الدنيا وخدانى *مميزة* الدنيا و وخدانى
==========
الدنيا رحاية شغلانى
شادوف بيزود احزانى
منجل بيقطع اغصانى
اتحداها تقوم نهشانى
الدنيا ساقية متعلق فيها
بدور فى ماتور أمانيها
و بلحن بإهاتى أغانيها
تطمع و تقوم طيحانى
الدنيا بتعصر قلب الصب
تغرس شوكها بعين الشب
تخلى صاحب العقل يطب
و احذر منها تزيد حرمانى
لكن بكره تشوف يازمانى
الدنيا جارية بتسترضانى
والفرحة صافية تهز كيانى
اطلع م الحلم ألقاها خنقانى
طارق الصاوى خلف
التعديل الأخير تم بواسطة رانو قنديل ; 06-08-21 الساعة 07:01 AM |