[لامارا]

البارت 18

في شقه باسل واروى .. اروى حستّ انها مصحصه
مره وما فيها نوم
عكس باسل الي اول ما دخل
بدل ملابسه ونااام
اروى كانت جالسه تتأمل باسل
كيف نايم بعمق
واضح التعب عليه اكيد من صبح العرس
صاحي .. حستّ بجوع وقررت تنزل تشوف
مطعم قريب من هنا
صح انها اول مره تسافر ومره متوتره
لكن الي مطمنها ان لغتها جيدة .
بدلت ملابسها وعدلت حجابهاا
ونزلت وهي تقرا اذكارهم .. كانت مذهوله تماماً من جمال المكان
كانت تمشي من غير وجهه معيـنه
وهي مبتسمه وتحسّ بمتعه وهي
تكتشف شـي جديد .. وما تعرف كم مر من الوقت .. اكلت بـ اقرب مطعم وكملت
جولتها ما بين الاسواق
والحدائق العامـة ومتعة التأمل .. () ولا تعرف عن الشخص الي جن
جنونـه يدورها .. !!! في الشقه بعد مرور ٦ ساعات
صحى وهو يحس بخمول وكان
ناوي يرجع ينام بس لاحظ
عدم وجودهااا
باسل ضرب راسه بخفه :
شفيك انت من اول يوم وبمكان
غريب من جيت نمت وتركت
البنت !! اتجهه للصاله : اروى اروى
وبصوت عالي : اروى!! وما وصله رد
استغرب يمكن بدوره المياه
جلس بالصاله ومر من الوقت
٥ دقايق بدا يتسلل الخوف لـ قلبه !! اتجهه لدورات المياه ولا حصل
لها اي اثر !! باسل ضرب راسه بقهر وندم :
وين راحت وييين
ما تعرف شي هنااا وين راحت
ووييين
بدل ملابسه ونزل للاستقبال
وسال عنها
الموظف الاول قال له ما شفنا
احد يطلع
باسل ضرب يده بالطاوله بقوه : كييييف ما شفتو كييف
الموظف الثاني :
نشوف كاميرات الباب
باسل بتوتر : يلا يلا
واتجهو لـ الامن وشافو الكام
وشافها وهي تطلع وبيدها شنطتها
باسل : كم الساعه ؟
الامن : من الساعه ٤ تقريباً
باسل طلع من الفندق بسرعه
وقف عند البوابه
وحط يده ع راسه وبتوتر :
وين راحت وين ؟؟؟ لو صار لها شي
لالالا ان شاء الله خيييير
قرر يدورها بالاماكن العامة
القريبه من الفندق وهو مقرر يبلغ الشرطه ..

عند اروى .. () ناظرت للساعه اوه تاخر الوقت
وقررت ترجع دفعت الحساب
واتجهت للفندق .. اما عند باسل فـكان يدورها
وهو مره متوتر لو صار لها شي
انا المسوؤل انا .. وما بقى فكرة سيئ الا جت
في باله .. () صباح جديد .. في بيت ابو مشعل
رجعت له الحياه من جديد
بـ صوت عيال ابتسام
بضحكات ابتسااام .. ابو مشعل كان يناظر لـ بنته
وهو مبسوط لان من طلقها
ما ضحكت وجلست مثل هالجلسه .. مشعل يهمس لنادر :
من جابهم ؟؟ نادر : انا
مشعل : اها زين عبالي هالـ **** جا لبيتنا
نادر : استهدي بالله يا ابو
رفيف شفيك !!
مشعل : ما شفت شسوا لـ اختك ؟
نادر بتهرب : لا ولا ابي اعرف
الله يعافيك مشعل الي صار صار
لا تزيد النار حطب .. مشعل تنهد : بيجي يوم واشر
على الباب :
بيجينا سلطان من هنا ويطلب
راضاها والله وقتها انا الي بـ اوقف
بوجهه واتفاهم معه .. نادر تنهد : لاحول ولا قوه الا بالله .
اما عند سلطان .
جالس على طاوله الطعام بروحة
البيت هدوء ما في احد .
مد يده بـ ياكل بس حسَ ما له
نفس نزل تلخبز ووقف وهو
متضايق : يوم واحد مو قادر
تصبر من غيرهم
ايه غيابها وغياب العيال
ضربتين بالراس توجع .. اتجهه لـغرفته بدل ملابسه واتجهه
لـشغله ما يبي يجلس بالبيت اكثر .. في بيت ابو متعب .. ما زالت امل حزينه و واضح على
ملامحها والكل يظن انها فاقده
اروى .. وصلتها رساله ورفعت جوالها
وهي متوتره معقوله له وجهه يتصل
او يرسل ؟
اتسعت عيونها وهي تشوف الرساله
من رقم ليث .
نزلت الجوال
وبعد مرور ثواني قررت تشوفها لايكون
يهدد بعددد .. !! فتحت الجوال وهي متوتره مره .. ليث : " مساء الخير ، اذا فضيتي
اتصلي علي فيه شي ضروري
لازم اقوله لك "
امل بتوتر ش يبي بعدد ؟؟ ايش عنده !!
لاتتصلين يا امل لا تتصلين .. اما عند ليث ..
بعد عذاب الضمير قرر
يثبت لـ الجانب السيئ من
شخصيته
انها مثلها مثل غيرها .. وتعهد ان يجيبها لـ شقته
ويثبت لـنفسه انها مستاهل حتى التفكير بالذنب .. !!!!!

عند اروى .. () دخلت الفندق واتجهت لـ غرفتهم
الموظف اول ما شافها علطول
تواصل مع باسل وقال له .. باسل تنهد بـ ارتياح الحمدلله
الحمدلله .
واتجهه للفندق بسرعـه .. عند ليث .. كان متوقع انها قرت الرساله
بس ماتبي ترد !!! فـ اضطر انه يرسل لها
مره ثانيه ابتسم بـكذب : " على فكرة لقائنا الاول موثق
فديو ، ودك يوصل متعب " ؟
امل كانت مشغوله وما انتبهت
للرسالـه .. () في بيت ابو مشعل .. نادر بـتوتر :
تجهزو ابوكم جاي بالطريق
ابتسام بحزن : بياخذهم ؟
نادر : يلا يلا بسرعه تجهزو
واتجهو لـ غرفه امهم
نادر قرب منها :
ايه حنا اتفقنا يوم ويرجعون
ابتسام : قول له يخليهم الليله
تكفى
نادر : ما نطولها مع الرجال
وبضحكة : عشان ناخذهم مره
ثانيه
ابتسام حاولت تتجاهل دموعها
واتجهت ورا عيالها وهي
متضايقه مره .. اما سلطان وقف عن الباب
وما له وجهه يدخل ابدا
فـ فضل ينتظرهم عند الباب .. بعد مرور دقايق شافهم طالعين
وبنفسه يارب تطلع يارب
وكان يناظر للباب على امل
تطلع لو بالغلط
بس خاب ظنه لما شاف الباب تقفل
وعياله يمشون لـ اتجهه
نزل لهم واستقبلهم بكل حب .. غاده : بابا ما تبي تشوف ماما ؟
سلطان بتوتر : يلا يا ابوي بنمشي .
ايلاف كانت دموعها بعيونها
وكانت تنتظر اي كلمه عشان تبكي .. سلطان : شفيك يا ابوي ؟
ايلاف بكت علطول : ابي ماما
يزن : ماما تقول لاتبكو عشان
تزوروني مره ثانيه .
سلطان ضمها على صدره :
هلاص يا بابا
ايلاف زادت شهقاتها :
ما ابي اروح ابي ماما
سلطان تنهد :
نزور ماما مره ثانيه
ايلاف جلست بالارض وببكا :
لاااا لاااا ابي مامااااا
وبكت بصوت عالي !!!!!!!!! سلطان كان مصدوم ويفكر
ش بسوي فيها هالحين !!! مستحيل تبقى عند ابتسام
ومستحيل اقدر اخذها وهي تبكي
كذا لانه يعرف طبعها عنيده
وبـ تنزعجهم !! وقرب منها :
هالحين نروح لـ بيتنا ونلعب مع بعض
وبكرا نجي عند ماما ؟
غاده بتردد : خلاص بابا
خليها عند ماما
وانا ويزن عندك ؟
يزن بتأيد : عشان نرتاح منها
كل يوم بالليل تبكي وتزعجناا
سلطان فكر بشكل سريع
وقرب منها : طيب يلا انتو
للسياره
وانا بـ ارجعها لـ امها
واتجهو للسياره وهم بعد ودهم
يجلسون اكثر بس كانوا يخافون من سلطان ..

💛💘 عند الباب .. () وقف وتردد يطق الباب او يتصل
على نادر ؟
وقرر يطق الباب هو يمكن تفتح
له ابتسام .. من سوء حظه فتحت له الشغاله
سلطان تنهد : وين ابتسام ؟
سمع صوتها من بعيد :
مين عند الباب ؟
الشغاله ناظرت لـ ايلاف :
ايلاف و
ما يمدي كملت كلمتها قاطعتها
ابتسام بصدمة :
ايلااااااف !! واتجهت للباب بسرعه وفتحت
الباب وشافته واقف وماسك
يد ايلاف .. ابتسام وقفت بصدمة .. اللتقت عيونهم ثواني
ورجعت خطواتها ورا بسرعه :
شفيكم ؟؟ سلطان توتر من شوفتها
اشتاااق لها مهما حاول يكابر
ويتجاهل كل شي تلاشى لما
شافها واقفه قدامه بـ البيجاما
الرماديه وشعرها رافعته بعشوائيه
واثار البكي واضحه على ملامحها .. ابتسام بتوتر اكثر :
سلطان شفيكم !! سلطان تنهد وبنفسه والله اشتقت
اسمع اسمي من صوتها
وحسّ على نفسه :
ايلاف تبكي مو راضيه تروح
فـ بتنام عندك الليله ان شاء الله .
ايلاف سحبت يدها واتجهت داخل
بفرح .. ابتسام نست وجود سلطان وهي
تشوف بنتها دموعها بعينها
ضمتها بقوه :
حيااااتي لا تبكين خلاص
انا هنااا
ايلاف : ما ابي اروح مع بابا
ما ابي
سلطان كان واقف ورا الباب
يسمع حوارهم .. ابتسام : ياقلبي خلاص الليله
تنامين عندي
بس لازم ترجعين مع اخوانك
ايلاف ببكا : لاااا لااا ما
ابي بابااا ما ابي بابا
وهالكلمه صدمت مسامع سلطان
وابتساااااااام .. !!!!!!!! ابتسام بحده شوي :
شهالكلام ؟؟ تنهدت وتداركت الموقف لان ايلاف
صغيره وما تعرف تاثير كلامها :
روحـي لـ يمه بسرعه
ايلاف اتجهت داخل بسرعه اهم شي
تبعد عن الباب وابوهااا .. ابتسام ما جازت لها كلمه ايلاف
لان حطت نفسها بمكان سلطان
بنتي الصغيره تقول ما ابيك .. !! ابتسام بتوتر :
لا تاخذ على كلامها صغيره و
قاطعها سلطان وهو متضايق :
لا عادي ، يلا مع السلامه .
ابتسام قفلت الباب واتجهت لـ
ايلاف .. اما سلطان كانت مشاعره جداً
متخبطه من شوفتها من رده فعل بنته من مسوؤليه العيال .. 🔐🔐

في سياره سلطان .. حسّ هاللقاء حرك مشاااعر كثير
بـ داخله .. وتساؤل حيره ما عرف يتوقع له
اجااابه .. ممُكن ابتسام ترجع لي ولا لا ؟ .. في لندن .. دخل وهو يحاول يكتم غضبه
وشافها جالسه وبيدها كوب قهوه
ولا كانها مسويه شي .. !
هنا ما قدر يكتم مشاعر الغضب
وقرب منها وسحب الكوب من يدها
ونزله وقرب منها :
تستهبلين انتي !!! اروى ببراءه : ليش
باسل بغضب : انا من ساعه جن
جنوني ما في شي سيي الا فكرت
فيه ما في توقع الا جا في بالي
وانتي هنا تتقهوين ولا همك شي
اروى بصوت باكي : ما فيني نوم وقلت اطلع وما حسيت
بالوقت
باسل قرب وبلحظة : انا مسوؤل عنك انتبهي لتصرفاتك
مو فاضي انشغل فيك هنا
اروى تحاول تكتم دموعها :
طيب ليش ما اتصلت علي؟
باسل اشر على الجوال :
ليش انتي اصلاً اخذتي الجوال معك ؟
اروى نزلت راسها بخجل واحراج
وهي حاسه بـ اي موقف حطت باسل
باسل تنهد وابعد عنها :
لا اله الا الله .. وبدل ملابسه واتجهه لـ سريره
اما اروى فـ جلست بالصاله تبكي
ليش يصارخ علي كذا
حلاص صار الي صار وهذا
انا قدامه ما فيني شي .. ليش يخلق من اللاشي مشكلة .. اما باسل اول ما انسدح تدارك الموقف
ليش انا صارخت عليها ؟
من اول يوم كذا تعاملها
شفيك شفيك ... !!!!! في بيت ابو باسل .. ابو باسل : حصلته مرسل لي
الساعه ٣ انهم وصلو
ام باسل : الحمدلله ، نواف طلع ؟
ابو باسل : ايه افطر معي
ام باسل تنهدت بضيق :
فضى علينا البيت يا ابو باسل
العيال تزوجو
ابو باسل : هذا حال الدنيا وتنهد
بحزن :
وينها شخبارها ؟
ام باسل : اخر مره كلمت يوسف بفرنساا
ابو باسل : الله يهديها الله يهديها

صباح جديد .. في لندن .. صحى من النوم وناظر للساعه
وانصدم من الوقت !
اُف كل ذا نوم اتجهه لدورات المياه ( اكرمكم الله )
وصلىّ واتجهه للصاله وانصدم
من وجود اروى !! نايمه على الكنب من غير غطاء
تنهد وبقهر: غبي غبي
صارخت عليها ونمت وتركتها
اتجهه اخذ الغطاء وغطاها بخفه
وهو يتامل ملامحها
الي واضح عليها اثار البكي !! في بيت سلطان .. غاده بهمس : لاتقول ماما
نقول له نبي ايلاف ونشوف ماما
هناك
يزن : طيّب .
سحب سلطان الكرسي :
شعندكم ؟
يزن بكذب : بابا نبي ايلاف
غاده : اشتقت لها
سلطان عقد حواجبه :
امس بالليل كنتو معها امدى
تشتاقون ؟
غاده بكذب : ايوه وبرجا :
بليييييز بابا نبي نروح لهم
سلطان من قالت " لهم " فهم
مخطط عياله .. سلطان يسايرهم :
خلاص انا اجيبها هالحين
يزن بتسرع : لالالالا
سلطان بضحكة : ليش ؟
يزن : ايلاف تبي ماما
سلطان بهمس : هي بس ايلاف .. غاده : ايش
سلطان : ولا شي
وبعد مرور ثواني :
تجهزو العصر نزورهم
يزن وغاده صرخو بفرحة
سلطان بجديه : لكن فيه شرط !
غاده : ؟؟؟ يزن : ؟؟؟
سلطان : ما تسون لي سالفه اذا
جيت بـ اخذكم اتصال واحد
تطلعون
يزن : وايلاف؟
سلطان تنهد : ايلاف على راحتها
غاده بغيره : ايه ايلاف على كيفها
سلطان : ايلاف صغيره وتحتاج
امها
يزن بحزن : كلنا صغار
ونحتاج امي
سلطان يغير الموضوع :
شرايكم في الليل نروح لا امي ؟
يزن بعفوية : نبي نجلس لليل عند
ماما وانت روح عند امك
سلطان اتسعت عيونه من الرد .. !! وبنفسه توقع اكثر يا سلطان
العيال كبرو !
ومو كل شي تبيه على حسب مزاجك يمشي .. بتتنازل عن كثير اشياء ..

في لندن .. كانت جالس بالفندق ينتظرها
تصحي بيعتذر لها ويطلعون مع بعض .. اروى صحت بس من حست بصوت
خطواته غمضت عيونها
ومثلت انها نايمه .. ما تبي تواجهه او بالاصح ما فيها
طاقه تناقشه بعد الي صار امس .. في بيت ابو سلطان .. ام سلطان : ما كلمك اخوك ؟
مي : الا يمه امس ، وعياله عند امهم
ابو سلطان بقهر : زين فكر بـ امهم
ام سلطان : الله يصلح الحال بينهم
ويرجعون اقل شي عشان هالعيال
الي فقدو امهم الاولى قبل ثلاث سنين
وهالحين الام الي ربتهم .. مي: ان شاء الله وكانت بـ تكمل كلامها
بس المسج الي وصلها وترها
وتغير لون وجههّا و وقفت بسرعه
ابو سلطان : شفيك يا ابوي؟
مي بتوتر : ولا شي بس صاحبتي
تبيني اكلمها ضروري
واتجهت لغرفتها وهي تقرا المسج للمره
الثانيه .. " اذا ما عطيتني مجال والله لا اجي
للرياض واكلم ابوك وتعرفيني يا مي ! "
مي بصدمة : ****** وقح
تنهدت : والله يسويها ويجي !!!!!!! ش اسوي ؟؟ اتصل عليه ؟؟؟ انتي يا مي بعد
كل الي سواه فيك تتصلين !!
بيجي ؟ خليه يجي ويسمع الجواب
للمره المليون
هو عباله كذا بيلف يد و اوافق اكلمه ..
بس هيّن
ابوي مستحيل يجبرني على شي
وسلطان يكره حتى طاري اسمه .. ما عليك منه .. !! كانت تحاول تستجمع نفسها ما تبي
تضعف من ذكرى الي صار .. اما عند عادل .. كانت ينتظر مكالمه منها وهو متوقع
٩٩٪‏ انها تبي تتصل
لانها دايم تقول لا تدخل اهلي
لا تجيب طاري اهلي ..
يمكن اهلها يجبرونها ترجع لي ؟؟ تنهد وهو يناظر لصورتها بيوم
زواجهم .. بترجعين لي .. اليوم بكرا بعد سنه .. انتي لي .. في نفس الوقت لكن بمنطقه
ثانيه .. كان صوتها وهي تشكي لـ اخته
رغد يحرن .. هز مشاعر كثير بـداخله .. ما تستاهل والله .. كنت معجب بـثقتها بنفسها
وقوتها .. وكبرت بعيني زود بس ما عرفت
سبب طلاقها ومع هذا
ما قالت لـ احد احتفظت بالسر
بينها وبين نفسها سنين .. يعجبني مدى ثباتها بهالحياه وقوتها رغم كل الي صار لها .. 🔐🔐

في لندن .. () حست الجو هدوء فـ قررت تقوم
تاخذ شور
اول ما وقفت ورفعت شعرها
الطويل بيدها بتربطه
حسّت بيد تسحب يدها
باسل : اتركيه كذا احسن .. اروى اللتفت بتوتر :
اسوي الي يريحنيّ
ورجعت تربط شعرها
اول ما خلصت سحب يدها
وجلسو على اقرب كنب
باسل بتردد :
انا اسف على الي صار
ما كان له داعي ابالغ برده الفعل
واخلق من اللاشي مشكلة .. اروى توترت ما كانت متوقعه منه
اعتذار و بهالسرعه بعدد .. !
باسل مسك يدينها :
اكرر اعتذاري اتمنى تسامحيني
ونكمل اجازتنا بهدوء واحترام .. وتنهد : والله انا عصبت من خوفي
عليك ساعه وانا ادورك وكل
فكرة سيئه جت في بالي ..
اروى ما حبت تطول الموضوع
اكثر : حصل خير هالمره وانا
بعد غلطت لما طلعت وما قالت
لك
باسل بضحكة : بس ما كان
له داعي اعصبّ عليك
اروى بـ ابتسامة : يعنيَ
باسل : هههههه يلا بما انّنا
تصافينا تجهزي بـنطلع نتعشاء
اروى بخجل : تمام
واتجهت لدورات المياه ( اكرمكم
الله )
وبنفسها ليش سامحته بهالسرعه ؟
افضل شي ليش انكد
على نفسي وعليه بسبب تافه
لا مو تافه رفع صوته عليك
بس اعتذر واعترف بخطاه .. !! اف اروى اف .... !

باسل بدل ملابسه بسرعه
وجلس بـ الصاله ينتظرها
وبنفسـه لازم اعرضها عن
الي صاار .. () في بيت ابو مشعل .. كانت جالسه هي وايلاف بالصاله
فجاءه شافتهم داخلين عليهم
بحماااس .. ابتسام بفرح : هلا هلاااا
واتجهت لهم واستقبلتهم بكل
حب وذهول ما توقعت تشوفهم
بهالسرعـه .. يزن : كذبنا على بابا قلنا
بنشوف ايلاف ووافق
ابتسام ابتسمت على براءه وتفكير
عيالها .. ابتسام : وايلاف وام ايلاف مره
مشتاقين لكم .. تعالو نطلع بالحديـقه
غاده بحماس : يلااا
واتجهت هي وعيالها للحديقه
الخلفيـه .. وما تعرف كم من الوقت مر ،
لانها كانت جداً مستمتعه بسواليفهم
وحماسهم .. اما عند سلطان فـتغيرت نظرته
للموضوع .. ليش تشتت عيالك اكثر ؟
وليش تعذب نفسك اكثر !!! راضها ورجعها لبيتها ولعيالهاا
وما تعرف يمكن بعد الي صار
انت عرفت قيمتها وهي عرفت قيمته عيالها وبيتها !!

بعد مرور يومين .. عادل وصل الرياض .. وهو مقرر يكلم ابو سلطان
يظن على حسب تفكيره المحدود
انـه كذا بيجبرها فيه .. !! الساعه ٧ بعد صلاه المغرب
وقف سيارته وهو يتأمل بيت
ابو سلطان ..
بعد ما كنت من اصحاب البيت
هالحين بـ ادخله وانا غريب .. تنهد الله يصلح الحال ونرجع
لبعض يااارب .. اتجهه للمجلس الرجال وهو
يحاول يرتب كلامه
ما يبي يتوتر او يقول شي خطا
لازم اقنع ابو سلطان لازم .. في لندن .. () باسل دخل وبيده صينيه الفطور
ونزلها على طرف السرير
وبهدوء : اروى اروى
اروى فتحت عيونها بصعوبه من
نور الشمس الساطع على الغرفه
جلست بسرعه
واول ما شافت الصنيه وبوكيت
الورد توردت خدودها زود .. باسل : صباح الخير يا احلى
عاروس .. اروى بخجل : صباح النور
وبتوتر : شحقه مكلف على نفسك
انا
قاطعها باسل وهو يسحبها مع يدها :
اي كلافـه ، قلت ادلع زوجتي
شوي ما يحق لي ؟
اروى نزلت راسها بخجل وتوتر
باسل رفع راسها بـ اطراف يده :
ما اقاوم خجلك اكثر
وباسها بخفه على خدهااا
اروى توترت مره واتجهت لدورات
المياه ( اكرمكم الله ) بسرعه
تبي تبعد عن باسل .. باسل ضحك بخفه :
وين بتروحين يعني . . ؟
في بيت ابوسلطان .. دخل يوسف وبنفسه اوه
شكل عند عمي ضيف .. واتجهه لـ مجلس الرجال
بخطوات واثقه .. ولا كان يعرف عن الحوار
الي يدور داخل .. !!! في شقه نجوى .. يوم عن يوم تتدور حالتها للاسوء .. وخصوصا بعد ما قطعت الامل
بـ يوسف .. () شبتسوين يا نجوى ؟
بتقولين لـ اهلك الحقيقه
و وقتها يطلقك يوسف .. واهلك مستحيل يسامحونك
وتبقين بنظرهم وحده كذابه ******
ما عندها كرامـة .. !! ولا تكملين مع يوسف بمرها
وحلوها .. ؟
وضحكة بسخرية : حلوها اجل هههه ..

في مجلس الرجال .. كان يبي يدخل بس استوقفه
صوت غريب : طالبك ياعمي
هالمره انت كلمها اقنعها ترجع
لي .. ابو سلطان : كم مره طلبتني
وكم مره سالتها ؟
يا وليدي النفس اذا عافتّ
يصعب راضها .. عادل : والله مستعد اسوي
اي شي تبيه .. ابو سلطان : الراي رايها بـ
اكلمها وارد لك
عادل بنبره غريبه :
انت شايف يا عمي نظرة
الناس وكلامهم
قاطعه ابو سلطان بحده :
لا تكمل كلامك !! عادل : لالا والله ما اقصد الي
فهمته وينقص لسان من يتكلم
على مي !!! بس انا كان قصدي ان طلاقنا
مره عليه كم سنه .. ومي ما تزوجت يعني اقصد
الشباب نادر ما يرضون بوحده
مطلقه
فـا انا لها وهي باذن الله لي .. يوسف جن جنونه ودخل وبنبره
غضب : من قايل لك انت
بنتنا طايحة بكبدنا ونبي نرتاح
منها ؟
عايشه في بيت ابوها معززه
مكرمة .. عادل وقف وهو مصدوم :
من انت اصلاً ؟؟ يوسف بحميّه :
انا ولد عمها ، وتفضل
اطلع برا مجلسنا يتعذرك .. عادل ناظر لـ ابو سلطان
وكان ينتظر منه اي تعليق .. ولكنـه اكتفى بالصمت .. يوسف قرب منه وبحده :
ما تسمع ايش اقول ؟؟ عادل ناظر لـ ابو سلطان
وكانت ينتظر منه اي تعليق .. بس للاسف اللتزم الصمت .
عادل طلع والغضب يتطاير
من عيونه
من ذا ش يبي ؟؟ ليش جا هالوقت اُف
كنت اقدر اقنع ابوهاااا .. بس هيّن بـ اجي مره ثانيه
ونشوف وقتهااا .. وركب سيارته ومشى بسرعه
جنونيه .. ابو سلطان تنهد :
والله احترت معهم ما ادري
ايش اسوي
مي بنتي ولا ودي اجبرها علي
شي .. وعادل بحسبه ولدي واعتذر منها
كم مره ، ويبي راضاها بـاي
وسيله .. يوسف بنبره غريبه :
مو كل شي يتصلح بالاعتذار
فيه اشياء اذا انكسرت مستحيل
ترجع مثل ما كانت .
ابو سلطان تنهد :
والله انتي افكر فيها ليل ونهار
العمر يمشي
وانا مو دايم لها .. يوسف بتهور : شتقول فيني
ياعم ؟؟ ابو سلطان بجزع :
ما اقول الا كل خير .. يوسف : تزوجني بنتك ؟
ابو سلطان انصدم ما توقع
شي مثل كذا ومن يوسف :
والله لو راجع لي زوجتك بهاللحظة
بس لازم راي البنت .. يوسف : حقهاا ياعمي .
ابو سلطان : الله يقدم لكم
الي فيه الخير .. يوسف بنفسه
انت مستوعب الى اي
نقطه وصلت الموضوع ؟؟ كيف تخطبها
وما احد يعرف بزواجك من نجوى ؟
مستحيل عمي ومي يوافقون
اذ عرفو اني متزوج ؟
ومية سوال وسوال وعتب
لكن ما لها اي فايده
طلع السهم من القوس .. !! وصار تحت الامر الواقع . 🔐


نهاية الفصل....