[لامارا]

البارت (9)

.هي #حيره

#وحيرة الانثى #گبيرة

من تحس ماخوذ حڪها
#بلا وعي تگـص

#الضفيره

نديمه .ماعرف شلون هيج اجتني الجرائه

احاجي واكف بجها بس لا منا وجاي لا زم اكون قويه لجل بناتي

مرت الايام والبنات زينات بمدرسه
ماعاني منهن وحده تقري الخ
وابراهيم ع وعده يوصلهن ويجيبهن
هنه شبه تقبلو الموضوع بس جيهان ع يا ساعه تكب مؤقته

الجو صاير بارد حيل اكو بطاطين قديمه

كلت ادكها ع بيبان حتئ يدفه البيت
خطيه البنات وجبت صوبه ونفط

البنات رجعن من المدرسه وتغدو

زين موجه تنضف المطبخ
وجيهان عدها امتحان راحت
تقرا جنه تلعب بره

اسمع جنه تحجي برا وي واحد

طلعت اشوف منو

اباوع لانها نهال مرت ناظم
كاشخه وذهب موطبيعي

اهلا وسهلا تفضلي

نهال .هلا بيج ام البنات
ماكدر ادخل عذريني

ملابسي جديده

نديمه .لعد شعدج جايه
وشنو الحذفج علينه
ماطول مقامج ميسمحلج

ههههه لعد شكد ميحبج من مكعدج بهيج خرابه واني مكعدني بقصر

الخرابه عجبتني احسن من القصر بفلوس الحرام

جان تضربني راجدي
واني تخبلت

هيه طويله ظربتها ع بطنها

دنكت لزمتها من شعرها

سحلتها وكعت عليه
ماسيطرت هيه اضخم مني واوكح
نجعصت جواها

جنه .لج جيهان موج الحكو ماما كتلتها شريره

جيهان .طلعت وشوف هاي راكبه ع امي وامي ضايعه جواها

باوعت منا منا مالكيت بس طبله امي خلتها تعلك البطاطين
طبله خشب
وشيلها وع ضهرها دك

لمه بعد متكدر تحجي
وسحلتها من شعرها

نديمه .عزا العزاج نديمه

ولج سويتي

خلي تولي اليوم اكطعها

جان اركض للحمام
اجيب سطله مي
وشمرها عليه

هيه شلون صحت
ومن صحت كامت تفشر وتغلط وهيه ع كعدتها
جان من شعرها

وجريتها هيه اجت وياي وو
للباب

ودفعنها اني وامي وسدينه الباب

موجه مي بنيتي

اي ماما صار

نديمه .الله لا يوفقج نشالله
يبست ريكي

ولج جيهان اني شلون بيج ليش تدخلين

ماما هو شنو ادخل شفتها تكتل بيج مادافع عنج

نديمه .ولج شي خلصنه من نويظم

خلي يجي اكيد ينكتل مثل مرته العار

ساعه تمام

وربدت الباب عبالك مداهمه

بنات شنو يصير مطلعون لو تنكلب دنيا

لكل تمام ماما

دخل ناظم

الله يساعدك

ناظم .الله لا يساعدني نشالله

شلون تتجرئين اتمدين ايدج ع تاج راسج

نديمه .منو قصدك بتاج راسي

منال تاج راسج وراس عشيرتج

نديمه .تاج راسي النعال

ناظم .ايا بت النعال ع هال حجايه
اني مامربيج لو مربيج زين متتجاوزين

ع اسيادج

ومنو اسيادي بله
هاي المخذها قبل زواج انتي
تعرف بيش تقارني لك اني
نديمه بت عمك مو جاي هاي
تالي وكت ماتعرف اصلها من فصلها حتئ تفضلها عليه حضرتك

اكلج تحترمين نفسج لو شلون

نديمه .جرني من شعري
صح اخخخ عفني
يا حقير

ناظم .اني الحقير ارويج الحقاره ع اصولها
نديمه.ماعرف ضربه شلون كامت تجيني

جيهان .اسمع امي تنضرب متحملت
طلعت

لك عوفها متخاف الله يا ظلم
يا وحش
هو من سمع
طلعتي والله جابج
راد يهجم عليه يضربني رئسن ضميت وجهي بس ماطاحت الضربه بيه

ابراهيم .بابا ماسمحلك تمد اديك عليهن

ناظم .وخر عن وجهي ابراهيم الا اندمك

بابا كتلك اخواتي اني المسؤل عليهن

وماما هيه الغلطانه هيه لجاوزت اكيد ع خاله

اطلع روح تريدك امي

ناظم .فد لا تخربطت مره ثانيه

ابراهيم .ماعرف روح شوفها

ناظم .بختكم بمنال ماعرف شبيها جان موتتكم ودفنتكم هنا

نديمه .طب .وطلع .مثل العاصفه

هنيال منال اي هنيالها
ع حبك لها وخوفك عليها
اني شنو ناقصني
يله الحمد الله ع كل حال اهم شي بناتي

جيهان .كومني ابراهيم واني صدك حسيت بي اخويه سند اليه
تذكرت بي جدو من جان يحميني
من الوحش ناظم

جيهان .ابراهيم خو ما تذيت

ابراهيم .اني براهيم ابن ناظم
المدلل الوحيد لامه

اي امي المهتمه بنفسها واهم شي عدها

المضاهر واني واحد من الحاجات تتشايم بيها لا مو لان عزيز لا متوهمين

لان نديمه ماعدها ولد هي عدها هذا همها

الوحيد تاخذ والدي من خاله نديمه
وبناتها

واليوم سمعتها كطعت المصرف عليهن

بس اني ماعوفهن هذني خواتي
عرضي دمي ولحمي
اني الحمد الله ما ناقصني شي
بس احس روحي وحيد ام لاابالي
همها ع نفسها وبس
واب ما تمنه اطلع عليه
رغم هو ما مخليني بعازه
بس لكيت نفسي

بين خاله وخواتي

مواليد 1995

طويل وضعيف
اشبه والدي تماما

طبعي .بصيط احب اكون ع طبيعتي

وحلمي خواتي يتقبلوني

ابراهيم . لا مامتوج بس شوفي خاله خاف

نديمه .لا يمه مابيه شي
فدوه طولك الحلو
الله يخليك سند لخواتك

ابراهيم .نشالله هو شعندي غيرهم

مرت الايام وخلص المسواك

وناظم لا حس ولا خبر حتئ ما دز مصرف

واني خلصت الفلوس العندي حتئ البنات مصرف للمدرسه ماكو ماخذو
الثلاجه فارغه حرت شطبخ غده

جنه .ماما جوعانه شوكت سوين اكل عبالي اجي من المدرسه اكل

مو تدرين ماخذنه مصرف ويانه

جيهان .حبيبتي جناوي مو تحبين خبز بدهن
جنه .اي عادي كلشي اكل حتلو خبز ومي

اكلو البنات خبز بدهن وجاي

الباجر جمعه ماكو دوام كاعدات يلعبن
اسم دوله حيوان ونبات وجماد

اجه ابراهيم خطيه

مسوك ماخال شي ماجايبه

خاله عذريني خاف قصرت وياكم

هاي مو من بابا لا تخافين
هاي مني
شهريتي وهاي مصرف للبنات للمدرسه

نديمه .يمه ليش هيج سويت
هذا مصرفك لك
مامحتاجين احنه
ندبر امورنه

ابراهيم .خاله اني اعرف بابا منع عليكم المصرف بس اني فكرت

بيج وجبتلج شغل
ولا تحتاجين احد بعد

نديمه .فدوه الكلبك

اي وين شغل

خاله بنهايه الفرع عدنا حجيه تريد
احد يساعدها
بلبيت لان عدها بس ابن واحد وهو ضابط والبقي عيفيها

تريد احد يطبخ
واني كتلهم عليج وكيفو

خاله فد لا غلطت بشي وستعجلت من غير ما اخذ رائيج

نديمه .لا يمه زين سويت هو مالي حل
غير هذا

زين لعد سبت من نطلع للمدرسه

انمر عليها واذا عجبج خير ع خير
واذا لا اني هم ماعوفكم ادبرلج شغل غيره
ولا منيه احد

جيهان .اسمع كلامه وي امي
يوم عن يوم يكبر بعيني
صدك اكول عندي اخ رغم صغر سنه
بس رجال احسن من ابو
يحس بلمسؤليه تجاهنه

جنه .برهومي اكعد العب ويانه

اي ليش لا بس علموني لان كلشي ماعرف

موجه .اي اكعد وعلمك ع لعبه

نديمه .كعدو شلون حلو يلعبون ويشاقون
وماتحله الكعده من غير تحشيش جنه

صار ليل سويتلهم عشه

كباب وطماطه وبتيته وخضرا وزلاطه خير من الله بفضل ابراهيم

بنات تعالو نكلو وياي سفره

وكعدنه نتعشه
اباوع ابراهيم ياكل ويضحك وي البنات

ابراهيم .اني اليوم ملك زماني والله

جيهان .ليش يا ملك زمانك شني طلعلك ورث ناظم

لا لا باع هاي

جاي اكل اكل بيت
كدامي اميرات
وسيده تنباس اديها
ع هل اكل عاشت يدج خاله صدك طيب

جنه .غير يستقر كاظم ساهر

اكول اكل وسكت بلا رومانسياتك يا القيصر

لكل .هههههههه

خاله اذا هيج كل يوميه اجي اكل هنا
خو ما تملون مني

نديمه .البيت الك حبيبي شعدنا غيرك رجال البيت

ابراهيم .اوكفي لحضه خلي عدل ياختي

لكل .هههههههه

جيهان .اشوفك مصدك نفسك

وليش عيني ماصدك عدكم غيري رجال

موجه . لا ماعدنه انتي رجال
الوحيد مثل هاي المسلسل المصري
مال راجل وست ستات

ابراهيم .عبتلجن تلهن الواحد بسولفجن
اروح لا ترزل من نويظم
كتلهم ادرس وي صحباني

جنه .خرب كام يصح
مثلنه نويظم هههههههه

غير انتن عديتني

نديمه . طلعت صبح وي البنات
ولكينه ابراهيم نص طريق

صباح الخير ياحلوات
ها شو اليوم متخر

اكلكم بس سؤال واحد

منو الام ومنو الاخت جبيره

جيهان .ليش ولك ماتعرف

لا والله كلكم نفس الكصه وجمال

نديمه .نزول عليك لسانك ينكط عسل

جيهان .اي خوب انتي كيفتي
كالج صغيرونه

نديمه .مشي لج تغارين انتي

موج .ماما توصلين ويانه للمدرسه

ابراهيم .لا اوديها لبيت الحجيه
واني اوصلكم

نديمه .وصلت للبيت جبير
ومن هذني راقيات
دكيته فتحتلي بنكاليه

تفضل ماما
رايد شي انته

اي مو بيت ام علي

اي ماما موجود داخل تفضل

دخلت لكيت المريه اوخر الخمسين
جبيره بس وجها نوراني

ام علي .تفضلي يمه

زاد فضلج خاله

ام علي .انتي خاله برهومي

اي اني خالته

شوفي يمه تنضيف البيت
ع بنكاليه
بس اني ماحب طبخها

اريد منج تسويلي ريوك وغده بس لان ماتعشه
وريدج تساعديني اليه كومتي لبسي شغلاتي انتي سويهن
كل يوميه تجين
نديمه .اي زين بس خاله
اجي كل يوم ساعه ب 8
ورجع ساعه 12وعد اكمل كل شغلي
ام علي .عله راحتج
وراتب هذا مقدمه لان برهومي كالي ع

ضروفج هذا كافي

نديمه .اي خاله كافي وزايد والله
رحم الله ولديج ونشالله ماقصر وياج

تكدرين تباشرين لا مامتريكه ليهسه
خلي اجرب اكلج

رحت فتحت ثلاجه كلشي متوفر
سويت جاي
وسلكت بيض وجبان
ورتبتلها سفره حلوه وصمون

تعالي اكلي وياي وصيحي ليدي

شلون حجيه رتاحيتلها

وكعدنا نسولف خطيه ابده مامتكبره

وحجتلي عن حياتها

خطيه ولدها مزوجين وعيفيها
بس ابنها زغير
ملازم اول
اسمه سعد
بس اكثر شي بدوام
بعده مامزوج

واني حجيتلها عن بناتي

وطبخت الغده

هم سويت سوب دجاج
وتمن وشعريه

وتغدت
تعالي اكلي وياي

نديمه .لا منتضره البنات
خطيه يضوجون يتغدون بحيدهم

ام علي .زين لعد هذا البجدر خذي كله
لان بعدمحد ياكله حرمات
يخرب هذا حصتج

اني هم ماكلت شي اخذتها
وكملت حتياجتها وشعلي
ع اكمل وجه

خاله اني رايحه
وهدني الاخذتهن

ام علي .روحي خاله الف عافيه

رجعت للبيت فرحانه
وكت جيت البنات
حضرت الاكل وزلاطه ولبن سويتلهن سفره معدله
سمعت الهوسه يعني اجني

ابراهيم .خاله نقذيني

خيرك يمه شبيك

خاله جوعان ميت جوع وريحه لاكل تسطر

ههههه غسلو وتعالو اكلو

كعدو ياكلون ونقاشاتهم بدت شكد حلو
لمتهم ذكرت فهد لو عايش جان هسه اكبر
اكبر واحد بيهم بس الله عوضني بناتي وبرهومي

ابراهيم .اي والله خاله عاشت يدج هسه يله كمت اشوفكم بوضوح جنتو مغوشين
عندي من جوع

جيهان .هههههههههههه اكول جبت طريق
كل ساع تريد طب بيت عبالك بيتنه
طلعت من جوع تعمه

ابراهيم .اعمه وابوي ماعرفه

جيهان .هو الاحسن اهم شي ابوك ماتعرفه هههههههههههه.....يتبع

شلونكم حبايب كلبي
هذا البارت تعويض ع قصر البارتات

السابقه نشالله يعجبكم

والقصه حقيقه والبطله تابع وياكم
وريد ريئكم بلقصه بلكومنتات

بليز مو تم 🙏🙏🙏🙏🙏

بقلم
جوارح زيرجاوي

بكم اكون