وحين ظَننتُ بأني نجوت وَجدتني في عمق عيناكَ غَريقٌ. الجزء الثاني
النهاية
.
💫
.
.
.
.
بعد مرور الوقت يوم زواج مـيعاد وعلي كانت مستحيه وكان شكلها فخم بالفستان والتسريحه وبس تضحك..
مـيـرال : وه وه يازين الحلوين يلا علي بيشوفك
مـيعاد ابتسمت بخجل : تمام.
وطلعوا كلهم ودخل علي اول ما شافها ؛ ماشاءالله.
ميعاد رفعت نظرها وهو ابتسم لها وقرب لها وسلم على جبهتها ويدها.
علي : الف مبروك يااجمل من شفت.
مـيعاد ابتسمت : الله يبارك فيك يا حبيبي.
علي ابتسم : شقلتي؟.
مـيعاد بخجل : حبيبي قلت.
علي : وهه شوي شوي على قلـبي..
مـيعاد ضحكت : كم الساعه.
علي ناظر بساعته : ١٠ ونص.
مـيعاد : شوي وبتصير زفتنا.
علي : يلا تجهزي وانا بِعدل شماغي.
مـيعاد ابتسمت له لانه كان شكله جميل وفخممم بذات بالبشت..
بعد مرور الوقت اشرت لهم حصه انه يطلعون حط ايده بأيدها وطلعوا وميعاد شوي وتذوب من الحياء..
كانوا يمشون والكل يصرخ بس هم كانوا بعالم اخر يوم بدأ علي يتكلم : ميعادي بصير اخوك وابوك وزوجك وحبيبك .. ماراح اخليك تندمين على اي يوم قضتيه معي بعوضك كل شي صار .. ماراح اخلي عيونك تحزن.
مـيعاد ناظرت فيه وعيونها مليانه دموع وهم بنص الدرج علي مد يده مسح على خدها وقبل جبينها والكل قام يصرخ.
علي ابتسم : لا تبكين ولا تحزنين انا معك ولك يا ميعادي.
مـيعاد ابتسمت : الله لا يحرمني منك يا حبيبي.
ومسك ايدها وكملوا مشي لحد ماوصلوا عالكوشة وجو البنّات سلموا على مـيعاد وبعدين شغلوا اغنيه وقامت ترقص جابوا لها هيونه وامها كانت معاها وام علي وكانوا يرقصون ومعاهم علي.
علي ابتسم لها : انا بطلع وانتظرك برا تمام؟.
مـيعاد ابتسمت له : اوكِ.
وطلع والبنات فصخوا العبايات وصاروا مع مـيعاد يرقصون ويستهبلون.
ام سلطان راحت لميعاد وعطتها هديتها وباست راسها : الله يوفقك يا نبض امك ويحميك.
مـيعاد ابتسمت وسلمت على راس امها : الله يحفظك يا نظر عيني ويطول بعمرك لنا.
مـيـرال ابتسمت : واخيرًا يا مـيعاد واخيرًا ما بغينا.
مـيعاد ضحكت وضموا بعض وقاموا يبكون.
مـيعاد : يا روحُي اجمل صديقه واجمل زوجه اخ واجمل مـيـرال بالحياه الله لا يحرمني منك.
مـيـرال : ياعيني انتِ الله يوفقك ويسعدك ويسخر لك علي ياربّ ولا يوجع قلبك.
مـيعاد ابتسمت وخذت حصه بحضنها.
حصه : مبروك يا روحها.
مـيعاد : يبارك فيك يااطلق مرزوقه.
لمى ضحكت : بنشكر حميد عالاسم.
حصه : وجععع الا بروح افقع وجهه مااخذت منه الا الاسم شين.
كلهم قاموا يضحكون على تعابير وجهه حصه..
شهد ضمت مـيعاد : الف مبروك يا روحُي.
مـيعاد : يابعد قلـبي يبارك بعمرك.
شهد ابتسمت : خذي هيونه معكم.
مـيعاد باستها : لا بالله خليها لكم..
وزفوا مـيعاد للباب وبعدها كلن راح لحاله..
عند مـيـرال دخلت البيت نيمت عيالها بعد ما بدلت لهم وغيرت فستانها ومسحت المكياج وجلست وبعده تذكرت الرساله كل ما بتفتحها تأجل راحت خذتها من غرفتها وحطتها قدامها وكانت تتأملها..
بعد مرور خمس دقايق مسكتها وفتحتها ناظرت بالخط ودموعها نزلت يوم بدت تقرأ حست قلبها أوجعها ،
مـيـرالي .. عارف ماراح تفتحينه الا بالموعد اللي قلت لك كنتي حاسه وكنتي عارفه انه بيصير شي بالعرس هذا وانا بعد عرفت يوم قال ابوك انه حنا المستهدفين مو هو او احد ثاني..
مـيـرالي..
كل شي بيصير مكتوب ومقدر والشي اللي راح يصير عشانكم وعشان أطفالي وعشانك..
عيالنا ربيهم علميهم احكي لهم عن ابوهم بقد ما تحبينه حافظي عليهم واحميهم ابي رآكان يلبس أشيائي.. عطيه الثياب لا كبر ويوم عرسه عطيه البشت اللي لبسته بعرسنا السبحه والقلم لا تنسينها والعطر..
مـيـرالي لا تحزنين لاني دعيت ربي ياخذ روحُي قبلك..
لاني مااقدر اعيش بالدنيا ماانتي فيها.
مـيـرال وقفت وهي تشهق وجها كله دموع ونطقت اسمه بقهر " عبد العزيز"..
رفعت الرساله وكملت..
مـيـرالي..
لا تنسين اني احـبـك الله يحفظك ويطول بعمرك لعيالنا ربيهم زين ابي الناس يقولون هذولا عيال عبد العزيز حتى لو كنت مو متواجد وبالنهايه كل حرف بالرسالة ذي لك لقلبك ولـ روحك ولـ عيونك الحلوه انتبهي لك يا نبض عبد العزيز يا دقت قلبه الاولى والاخيرة...
مـيـرال قفلتها وبكت بكت البُعد بكت الحبُ بكت الفقد بكت الحرمان بكت عبد العزيز..
عند مـيعاد..
دخلوا الفندق وكانوا جالسين وبعد العشاء دخلوا غرفتهم..
علي ابتسم : شفيك كذا؟.
مـيعاد : شفيني؟.
علي : كأنه ناقصك شي؟.
مـيعاد تنهدت : ليتك تعرف وش اللي ناقصني ناقصني عبد العزيز يا علي..
علي : ميعادي الله يرحمه ويغمد روحه الجنه..
مـيعاد : علي انت ما تتخيل قد ايش عبد العزيز كان قطعه من روحُي اخوي وصديقي وحبيبي كان دايم معي با اصعب الأوقات والمواقف عبد العزيز كان معي..
علي : اللي يحب يا مـيعادي يدعي لمحبه مو يبكي عليه.
مـيعاد : صدقت يا روحها..
علي ابتسم : اجل الحين خلينا فينا..
مـيعاد ابتسمت وهو قرب لها..
.
ولو كان القرب بيدنا لِـ اقتربنا مِن مٓن نريد..
ولو البُعد بيدنا لـ ابتعدنا مِن مٓن نريد البعد عنهم..
ياليت كلاهما بيدنا..
لِـ كنتُ ابتعدتوا عن العالم ..
وبقيت في حضن أبي..
.
🖤🖤.
بعـد مـرور السنين..
بعد ما صاروا عيال عبد العزيز يعرفون من هو عبد العزيز..
بعد ما صار راكان يفهم ويفتخر بـ ابوه وبعد ما صارت جمُانا الاخت الكبيره اللي تهتم بـ رجـاء..
بعد ما صارت مـيعاد ام لِـ وولدين..
بعد ما صارت شهد ام لِـ بنتين وولد مع اخوانهم هيونه ومصعب ..
بعد ما صارت اسيل ام لـ بنت وولد.
بعد ما كبروا ابطالنا..
صار ابو مـيـرال جد وغزى راسه الشيب ووجهه التجاعيد وصار ابو سلطان مرتاح وعايش بسعاده حوالين احفاده بعد ما صار فيه جمعيه بااسم مـيـرال لِـ عبد العزيز..
بعد ما صارت حصه موظفه ولمى ولولوه..
كلن تغيرت حياته وكلن عاش مع هله...
بعد ماصار سلطان مُستقل بحياته الخاصه وشركته الخاصه ومعه ولده الكبير مُصعب بكل شي..
هذا كله صار بـ السنين هذي اللي تركض..
بنلقي نظره على حياة مـيـرال وعيالها..
الساعه ٥ ونص العصر دخل راكان للبيت.
راكان ؛ السلام عليكم يمه.
وقرب لِـ مـيـرال حب راسها وجلس جنبها : هلا يمه وعليكم السلام.
راكان : يمهه جوعان مافي غداء؟. مـيـرال ابتسمت : الا يا روحُي فيه بس حنا اكلنا.
جمُانا دخلت : هلا هلا توك تجي؟.
راكان : شسوي عاد كنت بالشركه شغل لِـ راسي..
رجـاء : تمام انا بحط لك اكل عشان بعد ماتخلص نتقهوا مع امي..
مـيـرال ناظرت فيهم : والله و كبرتوا يا عيال عبد العزيز وصرتوا مثل ما يبي.
جمُانا : الله يرحمه ويجمعنا به..
مـيـرال نزلت دموعها : امين.
راكان ضم امه ؛ يمهه حبيبتي ليهه تبكين؟.
مـيـرال بكت اكثر : تدرون ابوكم كان يتمنى هاللحظه يشوفكم كبار وشايلنه.
رجـاء ابتسمت : وهذا انتِ شفتيها يا الغاليه لا تبكين.
راكان ابتسم : يلا عاد تراني جوعان..
مـيـرال مسحت دموعها وضحكت : يلا يا رجـاء حطي لأخوك اكل.
رجـاء : ابشري يا روحُي.
وطلعت للمطبخ وهم جالسين يسولفون.
الليل..
مـيـرال : يلا يمه انا بنام.
راكان : تصبحين على خير يا يمهه.
مـيـرال دخلت غرفتها مسكت قلم وبدت تكتب.
هذا انا يا عبد العزيز سويت المطلوب فتحت الأبواب ربيت عصافيرنا والآن انا بقفل الأبواب وبحافظ عليهم زي ما قلت انت وبتظل حبيبي يا عبد العزيز لأخر نفس..
رآكان المعنى الحقيقي للشخص العظيم هو ابوي الله يرحمه ويغفر له..
رجـاء عرفت قد ايش انا امل لامي بالحياه لاني كنت اخر وصيه لابوي..
جمُانا بنظل نحب ابوي حتى لو ما شفناها بيظل هو الرجل العظيم بعيونا حتى لو ما عشنا معه🖤..
النهاية
تمت لله الحمد والمنه بفضل الله ثم فضلكم.
لا تنسون الكومنتات الطويله ورأيكم بكل صدق✨.
دمُتم سـآلمين🥀.
الى اللقاء في روايه اخرى..
يوم الاربعاء.
٤-١٠-١٤٣٨
٢٨-يونيو-٢٠١٧🌸..
😍❤️.💕💛.