السلام عليكم ورحمة الله وبركاته
يامساء النور والسرور على أنفاس المدعه ومتابعاتها الغاليات
سعيده بنجمتي الثانيه في الفضاءات وعقبال الثالثه إن شاء الله
وألف مبروك لموره النجمه وتستاهلين أكثر حبيبتي
مثل ماتوقعت الزعل على قدر المحبه وحب بثينه لمحمد كبير
لهذا توقعت تركها لمحمد وماشاء الله عليها مايمدي محمد
يراجع نفسه ويرجع البيت الا هي شايله كل اللي لها ومنتظرته
حتى ترمي التقرير في وجهه وتبرد قلبها ولا أعطته فرصه
يتكلم والا يشرح لها شيء لكن الله يلوم من يلومها يقرع على
مزنه اللي خطبها حبيب قلبها أولا وثانيا أثبت لها إنه مازال يحب
مزنه ومتعلق بها وبيجيبها ضره لها يمكن لو انتظر لما يواجهها
وقال لها لو ماوافقـت تروح معه تتعالج بتجبره على إنه يتزوج
غيرها وطبعا ماهي مزنه كان يمكن مازعلت عليه لهذه الدرجه
وقدرت تصارحه وتوضح له كل شيء وتتفهم موقفه إنه بسبب
رفضها للعلاج هي صح أخطأت في كذبها عليه لكن هي نيتها
طيبه وكذبت حتى ماتجرحه لأن بسبب كلام مها تأكدت إن العيب
منه وخاصة بعد ماطلعت هي سليمه
محمد ذبحها برسالته المتسرعه بحول لقب الصديع له وحتى هو
لمى رجع لعقله عرف إنه أخطأ خاصه لما عرف الخاطب شهاب
احتقر هو نفسه وراح جري لها لكن لافوت الفوت ماينفع
الصوت والظاهر محمد مازال يكن لمزنه بعض المشاعر وهذا
اللي قهر بثينه أكثر غير تخريبه لخطبة أخوها
أعتقد محمد بيطلب من شهاب إنه يقابل بثينه ويكلمها في محاوله
منه للتفاهم معها وإقناعها بالعوده له وما أعتقد إنه يزيد الطين
بله ويقول له سبب زعلها لكن فرات اللي يدور عليه الزله
ماراح يجبرها وهي راح ترفض تقابله وأكيد بيحاول يعرف
السبب والله يعين محمد على اللي بيجيه من شهاب سواء
عرف المشكله أو لا
أما مسألة الخطبه أعتقد محمد خلاص صرف نظر عنها من لما
عرف إن الخاطب شهاب لكن ماينفعه لأن بثينه قفلت من ناحيته
وبيتعب حتى ترجع له هذا لو رجعت له حتى لو طلعت حامل
ما أظن الحمل راح يغير من قرارها لأنها حاسه إنه غدر فيها
ومايستحق تضحيتها
وهذي ابيات بثينه لنفسها
اعتلي يانفس واعقل ياخفوق
.وارقدي ياعين وارحل ياهوى
بنصحك ياقلب لايطويك شوق
روحته مع جيته عندي سوى
من يحطك تحت لاتعليه فوق
ومن يحطك فوق يبشر لانوى
الكرامة مايوطيها امخلوق
والنجم لاطاح قالوله هوى
وهذي أبيات اهداء من بثينه لمحمد
لا تحسب اني عقبكم في ندامه
ماني على حب المقفين ندمان
من باعنا بالرخص نرخص مقامه
نشطب عليه ونتركه دون عنوان
وهذي أبيات من محمد لبثينه
ورجـعـتُ أذكــرُ فــي الـربيع عـهودنا
أيــــــام صُــغـنـاهـا عــبــيـراً لــلــزهـر
……
والأغــنـيـاتُ الـحـالـمـاتُ بـسـحـرِهـا
سـكـر الـزمانُ بـخمرها وغـفا الـقدر
…….
الـلـيـلُ يـجـمـعُ فــي الـصـباح ثـيـابه
والــلـحـنُ مـشـتـاقـاً يـعـانـقه الــوتـر
….
الــعـمـر مــــا أحـــلاه عــنـد صـفـائـهِ
يـــوم بـقـربـك كــان عـنـدي بـالـعمر
……
إنـــي دعـــوت الله دعـــوة عــاشـق
ألا تـفـرقـنـا الــحـيـاةُ.. ولا الـبـشـر..
…….
قــالـوا بـــأن الله يـغـفر فــي الـهـوى
كــل الـذنـوب ولا يـسـامح مـن غـدر
……
ولــقــد رجــعـتُ الآن أذكـــر عـهـدنـا
مـن خـان مـنا مـن تـنكر.. مـن هجر
……
فــوجـدتُ قـلـبك كـالـشتاء إذا صـفـا
سـيعودُ يـعصفُ بـالطيور.. وبالشجر
……
يــومـاً تـحـمـلت الـبـعـاد مــع الـجـفا
مـاذا سـأفعلُ خـبريني.. بـالسهر؟!
……
ورجـعـتُ أذكــر فــي الـربيع عـهودنا
سـألتُ مـارس كيف عُدت بلا زهر؟
……
ونــظـرتُ لـلـيـل الـجـحـود وراعــنـي
الـلـيـلُ يـقـطـع بـالـظلام يــد الـقـمر
…….
والأغــنــيـاتُ الــحــائـراتُ تــوقـفـت..
فـوق الـنسيم وأغـمضت عين الوتر
……..
وكـــأن عــهـد الـحـب كــان سـحـابةً
عـاشت سـنين العُمر تحلم بالمطر
……..
مـــن خـــان مــنـا صـدقـيـني إنــنـي
ما زلت اسأل أين قلبُك.. هل غدر؟
……..
فـلـتـسـأليه إذا خــــلا لـــك ســاعـة
كـيف الـربيع الـيوم يـغتالُ الـشجر؟!
**
مها
الصراحه أنت ومتعب قدر ولقى غطاه وكل مره تكرهينا فيك أكثر
أول كلامك لمتعب وطلبك منه يتزوج
والثانيه تغزالك في فرات عند متعب
والثالثه صورة الجازي اللي أعطيتيها لصديقتك بدون اذنها
والرابعه اللي هي أولا لكن تونا ندري بها مزحك الثقيل مع بثينه
معقوله غبيه لهذه الدرجه ماتعرفين إن للمزح حدود وثانيا توك شايفه حرج بثينه من أمك
لما كلمتها في موضوع الخلفه تقومين تزيدينها عليها والله محمد صبور اللي ما أفتن فيك
****
الجليله كل مره تكبر في عيني زود وكلامها لبثينه عين العقل
لكن من يسمع محمد ماخلا فيها عقل وأكيد أي وحده في مكانها
بتتصرف مثلها ومن عافنا عفناه
وإن شاء الله فرات يشوف العبره في محمد واللي يسير فيه
ويفكر ألف مره قبل مايزعل الجليله هذي بثينه وراح شهاب
يبهذل محمد كيف عاد لو زعل الجليله وهو محذره وموصيه
عليها
*****
محمد حاسه إنه بيكرر حكاية الصديع وبيرفض يطلق
******
مزنه
أنا عكس اللي يتوقعون ترفض وليه ترفض
أولا شهاب رجل مافيه عيب وينشد به الظهر
ثانيا هي شايله جميله وتتمنى تقدر ترد له جميله
وأكيد خالد بيمدحه ويشجعها على الموافقه
القفله تحبس الأنفاس الله يصبرنا للخميس
وتسلم يمينك أنفاس يعطيك العافيه ولا خلا ولا عدم منك يارب
والحمد لله إني كتبت هذه المشاركه على وورد لأن لمانزلتها في المنتدى
وجالسه أنسقها طارت ما أدري كيف رجعت نسختها من الوورد مره ثانيه
والا كان ماعاد عدتها من جديد وش يذكرني اللي كتبته
التعديل الأخير تم بواسطة فيتامين سي ; 23-08-22 الساعة 08:36 AM |