البارت 23
في بيت راكان .. كان جالس بغرفته ، طق الباب
راكان : تفضل
و انصدم انها طيف !!! راكان : فيكم شي ؟؟؟؟ لانه استغرب
اول مره تجي لـغرفته
طيف : لالا كلنا بخير
راكان نزل الاوراق :
افنان كيف مزاجها
طيف : نامت من شوي وتمام ما عليها
وانا جايه اعتذر عن الي صار
راكان انـ
قاطعها : لا تعتذرين يا طيف .. افنان طفلة ولا تعرف شي فعلاً ، بس
انا ما احسّ اني استحق الكلمه ذي ابداً
ولا تخيلت بيوم احد يقولها لي !
طيف : انا كلمت افنان و فهمتها
وان شاء الله ما تتكرر المواضيع هذي .. راكان بحرقه : خليها تقولها يا طيف
ولا تصير بخاطرها !
كانت بخاطري من ٢٧ سنه بس ما
قدرت اقولها له ابداً
كنت اتمنى ان عندي جراءه و اقول
له يبه ، مثل فيصل و فهد
بس ما قدرت
كنت اقولها بيني و بين نفسي بس .. كبرت و تغيرت الحياه و تغير كل شي
و انا لهالحين ودي اقولها له .. طيف : ما تذكر ابوك ابداً ؟
راكان رفع راسه و الذكريات تجدد
بذاكرته : ابداً ، اساسا تركنا انا وامي
عند خالي ، و بعدها بسبب ظروف
انتقلت امي من بيت خالي
و عشنّا كل هالسنين في بيت عمي
ابو فهد .. و بدت نبرة صوته تتغير .. : ما اعرف عنه اي شي ، قالو مات
و امي ما تحب اجيب حتى طاريه .. كثير اشياء و مواقف كنت احتاجه
كنت احتاج احد يساندني .. صح عمي ما قصر بس مكانة الاب ما
تتعرض ابداً .. و جلست يتكلم لاشعورياً عن حياته
الخاصه !
و شعوره و انكساره لـاول مره !
لان العيشه مع هالعايلة تذكره بالماضي
حرفياً
راكان لما بدا يتكلم عن امه
بدا صوته ينخفض و يتوتر .. لانه اكثر
موضوع حساس فيه .. و لاشعورياً نزلت دمعه وهو يتكلم
شكثر فاقدها بحياته .. طيف انصدمت م معقولة ؟؟ لاشعورياً قربت منه و مسكت يده
راكان بحزن : كانت لي الام و الاب
اشتغلت سنين بس عشان تأمن لي
حياه و مستقبل ، انا انا مهما اسـ
و اسكت لان خنقته العبرهّ !
و بكاء !!!! لان حرفياً وسط الضغوطات محتاج
يفضفض ، محتاج كتف يسانده
بهالحياه !
طيف بجرأ غير متوقعه مسحت
دموعه بيدينها !!! حتى هي انصدمت من نفسها كيف
كيف تتجراين !!! راكان حط يده فوق يدها الي كانت
على خده
و غمض عيونه ..
طيف توترت جداً .. في بيت ريان .. صحى من النوم على صوت قوت .. فتح عيونه بنعاس :
والله صحييييت
قوت بضحكة : يلااه .. ريان لما تذكر لمى عدل جلسته و
اللتفت يسار ما في احد !
ريان بتساؤل :
وينها ؟
قوت اشرت على الكنب
ريان اللتفت لها وانصدم لما شافها
نايمه على الكنب !
و تنرفز لانه عرف انها كانت تسلك له بس عشان ينام .. !
في بيت ريان .. صحى من النوم على صوت قوت .. فتح عيونه بنعاس :
والله صحييييت
قوت بضحكة : يلااه .. ريان لما تذكر لمى عدل جلسته و
اللتفت يسار ما في احد !
ريان بتساؤل :
وينها ؟
قوت اشرت على الكنب
ريان اللتفت لها وانصدم لما شافها
نايمه على الكنب !
و تنرفز لانه عرف انها كانت تسلك له
بس عشان ينام .. !
ريان : طيب يا بابا
اطلعي بهدوء انا جايك .. لا نزعج خاله لمى .. وطلعت وهي رافعه رجولها
وبعجله
ابتسم على شكلها ريان
و اتجهه لدورات المياه وغسل وجهه
و بدل ملابسه
و كان يبي يطلع .. بس استوقف شكلها وهي نايمه .. قرب منها و عدل الغطا
و كان يتمنى يمرر اصابعه بين خصل
شعرها الطويل بس ما قدر
اكتفى بتنهيده و اتجهه للباب .. في بيت سيف .. دخل غرفته و انصدم من وجودها
سيف بتوتر : شتسوين هنا !
مي بغنج : كذا الواحد يستقبل زوجته ؟
و اتجهت له
و قربت منه و ضمته بخفه
سيف من الصدمة ما عرف ايش يسوي !! قفل الباب و اتجهه لها و بعصبيه :
وبعدددددددددين ؟؟؟ مي بتمثيل بكا : انا انا جايه عشانك
سيف تنهد وهو يكتم غضبه :
مي افهمي الكلام عشان ما ارفع صوتي
عليك !!!!!! خلاص صح ملكنا و انتي زوجتي
لكن فيه عادات و تقاليد !!!!!!! شممكن افسر لهم ؟؟ شوضعك بغرفتي !
افهمي الكلام يا بنت الحلال و اطلعي
احسن لك
مي زاد بكاها بتمثيل و وقفت بمكانها
قرب منها سيف :
لاحول ولا قوه الا بالله
مي قربت منه و بجراءه ضمته و بكت
على صدره بتمثيل .. مي. : كله تحسسنّي انك ما تبيني
اذا مجبور فيني طـ و سكتت و زادت
ببكاها
سيف بعد عنها : عن اذنك
و اخذ شماغه و طلع بعجله من
غرفته
و بنفسه يارب !
في بيت ابتسام .. نجود : تكفين يمه
ام وليد : لا يعني لااااا
نجود : يعني حرام والله مشتطه بعرس
داليا و عرس سيف بـ اساعدها
ابتسام تنهدت من الطاري .. و بهدوء : متى زواجهم ؟
نجود : داليا بعد ٥ ايام و خالتي
مصّره تعجل بزواج سيف
هالفتره بعد
ابتسام : الله يوفقهم .. يلاه عن اذنكم
واتجهت لغرفتها و خلقها ضايق جداً
شفيك مو انتي الي رفضتي ؟
ليش زعلتي
فتحت شباك غرفتهاا وشافته
طالع بعجله و واضح على ملامحه
الغضب !!! ركزت فيه و بتوتر يارب استر !
تنهدت هيه ابتسام اصحي على نفسك الرجال متزوج !!
في بيت راكان .. صحت و حست بثقل حول خصرها فتحت
عيونها و استوعبت الي صار
و اللتفت حولها
غـ غـرفة راكان
حستّ بخجل و حاولت تسحب نفسها
شد حول خصرها و بنعاس :
ليش انتي مزعجة كذا ؟
طيف : راكان انا و بتوتر : اناا
راكان تنهدت : خمس دقايق هدوء
ممكن
طيف من التوتر حست ان حتى انفاسها
انكتمت
بعد يده راكان وهو مغمض عيونه : مو ذنبي انتي الي جيتي هنا
طيف توردت خدودها من كلامه
و سحبت نفسها و طلعت بعجله
ضحك راكان بخفه و رجع ينام و لسى
ريحة شعرها و عطرها بأنفه
طيف اتجهت لغرفة اخوانها و تطمنت
وهي تشوفهم لسى نايمين .. و تنهدت اوف كويس ان اليوم اجازة
اتجهت لغرفتها وهي خجلانه من شوفة
راكان .. اف ياربي شسوي هالحين !!!! اجهز له فطور ولا اجلس
في بيت ريان .. كان جالس بالصاله مع بنته .. و نزلت لمى بـبيجاما قصيره و رافعه
شعرها بعشوائية .. و بيدها كوب قهوة .. وهي نازله ولا اللتفت لهم :
سلام
و كملت طريقها و طلعت للحديقة .. ريان كان يناظر لها لاخر لحظة قبل
لا تختفى من قدامه .. تنهد بقلة حيلة !
شلون اكسب قلبك يا لمى !!!!! شللللللوووون .. في بيت ابو فهد .. فهد : لا تنسى الاوراق
فيصل : خلاص يا ابن الحلال والله عرفت
انهم اوراق مهم وعرفت انه يحتاجهم
الليله خلاص هه هالحين طالع .. فهد بضحكة : ههههه اخاف تنسى
و يعصب علي راكان
فيصل بخبث : والله اذا خايف لهدرجة
رح انت و بضحكة : وبالمره تشوف
ام فيصل
فهد ضحك بتسليك و بنفسه اي ام فيصل
يشيخ ! حتى صوتي ما تبي تسمعه !!! بنفس البيت فوق .. ام فهد بفرح : الله يتمم يا بنيتي على
خير .. امال بخجل نزلت راسها
ام فهد : والله محمد رجال كفو .. و ينشد به الظهر .
امال بخجل : عن اذنك
و اتجهت لغرفتها وهي متوتره .. مو متاكدة تماماً من قرارها بس من كثر
ما يمدحون محمد قدامها
كبر بعينها كثير !! في بيت ابو محمد .. كان جالس مع ابوه بس عقله معها
يارب ما توافق !
يارب يتكنسل الموضوع من عندها
و ارتاح
ابو محمد بصوت عالي :
يا ابوك اسولف عليك
محمد : سم يالغالي .. ابو محمد : شفيك لك كم يوم خاطرك
ماهو عاجبني !
محمد بتوتر : لاه ما فيني الا العافية
بس تعرف هاليوم ضغط شغل
ولا انام زين
ابو محمد : خذ لك يومين اجازة و ارتاح
يا ابوي ، الشغل ملحوق عليه
اهم شي راحة البال و الصحة !
بهالوقت جته رساله من :
" حبيبي وينك طمني عليك "
توتر و قفل الجوال وكمل سواليفه مع ابوه !!!!!
في بيت ابو محمد .. بعد ما طلع من المجلس طلع جواله
و اتصل عليها .. بشرى : هلا حبيبي
محمد فتح الباب. اتجهه للحديقة :
هلا
بشرى بدلع : شلونك وربي وحشتني !
محمد : بخير ياعيوني
لكن شوية ظروف .. بشرى تنهدت : اوف متى يجي اليوم
الي تعترف فيه بزواجنا قدام الكل
و اقدر اتطمن عليك بكل لحظة .. محمد ضحك بتسليك و بداخله ههه
اي زواج اذا وافقت بنت عمي بس !!! كمل سواليفه مع زوجته بشرى .. الي كان متعلق فيها جداً
و متزوجين من سنه و نص تقريباً .. في بيت راكان .. كان جالس معهم بالصاله .. راكان بهمس : وين اختك
افنان : بغرفتها
راكان : طيب روحي قولي لها
بنطلع نتعشا برا اليوم
باسل بفرح : جدد
راكان اللتفت له : ايييي ، يلا تجهز
بعد انت .. وكل المقصد من الطلعه يبي يشوفها
لانها طول اليوم بغرفتها ولا طلعت .. في بيت ريان .. كان تمشي و حاطه سماعات وما انتبهت
ان ريان يناديها .. ريان تنرفز منها !!!!! وما انتبه للسماعات الي بـ اذانها
مشى وراها بخطوات سريعه
و سحبها مع يدها بكل قوه !! لمى فزت بخوف و صررخت .. ريان انصدم من رده فعلها .. !
و شافها وهي تنزل السماعة و بتوتر :
شتسوي انت
حطت يدها على قلبها و غمض عيونها
و بهمس : فجعتني
ريان با احراج و توتر : معليش ما
شفت السماعات ، ولي ساعه اناديك
ولا تردين فـ
قاطعته : واذا ما رديت فهو بمزاجي !!
كيفي
ريان حرك رقبته يمين يسار و سوا
نفسه ما سمع شي :
خلاص كملي رياضتك
و رجع ورا .. لمى لاشعورياً : شكنت تبي مني
ريان وهو مكمل طريقه :
كنت ب اقول انتبهي لقوت بس
بما انك مشغوله اخذها معي .. و دخل و قفل الباب بعصبيه واضحة .. لمى اف يارب بس !
لبست سماعاتها و كملت مشي .. وبعد ربع ساعه شافته طالع بالثوب
الابيض و الشماغ .. و بخطوات هاديه و بيده بنته قوت .. لمى نزلت السماعات و اتجهت لهم
بعجلة
وقبل لا توصل : ريان اذا تـ
قاطعه بهدوء : خلاص .. و شال قوت بحضنه و اتجهه للسيارة
لمى تنرفزت وضرب برجولها
هذا جزا الي يساعدك بس !
اتجهت لغرفتها و اخذت لها شور بارد
وهي تتنسى ريان و بنته .. في سيارة راكان .. بعد اصرار من افنان و باسل و افقت تجي !
فتحت الباب الي ورا .. وانصدمت من وجود باسل و افنان !
و صعبه تركب بعد هي معهم
بالنهاية هو زوجها مش سواق عندهم !
فتحت الباب الي قدام بخجل :
السلام عليكم
راكان : هلا هلا و عليكم السلام .. طيف كانت طول الطريق ساكته
و راكان يسولف معهم و يضحكون .. وهي بالها مو مع سواليفهم ابداً
بالها مع الشخص الي يفصل بينهم كم سم متر فقـط ❤️
في سيارة فيصل .. فيصل كان يكلم راكان و بقهر : لا عاد !
و الاوراق ؟
راكان : تعرف بيت خالي ؟
فيصل : اي
راكان : ولا عليك امر و صلهم له
وانا ادا رجعت اخذهم
فيصل : سم
راكان : سم الله عدوك
فيصل : مع السلامه .. و اتجهه لبيت ابو وليد وهو يغني
بصوت قصير و مروق جداً .. وصل البيت و نزل و بيده الاوراق .. بهالوقت كان ابو وليد طالع هو
و بناته نجود و ابتسام .. فيصل بصوت عالي : السلام عليكم
اللتفت له ابو وليد : ياهلا ياهلا
وعليكم السلام
نجود اللتفت لمصدر الصوت قبل
لا تركب السيارة
و اتسعت عيونها بذهول وهي تشوفه
و اقف قدامها .. فهت للحظة و سحبتها ابتسام مع
يدها : هيّه شفيييييييك
فضحتينا
نحود بنفسها هو والله العظيم هو
ابتسم لا شعورياً
وهي تشوفه قدامها
ركبت السيارة وهي تناظر وراه
فيصل سلم الاوراق ابو وليد و بلغه
ان راكان بياخذهم بالليل منه .. و اتجهه لسيارته ورجعت فيه الذاكرة
لقبل ثواني .. وهو يشوفها تناظر له و واضح الصدمة
بعيونها
وهو من شاف عيونها تذكرها
علطول .. بس تجاهل الموضوع احتراماً لا ابوها
الي واقف قدامه
و احترام لـ صديقه و اخوه راكان .. و الاهم من هذا كله ، شرعاً ما يحق
له يتأملها وهي مو من محارمه ❤️ نفض ذاكرته من طاريها و كمل طريقه .. اما نجود فـ كان مبتسمه طول الطريق
بعد ما قال ابوها
ان هذا اخو فهد الـ ****** الصغير .. في بيت خاله ريان " ام نوره "
احدت النقاش جداً بخصوص قوت
ريان بغضب ما قدر يكتمه :
انا مو جاي اخذ الاذن منك علفكرة
انا ابلغك و احطك بالصورة بس !! نوره : مو من حقك تحرمني من بنتي !
ريان : مو من حقي !
و الي سويتيه كل هالسنين من حقك ؟؟؟ كنت ساكت عشان قوت صغيره اولاً
و قلت تتربى عندك افضل لها
وثانياً انا ما كانت مستقر نفسياً
و هالحين كل شي تغير !!! نوره بصراخ : بنتي ما تاخذهاااا
ريان وجهه كلامه لـ خالته :
ولا عليك امر يا خاله جهزي كل اغراض
قوت .. وانا انتظرك بالسيارة
و كمل طريقه يبي يطلع
لحقته نوره و مسكته مع يدها و ببكا :
حرام عليك الي تسويه فيني !!!! حرام تفرق بنتي عني
نفض يدها بكل قوه و بغضب :
بلاش تمثيل الكل يعرف ان خالتي
هي الي مربيتها وانتي ولا دريتي عنها
مشغوله بحياتك
نوره ببكا : ريان لا تدخل المحاكم بيينا
الله يخليك
ريان لبس نظارته الشمسيه و بهدوء :
خليها تدخل و بسخرية :
سوي الي تسويته يا نوره ما يهمني اي
شي هالحين غير قرب بنتي !
و طلع وهو يكتم غضبه منها .. نوره بكت بحرقه لـ اكثر من شي .. اولاً ان ريان واضح ما له نيه نهائياً يرجعني !
نتوقف هنا
التعديل الأخير تم بواسطة لامارا ; 15-05-22 الساعة 01:22 AM |