[لامارا]

انا كذا بنظرك .. انا كذا .. لا ماتوقعتها منك ..

توقعتها من غيرك الا انت ياتركي ..

اثناء ماهي تفكر .. نامت ..


دخل تركي وباين عليه التعب ..

السكرتير .: صباح الخير طال عمرك ..

تركي مارد عليه ..

السكرتير .. يلحقه : لو سمحت طال عمرك ..

تركي يصرخ : نعم نعم ...

السكرتير بخوف : معليش طال عمرك بس الاجتماع ..

تركي يضرب راسه : اووووووووه زين ذكرتني .. يله خمس دقايق وجاي لهم ..

السكرتير : اخلي الموظفين يجتمعون ..

تركي : انت غبيي ..ثوور ماتفهم .. اقولك خمس دقايق وجاي .. يعني نادهم بسرعه ..

السكرتير طلع .. وهو ضايق يألله مدام هذي اولتها ينعاف تاليها .. الله يستر بس ..

دخل تركي للاجتماع بعد ماعدل من حاله علشان يكون شكله

مناسب مع مكانته ..

مر الاجتماع على خير .. وتركي طاير من الفرحه مو مصدق

اللي يصير .. الكل تقبل فكرته لعمل الشركه .. وخصوصا انه

متعاون مع شركات كبيره بالبلد ..

السكرتير : طال عمرك هذي اوراق الصفقات ..

تركي وهو يطالع بالاوراق : حلو ..

السكرتير : بس طال عمرك اللحين الساعه 10 الليل يعني ..

تركي فهم قصد السكرتير : تبي ترووح لبيتك انت حر الدوام انتهى من زمااااااااان ..

السكرتير : لا واتركك طال عمرك ..

تركي : اللهم طولك ياروح .. انت اللحين من الصبح وانت تقولي طال عمرك .. خلاص قول تركي .. مو طال عمرك .. اختصرها احسن لك

السكرتير : لا معليش طال عمرك هذا قدرك واقل بعد ..

تركي وهو يطالع بالسكرتير زاد اعجاب تركي فيه من بعد ماتكلم هالكلام : الا قولي انت شأسمك ..

السكرتير : يوسف ال..... طال عمرك ..

تركي ابتسم : مشكور يوسف وماتقصر روح لبيتكم انا لو تنتظرني كل يوم بتطلب الطلاق زوجتك ..

يوسف ابتسم : اصلا اانا عزوبي ..

تركي : لااااااا مشالله عليك اجل .. وانا اقول الاخ يبي يشتغل اثاريك طفشان ..

يوسف ابتسم : يعني ..

تركي : لا اللحين انت روح لبيتكم وبكره تعال ..

يوسف : انشالله طال عمرك ..

طلع يوسف من عند تركي اللي كان غرقان بالشغل ..

تركي يطالع بساعته : اووووووووووووف الساعه 12 ماحسيت بالوقت ..

تركي طلع من الشركه وركب السياره وهو يدندن اغنية لتامر

يانوور عيني ..

دخل تركي البيت .. : ليش الدنيا ظلمه ..

راح تركي وهو يلعب بالمفتاح : لاه لاه دنا مش حنسااااااااااااك ..

شاف غرفته بابها مفتوح وفيه صوت شخص يئن ..

تركي دخل .. شاف مشاعل ضامه رجولها وعلى حطت ايده

وتبكي ..

تركي بهاللحظه وكان سهم عتاب كبير من نظراتها له اخترق

قلبه وكانها تعاتبه وكانها تصرخ تقول لييش تأخرت علي .. ليش ياتركي

تركي ابتسم وقرب من مشاعل : مساء الخير .. لييش للحين جالسه هنا ولا يكون عاجبتك الجلسه ..

مشاعل تطالع بتركي بنظرات متعبه .. وبعدين طاح راسها على رجولها ..

تركي يطالع فيها .. : مشاعل .. اوووووووهووووو علينا .. خلاص لايكون زعلانه .. آآسف رضيتي ..

تركي بقهر : طالعيني اذا جيت اكلمك ..

انقرف منها لانها ماجاوبته على كلامه ..

رفع راسها بيده ..

شافها مغمضه عيونها ..

حركها بخفيف .. : مشاعل .. مشاعل انتي بخير ..

ولاحركة استجابه منها ..

هزها بقوه صرخ بأعلى صوته : هييييييييييه مشاعل شفيك ..

خاف عليها لايكون ماتت من الجوع ولا البرد ولا الحر .. كان

تفكيره بهذيك اللحظه مشتت ..

سحب يدها بقوه يبي يقيس نبضات قلبها .. بس اللي صدمه

الجرح العميق اللي بيدها اليسار ..

معقوله كانت تبي تنتحر ..

معقوله مشاعل العاقل تبي تقتل نفسها ..

تركي صرخ اول ماشاف دمها يسيل وقطعة الزجاج اللي بيدها الثانيه المليانه دم ..

شالها بين يديه ..

ركبها السياره ..

طول الوقت يفكر كيف حياته راح تكون من دونها ..

هي ماتدري انها شمعة حياته ..

هي اللي اعطت لدنياه طعم ..

تركي يضرب نفسه بقوه : انت السبب .. ياتركي ..

التفت عليها يطالع فيها ..

وجهها شاحب .. وشفايفها زرقاء ..

تركي وماقدر يخبي دموعه : مشاعل لاتتركيني .. خلاص وعد بطلقك خلاص انا اسف سامحيني .. بعطييييييك كل اللي املك بس انتي عيشي

تركي يركض .. : دكتوووووووووووووووووووووو وور ..

الاطباء يركضون للمجنون اللي شايل بيده وحده .. مغطي نصفها

بالعبايه ..

تركي من بين دموعه : شوفو شفيها عالجوها .. بس اهم شي تعيش .. لو تبون ملايين الدنيا اعطيكم بس مشاعل تعيييييييييش ..

مرت ساعه على دخول مشاعل غرفة العمليات ..

تركي واقف وهو مستند على الجدار مغطي وجهه .. : انا اللي ضيعتها .. انا ..

الدكتور طلع : انت اخوها ..

تركي بنفاذ صبر : لا زوجها ..

الدكتور نزل راسه .. : انا عارف ان اللي بقوله لك شي راح يحزنك كثير بس انت تعرف الدنيا موت وحياه وهذا قضاء وقدر..

تركي يصرخ بوجهه : لاااااااااااااااااااااااا تقول .. لاااااااااااااااااا ماتموت .. – طاح على الارض – والله مالي غيرها هي دنياي ..

(( معقوله يامشاعل .. قبل ساعات كنت اهاوشك اصرخ بوجهك واقولك مابغاك واللحين شوفي حالي من دونك .. انا مااسوى . مشاعل ارجعي لي .. لا لاترجعين لي .. ابي اعرف بس انك عايشه وتتنفسين نفس الهوا الي اتنفسه ))

الدكتور يمسك تركي .: يااخ .. اسمعني زيين الدنيا كذا .. وانشالله تكون شفيعه لك .. والحمدلله اننا لحقنا على امها ..

تركي من بين دموعه يطالع الدكتور بشك : انت من تقصد ..

الدكتور : مو انت تركي عبدالرحمن اللي زوجتك تولد ..

تركي انقهر منه .. وطاح فيه ضرب : ياكلب .. ياحيوان ..

يمسكونه الناس

الدكتور : انت صدق ماتربيت ..

تركي التفت على الدكتور اللي وراه ..

الدكتور 2: انت تركي عبدالله ..

تركي يهز راسه .. وماقدر يتكلم ..

الدكتور ابتسم2 : الحدلله لحقت عليها واللحين زوجتك والجنين بخير ..

تركي الارض .. الا الدنيا بكبرها مو سايعته .. مشاعل عايشه

مشاعل بخير .. ولا وحاااااامل .. يالله ماأكرمك ..

تركي بفرح : اقدر اشوفها ..

الدكتور : اكيييد بس من بعيد لانها تعبانه وبعدين نعرف اللي خلاها توصل لها الحاله ..

تركي يطالع بمشاعل من ورى الزجاج ..

رجع لوجها شوي من نظارته .. من بعد الدم والمغذي اللي اعطوها ..

تركي تنهد .. (( معقوله بنت تنزل دموعك ياتركي .. وينك اول وين حالتك اللحين انت حياتك بيد وحده ماتحبك ولاحتى تفكر فيك .. وانتحرت علشانه ماتبغى تعيش معك .. ))

الدكتور يطبطب على ظهره : الله يخليكم لبعض ..

تركي وبكل صدق حس به بحياته : آآآآآآآمييييييين ..

**********************

مشاعل حست بألم بيدها ..

فتحت عيونها ببطئ .. شافت تركي جالس على الكرسي ونايم

بجنب يدها وهو ماسكها ..

مشاعل جلست .. تطالع بتركي ..

شافت وجهه اسمر .. وذقنه مو حالقه .. وشعره معفوس ..

مشاعل مدت يدها على شعره تبي تلعب بشعره .. تطالع بوجهه

البريء (( اللي يشوفه يقول انه ميت علي ..))
مشاعل تلعب بشعره .. وهي تبتسم .. : يالله لهذي الدرجه خايف علي بس لاااااااااااااااااااااااا ااااااااااااااااااااااااا اااا هو ...

تذكرت مشاعل كلامه لها ..

بعدت يدها عنه ..

تركي اللي كان صاحي وسمع كل كلامها وشاف كل حركاتها ..

حزن عليها .. تمنى انه يموت قبل ماقال هذاك الكلام ..

(( آآآآآآآآآه يامشاعل امنيتي تعرفين اني من دونك مااسوى ..
اتمنى اموت ولا اشوفك متعذبه .. بس اللي يعذبني زياده ان انا اللي اعذبك .. ))

تركي مثل كانه توه صاحي .. : اووووووه مشاعل ..

مشاعل وهي تطالع بتركي ببرود ..

تركي : صباح الخير مابغيتي تصحين – عدل جلسته – خوفتينا عليك

مشاعل : خفتوا ..

تركي بحماس : الا انجنييييييييت ..

مشاعل : احسن ..

تركي يطالع فيها بنظرات استغراب ..

مشاعل تطالع بالغرفه وكانها ماقالت ولا كلمه ..

دخل الدكتور .: الحمدلله على سلامتك ..

مشاعل : الله يسلمك ..

الدكتور : ليش سويتي كل هذا ..

مشاعل : مزاج .. اشتهيت انتحر وانتحرت ..

الدكتور يطالع بتركي بنظرات يأس ..

مشاعل اللي فهمتها : لاتخافون ماني لامجنونه ولاشي انا احسن منكم ومن اهاليكم.. بس انا ماطيق اشوفكم واكره المستشفيات ..
على فكره وين امي وابوي ..

تركي : ماقلت لهم ..

مشاعل : احسن بعد لا تنجن امي والسالفه سخيفه ولا فيها شي ..

تركي وهو شوي وينجن : سخيييييييييفه ...

مشاعل : انت ولا كلمه .. اسكت ..

هذا حال مشاعل بالمستشفى .. ماتتكلم كثير بس اذا حد كلمها

ردت ببرود .. وذا احد سألها او كلمها.. تعطيه كلام مثل السم ..

وهذ البرود جنن تركي .. بس الدكتور حذره من انه يسوي لها

أي شي ولا حالتها بتنتكس ..

**********************

تركي وهو يفتح الباب .. :اهلا وسهلا ببيتك ..

مشاعل تطالع فيه ببرود ..

وراحت وجلست على الكنب ..

تركي قرب من مشاعل ومسك يدها .. : انا اآسف ..

مشاعل ببرود : وانا ماقبلته .. على فكره لاتتوقع رجعت لبيتك علشانك لا علشان ارتاح بعدين اطلع وتلحقني ورقتي ..

تركي بعصبيه : مشاعل واللي يرحم والديك فكينا من هالموال ..

مشاعل : أي موال .. اقولك ابي اطلق منك مابيك افهمها ..

تركي : وانا لو اموت ماراح اطلقك ..

مشاعل وقفت : مدامك تبي المحاكم وطريقها ترا انا قدها ..

وراحت للدور الثاني ..

تركي مسك راسه بيدينه : يالله وانا اطلع من مصيبه وادخل بثانيه ..

طالع بالساعه : اوووووووف تاخرت عندي اجتماع .. الله يسامحك مشاعل ..

مشاعل تطالع فيه ببرود من فوق تشوفه وهو ياشر لها مع

السلامه صرخت باعلى صوتها : روحه بلا رجعه انشالله ..

تركي سمعها بس يبيها تحس هي ايش قالت : وشوووووووووووووو ؟؟؟؟؟

مشاعل تعيد كلمتها : روحه بلا رجعه انشالله يارب ..

تركي طفش منها ومن اسلوبها معه .. صار لها اسبوع وهي

على هالحاله ماتطيقه وتعطيه كلمات محترمه ..

مشاعل اول ماطلع راحت لغرفتها واخذت شور

طلعت من الحمام .. وراحت على طول تطالع حالها بالمرايه ..

كان عليها روب ابيض وشعرها البني المبلل طوله وصل لاسفل

ظهرها وعيونها تحتها سواد .. وبشرتها مافيها حياة ..

مشاعل بتردد حطت يدها على خدها ويدها الثانيه على شعرها ..
: مو انت اللي تخرب جمالي وستايلي قدام العالم .. ياولد عبود

&&&&&&&&&&&&&&

تركي دخل البيت كان مره فرحان .. : مشاعل .. مشاعل وينك ..

اول مادخل تركي الغرفة كانت وحده واقفه تسرح مشاعل ..

اول مادخل تركي مشاعل طالعت فيه .. تبغى تشوف ردة فعله ..

بس ماتحرك ولا بين أي شي ..

بعدين مشاعل وقفت .. وحطت يدها على خصرها والثانيه بجيبها ..

تركي مو مصدق عيونه هذي مشاعل هذي هي .. لا اكيد فيه

غلط ..

كان شكلها مره مهستر ..

شعرها بني قصير مدرج بكثافه واسفله مصبوغ بأشقر فاااتح

ولابسه تيشيرت ترابي بدون اكمام عليه رسمات بالوردي ..

وبنطلون جينز واسع وفخم وبجيوب كبيره لونه زيتي ..

وكانت عاضه على جزء من شفتها الورديه ..

تركي بعصبيه : انتي ويش سويتي بحالك ..

مشاعل تاشر على راسها : كيفي اشتهيت اسوي هاللوك وسويته ..

تركي : جد مجنونه .. اللحين ايش يفرق بينك وبيني ..

مشاعل ووصلت اخيرا لمرادها .. ان مايكون فرق بينها وبين تركي .. : اصلا من زمان مافيه فرق بيني وبينك ..

تركي : ياسلام ..

مشاعل : ايوه خلصني بسرعه شتبي ..

تركي : كنت جاي بقولك شي حلو بس ماراح اقول من شفتك ..

مشاعل ببرود : والله وكيفك .. ماحب اترجى احد ..

تركي استند على الجدار وصار يتامل فيها .. صح هي تحولت

لبنت جديده بس الغريب فيها انها تحلو اكثر عن قبل ..

مشاعل وهي تاشر عليه : تامرني بشي يازوجي حبيبي انت ..

تركي طالع فيها باستغراب : لا ..

مشاعل : هههههههههههههههه اصلا حتى لوتامر شي ماراح اسويه

تركي جلس على السرير بعد ماطلعت المصففه .. : تبغين الصراحه انتي طالعه احلى واحلى .. مع انه لازم تصيرين قبيحه لانك قصيتي شعرك ولعبتي فيه بس ..

مشاعل قاطعته : انا عارفه اني حلوه واحلى وحده بهالدنيا ..

تركي : على فكره يقولون الثقه مو زينه

مشاعل : هههههههههه خليك بااحكامك ..

تركي بهاللحظه سكت مارد عليها ..

مشاعل التفت عليه تبي تشوف ايش اللي مسكته ..

شافت تركي نايم على السرير و يطالع فوق .. وسرحان ..

مشاعل قربت منه وحطت يدها قدام عيونه : وووووووووجع سنتين اناديك ..

تركي مو مصدق معقوله مشاعل صار عادي عندها انها تكلم تركي بهالطريقه : هلا ..

مشاعل : تركي انا قررت ..

تركي (( الله يستر )) : وشو ؟؟؟

مشاعل : ابي اسافر لايطاليا ..

تركي : اموووت واعرف شفيك على ايطاليا ..

مشاعل وهي ترجع على ورى : يقولون انها دولة العشاق ..

تركي اول ماسمع كلامها ضحك : دولة العشاق مره وحده .. واذا كانت دولة العشاق تصير للعشاق بس مو للي مايطيقون شوفة بعض..

مشاعل (( بلاك ماتدري اييش افكر فيه )) : عاااااااااااااااااادي .. بس اتسلى قبل ماتطلق منك ..

تركي : اموووت على الواثقين انا ..

مشاعل : اكيد اذا مامت فينا اجل تموت بميين ..

تركي قالها وهو مو حاس بنفسه : لا اموووت بشوق ..

مشاعل : اجل كفوك .. ههههههههههههههههههههههههه ههه

تركي : شفيك تضحكين

مشاعل : مافيني شي اووووووووووووف منك ..

تركي : الله يستر منك انتي منتي طبيعيه ..

مشاعل ببرأه : انا حرام عليك هذي مشاعل على طبيعتها ..

تركي يهز راسه بس حاس ان مشاعل متغيره الا موحاس الا متأكد .؟؟؟؟؟؟؟؟؟؟؟؟؟؟؟؟

ماقول غير الله يستر منك يامشاعل ..


************

نزل تركي من سيارته ..

وقف وراه واحد ..

تركي طالعه ببرود وماكلمه ..

فارس : السلام لله ..

تركي : وعليكم السلام ..

فارس : طيب ممكن اطلب منك طلب ..

تركي بهاللحظه موصله معاه على الاخر (( لو كلمني عن ابوه
ولا عن المسامحه بوريه ايش المسامحه على اصولها .. )) :
اطلب تدلل ..

فارس اللي مافهم قصد تركي : انا ابيك تسامحني انا و

فارس ماكمل كلامه الاببكس على وجهه وطايح على الارض ..

تركي : ولا كلمه هذا اقل من حقك يله اقلب وجهك من هنا ..

فارس انقهر وغاض من بعد ماسمع كلام تركي .. : اذا الله يسامح ليش انت ماتسامح ..

تركي : مابي اسامح كيفي .. اعطيتك وجه اكثر من الازم ..

اشر على السكيورتيه اللي كانوا يراقبونه من بعيد انهم يطلعونه

من الشركه ..

ولا اشوف وجهه بشركتي مفهوم ..

قالها وهو ماشي للاصنصيل ..

فارس وهو يطالع بتركي بقهر صرخ بأعلى صوته : مصيرك
تنحط بمثل موقفي .. مصيرك ياتركي .. انت لييش ضامن زمانك .. ترا الدنيا دواره ..

السكيورتي : لوسمحت اخوي اطلع بالاحترام احسن لك ..

فارس وقف : اصلا انا طالع وواستحاله يشوفني هنا مره ثانيه ..

*******************************

مشاعل وهي عليها عبايتها .. : روحي شوفي من عند الباب ..

الخدامه : حاضر مدام ..

مشاعل نزلت تحت .. .. من اللي عند الباب ..

الخدامه انا مافي معلوم مدام .. بس هذي حرمه ..

مشاعل عقدت حواجبها .. : يله روحي كملي شغلك ..

المراه دخلت .. : السلام عليكم ..

مشاعل رمت عبايتها : اهلا وعليكم السلام .. حياك ..

المراة شهقت من بعد ماطالعت لبس مشاعل ..

مشاعل باستغراب طالعت بلبسها وهي مو فاهمه شي ..

مشاعل كانت لابسه برمودا ابيض وتيشيرت احمر فاقع ..

المراه بتردد : هذا بيت تركي عبدالله ال ....

مشاعل جلست وحطت رجل على رجل : ايوه بيته تبينه اناديه لك ..

المراة : ايه ناديه ..

مشاعل وقفت (( اووووف والله على اخر عمري وحده وعجوز وببرقعها تتامر علي )) : تامرين امر ..

مشاعل وقفت عند الدرج وبأعلى صوتها : ترررررررررررررررررررررررر رررررررركككككككي ...

تركي كان يطالع بالاوراق اول ماسمع صرختها رماها وركض لتحت ..

نزل وهو يلهث من التعب مسكها مع خصرها : مشاعل فييك شي
صار شي ...

مشاعل بقرف بعدت يده عنها : اوووووووووف بعد يدك عني وشوف هالعجوز ايش تبغى منك ..

تركي اول ماشاف المراة العجوز وقف ومسك يد مشاعل ..

مشاعل اللي كانت طالعه للدور الثاني .. استغربت من حركته ..

تركي همس باذنها : عيب عليكي تتركيني مع وحده لحالنا ..

مشاعل وهي تطبطب على كتفه : تطمن ياحبيبي >> هذي الكلمه كان لها وقع عظيم على قلب تركي << ماراح تاكلك ..

تركي شد يدها ومشى للمراه : السلام عليكم ..

المراه اول ماطالعت فيه : وعليكم السلام هلا والله هلا ..

تركي طالع فيها وهو مو مصدق اللي تقوله (( هذي عينها قويه ترحب فيني وبيتي ؟؟؟؟ ياحبي لها )) : هلا بك ببيتك ..

المراة وهي تقرب لتركي اللي كان واقف باخر الصاله وماسك

مشاعل اللي لافه جسمها كله للحديقه ومعطيه المراه ظهرها ..

المراه مدت يدها على الاخر ..

تركي ؟؟؟؟؟؟؟؟؟؟!!!!!!!!!!!!!!!!!!!!!!!!!!!!!! !!!!!!!!!! !!

المراة وهي تحوط تركي بيدها وتركي كان شبه مصدوم (( ايش هالجراه .))

مشاعل حست بالهدؤ الغير طبيعي والتفت على المراة اللي تبي تظم تركي ؟؟؟؟؟؟؟؟!!!!

مشاعل : هييييييييييييييييييي انتي ..

المراة : لا تصرخين انا جنبك اسمعك ..

مشاعل وهي تشد تركي اللي ماكان بوعيه لها : خير انتي انجنيتي ..

المراه : لا مانجنيت ولاشي بس حبيت اسلم عليه ..

مشاعل : خير انشالله وكذا سلامك للناس ..

المراة : هذا ولد اختي وانا حره فيه ..

تركي كان بهاللحظه تدور فوقه علامات استفهام << هههههههه قويه صح .. لا بس كان مستغرب ومو فاهم ولا كلمه من كلامها ..

مشاعل طالعت بتركي وبفمها ضحكه وتاشر على المراه : هذي خالتك

تركي : انتي خالتي يعني اييش .. خالتي اخت امي ؟؟؟

المراه : ايييييييه انا خالتك اخت امك .. يحليلك وانا توقعتك مت انهبلت يوم عرفت انك حي تصدق – مسكت يده وراحت تجلس – ان ولدي متعب انهبل يوم شاف اسمك ..

مشاعل اللي استانست على سوالفها وجلست قبالها وجراتها بالكلام بسخريه : يعني كلكم انهبلتوا انتي وولدك .. ياحافظ ..

تركي وهو ماسك ضحكته مشاعل ايش ماسوت يموت عليها ..

الخاله : شقصدك كنها نغزه ..

مشاعل : لا ولا نغزه ولاشي .. هذي جزاتي لاني خايفه عليكم ..

الخاله : اللحين انتي ووجهك كنتي بتطلعين للشارع بذيك العبايه
اللي كنها فستان وبذا الملابس ..

مشاعل : ايه ..

الخاله : اجل الله يكون بعونك ياولد اختي ..

تركي : خلص كلامكم ..

مشاعل والخاله : ايه ..

تركي : اقول انتي اللحين شعرفك اني ولد اختك ..

الخاله : افا عرفتك من اسمك ..

تركي : الله طيب مو انا الوحيد اللي اسمه تركي ..

الخاله : انت وش فيك خبل ..

تركي : اييييييييش انا خبل .. ؟؟!!!!!

مشاعل استانست لانها سبت تركي : صادقه خالتي بعدعمري انت خبل

تركي : كان الموضوع عجبك ..

مشاعل وعلى شفتها ابتسامه مايله : اكيد ..

تركي طنشها : ايوه وكيف دليتي البيت ..

الخاله : من متعب طول الله بعمره ..

تركي : لاااااااا عرفتيه من متعب .. هو زوجك ..

الخاله : صدق اذا قلت خبل انت وين تفكر معه اصيح واذن من زمان اقولك ولدي البكر ..

تركي : لااا مشالله .. اقول خاله ..

الخاله : امر وانا خالتك ..

تركي نزل راسه وفرك يدينه ببعض : ايش تبين مني .. ليش متعبه حالك وجيتي كان قلتي لي وانا ارسلك الفلوس اللي تبينها ..

الخاله : وشوووووووووو فلوس .. من اللي طالب منك فلوس من زين فلوسك عاد خلها لك انت وجهك انا جايه ابي اشوفك من زمان ماشفتك ..

دق جوال الخاله ...

مشاعل انقرفت من نغمة نوكيا ماتطيقها تكرها ..

الجوال صار له يدق اكثر من مره وهي غبيه ولاصما ماتسمع .. اوف : خاله الجوال يدق ..

الخاله : يووووووه نسيت متعب برا واقف يالله تستر ..

دخلت يدها ورى العبايه بعدين طلعت الجوال بعد جهد جهيد ..

مشاعل : بالله انتي وين مخبيته اعوذ بالله كل هالوقت تطليعة الجوال من جيبك ..

تركي : مشاعل مو كان تعليقاتك كاثره ..

مشاعل : والله وكيفي اشتهيت اعلق اووف ملقوف ..

الخاله وهي تاشر عليهم يسكتون : هاه ..ايه .. ايه.. ابشر.. ابشر ابد مايصير خاطرك الاطيب ..

مشاعل ماقدرت تمسك ضحكتها .. : ههههههههههههه عليك لهجه ههههههههههههههههههههههههه هههههههههههههههههااااااي ..

تركي ضربها بوسادة الكنب ..

الخاله : تركي وانا خالتك متعب برا يبي يكلمك ..

تركي اللي للحين مو مصدق وصاير الامر عادي عنده لانه

بصراحه ماتعود على كذا حركات ..

طلع تركي وشاف كامري واقفه عند باب البيت ..

تركي (( اووف والله البلشه لو طلع مثل امه لاروح فيها ))

تركي اللي انتبه على شخص كان واقف يكلم ويتمشى بالحديقه

ومن بعد ماشاف تركي قفل ..

شكله غير عن اللي تكلمة عنه امه ..

كان طويل اسمر عيونه واسعه وكحيله ولحيته خفيفه ..

تركي ابتسم : السلام عليكم ..

متعب : هلا والله وعليكم السلام ..

تركي من بعد ماسلم على متعب : هلا والله تفضل بالمجلس ..

دخل تركي ومعه متعب وجلسوا بالمجلس بعد مااشر على

المقهوجي يجيب القهوه ..

تركي : حياك هلا والله بمتعب ..

متعب : الله يطول بعمرك انشالله .. انا اول ماقريت عن الاعلان اللي سوته شركتك وانا قلبي ناغزني .. حسيت ان اسمك مو غريب بس واحد من الربع يشتغل عندك وقف فوق راسي اربع وعشرين ساعه يقول عن الشبه ..

تركي : اييه بينا شبه كبير ..

متعب : وانا اقول وراك مزيوون اثاريك تشبهني ..

تركي : هههههههههههههههه انا مزيون من اصلي مو بالشبه اصير مزيون ..

متعب وهو يضرب على الكنب : اسمعني يابو عبدالله .. انت ولد خالتي وغالي علينا .. وانا نعرف ان هذا بحقك قليل بس شنسوي .. انت بكره معزوم عندنا على العشاء في مزرعتنا ..

تركي : لااااا ماتقصرون انت والوالد .. وبعدين مابي اكلف عليكم اول وثاني شي وراي

قطلع كلامه متعب : معليش ماقدر اقبل اعتذارك .. والوالد مايبي اجي الا وانت قبلي ..

تركي : الله يطول بعمره بس .. انا ..

الخاله : لا لازم تجي بكره انت وزوجتك ياحليلها ..

تركي ابتسم اخيرا احد مدح زوجته له ..

الخاله بصوت واطي : ماعندها خوات ..

متعب : يممممممممممه ..

تركي عرف هي ايش تقصد : لا ياخاله ماعندها خوات .. خل
اللي تدورين له ينتظر لميس ..

تركي : بنتي .. انشالله الجايه ..

متعب باندهاش : زوجتك حامل ..

تركي : ايه وبالشهر الثاني ..

الخاله ضربته : انت مهبول .. لا تقول لاحد ان زوجتك حامل بيعدين بيصكونكم بعين .. الله لايوفقهم الله لايبيحهم اعوذ بالله ..

متعب قاطعها : يمه يمه .. توهم مااعطوهم عين اجلي دعواتك ..

تركي اللي انفك عنده حبل الاحراج: لا ومتأملين بعد ..

الخاله : فال الله ولا فالنا .. الله يخليها لك ويخليلك اللي ببطنها مع انها شكلها قشرا شوي ..

تركي اللي مافهم كلمة قشرا .. وفهم عليه متعب ..

متعب : يعني شيطانيه فيها شر ..

تركي : الا شوي عليها ..

متعب طالع الساعه : يله يمه الوالد بيضيق لو عرف انك طلعتي برا البيت ..

الخاله : أيه والله انك صادق .. يله بكره نشوفك ..

تركي وقف معهم : انشالله ..

الخاله مسكت رقبة تركي واعطته بوسه على خده ..

تركي اللي مستغرب من حركتها ..

متعب : الله يصبرك عليها .. والله انها من اول ماقلت لها الخبر ماعرفت عينها النوم .. طايره من الفرح بس تبي تشوفك ..

تركي : الله يخليها لكم ..

طلعوا متعب والخاله فجأه زي مادخلوا حياة تركي فجأه ..

تركي دخل البيت وهو يضرب راسه : يالله ليش ماسألته مين اللي بالشركه اللي يعرفه متعب ..

مشاعل كانت واقفه عند الباب : ايوه من هذول بسرعه قول ..

تركي اللي جلس وهو مصدوم : مادري يقولون انهم اهلي .. والله شكلهم ناس حبوبين .. و

توه بيكمل لمشاعل مشاعره اللي حس فيها وهم فيه ..

مشاعلب قاطعته : ماني فاضيه لك .. احلى شي لقيت اهل تتسلى معهم اجل انا طالعه ..

تركي : بس اللحين الساعه 10 ..

مشاعل : وإذا .. ؟؟!!!!!!

تركي : معليش طلعه هالوقت ماراح اسمح لك ..

مشاعل اخذت عبايتها : الله يعني انا اللي طالبه منك تسمح لي ..

تركي انقهر : مشاعل لاتتوقعين سكوتي وهدوئي اني راضي بكل اللي تسوينه لا كل هذا علشان اللي ببطنك ..

مشاعل : لا ... يعني كل هذا علشان اللي ببطني بنزله علشان تبرد على قلبك وتطلع القهر بوقته ..

وطلعت برا البيت ..

تركي واقف وهو منقهر من حركاتها وتفكيرها ..

لمتى هذي بتعقل ..
لمتى بتنسى هذيك الليله ..
مر على زواجهم اكثر من شهرين ..
بس هي رافضه تتقبله ..
لييش يامشاعل .. لييش .. ؟؟؟؟؟؟؟!!!!


*****************

الساعه 4 الفجر ومشاعل للحين مابين لها خبر ..

تركي جلس ينتظرها ..

دخلت مشاعل وهي تغني لهيفاء : لو فاكر احساسي لعبه فوق لنفسك فوق ....بكره الحزن يدوب البك ودووب من الشوق ..
واشوفك معايه ..

قطع عليها جوها .. كف من تركي ..

تركي ماقدر يتحمل وهو يشوفها بالبرود .. : لهذي الدرجه انتي انعدمتي من الاحساس .. ولا علشان ماعندك احد يوقفك عند حدك ..
مشاعل : اسمعني زين انا اقولك وبظل اقولك انت مو رجال انت واحد طرطور اتزوجته بالغلط .. فاهم بالغلط ..

تركي يطالعها بغضب ... : انا ايش ؟؟؟!!!
مشاعل تكرر ببرود ومن بين اسنانها : طرطوور .. ماتسواني ..

تركي ابتسم : الله يابنت الشيوخ انتي .. اوريك اللحين من الطرطور ..

مسكها مع شعرها .. ووداها لغرفتها

مشاعل وهي تمسك يد تركي اللي بكل قوته ماسك بها شعرها : ياحيوان اتركني ..

تركي : وايش حيوان والله لو كنت موريك شغلك والله ماتقولين هالكلام ..

مسكها تركي وضربها بقوه على وجهها .. لين طاحت على الارض ..

تركي : مره ثانيه مافيه طلعه الا بأذني مفهووووووووووم ..

مشاعل وهي تصرخ : انت واحد ماتربيت ..

تركي : ورينا شطارتك ياام التربيه كلها ..

مشاعل وهي جالسه بوسط الغرفه وتطالع بتركي : والله لاتطلق منك ياحقير .. انا كيفي وبعيش حياتي بكيفي .. انا كذا عشت ..

تركي : طيب مدام هذي عيشتك .. انا اربيك صح .. واعدل عيشتك .. يابنت الملوك .. انتي شايفه نفسك على ايش .. ؟؟؟

مشاعل : يكفي اني بنت عبدالعزيز ..

تركي : تكفين لاتذبحينا .. ابوك بالبدايه والنهايه واحد مايسوى لو قطعه مني ..

مشاعل وقفت : انا ماسمح لك تتكلم عن ابوي بهالطريقه ..

تركي : ومن انتي علشان تسمحين لي .. هههه والله ناس ..

تركي قرب من مشاعل وطبطب على كتفها .. : انتي يابنت ابوك .. لو ماحترمتي نفسك لاربيك ...


طلع من عندها تركي وقفل عليها واخذ المفتاح ..

طلع تركي لغرفته وهو يتألم من بكى مشاعل اللي يقطع القلب ..
مشاعل اللي بجو الغرفه ..

رمت عبايتها .. : مدامك مو متربي انا اللي بربيك بس كل شي بوقته حلو ..

الساعه 9 الليل ..

الساعه 9 الليل ..
تركي فتح الباب
مشاعل كانت لابسه برمودا فوشي وتيشيرت فستقي ومطلعه شعرها و كانت جالسه تطالع التلفزيون وبيدها فشار بزبديه كبيره : نعم خييييير ..

تركي : السلام عليكم ..

مشاعل : وعليكم .. شتبي ..

تركي : يله اتجهزي ..

مشاعل وهي تطالع التلفزيون : لـ وين ؟؟؟

تركي : خالتي مسويه عزيمه بنروح لها .. يله ..

مشاعل وهي تصفق بيدينها علشان تبعد بعض اجزاء الفشار الصغيره بيدها بعدين طالعت بتركي بنظرات ذبحته بهذيك اللحظه : هههه ومن متى صار عندك خاله .. ترى تو امس تعرفت عليها .. ماامداك .. وبعدين انا مابي اروح لناس بهالمستوى ..
تركي وهو يطفي التلفزيون بالريموت : بتروحين غصب عنك فاهمه ..

مشاعل وهي تسحب منه الريموت : مابي اروح .. مااابي انت ماتفهم كلامي ..

تركي : انا اذا قلت كلمه ماتنثني ..

مشاعل ببرود : والله مشكلتك هذي ..

تركي شدها مع يدها : اقولك بتروحين يله اتجهزي ..

مشاعل تبعد يده عنها : واذا مارحت .. ؟؟؟

تركي : لا بتروحين غصب عنك ..


مشاعل طاعت كلام تركي بهاللحظه لان نظراته لها كانت قاسيه وجديه يعني مايمديها ترفع ضغطه .. : شوف برووح بس مو علشانك انت ووجهك لا .. علشان اشوف بيتهم ..

تركي : اوكي استناك تحت ..

مشاعل من بعد ماطلع تركي : اوووف منه يعني لازم اسوي كل اللي يبيه بس طيب اوريك شغلك لاخلي هالعزيمه واهلها كلهم يندمون انهم دعوك لها ماكون مشاعل ..

وراحت اخذت شور سريع ..

وبعد نصف ساعه نزلت وراه مشاعل ..

تركي كان يطالع بالجريده ولابس شماغ احمر وثوب ابيض ..

مشاعل وقفت عند الدرج .. : يله نرووح ..

تركي نزل الجريده والتفت على طول على جواله والمفاتيح ..

ووقف .. !!!!

كان مصدوم وكانه يشوف ملاك قدامه ..

ماعرف كيف قدرت تزين حالها بنصف ساعه ..

مشاعل كانت لابسه فستان تركواز بسيور وقصير لركبتها كان ناعم مره واعطاها نعومه وانوثه وجاذبيه وشعرها كانت مطلعته على برا وميكياجها اسود وعليها عدسات رماديه ..
مشاعل تلبس عباتها .. : خير فيه شي علشان تطالعني كذا ..

تركي اللي استوعب نفسه : لامافيه شي .. يله ..

راح تركي ومشاعل على حسب الوصف اللي قاله متعب لتركي ..

تركي كان مستغرب حييل من شكل مزرعتهم .. وسكت لكن

مشاعل اللي ماقدرت تسكت : الله اللي يشوف خالتك وكيف كانت تمقل عيونها بالبيت يقول ماشافت خير ومايصدق ان عندها كل هالخير اللهم لاحسد ..

تركي مارد على مشاعل بالعكس كان ساكت ويسوق السياره
بصمت ..

طلع متعب وياشر لهم : ياهلا والله تو مانور المكان ..

نزل تركي واشر لمشاعل ترووح من الجهه ثانيه ..

مشاعل : هييه تركي انت وين رايح تبغاني ارووح لحالي ..

تركي : اقولك روحي من هنا ..

مشاعل : قلت لك مابي لازم ترووح معي

تركي تركها ومشى من عندها .. (( الى متى هي بيظل تفكيرها وعقليتها صغيره الى متى .. ))

قطع تفكيره متعب : هلا والله تفضل ..

دخل تركي للمجلس وشافه مليان بس لفت الانظار بسلامه ..

بو متعب اللي كان واقف براس المجلس : هلا والله هلا بولد عبدالله ..

سلم تركي على الموجودين ودخل معاهم بالجو ..

مشاعل .. اللي كانت خايفه من تقبلهم لها ..

بس تحدت حالها .. ولازم تسوي اللي براسها ..

اول مادخلت راحت وعدلت شكلها عند المرايه ..

وبعدين دخلت على مجلس مليان حريم ..

مشاعل وهي واقفه عند الباب : السلام عليكم ..

الكل : وعليكم السلام ..

ام متعب : هلاو الله بمرة ولد اختي ..

مشاعل وهي تسلم عليها ببرود : اهلين ..

مشاعل ماكملت سلام وجلست وحطت رجل على رجل وبان جزء

من فخذها ..

ام متعب تطالع بمشاعل باحراج تبي تقوله نزلي رجولك بس

كانت بعيده عنها .. والكل كان يطالعها ويطالع جرأتها ..

المرأه : انتي بنت عبدالعزيز ال...

مشاعل التفت عليها : والنعم ايه بنته ..

المراه : يعني انتي زوجة تركي ..

مشاعل بهاللحظه عصبت : لا والله خيالها .. يعني بالله عليك اللحين مقابله وجيهكم اللي تجيب المرض كل هذا علشان اييش اجل .. علشان حظراتكم ..

المرأه : ايه لاتاكلينا بلسانك .. تو ماتكلمنا ..

مشاعل : انا ماطيق اللي يسوي حاله برئ وهو ابو الشر كله ..

المراه : والله ابو الشر كله ابوك اللي ذبح اخووه .. استغفرالله الله لايبلانا ..

مشاعل وقفت : لا ياحبيتي ابوي اشرف منك ومن اللي جابوك يابنت الشوراع .. – تطالع بكل المجلس بعصبيه – واسمعوني زين أي واحد بيطاول لسانه على ابوي بوجودي اقصه له ..

ام متعب وهي ماسكه مشاعل مع كتفها : هدي اعصابك يابنتي ..
وبعدين ياام مسفر ماله داعي هالكلام ..

مشاعل : اووووووووف منكم ومن ضيافتكم ..

وطلعت برا ..

الكل كان مستغرب من اسلوب مشاعل العصبي ..

اللي مو باين عليهها به صح بين عليها مغروره ومتكبره حيل

ويحق لها .. لكن بهالعصبيه ..

مشاعل حطت يدها على عيونها وطلعت للمزرعه تبكي ..

كانت تمشي من غير ماتدري وين ترووح ..

بس المهم انها تبتعد عنهم ..

دموعها اللي نزلت ماكانت بسبب ام مسفر على قولتهم كانت

تبكي من الدنيا اللي رمتها لهالعالم ..

ماتدري لييش هي تزوجت تركي وحبها من بعد هذيك الليله وهو

مات مات انتهى .. وانتهى معها نبضها بالحياه ..

تبي تصير قويه بس ماتقدر ..

تبي تتحدى الزمن بس هو يهزمها بالنهايه ..

لمتى وحياتها كذا مو مثل حياة أي بنت في مثل هالعمر ..

ولا مثل حياة أي زوجه بمثل هالاشهر الاولى بأيام زواجهم ..

شافت قبالها شجره كبيره ؟..

التفت تدور البيت شافته بعييييييييد عنها .. وصغير .. يعني هي

فوق مكان مرتفع .. تطالع كل المزرعه من هنا ..

مشاعل طالعت بالمكان ..

وجلست تحت الشجره وظمت رجولها وبكت بأعلى صوتها ..

تركي اللي ماكان بعيد عن هالمكان طلع يكلم احد زملائه بالشغل

سمع بكأها

شاف مشاعل مستنده على الشجره ورافعه راسها لفوق ويدها

مرتخيه على العشب ..

ورجولها طايحه على الارض بعجز

مشاعل ودموعها غسلت وجهها : انا اكرهه ليش يتزوجني .. معقوله لهذي الدرجه ماعنده احساس .. انا تعبت منه ومن حياته لازم يطلقني ياناس مابي اعيش معه .. انا لييش ماطعت كلام امي .. لييش ..يمه جابني لناس ماعرفهم ناس سبوك يبه سبو حبيب قلبي وهو بريء.. انا تعبت انا اكرهك ياتركي اكرهك افهمها اكررررررررررررههههك طلقني ..

هالجمله الاخيره كان لها وقع كبير على تركي ..

ترددت كلماتها براسه ..

بهاللحظه دق تليفون تركي ..

مشاعل اللي كانت تبكي .. سمعت الرنه بوضوح .. لان نغمة

تركي دايم تتردد صداها في البيت ..

مشاعل فتحت عيونها وهي تتمنى انها تحلم ..

بس طلع حقيقه .. تركي سمعها .. سمع كل كلامها ..

تركي اللي جلس على ركبته عند رجولها ورد على الجوال ..

تركي : هلا .. ايوه .. ايوه .. ولييش .. ايوه .. هذي هي اللحين معي سلام ..

نزل تركي السماعه بسرعه ..

ومشاعل اللي تتمنى ان الدنيا توقف على هاللحظه ماتبيه يكلمها

او يناقشها بكلامها ..

تركي تربع واشر بيده على نفسه : يعني انتي ماتبيني .. تكرهيني لهذي الدرجه ..

مشاعل وهي تنزل راسها : ايه .. انا اكرهك ..

تركي .. : يعني ما .......

تركي ماكمل كلامه يوم شاف خالته جايه لعندهم ..

وقف .. : اللي تبينه يصير ..

مشاعل وقفت بعد ماشافت تركي ماشي من عندها ..

ام متعب : هوووو ياحافظ شفيك ..

مشاعل رمت بحالها على ام متعب .. : لا مافيني شي .. بس

ام متعب : مشاعل حبيتي ..

مشاعل ماكانت تسمع ام متعب لانها بعيونها ورمشها الكثيف المبتل بدموعها .. تتابع خطوات .. تركي .. وهو يمشي للمجلس ..

ام متعب : مشاعل يله ننزل لتحت ..

نزلت مشاعل لتحت ..

مشاعل : مابي ادخل معك ..

ام متعب : خذي راحتك .. ميري ..

ميري : ايوه مدام ..

ام متعب : خذي مشاعل فوق مع ريم فوق ..

ميري : حاضر .. تفضل مدام ..

مشاعل راحت للدور الثاني ..

ميري .. وهي تفتح الباب : ريم ..

ريم : وجع ماتشوفيني اشتغل شتبين ..

ميري : انا في اكتر من مره كلام مافي قول وجع انا مافي بيبي صغير عند انتي ..

ريم : اوكي يابرينسس ميري وش تبين ..

ميري : ايوه كدا حلو كتيير .. هذي فيه مدام مشاعل هنا ..

مشاعل دخلت لانها طفشت من انها تستنى ميري تخلص كلام

لانها باين عليها ماعندها نيه تخلص ..

مشاعل : اهليين ..

ريم قفت على طول : اهلين هلا والله ...

مشاعل : معليش ازعجتك بس ..

ريم قاطعتها : لا ولا بس ولا شي اهلا وسهلا فيك بغرفتي المتواضعه

طلعت ميري وظلت مشاعل وريم ..

ريم جالسه على الانترنت ..

ومشاعل جالسه على الكنب وسرحانه ..

ريم : امممم مشاعل .. انتي تدرسين بمدرسة ........... الثانويه

مشاعل : ايه ..

ريم : وانا اقول وين شايفتك حتى اسمك مو غريب علي ..

مشاعل ابتسمت من دون ماتتكلم ..

ريم اللي تحمست بالكلام رمت الاب توب من يدها .. : الا ماقلتي أي قسم دخلتي ..

مشاعل ابتسمت : انا ماقدمت هالسنه ..

ريم باستغراب : ليييييييش ؟؟؟

مشاعل باحراج : ماحصل وقت .. اوو نسيت ..

ريم : وفيه احد ينسى مستقبله ..

مشاعل : انا ..

ريم بنت عمرها 18 سنه وجميله جدا بس قصيره شوي وجسمها متناسق مع طولها شعرها لونه اسود فيه خصل غجري وطويل ..
وعيونها كبار ومدعوجه بكحل اعطاها جمال زياده على جمالها ..

ريم حست انها تتدخل بخصوصيات غيرها وسكتت ..

مشاعل اللي كانت تبغاها من الله ..

صارت تتذكر كل شي كل اللي صار ..

((عادي خل يطلقني خل افتك منه ومن اسلوبه السخيف بالحياة .. ))

وقفت مشاعل : وانا مالازم استسلم بعده ..

ريم وقفت معها : مشاعل سلامات شفيك ..

مشاعل : معليش بس انا لازم انزل ..

ريم : اوكي بنزل معك ..

نزلت ريم ومشاعل للمجلس ..

دخلت مشاعل بكل ثقه ودخلت وراها ريم ..

مشاعل بصوت واضح : السلام عليكم ..

الكل : وعليكم السلام ..

ام متعب : هلا والله بناتي ريم ومشاعل .. هلا بكم

مشاعل وهي تجلس : هلا بك خاله ..

وحده من بعيد : تو مانور المكان ؟..

مشاعل ويدها على شعرها برسميه : عارفين ..

ريم اللي ماقدرت تمسك نفسها وبصوت واطي : حلووووه ..

مشاعل ببراه : ريم صح اول مادخلنا نور المكان ..

ريم : اكييد ..

ريم كانت لابسه تنوره ميد جينز وتيشيرت ابيض جوبينيز ..

مشاعل : اللحين بس هذي انتي الوحيده بنت خالة ترووك ..

ريم : ههههههههه رهيبه تروك هذي .. لا انا مو الوحيده فيه جيش معاي بس مافيه احد كل وحده ببيت زوجها ..

ام متعب : اقول ريم قومي صبي القهوه .. اها ..

ريم هزت كتوفها بيأس لمشاعل ..

ريم وهي تصب القهوه .. : سمي ياخاله ..

الحرمه وهي تقرب وجهها من وجه ريم : انتي ريم ..

ريم تصرخ : ايييه ..

الحرمه بصوت عالي : وراك للحين ماتزوجتي ..

ريم راحت فيها شلون تقدر ترد على هالعجوز هذي ..

الحرمه : انتي اخت متعب ..

ريم : ايه ..

الحرمه : اييه .. يعني انتي اللي تطلقتي ..

ريم : لا مو انا .. هذي اختي الاكبر مني ..

العجورز روحي ناديها ..

ريم : ماهي موجوده ..

العجوز : ياخساره بطلع وماشفتها ثم بيذبحني ولدي ..

الكل ضحك على هبال هالعجوز ..

تركي وهو مع الرجال وسرحان ..

بو متعب : اقول تركي ..

تركي مارد عليه كان سرحان ..

متعب ضربه مع خصره : ابوي يكلمك ..

تركي : هلا طال عمرك ..

بو متعب .. : اقول ولدي بعد ماراحوا الرجاجيل ومافيه الاانا وانت والعيال ابي منك طلب ..

تركي : انت تامر امر ..

ابو متعب : مايامر عليك عدو .. بس بغيت منك انك تشغل فيصل معك

فيصل وقف : يبه اتوقع انا خلصنا من هالكلام ..

بو متعب : لييش ماتبي تشتغل .. لييش انت انهبلت ..

فيصل : يبه انا موتي ولا اني انذل ..

بو متعب مسك راسه : لاحووول ولا قوة الابالله .. افهمني ياولد ..

فيصل : يبه انت مانت فاهمني انا بشتغل الحالي ..

بو متعب : والديون اللي عليك ..

فيصل : يحلها الف حلال ..

بو متعب : يعني ماتبيني اساعدك ولاتبي تشتغل عند ولد خالتك .. اووف منك ..

تركي اللي مافهم وش السالفه : لايافيصل لاتكون كذا بالعكس اسمعني مدامك ماتببي تنذل على قولتك نصير انا وياك شريكين ..

فيصل وهو يطلع : خل شراكتك لك ..

طلع فيصل وترك المجلس متكهرب ..

تركي اللي كان مصدوم من اسلوب فيصل الهادي ...

تركي : وشفيه فيصل .. ؟؟؟؟

بو متعب بحزن : من ماتت زوجته وهذي حالته ..

تركي باستغراب : وليش فيصل كان متزوج .. !!!!!!!!!!!!

بو متعب : ايه متزوج بنت عمه بس ماتت بحادث سياره من ثلاث سنوات وانجن بعدها تغيرت طباعه معنا ومع الناس .. مايبي يتزوج بعدها اتعبني هالولد ..

متعب وهو يتنهد :اييييييه .. الله يكون بعونه ..

تركي : الله يرحمها والله يصبره على فراقها ..

ودق جواله ..

شافه مشاعل ..

تركي بقرف اعطاها مشغول ..

ورجعت تتصل ..

وحطه على الصايلنت وتركها تدق لين ماينزل اللي براسها ..

مشاعل وهي ترمي الجوال : اووووووووف لييش مايرد ..

ريم وهي تجلس على السرير وتبعد شعرها لورى : شكله مشغوول

مشاعل (( لا مو مشغول .. هذا اكيد زعلان وبصوت مسموع : بالطقاق ومصيره بيرضى ..

ريم : الله بالطقاق .. مره وحده ..

مشاعل اللي ارتاحت لريم وريم ارتاحت لها وكانهم يعرفون بعض من زمان .. : هو زعلان مني ..

ريم : ههههههههه لا انا حاسه انه يبي يأدبك بس مو زعلان زعلان

مشاعل : لا خله زعلان بالطقاق يمووت ولا اعتذر له .. اصلا انا ماقلت شي غلط ..

ريم بفضول : ليش شقلتي له ..

مشاعل اللي راحت فيها ماتبي تقولها السالفه كلها لانها قويه انها تصدق : لاني زعلته بكلام .. بس

ريم اللي اندمت على فضولها الزايد : تدرين .. انا مره فضوليه وهذا اللي شين بشخصيتي ..

مشاعل : لا عادي مو فضول ولاشي ..

ريم جلست : الا مشاعل من وين شاريه فستانك ..

جلست مشاعل وريم يسولفون بالمكياج والفساتين << سوالف البنات


****************

_________________
يا رب يوفقني في مدرستي

والحياتي
اللهم آمــيــن