[Shammosah]

المشاركة الأصلية كتبت بواسطة بسنت محمود

للان مش مصدقة اني بتابع فصول لأروع كاتبة عندي 🌸
عمالة اعيد وازيد واراجع واحلل ولا كاني في استوديو تحليلي 😅
يمكن عشان اول مرة اتابع فصول ليكي 😢
اول معرفتي بقلمك الفريد كانت قلبك وطني دخلت ومش عارفة تخرج من قلبي 💛
بعدها كانت زخات الحب والحصي 💜
الشي المتفق عليه أن كتاباتك متنوعة مرحه حزينة غامضة هادفة اجتماعية ... شاملة كله 🌼
واكتر جانب متعلقة بيه وللان حاسة أنه مافيش منافس ليكي فيه هو خفة الدم بضحك من قلبي 🤓💙
لما بكون زعلانة أو داخلة ف حالة نكد بسبب الهرمونات بلجا لاي رواية ليكي رغم أنهم مش كتير ... بدعيلك دائما أنهم يزيدوا ويزيدوا ويزيدو❤️

طبعا بداية موفقة جدا أخدت وقت مني لأن حصل لغبطة ف المنتدي وملقتش بقية الفصل طبعا بشكرك جدا لردك وقدرت اعمل ريفريش واشوفة كامل 💙💙🤭

ورجعنا لحي سماحة 🌼 من تاني
رامز للان شخصية غامضة مش عارفين هل موضوع التمثيل رغم عدم توقعي أنه يتقنة دة هيخفف ولا بقائه مع شلة الهم هيخفف ولا نصه التاني هيخفف عنه شعور الحسرة والضياع والحزن القابع داخله ❤️

رحمه طلعت واقعه ف حبال رامز ودة شي بديهي إذا كنت انا واقعه وملحقتش المشبك يمسكني 🤭😅😂 مهمه معرفته أخته بتحبه أو لا دة هيكون الاصعب ف المرحلة القادمه ...💙

سيد صبرة معني الرجولة والحنان والابوة والشقاوة وركن قوي في شلة الخن ... من الاخر عشق سيد صبرة من الوريد للوريد ❤️

وائل موريس .. صاحب محلات الدهب اصل الشقاوة والانحراف 😂 ابو الرقص والشخلعه كلها 🙊😂🤭... ابو البنات اللي كبروا ماشاءالله 🙈

لجين ... ❓‼️ لغز محير مدرسة اللغة الإنجليزية .. ليه كانت بتجري ومين نوح .. اخوها مثلا صاحب متلازمه كالتوحد🙁

سيلا ... مروان ... عائلة ضاحي ... خط جديد بس ليه حاسة أن مروان بيحب سيلا ف الخفاء .. وكمان أن سيلا مش هنكمل مع نزار .. ليه غتاته بقا لاني محبتهوش ... كمان مروان هادي غامض وانا بعشق النوع دة 🙈😂❤️ هو سيلا لمروان 😎 وانتهي النقاش

القفلة ياتري اي اللي حصل أما حاجه حصلت للبنات ودة مستبعد أو تطورات لحالة وائل وهحزن لو المرض الخبيث دة رجعله تاني 😐😓

ونهايا مليون مبروك الفصل الاول والرواية الجديدة ف معرض الكتاب
ربنا يجعلهم فاتحه خير وسعادة عليكي ف السنة الجديدة ❤️❤️
دمتي بدعة يا غالية ... اسفة للاطالة ❤️❤️

شكرا يا بسنت على الريفيو وتسجيل انطباعك وكلامك الجميل اتمنى الاحداث تعجبك يارب