﺘﻪ ﻳﺠﻨﻦ ﺷﺤﻼﺕ ﺍﻟﻌﻴﻮﻥ ..
ﺻﺎﺡ ... ﺷﻬﺪ ﺟﺎﺍﻱ ﺟﺎﺍﺍﻱ
ﺭﻛﻀﺖ ﺍﺳﻮﻱ ﺟﺎﻱ ﻭﺍﺣﻀﺮ ﺑﺎﻻﺳﺘﻜﺎﻳﻦ ﺍﺟﺖ ﺭﻳﻬﺎﻡ ﺗﺤﻀﺮ ﻭﻳﺎﻱ ﺑﺲ،ﻣﺤﺪ ﻳﺨﻠﻴﻬﺎ ﺗﺸﺘﻐﻞ ﻻﻥ ﻣﺮﻳﻀﻪ
ﺑﺲ ﺍﻟﺤﻤﺪ ﻟﻠﻪ ﺍﺟﺖ ﺍﺷﻮﺍﻕ ﻭﻫﻲ ﺗﺴﺎﻋﺪﻧﻲ،ﻻﻥ ﻧﻮﻳﻠﻪ ﻣﺤﺘﺎﺭﻩ ﺑﺮﺍﻳﺘﻬﺎ ﺍﺷﻮﺍﻕ ﺍﻭﻝ ﻣﺎ ﺳﻤﻌﺖ ﺍﺟﺖ . .
ﺩﺧﻞ ﻧﻮﺍﻝ ﻻﺯﻣﻪ ﺿﻬﺮﻫﺎ ﻭﺗﺘﺒﻄﺢ ﻋﻠﻴﻪ ﻛﻌﺪﺕ ﻋﻠﺊ ﺍﻟﻜﺮﺳﻲ ﻛﺎﻟﺖ ﺑﻐﺮﻭﺭ ... ﺷﻬﺪ ﺻﺒﻴﻠﻲ،ﻭﻳﺎﺝ ﺟﺎﻱ
ﺑﺎﻭﻋﺘﻠﻬﺎ ﺑﺒﺘﺴﺎﻣﻪ ﻣﺴﺘﻔﺰﻩ ... ﺗﺪﻟﻠﻴﻦ ﺧﺎﻟﻪ ﺍﺣﻄﻠﺞ ﺷﻮﻳﻪ ﺷﻜﺮ ﺧﺎﻑ ﻣﻮ ﺯﻳﻦ ﻋﻠﺊ ﺍﻟﺴﻜﺮ ؟
ﺭﺩﺕ ﺑﻌﺼﺒﻴﺔ ... ﻳﺎ ﺳﻜﺮ ﻭﺑﻌﺪﻳﻦ ﺷﻨﻮ ﺧﺎﻟﻪ ﻭﺍﻧﻲ ﻣﻨﻴﻠﻲ ﺳﻜﺮ
ﺭﻓﻌﺖ ﺍﻛﺘﺎﻓﻲ ﺑﻌﺪﻡ ﻣﻌﺮﻓﻪ ... ﻭﺍﻟﻠﻪ ﺷﻤﺪﺭﻳﻨﻲ ﺍﻟﺒﻌﻤﺮﺝ ﻛﻠﻬﻢ ﺑﻴﻬﻢ ﺳﻜﺮ
ﺑﺎﻭﻋﺖ ﻻﺿﺎﻓﺮﻫﺎ ﺍﻟﻤﻘﻠﻤﻪ ﻛﺎﻟﺖ ... ﺍﻭﻝ ﺷﺊ ﺍﻧﻲ ﺑﻌﺪﻧﻲ ﺷﺒﺎﺏ ﻭﺛﺎﻧﻲ ﺷﺊ ﺻﺒﻲ ﺟﺎﻱ ﺑﺪﻭﻥ ﻟﻐﻮﻩ
ﺩﺭﺕ ﻭﺟﻬﻲ ﻭﺍﻧﻲ،ﺍﻏﺴﻞ ﺑﺎﻻﺳﺘﻜﺎﻳﻦ . ﻣﺎ ﺩﺍﻡ ﺑﻌﺪﺝ ﺷﺒﺎﺏ ﻛﻮﻣﻲ ﺍﺧﺪﻣﻲ ﻧﻔﺴﺞ ﺑﻨﻔﺴﺞ ﺍﻧﺘﻲ،ﻣﻮ ﻋﺠﻮﺯ ﻭﺿﺎﻟﻪ ﺗﺘﺸﺮﻃﻴﻦ ﻋﻠﻴﻪ ﻣﺎ ﺍﺷﺘﻐﻞ ﻋﻨﺪﺝ ﺍﻧﻲ
ﺭﺩﺕ ﺑﺘﻤﺴﻜﻦ ... ﺷﺼﺎﺭ ﻋﻠﻴﺞ ﻫﻮ ﺍﺳﺘﻜﺎﻥ ﺟﺎﻱ ﺷﻄﺎﻟﺒﻪ ﺍﻟﻤﻔﻄﺢ ..
ﺟﺎﻭﺑﺘﻬﺎ ... ﺍﺩﻟﻠﻲ ﻛﻠﺒﻲ ﻛﻮﻣﻲ ﺍﻏﺴﻠﻲ ﺍﻟﻤﻮﺍﻋﻴﻦ ﻭﺍﻧﻲ ﺍﺻﺒﻠﺞ ﺟﺎﻱ
ﺣﻄﺖ ﺍﻳﺪﻫﺎ ﻋﻠﺊ ﺑﻄﻨﻬﺎ ﺑﺪﻟﻊ ... ﺣﺎﻣﻞ ﻣﺎ ﺍﻛﺪﺭ
ﺩﺭﺕ ﻭﺟﻬﻲ ﻋﻠﻴﻬﺎ ... ﺍﻧﺘﻲ ﻣﺜﻞ ﻫﺬﺍ ﺍﻟﻤﺮﺑﻲ ﻟﺤﻴﺘﻪ ﻭﻏﻴﺮﻩ ﻣﺒﺘﻠﻲ،ﺑﻴﻬﺎ ﻫﺴﻪ ﺍﻧﺘﻲ ﺣﺎﻣﻞ ﻭﺍﻧﻲ ﻣﺒﺘﻠﻴﻪ ﺑﻴﺞ ﻭﺑﻌﺪﻳﻦ ﻳﺮﻭﺣﻲ ﻗﺎﺑﻞ ﺍﻧﺘﻲ ﺣﺎﻣﻞ ﺍﻟﻲ،ﺣﺎﻣﻞ ﻟﻨﻔﺴﺞ ﺷﺪﺧﻠﻨﻲ ﺑﻴﺞ ..
ﺩﺧﻞ ﺟﻌﻔﺮ ﻣﺮﻩ ﺛﺎﻧﻴﻪ ﺑﻬﻤﻪ ﻛﺎﻝ . ﻳﺎﻟﻠﻪ ﺷﻬﻮﺩﻩ ﺗﺎﺧﺮﺗﻲ
ﺍﺑﺘﺴﻤﺖ ﺑﻮﺟﻬﻪ ... ﺗﺪﻟﻞ ﻋﻴﻮﻧﻲ ﻫﺎﻱ ﻛﻤﻠﺖ ﻣﺎ ﻋﻨﺪﻱ ﺷﺊ
ﻫﻲ ﻭﻛﻔﺖ ﻭﺣﺎﻃﻪ ﺍﻳﺪﻫﺎ ﻭﺭﻩ ﺿﻬﺮﻫﺎ ﻭﺗﻤﺸﻲ ﺑﺤﺬﺭ ﻭﺩﻟﻊ ﻛﺎﻟﺖ ﻭﻫﻲ ﺗﻤﻂ ﺑﺸﻔﺎﻳﻔﻬﺎ ... ﻓﺪﻭﻩ ﺟﻌﻔﺮ ﺍﺭﻳﺪ ﺍﻃﻠﺐ ﻣﻨﻚ ﻃﻠﺐ ﺍﻭ ﻫﻮ ﻣﻮ ﻃﻠﺐ ﻧﺬﺭ
ﺭﺩ ﻋﻠﻴﻬﺎ ﺑﺪﻭﻥ ﻣﺎ ﻳﺒﺎﻭﻉ ﺍﻟﻬﺎ ﻭﺑﻤﻠﻞ ... ﺧﻴﻴﺮ ﺍﺣﺠﻲ؟
ﺣﻄﺖ ﺍﺻﺒﻌﻬﺎ ﺑﺤﻠﻜﻬﺎ ﻛﺎﻟﺖ .... ﺍﻣﻤﻤﻢ ﺍﻧﻲ ﻧﺎﺫﺭﻩ ﺍﺫﺍ ﻣﺎﺕ ﻋﺎﺻﻢ ﺍﻟﻜﻠﺐ ﺍﻋﻠﻚ ﺭﺍﻳﻪ ﺑﻴﻀﻪ ﺑﺒﺎﺏ ﺍﻟﺒﻴﺖ ﻭﺟﺒﺖ ﺍﻟﺮﺍﻳﻪ ﺑﺲ ﺍﻧﻲ ﺍﺳﺘﺤﻲ ﺍﻋﻠﻜﻬﺎ ﻓﺪﻭﻭﻩ ﻓﺪﻭﻭﻩ ﻋﻠﻜﻬﺎ ﺍﻧﺖ
ﻋﺎﺩ ﻫﻮ ﺑﺎﻭﻋﻠﻬﺎ ﺑﻌﻴﻮﻥ ﻛﻠﻬﺎ ﻏﻀﺐ ﻛﻠﻬﺎ ... ﺑﻠﻪ ﻣﺎ ﺗﻨﺠﺒﻴﻦ ﻻ ﺍﺟﻔﻨﺞ ﺑﺎﻟﺮﺍﻳﻪ ﺍﻟﺒﻴﻀﻪ ﻭﺍﺩﻓﻨﺞ ﻫﻨﺎ ﻫﺴﻪ ﺍﺣﻨﻪ ﺑﻴﺎ ﺣﺎﻝ ﺣﺘﺊ ﺍﺟﻲ ﺍﻧﻲ،ﺍﻭﻓﻲ ﺍﻧﺬﻭﺭﺝ
ﺭﻭﺣﻲ ﻣﻦ ﻭﺟﻬﻲ ﻻ ﺍﺑﺘﻠﻲ،ﺑﻴﺞ
ﻋﺎﺩ ﻫﻲ ﺗﺨﺒﻠﺖ ﺧﻠﺖ ﻭﻃﻠﻌﺖ ﻭﺭﻓﺴﺖ ﺍﻟﺒﺎﺏ ﺑﺮﺟﻠﻬﺎ ﺣﻴﻞ ﺍﻧﻲ ﻛﻤﺰﺕ ﻋﺒﺎﻟﻲ،ﺩﮔﻮﻧﻪ ﻭﺟﻌﻔﺮ ﺭﻛﺾ ﺭﺍﺩ ﻳﻜﺘﻠﻬﺎ ﺑﺲ ﻟﺰﻣﺘﻪ
ﻭﻳﻦ ﻳﻜﺘﻠﻬﺎ ﺑﻬﻞ ﺯﻟﻚ ﻭﺍﺣﻨﻪ ﺻﺎﻳﺮﻳﻦ ﺍﻡ ﺍﻟﻤﻌﺎﺭﻙ
ﺍﺧﺬ ﺍﻟﺠﺎﻱ ﻣﻦ ﺍﻳﺪﻱ،ﻭﻫﻮ ﻳﻐﻠﻂ ﻋﻠﻴﻬﺎ ﺑﻘﻬﺮ ... ﺍﻡ ﺑﺮﺍﻃﻢ ﺍﻡ ﺍﻟﺒﺘﻮﻛﺲ ﺗﻮﻓﻲ،ﺍﻧﺬﻭﺭﻩ ﺍﻡ ﺍﻟﺴﺤﻮﺭﻩ
ﻫﺰﻳﺖ ﻭﻧﻔﺨﺖ ﺑﻤﻠﻞ ﺧﻄﻴﻪ ﺭﺿﻴﻪ ﺭﺍﺣﺖ ﺷﺎﻓﺖ ﺟﻮﻟﻲ ﻭﺍﻧﻄﺘﻬﺎ ﺍﻃﻔﺎﻟﻬﺎ ﺑﺲ ﻫﻲ ﺟﻮﻟﻲ ﺗﺨﺮﺑﻄﺖ ﻭﻳﻔﺮﻛﻮﻥ ﺑﺎﺩﻳﻬﺎ ﺗﺸﻨﺠﺖ ﻣﺪﺭﻱ ﺷﻨﻮ ...
ﻭﺭﻳﻬﺎﻡ ﺗﺮﻳﺪ ﺗﻨﺎﻡ ﻣﺴﺘﺸﻔﺊ ﻭﺻﺎﻳﺮﻩ ﻟﺨﻪ ﻣﺎﻝ ﻭﺍﺣﺪ ﻳﻨﻬﺰﻡ ﻫﻮ ﻫﺬﺍ ﺍﻟﺰﻭﺍﺝ ﺍﻣﺪﺍﻧﻲ ﻋﺒﺎﻟﻲ ﻓﺪ ﺷﺊ ﺣﻠﻮ ﻃﻠﻊ ﺧﻴﻄﻲ ﺑﻴﻄﻲ ...
......................
ﺭﻳﻬﺎﻡ ...
ﺛﺎﻧﻲ ﻳﻮﻡ ﻣﻦ ﺍﻟﻲ،ﺻﺎﺭ ﺟﺎﻧﻮﺍ ﺍﻟﻮﻟﺪ ﻣﺎﺧﺬﻳﻦ ﺍﺳﺘﻌﺪﺍﺩﻫﻢ ﻭﺍﻟﻮﺿﻊ ﻣﺘﻮﺗﺮ ﺷﻮﻳﻪ ﺍﺟﺘﻨﻪ ﺍﺷﻮﺍﻕ ﺿﻠﺖ ﻳﻤﻨﻪ ...
ﺍﺟﻪ ﺻﻼﺡ ﺩﺧﻞ ﺷﺎﻓﻨﻲ ﺍﻧﻀﻒ ﺑﺎﻟﺒﻴﺖ ﻟﺰﻣﻨﻲ ﺑﺤﺰﻥ ﻛﺎﻝ ... ﺣﺒﻴﺒﺘﻲ ﺭﻫﻮﻣﻪ ﻻ ﺗﻌﺒﻴﻦ ﻧﻔﺴﺞ ﺍﻟﺒﻴﺖ
ﺿﺤﻜﺖ ﺑﺤﺰﻥ ... ﻣﻮ ﺩﺗﺸﻮﻑ ﺍﻟﺒﻴﺖ ﻣﻜﻠﻮﺏ ﺧﻄﻴﻪ ﻻﺯﻡ ﺃﺳﺎﻋﺪﻫﻢ
ﺣﻂ ﺍﻳﺪﻩ ﻋﻠﺊ ﺧﺪﻱ ﺑﺲ ﺣﺴﻴﺖ ﺑﻲ ﺣﺰﻳﻦ ﻛﺎﻝ ... ﻣﻴﺨﺎﻟﻒ ﻳﺮﻭﺣﻲ ﺍﻧﺘﻲ ﻣﺮﻳﻀﻪ ﺍﻛﻴﺪ ﻣﻌﺬﻭﺭﻩ ﻭﻻ ﻋﻠﺊ ﺍﻟﻤﺮﻳﺾ ﺣﺮﺝ
ﺳﺤﺒﻨﻲ ﻣﻦ ﺍﻳﺪﻱ ﻭﺩﺧﻠﻨﻲ ﻟﻠﻐﺮﻓﻪ ﻧﺰﻉ ﺣﺠﺎﺑﻲ ﻭﺩﺧﻞ ﺍﻳﺪﻩ ﺑﺸﻌﺮﻱ ﺑﺤﺴﺮﻩ ﺟﺮ ﻧﻔﺲ ﺣﺰﻳﻦ ﻛﺎﻝ ... ﺗﺪﺭﻳﻦ ﺍﻛﺜﺮ ﺷﺊ ﺍﺣﺒﻪ ﺑﻴﺞ ﺷﻌﺮﺝ ﺟﻨﻪ ﺣﺮﻳﺮ
ﻣﺪﻳﺖ ﺍﻳﺪﻱ ﺍﻟﺸﻌﺮﻱ ﻭﺣﺮﻛﺘﻪ ﺑﻔﺮﻓﺸﻪ ﻭﺑﻌﺪﻫﺎ ﻗﺪﻣﺖ ﺑﻌﺾ ﺍﻟﺨﺼﻼﺕ ﺑﺎﻭﻋﺘﻠﻪ ﺑﺮﻓﻌﺔ ﺣﺎﺟﺐ ... ﻫﻴﺞ ﺣﻠﻮ : ؟
ﺍﺑﺘﺴﻢ ﻭﺗﻨﻬﺪ ﻫﻤﺲ ﻋﻨﺪ ﺍﺫﺍﻧﻲ ﻫﻮ ﻛﻠﻪ ﻋﻠﺊ ﺑﻌﻀﻪ ﺣﻠﻮ
ﻟﺰﻣﺖ ﺍﻃﺮﺍﻑ ﺷﻌﺮﻱ ﻭﺭﺩﻳﺖ ﺑﻬﺪﻭﺀ ... ﺗﺪﺭﻱ ﺻﻼﺡ ﺍﻧﻲ ﻣﻦ ﺻﺮﺕ ﻟﺤﺪ ﺍﻻﻥ ﺍﺑﺪ ﻣﺎ ﻛﺼﻴﺖ ﺷﻌﺮﻱ ﻣﺎ ﺍﻋﺮﻑ ﺍﺣﺲ ﺯﻳﻨﺔ ﺍﻟﻤﺮﺍﺓ ﺑﺸﻌﺮﻫﺎ ﻭﺍﺣﺴﻪ ﺗﺎﺟﻬﺎ ﺍﻟﺤﻘﻴﻘﻲ
ﺑﻠﻊ ﺭﻳﻜﻪ ﺑﻐﺼﻪ ﻭﻭﻛﻒ ﻛﺎﻝ ... ﺑﺎﺟﺮ ﺍﺧﺬﺝ ﺗﻨﺎﻣﻴﻦ ﻣﺴﺘﺸﻔﺊ ﺭﺍﺡ ﺍﺧﻠﻲ ﺍﺷﻮﺍﻕ ﺗﻨﺎﻡ ﻭﻳﺎﺝ ﺑﻴﻦ ﻣﺎ ﺗﻬﺪﺀ ﺍﻻﻣﻮﺭ ﻭﻧﺸﻮﻑ ﺗﺎﻟﻲ ﺍﻟﻌﻄﻮﻩ ﺷﻨﻮ ﻭﺍﺫﺍ ﻣﺎ ﺻﺮﺗﻲ ﺯﻳﻨﻪ ﺍﺳﻔﺮﺝ ﻟﻠﺨﺎﺭﺝ
ﺑﻠﻌﺖ ﺭﻳﻜﻲ ﺑﻘﻠﻖ ... ﻟﻴﺶ ﺍﻧﻲ ﺷﺒﻴﻪ
ﻛﺮﺹ ﺧﺪﻱ ﺑﺤﺐ ﻭﺑﻌﺪﻫﺎ ﺗﻘﺮﺏ ﻣﻨﻲ ﻭﺑﺎﺱ ﺷﻔﺎﻳﻔﻲ ... ﻣﺎ ﺑﻴﺞ ﺷﺊ ﻳﺮﻭﺣﻲ ﻣﺠﺮﺩ ﺍﺑﻮ ﺻﻔﺎﺭ ﻭﺍﻥ ﺷﺎﺀ ﺍﻟﻠﻪ ﺗﺼﻴﺮﻳﻦ ﺯﻳﻨﻪ ...
ﺗﺮﻛﻨﻲ ﻭﺭﺍﺡ ﻭﺍﻧﻲ ﻣﺬﻫﻮﻟﻪ ﻣﻦ ﺧﻮﻓﻪ ﺍﻟﻤﺒﺎﻟﻎ ﻋﻠﻴﻪ ﻭﻣﻦ ﻟﻬﻔﺘﻪ ﻳﻌﻨﻲ ﺍﻧﻲ ﻣﺎ ﺑﻴﻪ ﺷﺊ ﻟﻴﺶ ﻫﻴﺞ ﻳﺨﺎﻑ ﻋﻠﻴﻪ ﺣﺘﺊ ﻟﻮ ﺍﺑﻮ ﺻﻔﺎﺭ ﺑﺲ ﻗﺎﺑﻞ ﻫﻮ ﻣﺮﺽ ﺧﺒﻴﺚ ﻻ ﺳﺎﻣﺢ ﺍﻟﻠﻪ ﻻ ﻣﺮﺽ ﻋﺎﺩﻱ
ﻣﺮ ﺍﻟﻴﻮﻡ ﺍﻟﺜﺎﻧﻲ ﻋﻠﺊ ﺧﻴﺮ ﻭﺭﺣﺖ ﺍﻧﻲ ﻭﻳﺎﻩ ﻭﺍﺷﻮﺍﻕ ﻟﻠﻤﺴﺘﻔﺊ ﺍﻟﻤﺪﻳﻨﺔ ﺍﻟﻄﺐ ﺣﻮﻟﻮﻧﻪ ﻟﻠﻄﺎﺑﻖ ﺍﻟﺴﺎﺑﻊ
ﺻﻌﺪﻧﻪ ﺩﺧﻠﻨﻪ ﻟﻠﺮﺩﻫﻪ ﻭﻛﻒ ﺑﺒﺎﺏ ﺍﻟﻘﺎﻭﻭﺵ ﺑﺼﺪﻣﻪ ﻣﻦ ﺷﻔﺖ ﺍﻛﺜﺮ ﺍﻟﻤﺮﻳﻀﺎﺕ ﺑﺪﻭﻥ ﺷﻌﺮ ﻭﻻ ﺣﻮﺍﺟﺐ
ﺍﺭﺗﻌﺪ ﺟﺴﻤﻲ ﻭﺑﺎﻭﻉ ﺍﻟﺼﻼﺡ ﺑﺤﺴﺮﻩ ﻭﺧﻮﻑ .. ﺍﺀﺀ ﺻﻼﺍﺡ ﻟﻴﺶ ﻫﻴﺞ ﺷﻌﺮﻫﻢ ﻟﻴﺶ ﻣﺎ ﻋﻨﺪﻫﻢ ﺣﻮﺍﺟﺐ ﻫﺬﺍ ﻗﺴﻢ ﺍﻻﻣﺮﺍﺽ ﺍﻟﺴﺮﻃﺎﻧﻴﻪ ﻣﻮﻭ
ﺣﺴﻴﺖ ﻋﻴﻮﻧﻪ ﻏﻮﺭﻛﺖ ﺑﺎﻟﺪﻣﻮﻉ ﺍﺣﺘﻀﻦ ﻭﺟﻬﻲ ﺑﻬﺪﻭﺀ ﻭﺍﺑﺘﺴﻢ ﻳﻄﻤﻨﻲ ... ﻻ ﻳﺮﻭﺣﻲ ﻣﺎ ﺑﻴﺞ ﺷﺊ ﺑﺲ ﻣﺎﻛﻮ ﻣﻜﺎﻥ ﺑﻘﺴﻢ ﻻﺑﻮ ﺻﻔﺎﺭ ﺑﺲ ﻫﻨﺎ ﻳﻌﻨﻲ ﻻ ﺗﺨﺎﻓﻴﻦ ﻣﺎ ﺑﻴﺞ ﺷﺊ ...
ﺍﺑﺎﻭﻉ ﺍﻻﺷﻮﺍﻕ ﺗﻤﺴﺢ ﺑﺪﻣﻮﻋﻬﺎ ﻭﺗﺪﻳﺮ ﺑﻮﺟﻬﻪ ﺧﻔﺖ ﺣﻴﻴﻞ ﺑﻌﺪﻫﺎ ﻣﺸﺖ ﺍﻷﻣﻮﺭ ﻃﺒﻴﻌﻴﻪ ﺍﺧﺬﺕ ﻣﻜﺎﻥ ﺑﺎﻟﺮﺩﻫﻪ ﻭ ﺍﺷﻮﺍﻕ ﻭﻳﺎﻳﻪ ﺑﺪﻭ ﻭﻳﺎﻳﻪ ﻋﻼﺝ ﻭﺩﻡ ﻭﺑﻼﺯﻣﺎ ﻭﻋﻼﺝ ﻗﻮﻱ ﻣﻦ ﺍﺧﺬﻩ ﺍﺣﺲ ﺟﺴﻤﻲ ﻳﻬﻠﻚ ﺗﻌﺒﺖ ﺣﻴﻴﻞ
ﺑﺲ ﺍﻧﻲ ﻧﻤﺖ ﻣﺪﺓ ﻋﺸﺮﺓ ﺍﻳﺎﻡ ﻣﺎ ﻗﺒﻠﻮﺍ ﺍﺗﻮﺿﻪ ﺍﻭ ﺍﺳﺒﺢ ﻣﻨﺎ ﻟﻤﻦ ﺗﺨﻠﺺ ﺍﻟﻌﺸﺮﺓ ﺍﻳﺎﻡ ﻣﺎ ﺟﻨﺖ ﺍﻋﺮﻑ ﺷﻨﻮ ﺍﻟﻐﺎﻳﻪ
ﺟﻨﺖ ﺧﺎﻳﻔﻪ ﻳﻜﻮﻥ ﺑﻴﻪ ﻣﺮﺽ ﺳﺮﻃﺎﻥ ﺑﺲ ﺗﻄﻤﻨﺖ ﻻﻥ ﺷﻌﺮﻱ ﺍﻟﺤﻤﺪ ﻟﻠﻪ ﻣﺎ ﻭﻛﻊ ﻭﻻ ﺣﻮﺍﺟﺒﻲ ﻋﻜﺲ ﺑﺎﻗﻲ ﺍﻟﻤﺮﺿﺊ ...
ﺿﻞ ﺻﻼﺡ ﻳﻮﻣﻴﻪ ﻳﺠﻴﻨﻲ ﻭﺍﻣﻲ ﺗﺠﻲ ﻭﺍﺑﻮﻳﻪ ﻳﺸﺒﻜﻮﻧﻲ ﻭﻳﺒﺠﻮﻥ ﻭﺍﻧﻲ ﺍﺑﺠﻲ ﻛﺮﻫﺖ ﺍﻟﻤﺴﺘﺸﻔﺊ ﺣﻴﻴﻞ
ﺑﺤﻴﺚ ﺿﻠﻴﺖ ﺍﺗﻮﺳﻞ ﺑﺼﻼﺡ ﻳﻄﻠﻌﻨﻲ،ﻭﺍﺑﺠﻲ ﻭﺍﺑﻮﺱ ﺑﺎﺩﻳﻪ ﻭﻫﻮ ﻛﺎﻝ ﻣﻀﻞ ﺷﺊ ﺣﺒﻴﺒﺘﻲ ﻛﻢ ﻳﻮﻡ ﻭﺗﻄﻠﻌﻴﻦ
...........................
ﺟﻮﻟﻴﻴﺖ ...
ﻓﺘﺤﺖ ﻋﻴﻮﻧﻲ ﻭﺍﻧﻲ ﺍﺭﻣﺶ ﺑﻴﻬﻦ ﺑﺤﻨﻖ ﺷﻬﻜﺖ ﺑﺸﻬﻜﺎﺕ ﻣﻜﺘﻮﻣﻪ ...
ﻗﺒﻀﺖ ﻋﻠﺊ ﺍﻟﻔﺮﺍﺵ ﺑﻮﺟﻊ ﻭﻧﻴﺮﺍﻥ ﺍﻷﻟﻢ ﻣﺸﺘﻌﻠﺔ ﺑﺼﺪﺭﻱ ﻳﺎﺭﻳﺖ ﻟﻮ ﻛﺎﻥ ﺣﻠﻢ ﺑﺲ ﻫﺬﺍ ﻣﻮ ﺣﻠﻢ ﻫﺎﻱ ﺣﻘﻴﻘﻪ
ﻋﺎﺻﻢ ﻣﺎﺕ ﻭﺍﻟﻜﺘﻠﻪ ﺯﻭﺟﻲ ﺍﺑﻮ ﺍﻃﻔﺎﻟﻲ ...
ﻛﻌﺪﺕ ﺑﺘﻌﺐ ﺣﺴﻴﺖ ﻋﺒﺎﻟﻚ ﺳﻴﺎﺭﻩ ﺩﺍﺳﺘﻨﻲ ﻣﺮﺗﻴﻦ ﺗﻼﺛﻪ ...
ﺑﺎﻭﻋﺖ ﺍﻻﺩﻳﻪ ﻋﻠﺊ ﻧﻔﺲ ﺣﻄﺘﻬﻦ ﻣﻌﻮﺟﺎﺕ ﺍﺻﺎﺑﻌﻲ ﻣﺘﺸﻨﺠﺎﺕ ﻣﺪﺭﻱ ﺷﺒﻴﻬﻦ ..
ﻋﻀﻴﺖ ﻋﻠﺊ ﺷﻔﺎﻳﻔﻲ ﺑﺎﻟﻢ ﻭﺷﻬﻜﺎﺗﻲ ﺍﻟﻤﺘﻜﻄﻌﻪ ﻣﻤﺰﻭﺟﻪ ﺑﺄﻧﻴﻦ ﻣﻮﺟﻊ ...
ﺣﻄﻴﺖ ﺍﻳﺪﻱ ﻋﻠﺊ ﺻﺪﺭﻱ ... ﻳﻤﻪ ﺍﻃﻔﺎﻟﻲ ﺑﺲ،ﻻ ﻣﺎ ﺟﺎﺑﻮﻫﻢ ﺍﻟﻲ
ﻭﻛﻔﺖ ﻭﺍﻧﻲ ﺍﻓﺘﺮ ﺑﺎﻟﻐﺮﻓﻪ ﺷﻔﺘﻬﻢ ﻧﺎﻳﻤﻴﻦ ﺑﻤﻜﺎﻧﻬﻢ ﺭﺟﻠﻴﻪ ﻣﺎ ﻋﺎﻧﻨﻲ ﻭﻛﻌﺖ ﻣﻦ ﻃﻮﻟﻲ ﺭﺟﻌﺖ ﺯﺣﻔﺖ ﻭﻛﻌﺪﺕ ﺑﺰﺍﻭﻳﺔ ﺍﻟﻐﺮﻓﺔ ﻭﺣﻀﻨﺖ ﺭﺟﻠﻴﻪ ﻋﻠﺊ،ﺑﻄﻨﻲ
ﻟﺤﻀﺎﺕ ﻣﺮ ﻋﻠﻴﻪ ﻃﻴﻴﻒ ﺍﻣﻲ ﺗﺼﺮﺥ ﻭﺗﻠﻄﻢ ﻭﻳﺪﺧﻠﻮﻥ ﻋﻠﻴﻬﺎ ﺟﺘﺔ ﻋﺎﺻﻢ ﻣﺴﻠﻮﺑﻪ ﻣﻨﻬﺎ ﺍﻟﺤﻴﺎﺓ ...
ﺷﻬﻜﺖ ﺑﺤﺴﺮﺗﻲ ﻭﺩﻣﻮﻋﻲ ﻧﺰﻟﺖ ﺑﺪﻭﻥ ﺳﺎﺑﻖ ﺍﻧﺬﺍﺭ ﻫﺎﻱ ﻣﺮﺗﻴﻦ ﻭﺍﺣﺪ ﻳﻤﻮﺕ ﻣﻦ ﻋﺎﺋﻠﺘﻲ،ﻭﺍﻧﻲ ﻣﺎ ﺍﻛﻮﻥ ﻭﻳﻪ ﺍﻣﻲ
ﺍﻟﻠﻪ ﻳﺴﺎﻋﺪﺝ ﻣﺎﻣﺎ ﻭﺍﻟﻠﻪ ﻣﻮ ﺑﻴﺪﻱ ﺣﺒﺴﻨﻲ،ﻭﻣﻨﻌﻨﻲ ﻣﻨﺞ ﺑﺲ ﻭﺍﻟﻠﻪ ﻣﺎ ﺍﺳﻤﺤﻠﻪ ﻭﺍﻟﻠﻪ ﺑﺴﻴﻴﻄﻪ
ﻋﺒﺎﻟﻲ ﻓﺮﺣﺘﻲ ﺑﻴﻪ ﻭﺑﺮﺳﺎﻟﺘﻲ ﻳﻤﻪ ﻋﺒﺎﻟﻲ،ﻓﺮﺣﺘﻲ ﻳﻮﻡ ﺍﻟﻨﻘﺬﺕ ﺣﺎﺯﻡ ﻣﻦ ﻗﺒﻀﺘﻪ ﺗﺎﻟﻴﻬﺎ ﻫﻮ ﺣﺎﻛﻢ ﺧﻄﺘﻪ ﻭﻛﺘﻞ ﺣﺎﺯﻡ
ﺍﻧﻲ ﻛﺘﻠﻪ ﻭ ﻭﻋﺪﺗﻪ ﻣﺎ ﺍﺿﻞ ﻋﻠﺊ ﻋﺼﻤﺘﻪ ﺍﺫﺍ ﻛﺘﻠﻪ ﻣﺎ ﺍﻛﺪﺭ ﻭﺍﻟﻠﻪ ﻣﺎ ﺍﻛﺪﺭ ﺍﻋﻴﺶ،ﻭﻳﺎﻩ
ﻟﻴﺶ ﻣﺎ ﺳﻠﻤﻪ ﻟﻠﺤﻜﻮﻣﻪ ﻟﻴﺶ ﻫﻮ ﺍﻟﻲ ﻛﺘﻠﻪ ﺑﻴﺪﻩ
ﺗﻌﺒﺖ ﻳﻤﻪ ﻭﺣﺘﺎﺭﻳﺖ ﺍﺣﺘﺎﺭﻳﺖ ﺑﻴﻨﻜﻢ ﻭﺑﻴﻨﻪ ﺃﻃﻔﺎﻟﻲ ﻳﻤﻪ ﻛﺴﺮﻭﺍ ﺿﻬﺮﻱ ﻭﻋﺬﺑﻮﻧﻲ، ...
ﻟﻮ ﻣﺎ ﻫﻢ ﻣﺠﺎﻥ ﺻﺎﺭ ﺍﻟﻲ ﺻﺎﺭ ﺟﺎﻥ ﻣﻦ ﺯﻣﺎﻥ ﻃﻠﻜﻨﻲ ﻭﺷﻤﺮﻧﻲ ﻋﻠﻴﻜﻢ
ﺑﺲ ﺍﻛﻴﻴﺪ ﻳﻤﻪ ﺑﻌﺪ ﻣﺎ ﻛﺘﻞ ﺍﺑﻨﺞ ﻣﺮﺍﺡ ﺗﺘﻨﺎﺯﻟﻴﻦ ﻋﻨﻲ ﻣﻮ ﺻﺢ ﺭﺍﺡ ﺗﺠﻴﻦ ﻭﺗﺎﺧﺬﻳﻨﻲ ﻣﻦ ﻋﻴﻮﻧﻪ
ﺗﻄﻠﻌﻴﻨﻲ ﻣﻦ ﺣﻴﺎﺗﻪ ﻭﻣﺎ ﺗﺴﻤﺤﻴﻦ ﺍﻟﻪ ﻳﺬﻟﻨﻲ ﻭﻳﻘﻬﺮﻧﻲ ﻭﻻ ﺗﺨﻠﻴﻦ ﻭﺍﺣﺪ ﻣﻨﻬﻢ ﻳﺘﺸﻤﺖ ﺑﻴﻪ ﻭﻳﻜﻮﻝ ﺍﺧﻮﻭﺝ ﻣﺠﺮﻡ ﻭﻛﺘﻠﻪ ﺯﻭﺟﺞ
ﺷﻬﻜﺖ ﺑﻨﺤﻴﺐ ... ﺗﻌﺎﻟﻲ،ﻳﻤﻪ ﻓﺪﻭﻭﻩ ﺗﻌﺒﺖ ﺍﺭﻳﺪ ﺍﺭﺗﺎﺡ ﺗﻌﺎﻟﻲ ﻃﻠﻌﻴﻨﻲ ﻣﻦ ﺣﻴﺎﺗﻬﻢ ﻣﺎ ﺍﺭﻳﺪﻫﻢ ﻣﺎ ﺍﺭﻳﺪ ﺍﺿﻞ ﻋﻨﺪﻫﻢ
ﺭﺟﻌﻴﻠﻲ ﺭﻭﺣﻲ ﺭﺟﻌﻴﻠﻲ ﻛﻴﺎﻧﻲ ﺍﻟﻲ ﺍﻧﺴﻠﺐ ﻣﻨﻲ
ﻣﺤﺘﺎﺟﻪ ﺍﻟﺤﻀﻨﺞ ﻛﻠﻲ ﺍﻣﻞ ﺑﻴﺞ ﻣﺎ ﺗﻌﻮﻓﻴﻨﻲ ﻭﺍﻧﻲ ﺍﺩﺭﻱ ﻣﺮﺍﺡ ﺗﻌﻮﻓﻴﻨﻲ ﺍﻟﻬﻢ ﺍﻛﻴﻴﺪ ....
ﺣﺴﻴﺖ ﺍﻟﺒﺎﺏ ﺍﻧﻔﺘﺢ ﺭﺟﻌﺖ ﺑﺨﻮﻑ ﻭﺣﻀﻨﺖ ﻧﻔﺴﻲ ﻏﻤﻀﺖ ﻋﻴﻮﻧﻲ ﻣﺎ ﺍﺭﻳﺪ ﺍﺷﻮﻓﻪ ﻣﺎ ﺍﺭﻳﺪﻩ ﻳﻮﺍﺳﻴﻨﻲ
ﺣﺴﻴﺖ ﺑﺎﺩﻳﻦ ﻋﻠﺊ ﺍﻛﺘﺎﻓﻲ ﺩﻓﻌﺘﻬﻦ ﺑﺮﻋﺐ ﻭﺑﻜﺎﺀ ﻭﺍﻧﻲ ﺍﺩﻓﻊ ﺑﻲ ﺑﻜﻞ ﻗﻮﻭﻩ ﺑﺎﺩﻳﺔ ﺍﻟﻤﻌﻜﻮﻓﻪ ... ﻭﺧﺮﺭﺭ ﻭﺧﺮﺭﺭ ﻣﺎ ﺍﺭﻳﺪﻙ ﺍﻃﻠﻊ ﺑﺮﺍﺍ ﻋﻮﻭﻓﻨﻲ
ﻫﻲ ﺣﻄﺖ ﺍﻳﺪﻫﺎ ﻋﻠﺊ،ﺭﺍﺳﻲ ﻛﺎﻟﺖ ... ﺍﺳﻢ ﺍﻟﻠﻪ ﻳﻤﻪ ﺍﺳﻢ ﺍﻟﻠﻪ ﻻ ﺗﺨﺎﻓﻴﻦ ﺍﻧﻲ،ﺍﻣﺞ ﺭﺿﻴﻪ
ﻓﺘﺤﺖ ﻋﻴﻮﻧﻲ ﺍﻟﻤﺪﻓﻮﻧﻪ ﺑﺎﻟﺠﻔﻮﻥ ﺍﻟﻤﻠﺘﻬﺒﻪ ﻭﺭﻣﺸﺖ ﺑﺎﻫﺪﺍﺑﻲ ﺍﻟﻤﺒﻠﻠﻪ ﻭﺳﻜﻨﺖ ﻣﻦ ﺭﻭﻋﻲ ﺷﻮﻳﻪ
ﻛﺎﻟﺖ ﺑﺤﻨﺎﻥ ... ﻳﻤﻪ ﺟﺒﺘﻠﺞ ﺷﻮﺭﺑﻪ ﺗﺎﻛﻠﻴﻦ ﺷﻮﻳﻪ
ﻫﺰﻳﺖ ﺭﺍﺳﻲ ﺑﻨﻔﻲ ﺗﻮﺳﻠﺖ ﺑﻴﻪ ﻣﺎ ﻗﺒﻠﺖ ﺍﻛﻞ ﻋﺎﺩ ﻫﻲ ﺣﻀﻨﺘﻨﻲ ﺣﻴﻞ ﻭﺿﻠﺖ ﺗﺒﺠﻲ ﺑﺼﻮﺕ ﻋﺎﻟﻲ ﻭﻛﺎﻟﺖ ... ﺳﻮﺩﻩ ﻋﻠﻴﻪ ﻳﻤﻪ ﺍﻟﻠﻪ ﻳﻌﻴﻨﺞ ﺍﻟﺼﺎﺭ ﻭﻳﺎﺝ ﻣﻮ ﻗﻠﻴﻞ ﺍﻟﻠﻪ ﻳﻌﻴﻦ ﺍﻣﺞ ﻭﻳﻌﻴﻨﺞ
ﺣﻀﻨﺘﻬﺎ ﻭﺍﻧﻲ ﺍﺷﻬﻚ ﻭﺍﺑﺠﻲ ﻭﺍﺗﻮﺳﻞ ﺑﻴﻬﺎ ﻳﻮﺩﻭﻧﻲ ﺍﻻﻣﻲ
ﻛﺎﻟﺖ ... ﻳﻤﻪ ﺍﻣﺞ ﻣﻠﺘﻬﻴﻪ ﺑﻀﻴﻤﻬﺎ ﻫﺴﻪ ﻫﻢ ﻣﺪﺩﻭﺍ ﺍﻟﻌﻄﻮﺓ ﻣﻦ ﺗﻠﺚ ﺍﻳﺎﻡ ﻟﻌﺸﺮﺓ ﺍﻳﺎﻡ ﻭﺍﺫﺍ ﺻﺎﺭ ﺗﻔﺎﻫﻢ ﺍﻥ ﺷﺎﺀ ﺍﺧﻠﻲ ﻳﺮﺟﻌﺞ ﺍﻻﻣﺞ
ﺗﻨﻬﺪﺕ ﺑﻀﻴﻖ ... ﻫﻮ ﻭﻳﻴﻴﻦ ﺍﺑﻮ ﺍﻟﻤﺼﺎﻳﺐ
ﺍﺑﺘﺴﻤﺖ ﻭﺿﺮﺑﺖ ﺧﺪﻱ ﺑﻬﺪﻭﺀ ... ﻣﻮﺟﻮﺩ ﻛﻞ ﺷﻮﻳﻪ ﻭﻛﺎﻝ ﺷﻮﻓﻲ ﺟﻮﻟﻲ ﻭﺗﺮﺉ،ﺍﺟﺎﺝ ﻭﺍﺧﺬ ﻣﻦ ﺧﺎﻃﺮﺝ ﺑﺲ ﺟﻨﺘﻲ ﻧﺎﻳﻤﻪ
ﺗﻌﺼﺒﺖ ﺑﻘﻬﺮ ... ﻛﻠﻴﻠﻪ ﻻ ﻳﺪﺧﻞ ﻋﻠﻴﻪ ﻣﻮ ﻳﻘﺘﻞ ﺍﻟﻘﺘﻴﻞ ﻭﻳﻤﺸﻲ ﺑﺠﻨﺎﺯﺗﻪ ﻛﺘﻠﻨﻲ ﻭﺟﺎﻱ ﻳﻘﺮﺍﻟﻲ ﺍﻟﻘﺎﺗﺤﻪ ﻭﻛﻠﻴﻠﻪ ﺩﻛﻮﻝ ﻃﻠﻜﻨﻲ،ﻻﻥ ﺍﺭﻳﺪ ﺍﺭﻭﺡ ﺍﻻﻣﻲ
ﺿﻠﺖ ﺗﺴﺎﻳﺮﻧﻲ ﻛﺎﻟﺖ ... ﺧﻮﺵ،ﻳﻤﻪ ﺍﻛﻠﻪ
ﺭﺟﻌﺖ ﺍﺭﺩﻓﺖ ﺑﻘﺴﻮﺓ ... ﻭﻛﻠﻴﻠﻪ ﺍﺫﺍ ﺷﺎﻓﻨﻲ،ﺑﻤﻜﺎﻥ ﻻ ﻳﺴﻠﻢ ﻋﻠﻴﻪ ﻭﻻ ﻳﺬﻛﺮ ﺍﺳﻤﻲ ﻣﺪﺍﻡ ﻛﺘﻞ ﺍﺧﻮﻳﻪ ﻣﺎ ﺍﺭﻳﺪﻩ
ﺗﻨﻬﺪﺕ ﺑﻀﻴﻖ ﻛﺎﻟﺖ ... ﺟﺎﺍﺍ ﺍﺧﻮﺝ ﻣﻦ ﻛﺘﻞ ﻛﻞ ﺍﻫﻠﻪ
ﻏﻤﻀﺖ ﻋﻴﻮﻧﻲ ﺑﺎﺳﺊ ... ﻭَﻟَﺎ ﺗَﺰِﺭُ ﻭَﺍﺯِﺭَﺓٌ ﻭِﺯْﺭَ ﺃُﺧْﺮَﻯٰ ۚ ﻟﻴﺶ ﻳﺼﺤﺢ ﺍﻟﺨﻄﺎ ﺑﺨﻄﺎ ﺟﺎﻥ ﺧﻠﻪ ﺍﻟﺪﻭﻟﻪ ﺍﻗﺘﺼﺖ ﻣﻨﻪ ﺷﻨﻮ ﺟﺎﺳﺮ ﺣﻜﻮﻣﻪ ﻭﻣﺎ ﺍﺩﺭﻱ ﺑﻲ
ﺭﺩﺕ ﺑﻐﻤﻮﺽ .. ﺍﻱ ﺍﺑﻮ ﺭﺿﺎﻭﻱ ﺣﻜﻮﻣﻪ
ﺟﺎﻭﺑﺘﻬﺎ ﺑﺤﻘﺪ ... ﺣﺘﺊ،ﻟﻮ ﺣﻜﻮﻣﻪ ﻣﺎ ﻳﻬﻤﻨﻲ ﺍﺧﺬ ﺣﻘﻪ ﺧﻠﻲ ﻳﺤﺮﺭﻧﻲ
ﻫﻲ ﺟﺮﺕ ﻧﻔﺲ ﻭﺧﻠﺖ ﻭﻃﻠﻌﺖ ﻭﺍﻧﻲ ﻃﻔﻴﺖ ﺍﻟﻀﻮﺀ ﻭﺭﺟﻌﺖ ﺍﻟﻨﻮﺑﺔ ﺍﻟﺒﻜﺎﺀ ﻭﺍﻻﻟﻢ ﺍﺣﺲ ﺑﺤﺴﺮﺓ ﺗﺎﻛﻞ ﺑﺼﺪﺭﻱ ﻣﻴﺘﻪ ﻗﻬﺮ ﻣﺎ ﺍﺭﻳﺪ ﺍﺷﻮﻑ ﺍﻱ ﺷﺨﺺ ﻛﺮﻫﺖ ﺍﻟﻌﺎﻟﻢ ﻛﻠﻬﺎ ....
ﻛﻌﺪﻭﺍ ﻣﺮﺗﻀﺊ ﻭﻣﺠﺘﺒﺊ ﺿﻠﻮﺍ ﻳﺒﺠﻮﻥ ﻣﺎ ﻛﺪﺭﺕ ﺍﺷﻴﻠﻬﻢ ﻣﻦ ﺍﺩﻳﻪ ﺑﺲ ﺣﺎﻭﻟﺖ ﺍﺣﻀﻨﻬﻢ ﺑﺴﻮﺍﻋﺪﻱ ﻭﻧﻮﻣﺘﻬﻢ ﺑﺤﻀﻨﻲ،ﻭﺍﻧﻲ،ﺍﺑﺠﻲ ﻭﻫﻢ ﻳﺒﺠﻮﻥ ﻭﻳﺎﻳﻪ ﻭﻳﻤﺴﺤﻮﻥ ﺑﺪﻣﻮﻋﻲ ...
ﺍﻟﺤﻤﺪ ﻟﻠﻪ ﻣﻦ ﺭﺯﻗﻨﻲ،ﺑﻴﻬﻢ ﻳﻨﺠﺮﺣﻮﻥ ﺍﻟﺠﺮﺣﻲ ﻭﻳﺒﺠﻮﻥ ﺍﻟﺪﻣﻌﺘﻲ
..........................
ﻭﺟﻌﺎً ﻓﻲ ﺟﺴﺪﻫﺎ ﻭﺳﻘﻤﺎً ﻓﻲ ﺑﺪﻧﻬﺎ ﻟﻜﻦ ﻣﺎﺗﺰﺍﻝ ﺗﻠﻚ ﺍﻟﻌﻴﻨﻴﻦ ﺗﺜﺒﺖ ﻟﻠﻌﺎﻟﻢ ﺍﻧﻬﺎ ﺗﺠﺘﺎﺯ ﺑﻘﻮﺓ ﺍﻟﺼﺒﺮ ﻭﺍﻟﺮﺿﻰ ﻭﺍﻷﻣﺘﻨﺎﻥ ﻭﺍﻻﻣﺘﺜﺎﻝ ﻷﻣﺮ ﺍﻟﻠﻪ
ﺭﻳﻬﺎﻡ ....
ﺍﻟﻴﻮﻡ ﺍﺧﺮ ﻳﻮﻡ ﺍﻟﻲ ﺑﺎﻟﻤﺴﺘﺸﻔﺊ،ﻣﺮﺍﺕ ﺍﻟﻮﺟﻊ ﺍﺣﺴﻪ ﻣﻤﻴﺖ ﻭﻣﺮﺍﺕ ﺍﺻﻴﺮ ﺯﻳﻨﻪ ﺑﺲ،ﺍﻟﺤﻤﺪ ﺍﻧﻲ ﺻﺎﺑﺮﻩ ﻭﻣﺤﺘﺴﺒﻪ ...
ﺍﻟﻌﺼﺮ ﻛﺎﻟﻮ ﻧﻄﻠﻊ ﺍﻧﻲ ﺍﺭﻳﻴﻴﺪ ﺑﺲ،ﺍﻃﻠﻊ ﻻﻥ ﺍﺣﺲ ﻋﻔﻨﺖ ﺍﺭﻳﺪ ﺑﺲ ﺍﺳﺒﺢ ﻭﺍﺭﺗﺎﺡ ﻭﺍﺻﻠﻲ ...
ﺍﻧﻲ ﺍﺻﻠﻲ،ﺑﺲ ﺍﺗﻴﻤﻢ ﺟﻨﺖ ﻛﺎﻋﺪﻩ ﺩﺍ ﺍﻗﺮﻩ ﻗﺮﺍﻥ ﻭﺻﻠﺖ ﺍﻟﺴﻮﺭﺓ ﺍﻟﻜﻬﻒ ..
ﺍﺟﻪ ﺻﻼﺡ ﺗﺼﺪﻗﺖ ﻋﻠﺊ،ﻛﻼﻡ ﺍﻟﻠﻪ ﻭﻏﻠﻘﺖ ﺍﻟﻘﺮﺍﻥ ﻭﺣﻀﺮﺕ ﺍﻏﺮﺍﺿﻲ ﻭﺍﺷﻮﺍﻕ ﺳﺎﻋﺪﺗﻨﻲ ﺍﺩﻳﻪ ﻣﺰﺭﻓﻪ ﻣﻦ ﺍﻟﻜﺎﻧﻮﻻﺕ
ﻣﻦ ﻃﻠﻌﺖ ﻣﻦ ﺍﻟﻤﺴﺘﺸﻔﺊ،ﺣﺴﻴﺖ ﻧﻔﺴﻲ،ﻣﺜﻞ،ﺍﻟﻄﻴﺮ ﺍﻟﻲ،ﺗﺤﺮﺭ ﻣﻦ ﻗﻔﺼﻪ ﺭﻏﻢ ﻳﻮﻣﻴﻪ ﺻﻼﺡ ﻭﺟﺎﺑﺮ ﻳﺠﻮﻧﻲ ﻭﺍﺑﻮﻳﻪ ﻭﺍﻣﻲ ﻭﺣﺘﺊ ﻣﺎﻣﺎ ﺭﺿﻴﻪ ﻭﻋﻤﺘﻲ ﺍﻡ ﻓﻼﺡ ...
ﻭﺻﻠﺖ ﻟﻠﺒﻴﺖ ﺍﻟﻜﻞ ﺍﺳﺘﻘﺒﻠﻨﻲ،ﻭﺳﻠﻢ ﻋﻠﻴﻪ ﺍﻧﻲ ﺭﺩﺕ ﺍﺭﻭﺡ ﺍﺷﻮﻑ ﺟﻮﻟﻲ ﻻﻥ ﻛﺎﻟﻮ ﻣﻌﺘﻜﻔﻪ ﻋﻦ ﻧﻔﺴﻬﺎ ﻭﻣﺘﻄﻠﻊ ﻭﻣﺮﻳﻀﻪ ﻭﻣﺘﻘﺒﻞ ﺗﺮﻭﺡ ﻟﻠﺪﻛﺘﻮﺭ ﺗﺮﻳﺪ ﺍﻣﻬﺎ ﺳﻤﻌﺖ ...
ﺻﻼﺡ ﺟﺎﻥ ﻣﺘﻮﺗﺮ ﺣﻴﻴﻞ ﺣﺴﻴﺖ ﺑﻲ ﻣﻘﻬﻮﺭ ﻭﺟﻬﻪ ﻳﻨﻄﻲ ﺍﻟﻮﺍﻥ
ﺍﻧﻲ ﺍﺧﺬﺕ ﻣﻼﺑﺲ،ﻭﺩﺧﻠﺖ ﻟﻠﺤﻤﺎﻡ ﺣﺘﺊ ﺣﺴﻴﺘﻪ ﻣﻴﺮﻳﺪﻧﻲ،ﺍﺳﺒﺢ
ﻓﺘﺤﺖ ﺍﻟﺪﻭﺵ ﻭﺍﻧﻲ ﻓﺮﺣﺎﺍﻧﻪ ﺣﻴﻴﻴﻴﻞ ﻭﺍﻏﺴﻞ ﺑﺸﻌﺮﻱ ﺍﻧﺼﺪﻣﺖ ﻣﻦ ﺷﻔﺖ ﺷﻌﺮﻱ ﻛﻠﻪ ﻭﻛﻊ ﻋﺒﺎﻟﻚ ﻣﺜﻞ ﺍﻟﺪﺟﺎﺟﻪ ﺍﻟﻲ ﺗﻨﺼﻠﺦ ﺑﻤﻲ ﺣﺎﺍﺍﺭ
ﺍﻧﺮﻋﺒﺖ ﻭﻣﺘﺖ ﺧﻮﻭﻭﻑ ﺟﺴﻤﻲ ﺿﻞ ﻛﻠﻪ ﻳﺮﺟﻒ ﺷﻌﺮﻱ ﺣﻴﻴﻞ ﻃﻮﻭﻭﻭﻳﻞ ﺿﻞ ﻳﻮﻛﻊ ﺧﺼﻞ ﺧﺼﻞ ﺗﺮﺱ ﺍﻟﺤﻤﺎﻡ ﺗﺮﺱ ﺣﺴﻴﺖ ﺻﻮﻟﻌﺖ ...
ﺑﺴﺮﻋﻪ ﺑﺪﻟﺖ ﻭﺧﻠﻴﺖ ﺍﻟﺨﺎﻭﻟﻲ ﻋﻠﺊ ﺭﺍﺳﻲ ﻃﻠﻌﺖ ﺑﺎﻭﻋﺖ ﺑﺎﻟﻤﺮﺍﻳﻪ ﺍﻟﻤﻮﺟﻮﺩﻩ ﻳﻢ ﺍﻟﺤﻤﺎﻡ ﺣﻮﺍﺟﺒﻲ ﻣﺎﻛﻮﻭ ﻭﺭﻣﻮﺷﻲ،ﻣﺎﻛﻮﻭ
ﻃﻠﻌﺖ ﺍﺭﻛﺾ ﻭﺍﻧﻲ ﺍﺻﺮﺭﺥ ﺷﻔﺘﻪ ﻭﺍﻛﻒ ﺑﺤﺰﻥ ﻭﺍﻟﺪﻣﻌﻪ ﺑﻌﻴﻨﻪ ﻛﺘﻠﻪ ... ﺻﻼﺍﺍﺡ ﺷﻌﺮﻱ ﻭﻛﻊ ﺍﻧﻲ،ﺑﻴﻪ ﺳﺮﻃﺎﻥ ﻣﻮﻭ؟
ﺟﻨﺖ ﻣﺘﺮﻗﺒﻪ ﻋﻴﻮﻧﻪ ﺟﻨﺖ ﺍﺗﻤﻨﺊ ﺗﻜﻮﻥ ﺍﻟﺤﻘﻴﻘﻪ ﻛﺎﺫﺑﻪ ﻟﻜﻦ ﺩﻣﻌﺘﻪ ﺍﻟﻴﺘﻴﻤﻪ ﺍﻟﻮﻛﻌﺖ ﻣﻦ ﻋﻴﻨﻲ ﺍﻛﺪﺕ ﺍﻧﻲ ﻓﻌﻼ ﺑﻴﻪ ﺍﻟﺨﺒﻴﻴﺚ ...
ﻧﻬﺎﻳﺔ ﺍﻟﺒﺎﺭﺕ ... ﻳﺘﺒﻊ
ﻛﻮﻧﻮﺍ ﺍﻧﺘﻢ ﻛﻮﻧﻮﺍ ﺑﺨﻴﺮ .... ﺍﺣﺒﻜﻢ 💔
ﻧﻮﺭ ﺳﻤﻮ ﺍﻟﻌﺮﺍﻕ 😘
ﻻ ﺗﻨﺴﻮﺍ ﺍﻟﺘﺼﻮﻳﺖ ﻭﺍﻟﻤﺸﺎﺭﻛﻪ ﺑﻜﻢ ﻧﻜﺘﻤﻞ 🌹
ﺍﻫﻼ ﺍﺣﺒﺘﻲ ﺗﺠﺪﺩ ﺍﻟﻤﻮﻋﺪ ﻣﻌﻜﻢ ﺑﺎﺫﻥ ﺍﻟﻠﻪ ﻛﻮﻭﻣﻪ ﻣﺸﺘﺎﻗﺘﻠﻜﻢ ﻓﺪﻳﺘﻜﻢ ..
ﺍﻋﺘﺬﺭ ﻣﻦ ﺍﻟﺒﺎﺭﺕ ﻻﻥ ﺣﺰﻳﻴﻦ ﺍﻛﻴﺪ ﺍﻭﻝ ﺑﺎﺭﺕ ﻳﻜﻮﻥ ﻣﺘﻮﺗﺮ ﻟﺤﺪ ﻣﺎ ﺗﻬﺪﺉ ﺍﻻﻭﺿﺎﻉ
ﻭﺍﻟﻨﺸﺮ ﺣﻴﻜﻮﻥ ﻳﻮﻣﻴﻦ ﺑﻴﻮﻡ ﻭﺍﺫﺍ ﺍﺗﺎﺧﺮﺕ ﺍﻟﺘﻤﺲ ﻣﻨﻜﻢ ﺍﻟﻌﺬﺭ
|