الفصل جميل جدا
عجبني التطور في علاقة لبنى ومنتصر ، مشكلة لبنى عدم الثقة بنفسها
من اللي حصل لها في الماضي وإحساس أنها شايله عار ( هي بريئة منه ) وممكن اكتر من سبب لكدا ، كل دا خلاها تتعامل بالشوكة والسكينة في لبسها ومعاملتها مع منتصر ومع اولادها ، مش بتتعامل بعفوية وبتفكر كتييير قبل كل تصرف خوفا من الخطأ .. مثلا زي ما تبقى عايزة تتصل بيه وبعدين تفكر شوية وترجع في قرارها .. بس انا شايفة أنها بتفريغ كل كبتها من خلال الكتابة بدأت تستعيد بعض العفوية في التعامل زي ما اتصلت بيه الفصل اللي فات والفصل النهاردة لما طلبت أنه يحضنها ويأكدلها كلامه أنها جميلة وانه مش بيسخر منها .. الخوف من الجاي هل رجوعهم هيساعد في بناء علاقتهم ولا هيأثر بالسلب عليها .
ثريا كل فصل بحبها اكتر من اللي قبله ، واخيرا هترمي ورا ضهرها السعي والجري وراء جلب الزوج وهتعمل اللي بتحبه ثريا لثريا ❤️
ضحى بدأت تفكر بعقلها بس لسه مخدتش قرار صارم معرفش منتظرة ايه ممكن يإذيها أذى كبير وهو مش واعي .. مش معقول هتكمل معاه عشان خاطر متظهرش قدام اخوتها أنها أخطأت الاختيار ، هي اكيد عارفة أنهم مش هيشمتوا فيها .. منتظرة منها قرار انفصال نهائي
رونق وسي عيلاء ، عجبني جدا تماسكها ، حتى لو جواها بتموت بس تماسكها وتصرفها ارفع له القبعة ، من غير انفعال ولا هستيرية اتخذت من البرود والسخرية واجهه لها ، وهو اللي يسيب البيت مش هي هو اللي خسر مش هي ، وحطت أهله في الصورة ، كان نفسي المواجهة تكمل في الفصل دا ونشوف نهاية المواجهة ، في انتظارها الأسبوع القادم على نار
|