[لامارا]

البارت 20

في بيت طيف .. فيصل من حس بالخطوات قريبه
منهم
لا شعورياً سحبها مع يدها
و اتجهه لـ الملحق
دفها على الجدار و حط يده على فمها
و قرب منها عشان الجدار يغطي عليهم
ام وليد : نجود يمه
تنهدت : تموت لو ما تختفي تموت
و اتجهت داخل
فيصل ما كان مركز بالي يصير بس عيونه
للجدار منتظر احد يتقدم
و يشوفهم
بعد ما اختفى صوت ام وليد
استوعب الموقف و بعد عنها .. فيصل : انا انا اسسسف بس عشان
ما احد يشوفنا و يفهم غلط
نجود تقدمت وبعدته بيدها واتجهت
داخل و هي تحس نضباات قلبها
تتضارب .. وتنهدت وحطت يدها على قلبها
وهي تحاول تستوعب الي صار .. من هذا ؟؟؟ تذكرت عيونه و طوله و نبره صوته
وبتوتر غسلت وجههّا
خلاص انسي انسي يا نجود .. انا عن فيصل فما اهتّم كثير بالموقف
توقع انه موقف عابر وخلاص .. و الحمدلله ما احد شافنا ولا صارت
سالفه .. غبي انت ش مدخلك بقسم الحريم !
عند راكان و طيف .. لبسها الدبله بخفه
و بهدوء : مبروك لنا
و ركز بعيونها : اوعدك
اني بـ اسعدك و اخاف الله
فيك و بـ اخوانك .. وباذن الله اول شي نسويه
بكرا
بـ اروح لبيت ناصر واجيبهم
طيف بـ انفعال : صدددق ؟؟
راكان ابتسم بخفه :
باذن الله
طيف ابتسمت لاشعورياً و نست
وجود راكان بكبره .. يوم جديد .. على الغداء كانت نازله من الدرج
و سمعت صوته : هلا هلااا
رفعت راسها وحستّ الدم تجمد بعروقها
وهي تشوفه جالس بجنب ابوها !!!!! ما تعرف ايش تسوي !
تنزل .. ؟ ولا ترجع لغرفتها
ابو محمد : تعالي يا بنيتي تعالي
ما في غريّب ، زوجك و جاي يشاورك
بـ التجهيزات
لمى بتوتر : انا انا تعبانه و وقت ثاني
و رجعت لغرفتها بسرعه وهي تلتفظ
انفاسها خير ش يبي شجايبه !!!!!!! كيف يتجرأ !!

في غرفه لمى .. دخلت وهي جداً معصبه !
ابوي كيف يوافق !
اتجهت للسريرها ونزلت الروب
و اخذت الابتوب
تكمل تسوق اولايّن .. طق الباب تنهدت اوف اكيد
ابوي مرسل الشغاله
من غير نفس : ادخلي
وما رفعت راسها
بعد ما تقفل الباب
لمى : شتبين ؟
اذا مرسلك ابوي عشان انا ف قولي
له لمى تعبانه
ريان بضحكة : بس ما فيّك الا العافية
لمى من الصدمة
رفعت عيونها ش جايبه هنا بعدد
نزلت اللابتوب عند رجولها بسررعه
و اتجهت للروب لانها كانت
لابسه شورت لـ نص فخذها على تيشيرت
ابيض سنبل .
ريان : ما في احد غريب انا زوجك
و كان يناظر لها بتركيز .. لمى لبست الروب واتجهت له :
نعم ؟؟ باي جراءه تجي لبيتنا ؟
ريان قرب منها : شكلك لسى ما استوعبتي
ان زواجنا باقي عنه قليل
و انك زوجتي على سنه الله ورسوله ؟
لمى بتوتر : لا تقرب لا تقرب
ريان بخبث : واذا قربت ش بتسوين ؟
لمى : والله اقول لا ابوي
ريان : طيب انا قبل لا اصعد استأذنت منه
اساسا و هو وافق
لمى : مستحيييييل
ريان : عمر لا صدقتي عاد ، جالس اكذب
عليك انا !
لمى : اطلع برا لو سمحت
ريان ضحك بخبث : نوو
و اتجهه للسرير و جلس على طرف
السرير : انا بـ اشاوركم بكم شغله
لمى : وانا ما ابي اتكلم معك
ريان ناظر لها : ما تبين
و اتجهه لها :
ترا ما عندي بال طويل
لـ دلعك الزايد عزيزتي .. واساسا انا مضغوط بما فيه الكفاية .. وسحبها مع يدها و جلسها على
السرير .. وتنهدت : اول شي ، واهم موضوع
عندي بنتي قوت .. بتعيش معنا
رفعت عيونها لمى : ايش !!! ريان : الي سمعتيه لان مستحيل اخلي
بنتي تعيش عند نوره
عمرها ما كانت الام الصح لـ قوت
بس امي سكتت عشان خالتي
طول هالسنين
وهالحين بما اني تزوجت و بـ اسكن ببيتي بـ اخذ بنتي معي
لمى : حرام تاخد البنت من امها
يمكن ما كانت لك زوجة على اكمل وجههّ
بس اكيد انها حنونه على بنتها
ريان بحرقه : ما احد يعرف نوره كثري
لمى : لا تحرق قلب الام على ضناها
حرام عليك تفرقهم بعد كل هالسنين
ريان بصرخة : وانااا وقلبي مو محترق
على بنتي الي ما اشوفها الا بالشهر
مره
مو حرام ان كل مره اوقف عند باب بيتها
تتعذر لي باعذار سخيفه بس عشان
ما اشوفها ؟؟؟
مو حرام على الايام الي قضيتها وانا
انتظر مكالمه بس تطمني عنها
وكل ذا سااااكت بس عشان قوت ما تتشت
بيننا وهي صغيره
بس خلاص هالحين تدرس باخذها
غصباً عن الي ما يرضى

لمى لا شعورياً وقفت :
الامور هذي ما تنحل بالقوه فيه بنت
بالوسط ، اطلبها بالطيب و تفاهمو
و تصير تسمح لها انت كل اسبوع تروح
لا امها عشان ما تفقد مكانها وانت ما تقصر معها ..

لمى لا شعورياً وقفت :
الامور هذي ما تنحل بالقوه فيه بنت
بالوسط ، اطلبها بالطيب و تفاهمو
و تصير تسمح لها انت كل اسبوع تروح
لا امها عشان ما تفقد مكانها
وانت ما تقصر معها
و ........ وجلست تتكلم بعقلانية عن
المشكلة
ريان تحول غضبه بلحظة لـ رواقان
وهو يشوفها تركت كل مشاكلهم على
جنب و جلست تتكلم معه بـ احترام
بس عشان الموضوع يخص بنته .. في بيت ناصر .. كان النقاش حاد جداً .. راكان : خمس دقايق اذا ما نزلو افنان
و باسل والله لا اصعد انا بنفسي !!!! ناصر : انت بـاي صفه جاي تتهجم على
بيتي ؟؟؟؟ راكان طلع ورقه من جيبه :
بصفتي زوج اختهم الكبيره اولاً
ثانياً لا تتكلم عن التهجم لان كلنا نعرف
كيف اخذتهم وانت ما معك تصريح
لا من محكمة ولا شـي !
و جلس على الكنب : واذا بتتصل
على الشرطة اتصل اتصل
حتى انا عندي كلام بـ اقوله ، تعالي
طيف اجلسي هناا .. ناصر حس بضعف الدنيا كله ،
ببيته و يتطاول عليه
تنهدت بقهر : بتاخذهم هالحين
بس بعد الجلسه الاولى اشوفك
تطق بابي تبي بس تشوفهم
والله ما اسمح لك
راكان ببرود : خير ان شاء الله ،
هالحين خلصنااا ... طيف كانت تبكي مو مصدقه .. وكانت تحمد ربها الف مره
على راكان و وقفته معها .. بعد مرور نص ساعه .. نزلو افنان و باسل و استقبلتهم
بالاحضان و الدموع .. راكان ما يحب المواقف الي مثل
كذا
راكان : انا انتظركم بالسياره
و اخذ الشنط وطلع وهو يخز
ناصر بكره .. في غرفه لمى .. بعد ما استوعبت نفسها سكتت
و كمل ريان باقي المواضيع
الي تخص حياتهم
من سكن الى زواج الى موضوع السفر
المؤجل بالاجازة لان لمى تدرس
وهو مشغول
وطبعاً وافقت لانها هي ما لها خلق
له بالبيت عشان اسافر معه !
في بيت ابو وليد .. ابتسام بصوت عالي : هيّه اكلمك انا
نجود بضياع : هاه اي اي اسمعك
ابتسام بضحكة : شكنت اقول ؟
نجود بتافف : اوف ابتسام اوف
واخذت جوالها وصعدت الدرج
وهي ما زالت تفكر بـ الرجال الوسيم
الي شافته ببيت بنت جيرانهم !
من هو ؟ من اهل طيّف
لالا ما اتوقع
راكان ما عنده احد غيرنا ، وفهد
اعرف شكله .. يعني من بيكون هذا !!!! اف خلاص انسي نجود .. وناظرت للمرايا انتي شايفه
وزنك الزايد وعدم اهتمامك بنفسك .. ههههه وضحكت بخسرية
مستحيل فكر فيك حتى .. انسيه وكملي حياتك يا نجود !

في بيت طيف .. دخلت مع اخوانها و الارض مو سايعتها
من الفرحة .. حتى انها نست وجود راكان بكبره !
راكان لما شافهم مع بعض انسحب
للحديقه
وهو بنفسه مقرر يعطي نفسه و طيف
فرصه للتعارف اولاً
لان ما في زفّه بس عقد قران .. في بيت ابو سيف .. ام سيف : يمه سيف اكلمك ؟
سيف بشرود : هلا هلا يمه
ام سيف : متى تبي الملكة خالتك
و ....... وجلست تتكلم
بس سيف مو مركز
ام سيف بصوت عالي : سييييف
سيف : يمه ما ابي اتزوج
ام سيف وقفت بصدمة : ايييششش
سيف : يمه قرار كان بلحظة تهور
ما احس اني مستع
قاطعته بحده : تستهبل انت ؟؟؟؟ كلمت خالتك و زوج خالتك
و البنت موافقه
والناس تتكلم بالتجهيزات الملكة وانت
جاي تقول لي ما ابي اتزوج
سيف : يمه والله غصباً عني
ما لي خاطر انا
قاطعته بحده :
السالفه مو لعب انت جيتني بنفسك
و وافقت
و كلمت خالتك
بتملك على مي باقرب ففرصة
هذا اخر كلام عندي !!! و اتجهت لغرفتها وهي تتحلطم بصوت
عالي
يبي يفشلني مع الناس
نخطب و نهون على كيفنا ، السالفه لعب
سيف ضرب رجوله بالارض بقهر
ما بين رضا امه
و رضا نفسه .. !!!!!! و حب ابتسام الي من الطفولة !
في بيت ابو محمد .. كانت منسدحة على سريرها وتفكر
بكلامه و نبره صوته و طوله
وكل التفاصيل
ابتسمت بخفه
لكن سرعان ما تغيرت الابتسامه
لما تذكرت ايش سوا .. هه لا تغرك المعاملة انتي اكثر وحده
تعرفين الجانب الثاني من حياه
ريان .. في بيت فهد .. كان يشيك على الاثاث و التجهيزات
و صور كم صوره من البيت
و ارسلهم لـ داليا يشاورها
بالاماكن و الالوان .. و اكتفت برد " حلو "
تنرفز و قفل جواله ، الشره علي انا
لما اشاورك .. تنهدت وهو يكتم غضبّه ، شفيها ذي ؟
ما تقدر تقول كلمه حلوه !
تموت لو قالت اساسا !

بعد مرور ٥ ايام .. في بيت طيف .. نزلت العشاء على الطاولة واتجهت
للدرج ..
راكان تنهد ونزل الملعقه وهو يحاول
يضبط اعصابه
اتجهه وراها و مسك يدها
و تنهدت : وبعدين يعني ؟
طيف بتوتر : ايش ؟
راكان : لمتى يعني ؟ اذا شفتيني
موجود صعدتي لغرفتك ؟
هذا بيتك و الي هناك اخوانك و محتاجين
لك و الي قدامك زوجك ؟
اذا لهدرجة وجودي مضايقك
خلاص ب انتقل للملحق وانتو خوذو
راحتكم
و بهمس : انا والله مقدر موقفك وابي
اعطيك فرصه
بس اقل شي قدام اخوانك لا تتصرفين
معي كذا
لان مع الوقت حتى هم بيكرهون وجودي
طيف بتسرع : لامستحيييل
راكان : وش مستحيل اذا دخلت انا
اختفيتي انتي
اكيد انهم ما يبون حتى جيتي عشانك
و سحبها مع يدها :
روحي تعشي معهم ، وانا بـ اطلع
اتعشاء مع فهد .. وترك يدها واتجهه للباب .. طيف تنهدت بقهر ، غبيه انتي غبيه
رغم كل تضحياته لك و لاخوانك
تسوي كذا
اف ش اسوي ياربي !
استحي منه .. في بيت اخت ام سيف .. كانت ملكة عائليه .. مي مو مستوعبه الي يصير اخيراً
سيف حلالي !!!!!! الكل كان مبسوط بـاستثناء
سيف و داليا !
سيف الي ما كان يبي يتزوج حتى .. انجبر ، وبـ مي بعد !
داليا رغم ان علاقاتها كويسه مع مي
بس انها تعرف انه يحب ابتسام !
و هي اكثر وحده ممكن تحس
بشعوره بعد ما انجبرت بفهد الي
تكره حتى طاري اسمه !!!!!!! مي بنفسها : اف متى يجي يلبسني
الشبكة عشان استوعب
صدق انه حلالي ، ولي !!!! لكن ما كانت تعرف ان سيّف من ملك
استأذن بعجله بحجه ان
احد اصدقاءه تعرض لحادث !
يارب سامحني !
بس ما ابي اشوفها ما ابي اتكلم مع
احددد ، ما ابي اجرح احددد !!!! بنفس الوقت .. كانت تحاول تشغل نفسها بس لسى
تتذكر انفاسه تلفح على وجههّا
غضبّه ، غيرته ، كلامه ... !
ليش تزوج مي ليييش !!! ش تبينه يسوي خطبك ورفضتي !
يجلس ينتظرك طول العمر يعني ؟؟؟؟

نتوقف هنا