عضت شفتها فاتحه نواظرها لسمر بحمق زاد ضحكة سمر ..همست رنا لها
-سمر اتركيها تحرجينها يوووه اشوى ماعندي حماتن مثلك كان ذبحتها !!!
-نعومك ان صار !! عالاقل يخففون ثقلك يختي الي مامنه داعي !!!
انهو منطوقهم منتبهن لحس جدتهم ..
-جوووود علينا ياحبيّبي ععطنا من زين منطوقك بعد !! هات الي تجود به نفسك !هات !!من سمع بوحك ماشبع يامك !!
تبسم رافع نواظره .
-وش تبون ..؟؟ غزل عطيتكم ..
هتفت حنان ..
-عطنا شي مختلف ... !! الي يجيي بالك ونفسك منا متشرطين !!الي بخاااطرك عطنا إياه !!
نطق بهادي الصوت مكرر بتفكير ..
-خاطري ؟؟!!
هوجس بتفكير قصير .ثم .تبادى .. بلا شعور ..بحسه الجزل الرصين ..يحاكي هالمره ضعف روحه بليا حساب وبليا إقرار
-آه ياكبر القهر لاصار ماباليد حيله
والجروح من القرايب والخطا مني وفيني ...
ان نويت اشفي غليلي مالقيت اية وسيله
كيف القى دام جرحي سبته طعنة يميني
وان نوت تبكي عيوني صارت الدمعه بخيله
ياكبرها لا تجمع هم قلبي وهم عيني
ياهمومٍ بي تعدت حدها صارت ثقيله
اخذو مني كم سؤال ولو سمحتوا جاوبوني..
ليه من بعد الوفا والطيب وفعولٍ جليله
من يدين اللي حشمته اول طعوني تجيني؟
وليه لاضاق الفضا في عين من خانه دخيله ..
مالقيت الا الملامه !!انتهيها وتبديني؟!
ياهمومي ياجروحي يا صدى الروح العليله
والله ان الظلم قهره قيد لساني ويديني!
يوم قيل ناظر حسودك زاد في قوله وقيله
.. ما طرالي غير قولت اخ يا دنيا ارحميني.
ان تكلمت وحكيت وجبت برهاني ودليله
.. ما تضرر كود منهو قد لفاني منتخيني!!
وان سكت وقلت هانت هم وسنيني تزيله ..
اكتشفت ان ((السنين)) تزول والهم محتويني!!
بس لجل اللي انتخى في جد جدي والقبيله
. والله اني لاشرب المر واتحمل ما يجيني..
ودام ما بالكون ((صدرا)) ارتمي به واشتكيله
.. ودام مابه عين تقرى حزني اللي مبتليني!!
ما لي الا بيت شعرا اذكره في كل ليله
.. لا انتهى جدال المعاتب بين قلبي وبين عيني..
ولّ ياكبر القهر لاصار ماباليد حيييله
...
انهى منطوقه المتجرد ضيق ..يحاكي داخله المنزوي ...وسمر ورنا يترقبونه ..وهو متغافل عن جدتهم وامهم ونظرة كل شخص سمع منطوقه الضايج .. همست سمر بخفوت ..
-شوفي امي !
-شفت ..!!
حركت ساره هدب عينها مبعده برقة دمعتها ..متنهده ..عينها على أمها ..قربت منها مبتسمه ..
-افا يمه !! مب تقولين عطنا !! ليه ضقتي !
شافت حنان أمها وهي تمسح دمعتها بمسفعها ..وحسها الهامس ..
-صح ..لسانك ياولدي ..ياعسى روح ظلمتك تقداها النار !!
رفع نواظره بصدمه وكنه كان يعيش شعوره لحاله وناسيهم جميع ..ركز فيها النظر ناطق شاد كفها بحزم ..حاني
-هذا قصيد ياجدتي والشعرا في كل واد يهيمون !! ان بغيتي غزل ولا مدح ولا ذم !!كله كلامن ينقال يباع ويشرى !!
تحشرت أنفاسها ...بضيق ..
-ظلمتك يابوي انا !..ليت خذتك وربيت عندي هنيا !!
شد مبسمه ..مرخي نواظره لكف يدها ..عاجز ينطق متغافل نظرات الي وقفت تترقبه بصمت ..وقت سمعت ماقدرت تدخل ضلت خافيه عن العين تسمع ماتدري ليه اوجعها قلبها لين انتهى منطوقه ..وخذتها خطواتها داخله ثم وقفت تسمع كلام جدته له ..كله يهون بس نظرته الي يباعدها ويمحيها اهلكتها !!بالصميم ... زوجها ضايق ضيقه اليمه ومابيدها شي !!
رفع نواظره فجاه متلاقي النظر بها تبسمت ..وهي تقبل وتستجلس جنب ام سلطان ...الي رفعت راسها موجهه كلامها له
-صح منطوقك ياولدي ...الله يجود عليك بسرور النفس الي يوسع خاطرك دوم ولايحرمك الراحه !!
عضت حنان شفتها ...وهي تترقبهم جميع ...الضيقه الي احاطتهم وذكرتهم بمواقف توجعهم رغم اختلافها ..جمدتها ...تنفست بعمق متقدمه ..
-الله الله الله يازين قصيدك يالوليد اتحفتنا قسم بالله !!! ماشاء الله عليك !!الله يحفظك
-ماعليك زود !الله يحفظكم جميع!!..شد كف جدته ..
-اهم شي يامي نوره احنا وش وصلنا له مب مهم الي راح !!مب انا حولكم ومعكم ؟ هذا المهم !!
-الله يطول بعمرك ويحفظك ياولد الغالي ولايحرمنا عزك وحسك !!
تبسم بحنو ...
-آآآآمين ... ولاحسكم جميع ...!..
اطرف يم ام سلطان ..
-مشينا ياميمتي؟؟
-يله الي تبي !!..اطرف لنجلا الي تترقبه بصمت
-البسي عباتك !!
رطبت شفتها مرخيه عينها تأخذ شنطتها .وتوقف ..
-يله بروح ...
التفت لرنا
-بتجين معي رجلك دقو عليه المستشفى !!
هزت راسها..
-طيب !! غريبه ماارسلي شي !!
ابعد نواظره ملتف يم جدته
-جاد الله عليكم وكثر خيركم عساه بيتن عامر بحسك !
-وحسك يابوي الله ييحيككم ويسعدكم وسعتوا صدورنا !! لاتعوق علي مرني دوم ! نشتاق لك !
-ابشري ابشري وانتي بعد لاتخلينا تعالي وان بغيتي اجي اخذك كلميني اجيك اخذك بنفسي !!
-ماتقصر الله يحفظك ..ويخليك
استاقف .. ساحب عصاته ...
-يله ياجماعه نشوفكم على خير ..
استاقفت ساره ..
-الله يحييكم ..
لبست نجلا عباتها وشعورها ضايج ... لازم تعرف وش فيه وش مضيق خلقه ... صوته عيا يفارق سمعها وفكرها ..اجل سلطان ؟؟ غمضت نواظرها بكره لطاريه تكرههه تكرههه للحد الي ودها تمحي وجوده كله ..
سمعت سمر ..
-نجووول خلصتي
-أي أي ..
وقفت رنا تفتش جوالها تبحث عن رساله مالقت ..ناظرتها سمر مبتسمه ..
-اعجلي علينا خلاص قالك الوليد عنده عارض
-احسن أصلا ابي اروح بيتنا !!
-انا بلطع ترا الوليد غير سيارته لاتلخبطين !!
-بركب مع امي وعاملتها !
تنفست نجلا تاركتهم مبعده ومتوجهه للمدخل سامعه أصواتهم
همست سمر ..
-احس الوليد ضايق مدري وش فيه !ماكان كيذى الصبح !!
-سمر يقول يبي يكلمني ؟؟ تهقين ايش ؟له دخل بضيقته؟؟
-مادري شكلي بركب معكم بخليه مع نجول !مابي احشرهم !!
تقدمت نجلا ..طالعه
... شافته واقف يكلم ساره ..اول ماقبلت ناظرها ..ماد يده ..
قربت قبض كفها بحزم ..
-يالله فمان الله ... !!
-مع السلامه..الله يحفظكم ...
-مع السلامه عميمه ..
-باي نجول ..
احتزم كف يدها ماشي بركاده وعينه على سياراتهم .. ترك يدها وقت قرب لجل تتوجه لمكانها وتم هو يترقبهم لين ركبوا كلهم ... فتح باب ماد عصاته خذتها تركنها على جنب وعينها عليه ..وهو يستجلس رامي ثقله .. ترقبته بصمت لين شغل السياره ...وحرك مسيرها ...وطلعوا من البوابه .
-الوليد ؟؟
التفت لها
-وش مضيق صدرك ؟؟ سمعت قصيدتك !!
ابعد نواظره يم الطريق
-قصيده عاديه مالها دخل بشي !!
-الا لها دخل ماودك تقولي ؟؟ قلت عطيني فرصه ! علمني بالي مشغول عليك !!سلطان مضايقك ؟؟
ترقبته بحذر ..
-لأ!!
-اجل ايش؟؟
-بعدين نجلا !..خلها بعدين
-بعدين متى ؟؟ انا ابي اسمع منك خفف عن نفسك شوي وعلمني !!
استمسك الموقود ..بحزم ..وعينه عالطريق ...راد بلاشعور ..
-كبير هالمره عليك همي نجلا!!خليه لي لحالي !!لين الله يفرجها
سكتت بجمود ..وخوف داخلي يستنزف كل ترقبهامرت ثواني صمت تحاول تستوعب ..
-مافيه شي اكبر من ادمماني وصحتي !!
هتفت برعب ..
-الوليد فيك شي ؟؟ صحتك؟
قاطعها
-انا بخير !!
-لامنت بخير !! أي شي غير صحتك بيكون عادي وهم صغير !! دام انت طيب خلاص ليش كبببير علي !!!علمني !!
تم ساكت ...تاملت جانب ملامحه وهدوووء نفسه ...ونطقت ..بضيق
-انا قد انك تعلمني !!! مب صغيره ولاني مره قليلة دبره !!
التف يناظرها راد ..
-عشانك مب صغيره نجلا همي ذا بعد مب صغير !!..
ابعد نواظره يم الطريق متابع وسابقها ..قبل تعترض وتصر ..
-بعلمك اصبري علي !خلها تجي من نفسها لاتضغطيني !!
شدت مبسمها متراجعه على كرسيها ..
-طب انت ضايق واضح هالشي لنا كلنا باين عليك !!اش اسووووي ؟؟
التقت لها ..ببسمه مطرفه ونظره صامته
-تعرفين وش تسوين أصلا مايطرد ضيقي الا انتي !!
مدت يدها قابضه كفه اليمين من فوق المقود تركها لها
احتزمتها بقوه حازمه ..
-بجلس !!
التف بتقطيب وقل ادراك وترقب ..
-تجلسين وين؟؟
-معك !! لو حتى ذبحت ذاك قلت لك بجلس !!احسك خايف مني انا مدري ليه !!!
جمدت نظرته بعينها ..ثانيه ..
-قول لخوفك مرتي فيه !!
ابعد نواظره غير مدرك رجفته الي استشعرها من منطوقها ..له ..بس هي حاسه وكبر احساسها الوجع الي مضايقه يعنيها هي هي نفسها دون غيرها ..
همست برعب ..
-سعد فيه شي؟؟
التف لها نافي ..
-لا بخير ان شالله
تنفست بعمق فيما بين هو انقبضت أنفاسه ببؤس عميق ..ذاكر القادم والجاي ..غمض نواظره بضيق ..وفتحهم ..على صوتها ..
-خلااااص طيب أي شي بتحمله انا بسندك ياخي علمني !!!
-بس نجلا لاتصرين ..مجهد انا مجهد !!!..خل هالعزايم تمر ونخلص منها ويكون خير !! ريحيني قلت لك دامك معي وحولي بيستاسع صدري !! خلك حولي وبس ماطلبت كثير !!
-لامب كثير !! ...هينا المشكله!!...
سحب يده بيلف لفه ...ونطق ..
-يكفيني انتي !!من هالعالم كله تكفين وتسدين !!
تبسمت برحمه ... له ..
-طيب ..نرجع الحين .. ونرقد او مافيك نوم ؟؟؟ وش رايك نروح نشوف سلطانه ؟؟ مع اني ضايجتن من حملها بس معليه نطل عليها وش رايك ؟؟ او ننزل نسبح ؟؟وش قلت !!؟؟
هتفت بحماس..
-او اقولك ؟؟ ورى مانروح نطلق ؟ خل نشوف نسيت دروسي أولا ؟؟
وش رايك ؟؟؟
سمعته ينطق بهادي الصوت وبسمه خافته
-لأ
-اجل وش تبي ؟؟
ناظرها بحنو ..وعمق ..اجهاد..
-ابي انام بحظنك !!..واشم طيب شعرك وحناك !!بس هذا الي ابيه !!
بهتت نظرتها وقت ابعد نواظره ونبضها يعتلي فوق ..فوق ...تبسمت ..متسانده ..وهامسه ..
-ابشرياحبيبي انت ...
.................................................. .................................
وصلوا جميع ... رقت سمر مع أمها ورنا دخلت مجلس الوليد ونجلا تركتهم بعد وتوجهت لجناحها ... معها كم هايل من الهواجس الضايجه ..المشغلتها ..ودها تعرف وش فيه وش فيه .. بتسمع له وبتسكت بدون إصرار مع ان قلبها يفرفر يبي يعرف ..وش سبب هالضيقه الكابسه على أنفاسه وبرقة عينه .. ليه مستقل فيها ؟؟ ليه كبير همه عليها ؟؟ وش همه الكبير ؟؟؟ مب جاي مثل همها الي احسن استضافته بصدره ووقف له وقفه جليله وعظيمه ..!!..ماراح تنساها له ..
لبست وغيرت ... صلت وترها ... ناويه تبتدي تصوم قضاها كله ..من بكره مع ام سلطان والبنات ... كيذا اتفقوا .. بتتسحر بس مالها خلق ... تاكل شي ابد ... دخلت غرفتها ... واندست بفراشها تنتظر يرقى ... ماتدري خلص مع رنا او لا ..!! تساندت وعينها عالسقف .. تفكر ..
.................................................. .........................
مكتب الوليد ...
ناظرته وهو يبعد شماغه ... ويعلقه ..وتبعه بعقاله وطاقيته..رفع يده يفتح جيب صدره ..بخفه ثم اطرف لها متبسم وهو يخطو خطواته ..مأشر .. عاالجلسه المقابله المكتب ..
-تعالي اجلسي هينا ...
استاقفت ... بترقب مبتسمه بحرج ..
-عسا خير الوليد فيه شي ..؟؟
-اجلسي ..
استجلست بالمكان الي اشر عليه ... ارتهبت روحها وهي تشوفه يترك الكراسي ويجي يجلس جنبها ماد عصاته ورجله باريحيه .. بلعت ريقها ... بترقب .. الين واجهها بنواظره ..مبتسم ..
-اخبارك ياخوك ؟؟؟
جمدت نفسها مبتسمه باستغراب ..
-طيبه بخير الحمد الله
ضحكت بخفه ..
-اش فيه الوليد وترتني !!
ركز بنواظرها ..ونطق ..
-علمك رجلك عن منيره ؟؟
جمدت أنفاسها بارتباك ...فيما بين هو يتابع .. عقب هزت راسها ..وعينها عجزت تفارقه ..
-هو قالك ؟؟