[لامارا]

البارت الأول

-
-
يا مُبتدأ يا مُنتهى يا آخري يا أولي -
<< الديرة >>
١٩٩٧
في أحد المنازل الي تتوسط أحد الأحياء، طفل بعمر ١٢ سنه في بداية مراهقته ،واقف يتابع الحدث قدام عيونه الي تشع انتصار ومخفي بستمه الداخليه بمكر ، طفل خارجياً لكن داخلياً ما كان مثل ما يتصورون فيه خبث وهو في هذا العمر مو طبيعي، تولد نتيجه اهمال كبيره وتفرقه، مو مستوعب نتيجه الي سواه ابداً لطفل في عمره ، ومو شايف نفسه غلطان ابداً !هو قال الي شافه بعيونه فقط ، نفس الوضع الي شافه لما عمه طلع من الغرفه قبل يومين ، شافه اليوم ، وقال كل الي شافه ، مو مهم عنده الا يشوف القهر في عيون عمه والعائله كلها داخله حقد عظيم تجاه هذه العائله
-
<<الولايات المتحده- لوس انجلوس>>
٢٠١٥
<<سجن برجين الاقليمي>>
سانده ظهرها على السرير يدها اليسار تحت راسها واليمين على بطنها السفلي ، ذهنها غايب عن السجينات حولها تماما ،لها شهرين ونص في هذا المكان، شلون وصلت هينا ووش الي صار ما تدري ؟!!
تحس الفتره الي راحت من حياتها مشوشه مشوشه جدًا في غضون ثلاث اشهر تخرجت من مدرستها الاحب ،ما تعتبرها مدرسه أبداً تعتبرها بيتها هي عاشت في مدرستها ١٢ سنه من صار عمرها ٧ سنوات وهي عايشة فيها، وبعدها تزوجت على طول في اقل من اسبوع ،وبعدها سافرت والحين هي في هذا المكان شلون وصلت هنا ما تدري ،
ناهيكم عن اللقب الي أطلق عليها " مجرمه "
رفعت راسها بتساؤل للحارسه لما سمعت اسمها
وقالت : هناك زائر لديك ؟
عقدت حواجبها بتفكير مين ممكن يزورها من شهرين محد زارها وحتى قبلها وقت الإجراءات والمحكمة الي حكمت عليها ووقت اتهامها محد كان معها قامت تتبع الحارسة وذهنها للان يتسأل مين ممكن يجيها معقول اهلها جو ياخذونها ؟ لمعت عيونها عند هذه الفكرة
وصارت تمشي بحماس راح تسامحهم خلاص بتسامحهم هم جو ياخذونها بترمي كل شي وراء ظهرها وتسامح وصلت للغرفة الي فيها الزائر

—————————-
🛑 تنويه هام : أول ( ١٠٠ ) بارت بالرواية "حسب تقسيم بوستات الإنستقرام" عبارة عن تعريف لطبيعة حياة الشخصيات ، الأحداث الفعلية تبدأ من بعد البارت ( ١٠٠ ) "حسب تقسيم بوستات الانستقرام وليس المنتدى" ...
🛑 لا تفوتون جمال الأحداث الفعلية بحكمكم على البدايه اللطيفة لحياتهم ...

-
-
وصلت للغرفة الي فيها الزائر، خابت كل آمالها لما رفعت عيونها ما شافت جدها ولا ابوها ماشافت وجه مألوف لها ،
تقدمت وجلست بالكرسي الي قدام الرجالين الي جالسين قبالها، رفعت راسها ونطقت ببرود العالمين لما عرفت انهم من السفاره : تفضلوا طلبتوني ؟
واحد منهم الي كان كبير بالعمر له رتبته ومقامه وهيبته من جلسته والي كان محمد : السلام عليكم يا بنتي كيف حال الدنيا معك ؟
رفعت عيونها بعيونه بتعمق صدقياً ما تدري وش الجواب بس قالت بختصار : عايشين والحمدالله .
سكتت تحثه على التكمله فقال : الحمدالله ناقصك شي يابنتي ؟
سؤاله مو في محله كونه يعرف السجن هذا وقوانينه الصارمه ويعرف الحال بس اعتبرت سواله كـ مجامله وردت : سلامتك .
ردودها مختصره جدًا وواضح عليها ما تبي تكثر كلام فدخل في الموضع : شوفي يا بنتي قضيتك ماسكتها السفاره ما اوعدك ان محكوميتك راح تخف بس راح نسوي كل الي نقدر عليه وان شاء الله ما نخيب ظنك فينا ؟
هزت راسها بتفاهم ورفعت عينها للرجل الي معهم وكان شاهد فقط كان شاب أقل ما يقال عنه عادي ماكان بالعادي أبدًا أمعنت النظر فيه كان ووسيم جدًا و"جنتل مان "بلغة السجينات عندها و" رجال" بلغة صاحباتها في المدرسة ابتسمت بحنين لهم
قطع تفكيرها محمد لما شاف انظارها على الي معه : اعرفك القنصل سلطان بن يوسف راح يكون معي بخصوص قضيتك ..
ابستمت بمجامله له : اهلين .
هز رأسه لها : هلا.
محمد شاف ان الحين الوقت الي يناقشها بالموضع الاساسي الي جاي عشانه التفت لسلطان وعطاه نظره وصلت معناها للاخر على طول وخرج من المكان وجهه انظاره لها وقال : كيفك الحين وكيف مواعيدك ، صرفوا لك فيتامينات ؟
رفعت عينها له بذهول : شقصدك؟
ركز فيها وقال : ظنيت انك اذكى من كذا....
-
-
طلعت من عند محمد متوترة ،ومحتاره ،وخجلانه ،وخايفه ،ومرتاحة ، مستوحشه ، جاهله، ألف شعور وشعور داخلها لوضعها الحالي بس السؤال هنا شلون عرف ؟!
قاطع افكارها السجينات الي معها مجتمعين حولها يسالون عن الي جاها "كبنر" السجينه الي معها بالغرفة : مون من هو الرجل الي معكم ؟
وتحرك حواجبها بمكر بالوقت الي تكلمت الثانيه" سام" : اجل ، من هو انه وسيم للغايه ؟
ضحكت من قلبها عليهم والله انهم مخفات كانوا القروب الي معها خمسه وهي سادستهم( كبنر، سام، ليلي، رولا، جيمي) وهي سموها من عندهم ( مون) لما قالت لهم معنى اسمها
وجلست معهم تاخذ وتعطي بالكلام تسولف معهم تضيع وقت ... -
-
<<السعودية >>
2019
الرياض
داخل حي راقي جدًا
مجموعة فلل ملك ماخذه حي كامل من السعه الي فيه
قصر فخم جدًا يوحي ان صاحبه مو من النوع السهل جدًا ومن الواضح انه تعب لين وصلت ثروته هالقد ،والواضح للمار ان المالك فاحش الثراء اولاً من القصر الي كان الطابع الفكتوري اساسه، وثانياً من العاملين بالقصر، ما كانوا مقتصرين على الخدم والسائقين فقط، لا بل يوجد مزارع، وفلاح، وطباخ، وحلاق ،حرفيًا اغلب سكان القصر عاملين، مجمع كامل لدرجة وجود مسجد داخله لكثرة العاملين فيه وحرص المالك على الصلاة
داخل القصر في الصالة الواسعة جالس الجد وعلى يمينه ولده الثاني وليد ، وعلى يساره حفيدة الأقرب لقلبه سعود، القهوة قدامهم تكلم الجد موجه كلامه لوليد: ما رحت وشفت بنتك وش صاير معها ؟
اسودت ملامح وليد وتكلم : لا ما شفت ولا ابي اشوف ما ابي اروح لها الي هي فيه الحين جزاها .
استغفر ربه الجد وقال بصرامه : ايه بس مو منطق انك تتركها تراها بني ادم انت جبته الحين هي في سجن حقيقي مو مثل اول اقول هي في مكان امن لا استوعب استوعب سجن سجن مو مدرسه داخليه !!!
رفع راسه لابوه : ما اقدر اشوفها لا تحاولون معي يعني عاجبك الي سوته .
الجد وصل لاعلى مراحله سكت لخاطر ولده هذا واجد ومعاد هو ساكت له اكثر من كذا هذه امانه الله عليهم تركوها للناس وهم اهلها الاولى فيها وقف بنفعال ووقف معه سعود من شاف انفعال جده : يا جدي على هونك، والله ما يسوى الي تسويه ...
نطق الجد بأمر قطعي خلاص ربي بجازيهم على فعايلهم فيها : أمانة ربك هذه، قم شوفها بتكمل خمس سنين وانت ولا داري عنها ولا اخبارها لا يحاسبك عليها وقت الحساب .
وتحرك تاركهم ولده مشتت ما يدري وش يسوي وسعود الموضع مو لذاك الاهميه له اهم ما عليه جده
-
-
<<الولايات المتحده >>
لوس انجلوس
في قصر السفير
في غرفة من الغرف كبيره جدًا ، جسد مخملي ناعم نايم وسط السرير الملكي الكبير براحة، صحت بنزعاج من نور الشمس الي تسلل لداخل الغرفة : ناز لا اغلقي الستائر أريد النوم .
ناز واحده من العاملات بالقصر والخاصه لها : استيقضي حالاً السيد محمد على الفطور وأيضاً الانسة كادي .
ريحت راسها على المخده حتى تستجمع نفسها ثم قامت تبدل لبسها وتعدل شعرها وتنزل لهم..
تحت على طاوله الطعام كان السفير محمد على مقدمة الطاوله وعلى يمينه كادي ، نزلت لهم وسلمت : سلام عليكم؛ صباح الخير
جاها الرد بحفاوه من كادي: صباح النور والنوير والفل والياسمين
والرد من محمد: وعليكم السلام .هلا ببنتي صباح النور
جلست بنشاط : وين الجامعه يا كادي ليه ما داومتي ؟
نطقت كادي بتحلطم : يا ذا الجامعه والله بس اليوم الي غبت فيه
ضحكت على ردة فعل كادي المتذمره دائماً بس عمها محمد ما يعطيها وجه ابد
رفعت راسها له : شلونك يا عمري شخبارك
ابستم لها :انا بخير نحمدالله ونشكره بشريني عنك انتي ؟
اتسعت ابتسامتها بامتنان لهذا الرجل العظيم الي دخل حياتها عوض اشياء واجد داخلها وغير فيها اشياء لو لا الله ثم هو ما كان تجاوزت الي مرت في لوقتها هذا لمعت عيونها : الله يخليك لي ذخر طول العمر وربي ما ادري شلون اوفي جزاك
رد لها الابتسامه ، دخلت عليهم العامله تقدم سلطان لهم.، لحتى قالت بعبط كادي : سلطان مصبح علينا وسام شرف صراحه..
ضحك سلطان على هبالها عليه .
وقف محمد له : سلطان حياك الله تفضل اجلس افطر .
رد سلطان : تسلم يا عمي الحمدالله مفطر قبل اجيك .
كمل كلامه وعيونه عليها بصيغت جمع بس المعني واحد : جيت ابلغك الاوراق كلها جاهزه تقدرون تسافرون حالياً .
خفق قبلها بجنون يعني خلاص راح ترجع لديرتها خلاص راح تشوف الي المفروض عزوتها اذا تعزوت ،ولابتها اذا احتاجت ،وسندها اذا اعوجت خطواتها ...
بس لا ما صار هذا كله ما صار هذا كان المفروض يصير بس ما صار، كتمت مشاعرها الحاليه داخلها و رفعت راسها لمحمد ببتسامه : بكره ، بكره الصباح الرحله تكون .
هز راسة بطاعه لامرها : صار ..
-
-
<<السعودية>>
القصر
اليوم الفرحة غامره في القصر بعد يومين زواج الطف اثنين بالعائلة اكثر اثنين عاقلين وكل العائلة تتمنى لهم كل خير لانهم يستاهلونه يلبون الطالب ويساعدون المحتاج
ويعطون من قلبهم عشان كذا يوصل القلب على طول "مشاري وهيام "
اليوم الجمعة كل العائلة مجتمعه من اكبرهم الجد لأصغر طفل فيهم ، جالسين في الصالة بعد الغداء يحلون تكلم الجد ببتسامه : وينها هيام ما أشوفها اليوم ؟
ردت عليه نغم بتريقه : ما تبي تنزل تقول ما ابي مشاري يشوفني قبل يوم الزواج .
الضحك كان على ثغر كل فرد جالس في الصالة بقصد احراج مشاري الي تكلم وقال بغيض : يا سمجكم وبعدين وش فيها لو شفتها قبل الزواج ماراح أكلها ترا .
رد عليه جابر : يا أخي اثقل اثقل انا وهذا عمري ثقيل .
رد عليه ابوه وليد : اقول جابر امس جاني اتصال م.. ما كمل كلامه الا وجابر قال : كذابه كذابه ما سويت شي .
هنا ضحك ابوه والبقيه لان مافيه اتصال بالحقيقه ولا شي بس فهاوة جابر فلت السبحه كلها وكشف عمره وقال باحراج : ابوي ليه كذا تسوي .
رد عليه ابوه وقال : بس بشوف من الثقيل واعقل اعقل وانا ابوك اعقل
هينا تكلم الجد موجه كلامه لمرت ولده وليد "منى" : كيف التجهزيات يا منى عسى ناقصك شي ؟
ردت ببتسامه : لا يا عمي مو ناقص شي كل شي على اتم وجه
هز راسه ولف لسعود : المكتب ..
وقف وتحرك للمكتب وخلفه سعود الي سكر الباب وجلس بكرسي المرافق قدام الجد وقال: سم يا طويل العمر ؟
الجد قال كلمه وحده بس كفيله انها توصل مطلبه لسعود : بنت عمك..
هز راسة بفهم لما عرف مراد جده : تم.
الجد : تفضل .
قام سعود على طول لتنفيذ امر جده الي واضح انه يأس من ولده وستعان بيمينه سعود يشوف وين غدت ووش حال الدنيا معها.....

<<السعودية >>
الرياض
قصر السفير
الاحد
سانده ظهرها على السرير ولابسه الروب بعد ما طلعت من الشور ودهنت جسمها بأنواع الكريمات المخمليه ،وعطور الجسم، والمسك ، وبخرة شعرها الرطب وبخت فيه عطر شعر ،ومسكره عيونها تاخذ نفس مريح مشغله الفواحات في الغرفه لحتى بس تسترخي اليوم اللقاء اليوم بتقابل اهلها بالدم اليوم ، اليوم بتحدد هل هي بالقوه الي عزمتها طول الاربع سنين الي راحت لو لا..!
بتشوف امها شلون شكلها الحين اممم للتفكير هي ما قد امعنت النظر في امها زمان، ابوها للان على قسوته ولا لا ، اختها يالله كبرت واليوم زواجها شلون بتكون بالابيض وش شعورها وهي بتتزوج حبيبها وبتجيب منه نونو بالحلال، اخوها يالله للان هو نتفه مثل اول ولا كبر وصار رجال جلست ساعتين مسكره عيونها وذهنها غايب تفكر ، تفكر بـ باللقاء والمشاعر وردود الافعال وكل شي تفكر فيه
فتحمت عيونها لما سمعت الباب يطق راحت تبدل روب الحمام من على جسدها الخمري بشورت وقميص حرير لؤلؤي وعليه الروب الحريري : تفضل.
دخلوا العاملات وبدو شغلهم وحده تسوي شعرها، ووحده يدها ووحده رجلها بدكير ومنكير ، في غضون خمسه واربعين دقيقه خلصوا وطلعوا قامت تسوي مكياجها وتكمل لبسها -
-
بالقصر عاملين داخلين طالعين باشراف المسؤلين عن التزين وغير عاملين الضيافة والمصورين والمطربين
داخل القصر ريحة البخور والعوده ماليه البيت معطيه ايحاء للفخامه والكمال والي فيه محتاسين كل واحد يصوت على الثاني ويدور له غرض مع العلم انهم مجهزين كل شي قبل بليله بس لابد من الصراخ !!!
سعود كان لابس وجاهز ثوب ابيض وشماغ جيبه العلوي فيه قلمه الخاص بشته على ذراعه اليسار الي فيها كبك ماسك ثوبه وخاتم على اصبعه الخنصر وسبحته لافها على يده اليمين وجده قدامه نفسه ولا يقلون فخامه عن بعض نزل البشت من يده وخذا المدخنه من عمه وليد وجلس يبخر جده الي ابستم لسميه بالاسم وخليفته بالافعال : جعلني ابخر ولدك في عرسه .
شبه ابتسامه طلعت منه لما تذكر الي بتجيب له ولد
التفتوا على باقي رجال العائله لا يقلون فخامه عن بعض كل رجل في هذه العائله له مكانته الاجتامعيه الراقيه
رفع الجد راسه بفخر على عياله واحفاده يرفعون الرأس لا دخلوا مجلس يفز لهم كل من فيه صغير وكبير قال : حي الله عيال سعود..
لف لسعود وقال بضيق: أخوك مو جاي اليوم؟؟

-
-
لف لسعود وقال بضيق: أخوك مو جاي اليوم؟؟
هز رأسه بالنفي لجده : ما عندي علم يا طويل العمر ما يرد على اتصالاتي من خمس شهور
هز رأسه الجد بتعب وعتب على الحفيد الوحيد من عياله وأحفاده يخالف له شور ونطق بهمس : الله يصلحه ويهديه ويرده لي سالم .
سمعه سعود وكسر خاطره وده لو يروح يتله من رقبته ويجيبه لجده اول مره يشوف جده مسكور الخاطر ومن مين من اكثر إنسان قريب له في حياته ناهيك عن كسرة خاطره على بنت العم
لف على عمانه وعيالهم وتوجهوا كلهم لمجلس الرجال الكبير منظرهم مهيب جدًا للمار، الجد بالنص وعلى يمينه ويساره عياله وأحفاده يمشون بما أعطاهم الله من وقار وهدوء وهيبه وثقه كلهم لابسين ثوب ابيض وشماغ والاغلب لابس بشت .. -
-
-
بالدور العلوي عيونها تناظر المنظر بنبهار منظرهم اسر للعين وجدًا يعطي شعور بالامان لاي انثى لها علاقه فيهم فما بالكم ببناتهم .
لفت رأسها للبنات الي جايين عندها في الغرفة ومسببين ازعاج لمياء : الحين ضاقت عليكم الأماكن جايين عندي ؟
ردت عليها ليالي : معليش غرفتك اكبر غرفه هنا وشرحه تحملينا شوي.
قامت سحر من على الكرسي وهي مخلصه وراحت تلبس: يالله بنات ماعاد فيه وقت انجزوا .
دخلت عليهم نغم بدلع : هاي بالله مو فراشه .
ودارت دوره عليهم لابسه فستان وردي منفوش وفتحه للفخذ وكمه اليسار مفتوح فقط ،وشعرها مسويته رتروا على جنب ومكياج قلوي مخليها تلمع من اللطافه والجمال
جاوبت عليها لمياء : تجننين بس يالله انجزوا
ولفت على ليالي الخالصه ولابسه فستان سماوي من فوق واكمامه طويله وتفاصيله مليانه طيور شكلها انيق جدًا : ليالي يا عيني اذا خلصتي انتي وسحر روحوا شوفوا خالتي منى وش تحتاج تلقونها محتاسه
قامت ليالي بتأييد لكلام لمياء وراحت و معها سحر الي خلصت لابسه فستان احمر منفوش وماسك على الرقبه ومفتوح الظهر
لمياء لبست فستان كحلي منفوش وفتحه للفخذ واكمامه طويله ونزلت تحت

-
-
تحت عند الرجال الفخامه عنوان الحفل ريحة البخور والقهوه معبيه المكان رجال العائلة يستقبلون الضيوف ويرحبون فيهم ابتسم الجد لعياله واحفاده بفخر لحد ما سمع صوت فز له قلبه قبل عيونه ، يمشي بسطوة ملك ، دخل بدخله أمير ببشته الأسود وعصاه الي ملازمته وين ما راح عصاء سوداء يدها فيها مجسم ذيب سبحته ملفوفه في يده اليسار الي ماسك فيها عصاة وباصبعه البنصر خاتم نفس خاتم توأمه وكبك فخم ماسك ثوبه وفي جيبه العلوي قلمه الخاص وفيه مجسم أسد مصمم مخصوص له ، وقف ثاني واحد بصف الاستقبال بعد جده على يمنيه جده سعود وعلى يسار توأمه سعود بعد سعود عمه صقر ثم عمه تركي الملازم لصقر ثم ماجد ثم جابر وقباله
عمه وليد ثم مشاري ثم عمه جاسم ثم طلال ثم عبدالرحمن رجال العائلة مرتاحين لحضوره علماً بأنه مصدر توتر وشد اعصاب لكن هذا الوضع بينهم فقط قدام الناس هم قادرين على مسك زمام الامور
-
-
<<قسم النساء>> نفس الوضع الفخامه عنوان كونهم مختارين منسق شاطر والطابع الفكتوري الاساسي للقصر ساعد المنسق بأظهار كل ما عنده من ابداع اصغر اصغر التفاصل موجوده من بطايق الدعوه للعشاء الفخم الي فيه ما لذ وطاب الورد عنصر اساسي موجود والمشوع كان الحفل شي بمنتهى الرقي والفخامة و الجمال نساء العائله قايمين بشغلهم باكمل وجه من استقبال واشراف وضيافة ...

-
-
<<بقصر السفير >>
واقفة قدام المراية تتأمل نفسها بدايه بفستانها السلفر مفتوح الظهر كامل ماسك على منحنيات جسدها الي تعور القلب خصرها منحوت وممشوقة القوام فتحة الفخذ مبينه بياض جسدها المخملي
كتفها اليسار مفتوح واليمين ممسوك بقماش طايح للارض بشكل فخم ، كملت تاملها لعنقها الطويل أكثر شي تعشقه فيها بعد خصرها هو عنقها الطويل لابسه عليه عقد الماس يكسر الحين والطقم كامل من حلق لاسوراه لخاتم وايضاً ساعة شوبارد الي لابستها ، وصلت لوجهها ومكياجها السموكي الي عطى عينها حدة وجاذبيه لشعرها الي سوته رترو وتسريحه على وراء واخيرًا الكعب العالي الي لابسته حرفيا كانت " أثم " ضحكت على هذا اللقلب الي اطلقه عليها المعتوه خليلوه
لفت لعبايتها ولبستها ونزلت لعمها محمد الي ينتظرها تحت
وصلت ولقت سلطان معاه سلمت بتوتر : السلام عليكم
محمد : وعليكم السلام ، مشينا
هزت راسها : توكلنا على الله
توجهوا للسياره سلطان يسوق ومحمد الراكب الي جنبه
وخلف محمد جالسه بثبات لاكن داخلها انهيار من التوتر وبطنها يعورها ملاحظه نظرات سلطان عليها بس مطنشه وصلوا القصر توجه محمد وسلطان لقسم الرجال وكان باستقبالهم رجال العائله
وهي توجهت لقسم النساء وقفت عند باب الدخول تحس انها بتتراجع خلاص بس قوت قلبها ودعت ربها بسرها " اللهم أدخلني مدخل صدق وأخرجني مخرج صدق وأجعل لي من لدنك سلطاناً نصيرا"
سمت بالله : بسم الله وتوكلت على الله .
ودخلت..

-
-
بمكان ثاني
وبحي هادي ومريح
في احد البيوت البسيطة
داخل البيت ثلاث إناث
الجدة أمنيه وتوق وجوري
دخلت توق الي دوبها راجعة من دوامها وتعيل هذه الاسره، تحمد ربها وتشكره حالهم من احسن ما يكون حالياً هي تداوم بالجامعه تطلع منها تروح تشتغل كعمل جزي موظفه في احد المقاهي قالت بدلع فطري : السلام عليكم تيته ...
انحنت تقبل راس جدتها ثم خدها اليمين ثم اليسار ثم خشمها ثم رجعت لخدها اليمين ثم اليسار لحتى ما الجده بعدتها عنها: بس بس خنقتيني بعدي عندي .
ضحكت ضحكة رنانه من جدتها الي تستحي من حركاتها معها ولفت لجوري وضمتها بقوه وكون جوري نسخه مصغره من توق شكلاً وشخصية بخلاف لون الشعر ماسكين وجيه بعض يقبلون بعض بكل مكان يطيح ثغرهم فيه وضحكوا مع بعض قالت توق : شلونك تيته شخبارك ؟
ردت عليها جدتها : بخير يمه بخير .
توق : حمدالله .
كملت وهي تشوف ساعتها : يالله تيته موعد علاجك قرب بقوم اسوي العشاء ناكل وتاخذينه .
هزت الجده راسها : على خير ، وكلمت بهمس : توق ما عرفتي عن اخوك شي ..؟
الضيق اكتسح ملامح توق لحتى قالت : لا والله يا جده للان ما اتصل علي الله يهديه بيكمل سنه غايب الله يرده سالم ومعافى يارب ...
تحركت وتركت جدتها وجوري ودخلت المطبخ
داخلها ضايق على اخوها بالحيل ما تدري ارضه من سماه وتدعي له في سرها كثير تعوذت من ابليس وراحت تسوي العشاء لجدتها وجوري...

-
-
<<نرجع القصر >>
دخلت على الحمام على طول ترتب نفسها ، لفتت انتباه الموجودات بالحمام جلست ترتب نفسها ببرود ما تبي تكون المواجه وجه لوجه على طول، تبي تشوفهم بالاول وتمعن النظر فيهم ثم تدخل عليهم وتواجهم يوم خلصت وشافت الحمام فضى مافيه احد توجهت لجهة الحريم وحمدت ربها الاستقبال خلص ماتبي المواجه حالياً جلست على اقرب طاوله لها عقلها مع اهلها مو مع الضيوف قاطع تفكيرها صوت وحده من الطاوله الي جنبها : ايه قبل اربع سنين خمس كذا زوجوا بنتهم لولد الطالب وقتلت زوجها يوم سافروا أمريكا بعدها ما عاد رجعت الديرة ضني سجنوها هناك وافتكوا منها...
ردت عليها الي معها : الله يكفينا شر خلقه ، وراه يا كافي ذبحته ..؟
جوابت الاولى ببساطه ما تدري ان الي تقوله ممكن يدمر انسانه كامله من هذا الكلام الي راح بتناقل بين البشر : يمكن ابوها غصبها عليه وقامت وذبحته..!
قالت وحده ثالثه:ما علينا شوفوا الي وراكم ، ما شاء الله الف من ذكره تمشي وتسدح عشر رجال وراء بعض من الانوثه الي فيها .
من الغباء انهم لفوا كلهم لحتى قالت الاول: ايه والله يا ساتر يالفتنه الي اشوفها يا حظ الي بياخذها
والثانيه : ما شاء الله صدق تعور القلب الجسم عور قلبي وانا بنت...
الكلام هذا كله كان تحت مسامعها معقول اهلها كذا يفكرون لعشان كذا محد زارها وقت كانت بالسجن ضحكت بسخريه كبيره على نفسها وعليهم لو بس يعرفون ان الي ذموها ببداية حديثهم هي نفسها الي مدحوها بنهاية حديثهم
رفعت راسها لما سمعت وحده تقول لهم : يا هلا فيكم نورتوني وشرفتوني في زواج بنتي.
" في زواج بنتي ، في زواج بنتي " اليوم زواج اختها هيام يعني ،يعني هذه امها رفعت راسها عند هذه الفكره وتمت تناظر في منى يالله شكثر امي جميله حيل ما شاء الله يا ترى هيام بنفس جمال امي ؟!!!

الشخصيات

✨الـ عبدالعزيز
الجد " سعود بن شعيل الـ عبدالعزيز - صاحب الرأي السديد والشور الأخير ، عامود البيت ومركازه ، بعد وفاة بنت عمه وزوجته و رفيقة دربه ومعشوقته الأولى تزوجها عن حب طاهر وبريئ ومن خلال رقة زوجته وعذوبتها قدرت تغذي هذا الحب وتخليه يكبر ويكبرون معها لين ما ربي أخذ امانته وتوفت، عنده من الحكمه الشئ الكثير والكثير جلسته تنشرا بغالي الأثمان صغير وكبير يجلس معه ويسمع له شاف من الدنيا الكثير فخور جدًا ينتائج تربيته الظاهره للعلن محد يقدر يقول عيالك فيهم "العيبه" ، كاسر ظهره ثاني أغلى حفيد عنده بالخفا محد عارف بغلاوة الحفيد "الكارثه "غير سعود "
-
الجدة " جميلة بنت مطلق الـ عبدالعزيز -متوفيه " -
الأبن الأول " متعب بن سعود بن شعيل الـ عبدالعزيز -متوفي هو وزوجته نهى من عمر عياله ٨ سنوات "
-
له من العيال أثنين؛ " شعيل بن متعب بن سعود بن شعيل الـ عبدالعزيز صاحب٣٥ عاماً تؤام لسعود اكبر منه بـ٦ دقايق - مجهول الوظيفة - يختفي بالأشهر ويطلع ،مصدر توتر للعائله أسم على مسمى، ما يوطى موطى قدم الا ويشعله ويروح، انسان قادر على فرض رأية على الي قدامه لو مين ما كان، جدًا عادي ياخذ الاساليب الرديئه عشان يفرض الرأي ،عنده مبدأ " عليك بالصلوات الخمس ، والقران ،وبر الوالدين ،وتجنب الظلم " صلواته ويأديها وبالوقت وحافظ للقران ، ووالديه بطبيعة الحال متوفين، وما يظلم ، غير كذا كل شي عنده مباح فياخذ كل الاساليب الملتويه عشان يحقق الي يبي وطبعاً نجح نجاح باهر كون ما يمسكه لا عادات ولا تقاليد ،ينطبق عليه كلمة " التضاد " كل شي فيه مناقض للثاني شخصيه صعبة جدًا"
- "سعود بن متعب بن سعود بن شعيل الـ عبدالعزيز صاحب ٣٥ عام تؤام لشعيل - رتبة عقيد - رجل بمعنى الكلمه " شهم الفعول " وبطبيعة الحال كونه حفيد لسعود بن شعيل لا دخل مجلس يفز له الصاحي والداني ، محد يقدر ينرفزه او يفلت اعصابه عنده قدره عجيبه على مسكة الاعصاب ،الوحيد الي جده ياخذ منه الشور ،ومرافق لجده من الصغر لحتى خذا منه الاطباع كلها ،قليل الكلام ،وسديد القول ما يخفي عليه خافيه، ولا يخفي على جده شي ، متزوج "

-
الابن الثاني " وليد بن سعود بن شعيل الـ عبدالعزيز- من مجلس الاداره في الموسسة التابعه لهم - أب قادر على مسك زمام امور بيته طلبات عياله مجابه ما يرد لهم رد ابدًا عدا بكره ما عمره صار لها الاب ولا يبي يصير لها الاب من اساسه داخله حنيه عظيمه ما يطلعها الا لهيام وجابر متزوج من زوجته منى خذاها عن قصة حب عظيمة تحولت لملحمة قويه "
-
" منى بنت جابر الـ عبدالعزيز- كانت جميلة عهدها ولازالت جميلة عهدها أية من الجمال والحسن الي جعل وليد يتعلق فيها جدًا من صغره لين تزوجها لو ما صار حدث" ليله الأسود" صاحبت الشعرالأسود الكثيف والطويل والعيون المسحوبه والوساع والسودا والبشره المخمليه والانف الدقيق والثغر الصغير والجسد الرويان وكل هذه الصفات ورثتها لبكرها وبعدها بنتها الثانيه هيام "
-
" قمر بنت وليد بن سعود بن شعيل الـ العبدالعزيز صاحبة ٢٣ عاماً " ليل ابوها الاسود "مسماها الأخر " أثم" اطلقه عليها خليل ابن العامله في المدرسه الداخليه لشدة جمالها- ما كملت دراستها وفعلا كانت أثم للنظر جسدها مخملي ومنحنياته تعور القلب متوسطة الطول ،شعرها لوحده يحتاج دواوين من الشعر، عيونها الوساع فيها بريق يخلي العين الناظره تنسحر من الجمال، أنفها دقيق ، ثغرها مرسوم ومبروم عندها شامه تحتها ، لها وجنات تحمر مع الشمس ، عنقها طويل ومرسوم مع الفك ، جذابة حيل ملامحها اقرب للحده من البراءة عدا عيونها طبعاً الي تقدر تعلب فيها وتتحول من شخصيه لشخصيه من خلال نظراتها ، قوية بحق ، لها القدره على ردع كل من يوقف بوجهها بنظره منها بس مكاره تسوي الي تبيه من تحت لتحت "
-
" هيام بنت وليد بن سعود بن شعيل الـ عبدالعزيز صاحبة ٢١ عام- تخصص لغات وترجمة ،حليلة مشاري
على الدلع الي ابوها مدلعها هو لاكنها مؤدبة ورمز للمثاليه في العائلة هذا كله نتيجة تربية امها منى لها جمليه فيها ملح ما توصل لجمال امها واختها بس الملح الي فيها والرقه والنعومه تُدرس"
-
" جابر بن وليد بن سعود بن شعيل الـ عبدالعزيز صاحب ١٧ عام- انسان حرك جدًا ، عنده روح المغامره يحب يجرب كل شي حتى لو فيه خطوره ولعاب ، وطلباته كلها اوامر ،الا ان الحلو فيه عنده عاده ما يبتدي يومه الا لما يتصدق بـ١٠ ريال لاي محتاج يقابله عامل نظافه ولا غيره ومحد يدري بهذه العاده ،خلوق جدًا، يحب ينرفز نغم يمكن عشانها تتنرفز بسرعه"

-
الابن الثالث " جاسم بن سعود بن شعيل الـ عبدالعزيز - من مجلس الادارة المؤسسة التابعه لهم ،انسان حياته سيدة اليمين يمين واليسار يسار ومربي عياله على هذا النظام، الوسطيه في الامر اساس حياته، سخي جدًا ما يبخل على نفسه ولا على احد يمسه، العائلة عنده رقم واحد متزوج من مناهل"
-
" مناهل مطلق الـعبدالعزيز - ربة منزل وسيدة حكيمة زوجها دايم يرجع لها ويستشيرها في كل أمور حياته التحاور عندهم شيء أساسي وهذا الجو الأسري المتفاهم طلع ناس متفاعلين بالمجتمع بشكل إيجابي "
-
"مشاري بن جاسم بن سعود بن شعيل الـ عبدالعزيز صاحب ٢٨ عام - انسان يصنف تحت المثاليه صحيح مافيه احد كامل بس نقول الاقرب للكمال مستعد يجلس مع الشخص الي يتخالف معه لين يقنعه يحب يسمع ويعطي ومسالم جدًا وبسمته على وجهه الكل يحب ياخذ رايه بدون ادنى خوف وبثقه تامه على حصول الي يبغونه بشكل سليم اخذ هيام بنت عمه لان دايم يشبهون شخصياتهم وانهم مكملين لبعض ومتشوق جدًا لشخصها "
-
" ليالي بنت جاسم بن سعود بن شعيل الـ عبدالعزيز صاحبة ٢٦ عام - متخرجة من الطب وحلمها من الصغر هذا الشي تصير طبيبة وتساعد الناس روحها نقية جدًا وتعرف توزن الامور "
-
" طلال بن جاسم بن سعود بن شعيل الـ عبدالعزيز صاحب ٢٥ عام - متخرج هندسه ويشتغل في المؤسسة التابعه لهم - لطيف جدًا عاشق للعود والطرب الشعراء الاقرب لقلبه بدر بن عبدالمحسن وخالد الفيصل وافضل مطربيه ابو نوره وعبادي وطلال مداح وخالد عبدالرحمن، شجي الصوت "
-
" نغم بنت جاسم بن سعود بن شعيل العبدالعزيز صاحبة ١٧ عام - دلوعة ابوها تدرس ثنوي مشاغبة بس تحب الدراسة ودافوره وجودها في المجلس يخلق جو لطيف وحلو ، تتنرفز من جابر لانه دايم مكبر عمره ومصغرها معن ما بينهم الا ٦ شهور"

-
الأبن الخامس " صقر بن سعود بن شعيل الـ عبدالعزيز صاحب ٣٥ عام - يلبي طلبات ابوه كامله ومجابه غامض جدًا جدًا وهذا الشي متعب ابوه ،غير متزوج "
-
اخر العنقود
" تركي بن سعود بن شعيل الـ عبدالعزيز صاحب ٣١ عام - غير موظف - رجل الهيئة والبنيه ، طفل العقل والفكر ومن أوسم رجال العائلة ظاهرياً متزوج من غيم"
-
" غيم بنت ناصر حليلة تركي صاحبة ٢٣ سنه- خريجة علم نفس - تزوجت تركي بناء على رغبة ابوها قبل يتوفا وهي على علم بحالته "
-
" حلا بنت ناصر حليلة سعود صاحبة ٢٠ عام -تزوجت سعود عن رغبة ابوها مثل اختها تماما رغم فارق العمر الكبير جدًا بينها وبينه "
-
✨ الـ سلطان
- "الجدة امينة زوجها متوفي - صارمه جدًا لكن داخلها ينبع من الحنان والطيبه دايم هي وحفيدتها بينهم شد واخذ لطيف كونها ما تفهم الجيل هذا ، لها ولد واحد وربي اخذ امانه هو وزجته "
-
" فهد بن خالد الـ سلطان صاحب ٢٦ عام - مختفي له حول السنه"
-
" توق بنت خالد الـ سلطان صاحبة ٢٢ عام - تخصص صيدلة - تشتغل نادله في احد المقاهي المفتوحه قريب عشان تقدر تعيل اسرتها بعد غياب اخوها المفاجئ، عندها حس بالمسؤلية عالي ، دلوعه مره وعوبه والي في راسها تسويه من الناحيه الجماليه فربي ابدع في خلقه فيها "
-
" جوري بنت خالد الـ سلطان صاحبة ٨ سنوات- دلوعة اختها ونسختها المصغره شكلاً وصفاتاً ما عدا لون الشعر كلهم شعورهم طويله وكثيفه حيل لكن توق لونه اسود بلون الليل وجوري لونه بني "
-
✨عائلة السفير
- " السفير محمد بن عبدالله سبق التعريف فيه عنده بنت وحده كادي "
-
" زوجته سارة بنت راشد- انسانه خلوقه جدًا رمز للاناقه والحضور الراقي والجذاب "
-
" كادي بنت محمد دلوعة ابوها صاحبة ٢٢ عام - تدرس في امريكا اخر سنه لها مو مصدقة راح تتخرج خلاص تخصص هندسة معمارية "
-
✨" القنصل سلطان بن يوسف الـ سلطان - سبق التعريف فيه "



نتوقف هنا...