#ضحية_لمن_لايرحم
بارت٣
ﺷﺴﻮﻟﻔﻠﻚ ؟؟
ﻭﺍﻧﻪ ﺍﻟﺒﻴﻪ ﺣﭽﻲ ﻣﻜﺴﺮ
ﻣﺜﻞ ﮔﻠﺒﻲ 💔
.................
/// ﺿﺤﻴﻪ ﻟﻤﻦ ﻻﻳﺮﺣﻢ ///
/// ﺑﻘﻠﻢ ﺯﻫﺮﺍﺀ ﺍﻟﺤﺴﻨﺎﻭﻱ ///
.............
ﻣﺴﺎﺀ ﺍﻟﻮﺭﺩ ﻭﺍﻟﻌﺎﻓﻴﻪ ﺑﻨﺎﺕ
ﻃﺒﻌﺎ ﺫﻧﻲ ﺍﻟﺒﺎﺭﺗﺎﺕ ﺍﻻﻭﻟﻰ ﺣﺒﻴﺖ ﺗﻌﺮﻓﻮﻥ ﺣﻴﺎﺓ ﺍﺻﺤﺎﺏ ﺍﻟﺮﻭﺍﻳﻪ ﺍﻛﺜﺮ
ﺍﻧﻲ ﺍﻛﺘﺐ ﻭﺍﻻﺣﺪﺍﺙ ﺗﺼﺪﻣﻨﻲ ﻭﻣﺘﺤﻤﺴﻪ ﻳﻤﻜﻦ ﺍﻛﺜﺮ ﻣﻨﻜﻢ ﻭﻛﻞ ﺑﺎﺭﺕ ﺍﻛﺘﺒﻪ ﺍﻟﺒﻌﺪﺓ ﺍﺣﻠﻰ ﻣﻨﻪ ﻭﺍﻗﻮﻯ ﻑ ﺭﺍﺡ ﻧﺴﺘﺪﺭﺝ ﺍﻻﺣﺪﺍﺙ ﺑﺎﻟﺘﺪﺭﻳﺞ ﺣﺘﻰ ﻣﺘﻀﻴﻊ ﻋﻠﻴﻜﻢ ﺟﻤﺎﻟﻴﻪ ﺍﻟﻘﺼﻪ ﻭﺍﻻﺣﺪﺍﺙ
ﺍﺗﻤﻨﻰ ﻣﻨﻜﻢ ﺗﺸﺠﻌﻮﻧﻲ ﻭﺗﺼﻮﺗﻮﻥ ﻟﻠﺮﻭﺍﻳﻪ ﻭﻣﺜﻞ ﻣﺎﺭﻓﻌﺘﻮ ﺭﻭﺍﻳﻪ ﺭﺍﻫﺐ ﺗﺮﻓﻌﻮﻟﻲ ﺭﻭﺍﻳﻪ ﺿﺤﻴﻪ ﻻﻧﻬﺎ ﺍﻗﻮﻯ ﻣﻦ ﺭﺍﻫﺐ ﺑﻘﺎﻃﺎﺕ
ﺑﻨﺎﺕ ﻓﺪﻭﺓﺯﻟﺘﻨﺴﻨﻬﺎ ⭐👈
ﺍﺫﺍ ﺷﻔﺖ ﻋﺸﺮﺓ ﺍﻟﻒ ﺗﻌﻠﻴﻖ ﺍﻧﺸﺮ ﺑﺎﺭﺕ ﺟﺪﻳﺪ 😂😂
،،،،،،،،،،،،،،،،،
ﺯﻳﻨﺐ .. ﺍﺑﺎﻭﻉ ﺍﻟﻐﺼﻮﻥ ﻏﺪﺕ ﺻﻔﺮﺓ ﺗﺮﺟﻒ ﻭﻣﺘﻤﺪﺩﺓ ﻣﺎﺟﻨﺖ ﺍﻋﺮﻑ ﺍﻧﻮ ﺩﺧﻠﺖ ﺑﻨﻬﻴﺎﺭ ﻋﺼﺒﻲ
ﺭﻏﻢ ﺣﺎﻟﺘﻬﺎ ﻭﺩﻣﻮﻋﻨﻪ ﻭﺗﻮﺳﻼﺗﻨﻪ ﻣﺤﺪ ﺑﻴﻬﻦ ﻋﻄﻔﺖ ﻋﻠﻴﻨﻪ ﻭﺣﺪﺓ ﺍﺗﻜﻮﻝ ﺧﻄﻴﻪ ﻭﺍﻟﺜﺎﻧﻴﻪ ﺍﺗﻜﻠﻬﺎ ﻳﻄﺒﻬﻦ ﻣﺮﺽ ﻛﻮﻥ ﻳﻤﻮﺗﻦ ﺣﻘﺪﺕ ﺳﺎﻋﺘﻬﺎ ﻋﻠﻴﻬﻢ ﺑﻜﺪ ﺷﻌﺮ ﺭﺍﺳﻲ ﻻﻥ ﺣﻤﻠﻮﻧﻪ ﺫﻧﺐ ﻣﺎﺍﻗﺘﺮﻓﻨﺎ
ﻭﺣﺪﺓ ﻣﻨﻬﻦ ﺑﻜﺪﻧﻪ ﺗﻘﺮﻳﺒﺎ ﺟﺮﺗﻨﻲ ﻣﻦ ﺷﻌﺮﻱ ﺍﻟﻤﺮﺕ ﺍﻟﺸﻴﺦ ﺣﻄﺖ ﺭﺍﺳﻲ ﺑﺤﻀﻨﻬﺎ ﻭﺻﺎﺭﺕ ﺗﻠﺴﻊ ﺑﻴﻪ ﺭﺍﺟﺪﻳﺎﺕ ﻋﻠﻰ ﺧﺪﻱ ﻣﺎﺍﺗﺤﻤﻠﺖ ﺩﻓﻌﺘﻬﺎ ﺑﺲ ﻣﺎﺑﺠﻴﺖ ﺍﺑﺪ ﻛﺎﻧﻪ ﺩﻣﻮﻋﻲ ﺍﻧﻬﺰﻣﻦ ﻭﻳﺒﺴﻦ ﺟﻔﻮﻧﻲ ﻭﺟﻬﻲ ﻏﺪﺓ ﻧﺎﺭ ﻭﻏﺼﻮﻥ ﺗﺒﺎﻭﻋﻠﻲ ﺑﻌﻴﻮﻥ ﻣﻔﺘﻮﺣﻪ ﻭﺍﺳﻨﺎﻥ ﻳﺼﻄﻜﻦ ﻣﻦ ﺍﻟﺨﻮﻑ
ﺍﻧﻔﺘﺢ ﺍﻟﺒﺎﺏ ﻭﺩﺧﻞ ﺍﻟﺸﻴﺦ ﻭﺭﺍﻩ ﺍﺛﻨﻴﻦ ﺷﺒﺎﺏ ﺍﻟﺸﻴﺦ ﺍﺟﻪ ﺑﺴﺮﻋﻪ ﻟﺰﻣﻨﻲ ﻣﻦ ﺯﻧﺪﻱ ﺣﻄﻨﻲ ﻭﺭﺓ ﺿﻬﺮﺓ ﻳﺤﻤﻴﻨﻲ ﻭﺍﻟﺜﺎﻧﻲ ﺭﺍﺡ ﻟﻠﻤﺮﺓ ﺍﻟﺠﺒﻴﺮﺓ ﺟﺮ ﺭﺍﺳﻬﺎ ﺣﻀﻨﻬﺎ ﻭﻳﺒﺠﻲ ﻳﻬﺪﻱ ﺑﻴﻬﺎ ﻻﻥ ﻓﻘﺪﺕ
ﻭﺍﺣﺪ ﻣﻨﻬﻢ ﺭﺍﺡ ﻳﻢ ﺍﻟﻨﺴﻮﺍﻥ ﻛﺎﻟﻬﻦ ﻭﻣﺤﻤﺪ ﺍﻟﺘﻤﺪ ﺍﻳﺪﻫﺎ ﻋﻠﻴﻬﻦ ﺍﺟﻨﺰﻫﺎ ﺳﻤﻌﺖ ﻭﺣﺪﺓ ﻣﻨﻬﻦ ﻛﺎﻟﺘﻠﻪ ﺫﻳﺎﺏ ﻻﺩﺍﻓﻊ ﺍﻟﺬﻧﻲ ﺍﻟﺤﻘﻴﺮﺍﺕ ﺑﺴﺒﺒﻬﻦ ﻣﺎﺕ ﺍﺑﻦ ﻋﻤﻚ
ﺫﻳﺎﺏ .. ﻫﻨﻨﻨﻪ ﻛﺘﺘﻠﻨﻪ؟؟؟؟
ﺟﻨﻪ ..
ﺫﻳﺎﺏ .. ﺟﺎﺍﺍﺍ ﺻﻤﻦ ﺍﺣﻠﻮﻛﺠﻦ ﻭﺍﻛﻌﺪﻥ ﻻﺗﺤﺎﺳﺒﻨﻬﻦ ﺑﺬﻧﺐ ﻏﻴﺮﻫﻦ ﻭﻟﻮ ﺍﻻﻣﺮ ﺑﻴﺪﻱ ﻫﺴﻪ ﺍﺭﺩﻫﻦ ﻟﻬﻠﻬﻦ
ﺷﻴﺦ ﻣﻨﻬﻞ .. ﻛﺎﻓﻲ ﺑﻮﻳﻪ ﺫﻳﺎﺏ ﻫﺎﻱ ﺳﺎﻧﻴﻪ ﺑﻴﻦ ﺍﻟﻌﺸﺎﻳﺮ ﺍﺫﺍ ﻣﺎﺍﺧﺬﻧﻪ ﻓﺼﻞ ﻳﻨﻀﺤﻚ ﻋﻠﻴﻨﻪ
ﺫﻳﺎﺏ .. ﻋﻤﻲ ﺟﺎﺍ ﻫﺴﻪ ﺍﺣﻨﻪ ﻣﺎﻣﻀﺤﻮﻙ ﻋﻠﻴﻴﻨﻪ؟؟
ﺩﻣﻢ ﺣﺴﻴﻦ ﻧﺒﺪﻟﻪ ﺑﻨﺴﻮﻭﻭﺍﺍﺍﺍﻥ؟
ﻳﻄﻴﺢ ﺑﻴﺪﻱ ﺟﺘﺎﺍﺍﻟﻪ ﻭﺍﺑﻮﻭ ﻓﺎﺿﻞ ﺍﺷﻄﺮﺭﺭﻩ ﻧﺼﻴﻴﻦ ﻭﺍﻧﻌﻞ ﺳﻠﻔﻪ ﺳﻠﻔﺎﺍﺍﻩ ﻣﻦ ﺳﺎﺑﻊ ﺿﻬﺮﺭﺭ
ﺍﻡ ﻟﻮﺍﺀ .. ﻣﺎﺍﺍﻳﻀﻠﻦ ﻣﺎﺍﺭﻳﺪﻫﻨﻨﻦ ﺍﻣﻮﺗﻬﻦ ﺑﻤﻜﺎﺍﻥ ﺣﺴﺴﻴﻦ
ﺷﻴﺦ ﻣﻨﻬﻞ .. ﻛﻮﻟﻲ ﻳﺎﺍﻟﻠﻪ .. ﻛﻮﻟﻲ ﻳﺎﺍﻟﻠﻪ
ﺍﻟﺼﺎﺭ ﻗﻀﺎﺀ ﻭﻗﺪﺭ ﺗﻌﺪﺩﺕ ﺍﻻﺳﺒﺎﺏ ﻭﺍﻟﻤﻮﺕ ﻭﺍﺣﺪ ﻭﺩﺍﻋﺘﺞ ﺣﺪ ﻳﻮﻣﻪ ﻟﻮ ﻣﺎﻛﺎﺗﻠﻪ ﺍﺣﻤﺪ ﻳﻤﻜﻦ ﺗﻠﻜﻴﻨﻪ ﻣﻴﺖ ﺑﻔﺮﺍﺷﻪ ﻟﻮ ﻳﺠﻲ ﻳﻤﺞ ﻳﺘﻜﻬﺮﺏ ﻭﻳﻤﻮﺕ
ﺍﺫﻛﺮﻱ ﺍﻟﻠﻪ ﻭﺍﺳﺘﻬﺪﻱ ﺑﺮﺣﻤﺎﻧﺞ ﻭﻻﺗﺤﻤﻠﻴﻬﻦ ﺫﻧﺐ ﻣﺎﺟﻨﺘﻪ ﺍﺩﻳﻬﻦ
ﺯﻳﻨﺐ .. ﺍﻟﺸﻴﺦ ﺻﺎﺭ ﻳﺤﺠﻲ ﻭﻳﻪ ﺍﻟﺸﺒﺎﺏ ﻋﻠﻤﻮﺩ ﻋﻘﺪ ﺍﻟﺴﻴﺪ ﻭﺍﻻﻓﺘﻬﻤﺘﻪ ﻣﻦ ﻛﻼﻣﻬﻢ ﺍﺛﻨﻴﻨﻬﻢ ﻳﺼﻴﺤﻮﻟﻪ ﻋﻤﻲ ﻳﻌﻨﻲ ﻣﻮ ﺍﻭﻻﺩﺓ
ﺑﻤﺠﺮﺩ ﻣﺎﺫﻛﺮﻭ ﻋﻘﺪ ﺍﻟﺴﻴﺪ ﺍﻧﻘﺒﺾ ﻛﻠﺒﻲ ﺍﻛﺜﺮ ﻭﺑﺪﺍﺧﻠﻲ ﻛﻠﺖ ﻫﺎﺫﺍ ﻫﻮ ﺑﻌﺪ ﻣﺎﻛﻮ ﻣﻔﺮ ﻣﻦ ﺍﻟﻤﺎﻳﺮﺣﻤﻮﻥ
........
ﻟﻮﺍﺀ .. ﺍﺳﻤﻲ ﻟﻮﺍﺀ ﺗﻮﻟﻴﺪ ﺳﻨﻪ ١٩٨٠ ﺍﺧﻮﺍﺗﻲ ﺍﺛﻨﻴﻨﻬﻦ ﺍﻛﺒﺮ . ﻣﻨﻲ ﻭﻋﻨﺪﻱ ﺍﺛﻨﻴﻦ ﺍﺧﻮﺍﻥ ﺍﺻﻐﺮ ﻣﻨﻲ ﺍﺧﺘﻲ ﺍﻟﺠﺒﻴﺮﺓ ﺍﻡ ﺟﻨﻪ ﺯﻭﺟﻬﺎ ﺍﺳﺘﺸﻬﺪ ﺏ 2008 ﻭﺗﺮﻙ ﺍﻟﻬﺎ ﺑﻨﺎﺕ ﺍﺛﻨﻴﻦ ﻭﺍﺛﻨﻴﻦ ﻭﻟﺪ ﻭﺍﻟﺪﻱ ﻗﺮﺭ ﻳﺒﻨﻴﻠﻬﺎ ﻣﺸﺘﻤﻞ ﺑﺎﻟﺤﺪﻳﻘﻪ ﻻﻥ ﻛﺎﻧﺖ ﻋﺎﻳﺸﻪ ﺑﺎﺍﺍﻳﺠﺎﺭ ﻭﺯﻭﺟﻬﺎ ﺍﻫﻠﻪ ﺣﺎﻟﺘﻬﻢ ﻣﻮﻛﻠﺶ ﺯﻳﻨﻪ ﺩﻭﺏ ﻣﻌﻴﺸﻴﻦ ﻧﻔﺴﻬﻢ ﻣﻮ ﺍﻧﻮﺏ ﻳﻌﻴﺸﻮﻥ ﺍﺧﺘﻲ ﻭﻋﺪﻫﺎ ﺍﺭﺑﻊ ﺍﻳﺘﺎﻡ
ﻭﺍﺧﺘﻲ ﺍﻟﺜﺎﻧﻴﻪ ﺍﻡ ﺳﺠﺎﺩ ﻣﺘﺰﻭﺟﻪ ﺍﺑﻐﺪﺍﺩ ﻋﺪﻫﺎ ﻭﻟﺪ ﻭﺑﻨﻴﻪ ﺍﺣﻨﻪ ﺍﻻﻭﻻﺩ ﺍﻟﺜﻼﺛﻪ ﺍﺧﺮ ﺷﻲ ﺍﻧﻲ ﻭﺣﺴﻴﻦ ﻭﺣﺴﻦ
ﺣﺴﻦ ﻋﻨﺪﺓ ﺍﻧﻔﺼﺎﻡ ﺑﺎﻟﺸﺨﺼﻴﻪ ﻣﺮﺍﺕ ﺍﺗﺸﻮﻓﻪ ﺯﻟﻤﻪ ﻛﺎﻣﻞ ﻣﻜﻤﻞ ﻭﺍﻟﻜﻤﺎﻝ ﻟﻠﻪ ﻭﻣﺮﺍﺕ ﻳﺪﺧﻠﻨﻪ ﺍﻧﺬﺍﺭ ﺑﺴﺒﺐ ﺗﺼﺮﻓﺎﺗﻪ
ﻣﺮﺓ ﺟﻨﺖ ﻃﺎﻟﻊ ﻣﻮ ﺑﺎﻟﺒﻴﺖ ﺍﺗﺼﻠﺖ ﺑﻴﻪ ﺟﻨﻪ ﺑﻨﺖ ﺍﺧﺘﻲ ﻛﺎﻟﺖ ﺧﺎﻟﻲ ﺍﻟﺤﻜﻨﻪ ﺧﺎﻟﻲ ﺣﺴﻦ ﺣﺒﺲ ﺍﻟﻜﻞ ﺑﺎﻟﻐﺮﻓﻪ ﻻﺯﻡ ﺍﻟﻤﺴﺪﺱ ﻭﻗﻔﻞ ﺍﻟﺒﻴﺒﺎﻥ ﻭﺑﺲ ﺍﻧﻲ ﺧﺎﺗﻠﻪ ﺑﺎﻟﻐﺮﻓﻪ ﻣﺎﻣﻨﺘﺒﻬﻠﻲ
ﺑﺴﺮﻋﻪ ﺭﺟﻌﺖ ﻟﻠﺒﻴﺖ ﺻﻌﺪﺕ ﻋﻠﻰ ﺳﻄﺢ ﻣﺸﺘﻤﻞ ﺑﻴﺖ ﺍﺧﺘﻲ ﻭﺩﺧﻠﺖ ﻋﻠﻰ ﺑﻴﺘﻨﻪ ﻣﻦ ﻓﻮﻙ ﺍﻟﺴﻄﺢ ﻧﺰﻟﺖ ﺍﺧﺬﺕ ﺍﻟﺴﻼﺡ ﻣﻨﻪ
ﺑﺴﻨﻪ ٢٠١٤ﺩﺧﻞ ﺩﺍﻋﺶ ﻟﻠﻤﻮﺻﻞ ﺟﻤﺎﻋﺔ ﺗﻄﻠﻖ ﻋﻠﻰ ﻧﻔﺴﻬﺎ ﺩﻭﻟﻪ ﺍﻻﺳﻼﻡ
ﻭﻫﻲ ﺍﺻﻼ ﻣﺎﺗﻤﺖ ﻟﻼﺳﻼﻡ ﺑﺼﻠﻪ ﻻﻧﻬﺎ ﺩﻭﻟﻪ ﻛﻔﺮ ﺩﻭﻟﻪ ﺍﺟﺮﺍﻡ ﺩﻭﻟﻪ ﺫﺑﺢ ﻭﺣﺮﺍﻡ ﻭﺍﻏﺘﺼﺎﺏ
ﺑﻌﺪ ﺍﻟﻤﺠﺎﺯﺭ ﻭﺍﻟﻤﻌﺎﺭﻙ ﺍﻟﻀﺎﺭﻳﻪ ﺍﻟﻲ ﺗﺴﺒﺒﺖ ﺏ ﺍﺳﺘﺸﻬﺎﺩ ﻣﺌﺎﺕ ﺍﺑﻨﺎﺀ ﺍﻟﻌﺮﺍﻕ
ﺍﺣﺘﻞ ﺍﻟﺘﻨﻀﻴﻢ ﺍﻟﻤﻮﺻﻞ ﺑﺮﻣﺸﻪ ﻋﻴﻦ
30 ﺍﻟﻒ ﺟﻨﺪﻱ ﻣﻦ ﺍﻟﻘﻮﺍﺕ ﺍﻟﻌﺮﺍﻗﻴﻪ ﺍﺧﺘﻔﻮ
ﻣﺜﻞ ﺍﻟﺴﺮﺍﺏ ﺻﺤﻰ ﺍﻟﻌﺎﻟﻢ ﻋﻠﻰ ﻭﺍﻗﻊ ﺟﺪﻳﺪ
ﺳﻘﻄﺖ ﺍﻟﺤﺪﻭﺩ ﺑﻴﻦ ﺳﻮﺭﻳﺎ ﻭﺍﻟﻌﺮﺍﻕ
ﻭﺍﺗﺨﺬ ﺍﻟﺘﻨﻀﻴﻢ ﻣﻦ ﺍﻟﻤﻮﺻﻞ ﻣﻨﻄﻠﻖ ﻟﺘﺤﺮﻛﺎﺗﻪ
ﺍﻟﺘﻨﻀﻴﻢ ﻣﻦ ﺍﺳﺘﻮﻟﻰ ﻉ ﺍﻟﻤﻮﺻﻞ ﺍﺳﺘﻮﻟﻰ ﻋﻠﻰ ﻣﻨﺸﺌﺎﺕ ﺣﻴﻮﻳﻪ ﻓﻲ ﺍﻟﻤﺪﻳﻨﻪ ﻣﻦ ﺿﻤﻨﻬﺎ ﻣﺒﻨﻰ ﻣﺤﺎﻓﻀﻪ ﻧﻴﻨﻮﻯ ﻭﺍﻟﻤﻄﺎﺭ
ﺍﺭﺗﻜﺐ ﺩﺍﻋﺶ ﺟﺮﺍﺋﻢ ﻛﺜﻴﺮﺓ ﻣﻦ ﻗﺘﻞ ﻭﺗﺪﻣﻴﺮ
ﻣﺎﺳﻠﻤﺖ ﻣﻨﻬﻢ ﺣﺘﻰ ﺍﻟﻤﺪﺍﺭﺱ ﻭﺍﻟﺠﻮﺍﻣﻊ ﻭﺍﻟﻤﺒﺎﻧﻲ ﺍﻟﺤﻜﻮﻣﻴﻪ
ﻭﺍﺑﺸﻊ ﻭﺍﺷﻨﻊ ﺟﺮﻳﻤﻪ ﻛﺎﻧﺖ ﻣﺠﺰﺭﺓ ﺳﺒﺎﻳﻜﺮ ﺣﻴﺚ ﺭﺍﺡ ﺿﺤﻴﺔ ﺍﻛﺜﺮ ﻣﻦ 1700 ﻋﻨﺼﺮ ﻣﻦ ﺍﻟﻘﻮﺍﺕ ﺍﻟﻌﺮﺍﻗﻴﻪ
ﺍﻟﺴﻴﺪ ﺍﻧﻄﻰ ﻓﺘﻮﺓ ﺍﻟﺠﻬﺎﺩ ﺍﻟﻜﻔﺎﺋﻲ
ﺑﺪﻭﻥ ﺗﺮﺩﺩ ﻟﺒﻴﺖ ﺍﻟﻨﺪﺍﺀ
ﻭﻗﺒﻞ ﻣﺎﺍﻧﻄﻲ ﻋﻠﻢ ﻟﻬﻠﻲ ﺭﺣﺖ ﺍﻃﻮﻋﺖ ﺑﺎﻟﺤﺸﺪ
ﺳﺠﻠﺖ ﺍﺳﻤﻲ ﻭﺭﺟﻌﺖ ﻟﻠﺒﻴﺖ ﺍﺟﻬﺰ ﻧﻔﺴﻲ ﻻﻥ ﺑﻌﺪ ﻛﻢ ﻳﻮﻡ ﻧﻨﻄﻠﻖ ﻟﺘﺤﺮﻳﺮ ﺍﻻﺭﺍﺿﻲ ﺍﻟﻤﻐﺘﺼﺒﻪ ﻣﻦ ﻗﺒﻞ ﺍﻟﺪﻭﺍﻋﺶ
ﺑﻠﻴﻞ ﺍﻧﻄﻴﺖ ﺧﺒﺮ ﻟﻠﻮﺍﻟﺪ ﻣﺎﺭﻓﺾ ﺑﺎﻟﻌﻜﺲ ﺍﻳﺪﻧﻲ ﻭﺍﻳﺪ ﻗﺮﺍﺭﻱ
ﺑﺲ ﺍﻣﻲ ﺭﻓﻀﺖ ﻻﻥ ﻳﺒﻘﻰ ﻛﻠﺐ ﻭﺍﻟﺪﻩ
ﺍﻡ ﻟﻮﺍﺀ .. ﻭﻟﻚ ﻳﻤﻪ ﺍﻧﺘﻪ ﺭﺍﻳﺢ ﻟﻠﻤﻮﺕ ﺑﺮﺟﻠﻴﻚ ﺍﻛﻌﺪ ﺍﻭﻟﻴﺪﻱ ﻻﺗﻔﺠﻌﻨﻲ ﺑﻴﻚ
ﻟﻮﺍﺀ .. ﻳﻤﻪ ﻫﺬﺍ ﻣﻮ ﺍﻱ ﻣﻮﺕ ﻫﺬﺍ ﺍﻟﻤﻮﺕ ﺑﻨﻬﺎﻳﺘﻪ ﺍﻧﻮﻝ ﺷﺮﻑ ﺍﻟﺸﻬﺎﺩﻩ ﻭﻫﻨﻴﺎﻟﻲ ﺍﺫﺍ ﺭﺣﺖ ﺷﻬﻴﺪ ﻟﺘﺮﺍﺏ ﻫﺬﺍ ﺍﻟﻮﻃﻦ ﺍﻟﻤﻔﺮﻭﺽ ﺗﻔﺮﺣﻴﻦ ﻭﺗﻔﺘﺨﺮﻳﻦ ﺍﺑﻨﺞ ﺑﺎﺍﻟﺤﺸﺪ
ﺷﻴﺦ ﻣﻨﻬﻞ .. ﻛﻮﻟﻲ ﻳﺎﺍﻟﻠﻪ ﻳﺎﺍﻡ ﻟﻮﺍﺀ
ﺍﺫﺍ ﺍﻧﺘﻲ ﻣﺎﺗﻘﺒﻠﻴﻦ ﺍﺑﻨﺞ ﻳﻄﻮﻉ ﺣﺘﻰ ﻳﺪﺍﻓﻊ ﻋﻦ ﺍﺭﺿﻪ ﻭﻋﺮﺿﻪ
ﻭﻏﻴﺮﺝ ﻣﺎﺗﻘﺒﻞ ﻋﻠﻰ ﺍﺑﻨﻬﺎ ﻭﺫﻳﺞ ﺗﻤﻨﻌﻪ ﻳﺮﻭﺡ
ﺟﺎ ﻣﻨﻮ ﻳﺤﺮﺭ ﻣﻨﺎﻃﻘﻨﻪ ﺗﺮﺓ ﺍﺫﺍ ﺿﻠﺖ ﻋﻠﻴﺠﻦ ﻣﻦ ﺑﺎﺟﺮ ﺗﻠﻜﻴﻦ ﺍﻟﺪﻭﺍﻋﺶ ﺍﺑﺎﺏ ﺑﻴﺘﻨﻪ ﻭﺳﺎﻋﺘﻬﺎ ﻳﻜﺘﻠﻮﻧﻪ ﻭﻳﺎﺧﺬﻭﺟﻦ
ﻻﻥ ﺫﻭﻟﻪ ﻻﻳﻌﺮﻓﻮﻥ ﺩﻳﻦ ﻭﻻﻣﺬﻫﺐ ﻭﻻﺣﻼﻝ ﻭﻻﺣﺮﺍﻡ
ﺧﻠﻲ ﻳﺘﻮﻛﻞ ﻭﺍﻧﺪﻋﻴﻠﻪ ﻳﺮﺩ ﻏﺎﻧﻢ ﺳﺎﻟﻢ ﻣﺤﻤﻞ ﺑﺎﻟﻨﺼﺮ
ﻟﻮﺍﺀ .. ﺍﻣﻲ ﻣﺎﻛﺪﺭﺕ ﺗﺤﺠﻲ ﺑﻌﺪ ﻛﻼﻡ ﺍﺑﻮﻱ ﺷﻜﺪ ﺑﺠﺖ ﺑﺲ ﻻﻛﺪﺭﺕ ﺗﺨﻠﻴﻨﻲ ﺍﺗﺮﺍﺟﻊ ﻋﻦ ﻗﺮﺍﺭﻱ ﻭﻻﻛﺪﺭﺕ ﺍﺗﻐﻴﺮ ﻛﻼﻡ ﺍﺑﻮﻱ ﻭﺍﺗﺨﻠﻲ ﻳﻤﻨﻌﻨﻲ
ﺑﻌﺪ ﻛﻢ ﻳﻮﻡ ﺩﺧﻠﻮﻧﻪ ﺩﻭﺭﺓ ﺗﺪﺭﻳﺒﻴﻪ ﻛﻢ ﻳﻮﻡ
ﻳﺪﺭﺑﻮﻧﻪ ﻉ ﺍﻟﺴﻼﺡ ﻛﺎﻥ ﺍﻟﻮﺿﻊ ﻛﻠﺶ ﺻﻌﺐ ﻟﺬﺍﻟﻚ ﺑﺴﺮﻋﻪ ﺍﻟﺘﺤﻘﻨﻪ ﻟﻠﻤﻮﺻﻞ
ﻃﻠﻌﻨﻪ ﺭﺗﻞ ﻛﺎﻣﻞ
ﻣﺮﻳﻨﻪ ﺑﺎﻟﻤﻨﺎﻃﻖ ﺍﻟﻜﺎﻥ ﻣﺤﺘﻠﻬﺎ ﺩﺍﻋﺶ ﺍﺑﺎﻭﻉ ﻟﻠﺒﻴﺖ ﺍﻟﻤﺘﻬﺪﻣﻪ
ﻣﻮﺕ ﻣﺨﻴﻒ ﺍﻟﺪﺭﺟﻪ ﺗﻨﺘﺎﺑﻚ ﺍﻟﺮﻫﺒﻪ ﻣﻦ ﺻﻤﺖ ﺍﻟﻤﻜﺎﻥ ﻭﺣﺠﻢ ﺍﻟﺨﺮﺍﺏ ﺍﻟﺴﺒﺒﻬﺎ ﺩﺍﻋﺶ
ﻣﺮﻳﻨﻪ ﺑﻤﻨﻄﻘﻪ ﺯﺭﺍﻋﻴﻪ ﻣﺎﺗﺸﻮﻑ ﺑﻴﻬﺎ ﺑﺲ ﺑﻴﻮﺕ ﻣﺘﻬﺪﻣﻪ ﻭﺑﻘﺎﻳﺎ ﻣﻌﺴﻜﺮﺍﺕ ﻟﺘﻨﻀﻴﻢ ﺩﺍﻋﺶ
ﻭﺷﻌﺎﺭﺍﺗﻬﻢ ﺍﻟﺘﺎﺭﺳﻪ ﺍﻟﺤﻴﻄﺎﻥ ﺷﻌﺎﺭﺍﺕ ﺍﻟﺪﻭﻟﻪ ﺍﻻﺳﻼﻣﻴﻪ ﺍﻭ ﺩﻭﻟﻪ ﺍﻟﺨﻼﻓﻪ
ﻭﺍﻟﻴﺎﺕ ﻋﺴﻜﺮﻳﻪ ﻃﺤﻨﺘﻬﺎ ﺍﻟﻪ ﺍﻟﻌﻨﻒ
ﻭﺑﻘﺎﻳﻪ ﺍﻓﺮﺷﻪ ﻭﺳﻮﺍﺗﺮ ﺩﻓﺎﻋﻴﻪ ﻟﺪﺍﻋﺶ
ﺳﻴﺎﺭﺍﺕ ﻣﺤﺘﺮﻛﻪ ﺑﺴﺒﺐ ﺍﻟﻌﺒﻮﺍﺕ ﺍﻟﻨﺎﺳﻔﻪ
ﺷﻜﻠﻨﻪ ﺳﺎﺗﺮ ﻓﻮﻙ ﺍﺣﺪ ﺍﻟﺒﻴﻮﺕ ﺍﻟﻜﺎﻥ ﺿﺮﺭﻫﺎ ﺑﺴﻴﻂ
ﺻﻌﺪﻧﻪ ﻓﻮﻙ ﺍﻟﺴﻄﺢ ﻧﺮﻣﻲ ﻋﻠﻰ ﻗﺎﻋﺪﺗﻬﻢ
ﺍﺍﺗﻌﺮﻓﺖ ﻋﻠﻰ ﺷﺎﺏ ﻣﻦ ﺍﻫﻞ ﺍﻟﺪﻳﻮﺍﻧﻴﻪ ﻣﻠﺒﻲ ﻓﺘﻮﺓ ﺍﻟﻤﺮﺟﻌﻴﻪ ﺣﺎﻟﻪ ﺣﺎﻝ ﺍﻻﻻﻑ ﺍﻟﺸﺒﺎﺏ ﺍﻟﻲ ﺍﻃﻮﻋﻮ ﺑﺎﻟﺤﺸﺪ ﻛﻞ ﻫﻤﻬﻢ ﻳﻨﻀﻔﻮﻥ ﺍﻟﻤﻨﺎﻃﻖ ﻣﻦ ﺟﺮﺫﺍﻥ ﺩﺍﻋﺶ
ﺍﺳﻤﻪ ﻋﻠﻲ ﺍﺑﻮ ﻧﻤﺮ ﺫﻳﺐ ﻣﺎﻳﻨﺨﺎﻑ ﻋﻠﻲ
ﺟﺎﻥ ﺍﻱ ﻭﺍﺣﺪ ﻣﻦ ﺟﻤﺎﻋﺘﻨﻪ ﻳﻬﺠﻢ ﻭﻳﺘﺼﻮﺏ ﻫﻮ ﻳﺮﻭﺡ ﻳﺠﻴﺒﻪ ﻣﺎﻳﻘﺒﻞ ﻭﺍﺣﺪ ﻣﻦ ﻋﺪﻧﻪ ﻳﺮﻭﺡ
ﻳﺤﻠﻔﻨﻪ ﺑﺮﺍﺱ ﺍﻟﻌﺒﺎﺱ ﻣﺎﻧﺨﻄﻲ ﺧﻄﻮﺓ ﻭﻳﺎﻩ
ﻑ ﻫﻮ ﻳﺸﻤﺮ ﺭﻭﺣﻪ ﺑﺎﻟﻤﻮﺕ ﻓﻲ ﺳﺒﻴﻞ ﻳﺠﻴﺐ ﺍﻟﻴﺘﺼﻮﺏ ﻣﻦ ﻋﺪﻧﻪ ﺣﺘﻰ ﻟﻮ ﻣﻴﺖ ﻳﺠﻴﺒﻪ ﻭﻣﺎﻳﺨﻠﻲ ﺟﺜﺘﻪ ﺑﺎﻟﻨﺺ
ﺷﻬﻮﺭ ﺍﻧﻲ ﻭﻋﻠﻲ ﺳﻮﺓ ﻧﻠﺘﺤﻖ ﻭﻧﻨﺰﻝ ﺍﺟﺎﺯﺓ ﺳﻮﺓ ﺻﺎﺭ ﺍﻛﺜﺮ ﻣﻦ ﺍﺧﻮ ﺗﺤﺸﻴﺸﻪ ﻭﻓﻄﺎﺭﻳﺘﻪ ﻭﺷﻬﺎﻣﺘﻪ ﺗﺠﺒﺮ ﺍﻟﺸﺨﺺ ﻳﺘﻌﻠﻖ ﺑﻲ
ﻣﺮﺓ ﺍﻻﻳﺎﻡ ﺻﻌﺒﻪ ﻳﻮﻣﻴﻪ ﻧﻔﻘﺪ ﻣﺌﺎﺕ ﺍﻻﺑﻄﺎﻝ ﺍﻟﻲ ﺿﺤﻮ ﺑﺪﻣﻬﻢ ﺍﻟﺨﺎﻃﺮ ﺑﻠﺪﻫﻢ
ﺑﻌﺪ ﻋﺸﺮﻳﻦ ﻳﻮﻡ ﻧﺰﻟﺖ ﻟﻠﺒﻴﺖ ﻭﺟﺎﻥ ﻭﻗﺘﻬﺎ ﻣﻮﻋﺪ ﺯﻭﺍﺝ ﺣﺴﻴﻦ ﺑﻌﺪ ﺍﺳﺒﻮﻉ
ﺍﻟﻌﺼﺮ ﺳﺒﺤﺖ ﻭﻟﺒﺴﺖ ﺩﺷﺪﺍﺷﻪ ﻭﻧﺰﻟﺖ ﻟﻠﻜﺎﻉ ﺍﺑﺎﻭﻉ ﻟﻠﺤﻨﻄﻪ ﺭﻭﺣﻲ ﺑﻜﺎﻋﻲ ﺗﺮﺗﺎﺡ ﻧﻔﺴﻴﺘﻲ ﻣﻦ ﺍﺷﻮﻑ ﺧﻀﺎﺭﻫﺎ
ﺟﺎﻱ ﺍﻣﺸﻲ ﻉ ﺍﻟﻔﺮﻙ ﻭﺻﺎﺭﻥ ﻛﺪﺍﻣﻲ ﺍﺛﻨﻴﻦ ﺑﻨﺎﺕ
ﻻﺑﻴﻪ ﺍﺭﺟﻊ ﻟﻮﺭﺓ ﻭﻻﺑﻴﻪ ﺍﺗﻘﺪﻡ
ﻛﻠﺖ ﺑﻜﻠﺒﻲ ﺗﻮﻧﻲ ﺳﺒﺤﺎﻥ ﺑﻠﻜﺖ ﻳﻨﺰﻟﻦ ﺑﺎﻟﻄﻴﻦ ﺣﺘﻰ ﺍﻋﺒﺮ ﻻﻥ ﺍﻟﻔﺮﻙ ﻛﻠﺶ ﺭﻓﻴﻊ ﺩﻭﺏ ﻣﺨﻠﻲ ﺭﺟﻠﻴﻪ ﺍﺛﻨﻴﻨﻬﻦ ﻭﺭﺍﻓﻊ ﺫﻳﺎﻝ ﺩﺷﺪﺍﺷﺘﻲ ﻻﺗﻨﺪﻣﺮ ﻃﻴﻦ
ﺍﺗﻘﺪﻡ ﻋﻠﻴﻬﻦ ﻭﻫﻨﻪ ﻳﺘﻘﺪﻣﻦ ﺍﻟﺠﻬﺘﻲ
ﺻﺮﺕ ﻛﻠﺶ ﻗﺮﻳﺐ ﻣﻨﻬﻦ ﺍﻭﻝ ﻭﺣﺪﺓ ﻣﻨﻘﺒﻪ ﻣﺎﻃﺎﻟﻌﻪ ﺑﺲ ﻋﻴﻮﻧﻬﺎ ﻣﺒﻴﻨﻪ ﻣﻦ ﻋﻴﻮﻧﻬﺎ ﻭﻛﺤﻪ ﻣﻦ ﺧﻠﺖ ﻋﻴﻨﻬﺎ ﺑﻌﻴﻨﻲ ﻣﺎﺍﺣﺐ ﺍﻟﻤﺮﺓ ﺍﻟﺘﺮﻓﻊ ﻋﻴﻨﻬﺎ ﺿﻠﻴﺖ ﻣﺎﺍﻋﺮﻑ ﺷﻨﻮ ﺍﺳﻮﻱ ﺗﺎﻟﻲ ﺍﻧﻲ ﺍﻟﻨﺰﻟﺖ ﺑﺎﻟﻄﻴﻦ ﻭﺧﻠﻴﺘﻬﻦ ﻳﻌﺒﺮﻥ
ﺍﻧﺘﻬﻰ ﺍﻟﻌﺮﺱ ﻭﺭﺟﻌﺖ ﻟﻠﺪﻭﺍﻡ ﻭﻫﻠﻤﺮﺓ ﻛﺎﻥ ﻻﺯﻡ ﻧﻠﺘﺤﻖ ﺍﻟﺠﺮﻑ ﺍﻟﺼﺨﺮ ﻛﺎﻧﺖ ﺍﺧﻄﺮ ﻣﻨﻄﻘﻪ
ﺍﻟﻲ ﻛﻤﺎ ﺍﻃﻠﻘﻮ ﻋﻠﻴﻬﺎ ﺑﺎﻟﻌﻤﻖ ﺍﻟﺤﻘﻴﻘﻲ ﻟﻮﻻﻳﻪ ﺍﻟﺠﻨﻮﺏ ﻓﻲ ﺗﻨﻀﻴﻢ ﺩﺍﻋﺶ ﻭﻫﻲ ﻣﺮﻛﺰ ﺍﻟﻘﻴﺎﺩﺍﺕ ﺍﻟﻌﺴﻜﺮﻳﻪ
ﻭﺍﻟﺸﺮﻋﻴﻪ ﻭﺍﻟﺪﻳﻨﻴﻪ ﻟﻠﺘﻨﻀﻴﻢ
ﻭﺍﻳﻀﺎ ﺗﻌﺘﺒﺮ ﻣﺮﻛﺰ ﻭﻋﺎﺻﻤﻪ ﻟﻠﺘﻨﻀﻴﻢ
ﺍﺑﺎﻭﻉ ﻣﺎﻣﺨﻠﻴﻦ ﺷﻲ ﻏﻴﺮ ﺍﻟﺨﺮﺍﺏ
ﻭﺍﻻﺑﻨﻴﻪ ﺍﻟﻤﻔﺨﺨﻪ ﻭﺍﻟﺠﺪﺭﺍﻥ ﺍﻟﻤﻠﻴﺎﻧﻪ ﺷﻌﺎﺭﺍﺕ ﺍﻟﻄﺎﺋﻔﻴﻪ ﺍﻟﻲ ﺗﺤﺴﻬﺎ ﺗﺮﻭﻱ ﺍﻟﻤﻮﺕ ﺍﻟﻤﺨﻴﻒ ﻭﺍﻟﻤﻌﺎﺭﻙ ﺍﻟﻀﺎﺭﻳﻪ ﺍﻟﻲ ﺣﺼﻠﺖ ﺑﺠﺮﻑ ﺍﻟﺼﺨﺮ
ﺍﺗﻤﺮﻛﺰﻧﻪ ﻓﻮﻕ ﺑﻨﺎﻳﻪ ﺣﻜﻮﻣﻴﻪ ﺍﻣﺎﻣﻨﻪ ﻧﻘﻄﻪ ﻭﺣﺪﺓ ﻭﻫﻲ ﺍﻟﻌﺪﻭ ﻣﺎﻳﺒﻌﺪ ﻋﻨﻪ ﻛﻠﺶ
ﻳﻮﻣﻴﻦ ﻣﺴﺘﻤﺮﻳﻦ ﺑﺘﺒﺎﺩﻝ ﺍﻃﻼﻕ ﺍﻟﻨﺎﺭ ﻧﻮﻡ ﻣﺎﻧﺎﻳﻤﻴﻦ
ﺍﺗﺨﺎﻑ ﺗﻐﻤﺾ ﻋﻴﻨﻚ ﻭﺗﺎﻟﻲ ﻳﺪﺍﻫﻤﻮﻥ ﺍﻟﻤﻜﺎﻥ
ﺻﺮﺕ ﺍﻋﺮﻑ ﻛﻠﺸﻲ ﻋﻦ ﺣﻴﺎﺓ ﻋﻠﻲ
ﻣﻦ ﺧﻼﻝ ﻛﻼﻣﻪ ﻋﺮﻓﺖ ﻋﻨﺪﺓ ﺍﺥ ﻭﺍﺣﺪ ﻭﺳﺒﻊ ﺍﺧﻮﺍﺕ
ﺍﺑﻮﻫﻢ ﻣﻴﺖ ﻭﺍﻣﻬﻢ ﻣﺮﺓ ﺟﺒﻴﺮﺓ
ﺍﺧﻮﺍﺗﻪ ﺳﺒﻌﺘﻬﻦ ﺍﻛﺒﺮ ﻣﻨﻪ ﻭﻋﻨﺪﺓ ﺍﺥ ﻭﺍﺣﺪ ﺍﺻﻐﺮ ﻣﻨﻪ
ﺭﺍﻓﺾ ﻓﻜﺮﺓ ﺍﻟﺰﻭﺍﺝ ﻣﺜﻠﻲ ﻣﺎﺣﺎﻃﻬﺎ ﺍﺑﺎﻟﻲ ﺭﻏﻢ ﻛﻞ ﻣﺤﺎﻭﻻﺕ ﺍﻣﻲ ﺏ ﺍﻗﻨﺎﻋﻲ ﺑﺲ ﻛﻨﺖ ﺍﺭﻓﺾ ﺍﻟﻰ ﺍﻥ ﻣﻠﺖ ﻣﻨﻲ ﻭﻗﺮﺭﺕ ﺗﺰﻭﺝ ﺣﺴﻴﻦ
ﺑﺲ ﻋﻠﻲ ﻳﺤﺐ ﺑﻨﺖ ﺧﺎﻟﺘﻪ ﻭﺍﺑﻮﻫﺎ ﻣﻌﺎﺭﺽ ﻻﻥ ﺍﻭﻝ ﺳﺒﺐ ﻛﺎﻥ ﺑﺴﺒﺐ ﻓﻘﺮﻫﻢ ﻭﺍﻭﺿﻌﻬﻢ ﺍﻟﺘﻌﺒﺎﻥ
ﻭﺍﻟﺴﺒﺐ ﺍﻟﺜﺎﻧﻲ ﻻﻥ ﺍﻃﻮﻉ ﺑﺎﻟﺤﺸﺪ ﻳﻜﻠﻪ ﺧﺎﻑ ﺍﻧﻄﻴﻬﺎ ﺍﻟﻚ ﺗﺎﻟﻲ ﻳﻮﻣﻴﻦ ﻭﺗﺘﺮﻣﻞ ﺑﻨﺘﻲ
ﻣﺮﺍﺕ ﻳﻀﺤﻚ ﻳﻜﻠﻲ
ﻋﻠﻲ .. ﺍﻃﺦ ﺍﺑﺮﺍﺳﻲ ﺍﺧﺬﻫﺎ ﻭﺍﻧﻬﺰﻡ ﻭﻋﻮﺩ ﺧﻞ ﺍﺑﻮﻫﺎ ﻳﻠﺰﻣﻨﻲ ﺯﻭﺝ ﺍﻟﻴﻨﻄﻲ ﻟﺰﻣﻪ ﻋﻠﻰ ﺭﻭﺣﻪ
ﻟﻮﺍﺀ .. ﻫﻬﻬﻪ ﺍﺳﺘﻘﺮ ﻳﻔﺎﻧﺪﺍﻡ ﻣﻮ ﻫﻲ ﻛﻮﺗﺮﺓ ﺗﺨﻄﻔﻬﺎ
ﻋﻠﻲ .. ﻭﺩﺍﻋﺘﻚ ﻣﺎﺍﺧﺎﻑ ﻏﻴﺮ ﻣﻦ ﺍﻟﺨﻠﻘﻨﻲ
ﻭﺍﺫﺍ ﺍﻃﺦ ﺍﺑﺮﺍﺳﻲ ﻟﻮ ﻳﻄﻠﻊ ﺟﺪﻫﺎ ﻣﻦ ﻛﺒﺮﺓ ﻣﺎﺍﻧﻄﻴﻬﺎ
ﺍﺧﻠﻲ ﺑﻨﺘﻪ ﺍﺗﺤﻤﺾ ﻋﻠﻰ ﻛﻠﺒﻪ ﻭﻫﻢ ﻣﻦ ﻳﻤﻮﺕ ﺍﺧﺬﻫﺎ ﻟﻮ ﺑﻌﺪ ﺧﻤﺴﻴﻦ ﺳﻨﻪ
ﻟﻮﺍﺀ .. ﻣﺒﻴﻦ ﻭﺍﻛﻊ ﻟﻸﺧﻴﺮ
ﻋﻠﻲ .. ﻭﻣﺘﻜﺴﺮ ﺍﻟﻠﻪ ﻭﻛﻴﻠﻚ
ﻟﻮﺍﺀ .. ﺍﺟﺘﻨﻪ ﺍﺧﺒﺎﺭﻳﻪ ﺍﻧﻮ ﺍﻟﺘﻨﻀﻴﻢ ﺍﺟﺘﻪ ﻣﺴﺎﻧﺪﺍﺕ ﻭﻋﺪﺩﻋﻬﻢ ﻛﺜﺮ ﻳﻌﻨﻲ ﺍﺟﺎﻫﻢ ﺩﻋﻢ ﻭﺳﻼﺡ ﻋﻜﺴﻨﻪ
ﺛﻼﺙ ﺍﻳﺎﻡ ﺍﺳﺘﻤﺮﺕ ﻣﻌﺎﺭﻙ ﻃﺎﺣﻨﻪ ﺑﻴﻨﺎﺗﻨﻪ ﺍﺑﺎﻭﻉ ﻟﻠﺸﺒﺎﺏ ﺍﻟﺠﺎﺑﺘﻬﻢ ﺍﻟﻐﻴﺮﺓ ﻭﻓﺰﻋﻮ ﻳﺤﺮﺭﻭﻥ ﺍﻟﻤﻨﺎﻃﻖ ﻣﻦ ﺍﺟﻼﺏ ﺩﺍﻋﺶ ﻫﺬﺍ ﻳﺼﻴﺢ ﻟﺒﻴﻚ ﻳﺎﺣﺴﻴﻦ ﻭﺫﺍﻙ ﻳﺼﻴﺢ ﻟﺒﻴﻚ ﻳﺎﻋﺮﺍﻕ
ﻭﻫﺬﺍ ﺍﻟﻴﻬﺘﻒ ﺑﻜﻼﻡ ﻳﺸﺠﻌﻨﻪ ﺣﺘﻰ ﻧﺴﺘﻤﺮ
ﺛﻼﺙ ﺍﻳﺎﻡ ﺑﻠﻴﺎﻟﻴﻬﺎ ﻻﻧﺎﻳﻤﻴﻦ ﻭﻻﺷﺎﻳﻔﻴﻦ ﺍﻟﻨﻮﻡ
ﺑﺎﺍﻭﻝ ﻳﻮﻡ ﺍﻟﻨﻪ ﺑﺎﻟﻤﻌﺮﻛﻪ ﻋﻠﻲ ﺍﻧﻄﺎﻧﻲ ﺷﺮﻳﻂ ﺣﺒﻮﺏ ﻣﺎﺍﻋﺮﻑ ﺷﻨﻮ ﻫﻨﻪ ﺑﺲ ﻛﺎﻝ ﻫﺎﻱ ﺍﻟﺤﺒﻮﺏ ﻳﺎﺧﺬﻭﻫﺎ ﺳﻮﺍﻕ ﺳﻴﺎﺭﺍﺕ ﺍﻟﺤﻤﻞ ﺍﻟﻲ ﺗﻜﻮﻥ ﻋﺪﻫﻢ ﺣﻤﻮﻻﺕ ﺍﻟﻤﻨﺎﻃﻖ ﺑﻌﻴﺪﻩ ﻳﺎﺧﺬﻭﻫﺎ ﺣﺘﻰ ﻣﺎﻳﻨﺎﻣﻮﻥ ﻭﻫﻤﻪ ﻳﺴﻮﻗﻮﻥ ﺑﻠﻴﻞ ﻭﻳﺴﻮﻭﻥ ﺣﺎﺩﺙ
ﺑﻮﻗﺘﻬﺎ ﺿﺤﻜﺖ ﻛﺘﻠﻪ ﻭﻟﻚ ﺧﺎﻑ ﻫﺎﻱ ﻛﺒﺴﻠﻪ؟
ﻛﺎﻝ ﻛﻞ ﺳﺎﻋﻪ ﺍﺧﺬ ﻣﻨﻬﺎ ﻫﻢ ﺷﻔﺘﻨﻲ ﺍﻃﻮﻃﺢ ؟
ﺗﺮﻛﺘﻬﺎ ﺑﺠﻴﺒﻲ ﺗﺎﻟﻲ ﺛﺎﻧﻲ ﻳﻮﻡ ﺍﻧﺠﺒﺮﺕ ﺍﺧﺬ ﻣﻨﻬﺎ ﻻﻥ ﺍﻟﻮﺿﻊ ﺍﺗﺎﺯﻡ ﻭﻛﻞ ﺩﻋﻢ ﺍﻟﻨﻪ ﻣﺎﻛﻮ
ﺷﻤﺮﻭﻧﻪ ﺑﻨﺺ ﺍﻟﻤﻮﺕ ﻭﺭﺍﺣﻮ ﺗﻌﺒﻨﻪ ﺍﻟﺪﺭﺟﻪ ﻛﻠﺶ ﺟﺒﻴﺮﺓ
ﺍﺩﻳﻨﻪ ﻭﺭﻣﺖ ﻣﻦ ﻛﺜﺮ ﺳﺤﺐ ﺍﻻﻗﺴﺎﻡ ﻭﺍﻟﺮﻣﻲ
ﺭﺍﺑﻊ ﻳﻮﻡ ﻭﻣﺎﻛﻮ ﺩﻋﻢ ﻗﺮﺏ ﺣﺘﻰ ﺍﻟﻌﺘﺎﺩ ﻭﺍﻻﻛﻞ ﻳﺨﻠﺺ
ﻭﺍﻭﻻﺩ ﺍﻟﻜﻠﺐ ﻣﺴﺘﻤﺮﻳﻦ ﺑﺎﺍﻟﺮﻣﻲ ﻳﺘﻨﺎﻭﺑﻮﻥ ﻻﻥ ﺍﻫﻮﺍﻱ
ﺑﺲ ﺍﺣﻨﻪ ﻋﺪﺩﻧﻪ ﻛﻠﺶ ﻗﻠﻴﻞ 15 ﻭﺍﺣﺪ ﻭﻫﻤﻪ ﻋﺪﺩﻫﻢ ﺍﺿﻌﺎﻑ ﻋﺪﺩﻧﻪ
ﺭﺍﺑﻊ ﻳﻮﻡ ﺍﻟﺴﺎﻋﻪ 7 ﺍﻟﺼﺒﺢ ﺍﻧﺘﻬﻴﺖ ﺍﺣﺲ ﻋﻴﻮﻧﻲ ﺻﺎﺭﻥ ﺍﺣﺠﺎﺭ ﺍﺭﻳﺪ ﺑﺲ ﺍﻏﻤﻀﻬﻦ ﺳﺎﻋﻪ ﺣﺘﻰ ﺍﺗﻨﺸﻂ
ﻋﻠﻲ ﻣﻦ ﺷﺎﻓﻨﻲ ﻣﺎﻣﺴﻴﻄﺮ ﻛﺎﻝ
ﺭﻭﺡ ﻧﺎﻣﻠﻚ ﺳﺎﻋﺘﻴﻦ ﺍﺭﺗﺎﺡ ﺑﻴﻬﻦ
ﺍﻟﺮﻣﻲ ﺗﻘﺮﻳﺒﺎ ﻫﺪﺀ ﻛﻞ ﺳﺎﻋﻪ ﻳﺮﻣﻮﻥ ﻛﻢ ﻃﻠﻘﻪ ﻭﻳﺒﻄﻠﻮﻥ
ﺍﺣﻨﻪ ﻓﻮﻙ ﺍﻟﺒﻨﺎﻳﻪ ﺍﻟﺸﻤﺲ ﺗﺼﻜﻊ ﺑﺮﻭﺳﻨﻪ ﻛﻞ ﻭﺍﺣﺪ ﻣﺴﻮﻳﻠﻪ ﺿﻞ ﺑﻔﺪ ﺷﻲ
ﺿﻠﻴﺖ ﺣﺎﻳﺮ ﻭﻳﻦ ﺍﻣﺪﺩ ﻭﺍﻧﺎﻡ
ﺍﺧﺮ ﺷﻲ ﺍﻧﺘﺒﻬﺖ ﺍﻛﻮ ﺗﺒﺮﻳﺪ ﻣﺮﻛﺰﻱ ﺍﻟﺒﻮﺭﻱ ﻣﺎﻟﺘﻪ ﻛﻠﺶ ﺟﺒﻴﺮ ﻫﻮ ﺍﻟﻴﻐﺬﻱ ﻛﻞ ﺍﻟﺒﻨﺎﻳﻪ
ﺑﺎﻭﻋﺖ ﺍﻟﻌﻠﻲ ﻛﺘﻠﻪ ﺭﺍﺡ ﺍﻧﺎﻡ ﺑﻨﺺ ﺍﻟﺒﻮﺭﻱ ﺳﺎﻋﺘﻴﻦ ﻭﻛﻌﺪﻭﻧﻲ ﻋﻠﻲ ﺍﺑﺘﺴﻢ ﺗﺮﻛﺘﻪ ﻭﺍﺗﺸﻠﺒﻴﺖ ﺍﻟﺒﻮﺭﻱ
ﺩﺧﻠﺖ ﺑﻨﺼﻪ ﻭﺯﺣﻔﺖ ﻟﻠﺘﻘﺎﺳﻴﻢ ﺑﺤﻴﺚ ﺍﺣﺲ ﺻﺮﺕ ﺑﻌﻴﺪ ﻋﻨﻬﻢ ﺣﺘﻰ ﻣﺎﺍﺳﻤﻌﻬﻢ
ﺍﻭﻝ ﻣﺎﻏﻤﻀﺖ ﻋﻴﻨﻲ ﻏﻔﻴﺖ
ﺍﻫﻨﺎﺍﺍﺍﻙ ﻭﻓﺰﻳﺖ ﻣﻦ ﺍﻟﻨﻮﻡ ﻣﺮﺗﻮﻱ ﻭﻣﺮﺗﺎﺡ ﺷﺒﻌﺎﻥ ﻧﻮﻡ
ﻛﻞ ﺿﻨﻲ ﺍﻟﺴﺎﻋﻪ 12 ﺍﻟﻀﻬﺮ
ﺑﺲ ﻣﻦ ﺷﻔﺖ ﺍﻟﺴﺎﻋﻪ ﺍﻧﺼﺪﻣﺖ ﺍﻟﺴﺎﻋﻪ 6 ﺍﻟﻌﺼﺮ
ﻳﻌﻨﻲ ﻧﺎﻳﻢ 12 ﺳﺎﻋﻪ ﻣﺘﻮﺍﺻﻠﻪ
ﺑﻜﻠﺒﻲ ﻛﻠﺖ ﺍﻟﻴﻮﻡ ﺍﻟﺸﺒﺎﺏ ﻳﻜﺘﻠﻮﻧﻲ ﻻﻥ ﺗﺮﻛﺘﻬﻢ ﻭﻧﻤﺖ ﻫﻠﻜﺪ
ﺯﺣﻔﺖ ﻋﻠﻰ ﺑﻄﻨﻲ ﻭﻃﻠﻌﺖ ﻣﻦ ﺍﻟﺒﻮﺭﻱ
ﺟﺘﺖ ﺑﺎﻟﻜﺎﻉ
ﺟﻤﺪ ﺟﺴﻤﻲ ﻭﺍﻧﻲ ﺍﺷﻮﻑ ﺍﻟﻤﻨﻀﺮ ﺍﻟﻜﺪﺍﻣﻲ
ﻳﺘﺘﺒﻊ
ﻭﺍﺿﻤﻨﻚ ﺗﻌﺐ ﭼﺎﺩﻭﺩ
ﻭﺑﻌﺎﺯﺕ ﻓﺮﺣﺘﻲ ﺍﺗﻤﺎﻳﺰﻙ ﻳﺴﻤﺮ
ﻱ ﺍﺑﻴﺾ ﻣﻦ ﻧﻮﺍﻳﺎ ﺍﻟﺮﻭﺡ
ﻭﺍﺻﻔﺊ ﻣﻦ ﺍﻟﺰﻻﻝ ﻭﻣﻠﻤﺲ ﺍﻟﻤﺮﻣﺮ
|