[لامارا]

#قلوب_من_حجر
#البارت_الخامس


عمار.....اريج اريد من عندچ طلب

اريج..تفضل عيوني الك

عمار.....اريد من عندچ اذبين هذا الطفل لان مو وكته نهائيا

اريج...عمار كل عقلك تحچي(ضحكت هههاي) اذبه شنو انته من الناس چنت كلش فرحان لان طلعت حامل

عمار....اي فرحان وهسه غيرت رئي ما اريده

اريج....شنو انته تلعب عليه ما اذبه

مستحيل وبعدين تدري طلع بيه ولد اشون تريدني اذبه

عمار...ولد او بنيه دگولچ ما اريده

اريج....واني دگولك ما اذبه

عمار...يعني هذا اخر كلام الچ مذبي مو

اريج...اي ما اذبه هذا ابني وقطعه مني اشون تريدني اذبه

عمار...خوش لعد ابقي بعنادچ

اريج....وطلع عمار وبعد مشفته ظليت مصدومه وافكر ليش هيچي حچه عمار وشنو السبب ليخلي يتخلى عن ابنه

معقولة يكون مزعوج من شي وديحچي هيچ اكيد بعدين يغير رئيه

رحت لغرفتي وشلت الغراض الجبتهن كلهن وشمرتهن حته بهذا اليوم متهنيت 😢 يعني اشون ممكتوبلي افرح ابد

چان همي كله احمي ابني وچنت متوقعه هوه الصله الوحيده البيني وبين عمار والي راح اترجع علاقتنه بس الظاهر چنت كلش غلطانه لان بهلسهولة تخلى عنه

ثاني يوم ساعه ب2 بليل اجه عمار ودخل للغرفه گعدت صبيتله عشه اكل وطب سبح وگلت بلكت الله يغير رئيه بس چنت

غلطانه اجه عليه وفك نفس الموضوع
......عمار انته كل عقلك هذا ابني ما اذبه ممكن تنطيني مبرر واحد يخليك تتخلى عنه

عمار....هيچ صارت يعني يا اريج ومسمعين كلامي دگلچ ما اريده

اريچ.... چنت طول عمري اسمع كلامك ومخالفتك بشي واگول رجلي وميخالف

بس لهنا وكافي مال اذب ابني مستحيل وهذا اخر كلام اليه

عمار....طايحه الحظ دشوف هسه كلامچ لو كلامي ليمشي

اريج...گام عليه موتني من الكتل وادفر على بطني واني كل همي چان ابني ليروح وهوه متعمد يضربني على بطني ديموته بعدهه

سحلني من راسي من الغرفه.....فدوة عمار عوفني اني اربي وما اخليك اشوفه

عمار.....يلا هسه خلي يفيدچ عنادچ
لُِلُِڪآتبَة رٍآنية مآهـرٍ
اريج....سحلني سحل وشمرني من فوگ الدرج واغمى عليه وبعد محسيت بشي

فتحت عيني لگيت روحي بلمستشفى والممرضه فوگ راسي دتحطلي

مغذي....الحمدلله على السلامه ست اريج.. گتلهه فدوة ابني مخو صار بي شي

الممرضة....حبي انتي اتعرضتي لضربات قوية والطفل مات⚰ مخنوگ وچان اثر الضرب موجود على ظهره الله يعوضچ
انشالله

اريج...اني اول مسمعت هيچ فقدت وظليت ابچي كله من وراك عمار حررام عليك الله لا يوفقه انشالله

هذا الطفل شنو ذنبه بعدهه دخل عليه

الدكتور...بابا ابنچ مات مخنوگ وچانت اكو ضربه زرگه على
ضهرهه

وظهرچ حيل منتهي اكو احد ماذيچ وچان تدخل الشرطه اني اول مشفت الشرطه گتلهم لا ممسويلي احد اي شي حادث صار ووگعت من على الدرج

ومنطيت بي ابد وشگد حاولو اعترف عااد سديت الموضوع وطلعوو وچان يطب عمار وبكل برود اعصاب ولا كأنو صاير شي

عمار...الحمدلله على السلامه عمري

اريج...وبكل عين صلفه جايه تاخذ من خاطري لك انته شبقيت من عمري الله لا لگاك انشالله صدگ لو گالو

(يقتل القتيل ويمشي بجنازته) وچان گلبي حيل محروگ ااااخ مني وگمت اعظ باصابيعي ندم لو گايلتلهم چان هسه انته مسجون وخلصانه منك

عمار...راح اعوفچ هسه لان انتي تعبانه وراح اعذرچ على هذا كلامچ

مرت 3 ايام وصارت حالتي تمام واجه عليه عمار وفوگاهه يگلي

عمار...اني بعد ما اريدچ روحي يم اهلچ ارتاحي احسن

اريج...حيل انقهرت هاي فوگااهه ما سويت بيه كل هذا ومنطيت بيك متريديني ظليت اكل بروحي اكل لان مگلت لشرطة عليه لك

انته مو بشر انته انذل شخص شفته بحياتي

عمار...مع السلامه

اريج....وظليت اعيط (حقيرر) اشون برود اعصاب ولا كان صاير شي ورحت لبيت اهلي وبقيت اهناك وصفنه اجيبني وصفنه

اتوديني حيل اتغير شكلي اباوع على نفسي بلمراية شعري

رايح من الجر ووجهي كله ازرگ صاير من الضرب وخطيه امي تداري حسبي الله ونعم الوكيل بيك يا عمار ضليت 7 اشهر

على الابر والمغذي واخذوني اهلي لدكتور نفسي حته اتعالج وگام ينطيني ابر تنوم

وعمار بعد مشفته ابد ذاكه يوم وهذا يوم وكل يوم اذكر ابني وابچي عليه وامي

وابويه مشاكلهم لحد هسه مخلصت وكل يوم متعاركين

ام اريج...كاافي عااد والله مليت من عندك ومن مشاكلك تعبت وبعد ماعندي قابلية

اتحمل صارلي 22 سنه وياك تحملتك على الحلوه والمره تحملت اهانتك تحملت زواجك عليه واگول ميخالف لخاطر بناتي

ابو اريج....غصبا ما عليچv تتحملين وكلمه متحچين انتي الگاعده اشجعين بنتچ حته تعوف رجلهه تريدين اتخليهه تطلگ والعالم

تاكل راسي حته اليسوه والميسوه يحچي عليه والله اخليهه خدامه اهناا وما ارحمهه

اريج....خلفالله عليك مرجيه من عندك هوه اني ابوية شترجه منه حته اترجه من الغربه

ابو اريج...انتي انچبي وعلووا تطلگين واخليچ تخدمين مرتي لان ماعدهه احد يساعدهه واختچ تبقه يم امچ

ام اريج....عيب عليك هذا الكلام لو اموت ما اخلي بنتي خدامه لوحده من نسوانك

اريج....ويعتبون عليه العالم من يگلولي
ليش مترجعين لاهلچ وتطلگين ذوله اهلي امي ماعدهه ظهر يوگفلهه وابوية كل همه

يتونس ويكشخ ومسوي روحه ابن العشرين سنة وكل يوم مزوجله وحده ومطلگهه عباله بنات الناس لعبه

مرت سنه واني بهاي المشاكل وابوية يگعدني بدفرة ويگومني بدفرة وامي مابيدهه اسويله اي شي

اخر شي نفذ صبري وبعد ما اتحمل كلشي لان احنه بشر مو حجر
الشخص من يخسر قابليته

ويشوف العالم الحواليه كلهم ضده يحس نفسه بعد ما اله اي مكان بهاي الدنيه

قررت انتحر واخلص لان حيل تعبت بعد ما الي شي بهلحياة طبيت للحمام وقفلت الباب عليه واشاهدت على روحي

ربي سامحني ادري بنفسي گاعد اغلط بس والله ما گاعد اگدر اتحمل اكثر ما بيدي شي بعد شلت الموس وگصيت شراييني ونزفت كومه اباوع علحمام انترس دم الخوف

موتني اكثر من الوجع وبعدهه اغمئ عليه ومحسيت على اي شي

فتحت عيني لگيت روحي بلمستشفى ومضمدين ايديه ولگيت اهلي يمي

ام اريج...يمه ليش هيچ سويتي بروحچ تريدين تحركين گلبي عليچ وتهظميني على افراگچ

اريج.... (بصوووت عاالي) عوفوني مليت والله خلوني اموت وارتاح بزعت من

هلعيشه هاي ما ارررريد ابقه هيه گوه ما اريد اااابقه...التمو عليه الممرضين

الدكتور....انطوهه ابره مهدء بسرعه
انطوني مهدئات ونمت وبعدهه گعدت على صوت چان مو غريب عليه فتحت عيني👀

وچان اشوف عمار لازم ايدي وگااعد يمي
عمار...اريج حبيتي ليش هيچ شسويتي بروحچ يعمري اني احبچ وانتي مرتي وام جهالي ليش هيچ اسوين بروحچ يعمري

اريج....يا جهال هذا الجاهل الموته 😏

عمار....عمري والله اني اسف ادري غلطت ويااچ وحيل تندمت والله بس بوكتهه چنت مو صااحي والله وحته رحت تعالجت

وصدگي احبچ وبعد ما اعيدهه ارجعي ويايه وخلي انسوي عائلة من جديد والله چانت ساعه شيطان وصارت وصدگي بعد ما اعيدهه

اريج... ظليت ابااوع عليه اشون يتوسل بيه ويبچي والندم مبين بعيونه يربي اشگد

ميسوي بيه احبه وما اگدر اتخلى عنه
ابد.....ارجع بس بشرط وهاي اول مره

اانطيك شروط من ارجع لان كلشي تحملت بس بعد كاافي

عمار... گولي واني موافق بلشروط

اريج....شرب مراح اگولك لتگطعه لان ادري بيك مستحيل تعوفه بس قلل شرب ومن تشرب لتوصل لغرفتي ابد ولا تلمسني

عمار....موافق ادللي

اريج...وشرط الثاني

عمار...وهو

اريج....اذا صار عندي طفل مره ثانيه لا دگلي ذبي واذا گلت من هسه اگولك ما ارجع ويااك

عمار...موافق والله اصلن اني تندمت لان اذيتچ وموته

اريج... اوففف بعد ميفيد الندم

عمار....صدگي راح اعوضچ على كلشي ومراح اشوفين مني غير كل خيرر يا تاج

راسي وام بيتي (وبستهه من راسهه)

اريج...انشالله يطلع كلامك صحيح

بقيت 8 ايام بلمستشفى وبعدها طلعوني ورجعت لبيت عيالي وگمت احبهم اكثر واداريهم وعمار كلشي ليريد اگله حاضر


واداري چنت احبه حب مو طبيعي اشگد ميسوي بيه ما اگدر اطلعه من گلبي لان هوه اول شخص دخل لگلبي ومستحيل
اطلعه من گلبي گمت

" _ ماهو الحبّ؟
_ هو أن تملك سببا للرحيل كل مرة ولا ترحل "

اسويلهم اشكال الاكل وكلشي اتعلم حته يرضون عليه وفعلا عمار التزم
بكلامه وگاام من يشرب ميوصلي

مرت الاشهر وبعدهه صار عندي لعبان نفس من جديد وعرفت بنفسي حامل ورحت

حللت واتاكدت وطلعت فعلا حامل بس هلمره اكو امراه قويه ومستحيل اخلي احد

ياذيني او ياذي لبطني وگتلهم لعيالي وگلت لعمار ومهتم ما اعرف شنو السبب ليخلي

ميريد الاطفال وگمت ما اهتم لكلام اي احد من عيالي وما اهتم لكلام عمار اهم شي چان انو ادافع عن لبطني وهلمره مراح

اسكت مثل كل مره لان حيل تاذيت بسببهم بعدهه كبرت بطني ورحت اخذت سونار وطلعت بيه بنوته 😍😍 قويت

گلبي وگلت اهم شي بعد بنتي وگمت احلم اشون راح اكبرهه واربيهه وازوجهه لواحد يحبهه ويقدرهه واهم شي متعيش الاني

عشته وتتعذب حضرت غراضهه وملابسهه وكاروكهه ومخليت شي مجبته الهه حان موعد ولادتي وحيل تعذبت لحد مولدتهه

وجبت بنوتي وگتلهم ....هسه جيبوهه اريد اشوفهه چنت خايفه عليهه ولزمتهه وخليتهه على صدري شعوري مينوصف ابد الحمدلله ربي عوضني ابنوتي 😍 مراح

اخلي ايد احد يلمسچ گالولي شراح اسميهه...گتلهم كرستين ما اعرف ليش عجبني هذا الاسم وطبعا عمار چان ولا

مهتم ولا كأنو اجه طفل بحياته وهذا اول طفل النه حته مباوع عليهه ولا اهتم شراح يسميهه رجعت للبيت وخليتهه بكاروكهه

وگمت اهتم بيهه والليل كله سهرانه عليه ونوبات عمار يضوج من صوتهه من تبچي ويطلع من الغرفة ينام جوه حته ميعرف

احتياجاتهه بس ينطيني فلوس واروح اني اجيبلهه لحليب والحفاظات واذا تمرضت اني اوديهه لطبيب وابقه الليل كله سهرانه يمهه ليصير الهه شي

مرت الايام وكبرت كرستين وصار عمرهه 3 اشهر وچانت عيونهه ملونه عليه وبيضه وشگره وكلش محبوبه وشيطانه 💛 البيت كله مخبوص بيهه وعيالي مكيفين بيهه

ويحبوهه ويشترولهه وهيه لسان 👅 تعرف اساميهم كلهم جدو اصيحله ددو وبيبي اصيحلهه بيب بيب چنه اشگد

نضحك من اصيح على عمتي هاي فرحه امهه چانت حيل ملهيتني وشگد العب

وياهه وفرحانه كلش بيهه ونسيت كلشي صار ويايه وحسيت ربي عوضني بيهه بس چانت من تجي على عمار خطيه تريد

تحضنه واصيحله بابا لان چنت دائما اگولهه هذا بابا روحي بوسي هيه تروح

عليه وتحبه اكثرنه بس هوه يگوم ويروح بعيد عنهه چنت دائما احاول احنن گلبه

عليهه واگوله هاي بنتك وما الهه غيرك بس هوه ولا كانو ولا اباله

عمار..تدرين بيه اني من البداية مردت اطفال ولا احبهم بس انتي عاندتي
ومرفضت قرارچ وجبتيهه وانتي تتحملين عواقب هذا القرار

اريج...اني لو عليه مستعده اتحمل كاشي لخاطر كرستين

وبيوم من الايام بعدهه صار الشي المچنت متوقعته يصير وصدمه حياتي كلهه 😭😲
(توقعاتكم حبايبي للبارت الجاي وبرئيكم شنو الصدمه الي راح تواجههه اريج من جديد)