[لامارا]

#تراتيل_بزوغ_الفجر
ايلاف النجوم
#البارت الاخير

نورسين
بالمناسبه يمكن أني ماطرقت وياج بهل
موضوع ،،، يعني أذا قبلو أهله
أني ناوي أخلي باأسمي
.... أسد ؟!
...أييي
.... ليش هوا أسد سلعة وتخلي باأسمك
.... موهيج
.... لعد ؟!
... ﻷن أني معتبرة أبني أني راح أربي
.... قصدك تضمن هالشي خاف بعد
شكم يوم يجي عمه اوشي
.... أييي
ذبيت الكعب وهوا واكف منتظر جواب مني
جاوبتة :قصص وروايات عراقية كرار صلاح
.... أبو ومثل أبو على عيني وعلى راسي
بس مامستعده أسوي هيج شي وياأبني
بغض نظر عن تصرفات ليث وياي ... بس !!
حجاية حق تنحجي
ليث لحد قبل لايطلع بالباب .. كال : نورسين
أني بنفسي الولد
راح هوا شهيد الله يرحمة ،،، بس من يكبر أريد أبنه
موجود .. يكول أنته ابو الربيته تعلقه وقدوته
بيك ... بس ماينسى أبوو الحقيقي
ماأريد أعيد غلطة أدوارد باسل
هاي أنته تعرف عمك رباك ومو ابوك الحقيقي
بس حتى بعد موته تحترمه .. عكسك
ادوارد ابوي سجلة بااسمه
ووفرة كلشي بس
هوا من عرف بالحقيقة هدم عائلتين سوا
عائلتنه وعائلتك
.... تذكرين ليث
.... مو مسأله أذكرة رغم جمعتنه علاقة من نوعين
اولها صداقه وبعدين .. الفراش يمكن هوا
راد ولد او رغبة .. بس اني همي
جان الطفل
لكن !!
بالحقيقه هوا جان يحب بت عمه ... أبتسمت نزلت
راسي كتله تدري أيام ... من يحجي عليها واني
بتركيا نتصل ويسولف وياي بااخير
فترة تغير هوا حتى ترك الشرب
يكلي امنيتي امووت ... اشوفها اطمن عليها امنيتي
اشوفها بحلم تمر عليه ... بس ماكوو شفتها
بس اول اسبوع بعد موتها
كعد عالفراش ... ذب الحذاء كال : كملي
بساطه علاقتي ب ليث جانت بيها صداقة .. هوا يفضفض عليها واني عليك لعلمك بس حتى
بعد زواجي
بس هوا انطاني ثقه ... كال : طلعي سافري تعلمي درسي شوفي الحياة ... انطاني الشي الجنت
محتاجته ... وكال : أني واثق بيج نورسين
طول فترة زواجي لااتصلتوبيك ولاخابرتك .. ولاجرئت
اخون ثقته رغم جنت اموت باليوم الف عليك
وذكريات تذبحني ذبح .. للصبح
أحس نعش روحي رجع .... لمكان وأندفن بمگبرته هيج جنت
أدفن بحبك وأحفر بگلبي حفر عليك
فلهذا السبب اكولك اسد أبنا اني وياك .. لكن
صدكني ... هوا الشعور بالابوة بداخلك
مو بورقة اومستند تملك بيها
وثيقه
لزمت ايده .... بستها من كفها ... وكتله :
.. باسل أني أحبك بس
سحبني شبگني ... كال : وأنتي يوم عن يوم تكبرين بعيني واحترمج اكثر مما أحبج ﻷن بعشگچ
تعديت مرحلة الهيام
احبك في شدتي ومحنتي
احبك في الأحلام والتمني
واني صرت قطعه منك
وانت صرت قطعه مني
أحبك بحسراتي واوجاعي
أحبك بروحي والألامي
وفيك طرحت أوصابي
هوى ساحر منك طيرني
واحتواك واحتواني
وطهرني هواك وابصرني
ومزق عشقك خلايا جسدي
إلى أشلاء متناثراتي
فلا طاقه لي بفراقك
احبك اقدس حب
وعينيك صلاه أحلامي
وصدرك هو محرابي
فأنا اذنبت بحبك ذنبان
فذنبي الأول بعت عمري
واشتريت حبك
وذنبي الثاني أني أهواك
وابقى اعيش بذكراك
ويبقى طيفك يزورني
فاهلوس به وأنسى أنك هناك
ويمر الوقت فلا انساك
ولا وفاك يكفيني فاكف بذلك
عن هواك !!
.... قوت القلوب ...
أبتسم ... تقرب سحبني من خصري عليه وجهه بركبتي
.... أريد أكولك شغله
... هممم
.... باسل
ماجاوبني ان رافع الحجاب وخر ذبه وفتحه
كله .. نزل شعري تقرب شمني
لزمته من جتفه قصص وروايات عراقية كرار صلاح........... بعدته رد باسني من جتفي
ولثم شفتي ........... مد ايده لظهري نزل سحاب
أحس أيده من تلمسني .. دفو يسري بروحي
قبل جسمي ... ذب قفطان نومني وو
للفجر أحسه باله مووياي ... مجرد يلهي نفسه
بعدته .... كتله باسل ،،، شبيك أرتااح
وخر مني وغطاني
... أسف حبيبي
.... بالك يم نور مووو
كال : اييي بقة بالي يمها خوما متاذية مااعرف
يمكن اني اخوها وعيب افكر حتى
هيج بس أختي ... وكلبي عليها
سحبت الفوون ... أتصلت كال : لاموو هسه مخبلة ...... معليك عادي كاعده مليون بالميه
وفعلا بس أتصلت جاوبتني .. سولفت شوي
وياها ... كتلها
.... ضل بالي عليج
.... ماكو شي
.... يعني شنو ماكووو شي
.... هوا أخذ نيشان وأبتعد ... كال : أحسن
لاتتاذين شوي شوي
باوعت بسل اسرلي كلي سئليها هيه شلونها
... زين وانتي لووونج
.... ووولج أني رااح امووت أريد اعرف گلتي لباسل على الح.... ماخليتها تكمل سديته
باوعتله ... سحبت اللحاف
.... على شنو
... ماكوو
.... نورسين
... موضوع بيناتنه
.... بيناتجن شدددخلة باسل لعد
... هااااا
..... وجعاااا
عضيت شفتي دكيت ع خدي .. واسب بنور خرب بالحظ سوي زين وذب بالشط ريحت باله واني طاح
حظي وأنكبست
..... والله بيتنه بس نرجع لااربيل اكلك
.... لاهسه
.... فدوووة
.... أسمع يلااا أحجيييي
عدلت كعدتي سحبت اللحاف لصدري لزمت
أيده خليتها على بطني .. كتله :
... اول بارحه عرفت جنت مقررة اسويلك مفاجئه وكيكه بس .. نور جفصتها بعد
... ماتحجين شنوو
باوعتله .... سحبت نفس تقربت يمه شاورته
... حامل
باوع بعيوني ... يمكن حتى رمشه مرمشها
شوي وأبتسم ... فز من فراش كال : لاا لاا عود
صدك تحجين
.... اي والرب صارلها بحدود 4أشهر ظاهرة أعراض
حمل ... ومن حللت طلعت حامل بالثالث
ضل يباوع ساعه يبهت وساعه ... يضحك
شبگني وعصرني بكل قوته علييه
بليلتها لثاني يوم .... ذبح ذبيحتين راد يشيع كتله
لااا وكان رفضي قاطع ... خفت من امه
واخته ... ونوب اخت سهر ماردت
ياذني بشي او حتى بسحر
شوف شيسون
ماحجة بس ذبحهن وحتى نور وصيناها تسكت .. بديت
امهد الموضوع باأسلوب احبب ضي انو يصير
عدها أخ .. مثل أسد ساعات احسها
مرحبة للموضوع وساعات
العكس
ههههههه باسل مدللها دلال ... بحيث تغار من كلشي
رجعنه لاأربيل .... حجز لنور وسيف لسليمانيه
كللهم هدية عرسكم
سراج لاحتة الصبحية والعشا مال عرس والصور
رجعنه للببت ومر بعدها ... الايام سريعة بمرورها بطيئه بااحداثها
إيلنور رجعت سافرت .... وصل خبر قتيبة طارد
رويدآ من البيت وكل العرفته .. مرت علي
جاية هههه والظاهر اطگع من رويدا
وكل ظالم الله يسلط عليه ظالم
جان يخلص يومي بين دراسة ضي .. طبخ .. تنظيف
ضي هالفترة كلش اتعدلت وياي .. ورجعت
ضي القديمه مجرد ماابتعدت عن عمتها
وخالتها
أذكر ...
بليلة الي گنالها أني حامل ... ضلت صافنه بجت
وضحكت ... ابوها بوكتها جابلها كيكه
لحكتني للمطبخ .. تباوعلي وتباوع
لبطني
.... شبيج كلبي
.... أني احس بيج تحبين اسد اكثر مني
.... مواحبه انتي الجبيرة
... يعني من يجي هاي الطفل البطنج تحبينه
اكثر من اسد
سحبت الكرسي ... كعدت لزمتها من أيدها
بستها وبوست خدها
.... ماكو ام تحب جهالها بتفريق اني احبكم كلكم ضي
بس دائما الصغير اله الاهتمام والدلال
والجبير هوا يصير مسؤول
وانتي اختهم الجبيرة
موصح
هزت راسها
... بس بابا يحبج أكثر من ماما ويحب اسد اكثر مني
... بالعكس اصلا حتى داگ أسمج وشم من اول
ماعرفته يحبج انتي أكثر
رفعت جتافها ... جريت نفس تعبت شكد مااحاول
املي الفراغ الي ب ضي ناحية أمها
ماينملي ... سئلتها
... ضي انتي وين شايفه امج ؟؟
.... صور راوتني ياها خالة
.... زين تعرفين ماما تضوج اذا زعلتي
.... مازعلانه
..... لعد هاي شيسمونها
.... اريد ابقى اني الجبيرة
.... هههههه هوا انتي الجبيره ضي معزتج
خاصه ذول زعاطيط يولوون
ضحكت .... كتلها : بعدين تعااي كتلج اني أنتي
راح تختارين الاسم
.... بابا يقبل
.... هوا بكيفه
.... ههههههههه لايسمعج
..... عاتي عاتي ننكتل سوا اني وياج
.... هههههه
رديت كصيتلها قطعة كيك فتح باب
باسل شايل أسد
كال : يلا وين صارت
.... جاايين
أخذت صينه وكعدنا ناكل بوكتها جانت ... شتا تمطر
ثلج واربيل مليانه ثلج .. لثالث يوم ضي
لزمتها بلاعيمها تتقيأ
ماأخذنا للدكتور أني بالبيت شفت بلاعيمها كتبتله دوا بالرجعه هوا جابه ... ضلت صخونه داگه
بيها يومين
هههههه أحلى شي هيه مالها خلگ ،،، والتجمع
كله يمها بغرفتها كلساع واحد يجيسها
اجت أيه وصعدلها سراج
ويصيح ااخ يابوووية چنتي تعبانه
.... انت بس لوااعرف ولدك شكم وحده زوجهم
.... الشعر حلل اربعه كل واحد أله أثنين والثالثه
مجانا
.... ههههههههه
...... أنتي بس لاتلفين لبيتي وتسوين بي نسوان
ولدي فتنه ... أحنا نعيش
.... مضغوووط
.... دوولي فتنه بت إبليس
........ هسه غير يگعد راحة الملاك الحارس
..... ليش بويه موضباط وحماة الوطن أحنا
أيه ركضت سدت حلكه وتكله لا سراج
حبوبي والله ونعرف وعراسنه
بس لاتنفتح بالعسكرية
گمنا نضحك .. تعشو وگام گال : ماعدها غير العافيه
گتلة
.... جنت مقررة باجر احمي الغدا من للعشا بس
مسحتها مسح
.... اي وسلفني الي الباقي فتنه بت إبليس
من جيب الخلفووچ كاعد بيت اخوي
باسل كاضيها ضحك على نگرتنه
..... اي ادري هسه البشر ياكله لفة لفتين بس
3خبزات قصص وروايات عراقية كرار صلاح ... مجاعة افريقيا ماسوتها
.... ذيبووو هاي ملينه منها جيب السوريه
شبكني ويكله
..... هاي الخير والبركة
.... اي مو هيه تحديدا ﻷن خير وبركة جيب
السووووريا أفهمننننني
.... عااا شنو بيبتك اني وخيروبركة تنصبون عليه
ضلووو يضحكون ... ترخص وأني أشرله
باي ويكل لباسل شوفها شوفها فتنه بت آبليس
نزل سد .. الباب رجع لملمنه البيت
سراج من يجي ينكلب هوسه
الولد وكرار وهوا وباسل شقه ولعب
هالفترة أتواصل ويانور .. لحدما مرة جاوبني سيف
ويكلي عمي عوووفنها ... شهر عسل عسسسل
هيه ورجلها مو صديقاتها ههههههه
..... شهر حسل 30 يوم انته صارلك 3اشهر صيح
شهر عسل
..... شتردين شبيج مضغوطه شقه وموجوده وثلج
والجو برد وكل العوامل الرومانسيه متوفرة
وحبيبتي وبحضني هذا كله وماترديني
اكول شهر عسل عمي اشهر
مال عسل صارلي بالسنتين منتظر خليني أعووض فكوووني أشگ هدومي ... ولج روحي لرجلج فكننني
ههههههه سديته وعشوي جان انفجر
بيه ... هالفترة هاي
زهورة بيت سراج
بقت وبيتنه ... على حسب اليعجبها
فتت للغرفه باسل واگف ... عالمرايه يرتب ساعاته
جان عنده مجر مرلع 3طوابق مال ساعات
واحد فوك الثاني
شبكته من ظهرة وبسته ... ألتفت عليه وأبتسم
... تتحرشين هواي
... يعجبني عطرك شسووي
جنت لابسه دشدادشة قطنيه سحاب .. من طول لطول
كصيرة بس ردانها طويل وبيها كلاو
لزم بطني وبيدة ثانيه لزم خصري .. نزل جوا أنتجيت
عالميز ووجهه صار بطني
... تدرين بطنج برزت
... يي
.... تتوقعين ولد لوبنيه
... أنت شنو أمنيتك
... أني بنفسي الولد
.... زين وأذا طلعت بنيه تضوج
.... قسمة ربي والحمدالله على كل حال
.... والله صددك
... اي والله
..... توقعت تنقهر
.... ليش شبيهن شحلاتهن البنات بس شغله وحده
موحلوة بيهن
... وهي
.... اربي واتعب وتاليها للرجل
.... تؤؤؤ البت بت ابوها ماكو تاليها للرجل
..... أؤؤؤؤ مل حجي أكثر من نور
حتى مارفعت خط وأتصلت
.... خليها متونسه يوم يومين وتمل
.... ههههه لازم انتي مليتي
... منك انته ؟!
... جا أبوووي
.... شايفلك بشر يكبر ويمر العمر وياه ويكبر حبه
كام وكف .. وشبكني رفعني عليه
.... اااخ ياابه قزوومتي
.... باسل عادي أسالك سؤال وجاوبني
... ااييي
... مرتاح وياي أنته
.... ههههه أصلا عيب تسئلين هالسؤال
.... لاوالرب صدك مرتاح وياي لولا
.... أكو واحد ميرتاح بحصن النور لاوگمر وقديسه
طلعيلي صفه بيج عوجه ... غير قزمة وكاسرة
ظهرري
.... ههههههه انت طويل اني شكوو
تقرب ... همس للطول هيبه
أبتسمت حسيت نفسة
طخ بنفسي
لثم شفتيي ... مد.أيدة لزم أفخاذي وكال : تؤؤ تؤ تؤؤ شنوو هاي
...شنوو
..... بردانت يرادلهن دفوو مووو
.... لامابيهن شي بس أكوم
لزمني ويكلي تعاي ماكو درب فلته ووو
مر بعدها أسبوع رحت للدكتورة .. عااساس أشوف
الجنس وكالت مامبين وياي شي تعاي
بعد مدة
مرت بعدها اﻷيام ... بين ضي .. وبيت ومشاغبات
باسل الي ماتخلص ... وروحة للكنيسه
يوم للسوگ .. ويوم نفتر عايشين
ومرتاحين
بيوم بليل
فتحت باب نزلت جوا .. للحديقه فتحت باب ذبيت
زباله وسديته رديت فتت للحديقه
وخرت الثلج من المرجوحه ... وكعدت ثلج بصفي
كمت الم بي وأسوي كرات .. والعب بي
وبعدين افلشهن
نزل باسل ... كال : دصعدي شجاي تسوين بالبرد
... جااي اللعب
.... صعدي صعدي
شمرت عليه وحده ... سحب كمشه من درج
وذبها عليه
ماصارت كرة ... مايعرف يسويها صعدتله وأضحك
نزل مدلي ايده يكلي انتبهي لاتزحلگين ... صعدت
ويااه وكلساع اخذ ثلج واذب عليه
فتنه .. قفل الباب دخلت لغرفتي غيرت دشداشة
وتلفلفت باللحاف ... فات هوا
.... مدامج هيج بردانه شعندج نزلتي
... تعال خنام ذيب مدامهم غفو لايكعدون فدوة
سد الاضوية ... واجه يمي حوطني جنت مطيته ضهري باسني من علباتي ... وغفينا لثاني يوم داوم
واني ماكعدت وياالصبح ... ضليت غافيه
للظهر جريت بروحي جر طبخت غدا
رضعت اسد ... فتت سبحت هوا بوكتها
حتى ضي ماكعدتها ... لكيته خطيه
هوا مبدللها .. رجعت صبيتلها غدا
وكلتها وكلساع اكلها كملي صحنج عزلت ملابسها
انجطلت شوي عود كلت بس ارتاح ... بس خليت وجهي غفيت بدون مااحس ... حسيت العصر
ضي يمي بالغرفه ... لازمه فون
كالت :
... بابا جاي يخابر
جاوبته .. صاير أعصاب كال : وينج من مسأع أخابر
جاوبته بالگوة وأحس نار تطلع .. من وجهي
.....قصص وروايات عراقية كرار صلاح ماسمعته باسل
.... يعني أحترگت صار شي أريد أطمن عليكم
ليش ماجاوبين
باوعت الساعه ... كتلة ب3 انت ب 4ونص ترجع
..... هوا خااابرررت دااريد أكوولج راح اتقندر
وابقى بالشغل أصاافي
... حشاك وتمام ماشي
... أشو تحجين معلگ أنتي وتجرين بالحجي جرر
... باسل شبيك صاير أعصاب شمسويه
.... بسيطه من أرجع أعلمج أني أعرف شلون أربيج
... تمام
.... شنو تاخذيني على كد عقلي وتمام
أحس حلگي كله مطگگ من الحرارة أيدي
مابيه حيل أشيلها وحتى لساني
ثكيل ... جاوبته
... تعبانه باسل
... هوا شمسوية وتعبانه اشو
حتى ضي اني بدلت الها
... هسه مشكلتك شلوون ماكعدت وياك اليوم
دااكولك تعباانه .. موعندك دوام أصافي
روح كمل شغلك ليش تعاركني
..... هااا شعندج تردين بس تخلصين مني بالجذب
ماخابرتي سئلتي اليوم أكلت شرب يوميه كل ساعه
تتصلين
..... هيه يوم واحد طلعت عن القاعده شصار
يعني ... لازم ملساع أخابرك أنت موجنت
تضوج وتكول خلي اعرف اشتغل
لادكين كلساع ... شصار مصار اﻷ اليوم لوتريد عركة
.. اليوم الله وأعلم شعدج ماتشوفين تردين تزحلگيني
ودورين عالمشاكل دوارة
.... اني ادووررررر عليها
.... أييي أنتي شوفي نفسج شلون متغيرة حتى
ماوصلتيني للباب
..... ألسكس ويل يوم واحد صررت متغيرة باسل
أنت الي شبيك موانيي !!
... شوفي شعندج بيمن ملتهيه ؟؟
..... منتظرة صاحبي راح يجي مسويتله سهرة
وشووي ارگصله ... واهزله جتف
يعنييي شعنددددددي دأكوولك تعبانه
تعباااانه
... بسيطه خلي أرجع أذا ماربيتج أذا مااأنعل **
..... لاتسسسب باأبوووي
.... أنعل أبوج لابووو**
ضل يسب ببابا واني اكله .. كافي باسل ميت حرام
عليك أسكت .. .. .. أسكت لحدما صحت
.... انننجب وأكل تبن تروحلة ستين
ألف فدوة وهوا بگبرة
ديجاوب ،،،، ماخليته يكمل سديت الفون بوجهه
وكعدت ... رجعت راسي عالقنفه أفرك
بوجهي أحس الحرارة .. تطلع
من عيوني
...... ماما ضي ليش ماجبتيلي تلفون من خابر ؟!
... والله مانتبهت جنت اباوع باربي على dvd
بغرفتي ..... والفون صامت
تلفون مابطل رسايل ... دگ رسايل غلط وفشار ويتحلف وبس خلي ارجع واني اعلمج اذا
ماكصبت لسانج واذا واذا اهوووو
جايتله الشخطة اليووم
رديت أنجطلت ..... وأحس نفسي تلعب تقربت يمي
كالت خاله .. صاير وجهج أحمرتقربت جاستني
كالت مرتفعه حرارتج أخابر بابا
... عووووفي لاأشنقه لبابا
سكتت ومجاوبتني
غفيت وماحسيت ... بس صوت صياح باسل بين
النايمه والگاعده .. جريت بروحي جر
فتحت باب يحجي بالفون صار
بوجهي
خزرني غلط غلط وسده ... تمشيت للمطبخ شغلت
النار مرة مرتين ... قنينه مخلصه طلعتها
كلبتها بالكوة .. واگفه ... على طباخ
شغلتها
تقربت عكاونتر فتحت دولاب ... طلعتلي صحن
وأيدي أحسها ماتنرفع بحيث بيد لازمه
بيد كاونتر وبيد أريد أصبلة
غدا
صبيتله ومانتبهت ... شلون شصبيت بوكتها جنت
مسوية مرگة باگله من زمان طلعت
اليوم حميتها وبس طبحت التمن
خليت صحنين عالميز ولبن ... أجه باب المطبخ نتر
.... ووين اﻷكل أريد أزقنب وليش الحمام
ماجاهز .. موتعرفين بس أرجع
من الشغل ،، أريد أسبح
التفتت علية بعده بالزي العسكري رديت أنطيته
ظهري .... أكمل زلاطة حتى مباوعت
بوجهه اليووم ... بس جاي يصيح
وينتر يريدني أرد عليه حتى
نتعارك ﻷن مساع هوا العايل وهوا ضل يسب باابوي
جاوبته
..... هسه أنته أنته أكلت
... يوميييه قبللل لاازقنببببب أفوت أتقندر وأسبح
.... هسه أسووي ألك
.... بسرعه
... اوكفلي بس أصب
صاح
.... كلت هسسسسه بسرررررعه
عافني وفات للغرفة ... رحت فتحت الحمام سويتله
ماي بس جسته كمزت ... بحيث كمت ماافرق
بين حار وبارد
طلعت دكيت عليه باب الغرفه ... وأسمعه يتصلون
بي طلع وبعدة بالزي
هسه انت بدلتك العسكرية مذابها
... كمل يالله
فات للحمام ... رديت للمطبخ يمي صحنين شوي
وأجه .. للمطبخ يصيح يبوووي والله سطرني
بحيث اليوم حتى ضي ماتقربت يمه
... وووووين سللاباااتي وشنو فاتتحتلي ماي حار
.... هوووا شتاا البشر بيمن يسبح بماي بارد
.... موتعرررفين اني مااحبه هيج
... نسيت
شاله صحنين ورگعهن بالگاع ... يضل يسب ويفشر
ويكووول ماارريد ازقنب عساها جية السودا
واحد يرجع لبيت يرتاح
عفته وماكمت أسمع بس صوته .... تمشيت لباب
المطبخ ومجاوبته اريد أنام .. بس أريد امدد
جسمي ... حتى أسد سمعت صوته
يبجي مابيها حيل اروحله
لحگني للصاله ... ويگلي :
... ليش هيج صاير تحگرين وماتهتمين وين بالج
أشو ضاربتني بعرض الحايط
مجان بيه حيل أجاوبه ... أريد أشوف أسد بيا غرفة
صووتة التفتت ... هوا وراي سئلته
... أسد وينه
صااح
..... وووولج ليش تحگرررين جاااي اححجججي
شهل أهمال .... تردين تجلللطيني
حقيرررة نذلة انعل ابوج لابو الجابج بت الجلب
فتحت يدة باب الغرفه فتت ... كتله :
... اني اهلي چلاب خليت الحنيه لااهلك
صااح
لتجاووووبين .... لجاووبيني لااحرگچ حرگ هسسه كعدت عميز تواليت ... وهوا صوت بالسما
وصوت بالگاع التفتت .. ضي بالباب
تبجي
اشرتلها تعاي حبيبتي ... اجت شبگتني وهذا تخبل اليووم بتي مااجت باستني ولاشبكتني جاي
تدحين بيها عليه ... كام يطلع سوالف
سووووالف
ماحسيت بس صار بظهري ... سحبني من شعري بمجرد ماسحبني .... وگعت وغمى عليه
فتحت عيني ... حاضني على چتفه .... يرش
ماي بوجهي .. لبسني عبايه أسلاميه
سحاب بوكتها .... شالني سحب سويچ
ونزلني ... فتح سيارة
مااعرف شيحجي وياضي طلعت مرة جارتنه كلتله
رووح اني باقيه يم الجهال ... ماحسيت
بعدها بشي
فتحت عيني ... نايمة عالسديه يمي دكتورة
سحبوني بالفراش لغرفة الدكتورة
اباوع مغذي بيدي
... بيا شهر ؟!
جاوبها
....أخير أسبوع بالخامس
ضلت تحجي فتحت عيوني ... بين نايمه والگاعده
باوعتلي أبتسمت ... كالت :
.... صح النووم
.... أهلا
..... الصخونه داگة بيج تعرفين هالشي موزين عليج
بهيج فترة حساسة للطفل
... مااعرف نمت مابيه شي باوعت لجهاز السونار
خلت جل وذيب فوك راسي
.... مامتاثر مووو ؟!
..... نازل عندج الطفل راح أطيج مثبتات وضلي
نايمة على ظهرج لاتتحركين .. باوعت
لذيب
أي أتصال بيناتكم علاقة ممنوع أبني موزين عليها
.... انشالله
باوعتله ودرت وجهي
كالت : ممنوع حركة ... اهم شي تبقبن نايمة وأكلج
حله صحي ... حاول تاكلين معلاك ومشاوي
انطيتج ابر حديد ... اريد نسبة دمج
ترتفع
سئلها
..... خوما خطورة عليها
... لاانشالله ماكو بس ضعيفه كلش
... مااشتهي أكل تلعب نفسي
.... مايصير هيج ماما جبري روحج هاي بطن وحدة حامل فايته ع سادس ياماما مايصير هيج حتى
حرام عليج نفسج وأبنج
سكتت ... وضلت تحجي على الاكل لازم اكل وتكول عصير فواكه لحوم بيضه اي شي .. بي شي
مفيد لجسمج اكلي احسن من فيتامينات
وتشبعين أبر
... تمام ،،، گتلها
..... اﻷسبوع 23 يتحدد جنس جنين ممكن تشوفينه
... لهسة متعرفين بي
... ماطلع وياالدكتورة اﻷخصائيه
ضلت تمشي أبتسمت ... كالت : اول حمل الج ؟!
.... لا الثاني
... حلو يعني عدكم ولد
جاوبها
.... ايي عدنه ولد
... هههههه اؤؤؤ راح تعبين هووواي
جاوبها
.... ليشش ،،، جاوبته
.... كلة ولد وبس هيه مرة تتعب
يرادلج بنوته تساعدج
مافهمت دكتورة ؟!
..... مبروك حامل بولد يعني ثلاثه صارو وياابوهم
تلقائيا ألتفتت باوعت .... لباسل ضحكة أنرسمت
على وجهه ويمكن شگت وجهه سمعتنه
نبضات وهوا يكلة .. سبع سببع
رجعنه للبيت ... وهوا الفرحة ماشايلته دخلت جارتنه
موجودة اسمها ام صالح ... ضل يتشكر منها
فتت للغرفة ... أجتلي ضي
فات باسل ... بيده أسد غافي خلاه بفراشه
لزمتني من كصتي .... كالت :
.... شلونوصرتي خالة
... زينه حبيبتي أخوج شلونه طلعت يبجي
.... سويتله ممه
.... عفيه
... مواكلج اني كبرت ماصدكيني
.... هههههه غير انتي بتي جبيرة وأم البيت
ضحكت تقربت شبكتها .... ضليت شابگتها كتلها
.... بما انوانتي الجبيرة واعدتج بشي قبل
.... اللعبه مال تلبيس
... لااا
..... لعد
... كتلج انتي تسمين الطفل اخوج الي بطني
.... اي بس طلع بنيه لوولد
.... ولد
ضحكت .... لزمت بطني وخلت ذانها بطني جانت
بارزة ومرتفعه ... بس من اقارنها ب اسد
أسد أكبر وأثگل بهواي .. بحملي
الثاني بطني صغيرة جانت
... راح أسمي عمار كوسوفي
ضليت أضحك عليها
.... وولج ياعمار كوسوفي قابل بالمسلسلات
... مراد علم دار لعد
ضل باسل يضحك عليها
انجطل ،،،، يمي كال : أسمي فهد .. لوشبل
لونمر
..... كللت ضي تسمي وعوف أسمائك الحيوانيه
انته ذيب .. والعينتين اسد ونوب نمر
شطللعت هاااي
... هم صح لعد سبع
.... ضي تختار
.... هسه ضي وين تعرف غير اني أبووو
..... بابا اني اسمي خالة نورسين كالت
.... اهوووو اني عاجبني ابني اسمي شنو اني اتعب وضي تجي عالحاضر تسمي
.... شمسوي شايلة بطنك وتعبان
... يعني منين اجه هل يلترى منعول الشه ابووي طلع من گبرة ودزلج
يااه هديه
.... استغفرالله حتى ابو مافك من لسانك ،، لك
يابني آدم حرررام ذول مووته أحترم شوي
سكتت ... مرت يومين باسل اخذله اجازة أسبوع
هالفترة اجت زهورة ... واني حرف واحد
وياباسل مااحجي شكد حاول يصالحني
ويعتذر ... بس كلش قفلت عليه
لحضه حسيته تخيلني سهر
ويكلي شعندج
ضي وباسل مستمرين بحرب .... الاسماء هيه تكول اني الجبيرة وهوا يكلها ام نص نصيص اني الرجال
ههههههه وكل ماتكعد لازم حرب هيه ... وياه عالاسم
نوبات تزعل ... من يتعصب يجفصله جفصه
ياخذهم هيه واسد يشتريلهم ويرجعهم
اخير شي زهورة ... رشحت أسم ابوها بركات أتفقو يسمونه بركات ... وللصراحة اكثر ماردت
اكسر بخاطر زهراء .. ف الكل
اتفق ع اسم بركات
اجتنه هالفترة نور .... أسد صار سنه عمرة باسل سواله عيد ميلاد لاضلو جوارينه ولابيت سراج
وحتى وجماعته هما وعوائلهم عزمهم
يكلي يبقى ذكرى اول عيد ميلاد
وفعلا تونسنه بليلتها جاب 3كيكات كل وحده عليها
صورة اسد وضي وزهورة .. حتى ماتصير
حزازيه بيناتهم
وسوينه
قصص وروايات عراقية كرار صلاح
بمجدي لاند .... بمدينة الالعاب
بنفس اليوم من رجعت ... باوعتله
خطر بالي ليث ترحمتله وقريتله
الفاتحه
بدلتله ... فات باسل شاله ويبوووس بي رجعه
عالفراش .. ضل يدغدغه وملساع يكله
هسه يمته تكبر ابوحفاظه
فضحتني اليووم ... اكلهم ابني اسد وابني واسد
تاليها البنطرون نازل والحفاظه طالعه
ضل يضحك أسد وهوا ممفتهم
وهوا يكله أضحك خاااييسس اضحك الفشلة عليه
ابني يلبس حفاظه بووويااي
ههههههه درت وجهي .... وأضحك عليه بالله شحجي
وياه ... علساس وهوا صغير مجان بلبس حفاظه
بدلت ورضعت أسد ... نومته بفراشي
اجه هوا ... كعد يمي تحرك الولد بطني تلقائيا
فزيت كال .... شبيج
.... ماكو تحرك الولد وفزيت
... اشو هذا ذب روحك على بطني ويكله بس اطلع بعد ابوووك ... أشتاقيتلك
الحمدالله والشكر ربي .... كشفت بطني من يدفع
يبين أثر رجله ... ضليت ألزمه بصبعي
وباسل يباوع ممصدك ويكلي
عود صدك
وكفت حركتة ... ويباوعلي مامصدك
كال : يمته يجي والله مليت من الانتظار
.... ماضل شهرين بس
أبتسم
.... اول مرة جاوبين ومادورين وجهج بحجة زعلانة
صارلج شهرين على هل حالة
ضميت بطني .. كتلة همزين ذكرتني
تقربلي .. جنت يم جتفه تلقائيا نزلت راسي
بمعنى راح انام ... لزمني
.... اي شلووونهم
بلعت ريگ
حسيت عطرة طخني بركبته مااعرف ياخة قميصة
اباوع شواربه ،، كسرة حنجة ،، الغمازات
روحي راحت
مديت أيدي لزمت ... حنچه رفعت شعره جان نازل
على كصته ... من كدام رجعته ورا سحب
ايدي باسها وكال :
.... مكافي صارلج شهرين كنالج أسف جنت أعصاب
قابل اني اريد اسب ابوج وامج سكتت
ضل يباوعلي نزلت راسي
تقرب باسني من خدي .. وعيوني حنجي وقريب شفتي وبكل مكان يبوسني يهمس أحبج
حسيت نفسي أرتفع وحرارتة تضرب
بيه تقرب .. باس شفتي تلقائيا
حوطته بيدي ... بادلته
وووو
مرت بعدها اﻷيام ... صارت ولادة أيه عملية أحلى
شي من طلعت من العملية كرار يعصر
برجلها واني يمها وولدها اثنين
سراج ونور وبركات مگلوبة
گلاب
وهيه كلساع تغلط ع سراج وتگله ... ابو النسوان
تكلي تمارة مووو اوكفلي اذا ماشعلتك
وشعلت تمارة واحرگ صفحتك
كلللللبببببب ضلت تصيح وتغلط عليه وع كرار
وهيه مبنجه
ههههههه باسل يضحك فتح كاميرا يصورها ويكله
ولك دايس على ذيل اللواء شيخلصك
اليوووم ياتمارة
جاوبة :
... عمي وحده من حبيبات كلبي القديمات أجت
سلمت عليه ... بالمول واحنا دنشتري
وذبت ميانة زايدة صحكت شوي
والعينتين تخبلت
... هله والله
.... اي بالعباس شبيك أجيت للبيت گلتلي منو كتلها
حب قديم بس أيه بحبها فعلا وصلت مرحلة
الهيام أتجنيت أنجنيت بحبها
نور .....ههههههههههههه لعد حقها اذا انته كاعد
تذكر مراحل هيامك يمها حقها والله
نورسين .... هاي لوانيييي
باسل .... جااان صحتي وين السچييين
.... ياسچين ... أنهيك نهي غير
ضحك وباسني .... تقربت يم ايه توون وتهلوس
ساعة تكله اني اربيك ... وساعه تكول
كرار نوبات تهلوس باامها بنج
بعده مافاكها
شوي وأجه .... يمها كرار ماسوالها شي أصلا خطيه كاعد يعصر برجلها ..... كوومي
وتفلي عليه
مسح وجهه ويكلها ماي ورد أيه ماي ورد
... الكلب الحقير انته هم تنحسب على الاخوان هوا
صوجي اننييي .. اذا ماعفتكم والله اخليكم
تتحسرون ... حمام ماتعرفون تحضرونه
لروحكم كل واحد جايلي بمرحلة
هيام اوكفوولي
حتى ولدك ذوول النغوووول** ،،، شبكها ويكلها
انشالله حبيبي ... شوي وضلت تبجي تصيح
بطني توجعني أجت ممرضة وكالت
هيه عملية الم كل ماتتحرك
او تتنفس .. خلوها ثابته
لاتحركوها
غفت شوي جابو .... املو صبو وكعدو أكلو واجت
فعاليه جديدة ... كامت تغني أحطه بيك الجرح
لوصاباني .... نوب احلى شي سراج
خطية غص باللگمة
وباسل ضحك ضحكتة مال فيفي عبدو ويااسيف
ضل لازم جتف تور وبس جتافة تختض
..... سكوووو ال** استغليتوها فرصة نايمه لوكاعده تخلي طشاركم ماله ووالي
شوي وايه كملت تعال اكعد فووگه گلبي يريدك
هسه الله وياك غيري يفيدك .... سد حلكها
ويكلها رحمه لله مولگمة صار سم
عليه
فكها البنج تحمدنا على سلامتها وذيب يأشر لسراج
بالتلفون ... يكله 10 ملايين ماكوو افضحك
فضيحة الله وواكبر بداعة ال تعال
أكعد فوگة
يبووووي .... هههههه جلط سراج
بنات جبيرة قدر والصغيرة ... سوزان بدلعونها سوزي
مرت بعدها الايام .... وسراج بس يكص صور وياهم غسلت الاربعين ،، شالو خياطات ... وبنفس اليوم اني علساس رايحه
وياها فزيت من صبح ألم بظهري
جنت ثاني اسبوع بتاسع
بنص مستشفى طلكت بوكتها سراج ... خطية وياي
صارت ولادتي ... طبيعيه
فتحت عيوني يمي بركات ..... التفتت عليه ضي
واكفه يمه ... وسيف شايله ،، أسد بيد نور
باسل كاعد ... يمي عالكرسي ولازم إيدي
فتحت عيوني وگبل .. بجيت شبگني
وضليت أبجي يكلولي شبيج
واني كمت أحلف والرب
بعد مااجيب راحت روحي ... موحاله هاي
ضلو يضحكون عليه واني ميته ... من ألم بس
هوا حسيته مقهور عليه وباقي يمي
الباقين كلهم مهتمين بالولد
اجت ممرضة ضربتني ... وغفيت بعدها للفجر
كعدت ... باقي يمي
... باسل
.... هاحبيبي الحمدالله على سلامه
... الرب يسلمك
... شون صرتي
... تمام
..... خوما جاي تتاذين
اشرتله بيدي شوووي
... جعلها بيه ولابيج
.. بعيد الشر
كام جابلي بركات ... خلاه بحضني بسته واباواعله
أبيض عليه بس ملامحه تشبه باسل عيوني
لون بني عليه ... وكبار هم على عيوني
أبتسمت ... كلي
... رضعيه
.... اييي
ساعدني هوا فتح ... ثبته ورضعته بس قطرت
حليب بشفته ... بسرعه عرف سبحان الله
شبگني ،،،، باسل وضل مثبت
وجهه عجافي
.... فرحااان
.... قليل كلمة فرحان
....... ماأحس مبين عليك
..... ههههه
.... أنت ملامحك ماتبين بس بالعصبيه والضحكه
.... ايباااه
... اي والرب ولاباقي حالاتك كلها هادء ماتتميز
.... عكسج
... اممم ليش شلون ملامحي
.... بالاعصاب ينگلب لونج أحمر بسرعه وشنگلين عيونج وبالخجل
عيونج ماتثبت بوجهي تضلين دوريهن بكل
مكان الاوجهي وتلعبين بخصل شعرج
وبالفرحه خدودج يصيرن حمر
وبكل حالاتج حلوة
باوعلي بنظرة درت وجهي رجعت خصلة شعري
ورا ذاني ... كال : هاي شفتي هيج
... اييي باسل والرب أستحي
حضني ويكلي فديت فديت
مرت بعدها أﻷيام .. طلعت من المستشفى سوينه
عزيمه وذبحو خرفان ثلاثه .. وزعهن ثواب
وجاب قوزي للبيت .... بالعزيمه أجت
إيلنور شبگتني وباستني ... ضلت تعتذر مني كالت
والرب ماحصلت حجز
تقرب حسام باسني من راسي .. كال :
... الحمدالله على سلامتج يربى بعزكم
.... الله يسلمك ابوغزل
تقرب خله 7ورقات ،،، باسل ماقبل ويكله شدعوه
وهوا يكله : معليك مطيهن لاابن أختي أني
وفعاا حسام كان بمثابة أخو ماشفنه
منه بيوم تصرف موزين
أجه حتى أحمد .... بوكتها .. احمد وذيب علاقاتهم
جدا قوية يمكن هوا الشحص الوحيد الي راضي
عليه من اهلي
علي مر عليه بالباب خطيه ..ظ جان يريد يلتحق صعد
سلم على باسل ... وخله ورقتين .. جوا راس
بركات شاف ... أسد .. ماطول ثلث ساعه
وترخص
هالفترة وصل خبر ... عمي متخربط كلش وداز عليه ....... باسل قفل بالاسبوع اني احجي
ويااه ... وهوا يكليخيجيبونخبرة متوفي
واخذج ... حتى صارت مشكلة بيني
وبينه يكلي موذول شمروج وبعدين
راوسو عليج ويارويدا
تالي بالكوة أجت ... أيه وسراج وصار حجي كدامهم سراج كله : مالك كل حق .. تمنعها منها لعمها
تريد تتبارى ويا الذمة أنت شكوو اعتبرها
سفرة من التحاقك .. واخذها أنت
هم عم وهم ابو ... حتى لوموزين الله موجود
سكت يومين واني سويتله حرب .. بالبيت وكتله :
والله بس يموت ... عمري كله مااسامحك
رحنه بوكتها يومين
وطبعا على مود لايكشر غرورة مگال على مودي
لااا .... كال : عيب من احمد وعلي وحتى قتيبه
قتيبة معزي بوفاة عمه الظاهر .. واحمد وعلي
كال وصلولي بولادة ابني ولاعمج كواا*
....هههههههههه باسل راح يموت وماخلص منك
... دنعل ابوو لابوو ** لابو** هالكلب
ابن ال** لااحرك**
..... يبووووووي مو حاااااله هاااي كااافي غلط بنتك
جبيرة وتغلط كدامها واني مررتك مايصير هييج
رحنه فتنه ... عليه جان بالمستشفى باسل وگف سلم
عليه وباسه من راسه ... وماتشوف شر عمي
وبيه ولابيك ... وعمي يكله هله وليدي
على شوي اجت عيوني
تدمع
هسه هذا نفسه الجان يسب ويغلط
بي بالسيارة .. لوعمي ابو وليدي
استغفرالله حيال حيال يگلب ... برمشة العين
ويگولون عنسوان كيدهن عظيم .. لعد
هذول شنو والله يالله
تقربت لعمي ... سلمت عليه وضل يبجي وحتى من
دخلت إيلنور موجوده ومدمعه .... كام يعتذر
مني ويكلي ابريني الذمة
قتيبة من شاف ... باسل سلم عليه بس حسيته مكسور وفشلانه ....قصص وروايات عراقية كرار صلاح منه
باسل من شاف اوضاعه متخربطه هيج ... كال
نبقى يم ولد عمج عيب نعوفهم وكت
شده ... يعني كلبة خالي
ولسان عام عليه
فترة وتوفة عمي ... وباسل كترىة بكترهم بالفاتحه
ابد ماعافهم ... يمكن بجيت يوم يومين حتى لو
زوجني .. ويجوز نيته جان يحافظ عليه ﻷن
ابقى بنيه وفعلا همي ثگيل وعظم
بني آدم ثگيل ... لكن !!
يبقى عمي
مرت فترة .... 6 أشهر تقريبا بعدها كل تطورات الصارت ضي نجحت لرابع ابتدائي .... وأية
جان عليها ضغط ... يمته ماتجيلها
اعصابها مدمرة
ف هل فترة .. أشتغلت بمدرسة مدرسة أنگلش
أهليه .... متوسطه مجرد تشغل وقت بعد
عركة ويا سراج ... واجت زعلت يمنه
بيت باسل
وتكول راح يخبلوني 4 زلم .... ونوب بنات اثنين
وكلهم جهال ... يعني صدك من نفوت للبيت
كلساع تصرخ على احد اكعد كافي اسكت
وسراج شغلته مثل باسل بس خلفي
وجيبي وهيه ... تكله انت ماتتعب علساس
هيه بس فلووس
هايكلها بكوم .... ويراد تهتم بروحها باااعتبار الماخذته
نص نسوان عراق عينهن عليه 😂 على ابو عيوت
زرگ ورتبة ... وهوا هم جنه طفل ايه سبحيني
ايه صبيلي ايه .. سويلي وكرار رابع أدبي فتكول المن اصير اله لولده لكرار
وفعلا داومت .... وگتلها أني خلي الولد يمي
اخذي ... وياج بس البنات نور هالفترة
بشرتنه بحملها .... وكالت : حامل
دومها تخابر ومن تحجي وياباسل
تضل تبجي
يكلها سيف ماذيج تكله لا ... يكلها بس فهميني لعد
عليمن البجي .... ليش الدموع تجاوبه يطلع
للشغل واني هنا محد يمي قبل رشا
حس خالة سهاد اشو عمي ومات
وانت تعرف نسوان عمي
وهنا مرت اب
و سراج
وكلهن حيايه ... وسوگ يطيني فلوس بس اختنكت
متعلمه ع اللمه ولد اخواني .. وزهورة تجي شهر
وتمل تكول اريد ارجع يم ضي
واني ابقى بحدي .. بيت ب 1000 متر حتى اختنك
وشكد يحجر وياها يكلها تجيلنه كل شهرين
وهوا يروح يمر عليها بس هوا ماكو
لحد مابيوم ... خابرت باسل وضلت تصرخ
بكل قوتها وتبجي نريد نفتهم شبيها ماكو خطيه
باسل حتى .... بوكتها حجز عطيران راحلها
لليل ... وصل خبرها
متخربطة بالمستشفى .... لثاني يوم باسل خابر
صوته مبحوح ... ومو شي حجيه يحجي
كلمه ويجر حسرة
سئلته شبيك ???
كال :
..... نور أمس طارحة الطفل
#_يتبع
... احداث من البارت القادم ....
نورسين
.. تحبب اختك .. على عيني وراسي اني مااكره نور
هاي اطفالي
كلهم تحت أمرها .... مگايله شي
بس لاتقترح هل الاقتراحات
الفاااششله
أبتسم بس أبتسامة أستهزاء ... أحس شكو صبر عندي نفذ بهاي ضحكته .... تلقائيا صحت عليه
أحرررگ رووحي ولاانطي قطعه مني ... لومو انته
انته بكبرك أعووفك .. وأذب گلبي وأجرد نفسي
من كل احساس .... ولااضحي باأطفالي
وانعل أبووك لابووو الجاابني .. أذا مشيت وراك
بحرررف وااحد بعددد ... شكوو أجرام سويته
الاول تكتله بطني وهذا تريد تتبرع بي
برراسي ...
مووجود دار ايتام ... روح لفيلك واحد لااختك
وكفيني خيررك .... شررك مجرررم
كمت أصررخ .... اني حبلت بي 9اشهر تريد
تحررمني منه حرررام علليييك
مووبكيفك فهمت موووووبكيفك
ماأطي أبني لوتمووووووت
ماحسيت ..... بس !!
حرارة على خدي ضربني ضربته قويه .. وهوا
أضخم ... مني بهوواي ايده جبيرة واني
ناعمه يمه بحيث
بظهري جانت المرجوحه ... بالمرجوحه معلگين منجل
حصاد من نهايته ... فبرجعتي صارت صفحتي
عليه .... حسيت شي أندفع بخاصرتي
ضليت لازمة بالمرجوحه .... أباوع الحديده قطر عليها
دم ... تلقائيا شهگت وگعت .. بالگاع على ركبتي
ضليت لازمه ... الحديده وبيد لازمه صفحتي
أباوع المنجل ضل بجهة بطني

نور متخربطة بالمستشفى .... لثاني يوم باسل خابر
صوتهومبحوح ... ومو شي سئلته شبيك
كال :
..... نور أمس طارحة الطفل
نسأل سيف يكول مااعرف شبيها هيه تفوت للبيت
هذا وتختنگ تضل بس تصيح وتعارك ونوبات
تبجي ... يجوز هرمونات حمل ويجوز
البيت نفسه گام يخوفها تكول
مااكدر ابقى بي
كل مكان الي ذكرى بي .. وياامي واخوي وولد
اخوي .... حتى باسل على كلشي ممرتاح
ويتنغص عليها ... أجت هالفترة يمنه
وگضتها بي بچي ودموع .. سيف
هم ممرتاح هناك
يكول أخواني أجو اثنينهم ... هنا قبل جان دوام وحشد بس بعد الحرب انتهت الحمدالله بقة
الشغل للعسكر ... هوا كان متطوع
مرت بعدها اﻷيام ونور حالتها النفسية دمرت
بالاخص من طرحت .... ضلت معانده
هالفترة اني وياها يوميه نروح
لمكان وباسل يطلعها
يفرها ... وناخذها للمصايف اخذها للزيارة وهيه ماكو
اريد سيف ... ومااريد ارجع لذاك الباب واريد اخوي
وابني راح ... يعني فعلا حيرتنه
باسل بالمنطقة جنه .. كاعدين بيتنه
بطابق الفوگ جوارينه الجوانا
شالووو
اشترة البيت الطابق اﻷرضي .... ضليت صافنه بيتنه ب5غرف بي ... يعتي جبير رغم طابق ثاني
فسئلته قصص وروايات عراقية كرار صلاح
... ليش لعد موهنا بيتنه موجود جبير واحنا
بس 5نفرات اذا حاسبنه 5أصلا
عليمن تشتري طابق
الجوا
كال :
... حتى لو بعد شكم يوم يزوجون اسد وبركات
غير غرفهم موجوده وبيوتهم جاهزة
.... ترا اسد عمره سنه و9أشهر
وبركات ستوا 8أشهر
.... هسه غمض فتح يكبرون ،،، خصم الموضوع
وكال :
.. نورسين اني اعرف شدااسوي انتي عليج بيتج
اذا نقصج حاحه عود اشتكي .. فهمت
ديكولي لاتدخلين وفعلا مدخلت
ضليت ساكته ومامقتنعه ... بالسبب مالته
هسه گلنه يحب البيوت الچبيرة ... بس !!
موهيج ... اباوع هوا وسراج طلعه
وطبه ... سوا مافهمت بس
سالفتهم موخاليه
خابرت أيه حتى هيه تلوووب بس االواء تكول
اي معلومات ماوصلتني
إيلنور هالفترة ... نهاية 2018 حسام كمل تخصصه
ورجع للعراق ... لااربيل مباشرة فتحله عيادة
فترة وسراج باع شقه من شقق الي ببغداد واشترى
بيت الي بصفنه كلش ... حايط على حايط
طابقين .. بيوت اربيل اغلبيتها
طوابق تحت مطبخ وصاله
واستقبال . حمامات .. كليدور والفوك غرف
قصص وروايات عراقية كرار صلاح
جابو عمال وفتح بيت على ... بيت هالفترة شيلونه
كلنه بيت سراج ... رجعنه لكيناهم فاتحين
بيتوت ثلاثتهم بيتنه وبيت
جوارينة .. وبيت سراج ومسويهم بيت واحد
والتصميم ... يعجب يعني مبدعين بي الطابق
الجوا ... صار ألنا أني وباسل والفوگ
لسيف ...
حتى نور تاخذ راحتها .... بحدها فوگ
والجهه البصفنه ... بيت
سراج
احلى فعالية من دخلنه للييت وبدينه ... نقل هاي
تعب صارت باسل كال : اي نواقص كتبوها
بورقة نكمل بيت من كلشي هيه
تعبتها ..بس هالشهرين
كملناهن من كلشي ،،، سيف بابع حصته من بيت
ابو وباسل مساعده ... ومشترين البيت
وسراج لاالحمدالله هوا عنده
امكانيه قصص وروايات عراقية كرار صلاح
احلى شي من كملنه ... سراج داگ ورقة على
بيبان الصالة والمطبخ
جدول تنظيف للبيت وكاتب ملاحظات فوگ .. الوصخه
تنعرف من بيتها
ومخلي جدول تنظيف وطبخ ... وذاب الشغل كله
براسنه .... اني ونور وكاتب جوا
باأدارة اللواء الركن أيه مرت سروو
وجوا كلش الجدول بكتابة الخط .. الاستاذ كرار
وباأشرف المقدم .. سراج
ومخلي ** مع ملاحظه العقوبات اي أمراة تخالف
الكلام المكتوب في ما اعلاه تطلق وترد الى
بيت زوجها مكبلة اﻷيدين خاضعة الرأس
وفروخها يبقون بقرب أعمامهم
وأبنه ثاني يوم نزوجه
وعليهم
ههههههههه تلقائيا أني ونو شلنه كل الاوراق ايه
كالت شنو ذن ... قرتهم وصااحت ووولك
سرررراج كرريررر شسوووي
بيكم أذذذبحكم
اجه باسل على صوتها ... وسيف : علي علي عليي
علگت بشرفي
نور انطتهم الاوراق قروها وخربانين ... ضحك فات
سراج وكرار ... ولابسين بناطير سود وقمصان
بيض وتعلگات ذن الي يرفعن البنطرون
عجتاف ... ومناظر وگالبين
الشعر وملبس ولده
أثنيناتهم هم
يگللها : هاحبيبي عجبج الجدول
باسل ... اني مالفت انتباهي غير اخير سطر
مع ملاحظه العقوبات اي أمراة تخالف الكلام المكتوب في ما اعلاه تطلق وترد الى بيت زوجها مكبلة اﻷيدين خاضعة الرأس
وفروخها يبقون بقرب أعمامهم
فروخها لاهيه اطفالها ولاهيه جهالها 😂😂 ادري
بزون وفروخها
سيف شابگ ... نور من كتفها ويكلها معليج حبيبي
اصلا الشغل كله براس ايه يصير هيه
الجبيرة .
انتي الصغيرة المدلله إكووچي كوچي كوو
.. هوا شنو إكووچي كوچي كوو اني قدر لوأسد
باسل ... سوالف تنظيف أحنا مالنه بيها سرووو
جدولك هذا نگعه وأشرب مايه ..
واتمنى أي مشاكل ماتصير ... على مود أسباب
تافهه ... وحبيت أبلغكم
فاطمه المرة جانت تشتغل بيت ابوي بغداد راح
تجي هنا .. رحت جبتها من المكتب
وحتى غرفتها حضرتها
تساعدچن وأنتن صغيرتچن وباوع
لضي ونور قبل چبيركم .... ايدكم وياها سواء ولد او بنات ... هيه موخدامه تعرفونها هيه من زمان
عدنه تشتغل وتساعدنه ومة أمينة وخوش
أدميه
غسل الكراجات هاي للاستاذ كرار ،،، وسگي
الحديقه اتفقت ويافلاح كل 3اسابيع يجي
ويوميه سيف يطلع يزگيها هاي عليك
أنته مثل حديقتنه بيت بغداد
... هوا هم هيج
.... وجبت مراجيح والعاب جانت بيت
جدي هنا للجهال وياالعاب بيت
سراج حديقه كامله بس للجهال .. وحتى ناوي
اسوي كعده النا جو اربيل حلو ... بس شوي شووي
ردت اسوي مسبح مثل بيت جدي .. بس كلهم
جهال السالفة خطرة .. عود اذا ضجتو
موجوده المدينة المائيه
احلى شي سراج ... كعد عالقنفه .. رفع تك رجل
ويكلهم اني الجبير هنا اي مسؤوليه
ماعليه
باسل كله
... انت التذب حاويات الزبالة مال البيت ويا ولدك
ههههههههههه وكبت بيناتهم سراج يكله اني عطري
يطخ لسابع جار اذب حاويات البيت انت تذبهن
صار مناقشات حادة وانشمرتبراس سيف
وسيف يكلهم سالمين لوحاويات
لوحديقة
سراج ... خضع للامر الواقع شوي ولبگ كله
.... وانت شنو ابن شاهيناز وهوشيار
على راسك ريشه
جاوبةباسل
..... لاحبيبي اني عليه المسواگ تنكتبلي قائمه
كل أسبوع أسووگ للبيت ... اني المخضر
مال حضرت جنابك ابووكرش
هههههههه انتهى تقسيم شغل ... والاتفاق صار
من اول يوم ... كل وحده عليها بيتها
بس بااعتبار بيت ايه اكثر بيت
يتوصخ قصص وروايات عراقية كرار صلاح .. ﻷن لمة
جهال وحتى اسد وبركات ولمتنه كلها هناك يمنه
اولا ﻷن سراج ضحوكي نكضيها كله ضحك أثنين
كرار ويا الجهال ... فحتى اسد ضي
وزهورة كله هناك
فدائما ... نشتغل ونساعدها اجت فاطمه .. وفاطمه
صارت بيت سراج .. وغرفة الها بحدها
خطيه حتى تساعدنا نوبات بالجهال
مرت الايام .... بعدها وباسل ستوني يلا حسيته
ارتاح ... افتهمت باسل مايكدر يبعد عن اهله
واخووانه ،،، مثل السمچه مايرتاح
اذا مو لمه وهوسه واخوانه
وسراج ... وسيف اختصاص عزايم ...كرار نجح
للخامس ... صدك يطلع اكمال بس
سراج يحصرا قبل اسبوعين
من امتحانه
الاتدرس ... وبهاي الاسبوعين ينجح سنه ع سنه
وهوا مكمل هههه عكولته دور الثاني
للمتميزين اصلا اني بدون مااباوع
حفظت رحلتي وين مكانها
باالاكماليه اذا الاستاذ
خربط اني ادليه
دخلنا ب 2019 .... ومر شهر
إيلنور ... تعينت مهندسه وحسام يمر علينه بين فترة والخ وهيه دومها من نطلع ... ويانه
كلمن ياخذ عائلته
يوم لمصيف يوم ... لحديقه يوم سفرة بين اسبوعين واسبوعين ... نور ردت حبلت مرة ثانيه
وباسل يطلع ويطب يوصي عليها
وحتى اول ميدخل للبيت
يصعدلها
بالخامس ... طلعت حامل ببنيه ... سيف هالفترة فتحله مشروع يروح ب11ص يرجع ب8ونص بليل
للسابع جبيرة بطنها ودنجهزلها سمعنه صوت
صيحتها المغرب
خطيه باسل سوا الدرج شبختين ... صعدلها جان
سيف بوكتها بالشغل .. نزل وكلها دم تنزف
سولها كورتاج ... وجهضته ميته
بطنها صارله 4أيام البنيه
رجعت للبيت والكل مقهور ... عليها جنه ناوين نسوي
حفلة طهور بركات واجلنها ... على مودها جانت
كل مايصير كدامها طفل تضل تبجي
وايه تصعدلها بناتها تكلها
ذن مثل بناتج اخذيهن
يولن
واني اشاقه وياها اكلها كدامج بركات لاحكه ع جهال
وهيه بس تبجي ... سيف كال :
.... راح أخذها للزيارة ترتاح نفسيتها نروح اني
وياها ... الكل وافقو على الفكرة وفعلا أخذها
راحو اسبوع
رجعت .... شوي متحسنه تكعد ويانه تسولف
بس عبونها من تشوف كل طفل دور
وتبجي .. من نبعد الجهال عنها
حسبالها نخاف لاتضربهم
عين
ومن نقربهم ضل بس تبجي ... مرت فترة شهرين
وحللت طلعت اني ... حامل بالثاني بوكتها
گلت لباسل
وأقترحله فد فكرة ... أنو إلي بطني أشيلة وأطي
لنور ،،، ويسجل بااسمها واسم سيف
هنا صدگ أنصدمت من تصرفه
وقراره هذا
اعرف أخته ويحبها بس معقولة .... يضحي باأبنه
تلقائيا جاوبته ... دير بالك تعيد هاﻷقتراح
باسل ... لاتحجي هالحجي
حاول يقنعني بكل طريقه .... وضل فترة شهر
يلح بالموضوع وأني .... رافضة الموضوع
سواله عركة اسبوعين ... كام مايرجع للبيت ويبقى
بالدوام ولو رجع ... جيبي ودي ويعاملني
مثل الخدامه ... اوعسكري جوا
أيده
كعدته وفتحت وياالموضوع مرة ... ثانيه وكله
حبيبي وغلط الي بالك .. والله يرزقها
ياما وياما تاخر ب9 سنين
10 ... والله يطيهم
وهيه مومكطوع الامل هيه دتحبل ... بس ماانقسم
يجي للدنيا .... ياهي الما طرحت امي شكد
انتظرت واني بس حبلت اول مرة طرحت
الله وكت الي يعجبه يرزقنه
الطب اطور ... اكو علاجات واطفال أنابيب
هواي موجوده ... أمور تجربهن
ضل يتحجج حاول يقنعني واني جنت
رافضة ،،، الفكرة موخباثه
بس ... غلللط الي ديصير شنو طفل اشيلة
9اشهر وتالي أنطي .. والرب لوأموت
شنو هيه لعبة السالفه
مر اسبوعين وفتت بالشهر الثالث ... وهوا مامل
لحد ما سوويتلي وياه عركة ... ماكدرت
احجي .... واعلي صووتي بس
صايرة اعصاب واحس روحي
افوور
طلعت للحديقه ... وكتلهوتعال نحجي برا ﻷن
هما فوگانه .. خفت لايسمعون جنت
لابسه تراكسود .. أبيض ذبيت
فوكاه شال شفاف جبير
لفيته لف وطلعت
طلعنه للحديقه ... اول مدخلت
تلقائيا .. صحت عليه بصووت ناااصي
أني مو سهر وأشمر بنتي سنتين .... و وكت زواجك بحجة تنغصني .. أجت تشوفها
ولاأمك ،،، العافتك انته وياها اطفال ... بنظرك هالشي عادي يمي موووعااادي
.... وانتي شنوووو حضرتج جاي تعيرريني باااميي
.... لاا مااعيررك لاتصير حيال وتلوفها
الف مرة اكلك بطل هالاسلوب
داكووولك
لااني الي أنطي ... طفل شلته بطني 9اشهر
ولااني الي عندي گلب أبني أو بنتي كدام عيني
تكبر
وتكول لغيري بابا او ماما ... لوبعد شكم يوم زوجو او تخرج
ومو اني الي يمهم ... وافرح لفرحهم بالصورة
والمكان الي اني استحقه .... ولااكدر افرق
بين أطفااالي ...... وانطيهم وماانطي اله بحجة
أبن سيف ونور ... ولااكدر اباوعلها واني انفسها وداخلي يصرررخ .... هاي طفلي مو طفلكم
.....قصص وروايات عراقية كرار صلاح والله بكيفي هوا الطفل أبني وراح
يسجل باأسمي .. وكتلج أختي حضنها
فارغ انتي عندج اسد وبركات
وضي همين .. مابيها شي
هوا مرده يكبر كدامنه
.. للللللك أنت منووو شنووو حاسب نفسك .. تسوي
خير بهذا التصررف .... تريد تحرم ام من أبنها
أذيت وهنت وضربت ... بحجة سهر واخوج وبعظها اول واحد كتلته بطني تحججت بريام ... ونوووب
هسسه أختك نور وبتك انت مربييها
ونوورررسين شنوووو
الحيوووانه مالتك .... الي يمته مايعجك صدر اوامر
براسهااا .... لاونووب شوون واثق والله هذا
البطنج لنوور سيف .. مووهوا لعبه
لوبكيفك تشيل وتنطي وتتبرع
برراسي
تحبب اختك .. على عيني وراسي اني مااكره نور
هاي اطفالي
كلهم تحت أمرها .... مگايله شي
بس لاتقترح هل الاقتراحات
الفاااششله
أبتسم بس أبتسامة أستهزاء ... أحس شكو صبر عندي نفذ بهاي ضحكته .... تلقائيا صحت عليه
أحرررگ رووحي ولاانطي قطعه مني ... لومو انته
انته بكبرك أعووفك .. وأذب گلبي وأجرد روح
من كل احساس .... ولااضحي باأطفالي
وانعل أبووك لابووو الجاابني .. أذا مشيت وراك
بحرررف وااحد بعددد ... شكوو أجرام سويته
الاول تكتله بطني وهذا تريد تتبرع بي
برراسي ...
مووجود دار ايتام ... روح لفيلك واحد لااختك
وكفيني خيررك .... شررك مجرررم
مووبكيفك فهمت موووووبكيفك
ماحسيت ..... بس !!
حرارة على خدي ضربني ضربته قويه .. وهوا
أضخم ... مني بهوواي ايده جبيرة واني
ناعمه يمه بحيث
بظهري جانت المرجوحه ... بالمرجوحه معلگين منجل
حصاد من نهايته ... فبرجعتي صارت صفحتي
عليه .... حسيت شي أندفع بخاصرتي
ضليت لازمة بالمرجوحه .... أباوع الحديده قطر عليها
دم ... تلقائيا شهگت وگعت .. بالگاع على ركبتي
ضليت لازمه ... الحديده وبيد لازمه صفحتي
أباوع المنجل ضل بصفحتي طرف
بطني
ضل صافن ويباوع .... واگف تقرب يمي يباوع
على جرح ... لزمه ... ايده انترست دم
الغريب مجنت أحس ب ألم .. بس
أباوع بعيونه .. مامصدكه
ضل يصيح على أخووانه ..... طلعت نور شافتني
ركضت صاحتلهم .... أجه سراج كعد يمي
نزعني ... الشال سحب المنجل
وحسيت روحي راااحت
كمتت بس أصرررخ .... ضغطه الجررح بالشاال
أباوع بيد باسل ... يباوعلي وعيونه دموع
أيده تختض وجسمه كله يرجف
باوعت لبطن دم يطفح من منظر الدم غمضت
وبعد ماأذكر .... شي
فتحت عيني إيلنور يمي .... لازمه أيدي وحتى أيه
فوگ راسي تقرأ قرأن ... ونور أباوع بالوجوه
كلها هوا ماموجود
.... الحمدالله على السلامه
أريد اذكر اني ليش هنا
.... شصارر ؟!
أيه ..... سويتي عملية الضربة صايرة عجهة الكبد
.... صارلي شكد هنا
.... 4 أيام
..... والطفل ؟!
أبتسمت نور ،،، كالت :
مابي شي لايضل بالج أنتي شلون صحتج شون صرتي
مجاوبتها بس
.... بخير نحمد الرب
سكتت غمضت ... عيوني وكلشي نعاد عليه صياحي
عليه ومن كال انطي الطفل لااختي ومن سبيت
أبو .. ضربة إلي .. ونظره عيني وهوا
لازمني بيده ... لحدما حسيت ريحة
.الدم طخت خشمي مرة الخ
تلقائيا لزمت حلكي ... اريد اتقيأ جابتلي إيلنور سله وكمت أتقيأ ... ماكو شي بمعدتي بس روحي
أحسها راحت
رديت غفيت .... للفجر فتحت عيوني كاعد يمي
ومدنگ لازم أيدي ... اباوع چتافه تهتز حسيت
بحرارة دموعه أسمع صوت شهگته
من يعتذر ويكول أسف والله
ما أدري شلون صار هيج اني احبج أذي روحي
وماأذيج ... تحركت رفع راسه كعدت
سحبت أيدي
.... باسل أطلع برا
... نورسين كتلج مااعرف بروح ابوي ماجنت
أريد امد أيدي ... بس أنتي تجاوزتي
.... وشترريد اصفكلك ... هييي راح اخذ ابنج اطي لاأختي ...... شكددد حجيت وياااك
وكتلك ماأررريد ... انته ماتكدرر الاطفشش
المقااابل وتكرهه بيك غصبب
.... هاي اني هيج
درت وجهي عنه ومجاوبته ... حتى نكتت أيده
ضل يمي... وماتقرب مني للصبح أجو ضباط أثنين
وبصفهم كاتب .... طلعوو برا وطلع مثل السمسه
أخذو اﻷقوال ... وگتلهم اني جنت بالحديقه
وطين وگعت عالمنجل
أول ماطلعت .... كدامه كلت لحسام أريد أبقى
يمك حسام باوعله باسل سكت ،،، كال :
... هله بيج هوا بيت ابووج واختك واني اخوج
وبقيت فترة حملي ... كله بيت ابوي
يجن البنات يشوفني ... وبركات باقي يمي بس
أسد .... لاا هناك يم باسل ... اسد متعلق
باسل بركات ﻷن صغير متعلق بيه
أكثر ... وحتى ضي ميولها
ألي مو لباسل
هواي سئلوني عن سبب المشكلة مكدرت احجي واكول بسبب نور ... وسالفة شيلي أبنج
وأنطي ... گتلهن شي خاص مااكدر
احجي ... وهنه تفهمن كلهن
بااستثناء إيلنور
اخذت حتى أجازة .... وگابلتني في سبيل تعرف وتلوب ... كلساع تسال والاعرفت يلا
أرتاحت .... مرت اﻷيام وفتت
بالخامس
حللت وطلع بيه ولد هم ،،، رجعت بوكتها ماگلت
لاأحد ... ماعرف ليش بس هوا حتى ماأتصل
ولاسأل
ايام جنت أبجي عليه ... وأيام جنت أشوفها صعبه
أذا حتى ميسأل ...شعندي أني أسال وأفگدة
من اوكف اباوع لنفسي بالمراية سمنانه
حسام دومه خطيه شنو أشتهي اتوحم .. يجيبه إلي
بيوم طلعت على المرجوحه ... عصرية جو
ربيع والهوى يجنن ب اربيل ... كعدت
اتمرجح ...... وبوكتها أجت
ضي يمي ضلينه نسوولف
شوي وكالت : خطيه بابا مدمر دمر وأيده أنكسرت
وشادين رااسه
فزيت من مرجوحه ... گتلها شبيي ؟!!
..... مدعووم
... شنوووو يمته هالحجي
.... ايي صارله 3أيام سئلي خالة أيه
أتصلت عليها وكالت :
... عذريني نورسين بس هوا كال لاتوصلولها
حجي ... لاوالله
... اي شبيج كال مااريد العشگ خليني شابع
ضيم بفراكها ...... شلي بعشگ
وحده ماتحس بيه وماتعذر
بلكي اموت وأرتاح
برج وطار من عقلي ... بحيث بوكتها ماعرفت شون
طلعت اباوع رجليه ........ بالنعال مال الحمام
جنت لابسه بنطرون ستريج نيلي مديل
كابوي ... وفوگاه بدلة بيضه
ضيگه من يم الصدر
ونازله كسرات مال حوامل
وردانها طويل كلها ... محفور
نقشه شفاف ........... يعني مفتوح
كمت أبجي ماعرفت شون عبرت ... الفرعين وأكول
لضي خلِ اوصل اذا ماأكسر أيده الثانيه هذا
ابووج مالاگي مرة تكتله .. وتأدبة
بس اووكفيلي
وياي ضي واجرجر بيها فتحت الباب ... رفس الجهال كلهم يلعبون
برا وكرار وسيف وسراج كااعدين
يلعبون طاوله مدري دمبله
فتت عليهم ... للحديقة
..... اخوووكم البعيرررر وووين ؟!!
سراج .... هسه لاهيه صغير ولاهيه
ماانتظرته يكمل صحتت
.... السكس ووويل ووووينه لااحررگ روحي هسه
سيف أشرلي جوووا
فتت .. وصارت بوجهي أيه دفعتها مااشوف من دموع
جنت اريد اشووفه اريد اصيييح اطلع صبر
الشهرين الفاتن
فتحت الباب ... رفس أباوع ماموجود بالصاله فتت
للغرفه ... أمسح بدمووعي مامووجود
أسمع صوت الحمام
دگيت الباب ... وأصييح أطلع ... أسمعه يكول هذا ياحيوان الشامبوو بعيوني كمت ادك وارفس
بي .... ... طلع شامبو أكو بشعره
وصدره ممغسول من الصابون
ويلف الخاولر على خصرة
شافني .. ضل ساكت وتلقائيا ضحكت باوعت لاايده
وجتافه مابيهن شي ... رجعت عالكرسي
كعدت وضليت أشهگ وأبجي
أحس أطرافي كلها ... ماتشيلني وكف ويكلي
شبيج نورسينه حبيبي ليش الدمووع
.... يعني مامدعوووم ليش ماانددعمتتت ليشش
ضل يضحد ويكلي ... شبيج يامدعوم بت
المطي مو السبع ياكل بيه 10
أيام كدامج چني ذيب
عليمن مفاولتني
ضل يفرك بعيونه .... شامبو نزل على عين حركها
ويسب باابوي ويكلي بس لواعرف المطي
هذا شكال لروحه من شالج جان
ارتاحيت
سحبت تعلاكه ... وكمت اطكه واكله لاتغلط ولك شعبالك مرة مااكدر أكتلك ... ومستسبببع
جم مرة كايله لاتسب أبووووي ... هااا جم مرة
كلللت لاتسبه
ضل يريد ... يلزمني مايكدر .. كل مايدنه البگه
بالتعلاگه ... صااح
.... ووج ناگع بت النعااال شبيييج
زدت عليه بالطك ... ضل يحتار شيضم من جسمه
كمت اكتله بالتعلاكه ... واكله اني أربيك والرب وأمنا مريم أربيك يابوووويسل ياأبن أم طحششش
ياسكس ويل .. أني أعلممممك تخليهن
يجذذبن عللليه
شمرت تعلاگه راد يلزمني ... ركضت ... طلع
وراي ... بالخاولي ماعرف شون
طلعت ركضت من باب
المطبخ ... لحكني بالكاج ولازم الخاولي
راد يطلع وراي ... كامله .. سراج ويكله هوووي
اوووكف بعد اخووك راح تفضحنه البسلك هدمه
واسمع صوت الولد يضحكون علبيه
صاح بيهم
جنت واكفه كدامه .. عالرصيف .. ومايكدر يطلع
بطرگ الخاوليعلى خصة وكله شامبوو
صااح
.... انجبوو اولاااد الكلللب وياشرلي بيده عود
أوكفيلي .. ماتنلزمين عيبتله رفعت
جتفي ... بسته بالهوى واشرتله
بااااس وتمشيت
لبيت بابا
بس سبحان الله نزلت ... عليه طاقة إيجابيه فوول
رجعت للبيت ... أخذت فلوس من إيلنور
وبوجهي للحلاقة .. ورحت للسوگ
ماضل شي مااشتريته إلي
لحضه .. وكفنه صار كدامي شعر بنات اخذت واحد
كتلها :
... إيلنور تذكرين من أجينه باأول سنه ألج
وأشتغلت اني .. أشترينه ملابس
بالات
ضلت تضحك
... واني بوكتها كلبت الدنيا وسويتها مناحه
... بس تالي من غسلناهم ونظفناهم
طلعن حلوات
... كلششش حلووات
ضلينه نفتر لحدما تعبت .. رجعت
لگيته صاف السيارة واگف ... بالباب باوعلي خزرني وضل .... يمسح بشواربة ،، ويهز براسه
فوتت الغراض البيدي .. كلها
رجعتله ... كفت گدامه حسام گال :
... أجه ابوضي وكتله يتفضل بس ماقبل
... هوا شوي عنده حساسيه من هالبيت سوده
عليه يختنگ بي .. مايعرف يفوت للبيت
يحب الطفر من فوگ السياجات اكثر
موصح بسووولي
حجيتها واني مچتفه وأبتسم فتح عيوونه ... وخزرني
هز راسه بمعنى أوگفيلي بس ميكدر يحجي
حسام كال
.... أتركم بحدكم أخذو راحتكم
.... تفضل رجلي العزيز شتريد
.... امشششي وركبي السيارة لااحرك اهلج هسه
.... حبيبي مقبرة أربيل .. ومقبرة اهلك
واذا تحب العشيرة روح أسال
قتيبة مااندلها
.وأي گبر يعجبك ... حرگة براحتك
دار وجهه فرك شعره ... جنت رافعه تك حاجب وأضحك
.... نوررسين رركبي وبلا عناااد
... والله بسبس شكولك صفحتي لهسه توجعني
.... صارلج من الصبح تخورين بس شفتيني وجعتح
.... اي موانته تفتحلي جرووح قدمه
.... شننننييي يمه شني شفتحلج مسمعت ؟!
... جرووح قديمه شبيك اليوم سلامة ذانك
أنطررشت
.... شوووفي وولج ركبي وستري على روحج
... أنشالله تدلل .. بس دقيقه
تمشيت وكفت ورا .. الباب وهو چتف وكف على سيارة
تخصرت صحت عليه .....
.... بسووووله
باوعلي
.... اني غيرت رأيي ماأجي .. تعرف بعد حامل وهرمونات ... ماأشوفك تستاهل فرصة ثانيه
ياأخيي ماحسيتك ندمان
ضل فاتحة عيونه ،،، وانقلب اﻷدوار كال :
... هااا
.... حبيبي ووجعاا الوجعة كلبي
المهم كبدوش ... راح ادخل أنام وها صدك اليوم اخذت من إيلنور مليون ،، أنطيهن لحسام
وأنطي فلوس ... ترا حللت وطلعت حامل بولد
أريد اجهزززله .. وخليلي مصرف بعدك
مامطلگ وشمرتن هالشمرة هااي
سديت باب رديت فتحته وهوا ... صافن واكف بعده
... حبيبي بسوولة تغطى عدل لاتبرد ماشي
گوود نايت .. بسته بالهوى وطبكت
الباب وسرگته
لثاني ... يوم ب6ونص .. فزيت دزيتله رساله
.... اني ب 8ونص راح أطلع أروح للكنيسه على مود
لاتكول اني طرطور ورجل كرس وضاربتك
بعرض الحايط 😘 .. 💬💬
فتت سبحت ... طلعت إيلنور كاعده تسوي اكل لحسام كتلها أليوم ... اريد مكياج وشسوار من ايدج
الطيبه
تفرك بعيونها .. وتباوعلي حسام مدنك ويضحك
.... نورسين حلمانه ؟!
... تؤؤ
.... ب 7 السااعه
..... بسررعه يلا بعد ساااعه ونص شلحگ
.. شصايرر
.... حبيبتي راح أحرگ گلب بسبس شووي
ضلت صافنه طلع .. حسام واني اجر بيها جر
نشفت شعري .. عسريع شعري
طولان واصل لنص ظهري
سويته ... بالشسوار تكسير صار مكسر بس
مونفس لا حلوو .... كلتلي شراح
تلبسين
طلعت بدلة .. خرط من يم صدر .. مصلخه خيط
وحزام لون وردي .. بيضه كلها
من طول لطول .. وبنهايتها
مشجره بورد
ذبيت فوگاها ... شال شفاف مشجر
مكيجتلي .. خلصت عين وحده ..... أباوع الساعه ب8ونص ..
كتلها : معليج كملي خلي ينتظر شووي كملت .لبست
حفايه ... لبست الكلادة .. الذهب الي عليها
اسم باسل ... نكسر ونجبر ههه
ترست روحي عطر .. طوخت الحمرة
سحبت الجنطه .. وطلعت
وصلت للكنيسه ... لگيته بالسيارة يويت روحي
مامنتبهه .. وكملت مشي حسيته
يمشي وراي
ألتفتت ... عليه وسويت روحي أشهگ .
صحت
... عزززززه هاي أنته شجابك
... كلتي ب8 ونص صارلي ساعه الاربع أنتظر
... والله اني مامتفقه وياك ونووب ظروفي حكمتني
أطلع بهيج وكت ،، رفع تك حاجب معاجبه
وجاوب : ها گتيلي ظروفج مسح
شاربة كمل .. گال :
بيها الخير
ست
فتت للكنيسة ،،، سحبت شمعه فتحتله أيدي
گتله ... بسوله الجداحه
... أحرگچ بيها ؟!
... لاكلبياشعل الشمعه والخلفوك بيها
... بالعباس بيج گصة لسااان بوووووياي كمت
أباوع الكنيسة ... فارغه الدنيا صبح
تقربت يمه ذبيت الشال
كتله ،،، لزمه ألي عفيه وخليت
الجنطه عالكرسي
باوع لصدري .. وجتفي رجعت شعري ورا ركبتي
مديت أيدي بجيبه ... وهوا صافن عليها تقربت
وأحس بنفسه يطخ خشمي ... أبتسمت
همست ... كتله :
..... من رخصتك حبيبي سحبت جداحه
ورحت للمذبح ...
شغلت الشمعه .. وصليت وأﻷبتسامه مافارگت
وجهي .. كملت وكفت .. ذبيت الشال
عليه
... شعلتلك شمعة بلكي الرب يهديك
.... ليش شايفتني مخبل وكلساع بحجاية وهرمونات
حاكمتني مثل بعض الناس
.... لاحبيبي سلامة عقلك ... من عقلك الزايد
ردت تشيل أبنك وتطي ... هيج أنته .خيرر
أني المخبله حشاك
عفته ... ومشيت أجه وراي
... بوويه هيووو عرب چووول الجنكه نسيتيها
حمحمت والتفت اخذتها .. شكرا
تمشيت وضل يمشي ... بصفي كال :
... وبن رايحه
... لمطعم ابوشهاب
..... شعددج ؟!
.... مشتهيه أكل شلووون ماأكل حامل
سحبني من مرفق أيدي .... ويكلي أي تددلين
تركبين ويارجلج موبتاكسي
رحنا .. فتنه للمطعم ضليت أباوع للمنيو تالي طلب
كص ... دجاج جاب لفتين واله هم ومقبلات
واني أكل مفتوحه .. شهيتي
باوعتله يباوعلي ويبتسم ،، خرب حضي راحت
اﻷنوثه والكاريزما طارت .. حمحمت
وشربت ماي
... شعجب اليوم موبدوام
.... صاحبي لزم بدالي بديل
... موعوايدك تتغيب
... هيج اليوم شحص عزيز عليه ردت أشوفه
أبتسمت كتلها ... هااا
... اييييه بس هوا مايحس متعبني
.... لازم فاتگلك فتگ أكبر من راسك بعد متعلم أنته
.... اؤؤؤ صارله شهرين .. مدري ثلاثه
اعتذرنه ردنا بس قافلين سكتنه
عنهم حسباليهم حاگرينهم
ميدرون موجرين نار
عليهم
عضيت .. صاج ... واكله هممم الله يهدي النفوس
رفع أيده ويكلي ،،، ... أمين
دفع الحساب ... طلعنه وضل يفرني طلعنه
... وين راح نروح خوما ترجعني للبيت
ترا اني ماارجع
.... وليش بوويه ماترجعين يبزز
.... لااا بس تجيلي أظطرابات نفسية وعصبيه
نص الليل ابقى يم أختي أحسن
أبتسم ... وكال : بيها الخير ماخذج لشقلاوة
... شنوووووو
..... اي نفتر هناك ونحضر للطفل واونسج
عاجبني اتوونس وياج .. ونروح للمصيف
.... والللله صدددك صدددك ،،، احمم أقصدك يعني
ماجايبه ملابس
سحب ايدي باسها ... كال : مناك نشتري اليعجبج
باوعتله أبتسمت .. باوعلي وبيد يسوق
وبيد لازم أيدي
عاف ايدي ... ولزمني من حنجي بيده وباس
أيده ... رد لزم ايدي باسها وصلنه
لشقلاوة
اول شي فتنه ... لمصيف شقلاوة هههه اشتريتلي
شفقه .. واخذنا عصا مال سلفي .. نزعت حفايتي ودخلنه جبل ... شلال والماي ثلج وكل
ماأتحرك لازم ايده ... وخصرة
ضل ينزل ...اويصعد هوا يلزمني يكلي لاتزحلگين
گصينه صور ... وكلساع أحس شفقتي
تريد طير الزمها وشاله كلساع يوكع لويطير
من الهوى وكله تبلل
.... باسل خلي أذب الشال
... لاخلي
... والرب ذبحني أريد أتوونس
.... نورسين زنودج مبينه
.... هسه موهاي الناس كلها ونوب اني وياك
ماقبل ... كتلة : هاي عود جاي تونسني
درت وجهي ... وضل مصر عموقفه
تاليها .. چلب بطرف ساعته
دينكته ... طاح بشلال
سحبه المووج
أبتسمت ... رفعت ايدي كتلة : خواني معليه
... نفسج موراضيه دمشي خاتون امشي
ضحكت عليه .. شبكته وبسته واكله فديت اليغار
أني ..... باوعلي ضل مثبت نظرة
يبووي عضيت شفتي .. ورجعت شعري
همس بذاني
.... حامل وطيرين العقل ... لعد لوبلاحمل شلون أبتسمت ... باسني من خدي
نزلنه ... ركبنه بالقوارب للعصر تعبنه وملابسه
تبللت ... نزلنه من سوق شقلاوة
أشتريت ملابس
شي للطلعة .. وشي للنوم راهيات وولمصيف ومنزكلشي قطعتين قطعتين
عطورات ومكياج ... حجزلنه فندق فتت للغرفه
الهوى من تصير عصريات بارد والبدله
كلها منگعه
گال : بدلي بسرعه لاتلزمج الصخونه
... نام لونطلع
... خنرتاح شوي وبليل أخذج للسوگ
.... ومنيلك فلوس
... شسالفه نورسين
.... أنته محاسب
حسب السفرة عبالك كنيسه ... بسس
أبتسم ،، كال : مقتنعه بهل حجي حتى جاي تقنعيني
بي ... ضليت صافنه رفعت جتفي بمعنى
ماادري
..... والله ماادري انته سالفة البيت صدمتني بيها صدمة ... شغلك كله من جوا ليجوا وبعدين
تكول .. ف أتوقع حاسب حسابك
موو ؟!
ضحك ،،، كال : أقضوو حوائجكم بالكتمان خوما أجيبج
وأني بجيبي 75الف
سكتت ... ذبيت البدله كدامه ... وهوا أشتغل
التحمم طلعتلي أتگ .. لونه رصاصي
ومن وسط 3دگم وخيط
ربط ينربط كصير
رحت أنجطلت بالفراش ... ونمت حسيت بي شبگني
ونام يمي ... نفسه طخ بعلباتي وشواربه جكجك
باس ركبتي وحضني .. غفينه
حسيت بي يكعدني كال كومي .. يلا نمنه ب12
وهسه ب5
... بس 5د فدوة باسل
... يلا نورسين
درت عليه ،،، شبگته ولازمه
حلگه ضل يگزگز على أصابيعي غمضت
حسيت كال : يلاحبي صارت ونص كمت بالگوة
دخل وياي .. فات باسني .. غسل
وجهه بصفي ... واني بعدني
اريد اندل صابونه
وغف الصابون ... رجع شعري وهوا غسلي وجهي
.... شنو رأيج اجيب تعلاكه مدام صابون بعينج
.... عززززززه
.... واردها الج
.... لاهاي هيه صافينه أنت منجل واني تعلاگة
أﻷتريد جوله ثانبه
ذب ماي .. سحب الخاولي نشفه باوعلي
كال : أقتنعي اوﻷ صدكي اوﻷ
يمكن مامجربة .... شعور تشوفين اختج اوأخوج
محرومينومن الضنى وأنتي حضنج متروس
من اشوفه تبجي وتكلي باسل أريد
طفل أريد احس باﻷمومه
وأني مابيدي شي
عليها
خبر حملج كلت يجوز أشارة من رب العالمين توقعت
أكدر أفنعج وحاولت وياج ... وكل ماترفضين
يزيد عنادي .. بس ماجنت أريد أذيج نكون
واقعين
انتي جاوزتي وسبستي اهلي . غير سالفة التعلاگة
وتكلي أحرگ روحي ماامشي وراك .. بحرف
وموبكيفك وكمتي تعلين صووتج وتصرفج
ببت حسام .. ومن مجاوزه عليه كدام
اخواني .. وكايله لضي أكسر
أبوج
يعني جاوزتي بما فيه الكفاية ،،، رغم اني ساكت عنج
شهرين ... هالحجي معبرلج سالفة الفشلة كدام
حسام ،،، بس موقفين كبرنج بعيني
أولا : ماگلتي لاأهلي سبب المشكلة وقهرتي نور
والثاني .. بالمستشفى من الشرطة أجت
وماأنطيتي بيه .. ولاوحدة غيرج
جان سجنتني كولتن وتريد
تاخذ ابني وضاربني
بالمنجل حتى لو موبالقصد
أنما الباقر أعرف كله من أعصابج .. وعاذرج عليه
من تركتج بيت ابوج ... ردتج ترتاحين وصيت
البنات .. محد يوصلج حجي عني
اويجيب طاريي كدامج
ردتج تصفين بالچ ﻷن أعرف نفسي غلطان
انما سالفة ... الدعمه فجانت خطة من نور وأيه وضي
في سبيل ترجعين ... وفعلا جابنج للبيت بس !!
وأنتي شاخطه
أبتسمت ... دنگ عليه تقرب راد يبوسني ورافع أيده
طابكها ع.الحايط البظهري حاصرني
نزلت وطلع بسرعه .... ركضت لباب الحمام
.... لاتصير أستغلالي للفرص ترا
بعدني زعلانه
.... لعد تغسيل الوجه ماغزر بيج
تخصرت واكله
.... لاوالله تضحك عليه بالتغسيل رفعت جتافه
واكلة : معليه رضيني .. أقنعني
نزل درجتين مال حمام ... وأجه كبالي للباب تبعدت
.... أي يابه نرضيج ليش لاا ،، وشتردين ترضيه
.... ماأعرف أنت وشطارتك
أخذت ملابس .... وفتت للحمام بدلت بنطرون
جينز وبدله فوكاه .. للركبة
طلعنه ... مكيجت وتعطرت .. وكفت ضيگت البدله
بطني .. بارزه .. أباوعلها هههه لزمتها
بااصابيعي أحسه ضل ثابت كل مرة
يتحرك .. طبطبت شووي
أندفعت أيدي يعني
تحرك
وهاي جانت لعبتنه ... اتي وأبتي وهوا بداخلي
ساعات اتخيل يفهمني ... وفعلا أكعد العب
ويا أخلي أيدي كلساع .. وأوخرها
ومن ارد اخليها يرفس وتندفع
طلعنه ... نزلنه لسوق شقلاوة ،،، شقلاوة منطقة
جبلية ،،، فطرقها نزول وصعود على گولته
يسميها كله شقلاوة بقلاوة .. يكول
ﻷنوحلوة
تسوگنه وأخذت بس صوغه لبيت سيف وسراج بنات اخذتلهن تراكات .... والزلم ساعات فصللهم ذيب
وياكرار ... والجهال الالعاب ... أشتريت
لضي وزهورة أكثر
... هسه انتي كالعادة
... شنوو
.... كلتي نشتري تاليها اشتريتيلهم ونسيتي روحج
باوعتله ... كتلة : عاجبني أشتري هواي أشياء ومن أجي للسوگ كلشي يروح من بالي
بس عالفكرة سؤال
... جواب
.... جنت من نوع تتملل منوجية السوگ شحدى مابدى
.... والله سلامتج ،،، مصار شي بس كتلج نريد نتونس
...... امممم هيه ونسه وأجه وياها عيد ميلادي
.... عليج الله
.... جبت عمري ولاانسى تاريخك وانت كل سنه
اصدمك صدمة بي ،،، ضحك
.... يمته بالله
.... باجرر
.... ماتكولين
... كلت بلكي هوا يحس
ضلينا نتمشى ،،، ردينه ذبينه الغراض للفندق
كال : باجر النا روحه ثانيه بس الج
... تمام
وصلت للباب دنريد نطلع ،، أرتديت ولزمت بيده أريد
اوكف أحس رجلي مشيلني .. تلقائيا وگعت
بمكاني ... فتحت عيني ينكت بيده
ماي على وجهي
.... نورسين
... مابيه شي بس تعبانه
.... كومي خنروح للمستشفى
ضليت مغمضه .. وهوا يحجي
.... انطيني تلفونك
... شنوو
تلفوونك
طلعه إلي كتبتله ... أدوية كتلة :
.... بس جيبلي ذن اﻷدوية
... تمام
كام وضليت نايمه يمي التلفون .. اتصلت طلبت
عصير برتقال فريش وحبة بندول شربتهن
ورديت انجطلت .. لشوي اجه هوا
أخذت اﻷدوية .. وغفيت
حسيت بي كعدني .. جايب معلاگ وكباب كال :
... كومي أكلي
... لافيهن بخبز صاج .. اكلتهن
ورديت نمت ... فتحت عيني كاعد يمي عالفراش
وايده بشعري
..... هاي ﻷن طلعتي اليوم وتبللتي يمكن هوى
عالي بسرعه تمرضتي ﻷن ذيج المرة
هم هيج وتخربطتي
.... لاا ذيج المرة بالثلج .. لكن !
هالحمل رغم سمنت
بي .. لكن الاوعية دموية شعريه
تتمدد عندي يصير هبوط
بالضغط .. فكل يضرب
عالدم .. ينمنع ضخ للدماغ لحضات فتصير حالة أغماء
فالدكتورة أنطتني .. دوة حتى ليصير تخثر بالدم
وهوا ادوية .. بس صارلي من أول بارحه
مشاربتهن ناسيتهن بارحه وياايلنور
طلعه ،،، واليوم ووياك
وومماكلة من صبح
فتعبت
عضلي صبعه .. ويكلي شسووي بيييج شسوووي
أكوو.وحده تنسى دواها ؟! ،، أبتسمت رفع
راسي عفخذو ....... نزل يمي
سحبني على ..... صدرة
باسني من .. راسي
وضل يشتم
رفعت راسي ... باوعتله
.... تعجبني نظرة الخوف هاي بعيونك
.... هاي النظرة تشعل أبوي بگبرة
... ههههه بس لوتعوف اﻷبو
... شسوي بالعباس ابوج وأبووي أحبهم بس
لساني وصخ .. شكد اكول عيب
اثكل صرت رائد .. بس
ماكو كل ماله يزيد
مينقص
أباوع لطريقة حجيه .. أيده من يحركها شفته كلشي
بيه تمعنت وكلشي حلو ... رفعت نفسي لزمت
وجهه وبسته من شفته .. بادلني ابتعدت
أبتسمت وثبتت وجهي عوجهه
.... أكثر من مرة ..... تتقربلي وتگلي ماأقوومج ،، هالمرة أني الماقاومتك
... محضرلج خوش سهرة ،، بس أريدج بحيلج أرتاحي هسه
.... تأدب موكبل يشخط بالك مكتفيه بالبوسه
... ﻷشنو هاي البوسات زلايط .. حبيبي
اني مااكتفي طماع أرريد بعد
أبتسمت ....... ضلينة نسولف وأحنا منجطلين لثاني
يوم كعدت ... الصبح نزلنه للمطعم قبل الريوگ
أجه ... ولد وبيده كيكه ثبتها عالميز وكلها شموع
السياح الي بالمطعم ... كلهم كامو يغنولي طفيت
الشموووع وتمنيت أمنيه .. كام باسني
شبكته وبعدني متفاجئه وفرحانة
.... شكراا كلش حلووو والرب يخبل
... تستاهلينها أم أسد
طلعلي ،،، سوار ولبسني ياه فضه على شكل مفتاح
.. كل أشيائك رمزيه
مدلي أيده .. سوارة فضه على شكل كلب
.... هاي كلبي عندي ومفتاحه بس عندج
.. ههههههه حبيت
بوكتها ... طلعنه للسوگ وحضرنه للولد
كال :
... جربايه نشتري هسه لوبعدين
.... بعدين خليها تصير هوسة
اشترينه أحتياجاته ،،، كال : نورسين متاكدة ولد
... اي والرب دكتورة غير ،،،، كالت :
.... كل مرة اني وياج وأول من يدري سواء ب أسد
لوبركات
... حتى هالمرة
... يعني إيلنور ماتدري ؟!
.... لاوالرب ماتدري أنت أول واحد كتله
... هممم كتيلي
.... اول مرة أعرفك غيار
... أصلا كلش غيار باﻷخص يمج
تمشينه فتنه ... للمطعم جان عالجبل .. كال :
.... جبل سفين حلوو
... جبل كورك بااربيل .. وجبل ازمر بسليمانيه حلووات
.... اشمعنى يعني
... هذا جبل ... بالشتا مايصير بي تزلج ﻷن
گاعه من الله بيها أحجار ولوهوا جبل
عبارة عن حجر بس اكو منطقه
القمه ... تختلف بي
ذنيج ... لااا رغم جبل أزمر نوعا ما بي خطورة
بس حلوات أكثر
ضل صافن كال : تدرين عندي أمنية كل العراقين يعيشون هالحياة ،،، هنا موطبيعه بس حلوة
ناسها هم حلوين .. ماداخله بينهم
الفتنه تعيش مرتاح
رغم شوگگ لبغداد ... يطوفك بين فترة والثانيه
بيوت بغداد البصرة بكل مكان بيها صرخة
حزن وشوارعها ... بكل ركن صورة
شهيد كمت احسهن يخنگتي
أمنيه عندي هالتضحيات .. الضحيناها ماتروح بخالي
بلاش .. والشباب الي مثل الورد والسباع
إلي راحو .. دمهم ميروح هدر فتحت
عيني عراقي تعبان .. يمكن
قلة بوكتنه هذا عدهم هيج احساس بالوطنيه مو بس
ﻷن عسكري احساسي ... بس احساسي كبشر
عندي انتماء قدمت اكثر من 10سنين بعمري
بخدمة الوطن ... اتمنى هالوطن بيوم
من الايام يرتاح .. ويكدر يبتسم
بضحكة مليانه فرح
.
جنت أباوعله من يحجي ،،، نظرة عيونه موتمني أنما
حسرة .. بسته من جتفه ووكتله انشالله
أفترينه ... رجعنه للفندق بليل وأني مسطورة جنت لابسه بوكتها بدله جوا ركبة ... لونها سماگي
ومن جتافه ... خيط ينربط عسكل فراشه
ﻷن رحنه للمصيف بيومها .. هم
بحيث أول مادخلت .. سد الباب تمشى وراي ذب
ترانشوز والبنطرون .. دينزع القميص رحت
للجربايه .. هوا جان واكف بصفها ﻷن
ملابسه نزعهن عجربايه
مشيت خطوة عثرت أريد
أطيح سحبني من خصري لزمني وأيدي
باوعتله وضحكت ... كمت اكركر واني واكفه ولازمه
حلكي .... كتله
.... صرت احس روحي چني سكرانه أطوطح منا ومنا
... هوا هم عطرف لساني شكم مرة عثرتي اليوم
... هههههههه أفترينه هووواي
... اييي
شبگته گتله ،،، صدك شكرا يعني كلش هواي وحيل تووونست ... كال : تدللين وهوا الهدف هذا
وكل عام وأنتي بخير مرة ثانيه .. وكل
سنه وأنتي وياي
جاوبته
أمين ضليت لازمته من ذقنه باوعت بعيونه ... صار قريب عليه ضحكته تلاشت نزل عينه ... لشفتي
بلعت ريگ ... دنگ لثم شفتي وبادلته فتح
خيط مال البدله من جتاف .. من جهتي
وگعت ،،، شالني للفراش ووو
ضلينه بعدها يومين ويمكن ونسة .. من العمر صارت
رجعنة ،، للبيت وبالطريق كله مشغلي
راح ايجل روحي بااسمك محمدعبد الجبار
دخلنه ... للبيت وسراج كال : فتنه بت إبليس رجعت
اليوم عازمكم على حسابي .. ههههههههه وزعت للكل هداياهم ،،، لليل طلعنه للحدائق عكولته
هم نونس جهال وهم نلتم ... وفعلا
بوكتها هوا عشانا على حسابه
بهل مناسبة ... بشرتنه نور بحملها جانت لحضات فرح الها واكثرها خوف وترقب .. گمنه نداريها مثل
الماي الي بالصينيه
بركات كل مانريد نطهرة ... تتاجل السالفة بنهاية
حملي ... وهالحمل فتت بالعاشر وكامو
يمشوني واني ماوالده بعدني
بيوم نجاح كرار ... من مرحلة لمرحلة وهوا غرفته
يمته ماتدخللها صور عسكرية وبدله عسكرية
وطبع بااطباع سراج نسخه مستنسخه
من سراج .. وكل الباله
العسكرية
سوينه بوكتها لمه بالحديقه ... دنتمشى أني وباسل هالفترة هوا ... دائما يمشيني حسب توجيهات
الدكتورة
الكل ملتمين وهوا يمشيني ... فات كرار من يمي ويگله
شلونها الرگيه مال البيت (( بطيخ أحمر ))
.... ووولج ئووويه صيحي أخوووج
سراج .. هوي.هوي هوي.هوي عكيفج فتنه بت إبليس
شكال الولد .. هواوأنتي چنچ بطيخه حمرة
.... سررريج أسكت عنها
.... باسل شوفهم هوا يسميني فتنه ،، وعلم كررير يصيحلي الرگية الحمرره
.... عووفيهم حبيبي مضغووطين منج عدهم .هالشفه
هاي والجمال هذا كله والخدود الحمره ،، غير
تخبلين
كرار .... هسه غير يكعد راحة رجل زليخة
سراج ... هاي شفتها حلوة وخدودها حلوات
وصارت تخبل ،،، لعد لوتشوفون عيوني
كل وحده زرگه هالكبرررها چني
غزززال
يبوووووو عاد بدا يمدح بجماله ،،،، خررب يومه شكد
يحب روووحه .. كلتله أيه :
.... يعني أني كلشي شفت ليومك هذا بس رجال
عسكري ومقدم ينغر بجمالة ويمدح بروحه
ويگول چني غزال مشايفه ... مشايفه
إيلنور خربانة ضحك ... عليهم
جاوبها
.... زروگه حبيبتي هاي أشياء أكبر منج ماتفهمينها هاي
احنا الصاكين النجوم الامعه نحب نضوي
الناس بجمالنه ونرسم الضحكه
على وجوهم موصح
كرار ؟!
كرار .... نسيبي لاتعب روحك انت كلتها كلام اكبر
من عقلها
.... ايباااااه
.... قابل مثلج زرگ
....... زحفت لحد ماگلك الله بس
باسل طكها ضحكه وكال : هااا بدا العار والمعيار
سراج :
... انجبب لك *** مودكيت أقامة ... گبال الكنيسه 4أشهر ... لونسينه
حسام : عمي أنتم واحد دگ أقامة والثاني زحف أني
يوميه طار المطعم جايب عشا لفيلق كامل
حتى الخاتون تاكل البيتزا
يبووووي صار تصنيف واحد كت سوالف ومعاناة الثاني كعدنه ... وجانو ديشون أيه وسيف
وحسام يمه ... وضي وزهورة ينگلن
النا وخالة فاطمة وياهم
تساعدهم
كعدت يمي ضي .... بيدها صحن بي همبرغز
سويتلها ... لفه وأكلت ضل باسل مكعدها
بحضنه
ضل يغنيلها راح اسجل روحي بااسمك .. هالفترة هاي هوا كلش تعلق بهل اغنية يمته مانجي
لويغنيلي لو يغنيلها
أنتچيت عليه ... من جهة چتفه لزمته باوعلي وأبتسم
ضل يغنيها بصوت ناصي
.. اني عايش عمري للاجلك .. المهم عندي انته ترضى وماتفارگ عيني لحضه .. ومره أبوسك مرة
أشمك .. أنت طيري وصعبة غيري إلي
يفهمك .. من أحضنك تنسى حزنك
تنسى همك
أدعي لربي يحفظك إلي يالغالي ويسلمك
راح أسجل روحي باأسمك .. حتى أضل
كل عمري يمك أنته ..... بس !
خليك يم خلي انسى وياك
همي
أني حاير وين أضمك؟؟؟
********
في ما بعد ،،، نورسين ولدت وبيوم الطهور عرفو نور حامل ... ببنت نور والحمدالله ولدت بخير
وسلامة صارلها مايقارب أكثر من 4أشهر
كرار هالسنة صف سادس ... انشالله السنه الجايه
ناوي يقدم عسكرية
لهنا وتنتهي قصتنة ،،، أو قصص ابطالنه اتمنى النهاية تكون منصفه لجميع ... اﻷطراف وتكونو تعلمتو
ولو شوي من أخطاء اﻷبطال وأخذتو
العبرة الحقيقيه للقصة
وصدقاً اتمنى استمتعو بالقرائه ،،،،،،، وممليتو منها
وكل موقف ،، وبطل ،، أو شخصيه ... تكون
تركت أثرها بيكم
بالنسبة إلي أكثر شي لفت ... أنتباهي بالقصة وهيه
مراهقة أبطالنه .. وطفولتهم
سواء معاناتهم الكل ضرب سراج ... وأب ايه والشرب
مقارنه بين نورسين وإيلنور على أمور تافه الشكل
او قلة الثقه بسبب عيوب اذا تسمت عيوب
أصلاً يكون الله اختارها النا
الخيانات والماضي الحزين الي .. تعرض أله باسل
وطبقة ... بحياته وبكبره .. وضيع من عمره
مايقارب 4سنين ويمكن ضيع
عمر كامل وليومكم
هوا أعصاب
أحساس المقارنه بين حسام ومقدام ،،، ﻷنو نفس العمر ... ﻷزم تطلع أحسن شي وتكون
اﻷفضل ... طفولة الي حكمتنه
اهله دومهم فارضين عليه
تطلع الاول لأنو أنت
هالواحد
ماكو انسان لازم يكون الافضل ... كلنه بينه عيوب
ومحد كامل مكمل ،،، الطفولة والمراهقة
عمر حساس للانسان بصورة عامه
للطرفين
هوا إلي راح يحدد بعدها نمط ... حياتك صعبه تغير
نمط حياة كامل وشبه مستحيل هالشي .. يكولك
ربي ولد تبني بلد
اتمنى من جميع اﻷهالي ... يتقربون ويعتنون بااولادهم نفسياً ... مو فقط أدرس أدرس
أدرس
الدراسة نجاح .. بس الحياة تجارب حاولو تفتحون عقلهم قبل عيونهم بالوعي .. والتصيحة
باﻷخص اطفال هالوكت .. يفتهمون
كلشي وأذكياء .. الله يحفظهم
حاولو تكعدون يمهم تنطونهم من وقتكم ... صح الحياة مشاغل ........ لكن !!
خلي يذكرك بعد شكم يوم ... بكلمة طيبه بحجاية ألك ترن بذانه بموقف من المواقف .. يترحملك ويفتخر أنت أو انتي ،،، چنتو أبو أو أمه
تصدگون بكلامهم ،،، لأن لو اب ذيب مصدك كلامه
يمكن مچان مات ضياء ،،، ولاچان شاف الشافه
ضياء
الثقه حلوة بس مو اذا جانت بزيادة لسهر ،،، وكذالك
الاهمال يهدم اقوى علاقات الحب ،،،،،،. مثل
سِيراج ،،، انما الأهتمام بذرة تكبر
بالأنسان وتزهر وتكون فواحة
بعطر جميل يملئء روحك
سعادة
حلاة المراة بقوتها وانوثتها ،،، تتمثل بعقلانية ايه
الخجل والسكته للمراة حلوه بس اذا زادت
عن الحد المقابل يستضعفك
وأكيد الخيانة مو طبع يتعمم ،،، على كل المراة
والثقه جوهر الحب ،،، عكس الشك فَ هوا
النار التحرگ العشگ
الكلمه الطيبه حسنه تترك أثر ،،، والموقف الحلو
يمثل شهامة المقابل ،،،، والشخصيه مو بس
للرجال ،،، الحب ،، الاحترام ،، الاشتياق
اشياء تنفرض بشخصيتك .. أفرضها
أحسن ماتطلبها
انما اولادكم ولكل شخص عنده مراهق اوطفل ياريت .. تطلعون على تفكيرهم تصححون
أخطائهم وتعاقبوهم وكت الي يعيدوها
موتضربونهم
تكونون وياهم برحمة الرب ،،،، على عبادة وبصبر
إيوب على ما بلاه ،،، وبصدق حب اﻷنبياء
لربهم ... ﻷن محبة اﻷطفال تكون
ناشئه ويانه بالفطرة .. مابالك
أذا نميتها بداخلك
اتمنى أكون وصلت .. ولو شوي من فكرة القصه واستمتعتو بالقرائه ..

#_إيلاف_النجوم