الجزء الرابع
محمد راح عند ابوه وقاله ان عيال عم نواف جايين
ابو محمد : مشاء الله وهم كم يابوك
محمد : اربع يبه
ابو محمد : حياهم والله روح للطباخ خله يسوي ذبيحه للضيوف
محمد : ابشر يبه
ريم تتصل على ماجد
ماجد يشوف جواله .. اووووه هذي وش تبي
محمد : وش السالفه وش فيك متذمر
ماجد : هذي ريم متصله علي
محمد : طيب وخير
ماجد : مانيب راد
محمد : وليه
ماجد : ...........
محمد : ماجد وانا اخوك .. البنت مالها ذنب كلنا قبل لانتزوج كنا نحب .. والدنيا ماتعطيك كل الي تبيه .. احمد ربك ان هذي زوجتك .. طيبه وحنونه ومافي مثلها
ماجد : مانيب قادر يامحمد .. ياخوي ماحبيتها ابد ... واعصابها باارده ماتثور ماتعصب ماتسوي شي
محمد : هدي نفسك شوف يمكن فيها شي كلمها عشان خاطري ياخوي
ماجد : طيب شوي بدق عليها
سلمان(27) سنه ولد عم نواف الكبير الولد الي كل البنات ميتين عليه وهو مايعطي اي وحده وجه خلوق ومؤدب ويحب شغله واهله رغم ان امه تبيه يتزوج وهو رافض لانه يحب حياته ومايبي يغيرها وشايف انه يبي يخلص عزوبيه مع اولاد عمه احسن
فهد(26) دايم مع سلمان بس هو مو رافض الزواج ينتظر لين يتحسن حاله ويلقى وظيفه
مروان(23) ولد عمهم يحب البنات ومايخلي وحده بحالها
فارس(17) ثاني ثنوي ومتفوق بدراسته
سلمان : نواف المره الجايه لاتحديت بنخليك تسوي ثلاجه ببسي عند بيتنا
الكل : ههههههههههههههههههههههههه ههههههههههه
نواف : لا مشكور اخر مره تاااايب انا منكم
فهد : عاد نواف يوم لبسناه هههههههههههههههههههههه شكله يضحك
مروان : الحين بالله نواف كم مطلع بس ذاك اليوم
نواف : والله ماتصدقون مطلع فوق 1000 ريال
مروان : الله هذي بس كم ساعه .. اجل والله لو بتشتغل يوم بطوله كم بطلع
نواف : بطلع روحك .. ضف وجهك قال يوم بالكامل انا يالله يالله خايف حد يشوفني
سلمان : والبلوتوث بقى حد مو شايفك هههههههههههههههههه
الكل : ههههههههههههههههه
وتمو يسولفون ويضحكون
وبعد ماطلع سلمان وفهد ومروان وفارس من بيت بو محمد
بالسياره
سلمان : تصدقون شباب والله خوش ناس
فهد : ايه والله حتى انا عندي بشاره
سلمان : هاه بشر
فهد : العم صالح وعندي يشوف لي وظيفه وقالي امرهم بالشركه
مروان : الله يجعلها من نصيبك
نواف : شباب وش رايكم نعزمهم على مزرعه جدي الاسبوع الي بعد الجاي
سلمان : والله فكره هم عازمينا الخميس الجاي عشان نعرف العوايل ببعض
نواف : خلاص بقولك للوالد وان شاء الله خير
سلمان : تم
يوم السبت
الكل بدوامه .. العم صالح مداوم متأخر لان الجد حامد كان تعبان وكان جالس معه بالمستشفى
فهد يدخل على العم صالح
فهد : السسلام عليكم
العم صالح : هلا والله فهد هلا ولدي
فهد : خير ياعمي عسى ماشر
العم صالح : الشر مايجيك ابد ابوي بس تعبان شوي
فهد : مايشوف شر ان شاء الله يقوم بالسلامه
العم صالح : آآمين .. هاه وانا عمك وين ملفك
فهد : هذا هو
العم صالح : اهاه يعني انت متخرج من الجامعه لك اكثر من اربع سنين
فهد ينزل راسه: ايه والله
العم صالح : طيب ودي ملفك لشؤون العاملين .. ابيك تداوم عادي بالحسابات بس ابيك تشوف لي كل شي هناك يصير
انا الاحظ ان الموظفين هناك يتهاوشون كثير وفيه من يوقع بينهم ابي اعرف كل شي يصير هناك
فهد مستغرب:ابشر عمي ماطلبت شي
العم صالح : الله يحفظك
باسبانيا
حمد وفيصل توهم واصلين وتعبانين وجاهم سايق متعرفين عليه ودايم يتعاملون معه لانه عربي
حمد : جون بالله خذ شنطتي ودها السياره
جون : اوكيه حمد بس تآبرني لاتتأخر لانوا فيصل بيزعل كتير
حمد : ولايهمك ابي اشتري هالغرض لاختي وبجي
جون : ايه شوعليه تستاهل هي اختك
حمد بقلبه ايه والله تستاهل
بالسياره
فيصل : جون وينها اختك
جون بقلق : اختي بجامعتها ليه في شي صاير
فيصل : لا بس كان ودي اشوفها
جون : بتشوفها بكرا ع الصبح بكير لانوا انا عندي شوي اعمال وهي بتتكلف بتوصيلكم
فيصل : وهذا الي نبيه
جون : عفوا
فيصل : لالا كمل كمل
حمد يقرص فيصل : انت وش فيك مجنون انت
فيصل : اقول خل عنك الخرابيط ترى البنت عاجبتني
حمد : فيصل هالحين ماتقولي وش لك بالبنات ترى الي يمشي بهالطريق مايكسب
فيصل : الحين ورى ماتنقطنا بسكاتك انت
حمد : هذا انا سكت بس تذكر كلامي زين
////
ببيت ماجد وريم
ريم : هلا ماجد
ماجد : هلا فيك
ريم :احط لك غدا
ماجد : لاتغديت عند بيت ابوي
ريم : طيب انا انتظرك
ماجد : ماحد قالك .. كان كليتي
ريم : كان دقيت علي
ماجد : نسيت والحين ماودك تاكلين
ريم بحزن وضيق : لا ماودي اكل مااشتهي
وراحت لغرفه الطعام وهي تجر رجولها وشالت الاكل الي برد من الانتظار وطفت الشموع الي بقى عليها شوي وتنتهي ورمت الورد الي شرته عشان تحاول تميل قلب هالانسان المغرور الي شايف نفسه ولايعطيها وجه ولاحتى يعطيها فرصه تفرض نفسها على قلبه لكن الي صبر ريم على الي سواه فيها ماجد
ان بعد كم يوم عيد ميلادها واكيد بيتذكرونها وبيجيبون لها كيك وشموع مثل هذي وراح يفرحون معها
يوم الخميس يوم تجمع عائله ابو محمد مع عائله نواف
بمجلس الحريم
كل الحريم تجمعوا وتعرفوا على بعض
البنات مسكتهم ساره وصارت تتعرف عليهم
ساره : انا ساارونه بنت فاطمه انا ثاني متوسط يالله كل وحده تعرفنا على نفسها
سوزان (15) سنه ثالث متوسط وراعيه تفحيط وهواشات ومسترجله بمعنى الكلمه وهي اخت نواف
مرام (21) كل انواع الانوثه والدلع والصوت الناعم وهي اخت فهد
اروى (23) بنت حلوه ومزيونه وجذاااابه وتحب الضحك واللعب والطلعات والسفرات وراعيه جوو ورقض وهباال
ساره : هلا والله فيكم
البنات : هلا فيك زود والله
سما : هاه بنات وش رايكم ترقصون
البنات : موافقييين
سما : سارونه روحي جيبي المسجل
ساره : ياااربيييه كل شي علي
سما : هنوووفه
الهنوف : سموووه والله مافيني لاتقولي بيتكم
سما : عفرا حبيبة عمتك انتي
عفرا: اووه عمتي والله مافيني
سما : عشاان خاطري
عفرا : طيب وينه
الهنوف : بغرفه تركي
عفرا : طيب فيه احد
الهنوف : لاملوكه محتلتها هي وعيالها وبعدين تركي اكيد بمجلس الرجال
عفرا : طيب
التعديل الأخير تم بواسطة لامارا ; 24-06-21 الساعة 09:39 AM |