الفصل الخامس
'
#يا_شامة_على_وجه_القمر_يا_قم� �ا_ورى_الليل_الضرير
'
عجزت أدور شبيه يليق بـ اوصافك ! حتى القمر ينقصـه شامه وغمازه !! 💎...
'
'
'
'
'
مهيب
ومشى مهيب لبيتهم بسرعه قبل ينتبه له احد ويفهم غلط ببنت الناس
ودخل بيتهم ونام وهو يفكر بالي صار وكانه حللم!
وكان يردد: حبة خالها..
وبدا يهذي فيها وهو يحس بغرابه لان عمره ماشاف بنت ب هالشكل
وابتسم وهو يرجع يتذكرها بشعور جديد!
اما مارية كانت مقهوره منه بس ماعندها غيره يساعدها ب هاللحظه بذات
وشغلت الكشاف بابتسامه من النور القوي الي طلع منه
وحطته جنبها ونااامت بعد ججهد وجهيد...
'—————————'
اليوم الثاني الصباح بييت ابو قايد
بدو يتعودون على الروتين الجديد
يصحون لصلاه الفجر يخلصون اشغالهم ويتجهزون لدوام وينزلون للحوش ويلقون جوزاء مجهزه لهم الفطور وتحطه بشنطه كل وحده مع مصروفها وتودعهم من عند الباب والي يوصلهم فهد ويروح بعدها لمدرسته
وجلست غيثاء الصبح كلله قدام مرايتها وهي تجدل شعرها بعد ماخلصت قسمها بالبيت
وقربت منها جوزاء بهدوء وواضح عندها ككلام!
جوزاء: غيثاء اتركي الي بيدك وتعاللي ابيك بكلمه!
لفت غيثاء بابتسامه: شعندها الاخت الكبيره تتكلمين بجديه تخوف
جوزاء بابتسامه: لان موضوعي جدي وقربي قبل اهون عنه!!
قربت غيثاء بسرعه: وشو؟
جوزاء بتردد: شوفي ياغيثاء هالموضوع كبير!
وماكنت ابي افتحه انا معك اببداً
بس اشوفك كبيره وعاقله الحين! وراح تفكرين صح
وماحبيت اقوله لامي قبلك وانتِ يمكن ماتبين ويجبرك احد!!
غيثاء باستغراب: مافهمت!
جوزاء بهدوء: كلمتني من يومين جارتنا ايمان تعرفينها!
غيثاء: ايه؟؟
جوزاء: وقالت لي ان اخوها صابر يبي يخطبك
شهقت غيثاء: وشو!!
جوزاء بحده: ررخي صوتك تجي الحين امي وتقول شفييك!
غيثاء بربكه وهي خافت انها تعرف شي: لاا لا تكفين جوزاء انهي هالموضوع قبل يكبر ويوصل لامي وابوي
جوزاء بشك: شفيكك كذا انخبصتي! وانا قلت لك شاورتك قبل اقول لامي لاني اعرف طبعك
غيثاء بتوتر: ماافيه شي بس كل مارحت لبيت ايمان اوصل شغله ولا اخذ شغله
كان يرمي كلمه ولا كلمتين
وكنت اخاف منه وترددت لو اقول لقايد عنه ويقوم يقتله
جوزاء بضيق: حسبي الله علييه!! والناس تمدح فيه وان عينه بالارض طلعت تروح وتجي!
وكملت بتفكير: راح اقول لايمان مافيه نصيب ولا تفكر تخطب رسمي عشان مانزعل من بعضض
غيثاء بخوف منه: بس اخاف يدري وبيوم يوقف ليي انا باخر هالفتره ماصرت اطلع من وراه!!
جوزاء بقهر: قلت قفلي الموضوع! وانا بتصرف واكلم ايمان وتنهي الموضوع من اساسه
والصراحه ماكنت مرتاحهه من يوم كلمتني بس مقدر اسكت وما اوصل لك الي صار وهي امانه
والحمدلله اني ماكلمت امي ولا كان صارت مشااكل
'
'
'
'—————————'
هزت غيثاء راسها ب ايه وهي عاقده حاجبها بضيق
وابتسمت جوزاء بحنان لغيثاء الي مخطوف لونها وقربت منها تكمل شعرها وهي ندمانه من جوا انها قالت لغيثاء الي الحين بتفكر فيه اكثر!
بس بنفس الوقت حمدت الله انها ماقالت لامهاا.
'—————————'
بالمدرسة.
دخلت مارية فصلها بكل فرحه وهي للان ماعطت درس بسبب ان الاسبوع الماضي كله ترتيب وتوزيع جداول وكتب وسوالف كثير تخصهم المدرسات.
مارية: السلام علييكم
: وعلييكم السلام ورحمه الله وبركاته
جلست مارية على كرسيها والطاوله الي بنص الفصل وهي تشوف النظرات الفضوليه الموجهه لها
ابتسما مارية: اعرفكم بنفسي انا الاستاذه مارية وراح ادرسكم العلوم والفقه والتوحيدد
ويلا اكتبو الجدول معيي
ووقفت بعد ما اخذت قلمها وكتبت على السبوره وهم وراها يكتبون بلغتهم الركيكه بالكتابه رغم ان اغلبهم عمره اكبر من اول ابتدائي
ورجعت تجلس وهي تتعرف عليهم كللهم وكانت ماسكه صف اول ابتدائي واول متوسط
وكملت باقي يومها بالشرح وماطولت عليهم بحكم انه اول درس واول حصه
وبعد ٣ حصص عطتها مارية لاكثر من فصل دخلت غرفه المعلمات الصغيره بتتععب وسندت راسها على مكتبها
ورفعته على صوت جمانه المبتسم والي دخلت وبيدها قهوه: تتففضللي شفتك داخلله ويلا شايله حيلك قلت اجيب شي يصحصحكك
اخذتها مارية بلهفه: اكثر شي احتاجججه الحين
وشربت منها وهي تقول: خلصتي حصصك؟
جلست جمانه على مكتبها: اليوم خفيف عندي حصه وحده قبل الفسحه وبعدها حصتين بس
مارية: انا باقيلي حصه وارتااح
ويبيلي وقت اتعود على الضغط ببالوقتت
جمانه: حااسه فييك جربت التدريس ببرا والتدريس هنا بالقرى
برا فيه ضغط من المشرفات وعدد الطالبات كثير بالفصل
بس الي يريحك عندك حصتين اربعه بالاسبوع ولفصلين بسس
بس هنا غغير الفصل قليل والمواد ككثيره وطول يومك جالسه معهم
مارية بتذكر: ايه قوليلي سالفه نقلك.
جمانه: هذا يا اختتي بيوم ال
وكملو سوالفهم عن دوامهم وكل وحده وتجربتها
لين انتهى اليوم ورجعو لبيوتهم.
وهالمره رجعو جمانه ومارية سوا لان الطريق واحد والبيوت جنب بعضها
واول ماوصلت مارية ودعت جمانه الي اخذت منها وعد تزورهم بنهايه الاسبوعع! لان مافيه احد ب هالقرية تغير معه جو بكل اجازه قصيره
وقبلت مارية عرضها بصعوبه وبعد الحاح من جمانه وهي ماتبي تثقل علييهم وهي كل يومين عندهم
'
'
'
'—————————'
وفففي بيت ججديد علييكم!.
دخلت بتعب وهي ترمي شنطتها عند الباب ومشت لغرفتها ودخلت وقفلتها بقوه ونامت بملابسها بتعب من المشي كل هذا الوقت
وغمضت بضيق من الباب الي انفتح بقوه من جديد! ودخلت منه امها وهي تقول بهواش وترمي الشنطه: وبعدين مع هالعاده الجديده!! شنطتك مكانها بغرفتك مو عند باب البيتت
مابي اععيد واكرر بكل مره يا اسيا!!
قالت بصوت فيه النوم: حااضر يمه
ام عيسى: قووومي ادخلي الحمام وتغسلي وغيري مريولك وامشي كلي وبعدها نامي
اسيا: بنام تكفين يمه مافيني حيل
ام عيسى بحزم: كلامي ما اكرره!!
جلست اسيا بعد ما طلعت امها وهي عارفه الي بيصير لو ما قامت
ودخلت للحمام بكككل تعب.
'—————————'
اخيراً رفعت شعرها بعد ماتغسلت ولبست بجامتها وجلست تاكل من اكلها الي لقت موضي مجهزته لها!
وهي يوم عن يوم تحس بالامتنان يكبر تجاه هالحرمه
ماقصرت معها من يوم جاتهم وتساعدها بكل شي
وحتى الكهرباء الي انقطعت؟ صحت وهم يسوونها واعتذذرت منها موضي كثير وهي متفشله منها
لانهم تعودو ينامون ويخلونها اذا طفت!! بس هالمره هم مو لحالهم ومعهم بنت بينسالون عننها بعدين ولازم مايقصرون بحقها
وخلصت مارية اكلها وقامت تغسل الصحون وجلست بعدها على تحضيرها لدروس الايام الجايه
وطاحت عينها على الكشاف الي جنب راسها
وابتسمت وهي تهز راسها باسف من صاحبه الي تنتبه له من بين كل اهل هالديره!
وبسرعه شالته من بالها وهي ترجع تركز بالي بيدها
'—————————'
وعلى الغداء ببيت ابو قايد
ككانو كلهم على السفرره الا افنان وغيثاء وفجر بغرفه ثانيه لان غزلان معهم!
والباقي ياكلون بالحوش
وكانو بنات جوزاء يسولفون لامهم عن المدرسه والدروس الي اخذوها
وفجأة قالت المها: ماما ابي وردده
ضحكت جوزاء: ليش يمه!
المها بخجل: بعطيه الاستااذه الي اححبها
قايد بابتسامه: محظوظه الي تحبها المها! ودامك بتجيبين ورد يعني وصلت مرحله كبييره!
فهد: الحب عند المها سسريع ما شاء الله
ضحكو كلهم وقالت بضيق: هي تحببنني
جوزاء: ماعليك منهم يمهه ايه حبي استاذتك لانها اكيد تحبك
الشيماء بغيره: هي تحبها لانها خلت كل الفصل يصفق لها
ام قايد: بنتي الشاااطره!
المها بفرح: اايه استاذه مارية خلتهم ككلهم كلهم يصفقون لي عشان اجاوب معها
هنا انشدت ككل عروق مهيب! الي كان يفكر بموضوع شغله ومو مع كلامهم
بس من سمع استاذه مارية وهو منشد لههم
وهو عرف اسمها يوم ذياب طراه من كم يوم
وكملو المها والشيماء سوالفهم عنها
ووقف مهيب وهو يستغفر ومايبي يفكر زياده
وشاف ابوه بعد وقف ويغسل وناداه مهيب يبيه بيكلمه!
'
'
'
'—————————'
ودخلو المجلس وفتح معه مهيب موضوع الشغل
وحاول يققنع اببوه فيه
وانه هو خلاص مو مثلهم ويبي يعتمد على نفسه وبنفس الوقت مو مبتعد عن الحرفه الي تعلمها منه ومن جده!
وكان شامخ مقتنع بكلام ولده!
والمزارع هذي مو دايمه لهم ومايدرون بكرا ايش يصيير
بس كان يبي يستغل هالنقطه ويضغط على مهيب فيها وهو يشوف مدى حماسه وتمسكه بالشغغل الجديد الي مخطط عليه
وبنص كلام مهيب وحماسه وهو يوصف كل شي قال شامخ: لك الي تبيه ياولد ابوك بس تققولي تم وماترفض طلبي!
مهيب بفزعه وهو اول مرا يكلمه ابوه كذا: تتبشر يابو قايد بالي تامر عليه!!
شامخ: ازوجك بنت عمتكك موضي
عقد حواجبه مهيب بتفكير! بنت عمته؟ وهو ماعنده الا عمه وحده وبنت وحده!
وفتح عييونه بصدمه وهو يقول: مييارر!
ووشو! يبه انت سسامع الي تقولهه!
شامخ بضيق: ايييه ماني باصمخخ
واسمع الي اقوله
وماقلت شي غلط او حراممم
كانت محيره لقايد وفكو وكل واحد بيشوف نصيبه
مهيب بصدمه: قلتها بنفسك يبه!! لقاايد لاخووي لقريبيي
ممستحيل مستحيل يبببه
ابو قايد بغضب: توك تقول تبشر وامر والحين ماتطيع امري ياولد امكك!
ياحساافه على تربيتي وتعبي فيكمم
لا انت ولا اخوك بيضتو وجههي
الناس اكلتتنني من يوم درت بسواة قاايدد
مهيب: والحين بتتكلم اكثر لوو انا اعرست علييها
بيقولون خطيبه اخووهه يببه
وهي مثل خواتتتي وماعمري شفتها غير كذاا
وقف شامخ بغضب اكبر: الي عندي قلته ولو ماطعتني يامهيب لا انا ابوك ولا انت ولدددي
واعترض مهيب وهو ممصدوم من الي جالس يسمعه!
ومو هو لحاله! كانو ككل اهل البيت واقفين برا المجلس بصدمهه
لين طلع لهم قايد من غرفته باستغراب من وقتهم وصوت ابوه ومهيبب
وفتح عليهم الباب بسرعه وهو يدخل يهدي بينهم
وطلع ابوه بغضب ولف قايد بقلق على مهيب: ششفييه! شصااير ليش واصله بينكم انت وابوي
هز مهيب راسه بلا وهو يحس انه يحلم! والي سمعه غللط
بس كل هذا الوضع وخواته الي قربو بخوف وامه الي جلست جنبه وهي تساله ياكد ان الوضع جدي!
وقال بضيق: مااففيه شيي بس كلمته بموضوع الشغل وعصب
قايد: كل هذا عشان الشغل!! ابوي باله طوويل ومايوصل ل هالعصبيه بسرعهه
قول وش الي صااير!
افنان: مهيب سمعنا اسم مييار وش فيهه
قايد بصدمه: وش جابه!
افنان بخوف من نظره مهيب: مدري مدري
وقف مهيب وهو ياخذ شماغه بيطلع: الي قلته هو الي صاررر والي عنده سؤال يسال ابووي
وطلع تاركهم وراه مو مستوعبين الي صار
ودخلت ام قايد ورى زوجها الي شافته يتمتم ويستغفر وبعد ما هدى قالها الي صارر
وشهقت بصدمه: شامخ!! انت صاادق؟ تزوج مهيب ميارر
'
'
'
'—————————'
شهقت بصدمه: شامخ!! انت صاادق؟ تزوج مهيب ميارر
شامخ: ششفيها!!
لا اعرس عليها قايد ولاصارت ملكه
حتى شوف ماعمره شافها!
وهو هذا هو عااايش معرس وماعليه كلاام
بس بنت اختي هي الي انكسر بخاطرها وما احد بيدق باب قفله ولد شامخ يافوزيه
تبين ناخذ ذنب هالبنت معنا!!!
ماحد فاهمني ولا حاس بالنار الي بصصدري!
انا بعرس ولدي ماكنت مرتااح ولا فرحت فيه من زعلي
وموضي خيتي الوحيده!
وميار بنتها الوحيده
مالها غيرنا بعد ابوها وصقر
هزت فوزيه راسها بفهم وسكتت بضيق
وهي بين نارين!
ميار ماتستاهل الي صار لها وتحبهمم
بس الي سواه قايد كسرها فيه!
وغير كذا صعبه ان مهيب ياخذها
ايش ذنبه يصلح اغلاط غيره!!.
وقاطع شامخ افكارها: انا قلت لولدكك لا يعرفني ولا انا ابوه لو يكسر كلامي الي عطيته وعد لاختي وبنتها
شهقت ام قايد: قايل لموضي بتزوجها مهيب!!
شامخ: ااييه! ولا شلون رضت وانجبر خاطرها!
وقلت لها ميار مثلها مثل غيثاء عندي والي يضايقها ضايقني!
وانا ابيها لواحد من عيالي لاني مو مفرط فيها
تمتمت فوزيه: الله يجبر كسر الجميع ويهدي النفوس
والله يكتب للكل الخخخير
انسدح شامخ بتعب وهو يردد: اممين
'—————————'
طلعت اسيا من غرفة امها راجعه لغرفتها
وانتبهت لباب البيت انه ينفتح! وقربت تتاكد بخوف!
وشوي شوي انفتح الباب كله ووشههقت بخوف
بس قبل تنطلق رجولها؟ انتبهت للوجه الي تعرفه
والشناط الي معه
والابتسامه الي مبتسمها
وصصرخت بففرحه: سسسامرر
وركضت وهي تحححضنه بفرح وصدمهه وششووق
مششتاقه حق اخوها الي ما شافته من اككثر من خمس سنننين
اخوها الي ابتعد عشان يرجع وهو راضي بالي وصله ومرضه اهله فيه ورافع راسهمم
اخخيراً رجع وشافته!! الي للحظه كانت تفكر انه بيصير لها شي وهي ما شافت اخوها حبيبها الي قريب لها وكانه بعمرها وما كان الفرق بينهم ١٣ سنه
ضحك سامر وهو يضمها لحضنه بحننان ولهفه: حبيبة اخووها اششتقت للك
بكت اسيا: انا الي اشتتتقت ياخوي
وقبل يرد لف سامر بححنين على شهقه امه الي طلعت من غرفتها هي وابوه على صراخ اسيا
واول ما شافو سامر تمسكت الام بزوجها ابراهيم بصدمه: ييمهه وليدي ررجعع! رججع الغالي ررجع
ابتعدت اسيا وهي تمسح دموعها وقرب سامر بشوق كبير لامه وححضنهاا
وكان يبوس كل مكان فيها وهو متلهف حتى على طرف شيلتهاا
واخيراً قرب منه ابوه وهو يبوس رااسه ويده ويحضننه بشوق مو اقل منهم
وجلسو كلهم بالصاله والام للحين تبكي ووصلهم صوت الجدة فاطمه من الغرفه
وراحت لها اسيا وبشرتها برجعه ساممر
الي دخل ورا اسيا وهو يسلم على جدته الي مايشوف بالدنيا مثلها
'
'
'
'—————————'
وجلسو كلهم بالصاله والام للحين تبكي بفرحه ويهدونها ووصلهم صوت الجدة فاطمه من الغرفه
وراحت لها اسيا وبشرتها برجعه ساممر
الي دخل ورا اسيا وهو يسلم على جدته الي مايشوف بالدنيا مثلها
والتمو كلهم حوله وهم ياخذون اخباره وهو ياخذ اخبارهم
واخيراً قال بابتسامه: ووين الصغار! ممتلههف اشوفهم الححين اكيدد كبروو
صصمت من الكل
لف سامر نظره باستغراب: شفيكم!
ابو عيسى: البنات مو هنا
سامر: وينهم!! صاير شي؟
الجدة فاطمه بكره: رجعو مع امهممم
سامر بصدمه: ووين! وامهم وين راحت
قالت اسيا: طلقها عيسى
وقف سامر بصدمهه وهو يعرف بتعلقهم ببعض: ككيف ومتى! وليش ماقلتو لييي
اخر زياره لي عندكم كانو مع بعض مافيهم شي!
امه بهدوء: اخر زياره لك يمه من ٥ سنين!
وتغيرت فيها اشياء ككثير
من ورا سفرة اخوك معكك يوم رجعت
سامر بخوف: وش صار!
ابوه: رجع لنا عيسى بمصيبهه وبسببها طلق جوزاء عشان يقدر يتزوجها و
سكت ابوه وهو يشوف عيسى وزوجته!! داخليه للغرففه
وكانت متحجبه! لان عيسى سمع صوت سامر ورجعها تاخذ حجابها
ودخل وهو ماسك يدها بكل ثقه
وهنا كانت الصدمه لسااامر
وصدمته ما كانت طلاق جوزاء وعيسى
ولا زواج عيسى الثاني
ولا انه طلق جوزاء عشانها
صدمتته او بالاصح صعقته كانت من الي دخلت مع عيسى وهي ماسكه يده
لونها
عيونها الي سحرته من زمان
شعرها الاشقر الي طالع من تحت حجابها المهمل
ملامحها المطبوعه بقلبه قبل عقله!!
وهمس بصصدمه: سسااندررين
كلهم لفو عليه باستغراب من معرفته لاسمها قبل يعرفونه عليها!
اما ساندرين لفت عيونها بصدمه وضياع بعيد عنه وحاولت تستوعب الي شافته! وانه هوو نفسسه
وسمعت صوته
سمعت اسمها من فمه من بعد ٥ سنين!
بدت الاصوات تدخل ببعض وشوي شوي تختفي
وقلبت الدنيا بعيونها سواددد وطاحت بينهم فاقده وعيها بهرب من المواجهه الصعبه!
'
'
نوقف هنا🔴
تفاعلكم وتوقعاتكم😍♥️✨✨.
'
'
'
نهاية الفصل.