[ميار سعود]

المشاركة الأصلية كتبت بواسطة jojo

السلام عليكم ورحمة الله وبركاته ✨
مساء الخير 🤍 .. التعليق الاول للمشاعر ..



"ومقضيها بالبراري وأكل من صيدي وأفل حجاجي ..."



مييير و الله انها ابرك الساعات و اكبر المسرات بالنسبه لي 😭 ، صادق صادق وش زينها حياة البر و لحالك مع حيواناتك بعيييييد عن المغاريب و الاحداث اللي بالروااايه ابد خذ راحتك ووقتك لا ترجع و لا تشيل هم ، شهور ولا سنه او اقول لك ؟ رح الين تخلص الروايه وش لك بالمشاكل مع جاسر و الخلف ومدري من ، صراحه تفكيرك هذا ✅ و ابد اذا طلعت من السجن اختفي تمامًا الله يسر امورك بحفظ الله ورعايته مع السلامه 👋🏻



قلت اللي بخاطري و من زمااااان ودي اقوله بس كنت اسكت لاني ما افضل اتكلم من هالناحيه لعدة اسباب اهمها اني اخاف اضايقك يا شوشو بذكر مشاعر عدم المحبه لشخصيه بالروايه رغم انها مثل ما قلت روايه بس ما ادري ترددت كثييير و مسحت كلام كثير 🥺 ،



ما احب انقد الشخصيات بالروايات غالبًا اتجاهل الجانب السلبي بالشخصيه و اركز على الايجابي و كلامي هذا ما ادري هل يُصنف نقد او انه اقرب للمشاعر الشخصيه اللي تراكمت من مواقف سابقه لكن بعد مواقفه بالفصل و تعليق قراءته ، ما قدرت ما اعبر عن مشاعري بدل الصمت 😔 .. و يمكن خيره اني ما اتكلم إلا هالوقت بإذن الله 🌿



جارح كان احد اسباب ابتعادي عن الروايه الفتره الماضيه و اكثر شخصيه تستفزني بالروايه و تتعبني و خصوصًا اغلب مواقفه مع سحاب عدًا اخباره لها بالحقيقه .. لانه يستهين بمحارم الله ! 😭 لما كنت اقرأ و الان وانا اتذكر - رغم اني ما نسيت - احس بشعور الآلم ، الوجع ، الغضب ، القهر من انه ما يخاف الله 💔 الله يثبتنا و هذا موقفي منه و رأيي و مشاعري الشخصيه بأختصار و ممكن يكون هذا اخر تعليق لي عنه لفتره قصيره او طويله الله اعلم ..



في سياق هذا الموضوع قرأت اقتباس جميل :

" من أعظم أسباب الفراسة ونور القلب:
غض البصر عن المحارم

قال ابن القيم رحمه الله :
فمن غضّ بصره عمّا حرّم الله تعالى عليه، عوّضه الله تعالى من جنسه مما هو خير منه، فكما أمسك نُور بصره عن المحرمات أطلق الله نور بصيرته وقلبه، فرأى ما لم يره من أطلق بصره، ولم يغضه عن محارم الله تعالى. "



الله يجعلنا جميعًا ممن يغضون ابصارهم عما حرم الله تعالى و يهدينا و يحفظنا 🤍 .. كنت بكتب الجزء الثاني من تعليقي على الفصل 15 لباقي الشخصيات بس ما قدرت 😞 لذلك نزلت هذا التعليق اللي كتبته من امس و قرأته للمره اللي ما اعرف كم اتأكد منه و ان شاء الله ذهني يصفى و اتخلص من هالمشاعر و اقدر اعلق لباقي الابطال و الاحداث 🤩 .. يعطيك العافيه شوشو 🤍



- سبحانك اللهم وبحمدك اشهد ان لا إله إلا انت استغفرك واتوب إليك -

انقى تعليق شفته بالمنتدى شوفي لو ماعرف للحياة الواقعية وادري انه عدد الناس السيئة اكثر من الناس الطيبة كان قلت ياليت منك كثير بالحياة بس ماحنا ملائكة حتى لو قلنا ماراح نضر الا مايجي موقف نسبب ضرر لأحد بدون قصد وبخصوص جارح اساسًا من شفت نوت ووصفهم لشخصية جاير دريت أنه اصلاً أغلب الشخصيات مب نفس ماتجي على نفس مزاجنا وعكس مانتوقع وتدرين كنت بالبداية زيك أتأثر ووصلت لمرحلة سيئة بالإندماج بين الواقع والخيال بعدين عودت نفسي ماهتم لمدى سوء الشخصية لأنه هذي صفحة نقدر نقفلها وامشي بعيد عن سوء الشخصية عكس اذا أحد ضايقنا بالحياة الواقعية مانقدر لا نهرب ولا نتغاضى بس اعرف انه نفس شخصية جارح الكثير واسوء والله ياسمعت قصص ناس قريبة مني انه يصير جارح ملاك عندهم بس الشيء الكويس بالموضوع الحياة فيها رب يحكم بيننا وبيجي يوم كلنا نتحاسب حتى الي فعلوا الاذية ونسوها بيحاسبون على فعلتهم فعشان كذا عالم الروايات حلو بس اذا وصلتي مرحلة تتأثرين بتتعب نفسيتك على الفاضي هي شيء يسلي بس افصلي بينها وبين الواقع لانها مجرد خيال والله يجعلك نقية القلب دائمًا ويبعد عنك كل سوء