عظمة على عظمة مثل ما بيقولوا إخوتنا من مصر يا اميرة الحب 👏👏👏👏👏.
فصل مبدع دائما لما تغيب اميرة ترجع بفصول نار نار 🔥🔥🔥🔥.
البداية من إجهاض روبي و سيزار ضربة قوية لثقتهم في بعض جورجينا نجحت في زعزعة الاستقرار رد فعل سيزار متوقع يا جماعة و منطقي لانه إنجاب اولاده يعتبر نقطة ضعفه هو و روبي عرفت جورجينا وين تضرب فعلا امراة حاقدة و بلا قلب ، عندي شك انه جوزيف هو اللي رح يكشف تورطها في إجهاض روبي ساعتها رح توقع على موتها عند سيزار ، حبيت وقفة البنات مع روبي و حمايتها صداقتهم رائعة صاروا مثل الاخوات .
نحنا كمان بدنا نعرف الأسرار اللي انكشفت بين روكو و خوسيه 😭😭😭😭عندي فضول كبير شو حكو بيناتهم ، اوافق خوسيه الرأي انه انفصاله عن ايا في هذه الفترة افضل لكن مش الطلاق بدل ما يركز على علاقته بايا لازم يركز على نفسه ليرجع اقوى ، و شدني اصرار روكو على استمرار علاقته بايا يمكن عنده نظرة انه ايا رح يكون لها يد في علاج خوسيه ليرجع اقوى . انا ما اوافق على إجبار روكو لايا و تهديدها لإكمال علاقتها بخوسيه حسيته اليوم نسخة عن يانيس مع انه حبه لصديقه ما يدفعه و ليس المصالح مثل يانيس ، اكثر شيء ما حبيته انه شراها لحتى تتراجع عن الطلاق اذا اكتشف خوسيه مستقبلا هذه الصفقة فالامور رح تسوء أكثر، و بالنسبة لتاثر ايا عند معرفة ماضي خوسيه لاول مرة احس عن جد انه ايا مغرمة بخوسيه ردة فعلها تثبت حبها، اما كارلوس الخسيس الغيور الحقود رح نخليه للعراب ليكسرله رأسه الصغير.
و الله و جاب رأسها ابن يانيس ما توقعت أنه فيرنا رح تستسلم بهذه السهولة بعد تمنعها الفترة الأخيرة ،شكله سانتو دارسها منيح هذا اذا ما تسبب عن قصد بحمل فيرنا لحتى يربطها فيه أكثر، بس انا كثير فرحانة لتقاربهم خلي ايموجن تموت بحسرتها ، بالنسبة لطلاقهم هل فعلا تم الطلاق النهائي ؟ كنت متوقعة انه ايموجن رح تطب على ايطاليا و تلصق فيه أكثر 🤣🤣🤣 شيء متوقع منها و لا اظن انها استسلمت هذا الهدوء قبل العاصفة ايموجن حية ما رح تنسحب بسهولة .
سانتياغو لشو عم يخطط؟؟؟؟؟ احب رائحة الخوف و الدماء يا لطيف !!!!!! يانيس نجح بصنع نسخة منه في سانتياغو على عكس روكو ، حسيت سانتياغو قلبه مليئ بالحقد و الشر ،ولا بدو يجر المسكين خافيير لجحيمه اتركه المسكين مو ناقصه ، مو مرتاحة لتدخل خافيير بالنص و مثل ما قال سانتياغو ما تهمه غير مصلحته يعني خافيير مجرد سلاح الله يستر من اللي جاي منك يا ماكسويل، متشوقة وردة فعل روكو عند معرفة بالحقيقة .
الينور الطمع و الجشع بعينه ، هذه الامراة كارثة مو مرتاحتلها ابدا بانتظار تكشف وجهها الحقيقي ، بس في عندي سؤال ليش كل مرة تتكلم عن خوسيه بسوء و تنفعل و تتوتر عند سيرته مع انه هو ضحية الماضي ،و لا اظن لانه حاول يخنقها الموضوع اكبر ، الينور كشفت عن هوسها بالمال و طمعها بالثروة دانييلا رح تكون اكبر المتضررين مع انه دانييلا ما رح تكون بالسذاجة اللي توقعاتها الينور .
اخيرا عندي احساس انه في أحداث قريبا رح تصير بخصوص بريانا فعلا روكو مؤخرا اهملها شوي و انغل بمشاكل أصدقائه و شكله في مصيبة وراء اكتشافه حملها .
|