["جوري"]

رابط لتحميل الرواية


هنـــــــــــــــــــــــ ـــــــــا




هواك إستعباد ، وإنتماء
هواك جُوع ، وشبع
هواك وجع ، وضماد
هواك جنُون ، وتعقُل
ولولا هواكَ ، لما كان للعمُر عمُر !

--
ماكان هوى ديارُ الليل .. إلا من هواك !




--
- من مهد الطفولة . . وُلد الحب!
- ومن رحم الحب .. وُلدت المعاناة !

" كل مكان لا يضم بين حناياه سيرتك
لا رغبة لي بالسير إليه
كل بيت تتلاشى منه ضحكاتك لا أعده لي مستراح
كل وجه غير وجهك عابرُ وحدك الثابت
ووحدك المسكن والضحكة
- وأنت الحياة والأمان
بعد خوف مُوجع دك حصون القلب
- وأنتي الوجع وجرح القلب المخفي وخُدش بوسط الفؤاد أبى أن يبرى
وبرد مُوحش بعد دفء حنون "

- باتت كل الأماكن بدونك مُوحشة وكل الأماكن معك بُقعة أمان وبت أمقت ديار لا تضُم بين ثراها آثار خطواتك لذلك :
( ماكان هوى ديارُ الليل .. إلا من هواك )
_
_

(١)
على إمتداد حبَات الرمل التي تراكمت فوق بعضها واحتضنت كل حبّة رفيقتها بكل قوة وإنسجمت بشكل مثالي في منظر مهيَب إمتد على مساحات شاسعة بعيدة عن محيط العين ، تتسلط أشعة الشمس على إمتدادها لتظهر هذه الحبّات باللون الذهبي اللامع معُلنة بذلك غروب شمس هذه الليلة ككل ليلة تغيّب فيه الشمس في منظر بهييّ تتعب له القلوب من شدة رقته وعذوبته !
بوسط السيارة الحمراء " الدسن" اللي تتمايّل عجلاتها على حبات الرمل وبوسط تمتمه بالدعاء بصوت خافت ، تزايدت البسمات على وجهه بتنهيّدة عنيفة إنجبر يحررها من وسط صدره من شدة روحانية هالساعة الأخيرة بأيام العشر الأخيرة من رمضان
وقف بالمكان المُعتاد ، قُرب الجبَل بوسط هالمكان واللي نُحت بكل صلابة بيدين ما تعرف الرقة لها باب وجُهز لأجل يكون مكان يتردد عليه بس لأجل صاحبّه
إستقرت سيارته بالمكان المحدد ونزل وهو يدفع خطواته بإتجاه الباب الخلفي ويسحب بين يدينه الصحن الكبير والي يحتوي على فطوره هالليلة مع صاحبه اللي أعتزل من أيام طويلة ديـرتهم وسرقه شغفه عنهم وحاجة الناس له ودمّر صدورهم من لهفتهم عليه وأولهم صاحببّه اللي عجز يصبر عنه أكثر رغم إنه أكثر شخص يعرف مدى غضبه من قطع خلوته بنفسه ومع هالمكان بالذات الي تحيّط فيه جماعات كثيرة وما تنعد من" الإبل " واللي رضى هو تبقى بهالمكان
مازالت البسمة تتمايل على ثغره وعيونه تنتقل للمكان تمّشطه بشكل تدريجي يبحث عن الغائب من أيام لعله يطفي جوع عينه بشوفه ، ولكن بعد لحظات عنيف شهقة عنيّفة دمّرت خلايا صدره تلتها رجفة هائلة إهتزت على إثرها كل أوردة جسده إستشعر أن روحه تتلاشى وإن قلبه أوشك على الإنفجار بسبب الشعور البّشع اللي دمر سكونه وبسبب دقات قلبه الهائلة اللي أعلنت التمرد وغسلت مجرى الدمع بعيونه بملوحة هائلة أهلكت محجر عينه وأجبرت كفه يرتعش بلا رحمةx#هوى_ديار_الليل


-
رُميت بسببها كل الصحون الصغيرة مُحدثة صوت دويي مزعج نافسه في هالإزعاج صوته الصارخ والحاد والمرتجف وهو يركض بكل طاقته وكل الي يلهث فيه ويتكرر على مسامعه هو إسمه بس " شاهيييييّن "
كان يناظره بوسط توسيّعه لخطواته وهو مرمي على الأرض بجسده الصلبَ والقوي كورقة هاملة لا روح فيها إلتف على عُنقه نحر الناقة الطويل بشكل حجب رؤية وجهه للمحيطين حوله يريح يده بجنبه بعشوائية ، هذا المنظر بحد ذاته كان أشبّه بكارثة مُدمرة ل " صقر " صاحب هالشاهين من مهد الطفولة ، صوته المزعج والي أنفجر بالمكان بشكل كارثي سرق الأمان من هالناقة وإنجبرت ترفع رأسها بتوجس وخوف في ظل إزاحة شاهين لعنقه ورفعه لرأسه بضيق وهو يلمح الي أنهار بجنبه باللحظة اللي رفع رأسه فيها يناظره بذهول وصدمة أخذت من عمره عمر ومن راحته الشيء الي مُستحيل ينرد ولا لسنين طويلة !
كان منظرة والناقة ملتفة حول عنقه في سكون فاجعة ومصيبة كارثية ظن فيها إنه فقده وللأبد لذلك تنهيّدة الراحة اللي إستقرت بصدره هاللحظة نسّته خوفه بلحظات بسيطة
رفع رأسه لفوق وهو يأخذ نفس بصعوبة ويمسح عيونه بعجلة وببراءة بطرف كمه لأجل يلمح اللي أستقر برأسه من جديد على حبَات الرمل ولكنه أسند يده تحت رأسه بهدوء يريح يده الثانية فوق عينه وصوت تنفسه الهادي يخترق سكون المكان بعدما إستقرت الناقة بمكانها المعتاد مع القطيع ، قال بسخرية ومازال على هيئة جلوسه الهادية : لا تكون طفل يا صقر ، ولا تنفث أنفاسك الحارة على رأسي تظن بسواياك إني بقوم وأطبطب على كتفك لأن أفكارك الغبية تركتك ترمي الفطور بوسط التراب

شد على كفوفه بقهر ينقل نظراته للمكان بضيّق وهو يضرب كتفه بحنق :أنت غبي ؟ ما تخاف الله يا مسلم ؟ زرعت الموت في قلبي مثل ما يزرعون نبتّة سامة بأرض خصبة أنت شفت منظرك ؟ ورب العبّاد إن الموت تسلل لروحي وإني حسيت إن نهايتي قربت ، هذا مكان تنام فيه ؟ وإعتكافك ماكان بوسط جبلك ، مادامك متلهف ومتشفق على حضن تزوج وريّح قلبي من حضن هالناقة الي دمرتني فيه

راقب برود الشخص اللي مازال على حاله وملامحه ساكنة وهادية وما كإن هالشخص ينثر عتابه بكل غلاظة على سمعه ! تأفف بقهر وهو يمسح على وجهه ويوقف وهو يثبت يدينه بوسط جسده بعصبية : والفطور ؟ ماباقي شيء على الآذان ؟

راقب الشخص اللي مازال صامت وهادي تنهد ونقل نظراته للمكان : تعرف ؟ العتب كله علي أنا صقر اللي أهلكني الشوق وجيَتك يالي تشبه هالصحراء المعتكف فيها
#هوى_ديار_الليل


-
-
"أنا ما أدري وظيفة القلب الي بين ضلوعك وش هي ؟ معقولة ما يعرف للمشاعر مثلنا ؟ يعني يضخ الدم بس ما يعرف للمشاعر درب مستريح ومريح رأسه ، ما أشتقت لي يعني ؟"

سكت للحظات قبل أن يكمل بتوجس : وخلك من شوقك لي ، ما خفت ؟ ما قلت خلني أروح أبقى عند أهلي قبل قيام الدنيا بعد بكرة وقبل ينهار هالكوكب علينا ؟ أنت ما تدري إن الديرة مشتعلة من الخوف والكل يجمّع أهله حواليه لأجل لا صدقت التوقعات يلاقون الفاجعة سوى ؟ وأنت متهرب وتبي تواجهها لوحدك ؟ ندري إنك قوي وما ينهد لك حيلّ بس ياشاهين ..."

سكت بسبب تغضن جبينه الدال على إنزعاجه التام بسبب ثرثرة هالرجل اللي ما أنقطعت بمجرد حضوره وتمتم بهمس : طيب أنا تركت أهلي وجيّتك من خوفي ، مال لخوفي عندك ...

سكت وهو يبتسم بضحكة لما وقف والغضب له النصيّب التام والكلي من ملامحه الي تشربّت تعابيره بهالشعور ، نفض ثوبه بحركة سريعة وهو يناظر بنظرة خاطفة ويقول ببرود عكس نظراته : كل الي بيصير قدرنا يا صقر ، إترك عنك أفكارهم الي بتدمرك قبل تجي هالسنة الجديدة وتدمر كل أفكارهم ، بتشرق الشمس وبتغيب مثل كل يوم وكل مرة ، ليه مكبرين الموضوع بهالشكل ما نيّب فاهم ؟

ناظره بتوجس وهو يقترب ويقول : مانت بمستوعب ؟ بعد يومين نهاية العالم يعني إحنا " رفع يده وأشر بها على رقبته كعلامة الذبح " بنموت بنودع كلنا وبنفس اللحظة

ناظره بسخرية وهو يهز رأسه ببرود وتسللت يدينه لجيبه وهو يمشي بخطوات هادية بإتجاه الجبل اللي نحته بيدينه وبجهده وقوته ووقته بينما لحقه صاحبّه بثرثرته المُعتادة وهو يقول بصوت منزعج ومقهور : لا تعاملني كأني بزر يا شاهين وتهز راسك لأجل أسكت ، أقولك بعد بكرة بتنهد هالدنيا على رؤوسنا وأنت بارد وساكن

أبتسم للحظات بصمت وقال وهو يكمل سيل كلماته الي ما أنقطعت : وبعدين الفطور الي تعنت لأجله سُهاد الحبيبة عانق أطراف الرمّل ، وأنتهى آخر فطور من يدينها وبنبّقى جوعاني...

سكت وهو يبّلع ريقه بسبب اللي توقف بوسط صعودهم للجبل وألتف له بنصف جسده وهو يناظره بحدة بسبب إنزعاجه الواضح من ثرثرته فرفع صقر يده بإستسلام وهو يبتسم : ندري طبعك هادي وصامت ، بس اللي أقرب لك من ظلك ثرثار ولسانه ما يبقى بفمه للحظة ، وش السواة بهالنقطة ؟

قال بعد لحظات بسيطة بنبرة باردة : الحل يتحكم في لسانه قبلما ينقطع ويبقى خارج هالفم على طول ونريّح رؤوسنا منه

شهق بضحكة وهو يغطي فمه بعفوية ويقول بذهول : تسويها ياللي ما تخاف الله وبكل دم بارد ، وبعدين من وين لك صقر يزين لك أيامك ؟ يالخايييّ..
#هوى_ديار_الليل


-
-
قطع سيل كلامته شهقة عالية هالمرة ولكنها كانت نتيجة الخوف اللي تأجج بصدره وكتم أنفاسه بشكل كُلي وهو يرتد بخطوة عنيفة وكبيرة للخلف إختل بسببها توازنه بشكل كبير وإنهارت قواه بكل ضعف بعدما تعثر بالحجر الي قرب رجله وتدحرج جسده بشكل سريع وموجع على حدود طريق الجبَل المنحدر ، وسط إلتفاتة شاهيَن السريعة له ولحظة إستيعابه للموقف ركض بكل طاقته بإتجاه صقر وهو ينحني له بذهول ويتأمل الخدش الي أمتد على حدود رقبته جهة اليمين بإستنكار شديد ، جلس قدامه على ركبه وهو يطبطب على وجهه بربكة وخوف وهو يتأفف بضيّق : صقر ، صقر يا ولد قم والله إن التعب هاد ضلوعي ماعندي قوة أشيلك

لما ما لقى منه رد أخذ نفس بقهر وأنحنى أكثر له وهو يثبت يدينه خلف عنق صقر ويسحبه له للأعلى وهو يقول بقهر : الشرهة مهيّب عليك علي أنا ، في الوادي من لمحت الذيّب الحقيقي هجيت ووهو وراك وتركتني أصيبه أنا ، وهالذيب الي من صنع يديني فقدك عقلك وقدرتك على الإستيعاب ، أنا مدري متى بتتسنع ..

سكت بدهشة وهو يشوف صقر يشد بيدينه على عنقه ويرفع رأسه له وهو يحضنه أكثر ويقول بضحكة : ماادامك متلهف ومتشفق على الأحضان ، وترمي بجسمك للنيّاق ولصقر ليه ما تليّن قلبك وتخضع للنساء ، ليه ما توافق على سُهاد ، منك لله لي ثلاث سنين أخطبك لأختي وأنت رافض لو إنه جماد كان حسسّ ...

سكت بصدمة لما إستشعر بجسده يرتطم على الأرض بكل قوة بعدما رماه شاهيّن من يدينه بعشوائية وبعدم إهتّمام وهو يتخطاه ويرجع يصعد حدود الجبل بإتزان ، وقف بعجلة وهو ينفض ثوبه ويمشي بخطوات مهدودة حِيل مُقاومة بسبب الضربة وحاول يجاري خطوات شاهيّن : لا تظن إني مرخصها ولا أرميها عليك ، أنت بنفسك تعرف من هي سُهاد بقلب صقر والله ماذقت مر السُهاد إلا بسبب خوفي عليها ، وأنت تعرف ليه أنت بالذات أبيك لها وو...

ألتفت له شاهيّن بنصف جسده وهو يتنهد وقاطعه بهدوء : أخبر كل هالحكي يا صقر ، ماهو بأنت الي ترخص عيونك وأخبر محد بأغلى مني عندك غيرها ، ولكن ياخوك كم مرة عدنا وزدنا بهالحكي ؟ أنا ماني بوادي الزواج وأنت لك سنين ما لان رأسك لأجل تستوعب

قاطعه بقهر وهو يمسك ظهره بتعب : إي والله إنك صادق الحجر يلين وأنت ما تلين يالمتحجر والله إن قلبك حجر ورأسك حجر ومحد يأخذ منك شيء ماودك تعطيه

أبتسم بسخرية وهو يحك طرف جبينه بحركة مستفزة وقال : وبلاك تبي ترمي أختك شر هالرمية على واحد رأسه وقلبه حجر ، غير الوجهة ورح لحرب أبو ضحكة تشفي الجرح ، أنا أمور النسّاء ودربهم ما أجيه وأنت بنفسك تعرف فلا تزيدني ضيّق والله حيلي منهد ومن أيام ما هدأ لي ضلع
#هوى_ديار_الليل



-

دخل المغارة المنحوتة بأكثر اليدين خشونة وصلابة بهالمنطقة ، المغارة الي إستمر حفرها وبناءها بالشكل المطلوب شهور طوويييلة واللي على مدخلها كان منحوت شكل الذيّب اللي تعرض لشاهيّن وصقر قبل شهور وحاول ينال من صقر لولا الرصاص الي صابه فيه شاهيّن والي من بعدها علقه على المغارة أسابيع نكال له ولكن بعدما إنتهى من نحته قرر يرمي جثته ، وصقر لما لمح المنحوت تسلل الرعب لقلبه كونه كان متقن بشكل مخيف جداً وكإنه ذئب حقيقي
وقف على مدخل المغارة وهو يستند بجزءه اليمين على طرفها ويتنهد بضيّق : حرب له بقلبي مكانة محد يعلمها إلا الله ، ووالله وربي يشهد إني أعزه وأغليه وعاد ربي أعطاه القبول هالرجل ضحكته تهد الجرح وقلبه حنيَن ووجه عطوف ويحب خلق الله ويحب مجالسهم وإجتماعي وشخصيته تنحب عكسك تماماً يا وجه الحجر

ناظره شاهيّن بطرف عينه وكإنه ينبهه عن" مادام كل هالصفات فيه ليه ناشب لي أنا" واللي فهمها صقر على طول فأبتسم بضحكة ورفع كتوفه بعشوائية وهو يتنهد ويقول : بس أغليك أكثر منه ومحد يفهمك كثري ، وأنا ودي يخالط هالقسّى الي بقلبك ليّن ، والله يا شاهيّن محد بكاسر هالرأس الي مبني من حجر غير مرأة ومحد هاد حيلك غيرها ، حنا ما قوينا وهي بتقوى

ناظره بعدم إهتمام وهو ينحني قدام قدر الماء ويغسل وجهه بهدوء وسط إقتراب صقر منه الناقد : أنت مابعمرك نمت ولا قيّلت وقت المغرب ، علمني اليوم بعد مشيت تسد وتصلح بعد؟

هز رأسه بإيجاب وصقر تأفف وهو يمسح على وجهه بضيّق : يارجل متى بتقطع عمرك من هالأمور ؟ تقاتلو تبارزو تناحرو منهم لله وش عليك منهم ؟ أنت من أصلحت بين قبيلتكم وقبيّلة الساري وهم معتبرينك شيخ المصلحين وهادين حيلك بكل مجلسك تركض ورى قضاياهم وتحلها لهم ، ولنفسك ولأهلك عليك حق ياشاهيّن لك منهم شهور طويلة تشوفهم يوم بالسنة بس وتلقاهم هاللحين ناسين وجهك
بعد بكرة بتقوم الدنيا ويمكن ينتهي عهدنا وأنت للحين ...

قاطع كلامه وقوف شاهيّن الي تنهد وهو يمسح وجهه بطرف كمه المتبعثر ويقول بهدوء : صقر أنت ما تعرف تسكت ياخوي ؟ أنت تنكتم طوال فصول السنة وتجي تفك لسانك على رأسي ؟ ياخوي خلاص رأسي مشتعل نار وجسمي منهد ومالي قوة ، لي خمسة أيام مانمت وأنا من مجلس لمجلس خلني أجلس وأعين من الله خير

تنهد وهو يسكت بضجر وأخذ يكتف يدينه ويقول بقهر : والفطور الي متعنيّة عليه سُهاد ؟ تبينا الحين نفطر على الحجر حقك ؟

#هوى_ديار_الليل



-
تنهد بضحكة وضجر وهو يبتعد عنه ويدخل للمغارة أكثر وهو يتجه للسراج الصغير ويشعل الفتلة بإتقان وسرعة كبيرة بحكم تعوده وأخذ يقترب من المكان اللي صقله بإحترافية كمطبخ صغير بطاولة من حجر في الوسط ودافور صغير على جنب ، أخذ يسحب القماش من على الصحن الكبير ويرفع الصحن وهو يتقدم لمحل الجلوس ويجلس بهدوء وهو يناظر لصقر المنبّهر : هذا الفطور من وين يالسلوقي ؟

ناظره بطرف عينه وقال وهو يتعدل بجلسته ويوقف : جلوي كان ضيفي قبل تقبّل ، وقبل تسأل سبّب زيارته كان سبّبك أنت بعد

خرج من المغارة وتأمل المغيّب وتسلل الخيط الأسود من بين الخيوط البيض معلنة إنتهاء وقت الصوم وبذلك كبّر وبدأ يلقي الآذان على مسامع صقر اللي جلس وإستمع له بخشوع وصمت ، فكون المغارة بعيدة عن المساجد كان شاهيّن هو اللي يآذن ويراقب أوقات دخول الصلاة اللي تعلمها من إمام حارتهم
بعدما إنتهى جلس قبال صقر وأخذ يدعي بما تشتهيه نفسه وسط سكون صقر وتأمله الهادي له ومن إنتهى رفع رأسه له ولاحظ نظراته مع ذلك ما تكلم ، سحب دلة القهوة وأخذ يصب لهم بالفناجين واللي إنتشرت رائحتها بسرعة الضوء بالمكان وأنعشتهم وأخذ يبدأ فطور بالعجوة واللي حرص جلوي على زوجته لأجل يكون النصيّب الأكبر لشاهيّن ، بعدما أفطر ناظر لصقر الي مازال يتأمله وتنهد بضجر وهو ينزل الفنجان ويقول بتأفف : موضوع الزواج لو تفتحه من جديد فتحت رأسك وعلقته بدال هالذيّب ، قلت لك أنا علاقتي بهالجنس صعبة وقاسية حيل ياصقر وأنت تشهد ، لا توجع أختك مع شخص مثلي وأنا والله لولا حدودي كان شريتها بماء عيني وماهيّ بأخت صقر اللي تنرد ، ولكن خبرك قديم وعتيّق وهي تستاهل شخص يداريها ، وأمّا مسألة رجوعي للديرة فأنا بكرة راييح وعلى سيارتك بعد ولك من هاليوم ليين بعد العيد متفرغ لك ولأهلي ولنفسي وللديرة ، بخاطرك شيء بعد ؟

تنهد صقر برااحة وهو يضحك ويضرب فخذ شاهيّن بقهر : لي ساعة ياللي ما تخاف الله عاقد النونة ومنتظرك ، وأنت تشرب وتأكل ولاعليك مني
صدقني لو بقيت دقيقة بعد قمت وغرقتك بدلة القهوة الي تليّت قلبيي بها

أبتسم بهدوء وهو يقول بخفوت : وأنا لو ودي أقسى عليك يوقف قلبي ضدي ياصقر وأنت تدري

أبتسم وهو يحرك حواجبه بضحكة ويقول بعدما أفطر وبّل ريقه : وبإذن الله بنلقى اللي ما تقدر تقسى عليها والي تهد حيلك

ضحك شاهيّن بقلة حيلة على إصرار صقر على هالموضوع رغم رفضه الشديد له ، رغم عرض أكابر الشيوخ الي ينصد لهم بناتهم وتكفلهم حتى لكل الزواج ، رغم كثرة البنات حوله واللي يعرف إن قيمتهم كبييرة وإن هالشيوخ ماقللو من قدر بناتهم يوم قالوله عنهم
#هوى_ديار_الليل


-
".. ولكن كان يدري إن قدره كبير بعيونهم لدرجة ودهم يكون نسيبهم ولكنه مُعرض وكارهه لهالطريق ولاوده يمشيه ولا ينتمي له لإنه "يظن"إنه وجع رأس وهو رجل مشغول وباله ضيّق وصدره ماهو بشمالي أبداً والكل يعرف بأطباعه مع ذلك مصرين عليه وأولهم صقر اللي قال بحالمية : بكرة يصبح الصبح على الديرة بأحلى الأوصاف

ناظره بإستغراب وصقر أردف بإبتسامة عريضة : بكرة بنت مهاب بتشرف الديرة

ناظره شاهيّن بحّدة كونه تطرق للموضوع من جديد وبعدها شتت نظراته للمكان يحاول يدعيّ عدم الإهتمام برغم إكمال صقر للكلام : تصدق لهم من بعد عيد الفطر السنة الي فاتت ماجاءو ، وعاد هالديرة مشتاااقة والله يا شاهيّن

مارد عليه شاهين وهو ملتزم بصمته وعدم إهتمامه وصقر مازال يحكي عن غرُور بطلته الوهميَة والبنت الي تصغرهم بسنيننن طويلة وتكون بنت عم شاهيّن ، كان يستمع لصقر ومواويل الحب اللي ما تنتهي والي برغم إنه قوم قيامته وكسر حيله وأهلكه من غضبه وهو ينهاه عن فتح موضوع بنت عمه معه وحبه لها كونه يحس الغيرة تنهش عظامه على محارمه وأهله ولكن صقر كان مصُر يفتح قلبه لهالشخص بالذات
لإنه الوحيد الي يحس فيه وينتمي له ! ورغم إنه هالحب طيش ومراهقة إلا إن شاهين كان يحاول بكل قوته يغض الطرف عن هالموضوع لدرجة "ظن"إنه ماصار يلقي له بال متناسي النار الي تكوي ضلوعه كوي ، من بدأ صقر يتكلم عن جيتها وعن إقتراب رجوعهم للديرة وهو يبتعد بتفكيره بعيد عنه ويسهى عن الموضوع ويفكر بأشياء يعتبرها أهم بكثير من مواويل الحب التافهة والي الخوض فيها ماهو بأطباعه أبد ، مازال يظن من قديم الأزل إن الحب ماهو إلا مضيعة للوقت ومهزلة ولا يعترف به أبداً لأسباب تخصه ..
—
—
إنتهت ليلتهم بين سواليفهم الي ما تنتهي ، وبين ساعات النوم والذكر والصلاة والسحور في ظل الأجواء الروحانية، أشرقت شمس الخير وبثت أشعتها على المكان ، تحكي بذلك قصة غزل طويلة إمتدت عبر سنين كثيرة بينها وبين صفحات الأرض ، وبعدما وادع شاهيّن مغارته ركب السيارة بجانب صقر اللي يدندن ويبتسم بين كل لحظة ولحظة وسط إبتسامات شاهيّن الخافتة والي من لما قربّ من الديرة قال بضحكة متهكمة: فرحتك لي ولا لبنت العم ولا لإن الدنيا بكرة بتقوم ؟

ضحك صقر من قلبه وقال بعدما دخل الديّرة ووقف بالسيارة وألتفت لشاهيّن وهو ينزل : بتعرف البلاء هاللحظة ، أنت بعيد عن الديرة وماتعرف وش صاير فيها

قبل يرد شاهيّن ألتفت بإستغراب للمكان اللي فعلاً وكإن أحد رامي قنبلة وإنتشرت أشلاءها بالمكان على هيئة ناس
#هوى_ديار_الليل


-
-
كل أهل الديرة مجتمعين بالسوق الكبير ، وكل قرايبهم البعيدين تقاربو وصارو هالأيام بوسط الديرة بعد حرص أهاليهم على قدومهم ، وماكان لأجل عيد الفطر الي ماباقي له غير أيام ولكن لأجل يوم بكرة ! اليوم اللي خايفين من وصوله وخايفين من الشمس الي بتشرق فيه
هز رأسه بإستياء وقال وهو يتنهد : متى بتتجملّون بالعقل ياديّرة الليل ؟ والله محد بخايف ولا طاق خبر بهاليوم غيركم ، حتى القيامة جعلتوها بتقوم ببكرة ، ياويلكم من الله

ضحك صقر وهو يسحبه معه ويقول : إسكت لا يسمعونك بس والله ماغير يفرشونك هنا ، يارجل لاحظ حتى سيقانهم ترتجف كلما تذكرو بكرة

ضحك بهدوء وهو يأشر عليهم ويقول : ويعني جايين السوق يعبون بيوتهم ؟ يعني بكرة ماهم بميتين ؟

رفع صقر كتوفه بعشوائية وهو يقول : يارجل محد يعرف وش بيصير ، الي يقول القيامة والي يقول البنزين بينقطع والي يقول الكهرباء بتنقطع والإتصالات والأكل معد بنشوفه والي يقول بيهجمون علينا اليهود
محد يدري وش العلم الأكيد

تنهد بإستهزاء وهو يمشي مع صقر بشوارع ديرة الليل ، اللي غربّ نفسه منها ليالي طويييلة وماهو بقصد منه كثر ماهو إجبار وقل وقت وضيّق حال ، تغرب بسبب الناس اللي يلجئون له من كل ديرة يقصدون حكمه ويطلبونه يصلح بينهم بعدما إنتشر إسمه وصار أشهر من النار على علم بهالموضوع ، لذلك نسى نفسه وأهله في سبيل الناس
بوسط مشيهم بالديرة اللي مشتعلة من شدة الناس فيها واللي كل شوارعها مزدحمة والحياة فيها تنبعث بكل بقعة كان يقول بنفسه"كيف بينطفي ضي هالديرة بليلة يس ؟ ياقل حكمتكم يا أهل الليل"
بُترت أقدامه وسط عُقدة حاجبه المخيفة وإستنكار صقر والي قبلما يتسائل عن سبّب وقوفه الطويَل لإنه كان يوقف للحظات يسلم ويرد الترحيّب ويمشون ، ولكنه هالمرة طوّل بوقوفه! أنفجع من ملامح شاهيّن اللي تحولت للحدة بجزء من الثانية ومن غير سبَب صريح وواضح ، هو يعرف إن شاهيّن مزاجي وعصبي بشكل غريب ولكن يكون له أسبابه ، ولكن بوسط هالمكان وبلحظة مثل البرق وش الي بيشعل نار هالقلب يا شاهيّن ؟
إنبترت تساؤلاته بصدمة وهو يشهق ويرجع لورى لما إندفع شاهيّن للأمام وهو يتشبث بقوة بياقة الرجل اللي أمامه واللي من لمحه ناظره بفجعة وصدمة وحاول يفلت منه ولكنه عجز ، بحكم بُنية شاهيّن الجسدية والي تفوقه بكثييير ، حاول يتكلم ولكِن شاهيّن ضغط على رقبته بكل قوة وهو يناظره بحدة ومن شدة قهره تورمت الأوداج المُحيطة بـ عُنقه وهو يقرب منه ويقول بهمس مقهور : كرر كلامك يا سلمان الخسيس ، كرره لو ودك تموت قبل العيد

#هوى_ديار_الليل



-
تحول وجه سلمان للسواد من الإحراج والقهر ومن تجمّع الناس حولهم وهو يحاول يفلت من شاهيّن اللي ظهر له من العدم والي ماتوقع وجوده أبداً : فكني ياشاهين لا تفضحني وتفضح نفسك

قرب منه وهو يكرر ويهمس بقهر : أنا سيرة أختي على لسانك ، أنا شاهيّن بن عسّاف آل جلوي أسمع طواري أختي على لسانك يا للي ما تستحي ؟ ناوي تموت ؟ ناوي أبني قبرك هالليلة؟

سلمان اللي تصدد وهو يبتلع ريقه بصعوبة بعدما قال كلامه لصاحبه بعفوية وما توقع أبداً يكون شاهيّن وراه ، كان يلوم حظه اللي ترك شاهيّن يوقف وراه من بين الخلق كلهم ، ووقف بالضبط وقت قال " وخلنا نروح نتسلى عند أهداب اللي تتَل القلب والله يا جلوي سوى فينا خير لما ترك طواريها تدور بالمكان عالأقل تستشف قلوبنا بمكانها ولا وجهها بالجنة"
ضغط أكثر على ياقته وضربه بكل قوة على بطنه بيده اليمين وقلبه يشتعل قهر وضيَق ، عيال ديرتي يحكون في أختي ؟ ويل قلبك يا شاهيّن
وويل حالك ياسلمان
ضربه أكثر وسط سكون الجميع وعدم محاولتهم لفكهم عن بعض حتى صقر اللي من شدة الصدمة واقف ويراقب ، يناظر لسلمان اللي يتلاعب به شاهيّن على يدينه وكإنه من حجر من أحجاره اللي ينحتها بسهولة ، أقترب منه صاحب سلمان وهو يحاول يفكه ويقول : لا تبتلي فيه يا شاهيّن فك الرجل وكبّر عقلك ، نعرفك حكيم

ناظره بعصبية تراجع خطوة لورى بذهول من غضب شاهيّن العنيف والي ما يظهر إلا إذا انهارت الدنيا على رأسه ! قال بتردد وهو يهمس له : سلمان ماكان يقصد أختك بذاتها ، أنت رح للشارع الي فيه محلكم حق الذهب وتعرف !

بقى يناظره بحدة للحظات معدودة ومن بعدها ألتفت لسلمان الي يتنفس بصعوبة ويحاول يفك نفسه ، ومن بعدها فلته بعشوائية وناظره وكإن شياطين الكون تسّتل روحه من شدة غضبه ، يغااار ويحترق من الغيرة على محارمه ، طواري إسمهم على رجل غريب يكفي لأجل يقتله فكيف بهالطاري !! أبتعد عنهم بعدم إهتمام لنظرات اللي حوله واللي ماكان يعيرها أي أهمية لا من قديم الأزل ولا بهالوقت بالذات ، يحبونه كلهم ويقدرونه ويعرفون حجمه المهم بهالديرة وبهالقبيلة بالذات ، ويعرفون إنه لاعصبّ ينتهي العقل عنه وتنهار حصون حكمته ولكن غضبه يكون له سبب مقنع لأجل كذا محد يتدخل !
تعداهم بخطوات متزنة وبنظرات حارقة ووجه متجهم من شدة الغضب اللي يفتك برأسه ، وصقر تبّع خطواته بإستنكار شديد وعدم فهم يسيطر على عقله ! وش الي أشعل قلب هالرجل البارد بثواني معدودة؟
وقف وهو يعقد حواجبه لشاهيّن الي وقف أمام محل الذهب ولكن عيونه للمكان الي يواجهه ، وزادت حدته وتراكم الغضب بروحه ..!
#هوى_ديار_الليل


-
-
أقترب بعجلة ووقف جنبه ، ومن لمح المكان اللي يدل على إنه لبقالة بسبب الأطفال الي منتشرين حوله ناظر للوحة ومن لمح إسمها الي كان " بقالة " وكلمة " هدب " منتشرة بكثرة على باقي الللوحة "
حتى كتم ضحكته لجزء من الثانية قبل يقول شاهيّن بحدة : لا أسمع لك نفس

حتى أنفجر يضحك بكل قوة وهو ينحني ويثبت يدينه على ركبه وينخرط بموجة ضحك هائلة واللي صار يكح بسببها ويشهق ويمسح دموعه وسط غضب وقهر شاهيّن اللي أشتعل من جديد ، "وش هالسوايا يا أهداب ؟ وش لعب الأطفال الي تعيشونه ؟ يعني أهد حيّل رجل لأجل هاللعبة وتنجاب سيرتك بكل مكان بسبب هالسوايا الي يضحك خويي علي بسببها؟"
رفع رأسه صقر وهو يمسح دموعها ويقول بصوت ضاحك : والله قوية يا أهداب ، الا تمشي كلمتها وتحط البقالة بإسمها
وهاللحين أنت معصب بسببها ؟ لو أدري كان قايَل لك بدال ما تكسر عظام هالمسكين

تأفف شاهيّن وهو يمسح وجهه ويتجهه للبرادة الي كانت بجنب محل الذهب وأخذ يرمي الماء على وجهه بعشوائية لعلها تطفي غضبه وسط ضحكة صقر اللي قال بعدها : يارجل الناس خايفين على نفسهم من بكرة وأنت مازلت تغار حتى على إسم أختك؟

مارد على صقر وهو يحاول يجمّع أعصابه اللي تلفت قبل يروح يقتل أهداب ويرتاح من هالمهزلة اللي سببّتها له
وقف وهو يمشي بإتجاه بيتهم وسط سوالف صقر اللي تطرق لموضوع غرور من جديد وهو يضحك ويقول : تعرف ؟ هي لها سنين تغطت فيها عننا ما أدري للحين تتذكر سواياها فيني ؟

وقف شاهيّن بإستغراب وألتفت له بعدم فهم وصقر ضحك وهو يرجع شماغه للخلف ويأشر على الجرح الي بوسط رأسه ويقول : الحجر اللي فجرت بها رأسي وهي طفلة ، لا تقول نسيت حتى أنت كنت معي ، وكاني أنا وياك نتهاوش على الكورة لين فجرت رأسي الخبلة

تخبَت إبتسامة هادية بثغر شاهيّن ولكن بسرعة البرق تلاشت وهو يحكم عقله ويلتفت لصقر وهو يقول بهدوء : تعرف ليه كنت بصير قاتل قبل دقايق ؟

ناظره صقر بإستغراب وأردف شاهيّن بضيق : لإن سلمان جاب طاري أختي على لسانه ياصقر ، طاريها بس كنت بسببه بصير قاتل ، ووالله وخالق هالكون وباسط هالأرض لو إني ما أعرف نيتك وقلبك الطاهر كان دمك مسفوك ورقبتك حدّها السكين ، هذولا محارمي وعرضي يا صقر والله إن كإنك تستل روحي من جسمي وأنا أسمعك تحكي عنهم بطاري هالحب الي الله ينهيه من الوجود
يارجل فكني من هالطاري قبل أبتلي فيك معهم ، لاعاد تجيب طاري بنت العم على لسانك قبل أقصه لك
#هوى_ديار_الليل



-
ناظره صقر بطرف عينه وما فكر يتكلم أبداً لإنه يعرف إن شاهيّن وصل لأقصى مراحل غضبه لذلك ألتزم الصمّت لإنه إستشعر إنه فعلاً زودها وبرغم غضب شاهيّن بكل مرة كان مصر على فتح الموضوع معه وشحذ طاقته وشاهيّن كمل الدرب مشي وهو يتجه لبيتهم وناوي نية على أهداب الي أستغفلته وإستغلت غيابه ونفذت اللي ببالها برغم رفضه الشديد له !

—
—
بوسّط السيارة اللي تحتضن بداخلها أجسّادهم اللي تحمل بداخلها أرّق الأفئدة ، وأكثرها غرور وسيطرة وحنيّة

كانت تستقر بجسدها الممشُوق على المقعد الخلفي وترمي أطراف ليلها الأسود للخلف بعبث وهي تناظر بغرُور لأختها اللي تأففت بصمت وهي تبتعد عنها وتزحف للشبّاك الي على جهة اليسار وهي تستند برأسها عليه بعشوائية بينما تحرك خواتمها العشرة بحركات عشوائية، وسط حرص أمهم الي قالت بغضب : غرُور لفي شعرك عن أختك وتغطي قبل أجيك أنتف شعرك شعرة شعرة ، نعنبو حيّك الرجال مليانين الشارع ماعاد فيه حيَاء

ضحكت بعبّث ضحكة شيطانية وهي تلعب فيه بعشوائية وتقول : لاتنسي إن غالب مشتري راحتنا وهالسيارة مغيمة يعني محد بيقدر يشوفنا ، ولا يا أبو غرور ؟

ضحك بهدوء وهو يهز رأسه بإيجاب وهنا تساهيّل " أمهم" قالت بغضب أكبر وهي متحملة تصرفات غرُور من بداية سفرهم للديرة وطوال الوقت كانت تحاول تمسك أعصابها ولكنها فلتت بالنهاية : محد نافخ ريشها غيرك ياغالب ، فقدت السيطرة عليها بسببك - إلتفت لغفران الصامتة وتنهدت بضيّق وهي تقول - عالأقل عط من دلالها لغفران الي مالها حس والي مأكول حقها

رفع رأسه بحرص وهو يلتفت لغفران اللي حتى لما سمعت إسمها ماكلفت نفسها ترفع رأسها وتستمع لهم ، قال وهو يناديها بهدوء وكلام أمه من هالناحية يهز قلبه دائماً يخااف يفرق بينهم أو يظلمهم : غفران لها عيوني يا يمة ، والله لو تطلبها هاللحظة ما تغلا عليها ولو إني مقصر عليها تقص من رقبتي وتأخذ حقها - سألها بنبرة أبوية حانية - مقصر عليك ولو بطرف أنملة ياخوك؟

وهنا إستعدلت بكامل جسدها وألتفت له وهي تبتسم بهدوءها الطاغي وقالت بحب وهي تتأمل حنيته الي مغرقة عيونها : لاوالله ، خيرك مغرقني وزود ياعيوني

أبتسم براحة وألتفت لأمه اللي سكتت وسرعان ما ضحك ضحك خافتة لما ألتفت يدين غرور على رقبته من خلف المقعد وقالت بعتب وبنبرة بها لوم مغلف بالضيق : هي لها عيونك ، وغرورك؟ يعني كذا تقلب علي عشان أمي وأصير برف الإحتياط ، خابت الهقوى ياغالب

ضحك أكثر وهو يقول : أنتي غالب يا غرُور ، أنتي كله والله أنتي القلب والروح والفؤاد والرئة ولو تبين الكلية بعد ولايهمك

#هوى_ديار_الليل


-
ضحكت ضحكة صغيرة من كلمته الي أرضتها وهي تميّل رأسها على طرف المقعد بحركتها الطفولية اللي أعتادها غالب من سنين طوييلة وهي تسولف معه بينما هو مندمج معها ويناظر لوجهها من المراية الأمامية وبين كل لحظة ولحظة يبتسم بهدوء وإفراط ، كانت دائماً البسمات تتخذ منحنى كبير بصدره وتستقر مجبورة عل ثغره من تبدأ تسرد سوالفها على مسمعها ، فلذة كبده وحبيبته وبنته وأخته ، لها بقلبه منزلة ما بلغها أي بشري سوى غفران اللي تشاركها نفس الحب ، ولكن غرور كانِت المسيطرة تعرف كيف تحببّ بنفسها !

من بين سوالفهم ميّلت شفايفها بزعل لما نهرتها أمها وهي تقول : أقولك بنجلس لبعد العيد ، أعمامك وش بيقولون جاييّن قبل العيد بكم يوم ومن صار يوم العيد هجو بالليل؟ عيّب عيّب
غالب خل لك كلمة عليها ، حنا نهجرهم شهور طويلة ومن بعدها عشرة أيام ما نجلسها
ياولدي أهلك لهم حق عليك ، لا تزيد الهجر بينكم لا تطول المسافة يكفي الخطوات الطويلة الي بينكم ، يكفي السنين المرة مادامك تنازلت وجيت هالعيد كمل جميّلك

قالت غرور بضيّق وهي تتأفف من الوضع : يمة أنتي ما تدرين وش هالعيشة الي عايشينها ، يعني حتى التلفزيون منقطع أصله عندهم ، وبس أجلس أناظر بالسقف وروحي تعتل عندهم ، لاتقولين شوفي أختك وتعلمي ،غفران مختلة عقلياً طوال حياتها تناظر للسقف بس ! عشان كذا مارح يتغير عليها الوضع .. يكفي جايين قبل العيد بأسبوع وياربي تعديها على خير أنا مدري كيف بكملها بسبب إزعاج غنمهم ودجاجهم الي يصيح من الفجر وديكهم الي ما ينام وعاد جدي يبي يسوي فينا خير ويأخذنا للبقر والإبل حقته يظن إنه يودينا لباريس وييبينا نشق الضحكة ما يدري إننا ماسكين بكاءنا عشان ما ننحرج بس

غالب الي أنزعج من كلام أمه وما وضح ، ليّن عليه الوضع كلام غرور ونبّرة صوتها اللي ضحكته ولكنه كتم ضحكته بصعوبة
رفع عيونه للمراية لما ضغطت على كتفه وهي تميّل شفايفها بطفولية وتناظره ببراءة وهي ترمش بحركة سريعة كحركة إعتادها لإستدراجه ولما هز رأسه بالنفي وهو يأشر بعيونه لأمهم وكأنه ينبّبها بإنه" إقنعي أمي " إلا إنها هزت رأسها بالنفي وهي تقترب وتهد آخر حصونه ب "قُبلة الكتف " اللي تكسر كل حواجز الرفض بينهم ويخضع بأكبر مقاومته لما تكمل هالخطوة ب : تكفى يا أبو غرُور

تنقطع كل سُبل الرفض وتنفتح كل أبواب الموافقة على مصراعيها ، كانت دائماً تلجأ لهالدرب لما تلاقيها يعاند أو يرفض وهو بعدها يعانده حتى قلبه لأجل يرضخ لها ..!

#هوى_ديار_الليل


-
-
من لما أبتعدت عنه حتى قال غمز لها بإبّتسامة بمعنى " على عين أبو غرُور " وهنا ضحكت ضحكة صريحة تركت أمها تتأفف بإنزعاج لإنها عرفت إنه وافق لها وهنا رجعت غرور ظهرها للخلف وحررت عُنق غالب وهي تلتفت لغفران وتقول بضحكة : وش رأيك ؟ يلا كسّبت التحدي ومن توصلين تحلبين بقرة جدك ولا سحبتك مع شعرك

ناظرتها غفران بطرف عينها وكتفت يدينها وهي تقول : قلت لك لا تستغلين إسمي وتجيبيني بالطاري وجبتيني ، عشان كذا خسرتي أنتي ...

سكتت بصدمة لما تمسكت كفوف غرور بحجابها وسحبته بقوة وهي تشد شعرها : أقولك خسرتي أنتي يعني تحلبين البقرة وحتى الغنم وجدتي بعد

إنقضت غفران عليها بعد وهي تودع هدوءها اللي ما يقدر يكسر حاجزه غير غرُور وهنا بدأت المعركة كالعادة وبدأ صوت أمهم يعلى وهي تحاول يفلتون بعض ولكن لا حياة لمن تنادي ، وسط صمت غالب وغضب تساهيّل أمه اللي قالت بغضب : هذي نهاية دلالك لهم ، فضحونا بشوارع الديرة فكهم من بعض قبل نوصل لبيت جدك وتصير سيرتنا بكل لسان ، تعرفهم فضايح والله ما يفكون بعض غير بوسط بيت جدك

شهقت وهي تحط يدينها على صدرها وتقول : هذا هو بيت جدك ، ياويلي قصرو أصواتكم ياقليلات الأدب - إلتفت لهم بغضب - غرور فكي شعرها غفران بعدي عن أختك

ولكن كانت أصواتهم تعلى بقهر من بعض ، ومن توقفت السيارة حتى قال غالب بهُدوء : ماعاد لوجودي إحترام ولا عاد لي إعتبار ؟

من إنطلقت الجمل من ثغره حتى تباعدو عن بعض وهم يرتبون شكلهم ويناظرون لبعض بغضب ولكِن كلام غالب أجبرهم يقطعون هوشتهم المعتادة ، تنهدت تساهيّل وهي تحط يدينها على بعض وتقول : مافيهم أمل ياغالب
والله ضاعو ولاعاد عليهم قدرة

ألتفت لهم غالب وناظرهم بهدوء وعتب وهم ملئهم الإحراج وشتت غفران نظراتها بضيّق وهي تلوم غرور على تحديهم السخيّف
ولكن غرور ناظرت لعيونه وهي تبتسم بغرورها المعتاد ، ماكانت تكسر نظراتها أبداً ماكانت تشتتها ولا تنزلها للأرض بخضوع .. كانت العيون تخضع لنظرتها داااائماً
سواءً عتب ولا ضيّق ولا فرح، ولاحتى إستدراج للعطف كنظرتها اللي رمتها لغالب واللي ماكان يقوى عليها هي بالذات لذلك إنكسرت نظرته وأبتسم بتنهيّدة وهو يهز رأسه بتنهيَدة : الله يعين قلبي عليك يا غرور ، محد يكسر نظرتي غيرك
إنزلي أنتي وياها ولا أشوف الهواش هذا ببيتهم ، جايين عشان ما نقطع الرحم ولا نأخذ ذنوب القطاعة ولا والله ما خطت رجولنا لهالمكان

فتحت تساهيّل الباب وهي تقول بغضب : غالب ، لا تفتح هالسيرة من جديد ياويلك لو أسمع هالحكي قدامهم

تنهد وهو يفتح الباب وغرور أخذت تلف حجابها على شعرها بعشوائية

#هوى_ديار_الليل



-
سحبت غُفران خصل شعرها الخارجة من تحت الحجاب وهي تقول بضحكة ساخرة : ناسيته يالزينة !
تأفتت غرور وهي ترفع شعرها الطويّل وتثبته بيدها وهي تتغطي وتنزل ، وبلحظة نزلوها أخذت نفس وشتت نظراتها للمكان وهي تميّل شفايفها بإنزعاج، ما تستطلف هالمكان ولا تحبّه ولا يستهويها من سنين طويلة مالقت شيء يلفت إنتباههها هنا مالقت شيء يستوجب حبها ولا مكوثها لأيام طويلة ، آخر خطواتها للمكان هذا قبل سنة وماتذكر غير هالعشرة الأيام الي بقو فيها وإنتهت بغضب غالب كالعادة ورجوعهم وسط ضيّق جدها وإبتعادهم عن هالمكان سنة
وما تدري ليه جاءو هالعيد برغم عدم جيتهم بعيد الأضحى ، ماتعرف ليه تنازل غالب يرجع للمكان هذا برغم عدم حبه ولا رغبته بالرجوع
هو ما يخضع أبداً ودائماً كلمِته النافذة ، هي تعلمت كُل الغرور منه فكانت تتسائل عن السبب اللي كسّر هالغرور ؟
قبل يخطون لداخل البيت ألتفت بإستنكار للخطوات الواثقة والمسموعة اللي تتجه لهم ، ورفعت عينها وهي تترقب وجه الشخص اللي يحمل هالجسد العريض والمتزن ومن لمحت تفاصيله عقدت حواجبها بإستنكار شديد لملامحه الغاضبّة ونظراته المرعبة الي تحمل كم هائل من الغضب وكإن شيطان متربص بها
وكإنها ألسنة نار مشتعل تخضع كل من حولها ،
تعجبت من العروق البارزة بجبهته والي تنبض بشكل عنيّف وأيقنت إن مُسبب هالغضب رح يكون مدفون هالليلة لامحالة ، بقت مكانها تترقب وجهة هالشخص ووين بيتجه كونها تناست ملامح وجهه وعجزت تميز هويته ومن لمحته يتقدم لها كتمت شهقتها بصعوبة وغمضت عيونها برعب لما تخطاها بعدم إهتمام سرت قشعريرة عنيفة بجسدها ولفت يدينها حول ذراعها وهي تفتح عيونها بخوف للشخص اللي قصّد بيت جدها .. وعلامات إستنكار هائلة تغزو أطراف رأسها ؟
إلتفت من جديد وهي تلمح " صقر " اللي يمشي خلفه بخطوات خائفة ومهزوزة وواضح متوتر والضيّق بادي على وجهه ونظراته تائهه ، عرفته من أول لمحة كونها قابلت وجهه مرات عديدة كيف لا وهو ولد جارة جدها ، وكيف لا وهو يرمي بوجهه قدامها بكل مرة يسمع طواري إسمها فيها
لما ميّز صقر غالب اللي وضح على ملامحه الإنزعاج والغضب من شاهيّن اللي تعداه ودخل البيت بدون ترحيَب ولا حتى سلام حتى إبتهجت كل خواطره وضحكت روحه وهو يتلفت يدور بعيونه على محبوبته المغرورة ومن لمحها تناظره حتى توهج قلبه وخبى ضحكته بصعوبة وهو يلمحها تبتعد عن مكانه وتمشي بعدم إهتمام
أبتسم وهو يقبَل ويرحبَ بغالب وهو يقول : يالله إنك تحيييّ طويل العمر ، وينك يارجل تعبت قلوبنا بفراقك

أبتسم بتحفظ وهو يقول بهُدوء: الله يحيك وماظنتي والله فقدتوني
#هوى_ديار_الليل



-
إستوعب صقر إنه يقصد شاهين فضحك وهو يسلم عليه ويحبّ خشمه وهو يقول : ماعليك هاللحين مايشوف شيء من غضبه ، من يهدأ بيبدأ يستوعب

تنهد غالب وهو يقول بسخرية : شاهيّن وأطباعه الي ما تتغير

ضحك أكثر وهو يربت على كتفه ويقول : جاييَ قبل موعدك بخمسة أيام ، لايكون طواري بكرة تركتك تجر الخطاوي لنا

أبتسم بضحكة غالب وهز رأسه بإيجاب : والله مضيّعيين العقول يا ديرة الليل ، جدي اللي ما يرفع السماعة علي ولا يدري وين وادييّ يتصل يطلبب حضوري وحضور خواتي ويصّر علينا
والله لولا إتصاله اللي صارلنا منه شهور ماجيت ولاحتى للعيد

هز رأسه صقر بضيَق من علاقتهم مع ذلك أبتسم وهو يكمل السوالف مع غالب الي أندمج معه بسهولة كون صقر محاور جيد وسوالفه دائماً توسع الصدر ، ولكنه حرص ما يجي طاري غرور أبداً لإن إذا شاهيّن كان بيفتح له قبر ويدفنه فيه ، غالب وش بييسوي فيه ياترى ؟ هو كان يكفيه نظرة لشهور طويييلة لذلك أكتفى هالمرة وحاول يسيطر على نفسه ويذكرها بالحدود الي المفترض يتبَعها
—
—

بحدود البيّت اللي تحوفه الطمأنينة ، تسترق الحب شتلات الورد بكل أركانه ، ملتفة الجهنمية حول بوابة البيت بكل تملك وكإنها تحكي قِصة وصل إستمرت لسنين طويلة ، تحكي أجيال مرت وأعمار متفاوتة وضحكات متعششة بين أوراقها
وكإن البوابة على وشك الإختفاء من شدة إنتشار الورد حواليها ، البوابة اللي مر من تحتها إعصار غاضب متجهم وثاائر ، ماهو شخص أبسّط الأشياء تستفزه وتغيضه ولكنه شخص مايحب الإستغفال ، شخص أنقهر إنه بيكون كم شخص يضحكون عليه هاللحظة بسبب تسرعه وعدم فهمه للموضوع وهو اللي عُرف بحكمته، شخص أنحط بموضع سخرية كونه رفض تماماً يكون إسم البقالة بإسمها وشدّد عليهم ، وهي بتصرفها العفوي أشعلت القهر بصدره وأجّجت الضيق بداخله وهو بطبعه لأستقر الغضب بداخله يتجاهل كل اللي حوله ويغيّب الوعي عنه وكل تصرفاته تكون رهيّنة الشعور اللي يسيطر حتى على أطرافه
الشعور اللي أجبره يوصل لوسط هالبيت وهو جاهل عن الي حوله ، كان يستمع لضحكاتها العفوية مع عمتهم واللي من لمحوه إستنفرو ووقفو على حيلهم ، مايدرون وقوف ترحيّب بعد غيابه أو خوف من وجهه المتجهم أو إحترام لحضوره !
ولكن دخوله عليهم يجبرهم يوقفون بهالطريقة ، والي من بعدما أستقر قدامها ناظرها بنظراته القاتلة من شدة غضبه وهي إنكمشت على نفسها برجفة ، برغم عدم معرفتها لسبب كل هالإعصار ولكن الي تعرفه إن غضبه ماله سبب هيّن أببببداً !
من لمح إنكماشها قال بقهر وهو يزفر بكل غضب : لا تنكمشين وكأني بمد يدي عليك وأنا مابعمري ضربتك

#هوى_ديار_الليل


-

بلعت ريقها بصعوبة من نبّرة صوته الغاضبة والعاتبّة بنفس اللحظة ورفعت رأسها بخوف وهو أردف بقهر أكبَر وأحتدت نبرته بشكل هائل : تستغفليني يا أهداب ، تكسرين كلمتي وتهزيني قدام الي يسوى والي ما يسوى ؟ علميني أنا ماقلت لك قبل شهور إسمك لاينحط على اللوحة
أنا ماقلت لك ماودي ينجاب طاريك بكل مجلس ظناً منهم إننا نقدر نمشي الوضع ونقول يقصدون البقالة ماهم بلم بنتنا ، أنا ماقلت لك هالرجال الي هنا كلااااب يدورون للي يهز العقل من الغضب ، أنا ماقلت لك ماودي أبتلي بأحد بسبب ألعاب الأطفال الي تمارسينها أنتي وجدك
قلت ولا لا ؟

أرتجفت كل أوصال جسدها وأرتشعت أصغر عضلة وهي تحاول تشرح الوضع أو تستوعب غضبه أو تحتويه ولكنها عاااجزة ، وبقدر عجزها عارفة إن محد يقدر يحتوي غضب هالرجل أبداً
محد يقدر يهديه ولا يليَنه وهو هادي فكيف وهو غاضب ؟ إكتفت بهز رأسها بإيجاب وكإنها بهالحركة أشعلت النااار على أقوى معيار وعصفت بنفسها بأسوء حال لما صرخ بقهر وهو ينهرها : مادامك تدرين ليه تستخفين بكلامي ، ليه تفرضين رأي أنا رفضته ليه ما تستوعبون إن أسبابي ماهي بتافهه أنتي وجدك ، ماني بمتحجر ولا قليل عقل ولكني شخص أفهم الناس وأعرف نواياهم ، تستغفليني يا أهداب تظنيني بعقل جاهل لأجل تفرغين إسمك وتنشريينه وكإنك تستغفلين طفل رضاعته باقي بحلقه

تناثرت دموعها بشكل كارثي على وجهها وكتمت شهقاتها بصعوبة وهي تغطي فمها بيدينها لما إستوعبت إنها فعلاً أخطت ، ماتدري وش صار لأجل يجي بهالإعصار ويكسر كل ضلوعها بصوته ولكن الي تعرف إنه سمع أو شاف شيء يوجعه لأجل ينقهر بهالطريقة ماكانت تبي تكمل الخطوة وتكتبه ولكن إصرار جدها أرضاها وتركها تكتبه بهالطريقة ، بكت بكل قوة ووضح صوتها المبحوح لشاهيّن اللي من سمع إشتّد غضبه أكثر وقال بقهر بعدما إحتّد صوته أكثر : لا تبّكييين ما ينفعني بكاك
تمشين ورى شور جلوي وترمين شاهيّن ورى ظهرك ، مادام غايّب يعني ماعاد لكلمته سمع صح

قالت من بيّن شهقاتها وهي تحاول تجر الكلمات اللي عجزت تنسمع بسبب بكاءها : إلا لك كل السمع والطاعة

وهنا حاولت تدخل عمته واللي تدري مثل مالكل يدري إن التدخل يعني مصيبة بينصاب بها هالشخص الي تدخل مع ذلك ماقوت على صوت بكاءها : شاهـ...

قاطعها بنظرته الحادة واللي بسببها إلتزمت الصمت ، وهنا أقترب أكثر وإنجبرت أهداب ترجع خطوة لورى وهو سحب طرف قميصها بغضب : علميني وش أسوي فيك ، علميني وش اللي بيخليني أنسى الموقف السخيف الي عشته مع هالرجل ، علميني كييف بخليهم يستوعبون إن نيتك طيبة ولكنهم كلاب بقلوب سوداء علميني...

#هوى_ديار_الليل



-
-
سكت بذهول وسيّطرت الدهشة على أطرافه وهو يعقد حاجبه بكل صلابة لما تراجع جسد أهداب للخلف وإستقر جسد أنثوي صغير جداً مقارنة بجسده ، ما يختلف عن طول أهداب ولكنه كان غير تماماً عنها من ناحية القوام ، كان ممشوق وغض بطريقة مُلفتة ، ملتف بالسواد حتى عيونها غايبة عن مرأ عينه ، تقطيّبة حواجبه إشتدت بغضب أكبر وقبل يحاول ينفث نيران غضبه بالي تدخل قالت بعدم إعجاب وبنبرة طبيعية ولكنها كانت ملفتة بطريقة غريّبة : مادام نيتها طيّبة وقلبها أبيض ، ليه ما تلتفت لدمعها اللي أحرق وجهها ؟ من الي عطاك الحق لأجل توجعها بالطريقة ذي ؟

رفع حاجبه بطريقة مستنكرة وأخذ يلقي نظرات تفحصية لهالجسّد يحاول يعرف صاحبته ، نظرات تركت أقصى ضلع بجسد غرُور يرتجف بشكل واضح برغم محاولة سيطرتها على رجفتها ولكنها عجزت ، شدت على كم عبايتها وهي تحاول تقاوم وتمثّل الثبات ولكن نبرته الرجولية الرنّانة هزت كل كيانها وهو يتسائل بصوت حاد مثل حدّ السكين على الجسد : من تكونين يالغريبة ؟

بلعت ريقها بصعوبة ، ولكنها قالت بثبَات عكس إهتزاز أوردتها ، بنبرة واثقة بنبرة أنثوية برغم محاولتها جعلها خشنة إلا إن الرقة الطبيعية تغلب : أنا غرور بنت مهابَ

سكت للحظات لما تردد الإسم بعقله وميَل شفايفه بعدم إعجاب لموقفها فقال بصوت خشن مغتاظ : أجل لاهنتي يا بنت مهابَ خطاويك إعرفي وين توقفينها ، لا تجبرين الشخص على الشيء الي ما يبيه ، لا تتدخلين بشيء ما يعينك لأن النتائج مارح ترضيك

قالت بغضب وهي اللي تدخلت في الموقف اللي مر على أنظار جميع من في الحوش ، والي إجتمعو بسبب صوته الحاد واللي ما كلفو نفسهم يفرقونهم عن بعض أو يفزعون لأهداب االي مابقى على إنهيارها غير لحظات بين يدين المتوحش اللي ماهزته دموعها ، كانت حتى جدتها واقفة تناظرهم بنظرات عاتبّة ولكن ماحركت ساكن ، لذلك إنقهرت وإشتعلت قهر لما نطّق إسمه " شاهيييّن " إية هذا ولد عمي عسّاف الحاضر الغايّب ، اللي لها منه سنين والي بوقت حضورها مايكون له أثر ، الي برغم تفاوت أوقات حضورهم لهالديرة مايكون له أثر
برغم كل الأشياء الي تعرفها عنه وعن غضبه إلا إنها مارضت تتوجع أهداب أكثر لذلك إنجبرت توقف بوجهه : تقدمت خطوة ولا تراجعت النتائج كلها مارح تكون مرضية ياولد العم ، ماهو من حقك توجعها على سبَب تافهه مثل هالشيء ، مادام لها نية تشابه طهر الغيم لا تلومها على سواد قلوبهم ، كان بعقلك غضب تبي تفرغه فرغه بالأشخاص الصح لا تنشر جنونك على ..
#هوى_ديار_الليل



-
سكتت بخوف وتجرعت الصدمة وهي تنكمش بكل رجفة لما تقدم خطوة وكإنه ناويي يضربها ، غمَضت عيونها لا إرادياً ولكن بعد ثواني طويلة فتحتها وهي تشوفه يضرب الجدار الي بجنبهم بقهر ويلتفت عنهم وهو يجر خطواته الي من شدة ضربها للأرض وكإنها بتهد القاع عليهم من غضبها ، بلعت ريقها بصعوبة وألتفت لأهداب اللي من لمحت شاهيّن يبتعد عنهم حتى ركضت بأقصى طاقتها ، لوين ؟ ما تعرف المهم تبَتعد
أخذت غرُور نفس بصعوبة ولما حاولت تمسح وجهها شهقت بذهول لما إستوعبت إن الحجاب إنزاح عن وجهها باللحظة الي إنكمشت على نفسها فيها ، بلعت ريقها بصعوبة وماكانت تدري وش سبب غضبه اللي وصل لأقصاه لدرجة أبتعد عنهم ، هل بسبب كلامها اللي تربَص بشياطين عقله ولا بسبب عبّثها وعدم حرصها على التمسك بغطاء وجهها وإهمالها له لدرجة لمح ملامحها ، كانت تتسائل " هروبه كان غضبّ ولا إحراج ؟"
ألتفت بخوف لأمها الي ضربت كتفها بقهر وهي تقرصها بغضب وتهمس : ياويلك مني يابنت مهابّ ، والله ما دلَلك غير غالب اللي فقدك عقلك لدرجة تحاورين شاهيّن وتردين عليه ياللي ما تستحين ، حتى السلّلام ما سلم من فجيعته بوقحاتك ياقليلة السّنع

تنهدت وهي تدعيّ عدم الإهتمام ، وسحبت حجابها بكل حرية وهي تنزعه عن شعرها وتحرره بإبتسامة وكإنها ما تتلقى التوبيّخ من أمها هاللحظة ، رفعت رأسها للجو اللي غلب عليه الخوف بسبب شاهيّن وغضبه وقالت وهي تحاول تلطّفه وهي تنشر عفويتها المعتادة بالمكان وتسيطر عليه وتهيمن كعادة كل بقعة تجر خطاويّها فيها نبّرتها الأنثوية الرنانة صدعت بالمكان بخفة ممزوجة بثقل غريب كغرابة غرُور : أفا يا جدة ، يعني بعد غيابنا ما تستوعبون حضورنا ؟

ألتفت لها الجدة " مودة " وهي تبتسم بهدوء بعدما كان الضيَق يحوفها وقالت بضحكة وهي تفتح يدينها على وسّعها لها وتناظرها بلهفة: أسفرت وأنورت ياابعد كل الأحباب ، تعاالي يالكايَدة

ضحكت لها غرُور وهي تتقدم وتستولي على حضنها بعدما سلمت عليها ومودة تكمَل بضحكة : كااايَدة محد قدر يوقف بوجه غضبه وينهاه عن مبتغاه الي ضارب الدرب لأجله غيرك ، والله يلييّق يابنت مهابَ

ما أستوعبت غرور كلامها مع ذلك أبتسمت وهي تبتعد لما وكزتها غُفران لأجل تسلم عليها وبدأت التراحيَب اللي توهم يتنبّهون لها بعدما تربص غضب شاهيَن بأفئدتهم ، الشوق اللي تولع بقلوبهم لهالوجيه الي إنقطع الوصل بينهم شهور طويلة ، والخوف بفقدهم صباح اليوم الجديد ..!
—
—

بوسط تبادل الحديث مع صقر ، كان واقف قدام بوابة البيت العتيّق ،بوابة الجهنميّة كما أُطلق عليها،برغم كل شيء كان يحب هالشخص يلاقي فيه براءة مُزجت برجولة تليق فيه هو بس!
#هوى_ديار_الليل



-
قُطعت أحاديثهم بسبب فزة صقر ونظراته للشخص اللي فتح بوابة البيت وخرج وهو يجر كل شياطين الأرض خلفه من شدة غضبه ، دخل بإعصار وخرج بكوارث الأرض الطبيعية كلها
عقد حواجبه بإستنكار شديد لعروقه البارزة اللي صارت تنبّض بشكل هائل وأقوى من دخوله
سمع تنهيَدة صقر المكتومة لما تخطاهم ومشى من جنبهم بدون ما ينتبه لهم حتى !
أيقن صقر بهاللحظة إن لحاقه رح يسبب مصايّب أكبر ، لذلك أعتقه منه وأستأذن من غالب كون بقاءه هاللحظة ماله سبّب
تنهد غالب وهو يهز رأسه بآسى وتقدم للبيت وهو يدخله بصمت وينقل نظراته الهادية لأنحاء البيت اللي يجهل شعوره نحوه ! يحبّه ؟ ولا يبغضه ؟ هو اللي يدور بقلبه هاللحظة شوق ولهفة ولا نفور وضيق ؟
أخذ نفس بصعوبة وهو يغمّض عيونه بلحظة تراكم كل المشاعر بقلبه وإختلاطها ببعض لدرجة عجز يفهمها إستشعر إرتطام عنيف على أجزاء صدره ففتح عيونه بإستنكار شديد ، ومن لمح الجسد الأنثوي اللي مازال مستقر على ضلوع صدره والحجاب الأسود يغطي شعرها حتى تبّسم بضحكة وهو يلف يدينه على أكتافها ويقربها له بعنُف حنون حتى تقاربت ضلوعه بضلوعها وهو يقول ببسّمة رقيقة : ياسرع ما زار الشوق قلبك لهالضلوع ، كلها دقايّق

إستشعر إرتجاف هالجسّد بشكل كارثي بين يدينه وكإنه ضُرب بأقوى الوصلات الكهربائية عقد حواجبه بعدم فهم وأخذ يحرر هالجسد الرقيَق واللي يشابه بشكل كبير قامة غرُور اللي توقع تكون هي ، ولكن من رفعت رأسها حتى بلع ريقه بصعوبة وهو يرمش بذهول ، هالعيون الواااسعة اللي تشابّه عيون الغزال ماهي لغرور والله ، هالعيون حارِقة قاهِرة ومزلزلة ، وهالوجه الرِقيق ما ينتمي لغرُور وطغيان غرُور ، صد بصعوبة وهو عاجز عن تمييّز صاحبة هالوجه ولكن اللي يعرفه إنه قاهِر وموجع بطريقة تركت كل ضلوعه تنتفض ، كان لعيونها صفّ هدب يركع الي ما يركع !
أما هي من كانت ناوية تبتعد عن الشيء الي هز ضلوعها إرتجفت أوصال جسدها بسبب اليدين اللي ألتفت بكل حنية العالمين وأحتوتها بطريقة تركت كل حزن مرّها يتلاشى ويذوب وكإنه ماكان ولا صار ولا حتى سكن بقلبها ! هالحنيّة غريبة عليها هالتملك اللي إحتوى كل جسدها وغرقها بكل دفءه ماهو بقريب منها أبداً ، هي ماتعرف هالحنيّة ولا قد تعرفت عليها بأي فصول حياتها ، هالشخص ما ينتمي لها ولا تنتمي له ، ولكن ليه شعور بقلبها أجبرها تبّقى أسيرة له ؟ وكإنها ما صدقت على الله تلقاااه بعد عناء شديد ؟ كانت تجهل هويته ولكن الي تعرفه إنه مستحيل يحتويها غريب عنها ولكن صوته اللي زلزل مسامعها نفى كل توقعاتها وترك قلبها يهبّط لسابع قاع بهالأرض

#هوى_ديار_الليل
إنتهى.