مشهد عادل وملك وهما في بيت والده 💜
أنا ما شوفتش المشهد مجرد دلال ودلع من عادل لملك كده بلا هدف أنا شوفت أن عادل كان قاصد كل موقف وكل حاجة عملها
عادل عامل ملك بحنان ودلع واحتواء وهو راجع من شغله بعد مناوبة يومين قصاد اخواته وازواجهم وقصاد مامته وجنة ما زعلش ولا صد اشتياقها ليه لمجرد أنهم عند الناس
لا هو رد رد عملي واخد بخاطر ملك من كلام ليلي أنه هيقل اهتمامه بيها لما يرجع شغله وينشغل وبدون ما يضايق مامته ولا يحرجها ولا يصطدم بيها
عادل ما اهتمش بأنه في بيت والده وإن في ناس معاه وحسس ملك أنه مفتقدها وأنها وحشته واهتم بأكلها اللي بتحبه ما قالهاش كلي اي حاجة وكده كده هنخرج
حتي لما ليلي اشتكت لعادل من أسعد فهمها أن ده الطبيعي وده اللي كان بيعملوا الأمير 💙💙 من غير صدام ولا عند
ودي اكتر حاجة بتعجبني في ولاد الامير حبهم واحترامهم لوالدتهم اللي امير نماه فيهم ايوه مش بيبقوا موافقين علي بعض تصرفات ليلي لكن بيعرفوا يتصرفوا من غير ما يجرحوها ولا يحسسوها أنهم متضايقين بالعكس بيعاملوها بكل حب واحتواء 💜💜
حتي ملك لفت انتباهي جدا نضجها وعقلها وهي بتحتوي جنة وهما ماشين وهي كمان بتقول لعادل مكنش عندي مانع نقعد علشان مامتك
الست لما بتلاقي احترام واحتواء وحنان من زوجها عمرها ما بيكون رد فعلها وحش بالعكس بتتفهم وبتقدر زوجها وأهله
معلش ممكن كلامي ملغبط بس عادل وملك من أقرب الشخصيات لقلبي وبالذات ملك مع اني بحب عادل جدا ودائما بحب اتكلم عنهم باللي بحسه من مشاهدهم ❤️❤️
|