[لامارا]

بارت (6)

ركضو بيه للجده وللربعه الفجر يله جبت
متت تعب ع وجع ع قهر ذكرت فهد
وخايفه هاي هم ماحضه بيها

نديمه .سمعت صوت نساني تعب العمر كله
خاله خلي اشوف عليج الله
جده .اي يمه انضفها وخذيها لج هيه مراح نجلب بيها ههههه
شلون حلوه تخبل تشبهج

خاله بنيه مو
اي يمه كمر مو بنيه صلاوات
شنو اسمها

خاله سميها جيهان
يخبل يلوكلها
نص ساعه وجابت بتي
الله فد شعور حلو اخذته والله نسيت تعب
يمه رضعيها زين لها هذا صمغ يقوي المناعه
ماعرف خاله شلون
اني علمج
وصدك حطت سدري بحلكه وهيه مبينه جوعانه خذته بلهفه واني خربانه ضحك دغدغني
عمتي اجتي وناظم بس ماحجي ولاشاف البنيه اصلا اني نقهرت بس مابينت الاحد ضوجتي لان شفت عمي وعمتي شلون فرحنين وعمي حتئ فلوس وزع ع سلامتها
مر الوكت وصار عمرها 9اشهور هستوها تزحف والكل فرحان بيها ويحبها خصتن عمي مدللها له ناظم حتئ هيه متريده
تحب علي واحمد ونائل اكثر من ابوها
اصلامرت تبجي بليل يطردني اني ويها
وصار عمر جهونه سنه ونص
وصرت حامل
وجتي موج فدوه عيونها ملونه مثل عيوني وجهونه مكيفه بيها
وناظم بعد منشوفه فتح شغل بغداد
ويجي يريد حقوقه ويخذهن وبس لا يعرف شبيه ولا يسئلني شمحتاجه ولا باله اصلا البنات ميعرفهن منو موج منو جيهان واني ماعاتبه ولا اكول اهم شي عندي بناتي كبرو البنات صارت جيهان عمرها6سنوات وموجه عمرها 4سنوات
جيهان موكفه البيت ع حيله ناعمه بس بيها كل البله اكبر واحد تكتله وتتعارك ولسان حييييل تعبتني بشكل عكس موجه هادئه وماتحجي مثلي بضبط بس جيهان ممقصره ماخذا حكي وحك ختها
جان جهال يشتكون ناظم
منها
ناظم .ولج فاره اليوم اموتج شلون تفشخين ابن احلام ولج اكبر منج
لا بابه فدوه لا تضربني ولا ماسويها بعد

لا انتي ماتوبين اله تنحبسين
ما ماااا فدوه بيبي راح يحبسني بلمخزن

ام احمد .ولك نويظم فرفحت البنيه عوفه هسه يجي ابوك اني بعد ماضل هنا لو اني لو انته
يمه رجا رجا لا تدخلين بتي واني اربيها

ام احمد .سامع ابو الوصخ بته ولك انته هم تعرف عندك بنات تعرفهن شمحتاجات شنو يردن شنو يحبن ولك كفر يسمن بسمك
نديمه .اني ماكدر احجي ولا ادافع عن بيتي لان اكيد يسحلني ويها اتمنه عمي يجي بس هو اليكدر عليه
اجه عمي وشافه شلون حابس جيهان وجيهان تناشغ وتبجي وتشتكي الجدها
الحجي .يناظم ع هاي عملتك اليوم ماضل بلبيت روح سولفك المكسره
يارعن مو صوجك صوجي ماعرفت اربي
ناظم.بتي هيه مالكم دخل بيها
لك كو..د اصرف عليها اول ابو النسوان فلوسك بخت الك ...

هم رجعنه ع هاي سالفه الماتخلص
اي اني ابو نسوان لك عندي شي
الحجي طلع من وجهي لابارك الله بيك

نديمه .هم اخذله سبوع مايلفي للبيت
بعد شهرين تئكدت حامل
وخلصت فترة الحمل واصلا ناظم مكالي شبيج مابيج شوكت اجيبين بيج بنيه ولد ابد اصلا ولا عبالك بحياته يجي يحاسب جيهان ويحاسبني .
والله اني شكد ماعندي اربيهن ع صحيح لان اني الام والاب
وهسه احنه سنه 99 شهر 5 اربعه برمضان صالي يومين احس يوجع قوي
مو طبيعي
نديمه .جهونه ماما عينج ع اخيتج حبيبتي اروح الخاله ام علي اجيب عنونه علمود تلعبون ويها فدوه امي لاتخلين بالي يمج لا تتعاركين .وجيبلج ثوب حلو للعيد
جيهان .اي اي اريد ثوب واريد عنونه نلعب ويها واذا حسوني ضرب موجه اموته وفلش سيارته

لج يوم عوفي العرك ابوس يدج بس خلي اخلص واني عود اكول لابو عليه مو يشتكون لبوج ويحبسج فدوه بنيتي كعدي بلغرفه ولعبي وي اختج الم جنطه مالتي علمود اجيب
صحت ع سناء جاني طلك بساع
فدوه يله راح اموت
سناءلو منتضرين بلكي ناظم يجي يخذنه هسه وين نلكه سياره
وج خيه هو ناظم يمته درا بينه وين الله عاكطنه ملتهي بنسوانه امشي خيه انا الله
ورحت وفتحت ورده جديده بحياتي
وجتي جنه 10/5/1999
جنه حلوه بس تشبه ناظم حيل ملامحها محدده يعني عيونها مكحله حوجبها سود و خشمها طويل وحنطيه وطويله من جتي احسن من اخوتها وزنها

رجعت للبيت ورا ساعات عمري مراح انسه وكفات سناء وياي اكثر من اخت عليه وع بناتي
مرت سنه وسجلنه جيهان مدرسه وشاطره نار بس وكحه ولسان عبالك ولد وناعمه يعني بنعومه موجه عبالك توم مو فرق سنتين كل يومه جاي مشتكين منها بس اذا جدها هنا يعقبها يزعل منه جر عدل
بس اذا ناظم لا يموتها كتل
وموجه عكس اسمها نسمه هادئه مرات ننسه وجودها وعمر جناوني سنه تمشي تحب امير تموت عليه لان يشتريلها ويشيلها

جيهان .اكلك انته معليك هو اخذ جبسي واني ضربته بمسطره
نهاد .امش اليوم اله اكول العمي ناظم يموتج
جيهان .خاب طير انته وعمك المنشوفه بس بلعياد ومناسبات
نهاد .لج عيب هاذا ابوج ميصير شلون هيج تغلطين عليه
جيهان .شوف منو يعلمني ابن جنانو اني لو منك اطم نفسي امي جنان
نهاد .ولج عرمه متكده اني عمرج سبع سنوات ولج جنج لسان دلاله
جيهان .والله امك وخواتك دلالات
ابن جنان الوصخه
نهاد .هاي عليمن الوصخه اني علمج
اي اي هد شعري لك والله اكل جدو عليج اخخخ شعري يمه
نهاد .اله ربيج اليوم
جهان .لك حيوان تربي منو اني علمك
نهاد .اخخخخخ ولج جلب خو ما جلب
سناء.يااا يااا ولكم شعدكم تتمالخون بشارع
همزين مشافج نويظم ولج جونه ليش متعقلين
باجي والله هو بده
نهاد .اني ماحجي اليوم اكول الجدي يعني اكله وخلي يبطلها من المدرسه

خاف يبطلني وتزعل

نديمه .جاي اوكل جنه وسمع حجي جيهان هيه طب البيت وترعد ع نهاد

ها خيرج هم متعاركه ولج شلون وياج انه

اكلج ماما هو الوحد هيج يستقبلونه
غير تكليلي الله يساعدج
نديمه .اي هم صدك الله يساعدج ع طلايبج ام الفواين طبي بدلي وتعالي اكلي وحجيلي سويتي

اي اي ماشي عود هم اطلع اني الغلطانه

عززااااا بعينج ولج شنو من لسان

سناء.ههههههه يمه ماشفتي منضرهم هذا مجلب بشعرها وهيه قزمه وكامزه عضته من يده شالعه لحمه منه صعد لمه هسه تنزل ترعد علينه
نديمه .اني ناقصه وتجي جهان زودها عليه
سناء اكلج الولد يده تجري دم ههههههههه

يا سوده عليه شلون بله هسه بلكي عمتي تجي عدين تحلها وي جنان مابيه حيل
الله وكيلج طب عليه تكتلني
ههههههههه لاانتي بس هدي عليها جيهان
تاخذ حقج يا الفاهيه

وصدك نزلت جنان ترعد رعد اكول جيهان عليمن طالعه ع جنان
وي طبتها طب ناظم ساعه سوده من اريدك ماتجي راحت بيها جيهان

وشكتله جنان وشاف يد نهاد صدك جارمه بي
جيييييييييييييهان
تعالي

جيهان .يمه يمه ولج موجه شوفي بيبي لو جدو هنا راح يموتني الوحش
موجه .لا ماهمه طالعين حتئ عمو احمد وعلي ماكو بس عمو نائل جاي يدرس فوك
جيهان .لج روحي يالفهيه صيحي راح يموتني بابا
جيهاااااا ن
تعالي بت الكلب اليوم اموتج

طب عليه وسد الباب
لزمتي كطعني تكطع
فدوه بابا اخخخخخخ جاي تذيني ابوس يدك بابا والله ماعيدها والله
اني راح اخليج متعيدها
جيهان جان اشوفه جاب المكص وكص ظفايري وشمرهن اني من شفت كص شعري وخر ركعته ب بسراحيه الكزاز جان طيح بكتفه عاط
اجه شالني وركعني بلكاع صارت الوكعه ع يدي موتتني اسمع امي فلشت الباب هيه
وباجي سناء وعمي نائل
جان ينكسر الباب وعمو نائل يجره ويطلعه مثل الوحش محد يكدرله ودخلت امي ميته بواجي واني اصرخ من يدي توجعني دخل عمو نائل وخدني للمضمد يمنه وطلعت مكسوره وجبسوها واني ماسكتت من البجي ع يدي وشعري

........يتبع