[مِسك]

المشاركة الأصلية كتبت بواسطة jojo

السلام عليكم ورحمة الله وبركاته💕
كيف حالكم قراء الروايه ان شاء الله تكونوا بخير☺
وعدتكم ان فيه فعاليه قبل رمضان ان شاء الله🌸
و هي اكثر فعاليه متحمسه لها🤩
وبما ان البارت تأجل...اظن هذا الوقت المناسب💫

"الفعاليه الرمضانيه"🌙
شاركونا كل ما يخص الشهر الفضيل من تجهيزاتكم لرمضان..روتينكم اليومي..مهامكم اليوميه..عاداتكم الرمضانيه..مأكولات رمضان في بلادكم..طبق يحبونه من يدك..اكثر شيء تبدعين فيه بالطبخ..وصفات لذيذه تنصحينا فيها..ايش اللي يذكركم في رمضان..العبادات في رمضان..الزيارات..شيء محافظين عليه طول ايام الشهر المبارك..و شيء تتمنون المحافظه عليه برمضان..موقف حلوو تتذكرونه..مسابقات رمضان هل سبق وفزتوا بواحده منها..استعدادكم للعشر الاواخر من رمضان..و لليلة القدر..دعواتكم في رمضان..ونصائحكم..
وتجاربكم اللي استفدتوا منها..واكثر ...

قولوا ما بخاطركم عن شهر الخير💐
اي شيء عادي و تأكدوا اني بفرح بمشاركتكم الحلوه🥰
و الوقت مفتوح إلى اخر يوم من شهر شعبان بإذن الله🤍

"اللَّهُمَّ بَلِّغْنا رَمَضَانَ وَأَعِنَّا عَلَى صِيَامِهِ وَقِيَامِهِ عَلَى الوَجْهِ الّذِي يُرْضِيكَ عَنَّا، اللَّهُمَّ اجْعَلْ عَمَلَنَا كُلَّهُ خَالِصَاً لِوَجْهِكَ الكَرِيمِ”🤍🌙

وعليكم السلام ورحمة الله وبركاته .. ياهلا والله بجوجو ملكة الفعاليات .. ❤
عاد فعاليه اليوم غيير غيير عن افضل واحسن واخير الشهور على قلب كل مسلم .. اتوقع مافي مسلم ماينتظر رمضان ويشتاق له ويحزن على فراقه 😭 ..
بالنسبه لبيتنا .. لازم فقره تغيير الديكور والمواعين الجديده احب فقره على قلبي "شيء ماتعرفونه عني احب المواعين 😂😂" طبعاً الديكور مو الاحمر اللي خلوه الناس لرمضان لا ، تغيير بسيط يكون في بيتنا ان شاءالله لو سفره طاوله جديده او كنبه عادي اهم شي حاجه جديده .. عندنا طبيعه يمكن نكون الوحييدين اللي نسويها ماننزل نجيب مقاضي بالهبل لرمضان 😬🙈 نجيب النواقص والاحتياجات بشكل يومي او احياناً كل كم يوم ..
الروتين اليومي كل البيت يسهر للفجر صراحه .. اما وقت القومه يختلف اللي يداوم يقوم صباح والعاطلين "اللي هم طلاب المدارس " وقتهم العصر اما البزارين ياليت ينامون لين المغرب 😂😂💔 ..
من ناحيه العبادات الحمدلله احاول احرص اختم القرأن قراءه وتفسير .. وقت الطبخ والمطبخ احب اكون فاتحه اذاعه القرآن فيها برامج جداً مفيده وتلاوات للقرآن .. عادتنا في بيتنا ناخذ عمره في رمضان لازم وفقدنا هالعاده العام بسبب كورونا ومدري السنه هاذي كيف بيكون الوضع ..
بالنسبه للطبخ والمأكولات عادي ما احسها اشياء غريبه .. ماعندنا نظام لازم اللقيمات او الفيمتو 😂💔 .. عن نفسي اكون عامله دايت برمضان واحاول ما اخبص بالاكل 😬 .. كمان من الاشياء اللي احسها ببيتنا بس مافي زيارات برمضان وتجمعات مع الاقارب + مافي نظام مسلسلات واللي تصيده امي ياويله 😬😂 ..
العشره الاواخر العشر الاحب على قلبي احاول قد ما اقدر ما اضيعها ونصيحه استغلوا كل ثانيه فيها وانا معاكم .. تسبيح،استغفار،دعاء،صلاه،ق راءه قران .. كلها 10 ايام بس فضلها عظييم جداً ..
وبس والله .. الله يبلغنا رمضان احنا ومن نحب بصحه وعافيه يارب ويتقبل مننا الصيام والقيام 🌙❤ ..