[قال الزهر آآآه]

فيلا منصور الهواري ...
-الحين بتجي .. ؟؟؟ غريبه بابا وافق !!
التفتت لها أمها ...
-وليه مايوافق ابوك عاد مب ظالم !! عشان يمنعها من أهلها !!!
شدت مبسمها .. سماح. بتفكير ..
-اه يمه وين وصلنا له !! عمري حتى بالاحلام ماتوقعت توصل حال الجوهره كيذا !! كانت مدلعه وعمي راكان .. يحامي عنها ويحبها والحين شوفي لاامي هيا ولا عمي راكان يجي قاطعوها يمه !!!
تنهدت أمها .. تتلمس شيلتها ..
-الله يصبرها جدتك وعمانك ويكفينا شر من فيه شر ... !!
-يمه صدق ابوي بيزوجه ؟؟؟
رفعت أمها عينها لها باستهجان ..
-وش يخصك بهالسوالف ؟؟ والله ان سمعك ابوك بيزعل منك !! يله قومي شوفي جهزوا المجلس او لا !! بنت خالها بتجي قريب ... !!!
-طيب هي ماتدري يمه .. !..اعلمها !!
رفعت أمها اصبعها بتحذير ..
-ولاتقولين شي ؟؟ الي يقوله ابوك بس يتنفذ ... !!!
ناظرتها سماح ..بقل حيله وشي من اللوم ..
-علامك تناظريني كني ذابحتها ؟؟؟ انا يابنتي ماظلمتها مماكله شاربه ... حتى يوم قال ابوك خلها تشتغل هي مارضيتها أخاف العقايب !! وش تبين مني اسوي ... !!!
تنهدت .. سماح.. مرخيه نواظرها ثم قامت بنظرة تقدير تلثم راس أمها ..
-اسفه يمه ماقصدت !! سامحيني أي والله انك ماقصرتي فيها وهي لسانها وش طوله ماتحترم !!
- ماعلينا يابنتي منها اهم شي فعلنا امام الله مصيرها تتوكل بيت رجلها ... هي بعد كافي عليها الي بيصير والي صار !!!
تنهدت أمها بحس مسموع ..وهي تدعي ..
-الله ييستر عليها وعليكم يابناتي ويبعد عنكم عيال الحرام يارب ... !!!
- امين ..
قامت .. عن أمها ..تشوف التجهيزات ... من جتهم محدن جاها ... الي مستغربته ابوها مع شدته عليها كيف وافق ..هزت اكتافها بتفكير وهي ترفع شعرها وتربطه من جديد ... شي طبيعي لازم بتشوف احد او بتنجن فوق ماهي منجنه ... مرت اللحظات ... وترتبت التجيهزات ... ووصلت ضيفتها .. .. . ودخلوها المجلس ... عرفتها ... رنا بنت خالها صخر ... استضاحت بعيونها حكايا سابقه عن الجوهره مع عيلة خالها ذي.. بس الجمتها ودفنتها .. مب هو كبيرهم الي بسببه وصلت هالحال !؟؟ بيده رماها ابشع رميه .. ولأأسوء مصير ...
- تفضلي ارتاحي بنتي ... الحين نناديها ..
تبسمت رنا بحرج امام هالوجيه البشوشه وكرم نفسهم ... هل فعلا استحق عمها تصرفات الجوهره ... ؟؟ وين الاضطهاد الي قد قالت لها عنه وعن بيته وحياته ؟؟ الي تشوفه من دخلت عكس .. الا محبه بين الام وبناتها ... البيت هادي ويعمه السكون .. قمة الرفاهييه ..حتى سألوها عن أمها وجدتها ... شدت مبسمها برهبه .. متلمسه طرحتها .. مرتبتها .. جت عينها التجهيزات والاستقبال ...
دق جوالها .. ارتبكت .. لانه جهاز زناد .. سحبته من شنطتها .. قطبت هدب عينها وش يبي الحين .. ؟؟ يدري هو وين بتروح ..
رجفت شفتها رافعه الجوال ..
-هلا ؟؟
هامسه بهدووء..
-جت عمتك ؟؟
-لا توها بس انا !!..
نطق بتتابع .. مستهجن
-لاتكثرين مع هالبنت كلام .. انا مستغرب من الوليد ! يعني وش التاثير الي بيجي منك عليها !!!عشان يخليك تروحين لها !!..
شدت مبسمها
-كانت صديقتي وهو يعرف !!
-صديقة السوء!!!
غمضت عينها بربكه وقل صبر ثم فتحتها ..
-زناد مضطره اسكر .. بيدخلون علي الناس وعمتي بالطريق يمكن بعد عند الباب !!
سمعت تنهيده ..
-وان سكرت متى ياحظرة الرنا اقدر اتواصل معك ؟؟ وانتي ماتردين ؟؟
بلعت ريقها ... منتببه لدخول عمتها ساره .. تبسمت لها .. ووراها دخلت مرت منصور .. وبنتها سماح ..
همست ..
-جو !! جت عمتي بسكر !!
نطق بوعيد هادي لعوب
-سكري سكري.. كلها كم يوم وانتي عندي بالبيت !!
هتفت .. بضيق ..
-بسافر مع هلي منيب جايه بيتك !
ماحصلت رد أبعدت الجهاز ..لقته قافل .. رفعت راسها على حس عمتها ..
-هلا رنا اخباركم ..
وقفت لها ..
يامرحبا عمه بخير الحمد الله كل عام وانتي بخر .. اخباركم واخبار جده عساها رضت عقب كلمتها ؟؟
-أي الحمد الله .. تخبرين امي ضايقه من شي ثاني !! اجلسي .
جلسوا.. لاحظت رنا عدم وجود احد ... ترقبت عمتها بحذر ..
-رنا تتوقعين الجوهره تسمع لك يعني ؟؟
هزت رنا اكتافها مبعده نزاظرها .. مخفيه كرهها لطاريها ..
-تسمع ولا ماتسمع شي راجع لها .. لو ماطلبت الوليد اجي كان كان تحلم تشوفني .. هو شي بخاطي بقوله لها .. !!
ترقبتها ساره ..
-كلمني الوليد .. يقول وعد حصه يخليني ازورها ..كلم جدها .. ! ماتدرين متى راح لعمتك ؟؟ماتدرين !!
-ماعرف والله بس سمعته يسولف مع امي !! ويوم طلع قلت له ابي اجي معك !!.حتى امي وسمر مايدرون ولانجلا !!
أبعدت رنا نظراتها يم الباب بصدمه .. مرهبه وقت شافت الجوهره .. وعينها اليمين بشاش.. ومشيتها ببطء.. جمدت أنفاسها .. ونبضها وهي تشوف حالتها المختلفه .. بثانيه طردت هالرهبه واستبدلتها بكره عميق .. ممتز بشي من الضيق الكرييه .. وش وصلهم لهينا !!!!؟؟ قطع تفكيرها حس الجوهره والتفت عمتها لها ..
-اخيييرا !!!! جا احد منكم يسال !!!
نطقت ساره .. لها بهدوووؤ..
-هلا الجوهره .. اخبارك ..
مدت ساره يدها ورنا جالسه تترقبهم .. اطرفت يم رنا ثم يد خالتها ..
متقدمه وجالسه مقابلتهم ومهمشه ..يدينها ..
-بخير ..!!
رفعت يدها وقت لمحت صدمة خالتها .
-عن الشكليات الي تكذبون فيها !!! يدك هذي مامديتها وقت صار فيني هالشي الي تشوفينه !!!..
نطقت ساره بحمق..
-الجوهره !!
-لالالا لاتقولين شي انا عارفه وانتم عارفين !!!
ناظرتهم بعدائيه ... ثم ركزت النظر برنا ...
-وش جابك ؟؟؟
رجف فكها وهي تتابع بنظرات كرييهه ..
-جيت مع عمتي ساره !!
-اها مرافقه يعني !؟؟ او تتشمتين !!!
جف ريق رنا .. وعينها تترقبها بضيق كاره .. ودها تقوم وتعطيها كفوف على هالبرود .. ودها تصرخ عليها .. وتتهمها بالي سوت بس بلعت كل استهجان بروحها .. مستمعه لعمتها ..تتكلم ..
-الجوهره اسمعيني احنا جينا عشان امك !! لو علي ماجيتك !!
ترقبتهم الجوهره .. بخذلان مكروه .. ممتزج بشعور شي من الغدر ..
-انتم أصلا تخليتوا عني !!.. وهي مثلكم !! وش تبي مني الحين ؟؟ وش تتوقع مني !!!؟لا وراسلتكم انتم !!!! ؟؟ أي اهتمام هذا .. !!
انا بنتها بنتها !! مفترض تجي تاخذني من هالمكان الزريبه !!!!ليش راسلتكم ..
قاطعها ساره ..بحس ثابت ..
-امك ممنوعه من الطلعه زيك !!! امك محبوسه ببيت خالك !! لاجوال ولا أي وسيلة اتصال !!! تلقت مادريتي ؟؟ واختك مع ابوها !!
ناظرته بنظره مصدومه .. بس ابعدتها بقوة باس ..
-خلها تروح مع ابوها احسن لها .. عالاقل عايش!!! بيتولاها !!
وامي ..
-امك تحاتيك وشايله همك !!!
ضحكت الجوهره باستهجان مجنون ... بلا شعور ... تمت تتعالى ضحكاتها .. وعين رنا عليها ..
-ام..ي... شايله ..همي !!!! ... امي تحب ... نفسها ... وبس !!!!
-عيب الجوهره ..
جمدت ضحكتها وعينها المدمعه بعين خالتها ..
-نسيتي اني ماعرف العيب !!.. درت امي انهم بيزوجون العيب بكبرها !! والي هي انا !!!!
احتدت نظرتها بكره لرنا ..
-جايه تتشمتين عشان تعلمينها صح ..؟؟ .. اخبارها الحين ؟؟ على ماهي عليه ؟؟
استضاح شي من المكر بنظرتها لرنا شدت رنا ممسك عبايتها وسير شنطتها بحمق ..ثاير ..
-بخير مثل الورده زي ..زي يوم تنزف من درج بيتنا تذكرينها !!!
احتدت نظرة الجوهره بكره .. هاتفه ..
-كذابه !!!
تبسمت رنا .. بنظره حذره ..ماتبي عمتها تنتبه ..
-لا منيب كذابه !! نجلا مضويه البيت واخوي يارب لك الحمد طار بها ومتهني !! يارب لك الحمد .. !!
انهت منطقوها .. وعمتها تتكلم ..
-ماجينا نتكلم عن نجلا يالجوهره اتركي طاريها واسمها حتى انسيها هالبنت انسيها !!
هتفت بهمس .. مرهب وعينها عليهم ..
-انساها !!!؟ ..
رفعت هدب عينها ..مرخيه نظراتها يم اصابعها .. وداخلها مشتعل حق ..
تنهدت ساره .. مقربه .. منها ..
-الجوهره .. علميني انتي موافقه تتزوجين ؟؟ الرجال الي جابه عمك !؟
رفعت راسها بحده ..
-اموت ولااخذه جعل روحه تروح وافتك !!!
-واذا عمك اصر !!
احتدت نظرتها وحسها الفاحم ينطق..
-بذبح نفسي.. !! سمعتي خالتي !! الليله الي بدخل فيها بيت هالمهبول بذبح نفسي !!!
ارتعبت ساره من كلامها وهيئتها ..
-الجوهره انتي صاحيه ؟؟
هزت راسها ..
-ايه وبقوه بعد ..
رفعت اصبعها ..
-بذبح نفسي .. خلوكم تعيشون تاكلون يديكم من إحساس الذنب.. وبروح لابوي ..
ارتجف فكها .. حاسه بحرقة دموع مقبله ... عجزت رجفة فكها توقف حاسه باختناق..هازه راسها ا
-بروح لابوي ..يه بروح له !! بعلمه كل شي بعلمه !!..بقول ..له كيف اخوه حرمني رحمي !!! وعين...ني !!!!
ترقبتها ساره .. بثبات ..
-انتي مشيتي بهالطريق !!! انسي هالخبال الي تتكلمين فيه !..
هذا بدل ماتتوبين يالجوهره !! تطرين الموت !!!!
ناظرت رنا بعين غاشيها الدموع .. ناطقه بغضب ..
-لاتكذبين رنا !!!! انا شفتها بعيني مسلولة الصحه !!!..
قطبت ساره هدب عينها .. ورنا ارتبكت ..
-منهي ؟؟
عاجلتها رنا بتمثيل مبهم ..
-مدري عنها عمه !! من تقصدين الجوهره !؟؟
-تعرفين من اقصد الدخليه الكلبه !!
-مااسمح لك تتكلمين عن مرت اخوي ؟؟؟؟ !! الزمي حدك .. !!!
-اجل لاتكذبين !!!!
تبسمت الجوهره بمكر ..
قاطعتها رنا ..
-أي صدق ..نجول بخير .. يارب لك الحمد ... وازيدك من الشعر بيت ..
هي الي ماسكه كل صغيره وكبيره بالبيت .. امي سلمتها كل شي... !!! هي الامره الناهيه !!!
رجف فك الجوهره بكره .. لها ..
-وش جابك رنا ؟؟ لاتقولين تتطمنين لانك كذابه اعرف عيونك واعرف نظرتك الي ماتبين انتبه لها واضحه مره !! قولي الحين وش جابك !!
رفعت يدها تمسح باقي دموعها ..
بلعت رنا ريقها .. بتوتر وعينها يم عمتها ..
-جيت لان امك بتكلمك عن طريقي !!.. الوليد عندها ..
انفرجت اسارير ساره ..
-زين وافق عبدالله ..
اطرفت لها رنا .. بثبات ..
-أي وافق عقب كلمه الوليد ..
استهجنت .. الجوهره ..
-الوليييد ؟؟ مسوي معروف يعني !؟؟ وش الطاري !!
هزت رنا راسها .. بعدم اهتمام ..
-امك وضع امك ترجته عمتي بشكل ماتتصورينه !!!
شدت الجوهره يدها بضيق ..
-هذي هي امي !!! تنكس راسها للي مايسوى !!!
-دامه مايسوى ليه غثيتيه بحياته ؟؟ وتسببتي على نفسك !!
--كنت احسبه كفو !!!
ارتكزت رنا ..
-اخوي كفو وفوق الكفو !!
أبعدت الجوهره عنها بكره يم خالتها الي نطقت ..
-يكفي الجوهره .. شوفي انا واعده نفسي مااارجع ورجعت !!
تبسمت الجوهره بهزء..
-خالتي الحنونه !!!!..
ترقبتها بتظره ثاقبه ...
-عمي راكان بيتزوج دريتي ؟؟
شدت ساره مبسمها بنظرات محموقه ..
-الجوهره !!!!!... الزمي حدك !!! وش علي من عمك !!!!
التفتت لرنا ..
-رنا كلمي اخوك وينه او انا بكلم حصه ..
هتفت رنا ..
-لا بكلمه انا عمي شارط يخليها تتكلم عن طريق الوليد ياعمه !!
استبرقت نظرات ساره باستغراب لحظي .. ثم تنفست بهدور صادق اخوها ماتقدرتلومه على أي شي .. !!
تبادت نغمة جوال رنا ... ارخت نظراتها .. مدخله يدها بعجل.. انتبهت للرقم .. استاقفت .. بدون ترد ..
فتحته بعحل ماده يدها .. للجوهره ..
-خذي امك !!!
سحبت الجوهره الجوال .. رافعته لمسامعها ..
-جت رنا جلست جنب عمتها ..تبي تشغلها ..شوي ..
-عمه اذا خلصت خل نمشي ... انا احس بكتمه !! عمرها ماراح تتغير !!
وقت ماقربت الجوهره الجهاز ..
-الو !!
جمدت أنفاسها .. بربكه .. ملتفته لرنا وخالتها معطيتها ظهرها .. تلاقت نواظرهم .. لمعت عين رنا برجفه .. متابعه ..
-مخنوقه ياعمه .. صدق ودي اطلع !!
-ميخالف رنا .. تبن مويه .. خذي ..
استقامت ساره جايبه غرشه ..
اما الجوهره .. شت مقابض يدينها مستمعه .. للطرف الثاني ..
-بخير يمه .. !!
عينها اطرفت لرنا من جديد وهي تتكم ..
-كيف يعني ؟؟
اشتد مبسمها ....مستمعه باسهاب .. التفتت لها خالتها ..
رجفت يد رنا وهي ماسكه الغرشه تخاف عمتها تحس وتشك !! بس وين تشك نست هي الجوهره مين ؟؟
-طيب يمه .. يكون خير !!
ترقبتها ساره بهدوور الين خلصت ..
-وش قالت امك ؟؟ غريبه ماهجتي !!!
استبرقت نظرات الجوهره .. بدمع غاشي عينها .. رافعه راسها يم .. خالتها ..
-تبقى امي بالاخر .. !!
احتنت نظرة ساره ..تابعت الجوهره ..
-تقول بتطلعني من هينا !!!..بس لازم اصبر ...وبتمنع زواجي !!!!
ارتاحت انفاس ساره ..
-ان شاء الله تقدر !!
نطقت الجوهره وهي تمسح دموعها .. كارهه تمثيلها الممرض لروحها الي حاقده وتمقت وجودهم كلهم ..
-بتقر ليه ماتقدر ووراها شيخكم !!! مب هو الي رماني هالرميه !! قادر يطلعني !!!
انهت كلامها وعينها على رنا !!!
استاقفت رنا هاتفه ..
-يله عمه انا بمشي .. ..
بحركه مب واضحه ..سحبت الجوهره الجوال لجيبها .. بصمت ..
وقفت ساره ..
يله .. اسمعي كلام امك دام قالت بساعدك زين !! هذي فرصه لك يالجوهره !!!
نطقت الجوهره بحمق ..
-رجعي رحمي لي !! عشان احكم عليها انها فرصه !!!
هزت ساره راسها ..
-لاتفكرين بالي خسرتيه خلاص ! حاولي تطلعين من الي انتي فيه لاتتعكر حياتك بهالزواج من هالشايب !!
-عرفتي انه شايب ؟؟ اثاري الاخبار عندكم ؟؟ !!
هزت ساره راسها .. بقل حيله ..
-الشين مايندس يالجوهره .. !!!
لفت لرنا الي لبست نقابها وخذت جوالها ..تبع زناد .. دسته وعينها يم جهازها الخاص الثاني .. استعدت ..بتطلع .. شافت الجوهره ..واقفه..
دخلت مرت عمها ..
-على وين ياساره ؟؟ ماقمنا بضيافتك .. التفتت للجوهره..
-وراك ماضيفتي ضيوفك ؟؟
نطقت برد نافر ..
-حتى لو بضيفهم مب ماخذينه يحسبون بنسممهم !!
انهت كلامها وعينها بعين رنا ..
شهقت مرت عمها ..
-لا والله ؟؟ وش هالحكي !!
جمدت نظرات ساره عليها .. ناطقه ..
-ماعليك منها وماقصرتوا والله بس مستعجلين .. بمر بيت اخوي بعد .. !!كفيتو ووفيتوا !!!
تقدمت ساره مع مرت عمها متخطيه الجوهره ورنا .. مشت بخطواتها وراها .. وفجاه قبضت الجوهره على ذراعها .. ناظرتها رنا ..شاده يدها همست لها بحس ضايج ..
-ليش تساعديني ؟؟ بلعت رنا ريقها .. راده ..ويدها فوق يد الجوهره .
-ارد دينك الي علي !!!
ركزت فيها النظر ..متابعه ..
-وحده بوحده يالجوهره .. بس الفرق انك ذاك اليوم كنتي بتغدرين فيني !! وهالمره انتي جبتي لنفسك هالبلا مب انا !!!!
أبعدت يدها بحمق ..وهي تسمع لها ..
-من وين جاب رقمك حمدان !!! هو طلع من السجن !!؟؟
-دام كلمك اكيد طلع !! لاتنسين وراه ظهر !! هذي اخر شي مني يالجوهره !!! وعدني معد يمس سمعتي اذا وصلته لك !! وانا وفيت بوعدي جبت لك شاكلتك والي يبيك ومازال !!
ترقبتها بحمق متابعه ..
-خذي الي يبيك قاعده احفظيها لاتسعين ورا الي عايفك ابد !!
انهت كلامها .. مرتجفه .. وطالعه تابعه عمتها ..
ترقبتهم .. الجوهره ... وأول ماطلعو .. سحبت الجهاز تصمته .. وتدسه من جديد .... اذا عشان تهج من هالجحيم ..ترجع لحمدان .. ناره ولا نارهم .. عالاقل يبيها .. وبيساعدها .... تنتقم منهم جميع !!! م بيبي جيدها !! خل ياخذه معد يهمها شي .. الا النار الي تستعر بروحها ووسط خفوقها .. لدرجة صارت تحس ان نبضها كما لسعات الجمر متوسد صدرها ..
.................................................. ................................
قبل بوقت ..
ترقبه الوليد .بنظرات ثاقبه ... منتظر .. يخلص .. وأول ماسكر حمدان .. تلاقت نواظرهم ..
-تقول طيب !!
شد الوليد مبسمه .. رافع اصبعه .. وهاز راسها ..
-حتى لو قالت ماضمنها ولااضمنك عشان كيذى عيني عليكم الاثنين أي غلطه ياحمدان ..
سكت مستبرقه نظرته .. له .. نطق حمدان مرطب شفته وعينه على يده ..
-انا وعدتك !! وعد رجال !!
ترقبته الوليد بنظره حاده .. مرتكز بجلسته ..
-أحسن لك !!! تصدق !!!.. هذاني طلعتك !!لك الساحه يالذيب !!..
دق اصبعه عالطاوله امامه ..
-كل خطوه وتقدم معها .. تبلغني !!.. فيها !!..
حرك هدب عينه .. متابع ..
-لاتنسى ان رجالي حولك وحواليك !!!
قطب حمدان نظر عينه .. بجمود
-رجعت يالقناص اجل !!!
احتدت نظرة الوليد .. ناطق بهادي الصوت ..
-احذر من اوليد الف مره واحذر من القناص مليون مره !!! خابر انت هالمجال مابه خساره ابد !!
هز راسه ببسمه حاده ..
-انت اكيد عندك خبر !.. وش باعي فيه !!
هز حمدان راسه بتفهم .. وصمت .. وضيق ..
-فهمت يابن جلمود .. وصلني الي تبيه يوصل .. !!!
تراجع الوليد .. متساند .. مأشر بيده ..
-افلح ياحمدان الدرب مفتوح !!!
ترقب خروجه خلال ثواني ... وضيق مستليظ .. داخل صدره .. استاقف .. ساحب عصاته .. واجهزته .. وشعور الضيق محاوط فكره .. ومستجلي بخطواته ..
طلع من شركته .. وعينه يم السايق المعروف له .. وسيارته ..ماله خلق حتى يسوق ووجع رجله مايسمح له .. ماوده يدين رجله وتمشي للطريق الي بيخون كلمته معها .. شد مبسمه ومشعل .. يتقدم له .. ماد يده .
-يالله حيه يابو صخر !!
مد الوليد يده .. قابض كفه ..
-حمد الله عالسلامه !!..كيف الأمور ؟؟
-كل شي جاهز .. وبالتنظيم الي تبي !!
هز الوليد راسه .. بثبات ..جامد ..
-سلمت !!.
-سم طال عمرك ..
ركب .. ماد رجله ..ومجنب عصاته ..حاذف جوالاته عالمقعد الي جنبه .. تسكر الباب .. اول ماستجلس .. نطق هادي الحس والي يعاكس ضولة احساسه ..
-حرك السياره !!!
.................................................. ................................
فرنسا ..
باريس ..
امتلى القصر المصغر .. حرس وافراد .. عصابات .. وداخل وطالع ...
استجلس .. سعود .. بصدر المجلس .. مستقبل الزوار المعزين .. بعد مااعلن وفاة زوجته وهو يعتبر منهم وفيهم .. وجيتهم لتقديم التعازي شكليات لابد منها حتى لو انه مكروه من البعض ...
-روتين فارغ !! يعني كن هالناس مايدرون انك ذابحها !!!
التفت له سعود بحمق ..
-اقطع صوتك ناسي وجود السفاره ياثور !!! تبي تفضحنا !!!
سكت خويه ..محرك هدب عينه .. ومستجلس .. وعينه تترقب الحظور ... بحذر ..
همس ..
-مافيه خبر .. عن القناص !!
-لا !!!.. مختفي هالفتره مدري وش مشغله !!!
قطب هدب عينه .. بكره ..هاتف ..
-حتى نسى من عندي هينا هالخسيس الواطي !! هالخبلا لين جفت عينها وفارقتها أنفاسها وهي تصرخ ولدي وولدي !! والثاني متمسكن به ..وينه !!!! ماشوفه جا يدورهم !! خسيس وضعيف شخصيه مثل ابوه !!!.. كان يستخدمهم عشان يوصلني وهم اغبيا !!
نطق ل خويه بنفس الهمس .. وقت تقدموا رجال من السفاره .. يعزون ..متغافلين هالشخصيه المطلوبه لكن خابرينها وواثقين انها السبب بهالوفاه لكنه محصن وتحت يدين صعبن يطولونها .. غير انهم مأمورين .. !
استاقف سعود مودعهم .. الين راحوا .. ثم جلس مكانه ..أمر الساقين .. يوزعون الشراب ..عالمتواجدين..
التفت لخويه .. الي سأله ..
-ولدك وينه ؟؟ ماحظر عزا امه !! او مايدري !!!
ابعد سعود نواظره بكره .. لطاريها ..
-امه الفاجره .. لعد تجيب طاريها قدامي تستاهل الموت والمفروض من قبل !!! ..
تنفس ثم شرب من كاسته بعجل .. محموق ..
-مرزوع تحت .. !! لين يرحع عقله براسه ..وبعدين !!!وان عرف يعني ؟؟ وش بيده !!!
اتركك منه هو امه .. واطاريهم .. شوف هالورود المقبله ..
ناظر خويه نظره ماكره .. هاتف ..
-يله نبدى الانس من بدري .. !!..يكفينا حزن كاذب على وحدتن مثلها !!!!
..
نفس البقعه الغير مباركه .. بس بغرفه بعيده .. احد غرف القبو السفلي .. وسط جدران عازله الصوت .. جناح مفروش .. بفخامه تضاهي الدور الأرضي .. رفع راسه .. مترقب بحذر .. مفتاح الباب وهو يدور بالقفل ..
غمض عينه بخفوت وحذر.. وترقب ..
اول مانفتح الباب .. جت عينه بعين هالادمي .. الي ملازمه طول هالفتره ..
انقفل الباب .. وتقدم من طلال .. جت عين طلال عالابره الي بيده .. استهزأت نظرته .. ناطق ..
-لين الحين مستمر ؟؟ مامل !! لوين يبي يوصل اكثر !! شكل تمثيلي مب عاجبه !!
نطق له المواجه له ..
-ترى الجدران لها آذان .. والكميرا تنتبه لشفاتك كم مره نبهتك !!
ارخى راسه بسكون تمثيلي ... ناطق بخفوت ..
-وش صار ؟؟ متى بطلع من هالزنزانه !!!
امتدت يده لم ذراع طلال .. باحث عن عرق ..
-انا مثلك منفطعه اخباري عن الفرقه الي معي !!ادع الله ماننكشف !! واثبت !!! هذا الي اطلبه منك !!
غرس اابره .. وعينه يم عين طلال !!..نطق طلال .. بهدووء.
-ابي اعلمه !! بعلمه اني ماخنته !!!
-مين هو ؟؟
رد بهذيان ..
-اخوووي !!..
-بتطلع ان شاء الله وتبلغه .... ان شاء الله مايستبدلوني وقتها بتكون ورطه صدق !!..
نطق طلال حاساس ببرودة الماده المحقونه بوريده ..
-غريبه اليوم ماخذ راحت..ك ..بالسوالف !!
ترقبه هالانسان الواقف .. شاد مبسمه .. مترقبه بحذر ..
-اليوم القصر مليان عالم مب اليوم من قبل بعد !!
قطب هدب عينه .. طلال ونبضه مبتدي يعلى اجل جا الوليد !!؟؟ ..كتم تساؤله أصلا هو مب واثق .. بهالرجال ..
بلع ريقه .. ورمى راسها عالسرير .. بجهد ..
-تشتغل تبع من انت !!!! من فوق راسك !!؟؟
-ماتعبت من السوال !!!!؟؟
هز طلال راسه ..
-تعرف اخوي منهو !!!
ترقبه الرجل بحذر .. متابع حالته .. تابع طلال .. ناطق ..
-القناص !!...اخوي !!!..
.................................................. .................................
الرياض ...
فيلا العنود ..
الساعه 12 ..
مجلس الضيافه .. استجلس الوليد .. والشيخ الي كتب عقدهم ...ومقابله زناد بن عبدالرحمن الشاهد الأول .. جت عينه عالشاهد الثاني ..
نايف بن غازي ..
ترقبه نايف ..بحزم .. ثم ابعد نظراته يم الشيخ وهم ..يعلن .. تمام عقد الوليد ..
اشتدت مقابض يدينه .. بضيق .. مستمع .. لهاعلان ..
- بارك الله لكما وجمع بينكما على خير ..
محد رد وراه ..كلهم تركوا الصمت يحاكي ..مضمون الشعور .. ..
ثانيه ورد نايف ..بحس فاحم مموق ..هامس .. وعينه يم الوليد
-امين ..
احتدت نظرة الوليد له .. ثم ارخى نواظره يم الشيخ الي استاقف ..ومعه زناد ..وهو مثل ..
-سلمت ياشيخ ..الله يبارك بعمرك !!
حياك..
سحب جواله داق بعجل .. ثانيه جا مشعل ..وجه له الوليد آمره ..
-وصل شيخنا !!
مرت دقايق ..ودع مشعل الشيخ .. وطلع معه .. ناظر الوليد نايف .. ثم اطرف لزناد المتقدم ..له ..
-استأذن انا يابو صخر ..
مد يه محتزم يد الوليد ..
-سلمت يابوعبدالرحمن .. ماقصرت !..كفيت ووفيت !!
-مابه كلافه يالنسيب !!
سلم على نايف مدرك ..شحنة الجو المتكهرب بينهم الاثنين ..وطلع ..تلاقت نواظرهم ..الاثنين
الوليد ونايف .. شد مبسمه و
نطق .. ..
-اذا الي سواه سعد ذبحها .. انا نحرت اختي يالوليد !!عالاقل هو بدون علم لكن انا بعلم !!!
شد الوليد مبسمه وهو متماسك ..ضاغط اعصابه .. لاينفجر فيه .. هو يحسبه مقدم بكيفه ولرااحته!؟؟ أساسا هو مكبوت ..وحمقان ....
استجلس ماد رجله ومجنب عصاته .. سحب شماغه على كتفه .. ونطق ..بحس حاذر ..
-مااثق الا فيك بعد الله !! لو طلال موجود جنبتك هالضيق !!
ترقبه نايف بحمق .. ثانيه ثم هز راسه ..
ونطق ..
-وش بقى فيها يالوليد !!؟؟ علمني !! اختي وش بقى بها !؟؟
رفع يده .. شارح ..
-انا معك ومن البدايه معك .. لكن نجلا !.. انت تمشي بطريق وعر وهي معك تمشي وتذوي !!
نطق الوليد مقاطعه .. بحس نافر ..ببحة غضب..
-تحسب اني جايز لي فعلي !!! ؟؟ هاه نايف !!!؟؟ ..
هز نايف راسه واستاقف حاس بخنقه ..
-متى بينتهي ذا كله يالوليد !!..؟؟
ارخى الوليد نواظره لخاتمها ..
-بعلم الله !!
رفع نايف ..يده .. بقل حيله وغضب..
-يعني هذي بتتم لمتى على ذمتك !!؟؟
احتدت نواظر الوليد ..ناطق بحامي النبره ..
-هذي تراها مرتي يانايف !! حشمتها من حشمتي !! انا مقدر ضيقك ووضعك !! لكن امسك نفسك يكفينا مافينا !!..
ترقبه نايف ... وعينه تستبرق الضيق .. اطرف بنظراته للطاوله وتجهيزاتها .. استنشق ريح العوده ....تبسم بهزء .. هاز راسه ... حرك هدب عينه .. مستاقف يبي يستأذن مايقدر يجلس اكثر .. تبادى له حس .. سمعوه الاثنين ..مع دقات ..عجلا ..
-ابوي الوليد !! عادي ادخل !!؟؟
تلاقت نواظرههم الاثنين ..جمدت انفاس نايف .. ...فيما بين الوليد يرد ..
-تعال يزيد ..!!
ترقب نايف دخول ولد ..بعمر صغير قطب هدب عينه وهو يشوف اشراق واظره ..وعينه تتبادى مابينهم الاثنين ثم التقت للوليد مقبل عليه ..
-جييييت يابوي أخيرا جيت !!
تبسم الوليد متقدم ..ماد يده ..
-هلاا وسهلا ... !! اخبارك يالذيب !!
سلم يزيد بحماس عليه .. ولثم جبينه ..
- بخير .. الحمد الله ..
ناظر الوليد يزيد ..
-هذا صديقي أبو غازي !.. بيطلع الحين .. سلم عليه ووصله للباب!!
تقدم ومد يده لنايف ..
ترقبه نايف..بدون شعور ولا أي شي يقدر يوصف شعوره ..واحساسه .. الي يعيشه الحين .. مب امس شكت له الحال !! ثم طلبت يثق برجلها وهذا هو وثق !! بس وش الي يشوفه الحين ويجاريه فيه .. ؟ لو تدري هالثقه الي طلبتها وين بتوديها ..؟؟ ..
مد يزيد يده ..
-حياك الله .. ياعم !! نورتنا !!
ارخى نواظره يم يده الممدوده ..
اطرف يم الوليد .. الي رد الله النظره بكبر ..وراس شامخ .. انتبه للعرق الساطي الي ينبض .. اسفل فكه .. مد يده بعجل ..
-هلا .. فيك .. اجلس عند ابوك انا يلطلع لحالي .. !!
ترك يده ..
نطق الوليد منادي .. بحس حاد وحاذر ..
-نايف !!
التفت له نايف عند المدخل رافع يدها ومحرك هدب عينه بضيق .. وناطق ..
-كيذا كثير يالوليد !! كثير !! ان درت ..
قاطعه الوليد .. بهدووؤ..
-الشرع محلل لي فوقها ثلاث !!..ولاراح تدري ان ماحكيت انت !!
ابوك سواها من قبلي وانا منيب احسن منه بشي !!
انلجم نايف مترقبه باستغراب ..وشرار بروحه .. ثاير .. ناظر هالولد المترقبهم ..بصمت فاهم ..
ثم نطق بحاذر الصوت .. وهو يركز على كل كلمه يقولها
-ان حصل وعرفت من مين ماكان .. ! وطلبتني ..
نطق الوليد ..مقاطعه ..
-ماراح تطلبك !! انت شاهد وعارف !!من البدايه !!