[لامارا]

الفـــــ الرابع ــــــصـــــ والعشرين ـــــل

أحببتك وأعلم أني لست فارسك ياحلمي
أحببتك وأدري ان الحب مهلكي
أريدك ولا اريد حياتي بدونك ياكل حياتي
طيفك يحتل ليلي ونهاري وسهادي
جمال عيناك ريشتي وقرطاسي وحبري
وأنا أسقي منهم جل أشعاري وأكتب لك يا أشواقي


بعد اربع شهور .. أول أسبوع من صدور نتيجه الاختبارات النهائيه الجامعية والمدارس عدا إختبارات الثانويه العامه وكلهم نجحوا بنسب متفاوته ....الا شوق ورغد وأسيل وريماس باقي أسبوعين علي الاختبارات والضغط والتوتر واصل لحده

نتكلم عن كل شخص وين أخذته الحياة في هالشهور نبدي بالعيال علي راسهم سعود
سهي وافقت عليه وكانت له سند وعون بالظروف الصعبة اللي مر فيها وهي ألحين بالطيارة راجعه لأرض المملكة نهائي هي وأبو وائل وأم وائل وائل ولمي ...
خلصت الاختبارات نهاية السنه وربحت أم وائل الرهان وهو الرجوع النهائي لأرض السعودية بسب نقها المتواصل نرجع لرياض نرجع لرياض بمساعده من سهي ...ورضوخ أبو وائل في النهاية اللي خلاه يقدم إستقالته بالجامعه ويبعث ملفه لوحدة من الجامعات السعودية حتي يشتغل فيها وطلبه إنقبل ورح يصير دكتور محاضر بعد الصيف و رجوع المدارس والجامعات ؛ لمي وائل م كان عندهم كلمه ...أمر طبق
أمين وافقت بنت خال نادين علي الزواج ...سوو ملكه صغيرة وأخذها دون حفلة زواج ...أمين لسه متعلق ب نادين والبنت تحاول تكسبه لها بمساعدة أم سلمان ....وهم بالشرقيه ألحين عايشين هناك وبعد بكرة يرجعون لرياض يحضرون ملكه وزواج سعود ...بعد ماطلب أمين الأذن من القيادة
عبد الله تاريخ زواجه غير معلوم متي
سلمان مقرر بعد إختبارات شهادة الثانوية العامة ويخطب ريماس
ضاري مو مستعجل علي شي رهووف لسه صغيرة بنظره بس كبيرة بتفكيره هههه
سطام لسه م خطر علي باله شي شجون كأنها أخذت نصيب من تفكيره بس مارح يتسرع بشي لسه طالب ؛ الوليد نفس حالة سطام

بدر قال لأمه أنه موافق علي بسمة بس الخطبه بتكون بعيدة ...أمه خوفته يوم قالت له أن أم حمد بتخطبها وهو بسرعه قال أنه يبغاها بس لازم يِّكوّن نفسه أول، أم سلمان ارتاحت لهالكلام يوم سمعته وقالت لـ أم الوليد أن بسمة أمانه برقبتها

ماجد الطب مأخذ كل وقته لاهمه حب لا همه جب ههه
فواز إلتحق بقناة مشاري بعد توصيات مشاري عليه وكان كل يوم يثبت لنفسه ولزملاءه أنه إنخلق لمهنة الصحافه ...كانت بداية حصة أسود صحاري نجد بداية قوية وهزت عالم الصحافة والبرامج المسليه والترفيه والمغامراتيه وصار كل يوم سبت تسع بالليل يطلع علي الشاشه وبصحبته مجموعه من محبين المغامرات ...والكل فرحان وفخور فيه واولهم أمه وأبوه وملاك اللي صارت تسع بالليل من يوم السبت وقت مقدس بالنسبة لها ...تعلقت بفواز بشكل مو معقول وتتمني مايلتفت لوحدة من الصحافيات لانو كلهم يهبلوون -_- فواز عايش ألحين بجدة وهالشي مقهور بالنسبة لها لكنها تتمني له كل النجاح والتوفيق ....وفواز صار هدفه أسمي وأعظم دخل عالم الصحافه عالم الكلمه الحره وصار ضمن سكان السلطة الرابعه وعليه يؤدي دوره علي أكمل وجه او يتخلي عن المبادئ اللي غرسها فيه ملهمه الأول مشاري عبد الرحمان ، وملاك لها مكانها الخاص بقلبه ولو إلتقي وتعرف علي أجمل مذيعات العرب

حمد وخالد علي حالتهم وإثنينهم مقررين تخلص شوق إختباراتها ولكل مقام مقال
خالد طول هالاربع شهور شاف شوق مرات معدودة كان يتعمد يأخذ أسيل علي الثانويه علشان يشوف شوق ...بس ولا مرة كلمها الصدف م سمحت له
حمد كان بين الوقت والثاني يزور بيت عمه علشان يشوفها بس يرجع صفر اليدين ..كل اللي يسمعه انها ترسم وتدرس بجد

ريماس شوق رغد أسيل يدرسون بجد لزوم النجاح وبنسب ممتازة
شوق حاولت طوال هالفترة تبعدهم إثنينهم عن تفكيرها وتركز علي أولوياتها ...بعد حديثها مع أمها تغيرت كثيرر امور وفتحت عيونها علي واجد أشياء
رهف ، شجون و لين خلصوا إمتحانات و تفرغوا لـ الهبل والهبل والهبل نسبهم كانت حسنه ويوم الاهل عصبوا عليهم قالوا لهم الدارسه الله ياخذها والنسب جيد ناحج حسن ناجح ممتاز ناحج وترا كلهم بينتقلون لـ نفس الصف ويقعدون علي نفس المقاعد ويدرسون عند نفس الاستاذ وم يفرق الممتاز عن الحسن بشي

<< هاه إسمعوني زين ترا هذا تفكير العرابجه مو تفكيري انا ممتازة بصفي ههه كذبه بيضاء ...أكيد الطالب الممتاز يفرق عن الطالب الحسن مو ^-* باللا جد هههههه

دنا ملاك ماشاء الله عليهم درسوا بجد وتحصلوا علي نتايج جيده جيدااا
عبد العزيز ومحمد وفؤاد كمان نجحوا بنسب جيدة .
بسمة المسكينه بعد الظروف الصعبة اللي مرت فيها حولت منازل ودرست عن بعد وكانت طول الثلاث شهور بالرياض رجعت بس بالشهر الرابع علي جدة وسوت إختباراتها ونجحت بالزور والحالة اللي مرت فيها ماهيب سهلة أبدااااااااا أبداااااا
وألحين جهزت نفسها وأغراضها وجمعت أحلي الفساتين اللي عندها وضبت شناطيها وقاعده بالصالة مع جدها وتنادي علي ........

بسمة ملت من الانتظار : يبببببببه يببببببه وبعدين معك
مشاري من غرفته الموصله بالصالة ممنوع عليه يسوي أي جهد بسيط حتي صعود الدرج وبصوت عالي : أتبخر يابنتي يله جاي جاي
أبو مشاري بمزح : أبوك من بعد العملية صار عروس كل شي يشتغله علي أقل من مهله
بسمة ضحكت من قلب علي هالكلام أبوها رجع لها من الموت يوم تتفكر هذيك اللحظه اللي دق عليها سلمان ويقول العملية نجحت لكن مشاري حالته صعبة تسجد شكر لله العلي العظيم ....رب العالمين كتب عمر جديد لأبوها وهي رح تعتني فيه مثل البيبي ...كانت طول الثلاث شهور تداري عليه ومن تحسنت حالته شوي تركته يعتني بنفسه فأمور بسيطه حتي مايحس أنه عاله او صار معاق

مشاري حالته كل يوم تتحسن اكثر وأكثر و الفضل بعد فضل رب العالمين يرجع لكل اللي أعتنوا فيه من دكاتره الي ناسه واهله حتي إم سلمان كانت هي اللي تطبخ له أكل خاص تحت توصيات أبو سلمان ومشاري كان فرحان بـ هالاهتمام من الكل وعلي راسهم أبو سلمان اللي تعامل معه بكل أخوة ...خلاه أخو ولد ابوه وأمه

كان بغرفته يجهز نفسه لروحة لـ الرياض ... زواج سعود وسهي بعد أسبوعين وبعد يومين الملكه ...وشوق وأسيل معصبين أحد يتزوج بأوقات الاختبارات ومن يعزم الناس بهالوقت ...لكن سعود مو داري عنهم المهم يتزوج سهي

مشاري طلع من غرفته : ماعندكم صبر ابدا
أبو مشاري بأمر : دق علي فواز يجي نروح ترا طولنا
مشاري : فواز عنده شغل بكرة يلحقنا قوموا يله السواق محترينا
بسمة قامت : توكلنا علي الله
طلعوا واتجهوا للمطار ...المسافة طويله بالسيارة ومشاري وأبوه مافيهم حيل

سهي واللي معها وصلوا لأرض المملكه كملوا إجراءات المطار وطلعوا وحصلوا ابو خالد ( بدر ) خالد الوليد وعبد الله بإستقبالهم ...سلموا عليهم ورحبوا فيهم
الوليد يهمس لـ سهي : وش هذا ياعمتي إشترتي كل محلات كندا
سهي ضحكت وبأمر : إدفع وانت ساكت
الوليد بمزح وهو يدفع عربه الشناطي ...سهي بروحها ثلاث شناطي كبيرة مررررررة : مسكين عمي سعود الله العالم كم رح يدفع بعد ...أكيد خلص مال المهر
سهي ضحكت من قلب الوليد كشفها ....هي دفعوا لها المهر وقالوا لها تتجهز وهي إشترت ملابسها الخاصه من كندا وطلبت من أم سطام ( أماني ) تشتري لها عفش غرفتها وتختار لها ستائر وغيرها من تجهيز المنزل ...سعود إشتري بيت بالرياض مكون من طابقين وحديقه صغيرة حلوة

بيت أبو ماجد ( سامر ) ب أبها
ريماس طلعت كل فساتينها من الدولاب وتطالع فيهم ولاويه شفايفها
لين دخلت عليها : فكرت قاعده تذاكرين
ريماس محتاره : تعالي ساعدني اختار فستان حلو لـ ملكه عمي سعود
لين تهبل فيها : ابوي قال مارح نروح ادرسي ادرسي
ريماس طيرت عيونها : إحلفي بقوة
لين ضحكت : هههه امزح ...يله نختار فساتين حلوة ونجهز اغراضنا ...خالي ابو حمد قال بكرة الظهر يجي ياخذنا بالهليكوبتر
ريماس بوناسه : الله حلو علي الاقل أغير جو ..كرهت من الدفاتير
لين بتفكير : اقول ريماس وش رايك نشوف من ألحين شنو نلبس بالزواج ...لانو بين اخر يوم إختباراتك والزواج ليله وحدة بس ..وأكيد بتكونين تعبانه من الاختبارات
ريماس فهمت عليها : والله خوش فكرة ...لانو مقررة اكمل اخر أختبار وأنام وأستريح ..ودام فيه زواج خلنا اشوف وش البس وشلون اسوي شعري ...علشان يومها اكون مقرره ومخلصه
لين تحمست : زين يله خلنا نشوف ملابسك وملابسي
وصاروا يشوفون إيش بكون لبسهم ليوم الزواج والملكه

شوق كانت تذاكر ومن ملت قامت تسوي كوب قهوة تشربه
أم سلمان ( إبتسام ) شافتها : يمه بس كوفي ترا بتمرضين منها
شوق بقله حيله : وش بسوي يمه ترا صرت مدمنه عليها
أم سلمان بخوف : اخاف الكافين له تأثراته الجانبيه علي جسم الانسان
رهف داخله عليهم وسمعت الحوار : من جد مرة دكتور
الثلاثي ضحك ...شوق هذا ثالث كوب تشربه
عبد العزيز دخل وهو قابل المود : سمعتوااا
رهف بلقافه : شنو ...تكلم يله
شوق : بشويش انت خله يتكلم
رهف بتأكلها اللقافه : عزوز قل يله وش فيه
عبد العزيز كاره نفسه : خالي ابو وائل وصل
أم سلمان بفرح : جد الف الحمد لله علي السلامه
رهف منقهره : خبر قديم
شوق مبتسمه علي رهف وخيبة أملها وعصبية عبد العزيز : وانت وش فيك اشوف منت بفرحان ..مو وائل رجع اكيد بتلعب معه
عبد العزيز يقلد صوت البنات وبدلع ماصح : وكمان لمي المغروره رجعت
الكل فطس ضحك علي شكل عبد العزيز
ام سلمان : ههههه افا شفيها بنت اخوي الملاك
عبد العزيز بقرف : اعوذ بالله هذيك القردة ملاك
رهف ميته ضحك : يمه ههههه عزوز بيحب لمي
عبد العزيز بصراخ : حبك جني إن شاء الله
إم سلمان فطست ضحك هي وشوق
رهف تهبل فيه : عزوز لو تبغاها نخطبها لك
عبد العزيز مشي لها وركلها وراح عنهم
والثلاثي يضحك عليه ...عبد العزيز يكره لمي مووووووووت وكله بسب غرورها وعزة نفسها ....بس منهو العالم وش مخبي لهم الزمن

سعود إستقبل اهله وأخذهم علي البيت لاجل يرتاحون
بسمة وسعود ومشاري
سعود ميت فرح : ها عمي وش رايك بالبيت
بسمة عجبها ومسويه فيها شي : حلوو بس الكنبات والستاير وطلاء الجدران موب حلو
سعود مسك راسه : ياحبيبي كل هذا موب حلو
بسمة ماسكه ضحكتها
مشاري مبتسم : ماعجبك يبه
بسمة تهبل في عمها : ايوه يبه انا افكر اشتري عفش جديد وأغير الطلاء وأشوف المطبخ والغرف
سعود قام وسكر اذانه : مشاري انت ادفع انا فلست
مشاري وبسمة فقعوا ضحك عليه
بسمة تزيد عليه : بتجي خاله سهي وبتشوف رح نغير كل شي من المغارف والصحون لين الدواليب
سعود منقهر ويقلدها : خالة سهي خلتني مفلس وهي ببيت ابوها وانا اتوقع انو رح أتشرد يوم تجي
مشاري يضحك وبسمة بعد
سعود ضحك وطلع موبايله : هههه اروح اشوف ابوي يمكن يحتاج شي
بسمه بسرعه : عمي وينها الشغاله ..كأن مافيه
مشاري رد : الليله بناكل من طباخ إيدك
بسمة تعرف تطبخ بس مو مرة : من عيوني يبه بس نأجلها لبكرة انا تعبانه
سعود يجنن فيها : يالخامله ههههه
بسمة المهم عندها : ماقلت وينها الشغالة
سعود : كلمت شركه وقالوا بكرة يبعثون لنا شغالة
بسمة كشرت : يبه ليش مانجيب شغالتنا ياللي بجدة ...علي الاقل هي ثقة وانا احب طباخها
مشاري حب الفكرة : زين يبه رح دق علي السواق يجيبها ويجون إثنينهم هنا ( سواقهم وشغالتهم هنود وهم زوج وزوجته ....وهم ياللي يعتنون ببيتهم بجدة يوم مايكون مشاري وابوه وبنته فيه )
سعود مشي : علي راحتكم ...اشوف ابوي .
بسمة بحنيه : يبه حبيبي تعبان
مشاري ببسمة عطف : لا يبه الحمد لله تطمني
بسمة قامت : الحمد لله انا اروح ارتب الملابس بالدواليب
مشاري هز راسه ب إيه وتسدح علي الكنبه ودق علي السواق وقال له يلحقهم بكرة علي الرياض ...وهي راحت لغرفه ابوها ياللي بالدور الارضي ترتب اغراضه

سعود كتب مسج لسهي نورت الديرة برجوعك ...متي ينور البيت ...انا وقلبي أشتقنا لك
عند سهي كانت منسدحه علي سريرها وتتخيل بكرة كيف بيكون وكيف بتطلع عروس حلوة او لا ووصلها مسج سعود ..قرته والابتسامه توسعت وكتبت له منورة بوجودك ...بعد قرنين ...نحن م إشتقنا
عند سعود كان ماسك موبايله وينتظر ردها واول م قراه ضحك دووم ترد بس علي كلامه لا زيادة ولا نقصان تجنن فيه وهو يهبل فيها وكتب لها ليت بكرة مايوصل وليت م اوقع الدفتر لانو إكتشفت إنك بنت مو مناسبه لي
سهي ضحكت بدل ماتعصب تعرفه زين وبعناد حبيبي بتوقع غصب عنك واصير بنت متزوجه غصب عنك لانو دخلت من سنوات ضمن النساء العانسات
سعود إنفجر ضحك وكتب أحبك يالعانس
سهي تضحك وردت عليه وانا احبك يالشايب

وصل بكرة بسرعه وسعود ملك عليها وصارت زوجته وحلاله ...بغي يشوفها بس وين وابو سطام ( طلال ) بالمرساد ....سعود بكي من القهر عوض مايضحك من الوناسه ...والكل من شايب وعيال يضحكون عليه ...وأبو سطام قال انت اعلنت التحدي وانا ربحته ....ومرت الليله دون مايشوف سعود سهي ...وتأجلت شوفتهم حتي ليله الزواج

اسبوع قبل الزواج ...ليله قبل الاختبارات
شوق قلقانه وتصارخ : رهف تعالي إمسكي لي اشوف نفسي حافظه او لا
رهف كارهة نفسها : اوووووف ياربي من كثرة م أمسك عنها الدفتر حفظت دروسها وهي السبيكه لسه مو حافظة
شوق باعلي صوت : رهفففففففففف
رهف بصراخ اعلي منها : ماتت ...فكني منك واللي يرحم والديك
وراحت لها تمسك عنها الدفتر

ريماس تبكي وحاطه قرآن وتقري وتدعي
ماجد دخل عليها : الله الله المؤمنه التقيه ريماس سامر عبد الله
ريماس بدموع : اقول إطلع مالي خلقك
ماجد كسرت خاطره : تبين اساعدك بالمراجعه ونحل مسائل ماعرفتي لها
ريماس طيرت عيونها : قول قسم
ماجد تنرفز : وليش احلف ترا ماهيب اول مرة أحل لك واجباتك
ريماس تطنز : حبيبي هذولا مب واجبات ...هذولا تقرير مصير
ماجد نقص علي صوت القرآن وقعد جنبها : اقول عن الغشمره ترا موب وقتها وعطني اشوف بشنو متوهقه
ريماس فرحانه وبدت تقول له وهو يشرح لها .

أسيل منسدحه علي بطنها ورافعه رجولها لسما والقلم بفمها وتذاكر بكل تركيز ...ورن موبايلها وكان عبد الله
أسيل مدت البوز وردت : هلا عبد الله
عبد الله بصوت عذب : هلا حبيبي شخبارك
أسيل منقهره : مو زينه فيه عنصر موب قادرة افهمه
عبد الله كشر " الله يأخذ الدراسة ...اقول لاتفكرون تخطبون بنت عندها إمتحان شهادة لانو هالشي ملل ...سوالفها دراسه ما دراسه "

أسيل عقدت حواجبها : عبودي وينك
عبد الله تنهد : معك حبيبي كنت بس اعطي نصايح
أسيل إستغربت : لمن !!
عبد الله : لناس اللي ناوية تتزوج وهم لسه طلاب
أسيل ضحكت وفهمت عليه : حقك علي انا بس متوترة ومشغولة مرة
عبد الله ضحك : ههه ماعليه ياقلبي كلها كم يوم وارتاح من سالفة الدراسة هذي
أسيل بخوف : اخاف م انجح
عبد الله بقبق : ياحبيبي وانتظر أنا سنه كاملة بعد
أسيل ضحكت غصب : ههههه يمكن
عبد الله : ههههه باحلامك
كلمها ربع ساعه وسكر منها يتركها تراجع دروسها وبهدوء ودون ضغط


رغد حاطه سماعات وترقص للاغنيه وتقرا من الكتاب
ضاري دخل عليها ويطالعها : رسمي جنت البنت لكن الحمد لله علي كل حال ....ومشي لها وسحب السماعات
رغد عصبت : شفيك إنهبلت
ضاري بغضب : منهو ياللي إنهبل انا ولا انت وبعدين احد يقرا بهالطريقه
رغد بكل ثقه : ايوه انا ...وسحبت السماعات
ضاري بحزم : قفلي الاغاني وسمي باسم الله وإقري اذكار وبسك جنون
رغد بكل صدق : صدقني المعلومات ماتدخل راسي إلا بهالطريقه يوم انسي شي اتذكر الاغنية الفلانية واتذكر شنو كنت اقرا معها
ضاري نفض إيدينه : لا والله هذي طلاسم
رغد عصبت: اقول إطلع يله مالك شغل فيني

ضاري لف بيطلع : لو سجلتي دروسك وتسمعين لها وبنفس الوقت تقرينها مو افضل من انو تسمعين للاغاني
رغد لمعت عيونها : والله خوش فكرة
ضاري وقف ولف لها : وش فكرته
رغد متحمسه : كل الدروس اللي مو حافظتها اسجلها وبكرة بالامتحان أسمع واكتب علي ورقة الامتحان
ضاري صرخ باعلي صوت : رغــــــد
رغد ميته حماس ...من زمان وهي تدور طريقه مبتكرة للغش والبراشيم وضاري اهدها لها علي طبق من ذهب ....وبسرعه فتحت المسجل بالموبايل وبدت تدور عن العناصر اللي ما حفظتها
ضاري خاف يعرفها أم المشاكل : رغد ترا امتحان الشهادة حراسته مشددة والله لو يمسكون عنك البراشيم يدخلونك السجن علي طول
رغد عيونها تبرق حماس وهي حاسه تضمن النجاح : ضاري يالغالي هذولا موب براشيم هذولا تسجيلات صوتيه لأشياء مو حافظتها ...احطها تذكير لي وبس

ضاري مسك راسه : ياحبيبي بكرة يحكمون عليك بالاعدام
رغد ضحكت : هههه اقول خلك شجاع
ضاري بحزم :لا ياقلبي تركت لك الشجاعه ومن الحين اقولها لو يمسكون عليك التسجيلات ترا منتي بإختي ومانيب اخوك
رغد تستهبل : تبريت مني
ضاري يطنز : ليوم الدين ....ولف طلع عنها
رغد إنقهرت : جبان ...وفكرت شوي وكلمت نفسها : رغد يالغبيه بالثانوية مافيه حجاب وشلون احط سماعات ومايشوفنها المراقبات ....اوف لزوم القي حل
وصارت تدور عن حل تنفذ فيه مخططاتها بدل ماتكمل مراجعه ...الكل قال لها حراسة مشدده وهي ناوية تكسرها

اقول ترا تسجيل الدروس بالموبايل وسماعها بالسماعات امر جيد جدا ...اولا مساعدة علي الحفظ وثانيا تذكير بالعناصر غير محفوظه وقت الامتحان ^-* فهمتوا علي ههههه

اليوم الاول من الامتحان الكل فرح وإرتاح كانت الاسئله في متناول الجميع مثل مايقولون وطاليباتنا ابلوا بلاء حسن وكملوا علي نفس الرتم حتي آخر يوم وآخر إختبار

شوق رجعت للبيت
أم سلمان بلهفه : بشري يمه
شوق فرحانه : كان سهل مرة
ام سلمان بفرح : الحمد لله ...يعني جاوبتي
شوق بوناسه : ايوه يمه وان شاء الله اخذ نسبه حلوة
أم

سلمان بدعاء من القلب : ان شاء الله يارب
شوق تعبانه : يمه انا بروح انام ولا تصحوني بليز حتي للعشاء
ام سلمان بحب : روحي ياقلبي نامي واشبعي نوم اسبوع وانت صاحيه
شوق بتعب : اي والله ...وراحت لغرفتها ونفس الشي باقي البنات مقررين ينامون لين بكرة الصبح ويقومون مباشرة يتجهزون لحفلة الزواج

مر الوقت بسرعه وصل اليوم المنتظر بالنسبة لسعود وسهي ...كان يوم مميز بالنسبة لهم مافيه تجهيزات ضخمه او مبالغه فيها بس كان جميل جدا ...انزفت سهي وبعدين انزف سعود رقصوا مع بعض وتصورا والكل بارك لهم وتمنوا لهم حياة سعيدة وحلوة ...وراحوا سعود وسهي علي الاوتيل وبعدين يطلعون لألمانيا لسببين شهر العسل وتدريب عند الدكتور جميس مثل ماقال ابو سلمان من شهور ...ورح يقعدون شهرين بألمانيا وبعدين يرجعون لأرض الوطن ولرياض نهائي
مشاري وأهله عايشين مابين جدة الرياض هذا كان إتفاقه مع سعود وابوه

مرت ثلاث اسابيع من زواج سعود وسهي ومن إختبارات شوق والبنات والكل محتري النتايج
بألمانيا بالاوتيل سعود بسابع حلم وسهي منسدحه علي ظهرها وتطالع السقف وتفكر وتحسب ونبضات قلبها تزيد كأنها شاكه بشي وقالت فنفسها انو هالشي مستحيل ..لفت علي يسارها وشافت سعود نايم تبسمت بود وبصوت هادي ممزوج بأمل كبير : يارب ويكون شكي صح وأشوف السعادة بعيونك
قامت وبهدوء وطلعت لصالة وإتصلت علي خدمه الغرف وطلبت شي معين وبعد خمس دقايق دق الباب وبهدوء مثل ماطلبت وبسرعه فتحته
الجرسون عطها الطلب وبالانجليزي : هذا هو طلبك سيدتي
سهي مسكته : شكرا لك ...لدي إستفسار
الجرسون : نعم تفضلي سيدتي
سهي : هل هناك دكتور هنا او دكتورة
الجرسون : اجل سيدتي هناك دكتورة متعاقده مع الفندق تدوين أن أطلب منها القدوم إليك
سهي : لا شكرا أرغب فقط بمعرفة أين تتواجد عيادتها
الجرسون : في الطابق الثاني
سهي بفرح : شكرا لك تستطيع الذهاب
الجرسون بكل ادب : نحن في الخدمه سيدتي
هو راح وسهي سكرت الباب وشافت الجهاز بين إيدينها وبخوف ورغبه وحماس وتوتر وتردد : خلنا اشوف..... وراحت للحمام ...وبعد وقت طلعت وراحت طلعت فوق السرير وقعدت تطالع سعود بحب وبصوت هادي : سعود حبيبي قم
سعود سمعها وهو نعسان : كم الساعه
سهي تناظره : ثمنيه الصبح
سعود تنهد : وش عندك صاحيه بهالوقت
سهي تحمسه : قم فتح عيونك وغسل وتعال اقول لك شصاير معي
سعود فتح نص عين : وش صاير ؟
سهي نزلت عن السرير وبعدت عنه : بالاول قم وبعدين تعرف
سعود فتح عيونه وتمدد مثل القط بالسرير : ترا والله لو قاعده تهبلين فني مارح تشوفين خير اليوم
سهي ضحكت هي وهو مثل القط والفار : قم وبسك تمدد ترا يجي يوم وتتقطع عضلاتك
سعود ضحك وقام دخل الحمام ( الله يكرمكم ) أخذ شاور سريع وطلع وهو ينشف شعره وسهي طلبت لهم فطور
سعود برجه : وش صاير علي صباح الله قولي يله
سهي قامت له : بالاول قول صباح الخير
سعود يغمز لها ورمي المنشفه بفوضويه : تعرفين زين وشلون هي طريقتي بصباح الخير

سهي وردت خدودها ورجعت قعدت تفطر وتطنز : صباح النور
سعود ضحك وباسها من علي شعرها وقعد جنبها : الله وش كل هذا
سهي فرحانه : فطور متكامل
سعود بدي يأكل : اي والله وانت الصادقة
سهي صارت تأكل وتفكر وشلون تقولها له
سعود يأكل : سهي من جد صاير شي ولا قاعده تكذبين علي
سهي بوناسه وعذوبه : لا حبيبي من جد صاير شي بالاول خلص فطور وبعدين نسولف
سعود بدي الاهتمام عليه ولف عليها وقف أكل : وش فيه شصاير
سهي خجلانه : أكل وبعدين ...
سعود قاطعها وبجد : قولي ترا والله خوفتني وش فيه وش صاير
سهي أخذت نفس طويل : بالعكس هو شي مرة حلو ومفرح ومايخوف ابدن
سعود تحمس : طيب إيش هو
سهي غمضت عيونها تقوي نفسها وفتحتهم وبخجل شديد : سعود أنا سويت فحص واتوقع انو انا حامل الفحص كان إيجابي
سعود يطالعها ويستوعب كلامها : جد !!
سهي تناظره وجهه خالي من اي تعبير : مو متأكده انا اقول اروح عند دكتوره علشان اتأكد
سعود حط خده علي إيده ويطالع خجلها وبغباء مفتعل : بس نحن تزوجنا بس من اسابيع
سهي حزن قلبها " كانه موب فرحان " : السالفه ...السالفه ...( ماعرفت شنو ترد عليه )
سعود ماسك نفسه غصب : إيش هي السالفه قولي
سهي زعلت من قلب : منت بفرحان انو انا ممكن اكون حامل
سعود يداري ضحكته : لالا ماهيب هذي السالفه ...العيال مسؤوليه وانا لسه مو مستعد اتحملها واتحملهم
سهي إنصدمت من هالكلام وقفت وتطالعه : شقصدك ...قصدك ماتبي عيال
سعود وقف معها ويناظر عيونها اللي لمعت دموع : قصدي ليش العجلة ...قدامنا العمر بطوله وهذي اول ايام زواجنا ليش علي طول نجيب عيال ونرتبط بمسؤوليات نحن مب قدها
سهي إمتلت عيونها دموع كانه مايبغاها تجيب عيال ...طول المدة اللي جمعتهم مع بعض لسه ماتكلم معها عن الخلفه معقوله مايبي يكون أب بالوقت الراهن !! تمت تطالعه والصدمه والعبرة خنقتها
سعود ماسك ضحكته غصب وبكل هدوء ضمها له وهمس لها : سهي حياتي بشنو تفكرين
سهي فارقت الدموع عيونها وبغصة وتكرر كلامها : هالشي بإيد رب العالمين وانت لو قلت لي إنك ماتبي عيال كان ..كان ...
سعود ضحك وبحركه خافطه حملها بين إيدينه :زوجتي الغبية ....وصار يبوس فيها من كل مكان وسهي تحولت دموعها لضحك هيستري يوم حصلت نفسها منسدحه علي الكنب وسعود يدغدغ فيها وتصرخ فيه : بعد عني يالدلخ بعد
سعود يضحك من الفرح ماتوقع تحمل سهي علي طول ويدغدغ فيها : الغبية علي شنو مستعجلة
سهي تضحك وكشفته ناوي يجنن فيها : هههه منهو المستعجل انا ولا إنت ههههه
سعود يضحك ويبوس فيها وده يأكلها عطته أكبر فرح بحياته ...مايحتاج يتأكد لأنها أكيد حامل حبه الشديد لها يصنع المستحيل وكل اللي يفكر فيه يحبها أكثر ويسعدها أكثر
سهي تضحك وراضخه له وتفكر انو تسوي اللي تقدر عليه علشان تسعده وتفرحه


بالرياض بيت ابو سلمان ( محمد ) كانوا يفطرون
رهف ملت من جو البيت : يبه مو قلنا قبل نسافر علي الامارات
أبو سلمان : بعد نتايج شوق بإذن الله
عبد العزيز نفس حالة رهف : شوق متي تطلع النتايج
شوق خايفه لها ايام وهي تدعي : اليوم
الكل طالعها
سلمان بغرابه : اليوم !!
شوق متوتره : ايوه قالوا اليوم اظن وقت العصر تطلع النتيجه
رهف بغباء : بس اليوم الجمعه
سلمان يطنز : النت تأخذ إجازة نهاية الاسبوع وماتشتغل
الكل ضحك
رهف عصبت : عن الطنازة
أم سلمان مبتسمه : شوق يمه بإذن الله تنجحين انت بس ادعي
شوق من قلب : ياااارب
رهف بحماس واثقه مليون بالميه انو شوق ناجحة ...دفرة البنت واكيد رح تنجح : يعني بنسوي حفلة نجاح هزازه
شوق خايفه : اي حفلة الله يهداك وانا أكيد راسبه
رهف بثقة : ناجحه ناجحه ياقلبي انت بس خلك ريلاكس وخلي عندك أيمان قوي بالنجاح
سلمان اليوم ناوي علي رهف : ماشاء الله ماكان عندي علم انو الدلخه والسبيكه رهف ترفع معنويات الناس فكرت تثبطهم بس
الكل ضحك
رهف تستهبل : حبيبي ياسلوم هذا يسمونه تعدد المواهب
أبو سلمان تدخل بينهم : لا يبه ذا يسمونه شوفة مصلحه وكثرة كلام وثرثرة
الباقي يضحك
رهف مسويه فيها معصبة : سبحان الله عجز الانسان يرضيكم
الكل : إرضاء الناس غاية لاتدرك
رهف بهبل : مالت عليكم يأل أبو سلمان
الكل فطس ضحك

أم سلمان : هههه طيب يارهف بنشوف لو نجحت شوق وباقي البنات بكرة نسوي حفلة كبيرة ونعزم الكل هنا وش رايك
رهف تستهبل : عاشت إم سلمان الداعمه الابرز لحقوق الطفل المهضومه
الكل قعد يضحك علي رهف ...لين رن تلفون البيت وطارت له رهف تتليقف وردت بسرعه : الووو
: الووو رهف
رهف عقدت حواجبها : ايوه انت خالة ميثاء مرة خالي أمين
ميثاء : ايوه هلا رهف شخبارك
رهف : زينه ياخالتي شخبارك شعلومك شخبار خالي أمين
ميثاء : بالف خير والحمد لله وش خباركم كلكم
رهف برجه : بمليوون عافيه ولله الحمد ..بغتي شي داقه علينا
ميثاء ضحكت تعرف رهف رجه : هههه ايوه امك عندك
رهف تحمست : ايه تبينها
ميثاء : ايوه قولي لها تكلمني
رهف كشرت وتتمليح : خالتي حبيبتي شتبين منها وانا اقول لها
ميثاء تضحك وبغت تزيد عليها ...دوووم تتصل علي ام سلمان وترد عليها رهف وتهبل فيها رهف بحجه تغير عليها جو كونها عايشه بروحها بالشرقيه ...خلها اليوم تقلبها لها : ههههه مايصير اقول لك هذولا سوالف حريم
رهف عصبت من اللقافه : ليش ياخالتي انا ولد
ميثاء علي طول : ايوه يا رهفان
رهف مسكت ضحكتها غصب : هين وجهي لو كلمتي امي ...اجل رهف ام الرقه والدلع تطلع رهفان ابو الخشونه والقسوة
ميثاء تضحك بس : رهف الله يهداك خلني اكلم امك ترا مالي خلقك أبد
رهف تستهبل : هين أدق علي خالي أمين وافتن عليك
ميثاء : هههههه حلال عليك
رهف ضحكت ونادت علي امها وهي ناوية تسمع السالفه بأي طريقه
ام سلمان وصلت وأخذت منها السماعه : هلا ميثاء هلا قلبي شخبارك
ميثاء : زينه يالحبيبه وانت شخبارك شخبار عيالك
ام سلمان : بخير دامك بخير انت وامين
ميثاء : طيبين ولله الحمد
ام سلمان تطالع رهف لزقت إذنها : الحمد لله ...اقول ميثاء عزيزتي
ميثاء : سم
أم سلمان بإبتسامه خبث : سم الله عدوينك ...سكري ورح دق عليك موبايل ونسولف علي راحتنا
رهف ضربت رجل وصرخت بقهر : يمممممممه
أم سلمان بجد غصب عنها : وجع ترا انا امك ...وبعدين روحي عني
ميثاء ضحكت وكشفت السالفه : علي امرك هههههه موتي قهر يارهف
رهف بقهر : م اقول إلا مالت عليك انت وهي ....ولفت وراحت عنهم ...وميثاء قالت لأم سلمان ليش دقت عليها وأم سلمان مثل عوايدها عطتها نصايح ...وسكرت منها وبشرت أمها اللي تنتظر هاللحظه من سنين ...وأم أسامة مو عطيه فرحتها لأحد ونَوّتْ بكرة تكلم أمين تبارك له

نأخذ لفه علي حياة ميثاء بالشرقيه هي وأمين
أمين طول اليوم يشتغل من سبع الصبح لين تسع بالليل وهي طول اليوم بالبيت مع المسلسلات وشغل البيت والنت ويوم شكت أنها حامل أشترت جهاز إختبار الحمل وطلعت النتيجه إيجابيه ..بس م قالت لأمين ولا لغير أمين وأنتظرت أسبوعين حتي تقطع الشك باليقين واليوم إتصلت بأم سلمان تعطيها خبر وتنصحها كيف تقول لأمين ...تخاف أمين مايفرح وهذا أكثر شي مأرقها ...ماتنكر ان أمين يعاملها بطيبه وبإحترام بس انو يوصل لحب فهالشي بعيد جدا ...طول هالثلاث شهور من زواجهم وهي تحاول تغيره بمساعدة إم سلمان ...واليوم رح تكمل اللي بدته
سكرت من أم سلمان وقامت تجهز عشاء لذيذ وتطبخ اطباق جديده وتكسر روتين الاكل وتتكشخ وتعطر وتبخر البيت ...مر عليها الوقت سريع وبطيء هادي وصاخب

عند شوق اربع العصر قاعدة علي اللاب توب مع رهف وتنتظر ينفتح الموقع
ولما إنفتح وكتبت بياناتها وطلعت النتيجه قامت تصارخ هي ورهف
شوق بصراخ ودموع : رهف رهف وربي مو مصدقه
رهف تنطنط : مبروك مبروك يالدفرة اجل 95
شوق تبكي من الفرح : الله يبارك فيك الله يبارك فيك
رهف ضمتها وبوناسه وتبوس فيها : والله العظيم م شكيت بلحظه انك راسبه
شوق تدمع وباست رهف : الحمد لله يارب الحمد لله
رهف بسرعه بعدت عنها : ياريبه نسيت رغد لزوم اتصل ابارك لها
شوق تضحك من الوناسه : طيري طيري لها عسي يرد عليك ضاري
رهف طلعت صاروخ وتصارخ : اللهم أمين يارب
شوق تضحك وبسرعة لحقتها تبشر أمها وتشوف شنو صاير مع ريماس وأسيل

ببيت ضاري رغد ترقص من الفرح : ناجحه ياعالم ناجحه
ام ضاري بفرح : الحمد لله ياقلبي الحمد لله الف مبروك
رغد تتمايل وتصارخ :الله يبارك فيك يمه
ضاري منصدم ولسه قاعد عند اللاب توب وبشك : رغد من جد ناجحه
رغد ضربته فجأة علي راسه : وعندك شك
ضاري يطالع النسبه : الصراحه ايوه ( ولف لها ويأشر عليها باصبعه بطريقه مستفزه ) انت تجبين 91
رغد عصبت : ضاري حدك عاد لأغلط فيك
ضاري يضحك: ههههههه سبحان الله رغد جابت 91 اكيد برشمت
رغد معصبه : بعينك
ام ضاري بحزم : بس هواش ...ضاري بارك لأختك يله
ضاري : بالمشمش ابارك لها اكيد غشت
رغد تطنشه : بالناقص منك ...ورن التلفون
وبسرعة صرخت : اكيد رهف تبارك لي ...وركضت لتلفون بس إنصدمت من اللي قدامها متي وقف وركض ووصل لتلفون ورد
ضاري ياخذ نفس وهو مو مصدق انها يمكن تكون رهف : الووووو
رهف تدعي يرد ضاري ومن رد ضاعت : الووو
ضاري تشقق من الوناسه ويستهبل : من معي اتوقع غالطه بالرقم يارهف
رهف قلبها ينبض تعشق إسمها من لسانه ...وتستهبل مثله : انا أتصلت علي مردونا هذا بيته
ضاري ضحك غصب : ههههه لا هذا بيت بيلي
رهف ذابت مكانها " إيش هالضحكه ياناس تجنن " بس مابينت :ضاري بسك هبل، نادي علي رغد
ضاري عاجبه الوضع " وش حلا صوتك من زمان عنه " :بالاول قولي كلمه السر
رغد تناظره ومكتفه إيدينها وتهز ...خله يسولف شوي وتجنن فيه : عطني التلفون
رهف خجلت غصب عنها : وبعدين معك قل لرغد
ضاري يقلدها ووخر رغد بإيده : ولا قبلين وماقلت أختك نجحت
رهف فرحانه وبغيرة تخفيها : ايوه ليش تسأل
ضاري فرح لها : الف مبروك عليكم كمان رغد نجحت
رغد تطنز : احد خلاك ممثل علي
رهف بفرح : جد الف مبروك والله يبارك فيك وبايامك
ضاري بغي يقول كلمه إلا رغد تصارخ : يمه يمه ضاري يكلم بنات
ضاري بقبق وبسرعة لف لها : كذابه ...وصار يدور بعيونه علي امه من شوي كانت معهم
رهف سمعتهم و تضحك
رغد اخذت منه السماعه : اجل وش قاعد تسوي مو تسولف مع رهف
ضاري تنفس الصعداء امه مو موجودة : هي اللي تسولف معي
رغد تفتن : رهف سامعه
رهف عصبت : ايوه سمعت ...الكذاب
رغد ضحكت : هههههه ضاري سمعت رهف تقول عنك كذاب
ضاري ضحك " بعد قلبي حبيبتي العفويه البريئة " ويصرخ علشان تسمعه : قولي لها طالع لك يالكذابه
رهف تضحك مع رغد
ضاري ضحك وراح عنهم ويفكر يسوي شي يفاجيء أخته ورهف باركت لرغد
ريماس وأسيل ثنتينهم نجحوا ...ريماس بـ 96 وكانت صاحبه اعلي نسبه وأسيل بـ 86 وكانت صاحبه اصغر نسبه
واتفق الجميع يسون حفلة ببيت ابو سلمان ويباركون للبنات أسيل شوق رغد ...طبعا ريماس بـ ابها بعيدة هي واهلها وهالشي يقهر بالنسبة لـ شوق

بألمانيا سهي راحت لدكتورة وتأكدت أنها حامل وصلت هي وسعود ركعتين كشكر لله عز وجل علي نعمه وارزاقه ...وسعود بغي يتصل علي اهله يبشرهم بس سهي عارضت مستحيه من الكل عالاقل يمر شهر ونصف وبعدين تقول للكل انها حامل وسعود يضحك عليها ..وقال لها لا هو عيب ولا هو حرام ...بس سهي اول شي خجلانه وثاني شي تعرف لسان ام سطام ( أماني ) السليط اكيد بتقول لها ليش العجلة أحد يركض وراك انت والدكتور وبرضو تعرف لسان ام الوليد ( أسماء ) المتبري منها واللي دون شك بتقول لها سعود م رضي إلا وانت حامل من اول اسبوع وطبعا أم خالد ( ريتاج ) اللي ماتعرف تروض لسانها وبتقول لها كل تسع شهور بتجبين ولد دام حملتي علي طول ....البلاوي وانتوا أدري بأفواههم ههههخ

بالشرقيه ميثاء جهزت كل شي وثنت علي نفسها وعلي اللي طبخته وجهزته وعلي الكشخه وكانت واقفه عند المراية تقيم نفسها وتعطي ثقه لنفسها مثل ماقالت إم سلمان الثقه بالنفس مفتاح نجاحك
ميثاء تكلم نفسها : حلوة حلوة ...خلك بس مبتسمه وواثقه وان شاء الله يفرح ويكون هالولد همزة الوصل بيبنا ومفتاح الوصول لقلبه....سمعت صوت فتح الباب وبسرعة طلعت تستقبل أمين
أمين كمل شغله ورجع للبيت وهو تعبان تعود علي حياته الجديدة ...ميثاء مافيه أطيب من قلبها وتحاول بكل طاقتها تسعده وتفرحه وهو مابغي يحط حواجز بينهم كل شي تسويه علشان تفرحه قاعد يحاول يتقبله ...وقطع وعد لها باول ايام زواجهم انه مارح يظلمها وبنفس الوقت انه يحاول يحبها

دخل وشاف البيت مرتب بشكل

جميل جدا وبخور دهن العود يملاه إبتسم بحنيه وهو يدور بعيونه عنها ...هذي هي ميثاء اللي تستغل كل يومها علشان تفرح قلبه وهو بدوره مارح يكون قاسي عليها او يحط خطوط لها ...شافها مقبله له والابتسامه الناعمه علي شفايفها وصوتها العذب يسبقها : نور البيت
أمين مشي لها ومبتسم لها جمالها طبيعي بس حلو وملامحها ناعمه : منور بوجودك
ميثاء وصلت له وبخجل كانت لابسه فستان أحمر قصير واصل لين افخاذها : كيف كان يومك
أمين يناظر خجلها الناعم وفنفسه " يارب البنت تعبت معي م ابغي اظلمها بشي " : كان متعب ...انت شنو مسويه للعشاء
ميثاء بإبتسامه وضمته : اللي يحبه قلبك
أمين أخذ نفس عميق دوم هي اللي تبادر بافعال من المفروض هي اللي يسويها وضمها بإيدينه وشم : امم كنّه اكل طيب
ميثاء تحمست وبعدت عنه : تغسل وتعال عطني رايك
أمين مسك خدودها وباس طرف شفتها وبصوت شبه مسموع : ابشري ...وبعد عنها
ميثاء نبض قلبها بداية علاقتهم كانت صعبة م يسولف م يضحك م يمزح لكن إصرارها انها تخليه يحبها وعزمها انها تكسب قلبه وخططها اللي تطبقها كل يوم عطوا نتيجه وألحين أمين كل يوم يتغير عن اليوم اللي قبل ...وحطت راسها علي صدره وبدلع وهمس : عندي لك خبر حلو
أمين يمسح علي شعرها بحنان وبهدوء : وش خبره !!
ميثاء تنفست بعمق ودعت بقلبها يفرح : ماتبي تصير أبو
أمين رمش بسرعه لكلامها وحاول يستوعبه " حامل !!! " وسكت وماعرف شنو يرد

ميثاء إنتظرت ثواني يرد عليها بس سكوته المفاجيء زعل قلبها وخرت عنه وتناظر عيونه اللي لمعت وفنفسها " بيبكي ؟؟؟!! " وبسرعة فكرت وقررت ...وبمرح تخفي حزنها : يوم تغسل تعال نتعشي ...بعدت عنه وهي تنتظره يتكلم ...بس م نطق بحرف ومشت وهي تتوجع من جوا
أمين بلع غصته وهو يتذكر نادين شلون قالت له أنها حامل ..وقتها عبر عن فرحه بافعال واقوال ...بس ميثاء ضاعت منه الكلمات والافعال واول ما مشت وبعدت عنه وحس أنه زعلها نادها : ميثاء
ميثاء وقفت مكانها وعيونها إمتلت دموع ...أمين مب فرحان ...امين مايبغي عيال ...أمين مجبور عليها ...أمين مانسي نادين
أمين وقف يناظرها م لفت له وأكيد زعلت ...اخذ نفس طويل ومشي لها وهو يبحث فنفسه عن الفرح ....هل هو فرحان بحملها مثل مافرح بحمل نادين !!! ...وصل لها وضمها من ورى وبهدوء : ألف مبروك فرحتي قلبي
ميثاء تطالع بالفراغ وماعرفت تفك شفرته ..من جد فرح قلبه لهالخبر !!

أمين حط شفايفه علي رقبتها وغمض عيونه ويفكر في حالته اللي وصل لها ...مايحبها هو أكيد بس ليش يضمها وليش يلمسها !! ...ببدايه علاقته فيها كان يغصب نفسه عليها بس يوم عن يوم صار يقرب لها لانه يبغي يقرب لها ...هو مو من الرجال اللي تدور عن إرضاء رغباته وأي مرأة قدامه تنفع ...هو لما مايبغي شي مايسويه بالنسبة له العلاقة بين الرجال والحرمه علاقه أساسها الحب والمودة
ميثاء نزلت دموعها وهي تحس بلمسات أمين عليها ..صارت تعرف أمين زين مو رجال قليل أصل علشان يستغلها ولو كانت زوجته

أمين لفها له واخفي راسه في عنقها ويتسلم لإملاءات قلبه وعقله عليه ...وعد انه مايحط حواجز بينهم ورح يوفي بوعده
ميثاء رفعت إيدينها بتردد وبصعوبه غصب عنها لمسات أمين تشتت عقلها ....هي زواجها الاول كان تقليدي وماكانت فيه قصة حب بينها وبين زوجها يعني خطبتها امه وقبلت به وتزوجها ...بس كان نعم الرجال وكان يعاملها برقه ولطافه وهي كانت مقرره تكون له الحبيبه والخليله بس شاءت الاقدار انو يموت بسنه زواجهم الاولي ...حزنت عليه ولو كان عايش مستحيل تفكر بغيره وخطبوها بس هي رفضت ...لكن ظروفها ومرض ابوها وخوفها ان تضيع في هالحياة خلها ترضي بأمين ....( وانتوا يابنات ادري بحال البنت والظروف اللي ممكن تمر فيها بعد موت ابوها وامها منهو رح يتحملها غير زوجها ) وقالت انو رح تعيش قدرها مهما كان ...وبعد زواجها من أمين اكتشفت انه رجال بظهر رجال ورح يكون لها الابو والاخو والحبيب لو يحبها : أم... أمين
أمين غمض عيونه وبصوت هامس : مبروك يابعد هلي وناسي مبروك
ميثاء توسعت إبتسامتها هو دوم يقول لها هالكلمه وضمته بدوره : مبروك يا كل دنيتي
أمين إبتسم بحنان وبمزح وحب يضحكها شاف زعلها ولازم يرضيها مثل ماهي تراضيه : عطرك يجنن وعطري كله عرق
ميثاء ضحكت : هههه علشانه قلت لك تغسل
أمين بعد عنها وقرص خشمها : يالخبيثه
ميثاء تحك خشمها وتضحك
أمين وبهدوء رزين : وعد ياميووووثه انو ما ازعلك بيوم

ميثاء بحب غامر : عارفه ياروح ميوووثه
أمين غمز لها : اعتقد اتذوق الاكل وبعدين احكم ازعلك او لا
ميثاء ضحكت :من الحين اقوله تراه مالح وحامض
أمين ضحك : هههه اخليك تكلينه كله
ميثاء : احلم
أمين لف يروح يغسل : دقايق وبنشوف ...وراح
ميثاء مبتسمه بتصميم وبصوت واطي : مارح إستسلم أبد ...نادين وعمر ماتوا والحياة مستمره
لفت وراحت تسخن الاكل البارد
أمين دخل للغرفه وفسخ ملابس شغله ويفكر بينه وبين نفسه : ميثاء بنت طيبه مرة وتحاول بكل قدرتها انو تسعدني انا مو اول رجال تموت حبيبته ويحب غيرها لزوم أعيش هالحياة وارضي بالنصيب المقسوم لي لو تقدر لي أحب مرة ثانية رح تكون ميثاء هي الحبيبه
تغسل وطلع لها بأمل جديد رب الكون قال المال والبنون زينه الحياة الدنيا وعطاه المال والحين عطاه الولد وهو رح يكرس نفسه يسعد أم الولد ويعيش الولد برخاء

اليوم اللي بعده بحديقه أبو سلمان ( محمد ) كل لعيال عدا ماجد وفؤاد وفواز كل البنات عدا ريماس ولين مجتمعين علشان الحفلة .
شوق ورغد وأسيل ملتفين حول الكيكه الكبيرة اللي مشكله من ثلاث طبقات كل طبقه بذوق ولون ويطفون الشموع الصغيرة والكثيرة
رغد برجه والشموع مو راضيه تخلص وبغت تغير جو : اووووف هذولا نجوم السماء كلما طفيت وحدة طلعت ثانية من الظلام
الكل : ههههه
الوليد يطالعها و ميت ضحك هالبنت هبله
شوق تسحبها ترجع تنحني : انفخي وانت ساكته
رهف بفخر : هذي فكرتي الجهنميه
رغد تنفخ : عارفه هين اخلص واتفرغ لك
سطام عاجبه الكيك : بسرعه ترا ميتين جوع
سلمان ببراءه : افا يموت الجوع لو تبي اقول للخدامه تجيب لك الاكل
الكل ضحك عليه
شجون : يالغبي سطام جوعان بس علي الكيك ...وناظرت سطام : مب !
سطام رفع حواجبه لها : ايوه يالذكيه
سلمان عصب : الشرهة علي انا ماخذ لك هم
حمد يطنز : سطام لا تغازل اختي
سطام يهبل في شجون : من زينها عاد حتي اغازل فيها
الكل : ههههههههه
شجون وصلت معها منه : عاد انا ياللي ميته علي قرد مثلك
الكل فطس ضحك
سطام عصب : ثمني كلامك يابنت الناس
حمد خش وهو ميت ضحك : ههههههههه بس بس لا تتهاوشون عالاقل سوا لي حشمه وكرامه
الكل ضحك
شجون وسطام بنفس الوقت : ههههههه منت بكفووو
شوق تضحك : ههههههه عطونا وجه ترا طفينا الشموع
الكل صفق : مبروووووووووك عليكم
الثلاثي الناجح : الله يبارك فيكم
بسمه متحمسه : قطعوا يله وانا اسوي لكم فيديو
أسيل تحمست : يله يله
ومسكوا السكين مع بعض وقطعوا
شوق بأمر : رهف روحي للمطبخ جيبي صحون
رهف طبعا خامله بس اليوم إستثناء ضاري فيه وهي بتصير منال العالم بكبرها : حاضر من عيوني ..وطارت طيران
سلمان إنصدم : غريبه رهف الكسوله تشتغل ولا وحاضر ومن عيوني بعد ...ليكون الشمس طلعت من المغرب وانا اخر من يعلم
الكل ضحك
عبد العزيز يهبل فيه : اعلمها عليك
سلمان بحزم : بسك قلة عقل ترا مالي خلق هواش معها
خالد يستغل اي فرصة يسولفها مع شوق : شوق كيف ذوق الكيك
شوق ببراءه : طيب مررررة بتذوقه وبتعرف
خالد بفرح : امم حمستيني
حمد ناظره بغضب
الوليد خش : جد قطعوا يله خلونا نذوق

شوق وأسيل بدوا يقطعون
حمد مشي وقف جنب خالد : لاتسولف معها انت ماتفهم
خالد يطالعها وبصوت هادي وغاضب : حمد مالي خلقك أبد ...البنت رح اخطبها ورح تكون زوجتي فلا تخلني اغلط فيك وألحين بعد
حمد شد علي قبضته وبقوة وبفحيح : وخر عنها ياخالد البنت زوجتي أنا
خالد لف له وبفكرة ماعرف أنها بتكلفه الكثير والكثير جدا : خلنا نخطبها ونشوف منهو رح تختار بينا
حمد نبض قلبه بخوف مفاجيء هل خالد ضامن الموافقه وبتردد : أشوفك واثق
خالد إبتسم شبه إبتسامه ولاحظ الخوف بملامح حمد وحب يزيده أكثر عساه يتراجع عن فكرة خطبته لشوق : البنت تحبني ورح توافق يوم أخطبها
حمد سكت ويناظر الثقه العاليه بملامح خالد ويتسآل هل صحيح !!!!
خالد تم ساكت لغه الصمت هي الحاظره بينهم وفنفسه " صدقني ياحمد من قلبي اتمني لك السعادة والفرح وخر عنها ازين لك ولي "
حمد ساكت ويناظره " لو كانت شوق تحبك يعني رح ترضي فيك وبتكون سعيدة معك ...وانا لزوم ابتعد علشان أسعدها هي " لف بعيونه وناظرها وهي تسولف وتضحك مع البنات وفنفسه " معقوله أسمح فيك بهالسهولة ...معقوله يكون قلبك لخالد وانا ياشوق انا وين انا فيه "

خالد يناظره ويناظر شوق وحس ماله مكان بينهم ...حس بحب بينهم ليش ليكون حاجز بينهم

شوق كانت تقطع الكيك وتضحك مع أسيل وبالصدفه رفعت عيونها جهة خالد وشافته يناظرها هي وحمد بسرعه دنقت " حاولت احدد قراري بس عجزت عجزت ...ليت تنسون إثنينكم شوق وتشوفون غير شوق "
خالد شافها وشاف شلون هربت بنظراتها بسرعه عنهم وبصوت هامس : حمد
حمد نطق وكله إصرار وعزم انو كل شخص يأخذ حقه ويأخذ نصيبه هو وخالد حبوا شوق وإثنينهم عجزوا ينسونها والدور علي شوق ألحين تختار بينهم ...خالد له الحق يخطبها مثل ماهو له الحق يخطبها ، خالد له الحق يكون سعيد بدنيته مثل ماهو له الحق يكون سعيد ولف علي خالد القريب والبعيد الصديق والعدو : خلنا نسوي اللي قلت عليه نرمي الكره في ملعبها
خالد خنقته الظروف وقهره النصيب وبصوت حزين : م اظن انو رح بارك لك لو توافق عليك
حمد طالعه
خالد كمل والغيرة ماكله قلبه : حمد أنت مثلها وتشبها إثنينكم تفيضون طيبه وهالشي كسر ظهري
حمد إبتسم علي هالكلام : احد قال لك انك شرير
خالد نطقها عسي يرتاح : اكرهك وربي الكون أكرهك
حمد ضحك بحزن وخالد عض علي شفته السفلي هو يتمني السعادة لحمد بس مو علي حسابه هو
لكنه يحس ان حمد يتمني له السعادة ولو علي حساب قلبه
سطام واللقافه : خير ضحكونا وش دعوة الوشوشه بينكم
خالد يسيطر علي نفسه : نتفق منهو فينا يذبح الثاني يالملقوف
الكل ضحك الا شوق وحمد وخالد

مرت الدقايق بطيئه علي الثلاثه وشوق قطعت كيك وحطته في الصحون وبدت توزع علي الكل هي ورهف وأسيل
شوق أخذت صحنين عن قصد ومشت جهة خالد وهو يطالعها وحمد يراقبها : تفضل
خالد دنق ويناظر الكيك ومد إيده ومسكه عنها : مبروك عليك النجاح عقبال لنجاحات أكبر ان شاء الله
شوق بإبتسامه حنونه تحت لثمتها وبحنان : الله يبارك فيك وبإيامك وان شاء الله تلقي الفرح بحياتك القادمه
خالد ناظرها ويفهم مقصدها
شوق علي حالها وبود كبير : أنت عزيز وغالي وانا ادعي لك تفرح بحياتك ....تركته ومشت جهة حمد وخالد توسعت عيونه ولمعت دم
حمد يطالعها وهي توقف قدامه
شوق نفس الشي مدت له صحن الكيك : بالعافية عليك
حمد ضعف قدام نظراتها وبغصه وسمع الحوار القصير بينها وبين خالد : شوق
شوق كابرت كل دموعها وخذلانها ليش تنحط بين إثنين ..إثنين غوالي علي قلبها وبصوت تجمع فيه قوتها وشموخها : الدنيا فرح وحزن وأنا اتمني يكون نصيبك منها هو الفرح
حمد نزل عيونه ومد إيده ومسك عنها الكيك وبوجع : بس شايف انو نصيبي منها هو الحزن
شوق بألم ودموع برقت بعيونها : كلنا ...ومشت عنه
حمد غمض عيونه بقوة لو هو وخالد يتوجعون شوق تتقطع أشلاء

خالد بلع ريقه والقهر مالي كيانه وقرر قراره مهما كانت النتايج رح يخاطر مشي جهة الطاولة اللي عليها الكيك الكبيرة حط الصحن تحت نظرات شوق ولف ومشي طالع من البيت ..يا يكون نسيب هالبيت او ماله حق في قطرة مويه منه
شوق تمت تطالعه وتكابر دمعتها ماتعرف شنو مخبي بكرة لكن قرارها مارح تتراجع عنه
حمد ضاع بين شرقه وغربه هل يتخلي عنها او يقاتل علشان يكسبها ...إيش قصدها ان تتمني السعادة لهم إثنينهم ..ايش قصدها ايش ..!!! ولف علي سلمان يوم قال : تعال نشوف الوالدة شتبغي نشتري لها من اغراض
حمد بمزح يخفي وجعه: انا ضيف ياسلمان
سلمان ضربه علي كتفه : تعال وبسك دلال ...مشي جوا وحمد حط صحنه وماتذوق منه شي ولحق سلمان هذا بيت عمه قبل كل شي يمكن يخسر شوق بس مارح يخسر عمه واولاد عمه
شوق تنهدت بعمق يوم شافته مقفي مع سلمان وراحت عند ملاك ودنا تسولف وتنسي نفسها

رهف تسولف مع الخدامه وتقول لها سوي هذي وسوي ذي ...ضاري شافها وإيجاها وقف وارها : بووووه
رهف طنشت فكرته سلمان : اقول سلمان شايفني بنت رقيقه خوافه قاعد تخوفني ولا شنو
ضاري مسك ضحكته غصب " فديتها ياناس فديتها "
رهف لفت عليه وبغضب : بسك سماجه.....ضاري !!!!
ضاري ضحك علي صدمته : بشحمه ولحمه يالرقيقه
رهف تفشلت : فكرتك سلمان
ضاري يضحك : هههه عارف يأم الرقه والدلع
رهف طاح وجهها ألحين اكيد مفكرها بنت مسترجله : أنا بس م أحب حركات انو يخوفني أحد
ضاري غمز لها : من اليوم ورايح أعرف وشلون أخوفك
رهف ببلاهة : شتقصد
ضاري منهبل عليها : م اقصد شي ماقلتي شخبارك
رهف تشققت من الوناسه : زينه وانت
ضاري حب الوضع : زين يالزين
رهف إنهبلت عليه وعلي إبتسامته العذاااب بس بحزم : لا تتغزل فني
ضاري معها يضحك وبس : ههه افا يالزين كله
رهف دورونها ماتلاقونها داخت ذابت مكانها : ضاري ترا انت مثل اخوي وانا م ارضي تتكلم معي بهالطريقه
ضاري كشر وزعل : رهف شقصدك انو انا مثل اخوك ترا انت عزيزة علي قلبي
رهف خلاص راحت فيها " واااي لحقوني سمعتوه قال انت عزيزة " وبهبل : وانت بعد عزيز علي بس مثل سلمان أخوي
ضاري ضحك غصب : ههههه وانت كمان مثل رغد اختي
رهف فهت : ليش تضحك
ضاري غمز لها : مو مهم ليش اضحك المهم انو انا عزيز عندك
رهف توردت خدودها وبغت تروح قبل لايشك أحد في شي : المهم حياك بالبيت وإستمتع مع الشباب

ضاري بحب وإبتسم لها : تسلمين يابنت الاجاويد والاصول والكرم
رهف مفهيه بالابتسامه : من بعض ما عندكم .....تركته وراحت عند شوق تبشرها
ضاري وقف يناظرها ويكلم نفسه : لا تزعل نفسك يالغبي البنت هبله وصغيرة ولا تفكر بشي يخليك حزين فكر بس انك عزيز مثل سلمان. .....ضحك ومشي جهة بدر شافه واقف بعيد

بدر كان طول الوقت يسترق النظرات جهة بسمه يحسها بنت صغيرة وبنفس الوقت كبيرة مدلعه مدلله رزينه حبوبة طيوبة دلخه يشوف فيها القوة والضعف الصبر والانهيار قلة الادراك وروح المسؤوليه ...ولما كان أبوها مريض كان يزور ابوها ويشوفها شامخه قدام ابوها وهشة بعيدة عنه يشوفها صابرة بعيون عمها ومنهارة بعيون غيره ...دعى لها من كل قلب تفرح بشفاء أبوها وتمني ماترجع تشوف يوم أسود بحياتها ...هالبنت أخذت جزء من تفكيره ومو مهم كم مساحته والمهم أنه مايمر عليه يوم إلا ويتذكرها فيه ويبتسم بحب لـ أحلام قاعد يعيشها معها هي وبس ...يتخيل انه يدخل كليه الطب ويكمل دراسته وتكون هي اللي تحط له قبعه النجاح علي راسه ...يتخيل يمسك إيدها ويأخذها علي عيادته الخاصه فيه ...ويتخيل حلمه الجميل فيها يتحقق اليوم قبل بكرة يقعد ويطالع إبتسامتها العذبه وهي تنادي علي صغيرتهم فجر تجيها ...إبتسم بحب ونظراتهم تلتقي ويدعي تتحقق كل الاحلام اللي عايشها معها بخياله
بسمة طاحت عينها عليه وكست الحمرة خدودها الناعمه هالولد يفيض حنان يوم تشوفه ويفيض حب لما تناظر عيونه ...بعدت عيونها بخجل وهي تتذكر أنه وعدها أنو رح يمسح كل دموعها وهي ألحين تنتظر يحقق وعده لها

أسيل مع عبد الله
عبد الله فرحان انو نجحت وطول الوقت وهو يبارك لها : اقول يانبض القلب
أسيل فرحانه : لبيه
عبد الله بحب : لبيتي فمني ياحياتي ...كنت أقول وش رايك نحدد موعد زواجنا
أسيل تنتظر ردت فعله : وش رايك بعد ثلاث أسابيع
عبد الله طير عيونه : جد او تمزحين
أسيل ضحكت وتستهبل : هههه وقت قصير خلاص بعد ثلاث شهور
عبد الله مسك إيدينها : اي قصير الله يهداك انا اقول بعد اسبوع وش رايك
أسيل تتمليح : لا حبيبي بعد ثلاث أسابيع احسن وقت مناسب لي وأقدر أجهز فيه لأشياء ناقصه
عبد الله ميت فرح ومو مصدق انه وأخيرا حدد يوم زواجه وضمها : شورك وهداية الله ياروح عبد الله
أسيل خجلانه وتذكرت الكل وبهمس : عبود الكل فيه
عبد الله ضحك وتذكرهم : هههه ماعليك منهم ناس ملقوفه
دنا وملاك شافوهم
دنا صرخت فيهم : إستحوا
الكل طالعهم وعبد الله بسرعه بعد عن أسيل
سطام يصرخ : ياقليل الادب
عبد الله بصراخ : زوجتي ليكون عندكم مانع
رهف تطنز : ترا هذا المكان له حرمته
عبد الله : إحلفي .....أسيل ركضت جوا من الخجل
الكل : والله ....وضحكوا علي أسيل
عبد الله ضحك معهم وبصراخ : ههههه باركوا لي بعد ثلاث أسابيع زواجي
الكل مع بعض : الف مبروك زواج الدهر
عبد الله بفرح : الله يبارك فيكم يارب
سطام والوليد مع بعض : قل عقبال لكم
الكل ضحك
عبد الله يستهبل : ان شاء الله تعنس انت وهو
الثنائي : بحلمك
نروح علي أشخاص ماتكلمت عنهم كثير بس أحبهم مررررة
لمي كانت بالحفلة هي ووائل وكانت مثل الاميرة لابسه فستان زهر سيور من فوق وواسع من تحت ولابسه حذاء زهري ومسوية شعرها مثل الزهرة وحاطه شريطه زهر ناعم وحاطه حلق احجاره زهر وعقد احجاره برضو زهر ...كانت أميرة من أميرات ديزني ...وهي بعادتها تكره أحد يخرب لها لبسها
عبد العزيز من شافها عفس ملامحه وطنشها لانو لو كلمها يبدي هواش ماله نهايه
عكس محمد اللي شافها أثني عليها وكانوا يلعبون ورق مع بعض قدام باب المطبخ الخارجي بطلب من ام سلمان علشان يكونون قدام عيونها ...و لمي رفضت يلعبون كرة او اي شي يوسخهم
عبد العزيز كارهها لين النخاع وبملل ورمي الورق : قوموا نلعب كرة
محمد : لا خلنا نكمل والله تحمست منهو يربح
عبد العزيز : هذي لعبه ممله واللي يبغي يلعبها يلعبها بروحه نحن عيال وبنلعب كرة
لمي عصبت : انت تقصدني أنا
عبد العزيز : ماكلمتك
لمي بدلع : وائل شوفه
وائل بضجر : ترا كرهت منك انت وهو ...دوووم هواش
لمي : بس هو ياللي يظلمني
عبد العزيز يقلدها وينعم صوته : بس هو ياللي يظلمني .
لمي بصراخ : أنا أكرهك
عبد العزيز يصارخ اعلي منها : وأنا بعد
محمد تنهد بقوة : عزوز حرام عليك ليش تسوي فيها كده
عبد العزيز بغضب : م ابغاها معنا تروح عند البنات نحن عيال
وائل ساكت بطبعه مايحب كثرة الكلام ويفكر يحل لعبتهم عزوز ولمي فخار يكسر بعضه
لمي عصبت منه وماتبي تبكي قدامه : انت واحد نذل هين اقول لعمتي عنك
عبد العزيز بعصبية مشتعله : أحد ماسكك روحي يله وفكينا من شوفت وجهك الشين
لمي قامت ورمت عليه اوراقها : هين تشوف يالقرد الماسخ
محمد قام بسرعه معها : لمي اقعدي والعبي ماعليك منه
عبد العزيز عصب منه : هاي انت بصفها
محمد بغضب : ترا البنت ماسوت شي ليش تعاملها كده
عبد العزيز بغضب : أكرهها احد عنده شي عندي
لمي أخذت قارورة مويه فيه ورمتها عليه وصار كله مويه : حيوان
عبد العزيز وقف وهو معصب ويمسح وجهه وهي ركضت بسرعه وهو لحقها ركض يضربها ويصارخ : يالحمارة وقفي
محمد خايف : وائل قم قم عزوز ولمي يضربون بعض
وائل هز اكتافه بعدم إهتمام : عمتي رح تحل المشكله ...اقعد نكمل لعب ترا عرفت الحل
محمد ماسمع له وركض وراهم ...وإم سلمان طلعت لهم بسرعه لانها كانت بالمبطخ تراقبهم

شجون ورغد
رغد تجنن في شجون : شفتي سطام يقول عنك مو زينه
شجون معصبه منه : عاد هو اللي زين وجه الثور
رغد ضحكت : ههههه اشوفك زعلانه
شجون بكبرياء : علي من ؟ عليه القرد !! ...حبي عينك انت وهو
رغد تستهبل : تبين اشيل العدسه احبها وارجعها
شجون تمثل القرف : اععع
رغد عصبت منها : اعع عليك انت
شجون بحرص : ازين لاتقولين لي انك زعلانه من سطام القرد ترا يبلط البحر
رغد طنشتها : تصدقين عاد مرررة مشتاقه لوليد
شجون معصبه من جد بسب سطام : قولي قسم كاهو قدامك إعمي عيونك بشوفته
رغد ضربتها علي ظهرها : جعل العمي لك انت
شجون ضربتها بدورها : وجع كسرت ظهري
رغد : احسن وش فايدته
شجون بغضب : رغووود
رغد بعربجية : اقول مشتاقه لوليد دبرني ماعلي منك
شجون مسكتها من ايدها وجرتها معها : تعالي اخذك له تشوفينه وتسكتين علي
رغد مطيرة عيونها وسحبت ايدها منها : انهبلتي
شجون بصرامه : زين شايفتني اخته علشان اخليك تقابلينه
رغد بقهر : اروح لدنا ابرك لي ...وراحت
شجون ناظرت سطام : القرد اجل انا مو زينه هين اوريك ...ولحقت رغد

العيال كلهم دخلوا للمجلس والبنات دخلوا لصالة ...شوق راحت تساعد امها تجهز لعزيمة الليله والبنات جابت لهم رهف لاب توب وفتحوا ملف فساتين يختارون علشان زواج أسيل ...وأسيل دخلت النت تختار قاعه وأشكال تصاميم الكوشه ...ومر عليهم الوقت لين تعشوا وسهروا حتي وقت متأخر ورجعوا للبيوت

اليوم اللي بعده حمد وخالد إثنينهم إتخذوا نفس القرار اللي اتفقوا عليه أمس ...شوق هي الحكم بينهم أحد يكسب والثاني يخسر
حمد نزل الدرج ومشي عند أمه اللي كانت قاعده تقرا قرآن وحب راسها وقعد جنبها
أم حمد ( نوف ) كملت لين نهايه السورة ولفت له : هلا بوليدي حبيبي وش لونك
حمد بفرح رغم كل شي شوق 50٪بتوافق عليه : طيب بشوفتك يمه حبيبة قلبي
ام حمد بحنان وهي حاسه وراه طلب : الحمد لله دوووم إن شاء الله ....حمد ياوليدي بغيت شي او اكمل قراءه
حمد اخذ نفس وتنهد : ايوه يمه بغيتك بسالفه
ام حمد : سم طال عمرك
حمد إبتسم و......

أم خالد بفرح مايسواه شي : قلت اخطب لك شوق !!!!
خالد هز راسه بإيه ويدعي توافق عليه : ايوه يمه وش قلتي
ام خالد ( ريتاج ) قامت من الوناسه : وش اقول نعم البنات ونعم الاخلاق والله زينتهم وشيختهم وأكثر من ذا انها بنت أختي
خالد فرح غصب بسب فرح أمه : الحمد لله يمه كنت خايف ترفضينها .....وباس إيدها
ام خالد بوناسه وعيونها إمتلت دموع وهي تشوفه معرس : وليش ارفضها يالمعرس وهي احسن من اخترت ....ألحين ادق علي خالتك أخطبها
خالد بتردد يخفيه : ايوه يمه دقي عليها تكفين
ام خالد ضحكت : كبرتي ياريتاج وبتصرين جده
خالد ضحك : ههههه وعندك شك يالعجوز
ام خالد حطت إيدها علي خده : يارب يطول العمر واشوف عيالك بين إيديني
خالد حزن قلبه لسبب مجهول : ان شاء الله يمه ...وباس راسها
ام خالد فارقت دمعه رموش عيونها ودعت بقلبها له بالسعادة والفرح والزوجه الصالحه والخلفه الصالحه : بإذن الله ياوليدي

ببيت أم سلمان ( إبتسام ) قاعده تشوف مسلسل خليجي مع رهف وشوق
رهف مربعه رجولها علي الكنب وتشوف المسلسل بملل وضجر : يمه متي نطلع من البيت
ام سلمان تأكل لوز وعيونها ب التلفزيون : يوم القيامه
شوق تضحك
رهف بزعل وبكي : يمه تكفين قولي لابوي
أم سلمان ( إبتسام ) : قولي له انت انا شعلي ترا انت ياللي تبين تطلعين ماهيب انا
رهف مدت البوز عشر أشبار : هين يرجع اقول له
أم سلمان : تسوين خير عسي يرضي ويطلعنا
رهف إبتسمت : ومفكره انو مارح اقول له انك تبين تقعدين بالبيت وماتبين تطلعين برا

ام سلمان عصبت : وجع تهددين أمك
رهف تهبل فيها : منتي بأمي دام ماتبين تساعدني نقنع ابوي
أم سلمان إبتسمت : اريح منك ومن ضني مثلك ترى تبريت منك
رهف تبكي : يممممه
ام سلمان ضحكت
شوق : ههههههه المهم نطلع من البيت .....ورن تلفون البيت وقامت ترد وكانت خالتها ام خالد
شوق : هلا خالتي وش اخبارك
ام خالد بفرح : زينه ياعيون خالتك وش اخبارك انت وش اخبار أمك ورهف والباقي
شوق : كلنا بخير والحمد لله ...وش لونها أسيل
ام خالد : زينه ولله الحمد والمنه ...امك موجودة
شوق : ايوه ...اقول لها تكلمك
ام خالد : لو ماعليك امر
شوق : من عيوني ....ونادت علي امها ...واجت تكلم اختها وهي رجعت لرهف واللقافه : شتبي خالتي
شوق : تبي امي
رهف : وش تبي منها
شوف خابزتها وعاجنتها : تبي تكلمها
رهف كشرت : بشنو تكلمها
شوق تطالع المسلسل : بسالفه بينهم
رهف وصلت معها : وش سالفته
شوق ابرد ماعندها احر ماعند رهف : إسألي امك
رهف بغضب : نذلة ليش ماقلتي انو ماتعرفين
شوق : مو اكثر منك نذالة وعلي قولت سلمان بسك غباء ترى لو ادري كان قلت لك من البدايه
رهف طلعت لسانها : مالت عليك
شوق طنشت وركزت كل إهتمامها علي المسلسل ورهف قامت تسترق السمع

أم سلمان إستكانت ملامحها : تخطبين شوق لخالد !!!!!
ام خالد فرحانه قد السماء : ايوه يأختي وش قلتي
أم سلمان ماعرفت شنو ترد : والله يا اختي هذي الساعه المباركة وين أحصل مثل خالد وليدي رجال وماعليه زود يكون زوج لبنتي
ام خالد فرحت اكثر لهالجواب وهي واثقه مليون بالميه انو مستحيل تردها اختها الوحيدة : تسلمين يالغاليه وكمان شوق شيخه بنات الديرة جمال واخلاق ورزه وحشمه
ام سلمان وبهدوء : هي بنتك يا اختي وانا رح كلمها واكلم ابوها واشوف شنو ردهم
ام خالد : خذوا راحتكم يالغاليه وماتسعجلون ابد بس امانه قولي لشوق انو اتمناها زوجه وليدي بكري ومهما كان ردها لي مارح نزعل منها
ام سلمان لفت بعيونها وتناظر شوق : بإذن الله ياقلبي وان شاء الله يطلع خاطركم طيب
ام خالد بوناسه : بإذن الله بإذن الله ونسوي حفلة هزازه لشوق وخالد
ام سلمان ضحكت وماعرفت هل بنتها بتوافق او ترفض : ههههه ان شاء الله يارب
ام خالد : زين خذي شور العروسه وفرحي قلبي
ام سلمان : حاضر من عيوني
ام خالد : تسلم عيونك ...بغتي مني شي
ام سلمان : سلامتك ياقلبي ...فأمان الله
ام خالد : فأمان الكريم ...
سكرت منها إم سلمان وحطت السماعه ولفت بجسمها تطالع بنتها ...ايش بيكون موقفها هي !!! هل بتقول لبنتها وافقي علي ولد اختي ولا تردينه او تسمح لها تتخذ القرار اللي تبغاه واللي يخدم مصلحتها هي !!
رهف فهمت السالفه : خالتي ام خالد خطبت شوق !!!!
ام سلمان هزت راسها بإيه وعقلها مشتت
رهف إنصدمت : شقلتي لها !!! ...وسمعوا صوت التلفون من جديد
ام سلمان ردت وعقلها موب راسها : الووووو
ام حمد ( نوف ) : هلا إبتسام شخبارك شخبار عيالك
إم سلمان عرفتها : تمام الحمد لله وانت شخبارك شخبار الكل عندك
ام حمد : طيبين والحمد لله
ام سلمان تحاول تركز معها : الحمد لله
ام حمد بوناسه ماتقل عن وناسه ام خالد : اقول يالغاليه
ام سلمان : سم ياشيخه
ام حمد طيارة من الفرح : سم الله عدوينك يارب ....باركي لي
أم سلمان عقدت حواجبها : بالمبارك عليك كأنك فرحانه
أم حمد بصدق : اي والله اللي بغيته من زمان تحقق اليوم
ام سلمان حاولت تنسي ام خالد وبفرح علشان اختها الثانية ام حمد : مو عارفه إيش تقصدين بس ألف مبروك
أم حمد ضحكت : ههههههه الله يبارك فيك ....السالفه تخص وليدي حمد
ام سلمان مبتسمه لفرح ام حمد : وش فيه عسي خير
أم حمد إمتلت عيونها دموع ...من يوم ولدت شوق وهي تبغاها زوجة ولدها الوحيد : والله كل خير وكل فرح بإذن الله
أم سلمان : بإذن الله بس يله قولي لي وفرحيني

معك
أم حمد ضحكت ومسحت دمعه علي خدها : الصراحه طلب مني أخطب له بنتك شوق
أم سلمان وقف الزمن عندها وكررت دون إدراك : تخطبين شوق !!!
أم حمد فرحانه : ايوه يالغاليه أخطبها له وأدفع الغالي والثمين علشان اخذها وتكون زوجته
أم سلمان إنصدمت أكبر صدمه بنفس الساعه خطبوها إثنين ...وأجبرت نفسها تنطق وتدارك صدمتها : ان شاء الله
أم حمد من فرحها ما لاحظت ام سلمان : إبتسام يالعزيزة إسأليها وخذي شورها ولو وافقت انتوا فصلوا ونحن نلبس
أم سلمان لمعت عيونها وحزن قلبها غصب ام خالد وام حمد ثنتينهم يبون شوق ثنتينهم يتمنون تكون زوجة عيالهم ....واهم شي خالد وحمد إثنينهم هي تتأمر وهم ينفذون ...أخذت نفس وتكلمت بالاصول مثل مايقولون : بإذن الله يالغاليه انا رح أعطيها خبر وهي لو وافقت أعطيها لك بثوبها عن نفسي حمد وليدي وانا من رح يخطب له البنت اللي تسر قلب وخاطره
أم حمد متأكده من هالكلام وبوناسه : عارفه يابنت الاصول ونحن بإذن العلي العظيم مارح نقصر بشي معكم وشوق تأخذ الوقت كله وتفكر علي مهلها وان شاء الله تسرنا كلنا بردها وموافقتها
إم سلمان تنهدت بعمق " الله العالم إيش بكون ردها !!! " : بإذن الله
أم حمد : انت قولي لها وقولي لأبوها وانا ادق علي ابو حمد واقول خطبت لولدك بغيابك
أم سلمان ضحكت مجامله : هههه م اخذتي شوره
ام حمد : هههه من فرحتي نسيت اقول له
أم سلمان بمزح : ليكون رافض شوق
ام حمد بإستنكار : لا ابدن
ام سلمان ضحكت : هههه امزح وبعدين ماله شور قدامك
أم حمد ضحكت : هههههه اضربه لو يقول مايبيها
ام سلمان ضحكت والحزن يتفاقم جواها ودعت أم حمد وسكرت السماعه

رهف الصدمه شلتها ولسانها إنربط مايحتاج امها تقول شي علشان تفهم ...خالد ،حمد خطبوا شوق بنفس الوقت !!!! إثنينهم يحبونها ...بس شوق إيش بيكون ردها ؟؟؟ هي عارفه انو شوق تحب واحد فيهم ...بس معقول تقبل فيه هو وترد الثاني !!!

إم سلمان لفت لها والحزن طغي علي ملامحها وبصوت هادي : خالتك ام حمد خطبت شوق
رهف زعلانه علشان شوق وعلي ردت فعلها يوم تسمع : يمه بتقولين لها
أم سلمان هزت راسها ب إيه وبحرص شديد وبهدوء مهيب : ايوه بقول لها ...وأياك تدخلين او تعطين رايك
رهف بحزن وفهمت علي أمها : وإنت وأبوي
أم سلمان أخذت قرارها : الشور شورها هي لاشوري ولا شور أبوك ...ثلاثتهم عيالي ومارح فضل واحد عن الثاني ...بغت خالد توافق بغت حمد توافق
رهف خنقتها العبرة وبثقة : شوق مارح تختار واحد علي حساب الثاني
أم سلمان سكتت تسمعها
رهف تكلمت وهي واثقه مليون بالميه : رح تردهم إثنينهم ...إثنينهم عيال عمها وهي مارح تكسر بأحد
أم سلمان تنهدت وبأمر : قلت لك لا تعطين رايك ولا تدخلين بشي ...اللي وافقت عليه كلنا موافقين عليه ....تركتها وراحت لشوق تقول لها

رهف تناظر بفراغ : مارح أسمح لها تكسر بقلبها علشان أي أحد ...الزواج قسمة ونصيب ونصيب شوق بإذن الله هو اللي يبغاه قلبها وعقلها
لفت ولحقت أمها
شوق كانت لاهيه ب التلفزيون يوم طلبتها أمها وقامت قعدت جنبها : سم يمه
إم سلمان ضمتها بإيد وحدة : سم الله عدوينك يمه ....اليوم خطوبك ناس
شوق إنصدمت أكبر صدمه وناظرت رهف الساكته علي غير عادتها ...ومانطقت بحرف تسأل من
أم سلمان بعد دقيقه صمت بينهم جمعت رابطة جأشها : خالتك ام خالد وخالتك أم حمد ثنتينهم خطوبك
شوق بعدت عن أمها وزادت صدمتها أضعاف مضاعفه : إيش !!!
أم سلمان خللت أصابعها بشعر بنتها المنسدل بنعومه علي أكتافها وبهدوء رزين : اللي سمعتيه يمه ...توهم دقوا علي وخطبوك
شوق تجمعت الدموع بعيونها وقلبها إنقسم نصفين : شقلتي لهم يمه
أم سلمان تبي تكون لها السند والعون والحضن اللي يحميها : قلت الشور شورك ومارح يعترض أحد عن اللي تبينه
شوق دمعت عيونها غصب : يمه أنا ...
إم سلمان ضمتها لها و بحنان : إستخري ياقلبي إستخري وشوفي انت تبين من ...ولا تفكرين ابدن انو قرارك رح يأثر علي علاقتي بخالاتك او علاقه ابوك بأعمامك ...تردين حمد وافقي عليه تردين خالد وافقي عليه والباقي علي أنا
رهف دمعت عيونها غصب
شوق إنتفضت بين إيدين أمها ....أمها تقول لها إختاري قلبك والباقي علي انا ...أمها تقول لها انت فكري بنفسك والاهل علي أنا
شوق بحرقه وغصة : إثنينهم عيال عمي إثنينهم من الاقارب
أم سلمان فاهمه عليها وبعطف : شوق يمه شي واحد تأكدي منه ...نحن كلنا بيت واحد وكلنا جسد واحد يزعل أحد نزعل كلنا يفرح أحد نفرح كلنا ...يجمعنا بيت واحد وألم واحد وفرح واحد ...حمد وخالد إثنينهم رح يتقبلون قرارك مهما كان ...وكل واحد فيهم رح يفرح لثاني ويبارك له ...فلا تشغلين بالك بشي ...انت بس إستخري رب العالمين وشوفي شنو تردين من هالدنيا .

شوق نزلت دموعها وتستمع لكلام أمها ...أمها صادقه وهي واثقه من هالكلام لكن حاسه ان الرابط بين هالعيله هي بإيدها تقطعه وهي بقرارها اللا مدروس بتمزقه .

إم سلمان ضمتها لها وفنفسها " صدقت يامشاري الزمن يعيد نفسه وماضي ينبش ويصير حاضر ومستقبل ...ندمت أنو ماقريت يومها اللي كتبته لنا انا وابو حمد لكن مارح اترك الزمن يعيد نفسه ومارح أسمح تتعذب بنتي ويتعذب عيالي الإثنين "

شوق صارت تبكي بصمت كانت تتمني يبتعدون عنها ومايحطونها بهالموقف الصعب لكن صار العكس ...كفة الميزان ماهيب لـ صالحها هالمرة .
رهف تداري حزنها وبغت تضحك شوق : يالدلخه ليش تبكين ...لو انا مكانك ويخطبوني إثنين بتشوفين وش أسوي
إم سلمان ناظراتها
شوق تمسح دموعها وصل وقت الجد والدموع مالها فايدة لزوم تقوي نفسها علشان تتاخذ القرار الصح ولزوم تمسح دموعها لبقيه العمر ...زمن الضعف والبكي ولي ...! : وش بتسوين
رهف قامت وقعدت جنبها وصارت شوق بين امها وإختها : كان انطنط وارقص واردح ، إثنين من مزاين الديرة خطبوني ...والله لا أقلب الدنيا فرح وأصير طاوس مغرور وأعلنها بالوكالة الرسميه للأخبار من قدي يعشقوني إثنين ويخطبوني بعد
إم سلمان إبتسمت : أخاف إنت بالضبط يارهف تعنسين
رهف بسرعه : اعوذ بالله جعل م قاله ترا انا كلش اسمح فيه إلا نصف الدين

إم سلمان ضحكت وشوق ضحكت غصب
شوق : ههه ياقليلة الادب أجل ماتسمحين في نصف الدين
رهف تطنز وفرحت لضحكتها : ايوه ترا هذا واجب ديني لزوم اتزوج واكمل نصف ديني
إم سلمان مسكت راسها : ياسواد وجهك يإبتسام يوم يخطبون قليله هالحياء ..او خلنا اقول يوم أخطب لها غصب عني
شوق ضحكت هي ورهف
رهف تستهبل : عادي يمه ترا يقولون للبنت خلك فري وجيبي حقك بإيدك ومن بين حقوقها تخطب لنفسها
شوق تضحك : ههههه مليون بالميه انو هالشي رح يصير في زمن حرية المرأة وفسخها لحجابها وتخليها عن شرفها لانو العري والتخلي عن المبادئ رمز الحرية
أم سلمان برزانه : فيه حريم تخطب لنفسها وافضل مثل أمنا خديجة رضي الله عنها بس هي خطبت رسول الله
شوق ورهف : صلي الله عليه وسلم
ام سلمان : خطبته لأمانته ولصدقه ...لكن بهالوقت الحاضر إختلط الحابل بالنابل صارت ثلة من الحريم تخرج عن أحكام دينها علشان الحرية مثل مايزعمون ...ماهوب حرام تخطبين لنفسك لكن الحرام أنك تخرجين عن حدود دينك
شوق : اي والله صادقه يمه ..الله يحفظنا من نهيقهم
رهف تشجعها : زين بسك بكي وإستخري رب العالمين وأدعي ينور دربك وانا اروح ادور علي شخص مناسب اخطبه
شوق بإبتسامه : ان شاء الله وامك كانت تقول انه موب حرام تخطبين لنفسك ...يعني عليك الامان
إم سلمان بسرعه : لالا ترا انا بس صححت نظرة رهف وقلت ان خطبة الحرمه لرجال ماهيب حرام بس انها هي وبالتحديد تخطب لنفسها فهالشي ممنوع وعيب
رهف تطنز : بالعربي الفصيح حلال لي وحرام علي
أم سلمان ضحكت : ههههه ايوه عليك نور
رهف ضحكت وشوق قامت بهالثواني حاولت تهرب من الواقع في حديثها مع امها بس رجعت إنصدمت فيه : من رخصتك يمه اروح لغرفتي انام شوي
أم سلمان إبتسمت لها : روحي يمه نوم العوافي
هي راحت والثنتين يناظرونها
رهف فنفسها " مسكينه هي وحمد وخالد والله كسروا خاطري ...منهو يادينا رح يفرح بينهم "
إم سلمان تطالعها " لزوم أعرف من تردين بينهم ...!!! "
قامت ومشت لتلفون البيت ...فيه شخص لازم تكلمه ...دقت عليه والخط مشغول وأتصلت علي أبو سلمان وقالت له انو خطبوا شوق ...ورجعت دقت علي الانسان الاول وكان الخط مشغول ، سكرت السماعه وقالت كل شي بوقته زين

ورهف راحت دقت علي شجون تقول لها و لحقت شوق وتحاول تقنعها انو تتبع قلبها تحب أحد تقبل به والثاني يشوفها غيرها ...الحل واضح ومايحتاج تفكير واجد

شوق قلبي كبير
عشق كثير
ماله اخير الشوق
هواء احتاج له اتنفسه
انا اعشقه هواء
ما اقدر على بعدك
خيالي انت
وحقيقه والحب لك يكبر
احبك ايه من غير كيف من غير ليه
احبك ايه غيرك ترا مهما جراء لا ما اره لا ما ابيه
حنان مدري وش بلاي
غارق تراي
لا مو بهواي
كلام يعجز يقول
يلقا حلول
مهما يطول
كلام
سكنت قلبي و وريده
و نبضه و الانفاس
الحب عسى الله يزيده
و الشوق و الاحساس
احبك ابه
من غير كيف
من غير ليه
احبك ايه
غيرك ترا
مهما جراء
لا ما اره
لا ما ابيه
{أغنية إسماعيل مبارك }

****