السلام عليكم ورحمة الله وبركاته ✨
صباح الجمال و البهجه 🪴
كيف حالكن ؟ 💕
من المسرات فصل صباحي من شوشو و بالإجازة ! مرررره اسعدتينا و ابهجتينا الله يسعد قلبك الحلو 🌸 ، من الصفات اللي من زماااان وهي مرتبطه فيك الكرم ما شاء الله صارت الفصول كل اسبوع و ملتزمه بالوقت إما انك تُهدينا الفصل بوقته المعتاد او تقدمينه عن وقته و كل خيار اجمل من الاخر 🤍
و مررره محترمه بمواعيدك و هالشيء يخليني اقدرك جدًا و اثق فيك و إذا قرأت الفصل بأقرب وقت اكتب تعليق لك 💗🥺 ، رائعه يا عاشقة ديرتها و راقيه و تستاهلين كل خير بكل فصل احس اني فخوره فيك اكثر و فخوره اني قارئه لك 🤍🫶🏻
اما الفصل مررره يناسب الصباح ! 💛 ، جميييل و لطيف جدًا و مبهج و الحلو ان اغلبه عن اسرة جاسر اللي احبهم 💕 .. حتى الاحداث الاخرى كانت جميله ، كله على بعضه يجنن ✨
" فضه ، جاسر ، سحاب "
" جاسر يتحرك بالسيارة :اسمعي وانا اخوتس انا مر علي بالدنيا تهاويل وانا اتقبل من الأدمي كل شي إلا صفتين زي المر على تسبدي ماهضمهن التسذب والخيانة ...وانتي ان شاءالله ان مافيتس ولاوحده منهن ...
اللحين بنشدتس وبسمع جوابتس ..وبعدها لاتلوميني لو اكتشفت غير اللي قلتيه لي ...
فضة تعرفينها من قبل ؟؟ "
كلمته و انا اخوتس تدل على عمق المحبه و محاولة نفيه الصفتين اللي ما يحبها عن اخته و سؤاله لها بدون ما يحكم عليها باللي سمعه من غيرها و حسن اختياره للسؤال البعيد عن اتهام فضه وهو يسألها إذا تعرفها من قبل او لا 🥺 ..
يآه ردة فعله كبرته بعيني ما خابت نظرتي فيه وش هالتفاصيل الدقيقه العميقه بكلامه و شخصيته كأنه ما يبي يجرح أخته ولو قالوا و قالوا حكم عقله و ما ظلمها 💙
اما سما ما رضت تكون مثل نوت و تكذب و الكذب اسهل شيء ممكن تقوله بس لانها ذاقت طعم ان احد يكذب عليها و عرفت انه خطأ قالت الصدق و الصدق منجاه ! .. و رحمتها مررره بس اعجبني انها قالت الحقيقه رغم خوفها 💗🥺🫂
"لم يعد يحتمل لايريد أن يستمع للمزيد مجرد ظهور أسم جاير في روايتها يثير جنونه كيف لو كان أبيها المدعى ...
عقله لايتحمل المزيد من الصدمات ... هذا بداخله ..
لكن بالواقع وأمام عينيها كان شخص صامت يقود السيارة بهدوء ويستمع لأعترافاتها "
جاير هالاسم كل ما جاء طاريه تكون مشاعر الشخصيات له كذا او مشابهه لها ، مؤسف انه يرحل عن الدنيا و سمعته السيئه باقيه و حتى دعوات جاسر عليه قويه من حر ما شاف منه .. الله لا يبلانا و يجعلنا ممن يتركون اثر طيب و يذكرون بالطيب في الحياه و بعد الممات 🌿
فعلاً الصدمه كبيره على جاسر و من بين كل الناس صار جاير ابوها المدعى ! .. جاسر بالفصول اللي ظهر فيها لازلت اشوف له صفات كثيره حلوه ، انسان عاقل و متزن مع اخته حتى بردود افعاله حريص عليها فعلاً هو العوض الجميل لاخته 💙
" بل كان يصيح بعالي صوته :مافيهم رجال كلهم خونه ..الله يسود وجيهم ليل نهار ...يحسبون بيقهروني فيتس والله لأوريهم ... "
الاخ السند اللي ما همه إلا اخته و بس 🥺 .. يراعيها و يسمع منها و يدافع عنها و يثق فيها و ترك كل شيء بالقصه ما اهتم إلا بأنه يأخذ لها حقها منهم و يرفع قدرها عندهم و الاهم الاهم انه ركز على النتيجه الان وهي انهم اجتمعوا بغض النظر عن الماضي ، احب الشخصيات اللي تركز على الجانب الايجابي 🌧 ..
نوم سما بالسياره يدل على كمية الطمئنينه اللي تحس فيها و ان اخوها ما راح يأذيها او ان ودها تهرب من الواقع بالنوم يا عمري كسرت خاطري 😔
طلب سما السماح منه و توضيح موقفها ثم رد اخوها عليها قبل ينزلون من السياره كان رائع و حنون يداري خاطرها لا تزعل من قساوته اللي ما اشوفها قساوه 🥺
" حين دخلا الأثنان كانت فضة تنام بالصالة وهي جالسه ... "
تأنيب الضمير و خوفها على سحاب بعد اللي قالته خلاها كذا بدل ما تستغل غيابهم و تنام بالغرفه اللي يتهاوشون عليها 😂 .. فضه رزقك الله بزوج فيه الخير و لا هو مأذيك مثل ما كان العوض لاخته بيصير العوض لك بإذن الله 💕
" لم يكن يحتمل البقاء بنفس المكان بعد ما عرفه من الاثنتين ..
مهما حاول التماسك هو مخذول وفي داخله وجع عليه أن يخرجه قبل أن يفرغه بأحداهن ... "
شوشو مررره ابدعتِ بشخصية جاسر مميزه و التفاصيل تأخذ القلب كيف انه ابتعد عنهن و اخفى ألمه و خذلانه عشانهن 😩 ، همم شكل شغلهم يحرسون حلال الناس و يأخذون فلوس و من كلامه كأنه جاد و صادق بكلامه .. و انه حرامي و سارق و قاطع طرق وش صار عليها ! 🌝
انا صراحه مو مصدقه كلام الناس عن جاسر للان و بسوي نفس اللي سواه مع سما ما راح اتهمه او انتقده الى ان اسمع منه مو من عدوه .. و العدو الاكبر صديق السوء يا رب تعين عبد الملك و يمسكه عاجلاً غير آجل 🤲🏻 .. جاسر ما يدري ان اللي يسأل عن سالفتها اخته سمراء 🥶
" سحاب حسمت أمرها ستبقى مع جاسر الذي واجه حتى هذا الموقف الثقيل وتقبله من أجلها "
ايه هذا الصح ما انتِ لاقيه احد من الناس يفهمك و يراعيك كثره ، و قالت لسيف عن توأمه سحر من ايجابيات الرحله للمغاريب انهم عرفوا عن التؤام و فعلاً اشوف الاشياء الزينه اللي صارت كثيييره و من جميع الجهات اصلاً الظاهر كل شيء صار من زيارة نوت و سحاب للمغاريب كان زين سبحان الله خيره 🌱 .. ضحكتني سحاب وهي تفكر كم مره كتبت جدًا 💗😭😂
" سحاب :سحر كانت اختي انتي مين ياصدى الحديد يانحاس ..
فضة تعض شفتها بحنق :على أقل اسمي معروف ماهو اللي مضيعه أسمها سحاب سما جوري ... "
كنت اقول كلمة سحاب قويه و لما قرأت كلمة فضة طلعت قويه بعد يعني ما احد كلمته اقوى اكثر ⚖😂😭 .. ايييييه يا سوسو و انا اقول فضه لايق عليها اسمها و اخر شيء تقولين كذا 🥲 ، اما الاسم تعودت على سحاب اكثر ، سما بعد ممكن ، اما جوري مالومها تنفعل و تصيح بوجهك وهي صادقه اسمها معروف مثل ما يناديها اخوها 🤍😫
"حاولت الرد ولكن فضة النبيهة فهمت ماستفعله وضعت يدها على فمها مباشرة متحملة عضتها القاسية :لحضة ياخال فيه حرمة ماهي محرم لك بتدخل غرفتها وافتح لك ..."
ههههههههههههههههههههه 😭😭😂 .. لما فكرت بالموقف شوي جاء ببالي جرح فضه لجاسر شكل سما ردتها عن اخوها 😂😭 .. تهديد فضفض ما تدري ان نوت ما هي ام سحاب 😂 ، و لنفترض انها قالت لخالها وش بيسوي مثلاً يعني سما ما علمت اخوهن بتعلم الامير ؟ 😭😂
" وبعد أشتباك قاسي بين الأثنتين خرجت منه فضة بشعر منكوش ومفتاح الغرفة التي حبست سحاب داخلها ..."
و انتصرت فضه بالمعركه 😭😭😂 .. قرة عينك بشوفة خالك بعد ما صار يشوف الحمد لله 🤍🥳
" لتقول بلؤم :هذي أخت جاسر الله يعفي عنها عليها خف عقل ... "
ما استوعبت كلامها احسبها تمزح الين شفت ان حارث مصدق ! 😂😭😭 الحمد لله ان سما و اخوها ما يدرون رحمتهم 🤍😂😭.. عاد على حظ فضه اول مرا يشوف حارث و يطلع المكان حوسه 😬 .. حارث رحيم و طبعه عطوف حتى بتفكيره عن سحاب و ان الدنيا مليئه هموم و ما احد خالي منها صادق و صحيح بغض النظر عن انه فهم غلط عن نوع هذا الهم
"فضة بأحراج رغم كل ظروف زواجها :عادي وش بيكون وش لونه ..
حارث يتمنى أن يجد عذر ليسحبها منه :يعني غلط عليتس في شي !!
فضة :لا ..
حارث يستمع لردودها غير مصدق هي حقاً متمسكة فيه :مد يده ..
فضة :لا ..
حارث حتى الرمق الأخير يتمنى أجابه مختلفة :يعني أنتي مقتنعة فيه .. "
يعني إلا فيه شيء ! 😂😭 انا حابتهم مع بعض الله لا يفرقهم و ترا جاسر غيييير مرررره مع البنات اللي مسؤول عنهن رجل ما يؤذيهن 💙 .. انحراج فضه يا حلوها 🤍🥹 ، فضفض تقمصت شخصيه هي حاليًا عكسها و خالها اقتنع مثل ما اقتنع المحقق قبله 😭😂
اعجبني اهتمام حارث و تأكيده على فضه بمعنى كلامه ان وراها سند و لا تتردد تكلمه ، بنفس الوقت فضه ما راح تقدر تتكلم عشان ابوها بس ما عليك جاسر طيب ان شاء الله بس انتِ لا تبالغين بأستفزازه 💕😂
"سحب المفتاح بصمت وتوجه ليفتح للأخرى وهو يقول :حريم هذا كبرتسن بس ماش عقل ..
سحاب حين تفاجئت بوجوده :هي بدت ...
جاسر :اص بس وش هالكلام ماتستحين عيب حتى العيال بالشوارع مايقولون هالهرج ...
سحاب منحرجة :قهرتني انا أذا انقهرت أقول أي شي ماأحد يحبسني .. بعدين فيه رجال جاء ... "
صادق جاسر 💙😂 ، سوسو فاجأتيني طلعتِ تعرفين تسبين و تشتمين و اخوك سمع وييي 🫣 ، حوار سحاب و كلماتها تضحك و ابدعتِ شوشو حسيت انها واقعيه " هي بدت " اللي غالبًا لازم تنقال بأي هوشه 😂😭
مالومها تحبسك ٪90 تتوقع تطلعين و حتى ما تدرين انه صار يشوف يعني يمكن بالغلط تطلعين لذلك فضه خافت عليك و دخلتك الغرفه 😂😌
كل هذا مو مهم عند سحاب الاهم تعلمه عن الرجال ما راح ترتاح الين تعلمه 😂 ، ذكرت فضه قبلها لما علمت جاسر عن سحاب و انها كانت في بيت الجوارح ، جاسر ردة فعله في كل الموقفين اللي تخص اخته و زوجته كفو و كفووو و كفووووو 💙👏🏻
"فضة وملامحها تتحول للفزع من غلطتها فهي تعلم من هي سحابة :سما اقصد ..."
وييي الحمد لله عدت 🫣 فضه و سحاب يتنافسون من تجيب العيد اكثر ، حبيت 💗💗😂 حتى انا ما فهمت زي سحاب بس مو مشكله .. شرح سحاب كان ممتع جدًا و كلمة جاسر الحنونه " ياخوتس " من احلى الكلمات بالروايه 🥹
اهم شيء استفادت من اللي انحرق و جاسر يقول نعمه ما ينلعب فيها و رضا بالشاي و كملوا الفطور بهدوء شخصيته بالفصل هذا مميزه جدًا جدًا ، ما يعطي الامور اكبر من حجمها و يتقبل الواقع بسرعه و ردود افعاله منطقيه متزنه ، شكرًا شوشو على هالشخصيه الجميله 🤍
"كان الأثنين يتناولان الطعام بهدوء وهي تراقب بعدم شهية لتقول أخيراً :جدتي بالمستشفى هنا بروح أزورها ...
جاسر :اللي يبي شي يطلب مثل الناس وبعدها نفكر نرد عليه ...
سحاب حين لاحظت نظرات فضة الحزينة قالت :زيارة المريض واجب كيف لو كانت الجدة ...
جاسر منزعجاً :انتي دايم ملقوفة ياخوتس ..
سما تهز رأسها بنعم ولاترد .."
يا عمري فضه الحزينه 🤍🥺 ، طيب فضه طلبت مثل الناس استغربت من جاسر ما اشوفها قالت شيءٍ غلط و هذا اسلوبها دايم 👀 .. سحاب صادقه و يا حلوها هي و فضه بس رد جاسر عليها ضحكني كأنه يقولها من قلب و هزت رأسها بنعم 😭😭😂 ، احلى ملقوفه 💕
شرط جاسر غير المتوقع و ضعف سحاب مالومها من اللي شافته منهم ، مو لازم تظهر قوتك لهم اهم شيء الله جمعك بأختك و طيبين و بخير الحمد لله ولو يدري من قابلوا ما خلاهم يروحون 🥶
"جاسر يشير لها بيده :اختاري اللي يجوزلتس ياأخت جاسر يزاهتس الذهب ياسما ..
أخذت تتأمل الذهب وسعادتها لاتوصف أين أنتي يانوت لتري الدلال الذي اعيشه بظل أخي ..
كنتي ستموتين من غيرتك لحسن الحظ أنك غير موجودة لأ فسدتي صفاء حياتنا ..
كانت سعيدة بموجوهراتها ولكن سعادتها تبخرت ماأن توقفوا أمام المستشفى ..
نزل هو أولاً وأختفى بالداخل ...
لتخبرها فضة ساخرة :شكلك يضحك ...نزلي اللي على راسك ..
سحاب وهي تفرك أصبعيها السبابة والأبهام ببعضهما :موتي حرة ...تهبل وشكلي مره شيك ... "
الموقف مررره مررررره مرررره حلوووو ! 🤍 ، لهجة جاسر لسما احلى اخ بالروايه انبسطي يا سوسو و احمدي الله و اشكريه انه رزقك بأخ و مو أي اخ يا حلوكم 🤍🥹 ، طبعًا سوسو تستمتع اكثر اذا ذكرت نوت او فضه و قهرتهم بداخلها 💕😂😭 .. وه اتخيل جاسر و سحاب و نوت مجتمعين يااا ربي تصير يا فرحة سمراء وقتها و سعادة اخوها فيها و رعد يصير خاله جاسر ما يحتاج يغار من سحاب 💙😭😂 ..
بالنسبه للهامه سحاب بنفسها ضحكت منها و فضه تقول تضحك حتى انا احس كذا 😂😭 ، بس بنفس الوقت احس حلووه عليها و كيوت لإنها سحاب 🫶🏻 ، و رايحه فيها المستشفى وقفت قراءه من الضحك الله يسعدك شوشو 🤍 .. مفردات سحاب و هوشاتها مع فضه تونس عارفين لبعض 😂🤝🏻
"سحاب بقلق :طيب لو شافتني العجوز وماتت لو درت اني مو بنتهم ..
جاسر هامساً :عز الطلب ..
كشرت ملامحها من تحت النقاب الآن يبدو مشابه لنوت هي تكره أن تكون سبب آذية أحد لما هما بقلوب متحجرة .."
يا عمري يا تفكير سحاب رحمتها 😭😭😂 ، جاسر الوجه الاخر يطلع مع الجوارح 🌝 .. يا حلوووك و يا طيبتك انتِ صح الله لا يجعلنا نتسبب بأذية احد ، احبها سحاب الخير ☁ .. تكلم عبد الملك و تعدل هامتها و ناسيه انها على راسها وهذا سبب استغرابه 😂😭
" ومن هي عتقاء حتى تخيفها أنها فرصة جيدة لأزعاج العجوز الشريرة ..فقط كل رجائها أن لاتموت من الصدمة .. "
😭😭😭😂 ، كذا تقريبًا الكل عرف و اتخيل شكل سحاب و فضه وهم هاجين لدورة المياه - وانتم بكرامه - 😂😭 ، حابه ان قبل كانوا نوت و سحاب و الان فضه و سحاب مررره حبيتهم و يوسعون الصدر 💗💗 .. يا الله الكتمه بالموقف حسيت وقتها ان سحاب و فضه يتمنون ان لهم قدرة على الاختفاء و ما احد يشوفهم 🥲
" عند سحاب كان تمسد ذراعها الذي تعرض لأنواع العنف من فضة ..
وهي تتوعدها بداخلها ستعضها بطريقة قاسية .. "
تذكرت العنايه و سكراب البُن رحمتها ! 😂😭 .. اتوقع سحاب اكثر وحده مبسوطه بالروايه بشوفت المجرم مكبل و الاهم انها فخوره بأخوها و ما عاد تحس بالنقص او الضعف الله يحفظكم و يملئ حياتك مع اسرتك فرح و سرور و امان 🤍🥺
انتهى الجزء الاول من تعليقي على الفصل 15 ، احترت بألوان تعليقي كنت ابغى الوان تعبر لذلك اخترت كم لون صباحي 🤩 .. الفصل كان رائع و لطيف و لذيذ اعجبني و حبيته جدًا و استمتعت بقراءته و الكتابه عنه ، شكرًا شوشو المذهله المميزه الجميله سلمت اناملك 💕💕💕 .
عن ابو ذر القفاري رضي الله عنه عن النبي صل الله عليه وسلم قال : (( يُصْبِحُ علَى كُلِّ سُلَامَى مِن أَحَدِكُمْ صَدَقَةٌ، فَكُلُّ تَسْبِيحَةٍ صَدَقَةٌ، وَكُلُّ تَحْمِيدَةٍ صَدَقَةٌ، وَكُلُّ تَهْلِيلَةٍ صَدَقَةٌ، وَكُلُّ تَكْبِيرَةٍ صَدَقَةٌ، وَأَمْرٌ بالمَعروفِ صَدَقَةٌ، وَنَهْيٌ عَنِ المُنْكَرِ صَدَقَةٌ، وَيُجْزِئُ مِن ذلكَ رَكْعَتَانِ يَرْكَعُهُما مِنَ الضُّحَى. ))
المحدث : مسلم | المصدر : صحيح مسلم
- سبحان الله ، الحمد لله ، لا إله إلا الله ، الله اكبر -