[قال الزهر آآآه]

رطبت شفتها ..حاسه بطعم الروج ..
ناطقه بثبات مرتبك ..وعينها بعينه ..
-مايهمني ايش ماتسوي !!وايش ماتقرر !!! وايش بيصير او ايش بيجي منك !!
تنفست بعمق ... متابعه نظراتها له ..
-لاني ببقى احبك يالوليد !!!..باي صوره كنت انت وبتكون !!
انهت منطوقها ..رقت نظرته لها ..
أبعدت المجمر... تاركته عالطاوله ..وقربت منه رافعه نفسها .. رغم انها لابسه شوز مرتفع .. لثمت خده بخفه ..ورجعت ترفع يدها تمسح روجها باناملها الدافيه ..وعينها تترقبه ..
تبسم .. بحنو ..ناطق بثابت الصوت
-انا ماحبك وبس يابنت غازي !!انا احيا بك !!
ارتبكت أنفاسها ..بشعور مرتقي ..جزل ..
مد يده .. يوسع فتحة جاكيتها يتأمل القطعه الداخليه ... رفعت أصابعه فتحته عالصدر .. اكثر ... ثم قفل ازرار الجاكت .. بخفه ..
ناطق بصوت هادي ..
-هذا يبقى كيذى ... لااشوفه مفتوح ... !!!
مسك شعرها وجذبه لقدام ..
-وشعرك خليه قدام ..يغطي فتحة صدرك هالمكشوف .. !..لو فاتحته بعد افضل !!
عضت شفتها وبشرتها تستشعر لمساته الغير مدروسه ..وهو يرتب ..ويقرر ..
-ماينفع افتحه مع بدله كيذا احلا !!
رفع عينه لها ..مدرك ان كلامها صح ..
-عشان كيذى خليه هينا لاترجعينه ..
ترقبها بتامل بسيط .. ثم تقدم منحني ماسك راسها ولاثم جبينها ..
-الله يحفظك لي !!..
ابتعد ... مبتسم بحزم ..
-يله مشينا !...روحي البسي عباتك ... !!
همست ... بتشتت ... والي شتت فكرها احساسها الضايج .. زوجها ضايق ..
-ابشر ..
تقدمته طالعه ..يم عبايتها المجهزه من قبل .. حطت جوالها داخل شنطتها ..وهو يتبعها ... بيطلع ..توجه ... للمدخل ساحب اجهزته ..كلها .. وعصاته ووقف ينتظرها ..الين تقدمت مبتسمه ..
-يله خلصت ...
طلع قبلها وتبعته مسكره جناحها ..قافلته ..ماخذه المفتاح معها ... قبضت كفه ... شابكه اناملها باصابعه تلاقها بتشديد حازم ..تبسمت ...متنفسه ..
-مره متحمسه لعيد امي نوره ...ثم ان كنت بتدخل غض الطرف !!!بعدين انا استغرب ..
انفتح المصعد تقدم وجذبها وهي تتابع ..
-اش معنى انت تدخل لحالك ؟؟؟ وين عيال عمك مايدخلون !؟؟ كل مارحنا دخلت انت بس ليه وش هالتميييز ؟؟
-لان انا دايم اجي متأخر !! قدهم دخلوا كلهم !!
شد على يدها ..
-اليوم ان دخلوا تغطي زين ! خلك بعيد مع البنات !!
-يوووه الوليد انا مو بنت !!
-وش انتي اجل !!
-انا امرأه تامة النضج بجلس مع الحريم !!!
تبسم مضيق نواظره ..
-مثل الفاكهه انتي !! ناضجه النضج الي ينخاف عليه يقطف !! اسمعي كلامي لاتعانديني !!ترى المووود مولع لاتزيدينه !!
انفتح المصعد ... متقدم جارها ..معه ..سمع همسها ..
-ادري بك ضايق احس بك !!
قربت تجاريه ..ماسكه ذراعه ويده محتزمه كفها ..وهي تمشي معه ..
-ابي اريييحك !! وديي ودي اعرف وش مضيق خلقك كيذى !!الصبح كنت مبسوط !!
نطق قبل يدخل الصاله الكبيره .. ويقبل على ام سلطان الي تجهزت ..
-خلك جنبي ومعي وبيستاسع صدري .. !!
قالها واقبلوا داخلين نطق مسلم ..بحس جهور ..ومبتسم ..
-سلام ياحلو !! تولمتي !؟؟
-ياهلا بالزين وأهله .. ابه جاهزه انا ... بقا سمر دقوا عليها !!
دخلت معه نجلا ..راسمه بسمتها بس متأثره بمنطوقه ... شدت يده وكنها تحتظنه كله ... اطرف لها .. تارك يدها محاوط اكتافها ..
-انا ومزيونتي خلصنا !!وينها الله يصلحها منبه عليهم !!!
سمعوا حسها الخافت
-انا هينا !!
التف الوليد مبتسم من هدوؤها ... بس مابين لها أي طاري او عاد الكلام ..
-يله مشينا ...
.................................................. ..
بعد بوقت
قصر الجد ...
كل شي جهز وخلص .... باقي حظور الجميع ...حنان وساره بالصاله ..وامهم بمجلس الضيافه ...
-عساهم يبكرون مانبي تأخير ...
تبادى ... صوت الاجراس ..
-هه جو ....
استجلسوا بانتظار ... الين سمعوا أصوات ..تقدمت ساره مبتسمه ..ومرحبه ...
وتتبعها حنان ..
-يالله حيهم ..يامشاااااااء الله زينن جيت بدري يالوليد تكتب بالتاريخ ...
قربت تسلم ..
-السلام عليكم
-وعليكم السلام يالله حيهم ..
انحنى لاثم راسهم ... بالتتابع ..
هتفت حنان باعتراض
-ياويلي منك ياولد اخوي تراني صغيرونه عجزت بك .!!
-حق وااجب !!.كل عام وانتي بخير ..
-دايم راعي واجب يالغالي ... وانت بخير وصحه وسلامه ..
-هلا ام سلطان ..يالله حيها تو مانور بيتنا !! كم لك مادخلتيه اليوم عيدين والله ..
-الله يسلمك ..من الشر ... اخباركم عقب عيدنا ؟
- ماعلينا الحمد الله ... هلا نجول هلا بالزين كله ماشاء الله اخبارك ؟؟ عسى ماتعتبي عقب اليوم ..
-لا عادي ريحت ..!! نمت من الظهر !!
-نوم العافيه ... هلا سمور ... ادخلوا امي داخل .... محد جا اخواني بالطريق ...
تعابق ريح العوده ...بكل مكان ... وهم داخلين المجلس ... الي ازتهى بحس الوليد
-السلام عليكم !
-يامرحبتين يالله ان تحيه ياهلا وامسهلا ...
-استريحي استرحي ...
تقدم منها منحتي لاثم كف يدها وجبينها ..
-كل عام وانتي بخير !! الله يعوده عليك يالغاليه ... !
تمت قابضه كفه ... بحنو حازم ومبتسمه ..
-وعليك الله يقبل منك ياولدي تو مانور بيت جدك !! يالله حيه .. اجلس ياجعلي افداك ... تريح ..
تقدم جالس... ساند عصاته ... ثم تراجع ساحب عكفة شماغه من فوق كتفه باريحيه ورجع يتساند ونواظره تترقبهم ..ببسمه ..
هتفت الجده
-هلا هلا هلا هلا بالغاليه يامرت الغالي ... يالله حي ام سلطان ..
والله ان البيت نور ..يابعدي ..يابعد الدنيا ..! يامهره ..
-يالبيه ياخالتي الله يطول بعمرك ...
التفتت ام صخر لحنان ..
-شغلن تراحيبنا بمهره وعيالها يابنات ... شغلن ..اعجلن ...
تحركت حنان ببسمه حانيه ... وفرحه ..عامره ..مشغله التسجيلات ... الي جهزوها ..قبل بوقت ...
صدح صوت مرحب ..باهازيج مبهجه ... استجلست نجلا وسمر .. المبتسمه ... قامت ساره تصب لهم وتقهويهم .. ونظرها يم أمها الواقفه تاشر بيدها .. قدام مهره الي تجاريها .. ترقبهم الوليد ببسمه جانبيه ونظره هاديه ..
مرت اللحظات ...واكتملت الجمعه بتواجد الجميع ... طلع من عندهم لأعمامه ... وامتلى المجلس بحظور الكل...
مابقى الارنا ...
شدت مبسمها..سمر .واقفه عند مدخل النسا تنتظر رنا تدخل تاخرت ماتدري وش علتها ... معلمتها قايله بتجي عقب العشا .. اول ماشافتها تبسمت ..
-ادخلي ياعرووووس !! وش هالتاخير يختي كلهم جو يسالون عنك !!
أبعدت رنا طرحتها ... مبتسمه ..
-خلني ساكته سمر تراني مولعه ... كلهم فيه ؟؟
-أي أي وش صاير معك ؟؟ عسى ماتمشكلتي مع رجلك !!
-امسكي شنطتي خل تأخذ عبايتي !.
ترقبتها وهي واقفه امام المرايا مبهوره بشكلها المزتهي .. حلا ..
-تهبيلن شكل رجلك ماطاع يطلعك !!
التفتت لها رنا تأخذ شنطتها ..هامسه بوضوح ..
-رجليتأخر يعياد نياقه !! الله يعين ..
-وشو ؟؟
-امشي بدخل وحشني بيت جدي يازينه يازين هالبيت ...
لحقتها سمر ... تبي تفهم منها قبل تدخل ..
-وش نياقه سمر ؟؟رجلك عنده نياق؟؟
التفتت لها رنا ..
-أي له معشوقه راح يعايدها يارب لك الحمد والشكر !! تخيلي سمر اجبرني اشرب حليب نياق بغيت اموت !!! شب علي بطني ...
جت ترد سمر باستغراب ضاحك ..بس سمعوا حس ساره ..
-ارحبي ارحبي يابنت صخر ... حناااااااان شغلي زفة رنا ... !!!
ثواني واعتلى صوت الزغاريد ... واعتبق ريح العوده بكل مكان .... تجمعوا البنات حواليها ... بسمه ورانيا ..وسمر ..ورهف ..يسلمون ..
-هلا عروستنا الحلوه ..محلاك يابنت عمي ..
-هلا رانيا اخبارك كل عام وانتم بخير !!
-وانتي بخير وش هالزين ماشا الله ... ادخلي جديده متولهه عليك ..
اقبلت ونواظرها تتبارق لمجلس جدتها وبيت جدها العامر بحسهم كلهم ..
استاقفت جدتها توحي بيدينها مرحبتن فيها .. دارت عليهم جميع مسلمه .. وجلست جنبها .. قبضت يدها ام صخر ..
-يالله حي بنت ولدي !! يازينة البنات !!
-الله يسلمك جديده ..اخبارك ؟؟عساكك بخير ؟؟
-بخير ياحبيبتي ياحي هالمبسم وراعيته ... !! وشلونك يامي ورجالك وربعك بشري عنهم ؟؟
-بخير كلهم دخل زناد عند الرجال ..
-تاخرتي يابنيتي وراك ابطيتي !!
-والله يامي نوره زناد صار له عارض .. بس اهم شي جيت تونا الليل باوله ..
هزت ام صخر راسها شاده يدها .. بصمت ..
ثم هتفت ..
-صبن قهوه !!
التفتت رنا لامها وهي تأخذ فنجالها ..
-اخبارك امي ؟؟
-بخير وعافيه علومك انتي واخبار رجلك ؟؟
اطرفت رنا يم بناجر زناد بيد أمها حركت هدب عينها ببسمه ..
-تزهين الذهب يامهرتي مايزهاك عساه لبس العافيه !!
رفعت ام سلطان يدها ..
-هذا خاتم سمر .. وذيتي ساعة نجلا ! عطتني إياها اليوم الفجر ..
مسسكت معصم أمها ..
-عساه ملبوس العافيه يمه تستاهلين ..
-يستاهلك الطيب يامي ..
رفعت راسها تختار حلى .. مقبل عليها ... تلاقت نواظرها بنجلا .. اشرت لها بحركة شفايف ..
-اخبارك ؟؟
هزت نجلا راسها ..
-بخير .. تهبيلن وش حلوك !!
اشرت لها رنا باصبعها ..
-انتي الي تهبيلن ...
هتفت حنان ..
-ارقصن يله يابنات .... احييوا العيدد ...هذي سنه قومن يله ... يله .. سمر وينها اليوم مسبطه .. مالها حس !!
كانت جالسه جنب نجلا شاده يدها عينها تطرف يم مرت عمها ام خالد بخفا وبين رانيا .. همست بحس خافت ..
-يوووه!!!!عمتي حنان بتجيب العيد ..
لفت لها نجلا ..
-قومي ارقصي يله علامك ؟؟
-نجول انثبري مابي !!
فتحت نجلا نواظرها بصدمه ..كشرت سمر بهزل مرتجي ..
-استححححي استحيييي خاطبيني يختي !!..بيقولون تستعرض نجوووول !!
شدت نجلا مبسمها بضحكه مخفيه الا بيد تقبض كفها التفتت شافت حنان
-قومي انتي نجول ارقصي يله قومي قومي !!! يله سمر بلا هبال علامك !!!
انحنت فجاه بين نجلا وسمر ..
-جتك الدوره اجل ؟؟
-لا
-اجل قومي اخلصي !!
-مابي عميمه مابي ...
سحبت نجلا الي وقفت .. وتبادت صفقات الجميع .. رقصت امام نواظرهم .. ببهجه ناقصه مخفيه شعورها الضايج وترقبها لضيق الوليد المخفي ..
................................................
قبل بوقت ..
فلل عبد الرحمن ...
سمعت دق على بابها ... هتفت ..
-ادخل ..
انفتح الباب ودخلت العنود ..مقبله قبل تشوف رنا
-رنا احنا بنمشي رجلك وينه مايرد ؟؟؟ متى بيجي !!
تنفست بتوتر ..ملتفته لها متلاقيه نواظرها ..هتفت العنود ..
-ياحفظ الله على مرت ولدنا ودكتورنا !!
تبسمت رنا بحرج ..
-مايرد حتى انا دقيت عليه كم مره !!
-هو ماقالك وين راح ؟؟ لايكون المستشفى كلموه !!
تنفست بربكه وردت ..
-ماقال محد دق بس هو يقول دايم يروح لنياقه ظهر العيد !!
فتحت العنود نواظرها باستدراك ..
-مب من جده عاد ؟؟؟ يروح قبل بس اليوم ماتوقعت بيروح !! يوووه عاد زناد ينسى نفسه معهم !!
شدت رنا مبسمها بضيق ..
-روحوا انتوا عادي بنتظره انا لاتتاخرون ..
-ابوي عيا نطلع .. لين يجي زناد بنسبقه احنا مع الساسيق !!
-لا لايجلس عشاني خل يروح بالله !!
-عيا والله يتحرك جالس بالديوانيه ماعليك ان شافه جا بيلحقنا !!
يله بنطلع احنا ...
قبل تتطلع التفتت لها ..
-رنا بتجينا عقب بيت جدك ترانا نسهر للصبح لعب ومسابقات وسعة خاطر !! امشي بالله
-مادري العنود خلني اروح بيت جدي اول .. !!
-طيب ..يله الله يوسع صدرك بالعفافيه .. عجبي على اخوي احد يترك هالزين ويقابل نياااق !!؟؟
تنهدت رنا بحرج وحس مب مسموع ..
-انا راحت علي نومه أساسا بالعكس ريحني الله يسعده ...خلاني ارقد لين اشبع !!
-اممم زين طيب يله مع السلامه نشوفك على خير ..
-مع السلامه سلمي عليهم جميع ..
-ابشري ..
سكرت الباب سمعته رنا رفعت جوالها بحمق .. تبادى نغم جوالها شافت رقم سمر ...
--هاه سمر ؟؟ سكري بكلم زناد !!
-وووووينك ؟؟؟
-ببيتي ويني يعني ... يله بالله سكري !!
-طيب طيب ...
قفلت وهي تسمع أصواتهم جميع وصوت المسجلات ... تنفست بضيق مترقب ..وهي تدق عليه ..
-وين رحت زناد ؟؟ وتسمع صوت الخط يدق بدون رد ...
أبعدت جوالها ... شاده مبسمها ... جمدت فجأه سامعه الباب ينفتح ... قامت متوجهه للمدخل هاتفه
-مين ؟
..جت بتنطق وانلجم لسانها وهي تشوفه لاف شماغه كما العمامه وبيده زبديه بها حليب معتليه رغوه ...سالت بحس هادي ..
-تاخرنا زناد وراك ابطيت اهلي تجمعوا !!
ترقبها بتقييم ذكوري واضح ... مبهج روحه ...كان حمقان منها ووقت شوفها ارتخى حبل الحمق فيه ..تقدم .. وعينه تترقبها كلها ..بدون يمدح مابدا له من زين واستضاح اعجابه بعينه ..
-تعرفين وين كنت وليه رحت !!
مر من جنبها ..التفتت له ..
-احنا معزومين علامك ؟؟ الحين يبيلك وقت تتجهز !!
التفت لها تارك الزبديه ..
-ولمتي شغلي ؟؟
ترقبته بقل فهم
-وش شغلك ؟؟ ماقلت اجهز شي !!
-ضيق نواظره ساند ذراعه على زاوية الجدار عند المدخل .. جهة دورة المياه ..
-ماعطرتي لبسي ولا بخرتيه ؟؟؟ ثوبي يابنت صخر ماطلعتيه !!
-لا
شد مبسه ..رافع هدب عينه ..
-هذي من واجباتك تبين انا اعلمك إياها بعد ؟؟ او جامعتهن كلهن من بكرا بتبدين بهن ؟؟
ارتبكت نواظرها تاركه شنطتها ومتحركه ..
-الحين اجهز لك .. مرت من جنبه قبض ذراعها .. غشت أنفاسها روايح تركت على ملامحها الضيق .. تبسم ..
-كنت متحظن ناقتي !!ريحتها علقت بي !!
ناظرت يدها بحرج انه بان عليها ..
-طيب اترك يدي بروح اجهز شغلك ..
-لا اشربي هالحليب ..جايبه لك .. !!
ناظرته رنا مرخيه راسها للزبديه برعب ..
-مابي !! ماحبه !!
-مب كيفك بتشربينه او مافيه روحه !!
فتحت نواظرها رافعه هدبها وهو يترك يدها ويرفعها لها ... ناظرتها بضيق حايمه روحها ..
-ماحبه ماحبه !!
قربه من مبسمها ..
-بتحبينه اشربي او مافي روحه !
قربه اكثر لين لامس مبسمها ماترك لها مجال تذوق رفع اكثر الين اغتمر حلقها حليب .. !
أبعدت راسها بصدمه ..
-خلااااص ماقدر اتحمله !!!
ابعده ببطء..عالطاوله ... ثم ناظرها ناطق ..
-بتحبينه رنا !!! كل شي يخصني واحبه بتحبينه !! وان ماحبيتي بتتعلمين شلون تحبين !!!
قالها تاركها ..متقدم داخل ..وعينها عليه ... اول ماابتعد ... حست بلوعه ممرضه .. كريييه ... توجهت راكضه لدورة المياه .. استفرغت الي بمعدتها !!..
انفتح الباب وعينه عليها ..مقطب هدب عينه ... مبتدي يترك ملابسه بلا أي حرج ..رفعت راسها تلاقت نواظرها بمنظره صرخت ..مرخيه راسها ..
-زنااااااااااااد !!!!
-معليه بتتعودين عليه !!اول مره القادمه ان شاء الله بتستطعمينه !!
-استر نفسك ياخي !!! او انتظر لين اطلع !!!
-ستري انتي !!..
نطقت بحمق ..متغضن لونها
-كرييه هالحليب قلب معدتي !!
-بتحبينه ..
-ماحبه قلت لك ماحبه ...
أسندت
يدينها عالمغسله ..عاجزه ترفع نواظرها ..
تبسم لمنظرها ... مدرك حرجها دخل الحوض من سمعت حس الما تحركت مبعده نواظرها للأرض ...وطالعه بعجل ..مجنون ...مرهب لها ... كيقف يصدمها؟؟ وش قلبه ذا وش عقله ؟؟ كيف يتجرد عندها بهالشكل المخجل !!
رفعت يدها لصدرها تهدي نبضها ..مازالت حاسه بلوعه ..قربت من المويه الموجوده عندهم شربت ... وتلفتت تدور الفاكهه الي ارسلوها لها يوم تغدت ... خذت كم عنبه بالعتها تي تبعد الطعم ..بعجل ... حمقاانه منه مب صاحي مب صاحي ....
.................................................. .......................
بعد بوقت
قصر الجد ...
ضحكت سمر
-شربتيه رنا ؟؟؟
-اييييييي غصبني يختي لاعت كبدي سمر عجزت عجزت !!!
-ياهبلك تراه يمزح معك مستحيل مايجيبك !!
-والله يسويها والله ...!! يأمرني بجد مايمزح !!!..
-ياحليله هالزناد ماتخيل شكله مع نياق !!!
-شي شي !!! شفتي حظي بدوي بدوي سمر بحت ماكنه ذاك الدكتور شكله غير !!!
قطبت هدب نواظرها ..سمر ..
-يعني شين شكله هالبدوي !!!؟؟
ارتبكت رنا متذكره منظره الي استنبض به قلبها ..
-يعني ...
-اممممممم يعننننننني ؟؟ الله اكبر عليك !!!
-اتركك مني اجل دخل الوليد قبل ؟؟ ليه مادخل معهم يسلم !!
-أي دخل من اول .. بس ماطول بيرجع عشان امي نوره ... !!
-سمر احد لمح لك بشي ؟؟
-لا ابدا ارتحت قسم بالله شكل محد يدري رنا !!
-الا الا يدرون شفت مرت عمي تكلم امي على جنب !!
-بالله انا ويني ليه ماشفتهم !!!
ضحكت رنا ..
-انتي مرخيتن راسك مستحيه !!
ناظرت سمر أمها ونجلا جنبها تسولف معها ..
-اييييييه شلون نسحب الهرج من مهره !! رنا تخيلي تقول بقرتن يعرفها ولا بقرتن غريبه !!! تقصدني !!!
ضحكت رنا باستنكار ...متناغم ...
-تراك علمتيني !!
-اضحكي اضحكي !!ماعليه !عالاقل بكرا بيقولك زناد ناقه !!
هزت رنا اكتافها ..
-وه يختي الناقه تسوى ملاييين البقره لا !!
قرصتها بخفه ..
-حيوانه رنا حتى انتي !؟؟؟؟
ترقبتهم نجلا من بعيد ببسمه خافته ... ارخت راسها لجوالها متأمله لو حلم يجيها رساله من سعد ... لو ماتحس ان الوليد ضايق كان قالت له يحاول يخليه يكلمها !! معقوله ماعطوه اجازه ؟؟ حتى بالعيد ؟؟وش هالدوره ذي !؟؟ ..
رفعت راسها ...معد بقا احد الكل راح بس هم .. سمعت حس ام سلطان الهادي ..
-الوليد بيجي كلمته خالتي !!بيجلس شويات ثم نمشي عسى ماتعبتي بنتي ؟؟
ناظرتها نجلا ..ببسمه حانيه ..
-عادي ارهاق عيد .. !!
هزت راسها ..ببسمه ..خافته ..
-ان رجعنا ريحي صادق هو بكرا لاتروحين ارتاحي !!

تلمست نجلا ازرار جوالها باناملها ..
-بشووف يمكن اذا نمت زين اتنشط بكره واروح !!
ارخت مهره راسها يم مسامع نجلا ..
-حبيَبك يغار عليك من الهوى !خابرن كل ربعك بكرا جايين وقد ذكرتي بينهم !!
رفعت نجلا عينها الحرجا .. لها مدركه انها تواسيها ان ضاقت من تصرفه .. همست بخفه ..
-انا ودي ارروح !
-ماعليه سايريه هه هه كود يرضى !!اجل هو ضايقن من هالسالفه ؟؟
قطبت نجلا نواظرها ..
-لالا ماقلت له شي انا ..يمكن من شغله !لاحظتي انه ضايق ؟؟
-أي مب على مسراه الدايم به الي مكدر خاطره !! طيبيه يامي بيسمع منك ..الخوف سلطان مضايقه !ماقالك شي ؟؟
-لا والله ..
انهت منطوقها الا بحسه ..
-السلام عليكم ...
ردوا السلام ورفعت مهره راسها مرحبه به ..
-يامرحبتين !!
اشرت له جدته ..
-تعال هنيا يابعد الدنيا ... عطني علومك واخبارك ... وعطني من جزل قصيدك !!
ترقبته نجلا بزهو يتبارى بنبضات قلبها ..الوجلان ... مفكره بكلام ام سلطان .. اجل سلطان يمكن؟؟ تذكرت ضيقته ذيك الي طيرته من البيت شافته يستجلس ويجنب عصاته .. ويتساند مريح يدينه ..
-ماعد به قصيد يالغاليه .. نضب شعري !!
-له ياكافي !؟؟ وراه نضب يابوي !؟؟ عطني الي تجود به نفسك .. !
جاب ينطق الا سمع صوت رنا ..توها راجعه من دورة المياه ..
-سلام الوليد ..
هتف ببسمه حانيه وهو يستاقف .
-سلااااااااام ياهلا ..بوخيتي يامرحبا ...
-كل عام وانت بخير ...
استاقف عقب لثمت راسه ...قبض يدها بحزم ..
-وانتي بخير وصحه وعافيه !! شلوووونك ؟؟
اشر باصبعه .. مبتسم بتقطيب ..
-لي جلستن معك .. قبل تسرين !!
ارتبكت .. بحرج ..
-عساه خير !!
-خير ان شاء الله !انتي وجه الخير ياخوك شلون مايكون خير !!
تبسمت بحرج ساحبه يدها .. استجلس هو ..بمكانه ... متلاقيه نواظره بنجلا ...
نطفت ساره
-تبي اصب لك شاي اعشاب الوليد ؟؟
لف براسه مبعد نواظره ..عنها يرد ..
-لا مابي شي ! ارتاحي انا بمشي شويات جيت اطيب خاطر الغاليه !!
مد كفه فوق كقها ..ملتفت لها ببسمه ..
-طاب حظك يابعدي !! هه يله طيب خاطري بمنطوقك الي يسر الروح !!
ضيق نواظره .. سائل ..
-وش تبين ؟ امري !! وش ودك تسمعين ! ..
اشر بيده ..هاز راسه ..
-هه نحاول كود يطلع معنا شي !!
اشرت لنجلا ..
-عطني غزل مانسيت انا قصيدك بهالمزيونه !!
ناظرت نجلا الي تلاقت نظرتها معه بحنو ترقبها بعمق عينه مبتسم مركز بنواظرها مستمهل بهال النظر ..محرك شفته .. شاد مبسمه .. اربكتها نظرته بس عجزت تنقاد بعيد عنه وان بغت بعد ماقدرت مبتدى منطوقه وعينه المتوجهه لها عجزت بها من الساس للراس ...
تبادى حسه المرتجل .. بصوت يعشقه سمعها .. ويتشافى به من كل ضيم وعله ..
-ياربي جعلي ماذوق فرقاها اللهم آمين
عيوفٍ لو بعيف العافيه منيب عايفها
كثر مالله عطاها من حنان وقبول زين
كثر ماهي بتكبر من عيوني من مواقفها
خذتني من محيط الحظ الاقشر والزمان الشين
على اول شبتي لين اغدقتني من عواطفها
وعلى يديها عرفت ان السعاده بغرام اثنين
علاقة حبهم مافيه غير الصدق ينصفها
تفرقنا الضروف ونجتمع عقب البطا شفقين
على ادنى فرصتن تسمح نحاول مانطوفها

جمدت أنفاسها محتبس فيها كم هايل من خفيف الشعور ثقيل الموازين ..عاجزه تبعد نواظرها حاسه بحراره تهيب بجيدها من شي اسمه حرج وثقل عمق الحيا الي اجفل بشراينها وشرّد مبادي ثبات اوامرها لعقلها المرهون به وله ..احتبس الحمار بملامحها وهي تسمع ..
-ترف قلوبنا وأول ملاقنا عناق يدين
تحت شلال ليل مايضم غير معطفها
شوي شوي لين اضيع بيديها الثنتين
واحس بنشوتن والله ماعرف كيف اوصفها
على الصدر الحنون انام من شوقن ضناني لين
يصحيني صدى صوتن تدافق من شفايفها
اثلجت ملامحها ... ببهتان مبرق عميق ..ترك جيدها ينحدر بلا شعور يخفي وجوده ورى ام سلطان .. ارتجفت اناملها وهي ترفع مسعف مهره تخفي ملامحها ...واصلها ترديد منطوقه ورد جدته المبتهج المشجع ...
-توصيني تقول الوصل خله في رقبتك دين
ترى الأيام ماتترك رداها وانت عارفها
وانا عاهدتها مابور فيها دامنا حييين
لها وجهي لو تبور الولايف في ولايفها
ترى حبن يغذيه المواصل والجناب الزين
حياتن ثانيه من ذاق لذتها يوالفها ..
وترى بنت الحصان النادره
ماتقبل التهجين وخياُلن مايملى عينها
ماهوووب عاسفها
انهى منطوقه وهي مخفيه رسومها بحرج مجنون .. جالب ضحكته وتصفيق الموجودين .. وثناء جدته .. المبسوووط ..
-صح لسانك صح لسانك وين نضب منطوقك يحقظك ربي ويحفظها لك !!ياولدي .. !!
-آميين ..امين ...
نطقت ام سلطان ..
-معدهي مستجلسه بنتي !! صح بوحك ياولدي !!
-صح بدنك ...
ترقب نجلا ... وضحكت سمر ورنا ...وحنان
تبسمت ساره ..
-الله الله الله نجووووول افرحي يالملهمه تراك انتي الهامه !!
هتفت حنان ..
- افتحي وجهك نجلا ... تكفيييين بالله احد ينخش عقب هالقصيد الزين !!!
همست بوضوح ..
-استححححييي..
تبادت ضحكة سمر المتعاليه ...
-نصاااابه !!!الا فرحانه !!
رفعت ملامحها مبعده المسعف بلاشعور بحمق لسمر ..
-هه شفتو استفزوها وتوريكم وجههها مقويه شيخة بن جلمود مب هينه !!
شدت نجلا مبسمها ..وهو يترقبها بصمت .. بوحه صادق ومنطوقه اصدق ..وقلبه النابض يرتجف خايف يفقد هالروح وامانه معها وضحكتها ..ومبادي الحنان الي يحيط روحه منها ...
-الله يخليكم لبعض ... ياولد اخوي ..
ارخى نواظره بصمت ..ثم نطق..يهادي الصوت
-آمين ..
استاقفت بحرج ...هامسه .
-بروح دورة المياه ...
ضحكت سمر ..معلقه بحس واطي وقت مرت منها ..
-اهربي اهربي بياكلك اخوي بعيونه !!