[لامارا]

دخل تركي ...


شاف سعد جالس على الكنب واول ماشافه .. ابتسم ووقف وسلم


على تركي ..


تركي وهو يبتعد عن سعد : وييين خالد .؟؟؟؟


سعد نزل راسه وبعدين طالع بابوه بنظرات حزن ..


لكن ابو خالد اشر له بأشاره معناتها تكلم ..


سعد تنهد تنهيده طويله : مو لازم تعرف مكانه تركي ...


تركي عقد حواجبه : شقصدك ..؟؟؟؟؟؟؟؟!!!!!


سعد بنفاذ صبر : معليش يبه خل اللي يصير يصير .. انا بقولك
كل شي تركي ..


بو خالد : سععععععععععععد .. بسك حركات مراهقه ..


سعد وقف يعني شتبي خالد يسوي بعد كل اللي سمعه يركض ويتأسف له .. يلتفت على تركي : انسى خالد .. فاهم ... خالد مايبيك تعرف مكانه ويقول عليك بالعافيه بنت عمك ......... ووو
قطع كلام سعد كف اعطاه ابوخالد لسعد ..

سعد وقف وبقهر : طيب طيب .. تضربني وعلشان مين – يأشر
على تركي – علشانه

طلع سعدوهو معصب ع الاخر ..


تركي مسك يد سعد : لا انا اللي طالع


سعد بعد يد تركي عنه بقوه : انت مسوي حالك الكريم والحبوب والمتواضع لكن بوقت الشدايد تطلع على حقيقتك ..


بو خالد مسك يد تركي : تركي ولدي تعال اجلس بجنبي ..


سعد التفت على ابوه وطالعه باستحقار : تقوله ولدي ..


بو خالد : ولدي وغصب عن اللي خلفوك ..


تركي باحراج من كرم بوخالد له : ياعم انا مادري على ايش انتوا جالسين تتهاوشون لكن انا وخالد اذا كان على هوشتنا انا جاي اتأسف منه .. بس هو وينه ؟؟؟


بو خالد : هو بالمزرعه حقتي .. لكن ؟؟؟؟؟؟؟!!!!!!!!!!!!!!


تركي : لكن ايش ؟؟!!!!!!!!


بوخالد : هو مأمني ماقول لك ..


تركي نزل راسه بحزن : انا عارف خالد ..


بو خالد : لكن راح اقول لك .. وخذ سعد معاك .. اعذره ياتركي
ترا توه صغير مايفهم الدنيا صح ومراهق وانت اكبر منه وافهم منه ولا تاخذ بخاطرك على كلامه ..


تركي : عارف .. مهما كان انا تربايتك وهم اخواني واقبل منهم أي شي يقولونه عني ..


بو خالد وقف وبصوت كله جهوري وقوي : سعععععععععععععععد تعال


سعد استند على الباب ويبعد الغبار عن كم ثوبه الابيض : نعم ..


بوخالد : روح مع تركي وديه للمزرعه ..


سعد : شنو شنو .. لا استحاله اوديه


بوخالد بجديه : بتوديه للمزرعه غصب عنك .. فااااااااااااااهم ..


سعد طالع بتركي باستحقار : يله ...


طلع تركي ولبس جاكيته لان الجو كان برد ..


ركب سيارته ورركب معاه سعد ..


تركي وهو يسوق السياره : نفسي اعرف انت ليش كارهني ..


سعد : كذا مزاج ..


تركي : هههههههه حلوه هذي مزاج .. لا جد انا شسويت لك ..؟؟؟


سعد : لاااااا حاشاك ماسويت شي .. بس سبيت بالوالد وباأخوي بس مايحتاج لها زعل صح ياولد الملايين ..


تركي : انا عارف انا غلطااان اوووووووووف ماصارت ترى خلاص يعني تبون تذلوني ...


سعد : ههههههه اقول خلينا بالطريق احسن لك ولي ..


تركي التفت عليه وابتسم : تصدق شخصيتك رهيبه ...


سعد : ماحد طلب رايك ..


بعد مرور 3 ساعات وهم راكبين السياره ..


تركي : اوووووووووف سعد .. ويين المزرعه هذي ..


سعد : كلها كم كيلوا ونوصل ..


تركي : تعرف سعد انت صوتك نسخه من صوت خالد ..


سعد : اكييييييييييد اخوان ..


تركي : ماكنت عارف ان عندكم مزرعه ..


وقفت السياره ونزل سعد : مو لازم تعرف ..


مشى تركي وسعد بالمزرعه الكبيره الواسعه .. المزينه بالورد


سعد : روووووح له ..


تركي يطالع بسعد مو فاهم قصده : وين هو ؟؟؟؟!!!


سعد : هناك جالس ..


بعدين اختفى سعد من عند تركي ...


تركي يطالع بقدامه زين ..


شاف خالد جالس على كرسي يقرا الجريده ...


تركي قرب منه (( ماتغير كثير .. هو هو خالد زي ماهو ))


تركي : صباح الخير ...


خالد وقف قلبه كانه سمع صوت احد يعرفه مايبي يبعد الجريده


عن وجهه ويشوف تركي ..


خالد بلا مبالاة : حط العصير وروح للمطبخ بسرعه ..


تركي جا وسحب الجريده من يد خالد ..


خالد التقت عينه بعين تركي ..


خالد ابتسم : تركي ..


تركي مد يده : ماتبي تسلم علي ..


خالد وقف ومد يده ببطئ .. سحبها تركي وضم خالد ..


تركي يبي يرجع علاقته بخالد .. مايبي علاقته تخرب علشان بنت


.. لان الصداقه بهالزمن نادره او مستحيله الوجود ..


تركي اول ماضم خالد .. ضربه على ظهره .. : ليش سافرت .. انت تتوقع انا كنت زعلان منك لاااااا بس كنت مقهور شوي ..


خالد : لا تتكلم عن هذيك الايام حنا شباب اليوم ..


دخل سعد وابتسم وضم تركي .. : انا آسف على كل شي سويته بس ابغى ضميرك يصحى وحبيت اشوف وجهك وهو يتعذب ..


خالد يضرب كتف سعد : يامجنون انا الف مره قايل لك بلا ثقالة دم


سعد جلس : طيب شسوي اذا انا ثقيل طينه ..


تركي : حلاله يلعب بمشاعري ..


سعد : انا عااااااااااااااااارف ..


تركي : الا خالد من وين جاتكم هالمزرعه ...


خالد : هذي مزرعه اشتراها ابوي من زمان .. ولا تتوقعه يشتغل عندك يعني ان حنا محتاجين بالعكس الحمدلله حنا بخير ونعمه لكن ابوي يحبك ويحب ابوك علشن كذا مايقدر يتخلى عن شغله ..


تركي نزل راسه : انا آسف لمى تكلمت عنه هذاك اليوم بطريقه بشعه ترا .......


قاطعه خالد : لا شدعوه تكلم زي ماتبي ... لان بعض الكلام اللي قلته صح والبعض سامحتك انا اعرفك اذا كنت معصب تكون مجنون حدك


سعد : اووووووووووووووووووووووف .. بتجلسون تتذكرون تعال اوريك المزرعه ..


تركي وقف .. وخالد وقف وراحوا يتمشون بالمزرعه ..


سعد : على فكره تروك بارك لصاحبك تراه تملك ..


تركي وقف قلبه (( لايكون مشاعل لااااااااااااا .. وبعدين اذا اخذ مشاعل انت شدخلك .. كيفه )) : الف الف مبروك ...


خالد : والله ماباقي الا انت ولازم نفرح فيك ..


تركي : لااااااااااا انا اتمنى اكون عزابي .. احسن لي ..


خالد : كيفك ..


تمشى خالد وسعد وتركي بالمزرعه


تركي طاير من الفرحه تصالح مع خالد ..


صح انه منجرح لأن اكيييييييييييييييييييد زوجته راح تكون
مشاعل


مشاعل تحبه وتتمنى قربه لو كانت العيشه معاه فقر بفقر .. ليــش يتــأمـــل اوو يفكـــر بشــي ماهو له ..؟؟!!



******************

******************

تركي : خالد .. كبر عقلك .. ليييييش خايف ..

خالد وهو يعدل الشماغ : لانك مو المعرس ..

تركي : الللللله وصرت معرس .. بسرعه تمر الايام ..

خالد : اووووووهووو علينا كانك امي .. ههههههههه .. بس شوف انت بالزفه تدخل يعني تدخل فاهم ..

تركي : عادي ادخل ..

خالد : صح مو عادي بس ادخل علشان ارتاح نفسيا ..

تركي : على خبري اعرف البنت مرتبكه مو الولد ..

خالد : انا غير عن البشر ...

طلع خالد وتركي .. للزواج ..

بدات الزفه ..

دخل خالد وكان معاه تركي بجنبه ...

خالد كان بقمة اناقته لابس بشت اسود وكاشخ ع الاخر اكيد

معرس ..

لكن تركي .. كان لابس ثوب ابيض وشماغ احمر مشخص

بطريقة الكوبرا ..

تركي وقف بنصف الطريق مايقدر يشوف العروسه لكن ملامحها

ملامح مشاعل ..

تركي مايبي يشوف مشاعل لانه لو شافها اكيد راح يخرب على

خالد الزواج بتهوره ..

تركي مسك خالد ووقفه : خالد انا اتمنى لك تعيش حياة سعيده من كل قلبي .. وانشالله دووم هالعيشه لكن انا اعذرني ماني قادر اكمل الطريق معاك ..

اصوات همس الحريم بدات تعلى اكثر واكثر ..

عن سبب وقوف العريس مع صاحبه بنص الصاله ..

خالد يطالع بعيون تركي اللي كلها عذاب .. : ليييش ..

تركي : خالد ... معليش ماقدر اكمل .. روح ومعاك عمي وسعد .. يكفونك .. سلااااااااااااااام ..

ابتعد تركي عن خالد .. خالد يطالع بتركي .. اللي منزل راسه

ويمشي بسرعه علشان يطلع ..

تركي مايبي ينحرج مايبي ينجرح وهو يشوف مشاعل اللي

تمناها ومافارقت تفكيره وخياله ولا ليله ..

تركي عند الباب بيطلع لكن قلبه بهاللحظه صرخ وقاله تركي

وقف ..

تركي التفت ببطئ يتمنى يكون خيال ..

تركي يشوف شخص يمشي بخطوات واثقه له ..

تركي ابتسم .. (( وهذا وقته تتخيل ..هههههه من جد مخك اللحس ))

.............: تركي ..

تركي التفت بسرعه .. شافها شاف مشاعل .. قدامه .. يطالع

بملابسها .. (( لابسه فستان اخضر يعني .. يعني !!! يعني مو متزوجه ))

مشاعل ابتسمت : هلا تركي كيفك ..؟؟؟؟!!!!!!

تركي يطالعها مو مصدق يعني معقوله خالد ماتزوج مشاعل ..

مشاعل توها ماتزوجت خالد ولا وحاضره زواجه .. مو مصدق

؟؟؟!!
*** الا ياحبي السامي لقيتك بأول ايامي ..
تعال وجدد احلامي ترا قلب الهوى سهران .. ***


مشاعل تطالع بعيونه المتفاجئه

قلبها نبضاته زادت .. تتمنى ترتمي باحضانه تتمنى تصرخ للناس

وتقوله
@>>> احبــــــــــــــــــــــ ـــك <<<@
احبك بكل مافيك يابن العم ..
عرفت انك احن انسان شفته بحياتي .. عرفت اني كنت اوهم

نفسي بشخص اسمه خالد ..

لكن القلب مانبض غير باسمك يابن العم ..

عرفت للرجوله معنى وانا بين يديك ..

عرفت

ان هالدنيا من دون بسمتك تنتهي وتموت ..

انت الوحيد اللي اتمنى اصرخ للدنيا للعالم واقولهم هذا يابنات اللي

تتكلمون عنه هذا اللي تتمنون ولو يعطيكم ابتسامه هذا حبيبي انا

..
هذا اللي احبه هذا اللي اخذ قلب مشاعل بنت عبدالعزيز ...

تركي ابتسم وبصعوبه طلعت منه الكلمه : الحمدلله كيفك انتي ..

مشاعل ابتسمت وبعدت الخصل عن وجهها : انا بخير مدامك بخير ..

تركي مايبي يحرجها قدام الناس وتتغير نظرتهم لها : اوكي انا طالع تامريني بشي ...

مشاعل وقف قلبها (( لهذي الدرجه انتي ولاتسوين عنده .. انتي تحديتي خوياتك وكلمتيه وسلمتي عليه لكن هو قلبه مالكته وحده ثانيه )) : لااا سلامتك ...

تركي : اوكي باي ..

مشاعل انقهرت من حركته : اووووه على فكره الهديه اللي اعطتنياها رميتها بالزباله

تركي عقد بحواجبه : لييييييش ..

مشاعل : كذا ماهي عاجبتني .. وبعدين انت ماتستحي على وجهك بعد كل اللي سويته لصاحبك تجي تحضر زواجه ..

تركي عصب : وانتي شدخلك .. انشالله اتذابح انا وياه كيفنا .. انتي مع احترامي فضوليه ..

مشاعل : الفضول احسن من حركات العصابات .. وسهر بالليل ولعب مع البنات ..

تركي عصب كان بيرفع يده عليها .. لكن تذكر انه هالمره مشاعل معها حق نزل يده بسرعه : مشكووووووره ..

وطلع من القصر ..

مشاعل تطالع بتركي بعدين نزلت من عينها دمعه مسحتها

بسرعه : لا يجرحك ولايكسرك واحد واطي مثله ..

رجعت على الزواج .. وراحت عند ميساء ..

ميساء : من هذا اللي كلمتيه .؟؟؟؟

مشاعل : لو اقول لك ماراح تصدقيني .؟؟؟

ميساء : ميييييين ؟؟؟

مشاعل وصوت الحب اللي جواتها هو اللي نطق اسمه : هذا تركي ..

ميساء وهي تصفق بيدينها : يااااااااااااحلو .. هذا اللي خطفك ..
والله انك منحوسه وغبيه .. انا لو هذا خطفني .. لانسى اللي خلفوني واروح اركض وراه واطلب رضاه ..

مشاعل بسخريه : اركض وراه واحبه .. مو اللي ذابحني انه يحب وحده ... آآآآآآآه ياميساء لو اكلمك عن جمالها وجسمها وطولها وابتسامتها ..

ميساء : اووووووف والله حرام ..

مشاعل : اسكتي اسكتي هذي دانه بدت زفتها ..

أول مانزلت دانه ..

مشاعل شافت خالد يستقبلها ..

مر شريط ذكريات مشاعل مع خالد ..

تذكرت مكالماتهم صراخه بحبها .. كان مجننها ..

(( صح ياخالد دارت بينا اجمل واحلى علاقه حب .. انا حبيتك وانت حبيتني .. لكن حنا مو بلندن ولا بباريس نتزوج بالعلاقه .. لا .. انا كان لازم اعرف ان نهايتنا راح تكون فراق لان هذي هي نهاية كل علاقة حب بالرياض .. نادرا مايكون نهايتها زواج واذا تزوجوا تكون مأساة كبيره بالنسبه لهم .. ههههههههه مو يقولون ان الولد يحب بقلبه ويتزوج بعقل اهله .. ))

قطع تفكيرها ميساء تصرخ لدانه ..

بعدها شافت مشاعل دانه وهي تطالع لخالد بكل حياء وخالد

منجن بجمالها الباهر .. والطفولي ..

بهاللحظه الكل كان ساكت ماحد يتكلم بس يراقبون هالاثنين اللي

اذهلوا الحضور من شدة ماهم يناسبون لبعض ..

بعدها مشاعل .. بأعلى صوتها : كلللللللووووووووووووووووو ووووووووووووووووووووووووو وش

ميساء التفت على مشاعل اللي انبح صوتها شافت دموعها على خدها

ميساء : ميشو شفيك ..

مشاعل : لا مافيني شي بس تذكرت ايامنا مع دانه بنفقدها ..

ميساء : تكفين عااااااااااااااااد هذي هي قدامك طول عمرها مايردك عنها الا السياره ..

مشاعل نزلت دموعها الحاره .. اللي حيرت ميساء ..

واللي كانت فضفضه بالنسبه لمشاعل من المشاعر اللي تتضارب

جواتها ..

بنفس الوقت تركي كان بالسياره ضربها بقوه .. : اووووووووف ليش مارديت عليها .. – يقلد صوتها - الفضول احسن من حركات العصابات .. وسهر بالليل ولعب مع البنات .. من زين اخلاقك انتي اللحين ..

دق تليفونه تركي بعصبيه : نعم ..

بدر : السلام عليكم ..

تركي : وعليكم السلام مييييين ؟؟؟؟؟؟؟

بدر : افا ماعرفتني ..

تركي : لا ماعرفتك خلصنا ..

بدر : افااااااااااااا .. ماهقيتها منك ..

تركي : لاحووووووووووووووووول .. انت مييين ماعرفتك ؟؟؟

بدر : انا بدر ..

تركي باستغراب : بدر ماغيره ..

بدر : ايوه ماغيره ..

تركي : هلا والله .. شفيك من بعد هذيك الليله وانت مختفي ..

بدر : والله جاني اتصال من الوالده .. الوالد تعبان ورحت وشفته .. اوووف وحالتي حاله ..

تركي بحزن : الله يكون بعونك واخباره اللحين ..

بدر : لاتمام .. وابشرك تزوجت ..


تركي : الله يهنيــكم مع بعــَض .. والله مشتاق لك ماصرنا نشووفك ولانسينا ايام الدراسه والكرف .. ..

بدر : هههههههه وانا اكثر ..وتطمن مانسينا .. لكن انت تعرف الاشغال والشركه ..

تركي : اوووب اووب .. بدر يشتغل بالشركه مو مصدق ..

بدر : لاصدق انا من تزوجت والحمدلله تغيرت 180 درجه طلعت انسان ثاني ..

تركي : الله اكبــر بدر يتكلــم هالكــلام .. صراحه ماني مصدق ..

بدر : هههههه والله عــآآد الدنــيا تغيــر اللي مايــتغير الاجد احوالك .. كيفك مع خالد .. ؟؟

تركي : ماشي الحال .. اليوم زواجه ..

بدر : عارف ..

تركي : ليش ماجيت ؟؟

بدر : مشغووووووول ع الاخر ..

تركي : آآآه الله يوفقك .. اوكي اجل تامرني بشي .. ؟؟؟

بدر : لا سلامتك ..

تركي : يله فمان الله ..

بدر : فمان الله ..

بعد ماسكر تركي السماعه من بدر رمى الجوال بعيد عنه .. : كلهم تغيروا عاشوا حياة جديده الا انت .. الا انت ياتركي ..؟؟؟!!!
لاااااا .. قول اللي واصلينه هم اللحين واللي هم تغيروا عشانه انت كنت عايش فيه طول عمرك .. طيب تبي تتغير تزوج
.. اووووووووووووف انا تعبت نفسيتي .. خلااص زواج ماراح اتزوج .. اجلس اعزب طول عمري احسن لي ...

_________________
يا رب يوفقني في مدرستي

والحياتي
اللهم آمــيــن