الجزء الثالث
امي مسكتني من ايدي: تحملها ياوليدي كل الحوامل مثلها وهي اللحين من الوحام
: والله لادبها واخيلها تعرف ان امري هو الماشي على الكل ومنيره اسم البنت
امي: وان جاء ولد يا ياسر صل على النبي وساره بنتي
رحت من امي وانا ادعي ان اللي في بطن ساره بنت عشان اثبت لها ان كلامي اللي بيمشي دخلت الغرفه وكانت ساره تبكي
: عاجبك اللي قلتيه
ساره ناظرتني وهي تبكي: هذا بدل ماتقول مبروك او أي كلمه حلوه تهاوشني؟!!
:هذي امي وماحب احد يزعلها
ساره: وانا بس قلت منيره اسم قديم اسفه حبيبي ما ابغى ازعلك
كسرت خاطري:.........
ساره وهي منزله راسها:خلاص حبيبي لاتزعل
قربت منها وحطيت جبهتي على جبهتها وهمست:مبروك ياعمري
نقزت من مكانها وحضنتني: مبروك علينا اثنينا
:ههههههههههه وربي احيانا احس اني تزوجت طفله
ساره:زعلان مني
:طبعاً واكيد لا
ساره:يابعد عمري اممممم ياسر
:ياعيونه
ساره:بدريه تحت
ماقدرت اخفي لهفتي وشوقي:صدددق؟ّ!!
ساره:وليه فرحان كذا
:مشتاق لرهف
ساره:رهف ولا امها
:خلي عنك الغيره اللحين انا لك
نزلنا تحت وكانت بدريه جالسه ااااااااااااه وش قد انا مشتاق لها اول ماشافتني رهوفه جتني تركض شلتها صافحت بدريه:شلونك
بدريه:الحمد الله بخير
ساره بخبث:باركي لنا انا حامل
ناظرت عيون بدريه الحزينه:صحيح؟!!
الا بدريه اموت ولا اشوفها حزينه:انشالله تكون بنت وتشابهك
بدريه:مبروك
:الله يبارك فيك
ساره:لا انشالله تشابهني انا والا ابوها
ناظرت ساره معقد حواجبي الف مره قلت لها لاتجرحين بدريه:ساره جيبي لي مويه
ساره تأشر ع عيونها:انشالله حبيبي
بدريه نزلت راسها احس بالاحساس اللي تحسينه يالغاليه يمكن احساسي يخوني لكن انا عارف انك تمنيتي في يوم انك انتي ساره ومثل ماتمنيت ان اللي قالت حبيبي هي انتي قطع علي سرحاني صوت رهوفه:عمو ياسر
:رهوفه حبيبتي
رحت للمطبخ لساره وهمست لها:ساره اذا لي خاطر لاتجرحين بدريه ترى مالها الا الله ثم احنا
ساره:وليش ماتجلس في بيت زوجها
:لو انه زين اجلست هي جايه ترتاح اليوم بس خليها في حالها عشان خاطري
ساره:تدافع عنها
:عشاني لاتقولين لها شي
ساره:بشرط
:امري
ساره:تروح وتجلس مع اصحابك ولا تجي الا متاخر
:انشالله
ساره وهي تفكر:لكن بشتاق لك
:هههههه هاه غيرتي رايك
ساره:لا ماغيرت راي اتحمل بعدك ولا انقهر وانا اشوفك تناظرها
:طيب مع السلامه باخذ رهوفه معي
ساره بغيره:لا عطني اياها اوصلها لامها عشان ماتعبك
طلعت و اتصلت با احمد وطبعاً نقعني ربع ساعه انتظار
احمد:هلا
:انتظار انتظار انتظاااااااار الى متى وجوالك انتظار
احمد:الحريم يحبون الهذره وانا اسمع
:اللي يحب الهذره اللي جالس يسمع
احمد:يا اخي من اداب الكلام انك تسمع الطرف الثاني لين يخلص كلامه
:طيب يا فيلسوف زمانك انا عند الباب اطلع لي فتره واقف
احمد:طيب سلام
وانا واقف بالسياره دخلت بنت بيت احمد ماميزت ملامحها لكن اتوقع انها بنت اخته اذكرها لما كانت صغيره طلع احمد وشفته يتكلم معها لما ركب احمد:سلااااااام
:عليكم السلام مين اللي قاعد تسلم عليها
احمد:مهووي بنت اختي
:مهااا؟!! يا اخي اذكرها يوم كانت تلعب بالشارع بزر مداها تكبر
احمد:شيبنا صرنا نشوف الصغار كبار
:والله انا متزوج ولي العهد في الطريق
احمد بصدمه:صددددق
:ايه ابشرك
احمد بفرحه:الله يتمم عليك
منت ناوي تتزوج
احمد:لا اعوووذ بالله
:والله مدري وين بوصلك طريق الحرام اللي ماشي فيه
احمد:واللي يرحم والدينك ما ابغى نصايح
: طيب ماسالتني وش ابغى فيك هالوقت
احمد:ايه والله غريبه العاده مانشوفك الخميس
تنهدت:......
احمد:ام رهف
:ايه وفيه غيرها
احمد:ياخي متى بتنساها اللحين متزوج وانشالله قريب بتصير ابو
:اكبر غلطة سويتها اني تزوجت وبدريه في قلبي
احمد:ليشش؟؟!! منت مرتاح بزواجك؟!!
:بلعكس والله ان زوجتي تحاول ترضيني باللي تقدر عليه لكن انا ماعندي الا قلب واحد ولاني قادر احب غيرها
احمد:خلني اعرفك ع وحده تخليك تنسى ام رهف واللي خلفوها
:انا ما ادور ع متعة لحظات ولا سعاده وهميه ولاني من هالنوع
احمد:ياخي ماعرفت لك البنت تزوجت وراحت في نصيبها وانت للحين عايش في رجاء انها ترجع لك
:وبعيش عمري كله انتظرها
احمد:عشق بدوي لاعشق مهوب كذاب>>>قالها خالد عبد الرحمن
:وانا احسن من يمثل هذي العباره
احمد:مادح نفسه....
مرت الايام وغزلان مقاطعتني وانا مشتاق لها ماتوقعت ان غيبتها بتاثر فيني هالقد
احياناً او قف بسيارتي بعيد عن باب بيتها واشوفها وهي تركب السياره والحقها لحد ماتوصل للكليه عشان اتطمن عليها من جد لك وحشه تخوف ياغزلان
امي وساره سمن على عسل احيانا احس ان ساره تحب امي اكثر مني وطبعاً ما صرت اجلس بالبيت يوم الخميس لاني ساره تقلب الدنيا على راسي اكيد صاحي بدري عشانها واكيد تحب رهف ليش انها بنتها ............... والخ صرت اسلم عليها والعب مع رهوفه شوي واطلع من البيت ولا ارجع الا العشاء اجلس مع امي شوي واتعشى وانام
يوم عن يوم وكرشت ساره تكبر ويوم عن يوم انتظر اللي في بطنها بفارغ الصبر اتمنى اللي في بطنها ولد ويصير لي اخو وبنفس الوقت تمنيتها بنت لاني ماعندي خوات وعشان امي تتمنى يكون عندها بنت ولا راح تلقى احسن من بنت ولدها
وفي يوم وانا راجع للبيت كانت بدريه حاطه راسها على صدر امي وتبكي وشغالتنا اللي امي رضت استقدمها بعد ماتزوجت شايله بنتها
: خيييييييير بدريه وش فيه
امي: زوجها حسبي الله عليه
تصنعت الهدوء : ليش
امي: شارب السم وفاقد وعيه ضربها جعل يده الكسر
ناظرتني بدريه وبوجها كدمه : انا الغلطانه
اول ما شفت وجها ماعرفت وش اقول غير اني جلست على ركبتي وهي على الكنبه
وناظرتها بحزن: وش سوى غير اللي بوجهك الحقييييييييييييييييييييي يير
بدريه بقلة حيله: كل مكان بجسمي فيه مثل هذي
قمت مثل المجنون وانا اتكلم بجملتين: بوريه الحقير وبيندم
ساره وهي تمسكني من ايدي:تكفى ياسر مالك دخل فيها
بدريه:ياسر والله انا الغلطانه
االتفت لها وبقهر الدنيا قلت:وخايفه عليه وهو مسوي فيك كل هذا
بدريه وهي تبكي:انا خايفه عليك منه
ضحكت باستخفاف وقهر:لا تخافين
ركبت سيارتي متوجه لبيته وانا امشي بسرعه اعرف متهور لكن انا مقهور مقهور بموت من القهر بعد وقفت عند باب بيته ظربت الجرس مره ومرتين وثلاث وطلع لي يترنح انهلت عليه ركل وضرب وبكل ضربه احس بردت قلبي حتى مسكوني الشباب بشارع عنه وجات الشرطه واحبسوني اما نايف بالمستشفى مارضى يتنازل الا ترجع له بدريه ورجعت بدريه وطلعت من القسم 2 باليل....
وصلت البيت ولما عرفت...!!!! انه كان شرطه ان بدريه ترجع صرت اصارخ مثل المجنون يضربهـــــــا وترجع ويهينهــــــــا وتسكت مالها ابو يدافع عنها ولا اخو وقلت بصوت عاااااااالـــــــي وانا اضرب صدري اناااااا وين رحت عشان تتحمل الاذيه!!!!!!!!
امي تحاول تهديني وساره من صوب والشغاله واقفه مافي يديهن حيله حسيت اني بركان غضب وانفجر
امي: تقول انا راجعه راجعه ما ابي اذي ياسر اخوووووي
وانا بقمة عصبيتي:ومن قال لها اني متاذي انا بقعد بسجن عمري كله ولا يمد ايده عليها
ساره: تراها قالت اخوها لاتسوي روحك بطلها وحبيبها
التفت لها ومسكتها من اكتافها: وش تقصدين هاه وش تقــــــصــــــــديــــــ ــــــــن
ودفيتها على الارض وهي في شهرها الاخير صرخت امي حسبي الله على بليسك التفت لساره اللي صارخت بطني تكفوووووون ااااااااااااه بطني
قلت للشغاله هاتي عبايه شلتها وديتها للمستشفى وامي معاها لحظه بلحظه على طول دخلوها غرفه العمليات
امي جالسه وتقرء قران وبدون ما تناظرني ابد وبعد ساعتين طلعت لنا الممرضه...
الممرضه: مبروك بنوته قمر
امي: الله يبشرك بالخير وامها
الممرضه:الان مرهقه شوي وانشالله بكرى تكون احسن
ركبت السياره وامي شافت البنت ورجعت معي للبيت ماتكلمت وانا بعد ماتكلمت
رحت لغرفتي تروشت ونمت على طول وبكرى الصباح 9 صحيت ووديت امي معي المستشفى وخذت امي معها فطور لساره وقبل تنزل امي: مبروك بنتك ياسر
ابتسمت من قلب: مابغيتي تقولينها
امي: من اللي سويته بأمها ماتتصور شلون بكت لما عرفت انك بلقسم 3 ساعات مانشفت عينها من الدموع ولما جيت ضربتها هذا جزاها
: نرفزتني
امي:روح لها وطيب خاطرها
: تراي ماشفت منيره
امي: من منيره
: بنتك وبنتي اللي بلحظانه
امي: لاتقول منيره قدام ساره زعلت
: انا مسميها قبل تنولد يلا انزلي اروح اشوفها
امي: لاتسوي مشكله عشان اسم ياوليدي
قلت وانا انزل نظارتي الشمسيه: يصير خير يالغاليه
وصلنا لغرفة ساره وكان طلال برى سلمت عليه وقال ان جدتي وخالي وامه وخلاته عند ساره استاذنت نزلت للمطعم تحت وطلبت لي فطور لاني ماكليت شي من امس العشاء
طلبت لي فطور وكليت سرحت لما كنت في الثانوي وكانت ساره في المتوسط رجعت من المدرسه وكلعاده ماخذ من البقاله بيبسي وشيبس وشكليت للبدريه واذا ماجبت لها تزعل ساره قبل ادخل البيت: يسور عطني من اللي عندك
: هذي لبدريه بس
ساره سحبت الكيس من ايدي وحطته على الارض وصارت تدوس عليه
ضربتها كف : حرام هذي نعمه
ساره قامت تبكي : انت منت ولد عمتي انا اكرهك اكرهك وراحت داخل تصيح وانا دخلت بعدها ما كاني سويت شي
وحتى ايام الاجازات كنت اخذ دباب اجار (موتر سيكل) واركبه في الشارع انا وربعي وقبل ارجعه اوديه لبدريه عشان تنبسط وتلعب عليه واما ساره فما كانت بدريه ترضى انها تركب وانا تحت امر بدريه.... شوفي الدنيا لما كانت بدريه تدافع عني لما كنت من ممتلكاتها ((للان انا من ممتلكاتها)) كنت استانس وانتي ياساره لما حاولتي قلبت الدنيا عليك من تزوجتك وانتي تحاولين ترضيني
رن جوالي وكانت امي تبلغني ان اللي عند ساره راحو خذيت ورد معي وصعدته لها فوق _((الورد اقصر طريق للعتذار))
دخلت وامي استاذنت وطلعت من الغرفه ساره لفت وجها الجهه الثانيه
: زعلانه مني
ساره:روح للبدريه اللي حتى الجوال مارفعته تكلمني تحمّد لي بسلامه
: يمكن ماعرفت
ساره:لاتتعذر عليها عمتي قالت لها باركت لاعمتي ولاباركت لنا..... دمعت عيون ساره...... اكيد انها للحين تحبك ما ابغى اشوفك ابغى اموت
مسحت دموعها بطراف اصابعي: بسم الله عليك سارونتي من الموت تزعلين من حبيبك يسور
ساره: انت ماتحبني
مسحت على شعرها: ومن قالك كذا فيه احد ما يحب زوجته ام بنته
ساره التفت لي وقالت بسرعه:ياسر تجنن نسخه منك نفس الغمازه هذي واشرت بصبعها على خدي احبها اموت فيها لانها تشابهك
مسكت اصبعها وبستها: للحينك زعلانه مني
ساره: طبعا واكيد لا
: بعد عمري
ساره بدلع:روح شوفها
ابتسمت ورحت للحضانه لبسوني اللبس خاص بحضانه وكانت امي ورى الزجاج تشوفها ناظرتها كانت صغيره مررره لمستها على خدها وبكت وبينت الغمازه اللي بخدها طلعت لامي ورحت معها لعند ساره اول مادخلت : صح ياسر نسختك
:هههههههه صح وتاخذ منك ملامح
ساره: بلعكس تشابهك انت اكثر
امي: ياسر بطلبك طلب يمه ووعدني ماترديني
: افا يمه تامرين ماتطلبين
امي: لاتسميها منيره
ناظرت ساره اللي تغيرت ملامحها: ساره انتي قلتي لامي شي
امي: ساره ماقالت شي بس انا ما ابغى تسميها منيره
: طيب اجل انا اللي بسميها
ساره: أي اسم الا بدريه ومنيره
: سااااااااره
ساره حطت ايدها على فمها: اسفه خلاص
: نويت اسميها غزلان
امي وساره: حلو اسم غزلان
ابتسمت وقلت بروح ااسال الدكتور متى بتطلعين انتي وغزالتي
ساره: لا ابوي بياخذني معه بكرى بطلع لاني تعبانه وابي اجلس مع امي
: وامي بعد بتحن عليك
امي: مهما كان ماراح اكون احن من امها
ساره بضيق: مساله بيني وزوجي ما احب احد يتدخل
قلت بجديه:وامي مهي أي احد
ساره بضيق: بجلس عند اهلي ممكن
: ممكن وحتى وانا بشتاق لك
ساره: تعال لي اليوم العصرياسر تكفى لحالك هاه...>> ما انتبهت انها قصدها امي ماتجي الابعدين
: طيب
خذيت امي ورجعنا للبيت ورحت للمسجد صليت واول ماوصلت غرفتي رميت نفسي على السرير ارسلت مسج لغزلان (( امس ولدت زوجتي بنوته حلوه وانا سميتها غزلان ترى مالك حق ماتشوفين الغزاله سميتك))
3 دقايق بس والا غزلان يتصل بك
من قلب قلت: هلااااااااااااااااا والله وينك يالقاطعه
غزلان:هلا ياقلبي
:شلونك ياقلبي وربي مشتاق لك موت
غزلان:.....................
: ليش ساكته تكلمي واحشتني سواليفك
غزلان بصوت باكي:وانا بعد
: ليش قطعتيني وانتي قلتي اني اذا تزوجت ماراح تفترقين عني
غزلان: مقدر اتخيلك صرت لغيري مقدر ورجعت تبكي
: خلاص تكفين والله ما اتحمل دموعك خلاص ياغزلان
غزلان: كل يوم كنت ادعي ربي يصبرني عنك حتى لما كنت تتصل فيني اموت الف مره وانا اشوف حلم عمري يتصل وما ارد عليه
: بنكمل سنه بعد شهر وانتي بعيده عني
غزلان تبكي:................
: ماتبغين تشوفين غزلان الصغيره
غزلان:...........
: بتحبينها نسخه مني حتى غمازتها
غزلان: صدق
: ايه والله تشابهني
غزلان: مبروك
: مبروك علينا ترا هي بنتك مثل ماهي بنتي
غزلان: خلاص اليوم بشوفها باي مستشفى
: مستشفى(.......)
غزلان:ياسر
:سمي
غزلان: احبك
دخلت قلبي كلمتها:هاه
غزلان: احبك واموت فيك حتى لو انك صرت لغيري
:وانتي بعد والله لك غلاة بقلبي
سولفت معها لحد ماجا العصر ورحت صليت على وعد انها 5 بتكون بالمستشفى عشان تشوف بنتي
رحت لعند ساره اول ماشافتني: زين اللي جيتني لحالك
: ليش من بيجي معي
ساره من غير نفس: امك
:وش فيها امي عمتك وام حبيبك
ساره: مافيها شي بس ابغى اسولف مع زوجي بروحي
: طيب هذا زوجك معك سولفي معه
ساره:ولد خالي
: وش فيه
ساره: ولاشي
:سوير وش فيه تكلمي
ساره:مهديني اليوم بوكيه ورد كبير واشرت عليه
وقفت وقلت بصوت عالي: وش المناسبه
ساره ارتبكت:باسمهم كلهم امه وخواته وش فيها هذا انت تهدي بدريه في كل عيد
مسكتها من ايديها: وش قصدك تحبينه
ساره: ايدي ياسر
ناظرت ايدها اللي مسكتها وفيها مغذي جلست على الكرسي : اوريه
ساره: وش فيك ياسر لو تهاوشت وياه الناس ماترحم بتطلع علي اشاعات وانا اللحين ام بنتك
: من نفسك المفروض ماتقبلينها
ساره: وش اسوي يعني ارميها بوجوهم
: ايه ارميها
ساره: خالي كان معهم استحيت ارفضها والا انا ما ابغاها تكفيني باقة حبيبي وزوجي ياسر حياتي
دخلت ممرضه ومعها غزلان الصغيره جاء موعد حليبها بعد نص ساعه اتصلت غزلان
: هلا والله
غزلان: انا عند الحضانه تعال اشر لي على بنتك
: طيب طيب اللحين جاي وغزلان معي
ساره:من يكلمك
: واحد صاحبي يبغى يشوف بنتي
ساره: شوي شوي عليها الله يخليك
: طيب يامدام
خذتها ورحت للحضانه وكانت تناظر من خلف النافذة الزجاج
: احم احم
غزلان التفت مخترعه ناظرتني بعيون المشتاق بعد فتره من احتضان العيون قطع علينا صوت غزلان الصغيره واااااااااااااااع
غزلان: يمممممه
:هههههههههه هذي غزلان الصغيره خذتها من ايدي وجلست تبوس فيها ناظرتني وانا كنت مسند ظهري على الجدار واتاملها كيف طيوبه تبوس بنت حبيبها وكنها تبوس بنتها حتى كيف شايلتها كلك حنان
غزلان: وين سرحت
:هاه
غزلان: اللي ماخذ عقلك
: فيه احد غيرك
تجاهلت كلمتي وناظرت غزلان الصغيره وقالت: نسخه منك
:يليتها شابهتك
غزلان وهي تمد بنتي لي: ليش
: عشان ماتعنس
غزلان ضحكت ضحكه عسل نفسها:هههههههههه فيه احد قالك من قبل ان دمك خفيف
: لا والله انتي اول وحده خخخخخخخخ
غزلان:هههههههههههههه طيب وديها لامها لايشوفنا احد ويسببون لك مشاكل
: يابعد عمري ياغزلان
نزلت راسها وقبل اروح : لاتقطعيني وربي اني احتاج لك كثير
غزلان اشرت على عيونها بدون ماتتكلم
: تسلم لي العيون وصاحبتها
راحت وعيوني تلحقها ناظرتها وهي تمشي بممرالمستشفى ملكه بمشيتها وربي لك غلاة مايعلم فيها الا الله
رجعت غزلان الصغيره لامها ورحت للاستراحه
بعد مرور سنه
كبرت غزلان بنتي و جمعت حبين حبها وحب غزلان سميتها اما علاقتي مع غزلان فكل يوم عن يوم تكبر ومايمر اسبوع الا لازم تشوف غزلان الصغيره تاخذها الشغاله من عند باب بيت غزلان وارجع بعد ساعه او ساعتين واخذها بدون علم ساره طبعاً اعرف اني اخون بدريه وساره بنفس الوقت لكن انا مقدر ارفض لغزلان طلب وغزلان تحب غزاله الصغيره
امابدريه مع زوجها مشاكل بمشاكل وانا انرميت بلسجن مرتين بسبب اتهجم على زوجها ليش ماهم راضين يفهموني مقدر اشوف بدريه تنهان وانا ساكت وبلعكس اطلع الغلطان وامي تزعل مني وبدريه تقاطعنا ولاتجي بيتنا وامي من 5 شهور حالتها غريبه بعض الاوقات ادخل راجع من الدوام ولاقيها تبكي واذا سالتها تقول ضايق صدري واذا سالت ساره تقول مدري انا بغرفتي ولا انزل تحت وساره علاقتي فيها علاقة أي زوج يحترم زوجته وهي بعد لكن ماذيتني بالغيره ليش كاشخ وليش متاخروليش متعطر وليش وليش وليش هذا اغلب اسباب مشاكلنا وجدتي طبعاً واكيد مقاطعها لاخر يوم بعمري
في يوم الايام استاذنت من الدوام بدري ودخلت البيت 3 العصر لاني سهران امس ومانمت كويس غزلان مريضه وطول الليل تبكي ولاخلتني انام وساره تقول لازم تحس بمعاناة الام فضطريت استاذن عشان ارجع انااااام
دخلت البيت وسمعت ساره تصارخ على امي وتقول بصريح العباره: انتي ماتفهمين ياسر زهقان منك ليش ماتروحين لبيت امك وتعيشين معهم وتفكيني انا وزوجي نعيش لحالنا
امي: هذا بيتي وش سويت عشان تبغين الفكه مني ولدي لو يدري كان طردك
ساره وبصوت عالي وبوقاحه: يكون في معلوميتك تراك ماتجين ربع غلاة غزلان وغلاتي
حسيت ان الارض تدور فيني تسندت على الجدار وكملت سمومها اللي تبثها على امي وامي ساكته عشان تترك لها البيت :ياسر مايقدر يستغني عن غزلان وانتي انتهت صلاحيتك
دخلت للصاله كانت امي تمسح دموعها وساره على الدرج وايدها على خصرها: ياحقيــــــــــــــــــــ ــــــره(انا ماحب العنف ابد وخاصة مع الجنس النااعم لكن المره هذي غير) ورحت وراها لو انها طاحت بيدي كان ماخليت عظمه بجسمها ماكسرتها لكنها كانت اسرع ودخلت الشقه وقفلت عليها الباب
ضربت الباب ورفسته مثل المجنون هذا جزات امي اللي طلعت من بيت ابوها عشاني اللي تحملت الغربه وضيقت الصدر اللي ضحت على عشاني ولاتزوجت لما طالبو فيني عمامي هذا جزاتها اتزوج وحده تاذيها ضربت الباب بقوه: على بالك ملكتيني بغزلان غزلان ماتجي عند امي شي وربي لاوريك يالقليلة الادب
ساره من ورى الباب: امك ماتحبني وتبغى تتحكم فيني وفيك
: هذي امي اللي خلتني اتزوجك وانا اصلا ما ابغاك
امي: صل على النبي يايمه
التفت لامي وانا عيوني يطلع منها الشرر: كانت الحقيره هذي تبث سمومها عليك وانتي ماتقولين لي يمه انا ولدك وتخبين علي ااااااااه يايمه الى هالدرجه انا غبي ماشكيت فيها اااااااااااااااااااه ااااااااااااااااااااه
ساره: اتصلت في ابوي واللحين بيجي ياخذني ضربت الباب عليها وقلت : سااااااااره انتي طالـــــــــــــق ولمي اغراضك ما ابغاك في بيتي
وجلست في الصاله انتظر ابوها وانا ضغطي واصل حده بعد ربع ساعه وصل
خالي: خير عسى ماشر
بصوت عالي: الا شر وكل الشر بعد تدري بنتك المحترمه تطرد امي من بيتها لو انا مارجعت من الدوام ولاكان امي ماشكت
خالي:صدق الكلام اللي يقوله يامنيره
امي نزلت راسها قلت لامي: قولي له قوووووووولي خليه يعرف بنته على حقيقتها
خالي: ودني لها الله ياخذ عمرها من بنت
ظرب الباب خالي وفتحت له ساره على طول اول ما شافت ابوها ارتمت بحضنه يبه ظربني يبه امه طردتني مسكها خالي من ايدها: تطرين عمتك وتطولين لسانك عليها ياقليلة الادب
ساره: كذاب يبه والله
مسكتني امي لاروح لها واادبها وابرد قلبي فيها: خالي انا طلقتها ولا ابغى اشوفها
ساره: لااااا ياسر
عطيتها ظهري: وبكرى بتجيك ورقتك
طلعت من البيت مدري وين اروح من جد تعبان مانمت زين ومتضايق رحت للاستراحه ومن حسن حظي ماكانو فيها الشباب رحت للغرفة داخل وحطيت راسي ونمت نوووومه عميقه وصحيت على رنين جوالي المتواصل وكانت امي
رديت بصوت متعب: هلا يمه
امي: وينك يمه الساعه صارت 2 وانت للحين ماجيت
2 وانا ماصليت لا مغرب ولا عشاء كل هذا نوم اعوذ بالله من الشيطان
امي: ياااااااسر
: هلا
امي: اكلمك وماترد
: لا انا نايم بالاستراحه ما دريت
امي: كلمت احمد صاحبك وقال انه ما شافك
: مدري يمه انا دخلت على طول رحت داخل ونمت امري تبغين شي
امي: قوم ياولد تعال ابغاك من رحت وانا احاتيك
: افا عليك يمه تحاتين رجال
امي: متى تجي
: خلاص نص ساعه بالكثير وانا عندك
صليت وطلعت مالقيت احد من الشباب اكيد ماراح الاقي كلهم عندهم دوامات ونايمين في بيوتهم وصلت البيت وسمعت غزلان الصغيره تبكي اكيد خالي ماخذ ساره امي المفضله عند خالي وعشان كذا مستحيل يرضى ان بنته تاذيها لكن انا نفسي طابت منها ولا ابغى وحده ماتخاف الله ماخافت الله في امي وعمتها اللي ماعندها غيري كل مشاعر حلوه بقلبي لك ياساره ماتت قتلتيها بيدك وخداعك لي
: يمـــــــــــــــــــــــ ـه لايكون سوير هنا
امي: لا رمت بنتك وقالت بنتكم وانتو ربوها انا ابي اعيش حياتي
شلت غزلان من امي اللي صارت تحرك ايدها بسرعه وتطلع كلمات بابا بابا
: ياعيون بابا اذا ساره ماتبغاك امي امك وانا ابوك وان عاش راسي ماراح تحسين بغيابها
امي: الله يخليك لها ياوليدي لكن مايصير تحرم امها منها وهي حيه راضي زوجتك ورجعها ياوليدي واقهر الشيطان
ناظرتها معقد حواجبي: تحرم علي الى يوم الدين اللي سوته فيك مهو بشوي
امي:وغزلان
حضنت غزلان: انا ما مت يمه وابوي توفى وانا عمري 5 سنوات عوضتيني غياب الابو وربيتيني على الصلاة وطاعة الرحمان واللي ربتني بتربي بنتي
مسحت امي دموع سالت من عيونها جلست على ركبتي : افا يمه تبكين ماعاش من تنزل دموعك عشانه
امي حطت ايدها على كتفي:الحمد الله اللي ماضيع تعبي مسكت ايدها وبستها
يمه بنام نومة الارض في الاستراحه عورت ظهري مديت غزاله لامي وتعلقت برقبتي: يمه تكفين ماخلتني انام البارح بصراخها
امي: خلها تنام معك وحتى انا تعبانه وسهرانه وانا صاحيه من 8
سويت نفسي ببكي:تكفين يمه اخذيها
امي:ههههههههه هاتها
: لا امزح بنومها معي بست راسها تصبحين على خير
امي: وانت ما اهله لازعجتك نزلها لي
رحت لغرفتي وتمددت على سريري وغزلان نومتها على ايدي سرحت في ساره وفي كيدها
ساره: ياسر بيت مافيه عمتي ما يسوى
ساره: ياسر ما قد عرفت انسانه احن من امك علي
ساره: ياسر والله اني احب امك كثر امي او اكثر بعد
ياسر ويا ياسر وياسر وياسر كله كذب وكذب اااااااااااااااااااه وشلون انا غبي وربي امي ماتستاهل اللي سويته فيها ياساره
التفت لغزلان وكانت نايمه بستها وياليتني مابستها فتحت فمها ولا سكتت الا بلموت حضنتها ورحت معها بسابع نومه
صحيت على الساعه 4 مالقيت غزلان رحت غرفة امي لقيتها نايمه مع امي شكل امي خافت عليها مني ورجعت تاخذها وانا ماحسيت فيها رحت للمسجد صليت وسولفت مع واحد صاحبي لحد ماصارت 5 استاذنت منه وجلست باحديقه بيتنا قلت اكيد غزلان صاحيه بتروح للكليه اتصلت عليها
غزلان: هلاااا والله غريبه متصل هالوقت
:ههههههه لو ادري بتهلين فيني كذا كان كل يوم بتصل
غزلان: اذا كل يوم اكيد بتعود ولا اهلي مثل من شوي
:افا يعني ماتفرحين بمكالمتي الا بعض الاوقات
غزلان: لا وش دعوى لو بكيفي كلمتك طول العمر
: كم باقي وتتخرجين
غزلان: باقي لي سنه الا قولي غريبة متصل علي هالوقت
قلت بدون مقدمات: طلقت ساره
غزلان:أيـــــــــــــــــ� �ـــــــــــــــش
: اللي سمعتيه
غزلان: ليش وكيف ومتى وش السبب هذي ام بنتك شلون بتعيش من غير غزاله
:بنتها رمتها علي وراحت للبيت ابوها تبغى تعيش حياتها بكيفها
غزلان: لا ياسر لازم تصير اعقل منها هذي زوجتك مهما كان
: لا تسوين نفسك تحبينها
غزلان:........... لكن انا احبــــــــــك انت وابغى لك الخير
: يابعد عمري
غزلان: طيب وش السبب
حسيت كاني اسمع كلامها: تصوري الحقيره كانت ترفع صوتها على امي وغير كذا تطرد امي من بيتها غزلان تطردتها وربي ماني متندم على طلاقها لكن متندم اني ماصرت اسرع منها وضربتها
غزلان:تضربها!!!!!! لا حتى لو هي اغلطت على امك لقت عقابها طلاقك ولا على بالك الطلاق شوي بعدين الضرب حيله الضعيف وانت رجال قوي ولا تستقوي على بنت ضيعيفه ماتقدر على شي
:هذي ذيبه مهي ظعيفه وانا بس انتظر المحكمه تفتح وبطلع ورقتها اليوم بعطيها اياها
غزلان: استخير قبل تطلع الورقه
:............... انشالله طيب ياعمري اشغلتك وانتي وراك كليه
غزلان: لا اذا محتاج لي ماراح ادوام اليوم
: ياحياتي ياغزلان يوم عن يوم تثبتين لي حبك لي
غزلان: ماسويت شي ياقلبي
:وانا ابغى مصلحتك تامريني شي
غزلان: بتروح الدوام اليوم
: لا بقدم اجازه اسبوع بروح مع امي عمره
غزلان: طيب اذا رجعت من الكليه اقدر اكلمك
: اوكي 3 بعد الغداء بتصل فيك
غزلان: انتبه لنفسك ولاتنسى تستخير
:طيب مع اسلامه
غزلان: مع السلامه
آآآآآآه ياغزلان ياليتني احبك مثل ماتحبيني رحت صليت استخاره 8 صحت امي وصلحت الفطور امي ماتحب شغل الخادمه ابد وانا بعد ما احب الاكل الا من ايد امي او زوجتي اقصد طليقتي صحت غزاله ولعبت معها لحد ماجات 9 ونص رحت للمحكمه وبتردد دخلتها وطلعت ورقة طلاق وصلتها للبيت خالي طلعت لي الشغاله وعطيتها اياها رجعت للبيت وكانت غزاله تلعب بالعابها تمددت على الارض وصار راسي على رجوالها الصغيره ضاقت مني وضربتي بسماعه تلفونها اللعبه على جبهتي من جد عورتني وامي تضحك سويت نفسي ابكي وفجاءه غزاله واااااااااااااااع
:هههههههههه حلوه تضربيني وتبكين علي
خذتها امي وهي تقول: حسبي الله عليك من ولد اللحين وش بيسكتها
اشرت على الشنب : وكل هالشوارب وانا ولد الله يسامحك
امي: مهما كبرت بتبقى بعيني صغير وقفت بروح لغرفتي اريح وقبل اروح مدت غزاله ايديها الصغيره عشان اشيلها توها تبكي ماسرع مايبكون الاطفال وماسرع مايضحكون شلتها يمه تراي اليوم طلعت ورقة طلاق ساره
امي: وش هوووووووووووووو
: مثل ماسمعتي
امي جلست على الكنب وهي تمسح دموعها: والله اني ما ابغاك تطلقها هي توها صغيره وبتعقل وهي زوجتك وام بنتك
: اللي زوجني اياها انتي بتامر مع خالي ولما صل الموضوع لك عفتها لانها عضت الايد اللي انمدت لها واللي يرحم ابوك يمه قفلي الموضوع هذا انا تعبت منه
امي: متى ماصار خاطرك بالعرس قول لي
: الزواجه الاولى كانت بختياركم والثانيه ان ربي راد بتكون اختياري امسكي غزاله يمه بروح اصلي
خذتها امي بعد ماشال البيت صراخها ونحاشو جيرانا بعد
صليت ورجعت نمت قبل الغداء وصحيت على رنين الجوال غزلان
:هلااااااااااا والله
غزلان: هلا بك اسفه كنت نايم
جلست مسند ظهري على السرير: اصحى لعيونك حبيبتي
غزلان:حبيبتك؟!!!! وبصوت ياااااااااااااااااااااااا ااااااااسر
بسرعه بعدت الجوال عني: وش فيك يابنت فجرتي اذني
غزلان: هههههههه اصحيك لانه شكلك نايم ولا من متى تقول حبيبتي
: وانا ماكذبت
غزلان:..............
مدري شفيني بصراحه حبيت اغير الموضوع: وش سويتي بلكليه اليوم
غزلان: مافي جديد المهم انت وش سويت رحت للمحكمه
: ايه وعطيتها ورقتها
غزلان:لاتشيل بخاطرك حرمه بدالها الف حرمه وتحبك وترضيك وتحترم امك وتحن على بنتك وتحبها من غلاك وربي لوتبيني انا بنفسي اللي ادورها لك ماراح اتاخر دقيقه وحده
: غريبه ماكان هذا كلامك الصباح
غزلان: ماكنت ابغاك تطلق ودامك طلقت ما ابغاك تندم انك تسرعت
: ياااااااابعد عمري ياغزلان وربي اني لو الف الدنيا بيت بيت ماراح الاقي وحده تحبني مثلك
تنهدت غزلان: عارفه ياقلبي
: شخبار امك قلتي لي من كم يوم انها تعبانه
غزلان: تعبانه ياسر تعبانه وابوي مهو راضي يوديها للمستشفى يقول مافيها الا العافيه وقبل اكلمك كنت بغرفتها ولاطلعت الا لما نامت
: واخوانك وينهم
غزلان: اللي مسافر واللي بالقصيم ولا واحد منهم بالرياض
: انتي وديها
غزلان: مقدر على ابوي
:ليش علاقتك معه متوتره لهحد
غزلان: بعد ماكشفته مع الخادمه من بعدها انبنت حواجز
: ليش عشان فضحتيه
غزلان: بلعكس انت الوحيد في الدنيا اللي تعرف
: ليش علاقتكم متوتره
عزلان: يمكن لانه كل ماشافني تذكر سواد وجهه
: الله يشافي امك ويخليها لك ولايحرمك منها امين
غزلان: ولامنك انا بنزل اجلس عندها يمكن تبغى شي تامرني بشي
: سلامتك ياقلبي
غزلان: مع السلامه
سكرت من غزلان الا "حبيبة قلبي" تتصل!!!!!!!!
|