[مترفه بالسعاده]

المشاركة الأصلية كتبت بواسطة مِسك

مساء الخير ..
شفيكم عالمسكينه جوزاء 😢 .. مو مكفيها بتال تزيدونها انتم كمان ..

اذا جينا نحلل شخصيه جوزاء ، فهي كانت انسانه طبيعيه جداً قبل زواجها وقبل سالفه العطيه ..
شابه متخرجه من الجامعه ، مشغوله بتأليفها لرواياتها .. مبسوطه وعايشه حياتها مثل ماتحب ..
بعدها بدأت الصدمات تنهل عليها مثل المطر ،
اولها عرض امها لها عطيه لرجل بعمر جدها ..
ومامداها تفرح بإن الزوج تغير لشاب الا بدأت صدمات ثانيه ..

- من ليله زواجها ما احترمها بتال ولا نقطه ، اخذ اللي يبيه وبعدها قال " انتي محرمه علي " ، وكسرتها امها وخلتها تسكت ..

- حرمها من الاطفال وكان رافض يكون له اولاد منها بحجه نسبها ، وسكتت

- عصب من سالفه سجن هجرس وضربها كف كسر سنها ، وسكتت ماقالت شي ..

- بدأت تلفته وتعجبه وبدأ يطالب بحقوقه اللي تنازل عنها ووقت ذكرته بتحريمه قال لها " ماتستاهلين العنوه " ، وسكتت

- اخذها مكه واخذ حقه منها بالغصب بدون مايراضيها بشيء وكأنها جاريه عنده ، وسكتت ماقالت شي ..

- بعدها طلعت سالفه التوقيعات وسحب لقب الصوارم منهم ، وراحت لاخونها وما انصفتها امها بعد وسكتت ..

- جاها بعد الحرب بالخش والدس وكأنه حرامي وكانت بتتجنن من حملها ، ويوم عرفت انه الاب سكتت ورجعت معاه ..

- رجعوا السعوديه وطلع لنا الشيخ بتال منفذ الوصايا بينفذ وصيه عبير ويتزوج اختها ، ونفس الشيء جوزاء سكتت ..

بعد هالصدمات كلها والخذلان من زوجها "بتال بن عقاب " وامها ، وبدون ولا اعتذار من بتال مستكثرين عليها اللي جالسه تسويه ؟ .. اوك وسكرت الباب على وريف ، شصار لها ؟ ولا شي .. عارفه ان عندها عاملتها ومابيجيها شي .. البنت ملقوفه وبس تبغا تشوف ايش ورا الباب المسكر ..
جوزاء مو مجبره تعاملهم مثل امهم ، ان عاملتهم بإحسان فهذا من طيب اصلها ، وان صدت عنهم فهذا من فعايل ابوهم + جوزاء انسانه حامل وتعبانه ، فهده يوم حملت بالحكم كرهت منذر وهو ولدها من لحمها ودمها .. فمابالكم بجوزاء الحامل التعبانه اللي ماشافت يوم حلو عند بتال وتزيدونها بوريف الملقوفه ..
كمان شفناها يوم طلعت لهم بعدين وسألتهم اذا يبغون ياكلون معاها ، لو جد تكرههم كان قالت ايش علي منهم ينامون وانا باكل وبكيفهم ، اكلوا ، ماتوا ، مايخصني ..
ختاماً بليز انصفوا جوزاء شوي وحطوا نفسكم مكانها 😢💔 ..

ماكنت ناويه اطول بالرد بس الكلمات طلعت لا ارادي ، فـ عذراً على الاطاله ..

إذا فيه كلام زياده أكتبيه 🤩 ..
كلامك منطقي وصحيح ميه بالميه 💛✨ ..
كتبتي الكلام إلي بقلبي ، تسلم أناملك 🤩🤩 ..