[فيتامين سي]

الفصل الخامس
(الجزء الثاني)
في الصباح ...
استيقظوا الاثنين على دقات الباب ..فينظر ثائر للساعة و يجد انها الثانية عشر الظهر فيقول ..
ثائر :يا لهوي امي هتموتنا
فنظرت له بدور التي عدلت جلستها و قالت :كل ده بسبب رغينا امبارح
ثائر :على رايك
ثم انتبها لدقات الباب وقفت بدور و اتجهت الى الباب و فتحته و وجدت مريم...
مريم بابتسامة :صباح الخير
بدور :صباح النور
مريم :كل ده نوم يلا ورانا حاجات قد كدة
بدور :هفوق و هغير هدومي و هاجي وراكي
مريم :هو ابيه صحي
و هنا ات صوت ثائر الذي ات و وقف بجانب بدور و وضع يده على كتفاها فتندهش بدور و تنظر ليده و له بينما هو يتحدث لأخته ..
مريم بأبتسامة :صباح الخير يا ابيه
ثائر :صباح النور يا عيون ابيه
مريم :يلا فوقوا بقى علشان ماما مستحلفة ليكوا
ثائر :حاضر
تلقي ابتسامة اخيرة و تغادر ..و عندما غادرت قالت بدور ..
بدور :شيل ايدك
ابعد يده و قال :ده تمثيل ليها و بعدين انا كنت بخبي مكان نومك
بدور :مسألتش
و تركته و اتجهت الى الكنبة و رتبتها بينما استغرب هو طريقتها معه لذلك قرر ان يتجه الى المرحاض و يتركها في حالها ...
و عندما دخل المرحاض ..نفخت بدور بضيق ..كل ما يفعله معاها تمثيل لا شيء صادق حتى تلك الصداقة المؤقتة ...و هكذا يعلن العقل بفوزه ...
بعد ربع ساعة خرج ثائر وجد بدور قد رتبت الغرفة و تنتظره حتى تدخل المرحاض...و عندما خرج كان سوف يقول شيء لكنها تجاهلته و اتجهت الى المرحاض مما زاد من دهشته ..
ثائر للنفسه :مالها هو انا ضيقتها في حاجة دلوقتي ..
هز كتفاه و اتجه الى خارج الغرفة ...و بعد دقائق خرجت بدور و كانت قد ابدلت ثيابها و اتجهت الى المرآة و مشطت شعرها بالمشط...قم اتجهت الى الخارج...
و في الاسفل ..
كانت التجهيزات تتم بأحسن حال و كل شيء تشرف عليها السيدة منال التي قررت ان تتأقلم مع الوضع و ايضا شعرت بداخلها ان بدور ليست خبيثة او شيء من هذا بل انها طيبة ...انتبهت منال لثائر الذي ينزل فأتجهت له و قالت..
منال :ايه التاخير ده كله ..كل ده نوم
ثائر :اسف على التاخير
منال :ماشي ..تعالى شوف مكان الفرح كدة ..
ثائر :وريني..
اتجها الاثنين الى الحديقة و وجد ثائر ان المكان رائع جدا و كل شيء منظم و جميل...
ثائر :حلو جدا ..بس لحقتوا تعملوا ده كله امتى
منال :لان العمال هنا من الساعة 6 الصبح و انا صاحية من الفجر ..
ثائر :تعبتك معانا يا حبيبتي
منال :و لا يهمك ..فين بدور؟
ثائر :جاية ورايا
منال :ماشي
و بعد ثوان وجدت منال بدور اتية و تقف بجانب ثائر الذي نظر لها و هو يبتسم بينما لم تنظر له و تجاهلته مما زاده اكثر دهشة ..
منال :صباح الخير يا بدور
بدور بأبتسامة :صباح النور يا طنط
منال :بصي بقى يا ستي كمان نص ساعة الكوافير هيجي و طبعا كل حاجة موجودة هو بس هيظبطك و هتبقي مية ..مية انا عايزكي محتفظة بالابتسامة دي و تبقي جميلة علشان الكل يقول عروسة ابني احسن عروسة اتفقنا
بدور :اتفقنا
منال :ماشي انا هروح اشوف بقية التجهيزات
و تركتهما ... كادت بدور تغادر إلا ان ثائر امسك بمعصمها و قال..
ثائر :في ايه من ساعة ما صحينا و انتي مش ضايقني و متجاهلني
بدور :مفيش حاجة ..سيب ايدي انا ورايا حاجات اعملها
ثائر :لا في
بدور بغضب :بعدين نتكلم بعدين مش دلوقتي خلينا نخلص من التمثيل ده و بعدين نتكلم ..
ثم سحبت يدها و التفتت و تركته بينما ظل ثائر و هو على يقين ان بدور غاضبة من هذا الحفل ..لها حق الغضب ...فهما مضطران ان يظهرا انهما يحبان بعضهما امام الناس حتى لا يشك احد بهما ..
ثائر بتنهيد :عدي اليوم ده على خير يارب

.....مر النهار و التجهيزات مازلت و كانت بدور تجهز و ثائر ايضا يجهز حتى تنتهي التجهيزات و تبدأ الحفل .....كانت منال و زوجها يستقبلا الضيوف و بدأت الحفلة بالفعل و بعد مدة من الوقت خرج ثائر و كان في غاية الاناقة و الجمال و باركه الناس و كان يرد بالشكر و الابتسامة ...اتجه الى والدته و سألها عن بدور فقالت..
منال :هطلع اشوفها و اجي
و بالفعل اتجهت السيدة منال الى الداخل و منها الى غرفة البنات...كان ثائر واقفا مكانه ينتظر نزول بدور حتى يبدأ التمثيل ..قالها بسخرية بداخله نعم كل هذا تمثيل .. لا يوجد شيء حقيقي في نظره ..يشعر بالضيق الان ادرك ضيق بدور و حزنها .. فهذا التمثيل يضيق الشخص بالفعل ..
وجد ثائر والده قادما تجاهه فينظر له بأبتسامة و جلال ايضا و...
جلال :الف مبروك يا عريس
ثائر :الله يبارك فيك يا والدي
جلال :بعد الفرح كنت عايز افهمك حاجة مهمة يا ثائر
ثائر : بعد الفرح هبقى مع عروستي
جلال بأبتسامة :طب بلاش بعد الفرح خلينا دلوقتي قبل ما العروسة تيجي ..
ثائر :في ايه
جلال :انت فاهم ان بدور دي ملاك مش كدة تؤ بدور مش ملاك بدور دي اخبث من الخبث مؤلفة شاطرة جدا تقدر تألف روايات و قصص جامدة ..بدور هي اللى كانت بدور حواليا يا ثائر و كانت عايزة تجوزني و قدرت تضحك عليا ..و لما ظهرت قررت ترسم الخطة دي علشان تصدقها ..و لو مش مصدقني..
اسمع ...
و اشغل تسجيل به ....
سيد : يا بنت الذين ايه الدماغ دي
بدور :هااا ايه رايك في التفكير ده بذمتك مش جامد
سيد :طبعا جامد ده انتي وقعتي في كنز المهم الراجل ده تقدري تكسبي منه كتير
بدور :طبعا ده انا بدور هقدر و هقدر
سيد :يبقى نفذي ...
بدور :عيوني......
...
اوقف التسجيل و قال :التسجيل ده كان بين سيد و بدور كانوا بيتفقوا عليا فيه اللى سجلته مرات سيد صعبت عليها و ضميرها انابها فقررت تقولي و سجلته و بعتته ليا علشان كدة سافرت ..شوفت بقى يا ابني مين الصادق و مين الكذاب
ثم تركه في حالة صعبة فالغضب اعماه ...شد على قبضة يده و احس بنار شديدة بداخله لن و لم تهدأ ابدا ...و هنا اتت بدور و كانت في غاية الجمال و الحزن ..فينظر لها بغضب و كره شديد ...لكن من اجل والدته فقط اتجه لها و هو بداخله يقسم ان يحول حياة بدور لجحيم ..وقف ثائر امام بدور و عيونه مثل السهم لدرجة ان بدور شعرت بالقلق منها و امسك ثائر يد بدور وقبض عليه مما جعلها تتألم و لكن اخفتها ...
و اتجها الى ساحة الرقص و النظرة كما هي لكن تغلفها ثائر بأبتسامة امام الناس ...وقفا الاثنين على ساحة الرقص و وضع ثائر يده على جانب بدور و ضمها بسدة و يده قابضة على يدها ...
بدور بصوت منخفض :ثائر انت بتوجعني
اقترب ثائر من اذنها و قال :و لسة في وجع اقوى من ده يا مدام بدور ...
صدمت بدور من كلامه و لن تفهم لماذا يقول هذا ..
ظل يرقصا و عيون ثائر مثل السهم و بدور كان قلبها يدق من الخوف و من هذا الاقتراب و كلما حاولت الابتعاد قليا قربها اكثر له .. دعت بدور بداخلها ان يمر هذا اليوم بخير فهي تشعر بعدم الخير نهائيا ...

......
بينما كان جلال يقف يبتسم بشدة و خبث و يقول للنفسه :بلعت الطعم يا ثائر بس كويس ده في مصلحتي ...
وضعت منال يدها على كتفه و قالت :تعرف بالرغم ان رافضة الحكاية بس بجد حاسة ان ثائر بيحبها و هي كمان
ابتسم جلال و قال للنفسه :علشان كدة عملت ده كله يا عزيزتي هههه..

......
انتهى الرقص و حمدت بدور الله لانها كانت سوف يحدث لها شيء اذا لم يبتعد عنها و كان ثائر طوال الفرح يتواعد و ينتظر وقت انتهى تلك الحفل ..
و كان ينظر لبدور بكره بين الحين و الاخر ...مر الحفل سريعا لبدور و بطيئا لثائر...
أمرت منال ثائر ان يحمل بدور و قبل ان تعترض بدور قام ثائر بحملها ...و اتجه الى الاعلى و هي تشعر بكثير من الخوف لكن تحاول ألا تظهر هذا .. و عندما دخلا الغرفة قالت بدور ...
بدور :نزلني
نظر لها ثائر بغضب شديد و اتجه الى السرير و رمها على السرير و اتجه و اغلق الباب بالمفتاح ...
بدور بخوف :هو انت بتقفل الباب بالمفتاح ليه
نظر لها بغضب و قال :متخافيش مش هلمسك لان بكل بساطة انا مش بلمس واحدة رخيصة
وقفت بدور و اتجهت امامه بغضب و قالت :رخيصة ..هترجع تهيني تاني ..متنساش ان في بينا عهد
امسك ذراعها بقوة و قال : العهود بتم بين الناس الصح اللى مفيش واحد فيهم رخيص اللى مفيش بينهم واحد بيكدب و انتي كدة ...
بدور بغضب :ليه عملت ايه
ثائر :لعبتك اتكشفت خلاص يا بدور انتي انسانة كدابة و زبالة و رخيصة انا مكرهتش في حياتي قد ما كرهتك انتي انسانة وحشة اوي و انا ميشرفنيش ابدا انك تبقي صديقة ليا و لو حتى مؤقتة انتي متستهليش اني اعملك كويس انتي ..انتي تستهلي انه يداس عليكي
ابعدت بدور يد ثائر بكل قوتها ثم بدون سبق انذار هبطت يداها على خد ثائر و صاحت بصوت عالي و هي تقول ...
بدور :انت فاكر نفسك ايه علشان تقولي ده كله هاااا فاكر اني هسكتلك فاكر اني مش هعرف ارد عليك لا هو علشان انا اظهرت ليك اللى جوابا يبقى خلاص انا مش هقدر عليك فاكر اني مش هعرف ارد عليك ...لا هعرف و هعرف اوي كمان ..
نظر لها ثائر بغضب اعمى و ضربها بكفه ايضا على خدها و امسك بشعرها و هي بدأت صيحاتها تعلو و صوت ثائر ايضا ...لدرجة ان منال و مريم و جلال ركضوا تجاه غرفة ثائر و حاول فتحها لكن لم يعرفوا فظلوا يدقوا على الباب ...و بالداخل كان ثائر يضرب بدور حتى فلتت منه و اتجهت الى الفازة و رمته عليه لكن لن تصيبه فاقسم ان لا يتركها و بسرعة امسك بها و كانوا قربين من باب الشرفة الذي كان من الزجاج و دون ان ينتبه ثائر دفع بدور لتصدام بزجاج الباب و يتحطم الزجاج بها و ينتشر الدماء في الشرفة ......ظل ثائر واقفا بصدمة ينظر لها بصدمة و اكنه غاب عن العالم لا يرى غيرها ..استطاع جلال كسر الباب و دخلوا و وجدوا هذا المظهر فتشهق منال و مريم و يتجهوا بسرعة لبدور و يجدوها غريقة بدماءها و فاتحة عيونها و تنظر لثائر و تقول بصوت يكاد مسموع :ب..بك..بكر..بكرهك و تغيب عن الوعي فتصيح منال بصوت عالي و هي تقول :اتصلوا بالإسعاف بسرعة ......

.........
كانوا جالسون بجانب غرفة العمليات يدعون ربهم ان ينجوها ...بينما كان يقف هو بعيدا عنهم قليلا ..نعم اخطأ و بشدة ..غاضبا منها لكن هذا لا يعني ان تفعل ما فعلته ابدا ... شعر بالندم الشديد لكن ما فائدة الندم ...فأن ما صار قد صار ..و المسكينة عاقبت بالفعل ...
و بعد فترة طويلة خرج الطبيب فاتجهوا اليه بسرعة و اقترب قليلا منهم و استمع ...
منال بقلق :طمئنا يا دكتور بدور حصلها ايه
الطبيب : للاسف نزفت دم كتير و الخبطة كانت قوية علشان كدة يؤسفني اقولكوا ان مدام بدور دخلت في غيبوبة ....نتابع
اسفة على التاخير النت كان قطع ..
ممنوع التعليق بتم او اي حرف او كملي
ارائكم و توقعاتكوا ❤💜