[لامارا]

#قلوب_من_حجر
#البارت_السابع


ها يا قطار السفر .ما اثرت دمعتي
ليليه اكلب الصور
واتفنن بحسرتي

انت الخذتهم لجن
رديت فارغ الي
لو راد بيهم عدد زتيتلك من هلي

يا دوب اشيل الجدم فركاهم أشكد
صعب
من دون من رخصتك
كيفه الحزن ضل يطب

توني بعمر ضحكتي . بس بالسفر شيبت
مثل الشمس بالغرب
كل لحظه وتغيرت

يالرايح بلا سبب
جا ليش حصتي التعب

حبيتك بلا كلب
تالي اعرفت هالوكت
حب الصدك ينغلب

هذا الوكت منكلب
مو مال حب الصدك
مال اضحك اعله البشر

يا كلبي جرحك كبر
لا تنتضرهم بعد طول هذاك السفر

ياهو اليضمد الجرح
ناسك تلفه بملح
وجهين شالو لجن..كل فتره اضل منجرح

والليل هذا اليمر والدمعه البخدي
مثل النده اعله الورد
ليليه متبدي

سالوني عن الحلم ..بس بالسهر شاطر
مثل الصفه بلا ابو
ضل يكسر الخاطر

اي يا قطار السفر انه اكسر الخاطر

انه العشت بالوهم
بس الدمع بالصدك
هوا اشيفيد الضحك للكلبه ضل محترك

شيب النبت بالشعر
مو للعمر للقهر
ليل الينوم البشر ...بس انه اخلص سهر

لو بيه جان السبب
جا ما ضجت عالسفر



اريج....لا يابه فدوة اني اوصلهه واني اضمنلهه مستقبلهه والله چذب ميريدهه ولا يحبهه يابه فدوة كلشي ولا تحرمني من

كرستين هيه روحي من الدنيه وهيه الشي الوحيد الفرحتني بحياتي

ابو اريج...الظاهر انتي مو مال واحد يتفاهم وياچ (بصوووت عااالي) بابا داگولچ

متگدرين تعيشهه اني بلگوة حاير بعيشتكم تريدون تعيشون اخذي بنتچ واطلعي

شلحگ لبنتچ حليب وحفاظات وطبيبچن وهاي اختچ مصاريف كومه

اريج....صدگ اني حيل انقهرت من گلي ابوية اخذي بنتچ واطلعي لان ماعندي

مكان اروحله ظليت عايشه يم اليسوه والميسوه اظطريت انطي كرستين وگلت بس اشوفلي مكان اگعد بي اله ارجعهه

بدلتلهه وحضرتلهه غراضه وظليت ابوس بيهه واحضن 😢 معقولة تعبي كله يروح

وفرحتي اطير من ايدي وعمار علحاظر ياخذچ مني فدوة ربي لو بيهه صالح

رجعلي بنتي اخذهه ابوية وراح وظليت اتوسل بي يابه حرام عليك تحرم بنيه من

امهه وهيه خطيه تباوع علية و تبچي 😢واني اجيب واتوسل بابويه يبقيهه واحلف بي بس ولا رفله رمش وگال خطيه هاي ام

وحرام احرمهه من ضناهه حسيت روحي راحت وياهه شبقالي بهلدنيه بعد كرستين وراحت مني ظليت الوم بنفسي اشون

عفتهه تروح اني صوچي ومرات اگول لو ماخذتهه وين اروح بيهه بچيت لحد

مورمت عيوني حته املي بهلحياة راح مني ظليت حاظنه ثوبهه واشم بي والله لو يگلي عمار هسه ارجعي لخاطرهه لارجع

واتحمل كلشي لان هاي روى نذلة واخاف تاذيهه ولاخذت رجلي مني واذتني متاذي

بنتي وگامت حسبه اجيبني وحسبه توديني لحد ما غفيت وگعدت على صوت

مرت ابوية ادفررر بخاصرتي....گومي لچ گومي كملي شغلچ مجايبيچ اهنا اكل ونوم تره اگول لابوچ عليچ

اريج...شوف هاي شگد بطرانه اني بيا حال وهيه بياحال گتلهه والله متكسرة ارتاح

ساعة واگوم اشو هاي گامت اصيح يبوووو ويبووو خبلتني گتلهه گمت والله گمت وبلگوة شلت روحي من الفراش

ورحت انظف گلت لتروح دگوله لابوية ومابيه حيل مصايب اكثر للعصر واجني

عماتي وعمامي وچانن شقق عماتي قريبة علينه وبيت جدي اهل ابوية وعمامي گبال بيتنه اجوي وقدمتلهم كيك

وچاي .....اشونچ اريج

اريج....الحمدلله عمي

.....اي عمي سمعت ابوچ اخذ بنتچ لابوهه لان رايدهه....اي عمي اخذهه ابوية 😞

بعدهه رجع ابوية للبيت وچنت اتمنه يرجع وبنتي بايده بس رجع وايده فارغه ونزلت

دموعي لا اراديا سلم على عمامي وعماتي وگعد

ابو اريج...اريج اريد احچي وياچ بشغله

اريج...اتفضل

ابو اريج...رحت وديت البنيه لابوهه وگال خلي تتنازل عنهه ما طول رجعتوهه لان

شنو اليضمن متاخذوهه مني بعدين فاريد منچ تتنازلين عنهه

اريج....يابه انته كل عقلك تحچي(بصووت عاالي) گلي شتريد بعد مني صرت خدامه

لمرتك ورضيت اخذت بنتي مني ورضيت وهسه جاي اتريدني اتنازل عنهه لو على

گص رگبتي ما اعوفهه وارجعهه ارجعهه
گام عمي وچان يضربني وجرني من شعري

حيل وگلي .....عيب عليچ تحچين هيچ ويه ابوچ هوه ادرى بمصلحتچ وشيگول

گولي حاضر لو اكسر راسچ الظاهر حيل مساهل وياچ ومدللچ

اريج...هههه اي صحيح مدللني كلش ليزوج بنته بعمر 13 يعتبر دلال ولياخذ بنتهه منهه

ويحرمهه منهه يعتبر دلال وليخلي بناته خدامات لمرت ابوهن يعتبر دلال هوه هذا

الدلال برئيكم ولكم يا ناس هذا ظلم ظلم
ابو اريج....والله اليوم لكسر راسچ هاي مثل

امچ وغصبا ما عليچ تخدميهه اليوم اموتچ بايدي

اريج....لزمني ابوية وموتني من الكتل

ويدفر بيه حيل گدام عماتي وعمامي وبناتهن واني من الضرب گمت ما احس بجسمي اريد انهزم منه ما اگدر

ورود.....عوفهه حراام عليك الله يكسر ايدك ترضاهه هيچ تاذي عرضك ومو صوچك

صوچ عمامي المشوربه الگاعدين محد گدر يدافعلهه منكم بس حسافه والله تعتبرون علزلم

ابو اريج....ادافعيلهه مو
اريج....اباوع على ابوية هدني من ايده وراح على اختي ورود موتهه خطيه وگامو

عمامي ويااا عليهه ويدف


رون بيهه دمو وجهه ولا گانو عدهم گلب اريد اگوم على حيلي افكهم منهه ما اگدر وعماتي گاعدات

ولا وحده منهن دارت بال ويصيحن حيل هذا لميلزم حدوده اباوع على اختي ورود

فقدت الوعي حيل اذوهه واتوسل بيهم يعوفوهه واترجاهم بس ماكو اي فائدة

من شافوهه فقدت عافوهه
ابو اريج....كافي خلي انعوفهه الظاهر اتربت

وانتي گومي شيلي اختچ من الگاع
يله(ودفرتهه)

اريج...سحلت بروحي سحل واگعد بيهه

واريد اشيلهه ما اگدر اتكسرت تالي مدري اشون گامن عماتي وشالنهه ويايه وخطيه چبيت عليهه مي وگعدت

ورود....اشون صرتي يعمري مخو اذاچ

اريج...لتخافين عليه اني زينه اهم شي انتي الله يكسر ايدهم انشالله وياخذ حقنه منهم
ظلينه على هاي الحال تقريبا 3 اشهر

وسلمنه امرنه لرب العالمين بلكت ربي يجي يوم ويفرجهه من بعدهه سمعت من ابويه انو عمار متعارك ويه زوجته لان طالعه

حامل وطالب من عدهه اذبه وگايللهه لو اطلگچ لو اذبي وذابته وطالب من ابوية

يرجعني بهاي اللحظه چنت بس اريد اخلص من ظلم ابوية وعمامي واذيتهم النه لان

صرنه مكفخه جواهم طابين طالعين يضربون بينه گتله لابوية موافقة ارجع

ابو اريج...وانتي كل عقلچ ارجعچ اله اني
رجال والي كرامتي ولچ اني بيدي رجعت

بنته اله وهاني وگلي لازم متگدرون على مسؤليتهه وهان كرامتي دتريديني هسه

ارجعچ اله لو تموتين گدامي ما ارجعچ

اريج... وليش مگلتلي هذا الكلام ليش گتلي هوه طالب ابنته اني چنت ادري بي

ميريدهه ليش طاوعتك وانطيتكياهه وانته هسه خايف على كبريائك ومخايف على حياتي اني

يابه تره حياتي حتدمر بسبب كرامتك مدگولي شوكت تتنازل شويه عنهه لخاطرنه

ابو اريج....اني انزل روحي لخاطر هيچ واحد

اريج...گتله يابه لعد راح اطلب منك طلب وما اريدك مثل كل مره تردني

ابو اريج...گولي

اريج....يابه اني اريد ادور على شغل واشوف حياتي واشويه اخفف من المصرف

العليك(الصراحه اني گلت لابوية هيچ حته

اخلص من هلعيشه واگدر اجمعلي كم فلس اشوف حياتي لان حيل تعبت من المذله جوه ايدهم )

ابوية وافق وحيل فرحت من بعدهه ثاني يوم طلعت للشارع حته ادور على شغل وياريتني مطالعه

يا محل اطلبه اريد اشتغل يمهم يگولولي انشغلچ وبراتب زين واوافق بس يگولولي

بشرط ناذخذ لبالنه من عندچ اشوكت منريد

اني تخبلت عززة ذولة شنو من بشر ومستحيل اسلم روحي الهم لحد مصار

المغرب رجعت للبيت وملگيت شغل بس ابد مأيست وظليت دائما اطلع ادور لحد

ملگيت شغل بشركه مال مكياج وملابس

وچانت ماركة معروفة اشتغلت يمهم وچنت حيل ملتزمة بشغلي وگمت اصرف على

روحي واشتريت ملابس ومكياج وگمت حته ما اگل ويه مرت ابوية لان كل ما اگعد

وياهه اطلع الاكل عليه سم گمت گمت اجيب اكل كله توصيله واگعد بغرفتي النهار

كله وبعدهه اشتريت موبايل وابد ما اطلع

من الغرفة شوكت ميصير الشغل اطلع اكمل

شغلي واطب بعد ما اطلع اول مشريت الموبايل اتصلت على روى گلت بلكت
اتخليني احچي ويه كرستين لان حيل
اشتاقيتلهه

الوو روى اني اريج

روى....خيرر شكو متصله بيه

اريج...فدوة روى كلشي ما اريد منچ بس اسمعيني صوت كرستين لان حيل اشتاقيتلهه

روى...لعد لو حابتهه هلگد ليش ذبيتيهه على گلبي وخليتي عمار مبتلي بيهه صاير

مثل الخدامه الهه والليل خطيه مينام من وراهه مگابلهه وگااعد

اريج....والله العظيم اني مردت اخذهه بس ابوية اخذهه مني بلغصب وهسه ما اريد اي

شي منچ بس اسمعيني صوتهه (الصراحه حيل ارتاحيت من گلتلي عمار مهتم بيهه ومگابلهه النهار كله مچنت متوقعه راح

يحبهه لهاي الدرجه لان ادري بي يكره الاطفال بس الظاهر كرستين كلش خلته يتعلق بيهه)

روى.... والله حبيبتي الصراحة ما اگدر اخليچ تحچين وياهه الا بعلم عمار

اريج...فدوة روى بس اشوفهه

روى....بس 5 دقايق لا اكثر

اريج...ميخالف فتحت الكامره روى وشفت كرستين ونزلت دموعي ماما اشونچ يعمري كبرانه 😢😢 مشتاقتلچ

روى....كرستين شوفي ماما

اريج.... لو بيدي الزمهه واحضنهه وما اشبع منهه ابد دحچي ويه كرستين وهيه تضحك

وچان يطب عمار للغرفة ويعيط على روى

توقعاتكم للبارت الجتي وبرئيكم عمار شنو راح يكون موقفه بعد ما شاف اريج( تاكات وتعليقات وانزللكم البارت البعدة😍😍😍😘)