[لامارا]

..... ايه
أتصلت بيه إيلنور .... وكالت : أخذنه
أمج ... حولها حسام عالمفراس
وطلع عدها سرطان
مااعرف بعدها .... شلون مرت اﻷمور سراج
عصى بالولد ... وأني مااكدر أبقى
أمي مريضه .. ومناك أخوي
عفتهم .... طلعت رجعت لبيت سراج ،،، بس !!
فتحت كنتور .... بي الخزنه أخذت
منه جواز .... مالتي وجنسيه وشهادة الجنسيه
ﻷن اﻷفندي جابلي ياهن ... بالفايل أستنساخ
الله ياخذك ... حقيرر كوون تطلع حوبتي
بيك .. نذذذل
لميت غراضي بجنطتي ... خليت ذهبي
وكلشي أحتاجه ... مل ماأذكر
من طلعني من البيت
ويصيح لذيب طلعها كسحها من بيتي
النذل .... حتى ملابس لولدي مثل الناس مخلاني
أخذ .... المرعووص
بقيت كرار ... فترة يم إيلنور نوب يم
جوارينه .... وأخذت أمي طلعت
بيها ... ل لبنان
بدينه جلسات علاج ... وكله كيمباوي فوك
5أشهر .... بين أسبوعين واسبوعين
جلسة ... علاج
صارت تكاليف هواي ... وأمي كل مالها تتعب
ماتتحسن .... أول فترة جنت أصرف
من سلفة الي أشتركنه بيها
اني ونورسين ﻷن
جنت ضامه فلوسها ... واني عندي جوا أيدي
فلوس ... أمي ضامتهن يمها
بس !قصص وروايات عراقية كرار صلاح
بعدين ... لاا ،، خلصن الفلوس والعلاج
بديت أبيع ... بذهبي لحدما
الممرضه
جانت ... بنيه شابه لبنانيه يس مبينه من نوع
متدينه حتى من تحجي .. كله أخت
أيه .. وأخت أيه
أمي ماعده ... وداير تلفزيون على القرأن
صاحتلي ... كالت :
... أخت أيه أني ماأعرف الله شكد كاتب لوالدتج
عمر ﻷن اﻷعمار ... بيد الله بس !!
للأمانه المهنيه ... وخوفي من ربي أريد أكلج
وأكون وياج صريحة ... وأن كامت صراحتي
جارحة
.... مفهمت ،، صاير شي ؟!
.... أحنا ب لبنان وب هل مستشفى هواي يجون
ألنا حالات مرضية من مرضى .. كانسر
أكو بيهم يتعالجون .. والبعض
لا
ﻷن مرض خطير ... وسريع اﻷنتشار خلايا تنقسم
شكد متحاولين تسيطرين ... عليه
مايفيد
علاج كيمياوي ... مو ل أمج ،، فوك مايتعبها
ويتعب جسمها ... هيه بالغة بالعمر
والكانسر ... صاير بالرئه يعني من أخطر
أنواع السرطانات ... تشوفين
أوكسجين ومركبيلها جهاز
ويوميه تحاليل ... لكن !!
صدكيني بس صرف فلوس ... لهذا السبب
أكولج .. وأعتذر كلش
حالة أمج ... شبة ميؤس منها ف أتمنى
لاتعبين نفسج .. ﻷن بعدين أذا
صارلها شي .. وحاولتو
ترجعون للعراق..
أجرأت جنازة ... جدا مكلفه وأتمنى
سامحيني
لكن !!
ححيت ب الي يملي ... عليه ضميري
حتى ابرء ذمتي أمام الله
رجعت للغرفه ... أصعب شي من تشوف جزء
من روحك ينازع ... كدامك ومابيدك
شي غير دعاء .. وأنتظار رحمة
الله
فتت يمها ... وشبگتها لزمت أيدها باستني
كالت : هابشري يمته أموت
.... ماما سكتي ليش تحجين هيج مايصيرلج
شي .. حجيتها ومنزله راسي
... أيه أخذيني ل أمير المؤمنين أختنكت
من المستشفى
.... انشالله .. عفتها وطلعت بالممر عفت مستشفى ملها وطلعت بالشارع اتمشى وابجي
لحضه خطرت بالي صورة جهالي
اشتاقيتلهم واشتاقيت لكرار
صار فون كدامي بيدي عمل معدنيه .. ركبت بي
ودكيت .. اجالي صوت سراج ضليت
بس اشهك عزت عليه نفسي
حتى احجي ويااه
شمنتظرة منه يرجعلي ولدي وهوا طردني
سديتة بوجهه .. ورجعت للمستشفى
واني روحي ضايعه
رجعنا لاأربيل ... اول مافتت للبيت لكيت
إيلنور .. موجوظه خطيه محضرة
فراشها ... نومناها
كالت : الحمدالله عسلامه شلونكم
.... بخير الله يسلمج
... نصب غدا
امي مالت اييي
... ماما مو كنالج بس شوربه
... ولج ئوويه راح اموت ... تموتيني واني
جوعانه
درت وجهي ... وإيلنور تاشرلي سكتي
دخل كرار ... وهيه تولته شبگ
وبوس
وتگلة : هاي ظالمة النفس فرگتنه على شوي
أجيت ألطم .. نوب سوتني ظالمة
نفس
بقو حسام وإيلنور يمنه ... لليل
... ما أعرف شلون أرد جميلج وياي هواي تعبتج
مشكورة ،،، ضحكت جاوبت
... أني هم مااعرف شلون أرد مواقفج ... ويانه
أول ماأشتغلت نورسين .. وبزواج نورسين
وحتى من توفت أمي .. أنتي
مريضه .. وويانه بالفاتحه
ومن ولدت .. فترة نفاس كلها كضيتها يمج
أبتسمت ونزلت ... راسي ساعات أكو نوع
من الضحكات .. تكون مسلوبة
من الفرحة
سئلتها ... إيلنور حسين وعلي شلونهم ؟!
.... يم نور
سكتت شووي ،،، وگالت : بس ترا سراج
... اششش لاتجيبين أسمه ولاطارية إلي يربطني
بي ولدي وهم ... أريد أخذهم منه
بس أنتي كدام عينج .. شي
جر شي
... براحتج ماأدخل أني ... بس هوا عم بنتي ترل
ماانكي بي ... وخوش ولد
... امدا بتج أذا هذا عمها
ضحكت عليه
كملما .. غسل ماعين لليل راحو
فتت يم امي .. شابگه
كرار وكاعدين
كومته ... لغرفته كتله يلا ختنام عوفها ترتاح
اخذته طلعتله .. ملابسه بدل نام
بفراشه
كال : بس أكبر وأصير ضابط ماأخليج تبعين بذهبج
ضليت صافنه ... عليه
... منين تدري
.... سمعتج حجيتي وياإيلنور
سكتت وكعدت .. عالفراش
.... أيه ترا اني مو بسادس أبتدائي ترا
أني السنة جايه بالثالث راح
أصير
لاطفل ولاصغير ،،، أعرف فلوسج خلصن
وماكو شغل ... أصلا انا مقرر
أشتغل غيرتي ماتسمحلي
... كرار أني تعباانه لاتزيد تعبي أنته الانسان
الوحيد الي مريحني لاتشلع كلبي
... أنتي ألتهي بشغلج ... وأني أطل أشتغل
عماله باليوم 25الف 4 أيام أجيب
100 .. ولو اشتغلت
صبح وبليل يصيرن 200 الف
.... ولك ربيت وتعبت واشتغل على مود تدرس
وتاليهاا تكلي عماله
.... أولا لاتكولين ولك ،، اني صرت رجال جبير
إلي هيبتي .. وأحترامي
بيدي الفانيلا تخصرتله ،،، جاوبته : اي بالله
كمل ابو الهيبه واﻷحترام
... ف أرجوج كلمن يلتهي بشغله .. وأنتي
ألتهي بشغلج
... كرريررر هذا موحجيك .. أنوب دور هيبه دورها
برا موتجي براسي تبيع هيبه .. مو تعلمت
سوالف ذاك الاعووج
.... هسه صار اعووج ﻷن طلكتي منه أصلا
عمو سراج ... كلش خوش أنسان
وانا صرت رجال .. جاي احاجي مو ذاك الطفل
ف ارجوج كولي كرار .. لوابوحيدر
عمو سراج كله .. جان يسميني
ابوحيدر قصص وروايات عراقية كرار صلاح
... كرارر شبيك انااا أختك .. شقاري براسك اﻷفندي
من يمته .. هيج تحجي وياي .. وشتشتغل
عمرك 14 سنه .. وينك وين الشغل
... عادي شكو بيها ... مو عمو سراج أشتغل
بمطعم .. وصاحبه عمو باسل أشتغل
عماله . وانتي بعمري أشتغلتي
خياطه
الشغل موعيب
.... لاعيب .. عيبب وهم ... عيييببببب ونص
ويسلب كل حقوقك باﻷخص أذا جان بعمرك
متشووف باسل يريد .. يعوض الي افتقده ببنته
وحتى سراج ........ نسى الكل المهم يجيب
فلوس ويخلي الولد يدللون وميحتاجون
شي ... واني اريد ادللك
گمنه نعوض نقصنه ......... باأطفالنه وأنت
موبس أخوي أنت ... أبني ف لاتعبني
ﻷن أني بروحي .. تعبانه
... أعرف بس عمو سراج ماموجود ويصرف علينه
...... وشنو أحنا قبل سراج جنه نجدي .. اني
وين رحت ... هسه صار سراج الكل
بالكل وصار كله عمو
واني تنتر بوجهي ،،،،، نتر
لوهذا حچيه لاگطته .. مثل ألرادار .. مال غيرتي
ماتسمحلي ،،، وألتهي بشغلج ،، واني الرجال
هذا موحجيك كرار .. عمري بحياتي ماربيتك
هيج ولاعلمتك ... تتصرف وياالمرة هيج
مونوب اختك وربيتك
... أييييه
.... كاااافي لاتكوول أيه لوأدري بيك من تكبر
هيج تكوم ترادد وتحاجيني ... مجان
من تمرضت ركصت .. بي .ومن توكع اني يمك
ومن ترسب اني ادرسك وبعد وبعد وبعد
تحملت الذل ... على مودكم شغل وتعب .. وطفوله
كلها تعب بتعب ... وتاليها تكلي اني الرجال
خوش رجال فانيلا مايعرف .. يغسل
شمرتها عليه .. وصلت للباب صفكت ايدي 3مرات
وغميته .. وطلعت
كعدت بالصاله ... أباوع الساعه ب10الاربع بليل
عد ماما .. دوا قبل الاكل ،،، وبعده
انطيتها .. دوا
فتت سبحت طلعت .... كعدت أمشط شعريه
أباوع لوجهي ... بالمراية منين
تعبانه ... ضعفانه
هالات سود
توضيت .. وكعدت يم أمي أقرأ قران ماجان
عندي ملجئء ... جنت أريد امي
تشافه بالقرأن ... أريد الله
ياخذ حگي من سراج
هم
ماأعرف ... عليمن أعتب
لاأبو بي خير ... لارجل بي خير .. ساعات
أحس حتى حيلي ... راح صار
عمري 27سنه .. ماضل
شي ماشفته
كمت نظفت البيت .. ولو ايلنور ساعدتني ،،، بس
بخرته ... فتت لغرفتي سحبت مندر يم أمي
نمت اباوع مشمور يمي .. أيباد كرار
جريته فتحته .... داااريد
أدور على فندق قريب عاﻷمام وبسعر .. رخيص باوعتله ... حاط
الخلفيه مالته ومال سراج بالزي العسكري
سراج طبع براسه ... فكرة الضابط
والعسكري .. زرع بروحه .. حب هالمهنه وهوا طفل
أشوف حتى بميوله ... كلامه .. هواي أحيانا
أسمعه يحجي كلاممو مال عمره .. روحنا
فداك ياعراق
لومن يتصل هوا وسراج ... ويكله طلع الجرديه
اااخ لو وياك اني ... لو أطوع بالحشد
وهوا يكله لتخاف تلحگني
تلحگني
ساعات أصفن
على كرار ،،، شبسرعة تعلق بسراج هيج
ههههه أذكر ...
اول مفات سراج لحياتنه ... كرهه كره العمه
باﻷخص من ضل يشوف .. أمي دلل
بسراج .. هوا اني الجبيرة .غرت
نوب هوا
ساعات ... اكول هوا اني ردت اخلي رجال اجذب
لواكول ... سراج ما ساعدني اني مرة
عشت ويامرة ... حتى بشغلي
جنت مااختلط وياولد قليل
سراج رجال يعرفله ... ويمكن ﻷن هوا مر بمرحلة
عمر كرار ... يعرفله بس !!
هسه تعبني ... باﻷخص هسه عمره
مراهق قصص وروايات عراقية كرار صلاح
مرحله حساسه ... كلش
كلشي تزرعه براسه .. بكلبه .. بعقله .. تعلمه
عليه يبقى ويا طووول العمر
گال طلعي لاتخلينه بالبيت ... خل يطلع يشوف
جابله سكوتر ... جابله بايسكل ويكله
أطلع ،،،، أذكر ..
من جان وياه .. على شكم مرة حتى يركبه
يعلمه عسياقه سيارة ... هوا
طفل .. باﻷخص كرار جان
عنده واهس .. بهيج
أمور
بس !!
هوا يعرفله ويكدر يسيطر .. عليه
اني مااكدرله .. وفعلا
مااكدرله
أمي ... كالت : أيه كاعده
... أيه ماما
... شصاير بينج وبين رجلج
... ماكوو
... صدك مطلگه
سكتت
... أيه جاي أحجي وياج لاتعبيني
... اي ماما
... شنو السبب
.... ماما سراج تغير هواي مونفسه سراج اﻷؤلي
.... وتطلگين
... هوا طلگني من بحده انا ماطلبت طلاگ
شتردين أذل نفسي وأتوسل بي
.... و ولدج
... مااعرف ماما .. كلش ماااعرف حرت
عليمن أصفن
اشرتلي تعاي ... وخرت مغذي وصعدت يمها
عالفراش .. نمت بحظنها وضليت بس
أبجي
... ماما أني ماهمني سراج ولا ولدي ولاروحي
بس لاترحين انتي .. ماعندي غيرج
أريدج تبقين يمي .. ماما
لاتعوفيني
ضلت تمشي ايدها على راسي .... كالت :
.. كل أنسان يعيش عمر . . وياخذ
نصيبه من الدنيا
الحمدالله ... اني عشت عمري بس هاي هيه كبرت
عمر تبگى ... ضليت أبجي وحاضنتها
كالت
.... سراج خوش سراج ... أيه لاتشوفينه حلوو
ومغرور .. ترا فقير وماعنده خباثه ونفسه
حلوة .. مثل العجين تسيطرين عليه
وهوا يحبج .. وعندج ولد
وأنتي .. بنيه
كل زوجين تصير بيناتهم مشاكل ... وأخوج يرادله
رجال يبقى يمه .... لاتفكرين بس بروحج
فكري بولدج ... يربون يمج على أيدج
فكري ب اخووج
فكري بنفسج ... كمرأه
موعلى كل مشكلة ... طلاگ طلاگ .. بيناتكم
جهال ماما ... مايصير هيج لازم
تضحون .. كبرو عقلكم
شوي
... الله كريم
سكتت وكالت : الله يهديكم
نمت لثاني يوم الظهر ... كعدت صوتها تكح
جبتلها ... سلة زباله ضلت تتقيئء وينزل
دم ... غسلتلها وركبتلها جهاز
التنفس
ضليت أهفيلها ... فات كرار يباوعلها
بالباب .. واگف تقرب باس
أيدها وضل لازمها
ومدنگ راسه
كالت :مابيه شي كوومي .. طبخي أكل
ردت ابقى يمها .... كلتلي كووومي
كمت مااذكر ....
شطبخت بوكتها ... طلعت صدورة دجاج وسويت
مقلوبة ... اطبخ واني ابجي نظفت
البيت
دخل كرار .. عليه اخذت ملابسي ودخلت للحمام
وضليت بس ابجي ... وابجي شكو
قهر ... طلعته بالحمام
أباوع ...
صدري يدر حليب ... نزلت راسي
ياله معقولة .. جوعانين معرف
عليمن أبجي
طلعت ... هدرت تمن بدلت وخليت كلينكس لصدري
كلت حتى لوبعد ... شوي اجيب ساحبه
حليب
أجت إيلنور ... كعدت يم امي ودگ سوالف
شوي .... وكالت :
اليوم حسام أتصل بي سراج ... سأل عليج
.... موكلت لاتفتحينه طاريه
امي كالت : موعليج الغبرة عليه انا يسأل باوعتلها
ضحكت ولازمه السبحه ... تكلي حتى تشوفين
الزلم شلون تركض وراي
بلا هاي امي هم خفيفه مثله ... يعمي شحجي
وياها
عفتهن صبيت غدا ... وامي حتمت الاترحين
للصالون ... وإيلنور تكلي غلبتي
نورسين بقوط
خاف ذيج ماتحف كل شهرين انتي صرتي كل
5أشهر حسنه ... وسوني نصبه وضلت
تلح واني مااريد اروح .. اني
بيا حال اريد ابقى يم .... امي وهيه تكلي
روحي للصالون .. ليش هيج تطرد
بيه وماتخليني ابقى يمها
سوتلها زعله وتكلي طلعي لاتفوتين .. للغرفه
رحت للصالون ... سويت جسمي ووجهي
كلتلي صبغي شعرج ... ماردت وهيه
اتصلت كبل ب امي .. صبغته
لون بني فاتح
غسلت شعري وشسورته ... الي ورجعت
هم سباحه لجسمي كله مدبگ ومورم
ماطلعت هالنظافه 3مرات
سبحت
رجعت هيه .... فتت يم أمي وحجت وياي بموضوع
زيارة جاوبتها انشالله بس نرتاح .. ستونه
واصلين من لبنان .... فد يومين
ونرد نسافر
سكتت ماعلقت
حميت الغدا ... ع نار ناصيه امي كالت :
كوميني أختنكت من غرفه دخليني
سبحيني
دخلتها خليت كرسي ... وكمت أسبحها
وهيه تسولفلي شلون امها جانت
تكتل كل جمعه وتضحك
اباوع جسمها ... تگع زرگ كمت واني اغسللها
أبجي ... وأغسل بيها بدلتلها طلعت
لكيت كرار مصفط فرشتها
كالت لاودوني للصاله
... أذن أذان المغرب ... مشطتلها اريد اضفرلها
گصايبها .... شغلت مبخره
عود خليجي .. وقرأن ... بالبيت
كالت : اريد اصلي عوفي شعري ثبتلها طبله
ورحت تتوضيت وصليت ... يمها
فاتتني مال ظهر وعصر
هم والمغرب والعشا
أندگ ... الباب جنت لابسه أزار الصلاة
طلعت .... صحت منوو
محد جاوب ... رد اندگ مرة ثانيه بسويچ
عرفته ... من دگته هذا هوا
طلع كرار دخلت وكتله
أفتح ... أنت الباب
رحت للمطبخ ... شوي وسمعت صاح : يمه
أجه عمو سراج ... وجايب وياه
الجهال
طفيت الاكل
وهيه تصيح .. هله بي خلي يدخل .. سمعت
صوته سلم عليها ... سمعت صوت جهال
وأحس روحي ... فرفحت عليهم
فتت للصالة ،،،،، حتى مباوعتله جان حسين بيد
امي وكرار لازم علي.حيدر شلته
وكمت أبووس بي
يالله ... شكد مشتاقتلهم أنطيته ظهري وضليت
شابگته .... باوعتله
.... ماما شلوونك حبيبي حيدره يباوعلي
ويضحك ... يالله يعرفني لوناسيني
بمكن ناسيني أصلا
تقربت ... يم أمي لازمه حسين أخذته منها
وأطيتها ... كرار .. سراج كلها
حجيه دير بالج المغذي
شال حسين ... انطيتها علي حيدر مدلي حسين
أخذته ... وأني داأخذه أجت عيني بعينه
درت وجهي وشلت
حسين ... ضليت مكعدته بحضني
ضلو يسولفون هيه ... ويااه باوعتله لابس
بنطرون أسود ... وقميص أسود
فاتح أول 3دگم
وبرگبته ... سلسله مال قرأن نفسها سبحه
جبتها ... أله ... والحلقه بيده
لابسها .. وساعته وعطرة
لسابع جار يوصل
حتى الولد ... مبدلين ونظيفين لحضه كلت
هذا تزوج ... ﻷن أعرفه مخربط
مومال هالترتيب والنظافه
ولو هوا جان مشغلني ... فلبينيه أذا
راد كلاص ماي صاح ... أيييه
مايصخر لروحه
أنطيت فلوس لكرار ... وكتله روح جيب ألنه
صينيتين ... كباب ربع ب ربع
راح قصص وروايات عراقية كرار صلاح
وكام وياه سراج ... هوا طلع عفته لميت مصلايه
سمعته ،،،، كال : محتاجين شي سكتت
رد عادها ... مجاوبته أمي كالت :
سلامتك
ضليت لازمه .... الولد نزعت ازار صلاة وكعدت
ارضعهم .... بدبت بحسين من طلعت
صدري يباوع ... شون ميعرف
قربته .. بس قطر حليب بحلكه .. لزم صدري
نوب گام يعصر بصدري ولازمه بثنين أيده
فدووة ...يالله شكد جوعان شوي
وعلي شافه .. كام يشمر بروحه
هوا هم يريد
غمض عيونه .... رحت جبت كريكوتهم من غرفتي
نكته وعدلته ... خليته ... بي سحبت
علي حيدر
رضعته ... وامي تكلي : ليش هيج فشلتي
الولد اول مادخلتي كال شلونج
مجاوبتي .. ومن طلع
كال محتاجه شي
حگرتي
ماتشوفينه جاي يسأل عليج ... وجايب ولدج
وأخذ أخوج ... وطلعووو ليش هيج
حاقده وخبيثه
... ﻷنوهذا الزينيه ماتفيد وياه وولدي غصبن
عليه يجيبهم اني أمهم
.... واحد غيرة يعفطلج تعفط باوعتلها ممتعلمه على هيج الفاظ منها ... كالت اي شبيج يكلج
شنو جايتلي ورا 5اشهر مدري
وين ... ولدي وين جنتي
..... جنت يمج
.. واذا يمي هوا حتى ميدري بينه أصلا
مسافرين هيه هاي دگه دگينها بلا
هوا معاركته واهله
.... هوا اخذ تلفوني ماعندي أرقام وسهاد ورشا
أخير فترة سوني اني .... الغلطانه وللاكثر
أني تعاركت وياهن ... قبل لاأطلع
... ياء ولج صخام الصخمج شمسوويه
.... رشا كالت شنو باقيه هنا لوترجعين
لبيت رجلج عندج ولد لوترحين
بيت امج .. كعدتج هنا
واگفه
اني ماسكتت ألها .... كتلها ترا هوا بيت نصه
ب أسم ذيب ... وذيب مال هيه أختي
ومنو كلج باقيه هنا اريد اعيش هنا
بس اريد ... ولدي
جنت مختنكه وهيه حجت ... هالحجاية
بحجة الشقه ... بس ذبتها سم
واني مكبوته من دگة .. هذا
الساق** ومنتظرة تحليلج
ضليت صوت بالسما وصوت بالكاع شكو صبر
صبرة ال9 اشهر فاتت عليهم وعلى
أخوهم ... طلعته برشا
من أجت ... خاله سهاد تريد تفتهم كالت عفيه
هالمشاكل الي ما جابت .. بس الفراگ
كافي راح دمرن ولدي بنات أبليس
جاوبتها ... ولدج هما من ساسهم غلط انتي
مرة صايمة مصلية وعجوز باجر وراج
مووت ... خلي البه بين عيونج
ترا ماكو وحده تعرف
خيستهم كدج انتي
وطمطمين
الهم
.... ياااء صخام لصخمج على هالدگه جاانتي
سكت دهرا نطق كفرا
... هيه منها وطلعت من البيت .. وقبلها سالفة
سراج .......... وطلعني مصاحبه صاحبه
جنت مختتكه وطلعت .... هناك
اجيت واخذتج للبنان وباقي
تعرفينه
ضلت تستغفر الله ... باوعت علي حيدر بدا
يغفى أندگ .. الباب ركضت لبست
أزار جان .. للبطن
يوصل
لبسته وجوا علي ... غطيته فات هوا شلت
علي ورحت لغرفه ... أمي ضليت
كاعده ... أرضعه
بسرعة غفى ... رجعت للصاله .. جبت الكريكوت
سحبته ... لغرفتي القديمه غطيتهم
سديت ضوا رديت الباب
فتت للمطبخ ...لگيته واگف جاي يحضر بالصينيه
شلت ماعين الي خالهن ... هوا وخليت
ماعين صغار
كال : أي خاتون ماكتيلي شلونها بيروت
جاوبته
.... تسأل عليك
... هآآآ گتيلي بيها الخير ،،، وليش بايعه ذهبج
جانت بيدي كلاصاات ... كبل صحت
كرار
لزمني من أيدي ... دفعته وخزرته
... عيونج لاأفگسهن
... أولا ماأخاف منك ،،، أثنين شنو أخذته تاخذ
التقرير .. وتسحب حچي منه ماتبطل
أسلوبك هذا ... تاخذ اﻷكو
والماكو من طفل
عض صبعه ويكلي ... اخ اخ عرامه ... عرررمه
عرمه ماتنردين
سحبت نفس ،،، باوعت موجود درنفيس
ع الكاونتر لزمته ودفعته .. عالحايط
ضل باهت وصافن
خليت الدرنفيس كدام وجهه على عيوونه
.... شوووف ولك ،،، ترا بالگوووة طايقتك والبيه
مكفيني أذا لهسه مخليتك واكف هنا .. ﻷن
اني مونفسك وأبيع عشرة عمر ومااحترم
واصيح مرتي بنص شارع وكدام
اخواني .. لااااا
ﻷن بيناتنه ولد ،،،، هسه اخذت تقرير وارتاحيت
تزقنب وتمشي تتكسح .. مناااه ... لاتصيرلي
سي السيد براسي ... ماعندك اي شي
يمي طلاك وأطلكنا كل اليربطني
بيك ولدي
وخاف عبالك ......... على ابومقدم تستغلها فرصة وتحرمني من ولدي ،،، شايف هذا الدرنفيس
أزرف ذن عيووونك بيك المنغر بيهن
وأخليك تمشي أعوج
خاف عبالك ساكتتلك ناسية حجيك .. وكلامك
مناسيه شي .... وانعل أبووك
لابوووو حبك الي خلاك توكف وتصد وترعد
عليه وانعل روحي .... ﻷن صبرت وتحملتك
9أشهر ... وأنت ممهتم بس لهوسك
لاتخليني شكو ضيم لميته السنه الفاتت أطلعه بيك
فك ياخه مني وتكفة شرري سرريج
ترى واصله ويااااك كلشششش
ضل فاتح حلگه وباهت عليه ... كانو ممتوقع
ردة هالفعل مني
عفته ودرت ... وجهي ،،، شال صينيه مثل السمسه ولحكته سويت .... لفات سئلت كرار ابوالمطعم
مو صاحبك ... تجيب منه كل مرة
شعجب كل مرة ... يخليها صواني ستيل
هالمرة ... سيلفون
گال : لاعمو سراج أخذنه جبنه من مطعم
بشارع القلعه
... اني موگتلك أنت تجيبه وخليت بيدك فلوس
لوعمو سراج طول الدرب .. حتى .التقرير
يطوول
شفته منزل راسه ... ويضحك وأمي
تأشرلي أشش
باوعت اللفه بيدي ... عفتها كمت صبيتلي ماعون
تمن .. مقلوبه وكعدت أكل وأمي تهز
بيدها
سحبت بطل اللبن .. داأشرررب كال :
... ترا هذا بطل اللبن اني أشتريته بفلوسي
أكتفيا حسبه
سيت ب3 الاف واحد على 500
رجعته .... فتحه وخلاه كدامي سحبت بطل ماي
كال : سوزانه ترا بطل الماي بربع دينار
استغفرالله وكفت االلكمه بلعومي كمت جبتلي ماي
واسمع صوته ضحكهم ... عود ذول هم أهل
أعداء صافين وياي عليه
فتت للحمام .. ذبيت ازار فتحت شعري نازل
سرح ... رفعته كله كعكه غسلت
وجهي .. اباوع من طرف حاجبي
مزلوخ من حفافه
نشفت لبست ازار ... وطلعت لكيته حاط صينيه
بالمطبخ وجاي يعزل ... صحون كباب
والله ماعرفته ... صاير سنفور نظيف
خليتلي ماي بالمبردة
كال : متوقعتج هيج خبيثه حتى ماعزيتيني
... عليمن أعزيك على سواد عيونك ،، أصلا تستاهل
أعزيك
وياهو المات ... مليون بالميه واحد من جماعتك
الي خابصني بيهم ... والي مااعرفهم اصلا
والي صارو محط اهتمام بالنسبه الك
اكثر من بيتك وولدك
نوب يمعود ... خاف أعزيك وطلعني مصاحبته
وهوا بگبرة
ضل صافن ... يباوعلي ،،، گال : ماحجتلج إيلنور
شي
جاوبته
... شتحجي ،،، أصلا اني قوية علاقتي بنورسين وعلاقتي ع اﻷكثر ويا حسام ... أكثر من إيلنور
ﻷن إيلنور رغم زينه بس من جماعة
أمي ... وجماعتك وجماعة
ذيب
بس اكعد يمها تريد تفتح ... طاريك واني للصراحه
ماأرغب بهل شي ولاأطيق أسمك بعد
السويته ... وياي ف أسكتها
گبل قصص وروايات عراقية كرار صلاح
ليش شصاير ،،، بس لاصاير بيك أيدز من حبيبات
كلبك وراح تموووت
سكت .. سحب خاشوكه فتح جدر وياكل
كال : متتقرب لمرة صارلي فوك
6أشهر من جنت وياج شهرين
وبعد الصار 5 أشهر .. يعني ماخنت لايضل بالج
من هالناحيه ،،، يالله شكد اكره غروره
وثقته زايده هسه كلش متت اني.
اريد اشوف خاين لولا
جاوبته بنتر
... مايهمني
... أكيد طبعا أعرف ميهمج
مجاوبته ... كال :
أني أعرف تسرعت وتهورت بحكمي ... عليج
بس عدت نظر بالموضوع وتحريت بطرقي
الخاصة ،،، وأكتشفت أنتي ماعندج
غلط .. وأني حكمت عليج
ظلم ........ ف لخاطر ولدي
وعشرتنه ... قررت نرجع نعقد وفهمت موضوع
الكاميرا ... من ذيب وراح أسامحج
ﻷن ضميتي عليه وهذا أكبر
غلط ... منج بس يبقى بيناتنه أطفال ولازم نتنازل
ألتفتت عليه ... منتچي عالطباخ لازم خاشوكه
وياكل بالتمن .. مال مقلوبه ويحجي
ضوا بظهره .. ضارب على علباته
ركبته بيضه على حمار ... وحتى صدرة اول
دگمتين .. فاتحهن بارزة تفاحة أدم
وگذلته .. شگرة وهوا مدنگ
نازل على وجهه
أباوع الساعه ... وكاف ردانته وشلون ياكل
ووگفته واثق ... بنفسه وعطرة واصل
لسابع جار ... يحجي ومتررهي
جاوبته
...
خلصت
باوعلي .... عيونه زرگ صارت بيهن شلون اللمعه
ضل ساكت
.... هيج تتوقع بايعه كرامتي ويااك
الرجال إلي مايوثق بيه ،،، ومايحفظ كرامتي لاخير
بي من رجال ... الي يهيني كدام أخو ويطلعني
بت شوارع .. لوامووت ماارجعله
تعرف ليش ... ﻷن هذا ب أي ساعه يبيع يعني
مثلك أنته ..... وألي مايكدر يحب بشر
لاتصدگ يگدر يحب وطن
الي يشك بمرته ... هذا ميتأمن على وطن ياأبو
الوطنية الي تمشي وتوزع .. بالشرف
الشايله على چتافك .. والنخوه
وانت الغريب أنتخه .. ل أم
ولدك وأنت منتخيت
أني أنسانه ... لعبت نفسي منك ألله مبدع بيك كشكل وبس !! ....... لكن
ناسي بداخلك الف عيب
وعيب بيك ... أتكالك .. وقلة مسؤوليتك
عبالك هيه مسؤولية فلوس وبس
.... أيه
... خلي أكملك اسسكت
اذا مخليتك هسه بالبيت ف لسببين أولا لخاطر
أمي وأخوي ... ﻷن للاسف علقتهم
بيك وبجدارة
وثانيا .. لخاطر ولدي والعشرة الجانت بيناتنه
دااعيدلك هالحجي
بس مناسيه لاضربك .. ولاأهانتي .. ولامن صيحتني بين أخوانك ... ولاناسيه الصار بالغرفه قبل
العركه ... ولاناسيه لعبك وياأسراء
خانم .. وعايفني مثل الچلبه
بالغرفه ... ولاحجيك الي سمعته تكل لخاله
سهاد مااشتهيها ... تلعب تفسي منها ولاأهمالك
ومن أحجي وياك تضل تعيط مناسية
شي من ذن كلهن
ولعلمك بس ... لو أريد ولويعجبني أسوي
البالك ... أطفي الكاميرات وأدخله
عليه بالبيت ..
رفع صبعه يأشر .... اشششش وأيده كامت
تهتز
... بس ﻷن عندي أخلاق وشريفه ،، ماخنتك حتى وأنت
مقصر وياي ... مو مقصر أشباع رغبه او واجبات
لا مقصر ... حتى بحجاية طيبه
فلهذا السبب .. مااريدك
ضل ساكت ويهز براسه ،،،،، رحت سديت الباب
ورجعت
همست كتله :
أمي مريضه بيها سرطان رئه ،،، بعد مدام كتلك
اﻷكو والماكو أستاذ كرار .. اكلك المضبوط
أني ... ﻷن شوف عقلك هسه شمصور
الله وأعلم أحتمال... طلعني بايگه
البنگ المركزي
مسح شاربه گال .. اي بالله منين جايبتهن
.. إلي صرفت منه الفترة الفاتت كلها ... سلفتي
الي .... جنت مشتركه بيها بالمطار أني
ﻷن جنت أنطي فوك نص راتبي
بيها ... فصارت هواي
من ستلمتها
... عفيه هالسلفه مدري تفرخ مدري ناقة
نبي الله صالح (عليه السلام )
درت وجهي مااريد أضحك كدامه ،، بس صدگ
مثله
يضحك
جاوبته
... صرفت منها فترة ... إلي أنتقلت بيها لبيت
بابا جبار .. وشي قليل وهسه هم
الفترة فاتت فوك 70ورقه
اني أصرف منهن
من خلصت ناقة نبي الله صالح ،،،، حولت عالذهب
عالذهب ... بعت گلادة وسوارين الممرضه
كالت أمج حاله ميؤس منها .. وسرطان
كل ماله داينتشر بجسمها وكيمياوي
يتعبها ... درت وجهي واني أحجي مسحت دموعي
سحبت نفس ... فركت وجهي شربت ماي
كتلة :
يعني أمي هاي أخير شهر او حتى أسبوعين ويانه
تبقى مااعرف شكد مكتبولها عمر
فصدگ
ممهتمه لاألك .. ولالروحي .. ولالولدي .. ولاحتى
كرار ،،، مجرد تريده جاي أسوي تعرف
شنو تودع بشر وتعرف راح
تفارگه
وتشوفه گدامك ينازع ،،، اني هيج جاي أنازع
وياها .... أنما انته صدكني لاهسه ولابعدين
راح تهمني ... ﻷن لغيتك من حياتي
وألضل يربطني بيك بس .. الولد
فصرف على هذا اﻷساس
أحسلك
حتى لاتنرد وينكسر غرورك ،،، وأريح ألي وألك
ﻷن بعدك مشايف خبالي ...... جبتها وياك
من البداية بعقل .. أتهمتني بشرفي
وأني ساكتتلك ... بس موخوف
تعرفني كلش زين ماأخاف .... بس أعرف طگة
الله أقوى من طگة بني أدم ... ف أگلك
ياها وبوجهك
شكو صبر صبرته وياك ... وشكو قهره قهرتني
ياها ... بكل دقيقه أتحسب عليك وعلى أبوي
وعلى دنيتي بكبرها
ضحك ... گال : لاتخافين طگة ربج أجت من أول
شهر بس شلوون طگة من هاي تعجبج
تازه تازه
... تضحك ومستهين حقك ماتعرف الحوبة ودعوة
المظلوم شسوي ،،،، شادلي ظهرك ب أخوك
واحد ب جوازت .. واحد نقيب
وباابوك ... وامك سهاد
الي بين طسة وطسة .... وكالت : ولدي وهيه
ولدها ماضاله مكسورة مامسويهن تحجي
حجاية .. باطله بس في سبيل تبرء
ولدها طلعهم وصلة بيضه
ماعليها لطخه
لورشاوي إلي أجت ... طرد بيه وتكلي خير ياطير
رجال ولحضة اعصاب
لحضة أعصاب يحرك ويطك .. ويجاوز واني
اكلك سمعا وطاعة مووو .. باأحلاامكم
عمي طلع مابيكم ... خير الجبير ضاربها سايلنت وصبري ولزمي بيتج ..
خابصينه بركات جبير وبركات ... جبير
والامايه ... حجي باطل
ومرت الاخو .. حيه
وسيف طرطور بيدكم على أبو أخوانه الكبار أنتم
وخيركم باسل ،،، إل جنت ليل نهار أغلط عليه
هوا أول واحد فزعلي
..... كااافي أيه سكتي
.... ماعجبك الحجي ﻷن ضم أهلك موو
بس لاتستهزء هواي وتضحك .... مادوم ضحكتك
واحد واحد يوميه أتحسب عليكم
ذيج نورسين طلگتوها وهيه عمرها 23 مدري22
كسرتو بيها .... واستلموها بيت عمها
وهيه يتيمه
واني أحتاريت أنته شسوي ... وبس أحجي وياك
مخليلج بيت وناقصج شي لوتكعد تعير
بوظيفتي
لومعاملتك مثل معامله ... مرت ابوك .. لللك
حيوووووان انته غبيي .. تعررف
شنوو غبييي
..... كافي تادددبي لاتغلطين ترا ساكتلج
..... وشسوووي طگ عالخير مستقوي بيدك بس
اني صوجي ... صبرت وسكتت
لو رشا
أخذ فلوووس منك .. وأشتري ذهب
ومونسه نفسي
فتحت باب كاونتر طلعت علاگه ... جنت ضامتها بالجدر بيها ضبة فلوس .... خمسة وعشرينات
گتله : شوووف راتب الي دزة للي وتكلي ضمي
كمت أشتركلك بي سلف ... على مود
تكون نفسك ... وتكبر أكثر
وأخذ كفايتي
باوعت ع علاكة دفعتها ... كباله كتله
... جنت ناويه أجيبها أخليها كدامك ... أكلك شوف
صرت شاطره جمعتهن ... ألك صدك هذا
جان بالي وهذا حد تفكيري .. وياك
كلت حتى لو أفرحك شوي .. هنه فلوس ناخذهن
مجرد نسد حاجتنه بيهن .. بس من تشوف
تعبك .. مراح حرامات
كمت أشترك بسلف والمهن ... لحضرة جنابك ومن أستلمتهن ضميتهن ... وحرمت أخذ فلس
منهن .... مع العلم اكدر اخذ وانته
متدري ... وعايف كلشي بيدي
عندي جسم وشكل حلو ... اكدر أصاحب واصرف
على صاحبي ... واكدر اجيب ذهب مثل
ماتسوي رشاوي .. واكدر اصرف
على أهلي بجالك ... مثل
ماسوي دكتورة هبه
الخبصتونه بشهادتها دكتورة .. ودكتورة وهيه
تكرف بفلووس اخووك .. وتنطي لااهلها
وشغلها واسطات ودغش .. هذا اختصاصها
وخريجة أهليه ... هماتين
جنت اكدر واكدر واكدر .... والك شرط بدون
ماانته تدري ... كلشي جنت اكدر
اسوووي ... وكلشي جان
بيدي
بس اني حبيتك انته ... وردتك أنته هيج حبي
بسيط الك ... وانعل الو الفلوس
لابورتبة .. الجانت
شاغلتك .. عني وعن ولددك
يابه انت وينك ماترجع ... خابصني
الوطن والوطن خلي الوطن
يفيدك هسه
عمي مشينه وياك .. لدربك نكول طموحك
واحلامك ونحترمها ... الوطن يريدك 14
يوم وانت تبقى يوم وانت تبقى يمه كل
20 يوم بعشرينه
ضيعت عائلتك ... وﻷن تعرف موجوده كلبة بت
كلب شايله مسؤولية كلها عنك .. أعتمدت
وياريت قدرت لووواحترمت شوي ... اتوسل بيك
توسل خنروح لاامي .. مافارغ وماتكدر
وطلع ميت عذر
ونادرلي تگابل سراوي ... وتلزم البلي
بس .. هسه !!
خلي أحلامك والرتبه تفيدك .... خنشوفك من تكبر
الرتبه تشيلك وتحملك ...لومجرد وراد
فلوس .. تضل لوسراوي
تفيدك
عفته وفتحت الباب ... داأطلع بعدني ممنفها
عن نفسي ... درت عليه رفعت صبعين
ايد واشرتله
وتعال شغلة ... أريدك تفهمها ياحظرة المقدم ياصاحب
الجناب الرفيع ... والكشخه والحلوو .. وابوك
المقاول وأصلكم وأصل الي تكرمت
واخذتلك بت عرگچي مضيفة
على كولتك شنو تسميها ،،، هاا بووي مثقف
بس أسمع هالحجاية عدل وخليها
ترچيه بذانك
موانته تقرر أذا تريد ترجع لولا ... لالا أني أقرر
أرجعلك لو لا .. ﻷن انت العايل
من السما للگاع مو اني
ولوتنصاغ الماس موذهب ماأشتريك بفلس
طلعت فتت للغرفة
رحت ذبيت الازار لبست كبوس ولميت شعري
دشداشه ... طويله كعدت يم .. أمي
شوي وهوا أجه
جان ديغسل ضل گاعد ... يمها ويسولف وكل
مايباوعلي ... اگلب القناة
هسه هذا ماعنده احساس ميكووم يولي شنو لاطش يم امي وكاعد ... اي تكسح شكم مرة
اتطررردت ووولي
... كرار وين ؟!
.... راح بالغرفه يم الولد كاعد
.... مونايمين لايكعدهم
...... خالهم ومشتاقلهم شبيج يمه راح يگرصهم
سكتت محجيت شي .... بالگوة طايقة وجوده
بالبيت
شوي وگمت ... خليت بالمغذي مال أمي
أبرة ضربتها ... وشربتها الدوا
كالت : ذبي الحجاب شمالج لابسته
باوعتلها ... كتلها شنو هوا الدين صار طين موتدرين بينه مطلگين
ضلت صافنه .... وهوا كال :
.... اكلج حجية هسه انتي صايمه مصليه هوا
طلاك يمته يبطل
.... اذا جان عصبي .. واذا مو على طهارة .. او
تأثير يعني حجاها وهوا متخدر او مسحور
يعني موبكامل قواه مثل منكول
واله اسباب بعد
.... وأني أصلا جتت مسحور ،،، وبحالة عصبيه
يعني طلاگها بكبرة باطل بلا هالحركات
وختذب الحجاب
جاوبت :
..... اكلج ماما كليله اول يوم معصب بس لثاني
يوم من رفع قضيه ووكف بشارع وكليدور
يصبح مااريدها طالك ... هم معصب
هلي يسكت اكسخلة أبومسحور
.... انجببي ووولج ،،، يايمه رمانه ياهوو الساحرلك
... اي والله يمه دمرووني كون تشوفيني
ضليت أذب من راسي بأأمير المؤمنين
حتى مكدرت أصلي
*** جنبيتك يابوعمامة خظرة يامگطع الديانه والمصلايه تبجي من عبادتك متلوحها
برودة من كثر مكاعد عليها
وللله يالله ... شكد يعيش الدور
.... حل بعد أيدي خوش سطرك بكاعك باوعلي
جاوبته
.... ... مويكلك هوا ابو اﻷيتام واتي لاعندي رجل بي خير احتواني ولاعندي ابوو على كولتك عركجي
ومينشد بي الظهر ... وهوا ابوي وكفيلي
متشوفني أنتخي بي بس أحد يظلمني
ويطعن بيه
عرفها بسمار اله ... كتلها : عموما معليه بتفسيراتكم
أني شرع وقانون مطلگه .. هاي سوالف ذبي
الحجاب لاتبقون تفتون من يمكم
ماكو شي يربطنه بس الجهال ... افهههمم
**** اسمعه يهمس بيج صبر بعدها ب اول يووم
بالعباس نفسي وياج طوويل دوسي بيج
مابيج
دار وجهه طك جداحه ورث جكارة ... فرك وجهه
وصل يفرك بكصته وشعره .. اشرتله
ع باب بمعنى اطلع دخن برا
سدها وماطلع
امي حاوبت :
صح .. اي ايي مايصير ماما سكتت وضلت تهز براسها .. نست الموضوع
ردت تحجي وياسراج ... شوي وردت
كالت : يارمانه لوتدري اليوم شكد احجي وياها
اكلها رجلج راح يرجع من الواجب .. كومي
لبسي بدلي ... وهيه كاعده
خطيه اخذتها
هاي ام كفشه إيلنور .. اخت هاي نور الثانيه المسحيه
تجي نافشه شعرها
اكلها شوفيها ... بلاهاي بنيه وانتي بنيه
شووي وصاحت
ماذبين الحجاب.... هوا منو كاعد غير رجلج
راوي موشسورتي شعرج اليوم
باوعلها سراج ضل صافن ... عليها
.... استغفرالله هسه موكنالج مطلكه انتي
شبيج .. ياا ماما
جاوبت :شنو يمته أطلگتوو
.... شبيج ماما البارحه حجيت وياج وهسه جاوبتج
.... ليش جذبين يمته گتيلي
.... شسالفه ماما گنالج البارحه يمته مجذبه
ضلت صافنه ... فركت راسها إلتفت ع سراج
كالت :
لاگتيلي سراج يرجع ... راح ياخذنه ل أمير
المؤمنين
شهكت .. نوب هوا كام يضحك صدك روحه
كتلها
.... يااااااء يمته كتيلي اريد أروح جاوبتج
بس خنرتاح يومين ... شبيج
ماما
ضلت تفرك براسها .... شووي وصرخت يبوووي
يعني طلكتي ئوووويه
خررب حظي ... كعد يمها سراج ويكلها
شبيج حجيه
شوي وصاحت بوجهه ... هوا من يمه فز كالت :
جبت عمري كله ضيم ... بضيم وياابوها
وماصدك فلحت صار براسها
خير
كامت تبجي ... وتحجي
كومي وزوجلي شايب اكبر من ابوج ... وترملت
وصار همها هم ... ماصدكت أرتاحت
وزوجت وصارعدها ولد
ورجال
نووب تجيلي وتكلي طلكت .... يبووووو مامقسووملي
أرتااح .... مووبنيه غضب من شفتج وشفتيني
مامريحتني
هذا ولد مردة يكبر ... بس انتي شلوون بيج
ضلت تصيح ... عليه وتكلي ليششش
طلكتي بيش مقصر ويااج الولد
هوا كعد يمها ... كللها أندري صحت
.... أنته شبيك ماتشووفها منفعله وكت تصنيف
رفع جتافه كال سئلت وجاوبت مسويت
شي
لعبت نفسها .... ركضت جبت سلة ضلت تتقي وشكو
أكل .... أكلته ذبته وياه دم ... هوا كاعد
يمها يفرك بظهرها .... ضلت تشهك كتله روح
جيب الاوكسجين بغرفتها ... جبته
الها مايتركب ... بوكتها هوا شالها
اخذناها للغرفه ... نامت ضليت كاعده يمها
هيه نايمه وتحجي .. شلون أطلكتي
راح تموتيني .. انتي
راح اموت من ضيمج ... ضليت لازمه ايدها
وهيه تدفع بيه ... بعدني سراج وكعد
يمها ويكلها حجية أهدي
ضلت منتجية ... ركبلها الاوكسجين تنفست شوي
تگح وتبجي ... ضليت واگفه بالباب
دار باوعلي ... نزل راسه
وكاعد على ركبتة يمها
بليلتها .... كال : فرشيلي ماأروح سكتت باوعتله
جاوب :
... أبقى يمها هنا بالغرفه ،،، أيه مو وكت زعل أمج
حالتها تعبانه ... كلشي يصير أني رجال موجود
وسيارة موجوده لاتتخربط عليج بليل
لبنان مستشفى هناك بس
هنا منطقتكم وين تلكين بيها تكاسي
سكتت ومجاوبتة ،،، أصلامجان عندي أي قوة
حتى أحجي ،،، حرف واحد فرشتله
يمها .. جاي أريد أفرش من
الجهه الثانيه
كعدت ... شافتني كالت : طلعي ماأريدج
.... أصلا ماباقيه راح أولي
أباوعله ياشرلي اشش
هيه كالت :
... ووولي يمته الله ياخذني وأرتاح منج ،، طفرتلي
الولد ... كتلج خوش أدمي .. أحتاريتي شسوين
بي ماتكعدين ... ويارجال كاضيتها أعتمد
ع روحي وأعتمد ع روحي أجالج
زلمه يخبل هوا الشهم .. هو السبع .. عندج ولد
أثنين بس ماتحطين رجلج ... بالگاع ماحامده
ربج عالنعمتج
تخصرت
.... شنو شنوو هذا ياهووووو السبع وشهم
صاحت
..... انجبييي امشي ادبسزز
..... والله بيج بخت امي هوا هم صووجي اي والله
يكولون حظ الزرگ كاعد ...وادري جا
شبي حظي شنو الاية انكلبت يمي
اشو هوا ابيض وحظه كاعد
واني طايح حظي
باوعتلها درت وجهي بيدي ... المندر فرشته سحبت
المخده .... أباوعله مدنگ ويبتسم .... شمرته
عليه .. وصحت
.... گوووم نعمتي .. گووم نااام
...أخمددد
صاح ومن يمي فززيت
... بالعباس هاي أخير مرة اسكتلج من تجاوزين
مرة ثانيه تشوووفين تصررف
ثااني أدبسزز ،،، الجسرررة ،، العرررمه
.... مثلا شنو التصرف الثاني تلوي ايدي ورا ظهري وتخنكني ... سكت ونزل راسه
عفتهم وطلعت
هواانت كلشي مايجي بعينج لوشما أسوي هوا
الله مكبر بخته يمج .. واني أيه الرعنه
أيه جابت الضيم ... الله ياخذ
أيه وترتاح
رحت يم الولد ... فرشت بغرفه كرار
قفلت .. الباب ونمت
والخنكه البيه بس الله ... يعلمها
للفجر ... فزيت جنت لابسه
دشداشه موديل تركي كصيرة ... موطويله
بيها خطين .... بيض رياضيه سودا
دخلت للحمام جان الباب ...... مردود
توضيت .... دنكت مسحت رجلي
أني بيه طريقه مااعرف
اتوضى وشعري ملموم
كون الا أرخي .... يعني الفرگ من أمسح راسي
يصير عدل ... ف اضفرة راخي اغلب
الوقت هوا يصير مقسوم
وجان بوكتها مشسور
ف من خلصت ... وضوء رديت فتحته ... رفعته
كله كعكه ... أنگطع الگيتر ... عالحظ
أنفتح كله .... باوعتلة وأبتسمت ... لونه صدك
صاير حلو ... ضليت اباوعله ... تقدمت
عالمراية باوعت لوجهي
التفت اباوعله بالمراية ... طولان ... هسه بس
لوينگص ... بس ماينطيني كلبي
اگصه
ضل مفتوح رديت .... فتحت الباب
طلعت ... صار بوجهي سراج
#_وللحكاية_بقية
☆☆ البارت مفاجئ مال البارحة مشيت احداث فاتحة ليث ... وحياة نورسين وذيب
ولقائهم شلون صار وحالة
سراج
أعتقد لهنه الاحداث كلش كافيه لبارت واحد
وهذا حقكم وزايد عليه حبة مسك
بالقفله اليمتاكدة جلطتكم
انما اﻷشعار إلي ضفتهن لقوت القلوب .... فهيه
الكم ... من كتابتها خليتها ك تعريف
عنها
الي ميقراها ويعبر عمرة خسارة .. معناها
مااستمتع بالبارت ... وأحترمه وكذالك
الي يقراها ...
اني أكتفيت باﻷحداث الي خليتهن بالبارت المفاجئ
احنا وصلنه لنهاية القصة بعد 5بارتات وتخلص
وبس اشوف بارت ديوصل لل الف تصويت ☆☆
اطلب من احمد بنفس اليوم ينزللكم
بارت مفاجئ
والبارت دااكتب بي والله فوك 4500 كلمه موبارت اقسمه ونوبات ............ اكول لا خلي ينزل طويل الهن
وانتن شكد متقرن تكولن بعد ....... وكصير
لو الانتقادات الجانبيه ..... فميحتاج تحجن
حجايات تخشن الخاطر ترا الكلمه
الطيبه صدقة
يعني خوما واكفات عالزلة ،،، حتى تنتقدن
واليوم ك تعويض انشالله انزللجن
بارت مفاجئ بليل
والاغنيه اليوم بما انو ماذكرنه بسبس ونورسينه
الكلمات الهم والتصوير لسرو وايه
ﻷن بيها ياغيز ابوعيون 😎
سرو الثانيه
☆☆ انشالله من بعد بارت 30 تعويض ،، اغلبيته لنورسين وباسل ﻷن مااكدر امشي احداث
قصة .... وقصة واكفه لازم يمشن
كلهن .. بنفس الوقت والسياق
حتى لاتدوخون وتتخربطون
#_أحبكم