[لامارا]

البارت 6

بعد مرور ثلاث ايام ⚜️.. اولاً في بيت ابو فهد .
راكاان كان يجهز شنطته بعد ما خلص
من بعض الاثاث الخاص فيهم .. لانه خلاص اليوم اخر يوم له و يطلع .. فهد لا جديد ، كان حزين جداً على
فراق خالته ، وهالحين بيروح راكان
بعـد ، بس مستحيل اضغط عليه
لان الي فيه مكفيّه .. امال تحسنت حالتها بـ مراجعه من
امها على الوجبات والادوية .. في بيت ابو محمد .. محمد و ابوه نفس الروتين من البيت
للـدوام .. مازن حياته فاضيّة ما بين اصحابه
واحياناً يجي الشركة عشان خاطر
ابوه .. لمـى يوم عن يوم يكبر في بالها
كلام صديقتها وقررت تكسر
القاعده و تطلع من غير علم ابوهاا .. على ان ابو محمد قليَل ما يرفض
لها طلب .. واذا رفض فهو عشان مصلحتها .. في بيت ابو وليد .. رجعت ابتسام لـ دوامها
و الحياه طبيعيّه بـ استثناء ابو
وليد كان دايم حزين وجالس لحاله
و ندمان جداً انه ترك اخته
كل هالسنين .. !!! في بيت ابو سيف .
برضو لا جديد ، بس زيارات مي
كثيره بالفتره الاخيـرة ..
و كانت تحاول تكسب داليا على
انها تكره غرورهاا الزايـد .. في بيت ناصر .. بعد ما رفضت طيف تعطيه الوكاله
جن جنونه ، و طردها هي واخوانها
بلحظة غضب .. ساعدوها عمااتها و استجرو لهم
شقه صغيره بحـي ***** و كان يفصل بينهم و بين بيت
ابتسام شارع فقـط .. !

وكانت جداً منهاره من تصرف
زوج خالتها ، وسكوت خالتها
رغم انها عارضت بس لما شافت
غضب زوجها سكتت حفاظاً على
بيتها .. تنهدت وهي تقفل الباب على اخوانها
الصغار .. عمتها ام حمد : نامو ؟
طيف بحزن : ايه نامو
ام حمد : يلاه وانتي نامي يا قلبي
طيف تنهدت : خليك مني يا عمه
انتي ليش ما تروحين لبيتك
عيالك من عندهم
ام حمد : ابوهم موجود وما هم صغار
ما عليك ، اهم شي انتو عندي
طيف اتجهت لها وضمتها :
الله يخليك لنا
ام حمد : ياعيوني و يخليكم ويسعدكم
يارب
ومسحت على راس طيف :
خليك قوية يا طيف لا تضعفين عند
اول ازمة
هالحين اخوانك امانه برقبتك لين تقوم
امك بالسلامة .. في بين ناصر .. نوف بقهر : تحمل قرارك هالحين !
ناصر بعصبيه :
مستحيل اخلي كل هالفلوس للبزر ذي !
نوف : قلت لك باللّين ياناصر
ما في شي بالقوه !
ناصر يدور بقهر : لازم اصلح
الي سويته لازززم !
نوف نزلت كوب قهوتها و قامت :
ايه صلح اذا قدرت على طيف
وبسخرية : بنت ابوهاا .. في بيت سارة صديقة لمـى .. ريان : بعدم تصديق :
بتجي ؟
ساره بـتكبر : قلت لك اقنعهااا اناا
ريان : كفو هذي اختي والله
ساره : يلا اهم خطوه و صارت الباقـي عليك ، ترا مليت وانا مقابلتها بالجامعة عشانك !

يوم جديد .. ⚜️ دخلت المستشفى بعد اجازة ثلاث
ايام .. واتجهت لـغرفتها بشوق .. بنفس المستشفى .. طيف جالسه عند راس امها
وتسولف وتشكي لها وكانها
تسمعها .. !
رغم انها تعرف انها بغيبوبة لكن
تحاول تخفف من العبء الي بقلبها
و المسوؤليات الي تواجهه مع
اخوانها .. في بيت ابو وليد .. ابو وليد : والله ما هي من قدرك
و الود ودي تسـكن مـع
قاطعه راكان : ما تقصر والله .
و ناظر للغرفه الصغيره : لا تمام
ابو وليد : اذا ع البنـات أنـ
قاطعه بهدوء :
خالي انا ما ابي اعيش داخل
انا ما اخذ راحتي ولا البنات ياخذون
راحتهم
فالافضل اعيش هنااا
ابو وليد : الي يريحك يا وليدي .. في بيت ابو محمد .. كانت بغرفتها و بحماس :
طيييب بعد المغرب
ساره بتملل : اي مناسب ، وبتتأكد :
قلتي لـ اهلك ؟
لمى بتوتر : لااه بابا ما يوافق بيقول
ما صارلك تعرفينها ووالخ
ساره : ايه ايه حللللو ، عندك احد
يوصلك ولا اجيك انا و السواق؟
لمـى : السواق بيقول لبابا اني
طلعت
ساره : خلاص اجل انا اخذك ..
لمى بفرح : الله لا يحرمني منك .. ساره بتسليك : ولا منك ياعيوني
وقفلت منها و اتجهت لغرفه ريان
ساره : صاحي ؟؟ ريان : ايه ادخلي
ساره : بكرا بعد المغرب بتجي
و بكره : ولا بعد حنّا بنروح نجيبها
ريان بـ ابتسامة نصر :
نجيبها ليش لاااا
في بيت ابو فهد .. امال : كلمته ؟
فهد يناظر للجوال و بقهر :
لاا
امال : فهد اعرف ان راكان مثل فيصل
ويمكن اكثر
بس تذكر ان الي راح له مو غريب
خاله
فهد تنهد و بقهر : حنّا اهله بعدد
تعودت لما ادخل لازم اسولف معه
اول
و بحزن : وتعودت على خالتي لما
تهاوشني الا افطر الصبّح
احس حياتي بدونهم ولاشي .. امال : هذي الحياه يا فهدد .. في بيت ابو سيّف .. سيّف بنرفزه : يبي يعيش عندهم ؟؟ رنا ببرود : ايه
سيف تنرفز مررره .. داليا بنبره غريبه : ايه اكيد يعيش عندهم
ولد اخته الوحيد .. ما له احد غيره .
وبخبث : الله يعين ابتسام و نجود بس
رنا : ليش ش دخلهم فيه
داليا وهي تناظر لتعبير وجهه سيف :
يعني ولد عمتهم وعايش معهم .. ما يقدرون ياخذون راحتهم
رنا : اييي لا نجود تقول نظفنا له الملحق
ويبي ينام هناك
سيف وكانه هدا شـوي .. انا يجن جنوني من دوامها بالمستشفى بعد يطلع لي ولد عمتها .. !

في الليل في بيت ابو وليد .. رن الجرس و وقف بتوتر .. وبنفسه : فهد شفيييك !! خلاص
اقتنع بالي صار ومن اليوم ورايح
اذا تبي تشوف راكان تجي هنااا .. فتح الباب راكان .. و ابتسمت لا شعورياً وهو يشوف اخوه
و سنده جاي يزور بـ اول يوم بالبيت
و الحياه الجديده
ضمه بقوه
راكان : كانك حاسّ فيني !
فهد بـضحكة : ادري فيك ما تستغني
عن شوفتي
راكان بضحكة : ههههههه يا واثق بس
حياك حياك
فهد بتسرع : لالا خليّنا نطلع
عازمك على افضل مطعم بالرياض
كلهااا
راكان : اهدا من كذا يا ابو محمد
ههههههههه
فهد بضحكة : لا يعني مو افضل شي
بس لذيذ والله
راكان : دقايق اجيب جوالي و اجيك
فهد : انتظرك بالسياره
راكان : اوك
فهد وهو راجع لـ سيارته .. شاف سيف طالع من البيت المجاور
فهد بدا يربط الاحداث
يعني الي جا بالعزاء عن طريق ابو
وليد .. و البنت الي بعزاء اخته .. وش اخته
يمكن زوجته !
استغفرالله بس .. واتجهه للسياره ولما فتح الباب
سيف بصوت عالي :
مسائك الله بالخير
فهد بـ احراج : هلا مساء النور
شخبارك
سيف : بخير الله يسلمك .. وتبادلو الابتسامة وكل وحد ركب
سيارته .. بعد مرور دقايق
طلعت داليا و رنا و اتجهو لسيارة
سيف .. فهد عرف شكلها من بعيييد ، طولها
المميز مستحيل ينساه .. و بتسارع : استغفرالله شفيّك انت .. و بعد مرور ثواني
فتح الباب راكان : عسى ما تاخرت عليك .. فهد : هههه لاه
في احد الاستراحات .. قطع حبل افكاره صوت صديقه سعد
سعد بصراخ : هييّه شفيك انت
ريان بعصبية : خير ش تبي ؟
سعد : شفيك من جلست وانت
ساكت
ريان بعصبيه : ما لي خلق اتكلم
و وقف بسرعه :
حتى الي يبي يهدوء هنا ما يقدر
وطلع بعجلة .. سعد بصدمة : شفيه هذا
احد الشباب : ما تعرف ريان اذا
قفلت اخلاقه .. وكملو لعب ******** في سياره ريان .. هانت يا فهـد الـ ******** .. والله لا اخليّك تندم على اليوم
الي شفتها فييه .. ورجعت فية الذاكـرة قبل ٤ سنوات
كان زميل عمل وعلاقتهم مره
قوية ..
فـ كان يتردد عليه بالبيت احيانا
يشتغلون مع بعض .. ومره كلمه وقال له ادخل بـ اتاخر
شـوي .. و بعد مرور ربع ساعـة .. دخل
و انصدم من وجود اخته
بصاله و فهد جالس .. !
جن جنونه و ضرب فهد بكل قوه
وقهر .. وندم على كل لحظة وثق فيه .. انا غبي دخلتك بيتي و عديتك
صديق !
تسوي فيني كذا ، تطعني بظهري .. رغم ان فهد كان يقول ما في شي
وحاول ينكر الموقف
لكن سكوت اخته هاجر .. قلب الموضوع ضد فهد .. وفكر
ان سكوتها دليل ان بينهم شي .. ومن هاليوم ريان حقد على فهد و على عايلة ******* ..

في الليل .. بسيارة فهد ..
راكان : شرايك تنزل ؟
فهد ناظر له بـ استحقار :
يالاخو ترا بكرا ابوي ينتظرك بالشركة
راكان طق جبينه بتذكر :
الدوام
فهد بضحكة : ايه الدوام
وانتبه من ابوي ترا ابداً ما يحب التأخير
انا احياناً يهاوشني قدام ابو عمر
راكان بضحكة : هههههه لو
راحت فيني نوم بسبتك انت شف
كم الوقت
فهد : هذاي صاحي معك و بكرا
من ٧ بـ اكون هنا
راكان بضحكة : طيب نشوف يلا
استودعتك الله .. واتجهه لبيت خاله
فهد تنهد وهو يناظر له بـ ابتسامة .. وكمل طريقه .. في بيت ابو محمد ..
كانت محتاره ايش تلبس .. و احتارت اكثر لما قالت لها
ساره بنسوي حفله صغيره لـ اختي
عشان ملكتها
فـ اكيد بيجو صاحبتها لازم اكشخ زين .. في بيت طيف .. ام حمد : ارتاحي يا قلبي انا
اكمل
طيف : لالا والله ، اجلسي ارتاحي
يا عمه
ام حمد : ماخذه كل هالعناد من مين
طيف بضحكة : عمتي
قاطع حديثهم صوت افنان :
طيف ابي عشاء
طيف تنهدت : طيب ياعيوني
شوي واسوي لك عشاء
و رجعت تلعب
طيف ضربت ع راسها بخفه :
كيف نسيت انهم ما اكلو شي
من الصبح
ام حمد بحزم : انا اسوي لها
كملي الي بيدك انتي بس .. بهالوقت طق الباب
ام حمد : تنتظرين احد ؟
طيف اخذت الفوطه وجففت يدينها
و بتوتر : لا ، انا اشوف مين
واتجهت للباب وقبل لا تفتح شافت
من العدسه
ناصر وملامحه الكرهيّه واقف عند الباب
سندت ظهرها على الباب بتوتر
لالا تفتحين يا طيف لاتفتحين
ام حمد من بعيد : مييين ؟؟ اتجهت لعمتها ركض :
اص تكفين لا يسمع صوتك
ام حمد : مين ؟
طيف : ناصـ
ام حمد قاطعتها بعصبية :
وهذا ايش يبي
طيف : تكفين عمه ما ابي افتح له
خايفه يسوي لنا سالفه قدام
الجيران و يفضحنا
ام حمد بدت تتحلطم وتدعي عليّه .. في بيت سيّف .. كان منسدح ويفكر فيها .. اخطبها يا رجالّ !
لا تروح البنت من بين يدينك .. يمكن ابوها يزوجها ولد اخته
حتى هي لو ما تبي .. طيب وخواتي !
شفيهم خواتك ! عايشين معك
و ابتسام تحبهم مره
وقبل لا تاخذك هي تعرف انك الرجال
بهالبيت واكيد نعيش هنا للابد .. اقل شي مّلك عليها والزواج بعدين
اف يارب .. في بيت ابو وليد .. ابو وليد : شلونك يا بنيتي
ابتسام : بخير الله يسلمك
ابو وليد : هذي ملابس راكاان
يبي لها كوي يا ابوك
ابتسام مدت يدها : خلاص انا اكويهم
ابو وليد : اذا تعبانه اقول لنجود
ابتسام : لالا شدعوه دقايق بس ..
ابو وليد بـ ابتسامة : بكرا يبي
بدا دوامه بشركة *********
ابتسام : ماشاء الله .. الله يوفقه .

صباح جديد .. يحمل الكثيـر من الاحداث .
في بيت ابو فهد .
ام فهد : طيب افطر
فهد بعجله باس راسها : عليك بالعافييية
و اتجهه للباب بسرعه
ما يبي يتأخر على الدوام .
امال بضحكة : شفيّه هذا
ام فهد تنهدت و بحب :
هذا فهد وهذا طبعّه
امال بقهر : كل ما اتذكر انه خريج طب
و جالس يشتغل مع ابوي انقهر
على شهادته
ام فهد بحسره : كلنا قلنا له ادرس
اداره افضل لك
بس كان مصر على الطب .. امال : ما نعرف يمكن يحتاج شهادته
بيوم ويتوظف فيها
ام فهد : الله يقدم الي فيه الخير .. في بيت ابو محمد .. لمى بتردد : الجمعة ببيت عمي
مازن : ايييه و بتسرع : تجهزي
بدري ما لي خلق انتظر
لمى : ما ابي اروح
محمد وهو يشرب قهوته :
ليش
لمى بتمثيل : احس بصداع
فضيع ابي انام بدري اليوم
محمد : ما نطول
لمى بتسرع : لالا عادي اصلاً قلت
لـ امال ما اقدر اجيّك اليوم
ابو محمد : الي يريحك يا ابوك .. في بيت ناصر .. ناصر بعصبيه : اتصللي عليهااا
نوف : ماااترد
ناصر : تروحين لهااا اليوم تتفاهمين
معها
نوف : طيب طيب بس انت
اهدا شوي !
ناصر : اف يالقهر ، انا اخر عمري
اترجا بزر !
نوف : طول بالك يا ناصر
ان شاء الله بتسامحنّا
بالنهاية انا خالتها اخت امها الوحيده
ما لها غيري
ناصر بسخرية : ايه ايه .. في بيت ريان .. ساره بتردد : تكفى ريان مثل اتفاقنا !
لا تضر البنت بشي !
ريان ناظر لها بنص عين :
مو انتي الي تعلميني !
اساسا انا ما تهمني البنت ابداً ، بس
ابي اشوف فهد وقلبه متحرق على
بنت عمه .. وبقهر : هيّن يا فهددد .. ساره :
على ان هاجر تزوجت خلاص ، المفـ
قاطعها ريان بحده :
ماااا اقددر انسى ، ما اقدددر
كل ما اشوف اسم هالعايلة يحترق
قلبي الف مره
دخلته بيتي ، وثقت فيييه ، تقهوى معي
يسوي فيني كذا !! ساره تنهدت :
كيفك بس اهم شي لا تجيني بيوم
ندمااان
ريان بحزم : ما عليك البنت ما بضرها
بشي ولا ابي حتى اشوفها
انا يهمني فهد
ساره :
طيب بعد المغرب اتفاقنا
ريان : انا عندي مشوار بـ اخلصه و اجي اخذك نروح لها ..


نتوقف هنا