[هاجر جوده]

#أب يطعم إبنته سندويشه و بحطلها #كاتشب بكل لقمة بتاكلها ..

صارت البنت الصغيرة #تفتح_ثمها_وتبكي 😭😭
والأب بيصرخ عليها و بيحكيلها : 😡😡

السندويشة باردة لا #تمثلي رح تاكليها يعني رح تاكليها ..

و بعد ما #خلصت السندويشة أجت #آمها أخذت البنت و نامت البنت #بحضنها_الدافي 😔😔

بلّش الأب ينظف الأكل وفتح الثلاجة ليرجع علبة #الكاتشب ..

#إتفاجأ الآب إنو ساحب علبة #الشطة بدل علبة #الكاتشب !

و البنت كانت عم تبكي و هو كل #فكرو إنها كانت عم تبكي من #سخونة_السندويشة 👉

راح لعندها ومسح على #راسها و هي نايمة وحكالها
#آنا_أسف_يا_بابا
#ما_حسيت_بوجعك_لإني_ما_ذقتو !!

كم مرة #حرقتوا غيركم بأفعالكم ونزلتو #دموعهم وبتحكولهم : يوقفو عن التمثيل ؟!

كم مرة خليتو غيركم #ينام وهو عم #يبكي ؟!

كم مرة #جرحتو حدا بدون ما تعرفو ؟!

كم مرة فكرتوا إنو كلامكم #بلسم وبالحقيقة هو #نار_بحرق_القلب ؟!

(( لو كل أنسان ذاق الكلمة أو الفعل قبل ما يوجهو لغيره #لتحولت_الحياة_لجنة👌
#راقت_لي #منقول

يتبع بارت32





رفعت نظرها باستغراب وهي تشوف وحده داخله الغرفةتلقائيا وقفت !
البنت ناظرتها باحراج: ظنيت ما في احد هنا!
رونق هزت رأسها وما علقت!
البنت بضجر: خنقني هالفستان ضيق مب قادرة اتحرك فيه
ابتسمت رونق على ملامح البنت وهي عافسه وجهها!
البنت باستغراب،:انت ليه جالسه هنا!
رونق هزت كتوفها: اغراضي نسيتهم بالسيارةمع زوجي وما ينفع ادخل كذا !
اكيد حماتي رح تعمل لي قصة!،
والا انا مو فارقه معي ادخل بثوب الصلاة!
انت وش تقربي للعروس
قاطعتها بضحكة: العروس تكون صاحبة بنت خالتي!
وما اعرفها بس انا في كل عرس لزوم احشر نفسي واحضر
وانت وش القرابة بينكم!
رونق بغت ترد بس سكتت وهي تشوف جدتها داخله الغرفة وبفجعة نطقت: رونق انت هنا!
رونق هزت رأسها بملل : لا هناك!
نغم خزتها: رونق
أم جواد بهجوم: انت وش تعملين هنا!
وليه ما جهزتي نفسك؟ !
رونق بهدوء جلست: نسيت اغراضي بالسيارة مع جراح!
وجوالي معه بالسيارة
ام جواد بقهر من برودها: وليه ما جهزتي نفسك بالبيت
رونق ببرود: انشغلت بالبحث وما بقى عندي وقت
ام جوا د بقهر: يا بروووووووودك!
رح تصيبني جلطة من هالبرود!
يا اختي انا نفسي ادخل عقلك واعرف كيف تفكرين ...احد يحضر الحفلة كذا!
قالوا لك فتحوا جناح خاص هنا لك علشان تتزينين!
كل الحريم تدخل وهي متعدله وانت طالعه من بيتك وكأنها رايحه لعزاء!
حسبي الله رفعتي ضغطي!
والحين وش الحل!
ناظرتهم البنت: معي فستان ثاني جبته احتياط خفت يتقطع الفستان من كثر الضيق
ناظرتها نغم وفعلا الفستان بأنفاسه الاخيرة!
ام جواد : الحفلة دوبها بدأت في وقت اعطيني اشوفه
لحظات ومدت لها بالفستان...رونق برفض: لا جدة انت من عقلك تتكلمين
ام جواد بغضب: لاعي ...اقول تحركي جربي الفستان
وتتدلل بعد!
يا شين السرج على البقر !
نغم بنصيحة: رونق جربي ما رح تخسرين شيء!
ما هي حلوة قدام جراح انك ما حضرت الزواج!
مطت شفتها بقهر من كلام جدتها : وليه قالوا لك عني بهيمة ما يطلع لي اتدلل!
ام جواد : ايه وترادد بعد!
اقول تحركي انا أراكض حتى اصلح الاوضاع وإنت ولا عبالك!
تنهدت بحيرة ...أعطت جراح كلمة إنها تحاول تصلح الامور!!! وازنت الأمور براسها ونطقت: أعطيني الجوال أكلم جراح
أم جواد تنرفزت من عنادها: الحين تلاقينه عند الرجال ما هو فاضي....تحركي اففففف من هالعناد الي برأسك!
تحركيييييي!
البنت بضحكة: الحين ربع ساعة اطلعها باربي !
كيف مكياجي انا مسويته بنفسي!
نغم ناظرتها وابتسمت مكياجها ناعم وحلو : وش رايك تعدليلي مكياجي احس
قاطعتها ام جواد بنرفزة: خلينا بالاول نخلص من ام المصائب وبعدها يصير خير!
**
**
**
جالسة الجازي تتكلم مع أم فياض باندماج ...قطعت كلامها وهي تشوف أم جواد داخله وماسكه بيد رونق بتملك ..أوجعها هالمنظر لما تشوف الناس أقرب لبناتها منها!
ام فياض رفعت حاجب بتأمل: أول مرة أشوفها كاشخه كذا!
تدرين تشبه أبوها كثير!
رونق الي كانت تسحبها أم جواد للقاعة غصب عنها ما انتبهت لوجود الجازي وأصلا ما توقعت حضورها ..رونق بخجل: يا جدتي ما يصير كذا!
ام جواد بحزم: إنت ما ينفع معك الطيب ...يلا أشوف كوني سنعة وتصرفي بعقلانية
رونق وجهها ألوان من الخجل أول مرة تلبس كذا بحفلة!
نغم مبتسمه على شكل رونق المنحرجة ما توقعت إنها خجوله كذا !
بالرغم إنه فستانها ما هو بذاك العري يعني ساتر !
لكن الظاهر أول مرة تلبس كذا بحفلات!،
ام جواد وهي ماسكه يدها وبهمس: الحين تسلمي على ام راكان بابتسامة وتباركين
قاطعتها رونق بضجر: إن شاء الله ترى والله حفظت الدرس...خلاص اتركيني يا جدة ترى والله مارح انحاش!
تقدمت نحو ام راكان الي معطيتها ظهرها ومندمجة مع الحريم ...التفتت رونق للخلف وناظرت جدتها الي تشجعها تتقدم ..
ارجعت خصله من شعرها خلف اذنها بتوتر وهي تحس كل الحريم تناظرها!
تقدمت وهي تناظر حولها المكان ما تعرف كيف تبدأ ..وقفت لما وصلت لها ...وما انتبهت إنها داست على طرف ثوب ام راكان كان موديله طويل على الارض ...ام راكان تحركت ما هي منتبه لوجود رونق أصلا...خلال ثواني كان المكان حوسه !
رونق بصدمة وهي تشوف أم راكان طايحة على الارض بعد ما داست رونق على ثوبها ....
ام لؤي وهي تحاول تساند امها ناظرت رونق بغضب: عمياء ما تشوفين!
رونق الصدمة الجمتها وما نطقت بحرف واحد!
بعض الحريم ساعدت ام راكان على الوقوف ...وما خلى الموقف من همسات الحريم والضحك على الموقف
ام راكان متفشلة بدون ما تناظر رونق همست: رح تندمين متعمده تعمل كذا!
ام جواد هزت رأسها بأسف بدل ما تكحلها رونق عمتها!
مسكت رونق من كتفها وبلوم: كذا
قاطعتها رونق وهي تفك يدها بهدوء: جدتي ترى ما هو قصدي!
وتقدمت من ام راكان ساندتها: اسفه خالتي ما هو قصدي!
تعالي اجلسي ارتاحي
ام راكان دفت يدها بكره وللحين متفشلة وهي تشوف ضحك بعض الحريم
سعاد تقدمت وهي ناوية تمسح بشعر رونق الارض...مسكتها صفية بتحذير : يا ويلك اذا تكل
قاطعتها سعاد بقهر : ما شفتيهاكيف تعمدت
صفية اعطتها نظره قوية: خلي هالزواج يمر على خير وبعدها يصير التفاهم!
رونق صدت بغرور عن سعاد الي تناظرها وتبغى تطحنها تحت أسنانها!
ام جواد بنبرة منخفضة لام راكان الي جلست على احد الكراسي: ترى ما هو قصدها ما انتبهت لفساتنك وانت الله يسامحك لابسه هالثوب يجر على الارض وكأنك ساندريلا
قاطعتها ام راكان بتوعد : وقسم بالله لتطلع هالحركة من عيونها ...تراك ما تعرفينها تعمدت تفشلني!
رونق ناظرت جدتها الي تتهامس مع ام راكان. ...ام جواد اشرت لها تقترب!
اقتربت رونق بابتسامة مزيفة ...نطقت مجاملة: سلامتك خالتي ...عين وصكتك
ام راكان بهمس: يا جعل
قاطعتها ام جواد بهمس: الناس تناظر وخاصة ام ربيع شفيها عيونها طالعه شبرين وهي تناظر!
ام راكان هزت رأسها بتفهم وبعدها ناظرت رونق: تعالي اسنديني أبغى أجلس عند العروس!
هزت رأسها رونق بهدوء...توجهت معها للكوشة وام راكان تبث سمومها بهمس: ورب الكعبة الا تندمين على حركتك
رونق بنفس الهمس: قلت لك ما هو قصدي
قاطعتها بعناد: الا قصدك والله
قاطعتها رونق بلامبالاة: الي ما تطولينه بيدك طوليه برجلك!
فتحت ام راكان عيونها باستنكار: وقحة!
الوعد بعد ما ينتهي الزواج اذا ما قلبت حياتك جحيم قولي ام راكان
قاطعتها رونق بهدوء ظاهري: كل شيء مقدر ومكتوب اكون مظلومة ولا اكون ظالمة!
ام راكان زمت شفتها بقهر من وقاحة رونق،لكن يصير خير رح تخليها تندم على هذه الحركة!
بعد ما جلست ام راكان ...اقتربت رونق من منار وبابتسامه مزيفة نطقت: مبارك يا عروس!
منار هزت رأسها بابتسامة: الله يبارك فيك!
تقدمت وسلمت على ام العروس بهدوء...ام منار بابتسامة: هذه
قاطعتها ام راكان وهي عافسه ملامحها: زوجة جراح!
هزت رأسها ام منار: ما شاء الله ....الشبه بينها وبين مريم كبير
ام راكان بنفس العبوس: الشبه بس في الملامح اما التصرفات ولا في اي تشابه بينهم!
لجين بخبث اقتربت من رونق: تعالي نرقص
رونق برفض:ما أعرف
ام راكان فهمت حركة لجين: ما يصير زواج اخو زوجك لزوم ترقصين
سحبتها لجين معها: تعالي
رونق فاهمة حركتهم يظنون انها حامل ويبغون يطيحون الجنين!
ام جواد مسكتها من يدها : مجنونة تبغين ترقصين!
ناسيه انك حامل!
رونق عقدت حواجبها باستنكار علامها ام جواد ناشبه لها بكل مكان!
رونق بهدوء نطقت: ما رح يصير شيء!
ام جواد انقهرت من عنادها وجلست وهي تناظرها ترقص بجنون همست لنغم: هذه الي كانت مستحية تدخل القاعة!
نغم بابتسامة: كل البنات كذا أول ما يدخلون يا أرض انشقي وابلعيني من الخجل بس ربع ساعة وتلاقينهم يناقزون
ام جواد هزت رأسها بقلة حيلة: والله ما هي صاحية هالبنت ..وش هالرقص الجنوني!
نغم هزت رأسها: ما توقعتها تكون بهذه النعومة...وماتوقعت إنها تعرف ترقص .... شوفي ام ربيع عيونها على رونق!
ام جواد هزت رأسها : عمرها رونق ما رح تتهنى من هذه الحية ام ربيع...تخيلي للحين تحوم تبغاها لولدها قال دكتورة وراتبها يخلي ولدها عايش مرتاح
نغم فتحت عيونها باستنكار: صدق!
انت مين خبرك!
ام جواد عفست ملامحها:هذه الحية وين ما تروح تنثر سمومها والحريم خبروني بكلامها!
نغم حكت جبهتها : ما ظنيت تدوم عند جراح ...شوفي نظرات ام راكان وبناتها كأنها رونق ذابحه
قاطعتها ام جواد: بس جراح يحبها بجنون ما رح يتخلى عنها
ناظري كيف لفتت نظر الحريم لها ...فما بالك بجراح شوفيه وقف بوجه اهله واصر عليها !
نغم هزت رأسها : صحيح فيها جاذبية اكثر من مريم الله يهديها ويوفقها بحياتها!

**
*
**
**
اعلنوا دخول العريس ..رونق واقفة تناظر دخول العريس....ام ناصر تكلم وحده من الحريم: تقدري تساعديني ابغى ابارك للعرسان
اشرت الحرمة على رونق: هذه حفيدتك خليها تساعدك والله كتفي يوجعني ما اقدر!
رونق ما تبغى تقترب من الكوشة وتتواجه مع زياد ...لكن احرجتها الحرمة: خذي جدتك عند الكوشة
ام ناصر ما تبغى رونق لكنها اضطرت تسكت وتروح مع رونق!
توجهت رونق نحو الكوشةوهي تجر ام ناصر بالعرباية نحو الكوشة!
ام ناصر بفرحة لحفيدها: مبارك يا ولدي
زياد اقترب منها ونزل لمستوى جدته سلم عليها وقبل رأسها بفرح: الله يبارك بعمرك يا جدتي...كيفك اليوم؟!
رفع نظره وهو يسمع اجابتها .....وناظر لرونق واقفه خلف العرباية تناظر جهة العروس!
ما يلوم جراح يوم ركض خلفها بعد ما شاف هالعيون...فعلا عيونها فتنة مع الكحل و العدسات ...التقت عينها بعيونه..ناظرته بكره وصدت لجهة العروس مره ثانية!
مط شفته بسخرية حتى لو فتنت جراح بعيونها في الاخير رح يكتشف حقيقتها المزيفة!
مين يصدق شكلها البريء خلفه حية !
وقف وناظر منار بابتسامة لما تقدمت وسلمت على ام ناصر والفرح يشع من عيونها!
رجعت ادراجها رونق وجلست بهدوء عند نغم وام جواد!
ام جواد ناظرتها: صدق انك مطفوقه كل هالرقص ما تخافين يطيح
رونق هزت رأسها بلامبالاه: الي مكتوب له رزق بهذه الدنيا رح يعيش
قاطعتها ام جواد بحزم: اقول غطي على عيونك كاشفة والكحل والعدسات ونص وجهك طالع!
لو يشوفك جراح الا
قاطعتها رونق وهي تعدل النقاب:نسيت اني وضعت مكياج... اذا نزلت طرحة على وجهي اختنق ...وانا جايه كنت مغطيه كامل اختنقت
نغم : بس انت عيونك ما شاء الله جميلات وخاصة مع العدسات
قاطعتهم سعاد: خالتي
وقفت رونق بانزعاج من هالمخلوقة ما تطيقها ...هي السبب في بعد قدر عنها ما تقدر تعاند وتسحبها من عند فياض لأنها ما تثق بسعاد تعمل شيء للبنت بغيابها!
انسحبت من المكان قبل ما تنشب النار بينهم!
الجازي همت بالخروج ما تقدر تجلس تناظر ابنتها من بعيد وما تقدر تسلم عليها او تسألها عن أخبارها ...
وقفت رونق وهي تشوف الجازي واقفه ..ما تنكر انه احساس جميل حست فيه بوجودها...ما تعرف كيف تتصرف؟!
تروح لها او لا؟!
دق قلبها لما تحركت الجازي ...معقول رمت كلام فياض بالارض؟!
رح تعلن للكل إنها ابنتها وما في قوة تبعدهم عن بعض!
هي ابنتها الي طول السنوات الماضية تبكي من ألم فراقها ....سنوات وهي تجلس بالمكان إلي انخطفت فيه لعل وعسى تلمح طيفها !
هذه الحين واققة قدامها أكيد رح تمسك بيدها وتثبت لها انها ما رح تتخلى عنها!
لكن سرعان ما ألجمتها الصدمة لما مرت الجازي من أمامها ولا كأنها تعرفها!
تجاهلت وجودها وكأنها غير مرئية لها !
تأكدت رونق انه كل هالمشاعر الي كانت تتغنى فيها الجازي مزيفة!
والمشاعر الكذابة الي كانت تتغنى فيها كانت رد فعل للإحساس بالذنب إنها السبب في موتها!
وبما إنها على قيد الحياة بانت المشاعر المزيفة على حقيقتها!
التفتت للخلف وهي تناظر زول الجازي.. تحس اشياء بداخلها تكسرت ...رجعت ناظرت ام فياض الي وقفت قدامها وباينه ابتسامتها من عيونها ونظرة الانتصار بعيونها وهي تتكلم: تراها كانت تشفق عليك لما أعطتك وجه لكن مع الايام خلاص ما عادت تقدر تتحمل تصرفاتك وتتحمل وجودك وتجاملك اكثر من كذا!
عاد تدرين كسرتي خاطري!
رونق ساكته تناظرها وهي تتكلم وتغايضها بالكلام ....احيانا نتكلم وننسى هالنقطة المهمة« اذا لم تكن تجيد جبر الخواطر فلا تكسرها»
تركتها ام فياض بعد ما حست بالراحة شوي فشت غلها وقهرها برونق شوي!
بلعت ريقها وهي تحس بخنجر وسط حلقها!
جلست على طاولة فاضية والسكون يخيم عليها وشيء واحد يتردد في ذهنها«تستاهلين هذا الي جنتيه يوم خربتي علاقتك بأهلك وبأهل جراح علشانها وبالاخير باعتك بالرخيص ....صدق المثل يا داخل بين البصلة وقشرتها ما ينولك غير ريحتها»
اخذت نفس عميق ليه تكدر خاطرها علشان شخص باعها ..الجازي مسكت بفياض وتركتها...وهي رح تمسك بجراح ما رح تفرط فيه ...
ورح تكمل حياتها خلاص ملت من المشاكل والقيل والقال...نفسها تختفي من هالعالم وتعيش بهدوء وسكون!
تشتاق للقرية وأيامها تتمنى إنها ما طلعت القرية .احيانا نتطلع لحياة غير واحلام غير عن محيطنا لكن ما نعرف انه هالحياة الي بذلنا جهدنا حتى نوصل لها هي سبب تعاستنا وهمومنا وكدرنا!
بهذه الدنيا نحتاج فقط الرضا بأقدار الله ...
**
**
*
**
ام راكان بعد ما غادر العرسان تكلمت وهي متمسكة بأم لؤي:ابغى ارجع مع جراح!
جراح تقدم منها وبابتسامه: يا هلا ومرحبا اليوم تتبارك سيارتي بركوبك يالغالية!
بس غريبة وش فيك تعرجين
لجين وهي تعلك: إسأل زوجتك
ام راكان تبالغ بإظهار وجعها: حسبي الله ونعم الوكيل
اسودت ملامح جراح مثل ما توقع رونق جابت العيد..وبنبرة ضعيفة نطق : وش صاير
ام راكان : دفتني على الأرض وربك ستر
قاطعها : طيب رونق وين؟!
صفية وهي تتحرك تبغى تركب مع ولدها: ترى بالغلط داست رونق على ثوب امك ووقعت ما هو قصدها
ام راكان بحنق: الا قصدها.انت ما شفتيها كيف كاتمة ضحكتها علي وانا طايح بالارض
جراح : يمه ترانا مو بالبيت خلاص نتكلم بعدين تعالي ارتاحي
بعد ما ركبت امه ...مسك الجوال واتصل برونق ..ناظر سيارته وهو يسمع صوت الجوال بالسيارة..حضرتها ناسية الجوال هنا ..كيف يوصل لها : لجين وين رونق
لجين وهي تتوجه خلف امها : شفتها راحت مع جدتها ام جواد!
جراح عفس ملامحه المفروض ردت له خبر انها رجعت مع غيره!
توجه للسيارة وحرك بهدوء...ام راكان ناظرته: خذني للمستشفى يا ولدي رجلي ما اقدر
قاطعها: ولا يهمك الحين طالعين هناك!
بدأت ام راكان بنبرة حزينة تشتكي من رونق وتصرفاتها!
***
**
**
تنهدت لما وقف نايف جنبها ونطق بهدوء:وضعها الحين الحمدلله !،
انخفض عندها السكري ووضعها الحين مستقر ..صار شيءحتى صار كذا!
هزت رأسها بالنفي والهدوء مخيم عليها: ما اعرف شفتها طلعت برا القاعة طلعت خلفها ابغى الجوال حتى اكلم جراح ....لقيتها طايحه على الأرض وللصدفة انت كنت متصل على جوالها
نايف بهدوء: ما احد يعرف اكيد الحين فاقدينها شوفي جوالي كم مكالمة !
هزت رأسها وبتذكر: جراح ماخبرته إني هنا!
اعطيني الجوال
قاطعها: بالاول اخبر ابوي واخواني وبعدها اعطيك
عفست ملامحها وتحركت تمشي بملل في الطوارئ!
جلست بمقاعد الانتظار ....
نايف التقى بجراح .ناظر ام راكان : سلامات حماتي
ام راكان بهدوء: الله يسلمك يا ولدي
نايف: وش صاير اكيد من كثر الرقص التوت رجلك
ام راكان ردت بدون نفس:قالوا لك مطفوقة مثل بنت اخوك !
ابتسم: كلمتك ملغومة يا خالتي!
جراح بهدوء:ما نبغى نتأخر تراها مب قادرة توقف على رجلها!
نايف بتذكر: صحيح زوجتك بالطوارئ
ام راكان بفرح نسيت نفسها ووقفت ولا كأنه فيه شيء: اللهم لك الحمد هذه خطيئتي قعدت لها
نايف بعدم فهم لكلامها ..ناظر جرح الي يسأله بخوف: وش فيها؟!
ام راكان انقهرت وهي تشوف لهفة جراح بالسؤال عن رونق ولا كأنها طول الطريق تشكي له عنها!
أي سحر سحرته فيه حتى صار كذا!
نايف بابتسامة: ما فيها شيء امي تعبت وما لقيت غير رونق بوجهي سحبتهامعي!
ام راكان بقهر رجعت تمسكت بجراح وباهتمام نطقت: وش فيها ام جواد كانت بالحفلة ما فيها شيء!
نايف: الظاهر نزل عندها السكري وفقدت الوعي!
ام راكان هزت رأسها: سلامتها ما تشوف شر يلا يا جراح
ابتعد نايف عنهم وهو يتكلم بالجوال!
جراح : لحظة اشوف رونق خليها تي
قاطعته بقهر: انا ناقصني غثاء تراها واقفه لي هنا مب قادرة ابلعها!
ليه انت ما تراعي مشاعري والا ما تخاف على امك!
يرتفع ضغطي من لما اشوفها وانت تبغاني اموت بقهري
جراح بضيق : يا يمة لمتى هالحال؟!
ترى انا مليت من الحياة اهلي بكفة ورونق بكفة وش اعمل
قاطعته بكره: ما احبها تفهم وش يعني ما احبها !!!
والا الحب عندك بالغصب
جراح بملامح معفوسه: يا يمة لا تحبينها بس على الاقل احترميها بس ما نبغى إلا احترامها
مطت شفتها وهي تتحرك: خليها بالأول تحترمنا وبعدها يصير خير!
زفر بضيق وهو يتحرك وساند امه ...وبداخله علاقة رونق بأهله مستحيل تنصلح دام امه معنده كذا !
واقفة قريب منهم ..تسمع كلام ام راكان ما تعرف ليه لذي الدرجة كارهيتها !
وكأنها سارقه حلالها!
رجعت ادراجها للمكان الي كانت جالسة فيه ...ليه ترمي نفسها على ناس كارهينها ؟!
جلست بمقاعد الإنتظار..والدموع تلمع بعيونها ....بداخلها قهر ...نفسها تمسح بأم راكان الأرض وتعلمها قدرها ...لكنها ماسكة نفسها بصعوبة لأنها بكل بساطة ام زوجها وأي زوج ما يقبل امه تنهان او احد يقلل احترامها!،
تكتفت بضيق ونزلت رأسها وهي تفكر كيف تقدر تعدل الوضع ....
رفعت رأسها بضجر ...وهي تناظر للبعيد وعقلها سارح بحياتها ...مجرد جسد عقلها كله يفكر بحياتها...اكثر من كذا ما تتحمل ...ما تبغى تكون قليلة ادب وتتعامل مع اهل جراح بالمعاملة الي يستحقونها !
هذه الحياة ما تقدر تكمل فيها ...اليوم رح تكلمه بالرحيل...ما رح تعيش بذاك البيت ابدا!
ورح تسحب قدر من عند فياض ...هذه ابنتها ومن حقها تعيش بين عيونها ...ما رح تسكت عن هالوضع ابدا!
هي إنسانه مثلها مثلهم لها احترامها...ليه يكرهونها ؟!
ليه ينبذوها؟!
الكل يكرها حتى الجازي تكرهها ....موقفها اليوم اكبر دليل على مشاعرها المزيفة....تجاهلت وجودها وكأنها نكرة!
نكرة!
صدق هي نكرة بينهم ....يناظرونها بهذه النظرة لانها تزوجت نايف!
نايف عمها !
حست شيء كتم على صدرها من هذه الحقيقة الي مهما حاولت تنساها ترجع تخنقها!
ابو جواد وهو يتكلم مع نايف: وليه ما خبرتنا!
نايف بهدوء: الوقت ما سمح لي اكلم احد
توجه ابو جواد مباشرة لمكان ام جواد ومعه بدر!،
جواد ناظر رونق جالسة تناظرهم بهدوء ولا كلفت نفسها تقوم تسلم عليه!
لذي الدرجة وصلت فيها!
وش قلة الادب الي فيها!
هو ابوها ليه ما تحترمه وتقدره؟!
تختلف عن مريم كثير ...مريم اول ما تلمح زوله تركض له مباشرة والفرح يشع بعيونها لما تشوفه!
اما رونق ولا كأنه أبوها !
اقترب منها وللحين على نفس الوضعية...رفع حاجب حتى ما كلفت نفسها تناظره او تعبرة!
نطق بغضب من تصرفاتها: لمتى انا اتحمل تصرفاتك الي ما تنطاق!
انقهر من تطنيشها ولا كأنه يكلمها ...وضع يده على كتفها وبقهر: وش قلة الادب هذه ؟!
انا ابوك
حست بأحد وضع يده على كتفها سرعان ما نقزت على حيلها ......تنفست الصعداء وهي تشوف جواد ...نطقت بضيق: انا
سكتت ما فيه شيء تقوله
جواد رفع حاجب حضرتها سرحانه...وش الي شاغل عقلها حتى ما حست بمن حولها !
رونق باستدراك مدت يدها تسلم ...تبغى ترمي نفسها بحضن ابوها
جواد بزعل منها كتف يدينه: الحين تذكرتي تسلمين على ابوك!
ما تخافين ربك باب يفصلنا ما تقولين ازور ابوي!
مريم كل يوم عندي وإذا ما جاءت تتصل تطمئن علي!،
وانت؟!
صار فياض ابوك طول وقتك معه!
نزلت يدها بصمت وجلست بهدوء ....ما نطقت بحرف واحد !
اوجعه قلبه ما يحب يشوفها كذا منكسره لكنها تقهره بتصرفاتها ....
جلس جنبها بهدوء ونطق بنبره حانية: رونق!
ناظرته بهدوء ....رفع حاجب وهو ينتبه للعدسات والكحلة بعيونها وبحزم: وش الزفت الي لابسيته ومتكحلة وكاشفة عن عيونك
قاطعته بتبرير والغصة بحلقها: والله مسحته ما فيه ...بس الكحل يبقى اثر خفيف
قطعت كلامها من البكاء!
عقد حواجبه باستنكار وهو يشوفها تبكي بصمت: وش صاير؟!
احد زعلك...رونق جاوبيني
هزت رأسها بالنفي: ما في شيء!
سأل : طيب ليه تبكين؟!
اخذت نفس وهي تمسح دموعها بكم العباية: ما في شيء
قاطعهم جراح : رونق
رفعت عيونها الغرقانه بالدموع: وش صاير
جواد ناظره : ما في شيء!
جراح بانبهار:بسم الله ما شاء الله شوف يا عمي عيون الغزال
قاطعه جواد بغضب: انت ما عندك دم ... بدل ما تقول لها غطي على عيونك يا
قاطعه : الحين فهمت انت زعلتها...يا عمي ترى ما هو كذا الأسلوب
قاطعه جواد: نسيت اتعلم عندك كورسات بفن التعامل
جراح ابتسم وغمز له : بس الكورسات عندي غاليه يا ولد العم!
مد يده لرونق ...وسحبها برفق ....مد يده يعدل نقابها: شوفي بسبب البكاء صار نقابك حوسه
كش عليه جواد وهو عابس ملامحه!
ضحك جراح على ملامح جواد: يا أخي انت ما يعجبك العجب
رونق ابعدت يد جراح عن نقابها وعدلته بنفسها بصمت!
جواد وهو يكلم جراح بهدوء : والله كل شيء ما هو عاجبني!
جراح هز كتوفه بقلة حيلة: ربك كريم!
يلا يا رونق امي تنتظر
جواد بتذكر:-سلامات
قاطعه جراح: الله يسلمك....يلا رونق
وقفت تنطق ما تبغى تروح معه وتكون السبب بغضب امه عليه ...امه معنده ما رح يطيح الحطب إلي برأسها الا بطلاق رونق ...لكن لطفه وتعامله يجبرها تسكت وتكمل هالحياة ..لعل وعسى يأتي الفرج!
تحركت بهدوء والصمت مخيم عليها ...تكلم بهدوء: كيف الحفلة كانت؟!
رونق ما لها نفس تتكلم تحس شيء كاتم على صدرها: عادي
رفع حاجب من سكونها: بس عادي!
ما شاف منهاإجابة ..سكت وتوجه لأمه....ام راكان لما شافتها عفست ملامحها: ما ترتاح إلا لما تغثني
ناظر امه بقهر واشر لها بعيونه تسكت!
ام راكان: ارتحتي يوم كسرتي رجلي؟!!!
جراح بضيق ظهر عل ملامحه: يا يمه ما فيها شيء رجلك!
ناظر رونق واشر لها حتى تتحمد لها بالسلامة....رونق تنهدت ونطقت بهدوء: سلامتك خالتي ما تشوفين شر!
ام راكان بعبوس : تقتلين القتيل وتمشين في جنازته!-
اقترب جراح من أمه وبملامحه معفوسه:يلا خلينا نرجع
ام راكان : ابغى ازور مريم وبعدها ام جواد
هز راسه والتفت للرونق: مشينا!
وقفت رونق قريب من الغرفة ونطقت بهدوء: انا انتظرك هنا!
جراح باعتراض : وليه!
ادخلي مع امي وتحمدي لاختك بالسلامة!
ام راكان تناظرها باستعلاء: هذه البنت ما تعرف بالاصول قلبها حقود واسود الله يعافينا
تنرفزت رونق منها تدعي المثاليه وهي ابعد عنها : تركت القلب الأبيض لكم!
تراه ولدك طلع من المستشفى وما كلفت نفسك تزورينه وفوق هذا قاطعتيه !
قاطعها جراح: رونق انتهينا
ام راكان قلبها مليان على رونق ما رح تترك هالفرصة ..فرصتها انها تستفز رونق وتخليها تفقد أعصابها وتطلع حقيقتها قدام جراح وبنبرة احتقار: قاطعته لعل وعسى يصحى من الكابوس الي عايشة ويشوف الحشرة اي متزوجها!
جراح بقهر منهم : يمه خلاااص!
ام راكان : قل ما تبغى تسمع وتعرف حقيقة زوجتك ..لو فيك عقل ما تزوجت وحدة تزوجتك بدون علم اهلها...اي ام لاولادك اخترت!،
وحده ما عندها لا ضمير ولا اخلاق وش ترتجي منها ومبسوط يوم تقول انها حامل!
كيف تتزوج وحده ما نعرف اصلها من فصلها وما نعرف من اي مزبلة انتشلها نايف وجابها لنا!،
وتبغوني اسكت على هذه المهزلة!
تكلمت رونق وهي تحس بخنجر بوسط حلقها ...وبهدوء ظاهري نطقت : كلامك مردود عليك ....فما رح انزل لمستواك وارد عليك .في رب يأخذ حقي من كل إلي ظلمني!
جراح بقهر من مشاكلهم: قلت خلااااص
قاطعها وهو يتقدم منهم وبنبرة ظهر فيهاالانزعاج وهو يتكلم: بس ما قلتي لنا وش مستواك حتى نعرف نتعامل معك
جراح بغضب مكتوم: وبعدين
قاطعه راكان وهو يناظر المكان فاضي: انا محترم المكان الموجود فيه ..علشان كذا ما انتهى الموضوع ولنا كلام ثاني في البيت!
جراح بعبوس: يمه ادخلي عند مريم وانا انتظرك هنا!
بغت تتكلم ام راكان لكن قاطعها راكان: بالبيت يا يمة !
هزت راسها وتوجهت مع راكان لغرفة مريم،
جراح زفر بغضب ...بعدها ناظر رونق: انا وش قلت لك !
الف مرةقلتلك طنشي!،
طنشي يا رونق تراها عندها فكره غلط عنك طنشي خليها تشوف الجانب الحلو منك وتكتشف إنها اخذت عنك فكرة غلط...بس ما ترتاحين الا إذا عاندتي وراددتي!،
ناظرته بقهر: انت ما سمعت كلام امك ؟!،
قاطعها : طنشي
قوست شفتها وهي تهز رأسها بقهر: ايه صح نسيت!
تدري اني نسيت اهم نقطة والمفروض إني ما أنساها...نسيت اني بنظركم بدون احساس ومشاعر وكرامة....لزوم تسمعين اهانتك وتتشكريهم
قاطعها بقهر : رونق بلا كلام فاضي
جلست على احد المقاعد والتزمت الصمت...زفر بضيق وتوجه للشباك...وقف يناظر للخارج ...لعدة دقائق!