[لامارا]

بارت (3)

"إذا أردت أن تعيش فلابد أن تعتاد الألم. الألم لا يقتل، اليأس يفعل ذلك"

''''''''''''''

ناظم .علئ وين ابقي رايدج لا طلعين

نديمه .جاك الموت يا تارك صلا

اي نشالله

ناظم .تعاي كعدي

نديمه .كلبي مامرتاح منه بس اجاري احسن من نفور ع الله ينصلح

نعم كعدت رايد شي

نعم الله ضلوعج اسمعي اكلج
اني زواج وهاي سوالف مو بالي

تعرفين نغصبت عليج فلا تعيشين دور
زياده عن لزوم
وكلش اكول او اريد ماسمع غير
كلمه (تم) مفهوم
نديمه .يحجي بثقه يكول كاتله نفسي عليه بس متحملته الخاطر عمي
كمل هزيت براسي معنه اي

ناظم .شوووووو مسمعتتتتت التم
نديمه .تم والله تم
ناظم .اي هيج اريدج حبابه
نديمه .تريد بعد شي

ناظم .كعدي بعدني ممكمل كلامي
من هسه اكلج وين طالع وين طاب
هاي شيليها من قاموسج

نديمه .تم

ناظم .اجي بليل الكاج بلمطبخ
عندي موضوع وياج

نديمه .نشالله تم

يله روحي

نديمه.بكلبي راحت روحك كول تم
تم والله تم

شبيج دردمين مثل وصيفه ال فرعون

نديمه .تم تم

ناظم .هم مغصوب وهم خبله
امشي روحي لا اجرم بيج

نديمه . طكيتها ركضه للغرفه انفذ بريشاتي احسلي

كعده وسمع صريخ جنان
يبووو خطيه اكيد طلكت
الله يكومها بسلامه رغم لسانها بس ماكرها ولا اكره احد ماعندي الحقد
سناء.ندو ندو ندو

نديمه .ها خيرج ولج شكو

سناء.وهيه تقلد صوت جنان
راح يشرف ولي العهد

هههههههه لج سكتي ادعيلها خطيه

الله يكومها بسلامه ويوم اليه وخلص

امين يارب

راحت جنان للجده وسناء وامها راحو ويها عمتي ماعرف ليش ضلت
كل مره هيه تروح يمكن مالها خلك
وصارت ساعه

10بليل اني كاعده بلمطبخ

علي واحمد و نائل فوك نايمين
نام منوكت 9كلها تنام
وعمي وعمتي بلغرفه بس الفندي ماجاي ولا خلاني انام
جاي احجي بكلبي

ناظم .هلا والله بخطيبتي
ههههههه منتضرتني بدا كلان تبن
راح تكعدلي بطالعه ونازله هههههههههه

نديمه .دخل يحجي ويجر بكلامه
وعيونه حمر ومامركز بمشيه

اي يا بت عمي ماتوكليني جوعان

ههههههه جوعان دولبني الوكت بمحبتك جوعان

نديمه .ماعرف اضحك لو اغم نفسي اروح اسويله اكل احسن
مسويه كباب كليت طماطه وزلاطه وطيته

ناظم .اي هذا العشه الزين
اروح يم الك......ب
يدزلي ع فلافل
ههههههه
انتي معدلي تعالي كعدي يمي

نديمه .كعدت كباله بس ريحته موطيبه عرفت شارب شي

اي ست نديمه غردي
اسمعج
يعجبني صوتج
نديمه .شنو احجي

ناظم .غني هههههههه

نديمه .خرب هذا شنو يحجي اكوم انام احسلي
تصبح ع خير ورئسن كمت اريد اطلع

بحركه وحده صارقبلي وكطع طريق عليه

وين رايحه هو دخول الحمام مثل خروجه هههههه عبالج ما الكفج

لا لا غلطانه مو ناظم الي ينغصب

نديمه يحجي واني افكر يشلون اخلص وروح ساعه سوده
جان يتقرب مني
اني جمدت بمكاني
حط ايده ع راسي
دفعتها
حطه ثانيه ع خصري
وخرتها حيل من شده القوه نضرب بلميز
جان يرجع مثل الوحش

ناظم .لج كلبه دفعيني اني علمج
هجم باسني ادفعه بس هو اقوه مني

اوخر راسي ينزل ع ركبتي
ويعظ بكل قوه كمت ابجي من الوجع
عله صوتي حط يده ع حلكي

وهو ضخم وطويل واني يمه دوده
سيطر عليه فقدت لامل كلت خلص راح اروح ع يد هذا نكس

جان فجه ينجر من ورئ

لك عار عرفت مصيرلك جاره
يلام ابوك بيك
اني سمعتك من كتلها انتضرج
عرفت نيتك زفره

ناظم .يمه لا تدخلين فتهمتي

ام احمد .خاب وغمه تغمك وتغم امك عبن جابتك شلون اني بيك شوكت تعقل

نديمه .عمه حجت وضربته ع صدره

واني شابعه بجي ومكرفصه بلكاع

ام احمد .كومي يمه لغرفتج
وقبل لا هاي سبحي وسمي ع نفسج نكسج النكس الحقير

ناظم .ههههههههههههه لا لا بعدها
لو متخرا شويه جان صدك تستحق تسبح

نديمه .يحجي واني كمت اريد اروح للحمام لان صدك لعبت نفسي بدي اذب من راسي
جاي يوكع من طوله

ام احمد .يمه ابني ولك جابرك ع شرب
مو راح ضيع روحك يا يمه

ناظم .اي اي اضيعها بس انتو معليكم
يله وخري خلي نطمر خربتي واهسي عبالي ارتاح

ام احمد،.خرب غيرتك ولي نطمر همزين لحكت الفرخه جان فطست بيدك

نديمه .طبيت سبحت وشوف روحي بلمرايه وجهي احمر وثر صابيعه ع حلكي من كد لازك اديه وركبتي توجعني من عضه افرك بيها
كملت رحت للغرفه
قفلتها عليه بعد ماامن بي هل حقير
رعب بيومها حتئ من نمت مارتاحيت
كوابيس تجيني

كعدت صبح واني مرعوبه

حلمت اركض مكان اضلم خايفه من جلب جبير
ابي فرع اطب الكا كدامي
تعبت حيل ريكي نشف
ثناء ما جاي اركض وكعت بحفره
وجلب موجود بيها نفسه
جان يكمز عليه وينهش بلحمي
واني اصيح محد يسمعني
كعدت ميته من الخوف وعركانه وعطشانه وخايفه ماعرف احمد ربي حلم ماعرف ابجي لان طلع حلم
كمت توضيت وصليت شويه رتاحيت
عدي مرايه بلكنتور كمت اشوف ركبتي

ياالله لكيتها زركه وكو وحده حتئ طبع سنون بيها جلب حشئ مو رجال

ماطلعت ابد
للضهر واسمع هلاهل
تقربت ع الباب اسمع

طلع جنان جابت علكوله سناء
ولي العهد

اني هم ماطلعت مالي خلك اشوف احد
10دقايق وندكت الباب

منوو

خابيه وجعه اني ولج دنيه نكلبت وانتي نايمه
جيت
فتحت الباب

سناء.ماجيتي بارككك...

ها شبيج علستي شكو

سناء.دهر صابج سنيوه ولج هاي شنو البركبتج

نوييظم المفلوك

نديمه .اي اكو غيره جلب بلبيت

سناء.وج كعدي سولفيلي من طاطه لسلام عليكم اريد اعرف كلشي

وكعدت اسولف سناء صار

سناء. خرب غيرته ولج هذا شلون
والله لو يدري عمي لو احمد يدفنو وهو عايش

نديمه .فدوه ماريد مشاكل خلي يولي
بعد ماوصل يمه

اي اي لا توصلين بس والله لايكاتلج حلوات عليج طبعات هههههههههه

نديمه .شوف هاي ولج ياليكاتلي
لحد يسمعج يكول برضاتي اني مكيفه

مادام هيج تعالي اسولفلج ع جنان

اي نطلقي خيه ام العلوم

عابتلج مو صوجج صوجي اني جيتج خلي اولي اخدم جنان احسن

هههه
هه تعالي عليج الله سولفيلي

اول مادخلت ولا يكولك جايبه
صلاوات هيج رافعه خشمها اوكفي لحضه خلي اقلديج

نديمه.هههههههههه ولج تعاي كملي
يمه متت صدك هيج من تنغر تكوم تمشي مثل طاوس

اي جان عمي مايقصر ذبح طلي جوا رجليها

وخذ الولد كبر بذنه

احمد .حجي انته سمي
بكيفك
حجي خوش لعد اسمي
نهاد ع اسم رفيجي العزيز

احمد .احلا اسم والله

اي يختي جان يشرف اول حفيد ولد
بلعائله الكريمه

نديمه .بلخير عليهم يتربه بعزهم

ولج مو هنا المشكله

خيه هيه من غير مطي ع كوله عمتي صيح بالك نوب ولد
حطو طوسكم ع روسكم يعوران

هههه لج كراعان كراعان

خيه هيه عوران كرعان اهم شي الفكره

نديمه ثاني يوم
طلعت لافه روحي زين بربطه
وخطار وناس طابه وناس طالعه مافرغنه ابد
سبوعين وناس تجي علمو ولي العهد نهاد

كاعدين بليل كلنه نشرب جاي

ابو احمد. عكب باجر حضرو نفسكم الملجه مال نديمه وناظم

ناظم .همزين كتلنه قبل يومين عبالي قبل ساعه اسبح وجيك راسي مناشف من المي وعقد
ام احمد .هو وراك وراك قابل شعدنا
شو كلشي مجهزين

ناظم .اي ليش اني هم اريد استعجل

ابو احمد .ها شعجب غيرت رائيك
منو القبل سبوعين ماريد وماريد

ناظم .والله حجي ع العالم اضمها عليك ماضمها عندي موال براسي
بس كون يصير كول نشالله

ابو احمد .نشالله خير

احمد.الله اليستر اني مامرتاح

ناظم .ههههههه هيه شغله بيها ستر

ام احمد .خاب يلماصخ لو تكول لو تاكل تبن وتسكت

علي .خوب انته شبعت تبن من الحجيه هل فتره

نديمه .يحجون واني خايفه من نويظم اكيد اكو شي باله
مو خالي
الله يكفني شره

التهينه هاي اليومين
بصالون وتجهيز الملجه
واني فرحانه والله مو بناظم
لا شعور حلو تجهزين نفسج
وحفيت وشتريت كوستم مال عرايس
وميشت كذلتي
وشترينه نيشان
كومه وذهب
عمتي ابد ماقصرت ويايه الله شهد
يعني ماتشتري من شي اله ثنين لو ثلاثه
كومه شغلات
جهاز عروسه كامل

وصار يوم العقد

نديمه .ها سناوي فد لا مبين اثر البركبتي

سناء .طالعه جننين ولج مو طبيعي
وبخصوص لا ثر هو رايح بس هاي خراميش مال سنون غطتها بتوب شيرلي

ماكو اثر وداعتج
وللحتياط عيني هاي ربطه سويلها فيكه حلو
ع ركبتها

اي عيني صار تطلع بعد احلا

رجعنه من صالون الكل موجود
ويدكون ويركصون

فدشعور صابني مكروه حسيت بلوحده
اي اني وحيده ماعندي احد

منو يسلمني للعريس منو وكيلي

دمعت عيوني اكول ربي لو مخذني وياهم

اجه شيخ وعقدنه
وكلت نعم وانته وكيلي
كلشي مافتهمت بس كالولي كولي هيج كلت
وكعدت عمتي تتباها بجهاز وتراوي كرايبهم

جان طب لحلام
عيني طريق يريد يدخل العريس

ودخل ناظم شكله رجولي وهيبه
والكشخه تسطر
سلم وكعد يمي

ناظم .هلا امرتي
بلخير عليج اني

نديمه .بالله هذا شجاوبه صدك جذب ضليت ساكته

احلام .نظومي لبسها ذهب

لبسني بس هو يتفئف
ضاج

كامو يهوسون حبها ولك حبها لاتخاف من عمها

جان يقرب يبوس راسي
وباسني من خدي

ناظم .بليل اريدج صعدين الغرفتي عندي حجي وياج
واذا ماجيتي تعرفين شنو اسوي

نديمه .يمه لحكيني صخام بجهج نديمه
علا شنو ناوي ابو المصايب

تم نشالله
ناظم .اي عفيه عليج اريد هيج دائما تسمعين كلا م

طلع واني بقيت افكر هذا شيريد
وصعد لو لا
هو لو نيته شريفه جان كالي تعالي للمطبخ ليش للغرفه
ولج يمصكوعه هو بلمطبخ وزوركني
شحال بلغرفه
لا عيني ماروح خلي يركع
راسه بلحايط

ركصو البنات وهوسو
وعشو المعزيم وكلها طشت
بقينه بس احنه اهل البيت
دخل عمي والولد باركولي

الحجي .الف مبروك بنيتي

نديمه .يبارك بيك عمي

هاي هديتج فتحيها بلكي تعجبج

فتحتها لكيتها كلاده قران جان مديلها جديد كلها طاشه بي فد كيفت جانت امنيتي صير عندي مثله

شكرا عمي احلا هديه والله

بلعافيه يا بعد عمج

احمد وعلي .خلو لي فلوس بيدي

نائل.اني ماجبت هديه
اني طالب ومفلس خلوها ع عرس اجبلكم صندوك ببسي من هذا المحترم
وفضو سالفه

كل ههههههههه
احمد .يا الله شكد مكلف نفسك
بابا جيب شربت جياسه وهمه يخبط

ام احمد .يمه الغالي للغالي
مقامهم ذهب هذولي عزاز كلبي
سناء.ها عمه لعد شنو احنه هنا جيس طحين

ام احمد .خايبه شفايتلج جيس طحين هو منو لاكي بهلوكت طحين

جنان .اي اي ابن عمي وبن خالتي والغريب فضالتي

ام احمد .اي يجنانو رحم الله امرا عرف قدر نفسه رتاحي

الحجي .والله كلجن عزيزات عندي
امهات احفادي اعز من بناتي
الله شاهد مافرق بيناتجن
وها اخذجن افصللجن عبي ع ذوقجن كلجن بمناسبه عقد نديمه

سناء.يمه الله يخليك ويحفظك انه ويطول بعمرك

جنان .عمي شني بس عبي اريد كوستم

ام احمد .حصلتلها رجل وكالت اعور

خاب طوني شي اهفه بي ونعل شيطانها

ولج رجال كرم انتي ستفلكتي الوضع اليش

جنان .احمد كللها هسه اني طلبت منها لو من عمي

علمود تنهد عليه

ام احمد.اي اي خلف الله عليج مو اني جلب ونهد عليج

هههههههههههههه

لا والله ماكلت هيج عمه شبيج عليه اقل

حجايه وعلقتي عليها

ام احمد .عبنج مفلوكه ودورين طلايب

حجي .كافي دوختني يله كل وحده ع غرفتها

وها يم طلايب لمي بناتج اريد انام تعبان

جنان. يا عمي حتئ انته

ام احمد .لا لا قصرت يحجي مفروض تكللها حشا طلايب منج

لكل ههههههههههه

نديمه .راحو نامو الكل

واني سبحت وريد انام

وذكرت نويظم

اوي خلي يطير ماريده روحي

اروح برجليه اله

نمت واصلا مابالي

حست احد يظربني ع خدي

كعد لج ......

يتبع

🤔🤔🤔🤔🤔

توقعاتكم

منو كعدها🤔

والكعدها شيريد🤔

واذا .ناظم .شتتوقعون يسوي

وخلي بالكم البطله تابع تعليقات
🤗🤗🤗🤗🤗🤗

واكو يكولون البارت قصير

بنات اني جانت نيتي انزل بين يوم ويوم بارت طويل
قليلت شويه منه وكمت انزللكم كل يوم بارت

جوارح زيرجاوي