مساء الخير على اسرتنا الحبيبة
يمكن انا قليلة التعليق مع البنات بسبب عدم معرفتي للأغلبية
الا اني اتابع تعليقاتكم بكل شغف يوازي شغفي للرواية
نقطة وحده وقفت عندها وهي الخلاف الأخير بين نجلا والوليد
كثير من التعليقات صدمتني بنظرتها من زاوية وحده
فقط مشاعر الوليد والموقف العسير اللي اصبح فيه على مفترق طرق صعبه
يجابه سواد الماضي المتمثل بسعود وشرذمته
وغير كذى المستنقع اللي رح يدخل له برجليه لينقض اخوه العاصي الفاسد
ويكمل انتقامه ويخلص البشر من شر فاسدين مثل سعود دمر له طفولته
الوليد قبل دخول نجلا
كانت النساء بحياته مجرد تفريغ للسواد اللي داخله
وهم لا يقلون عنه فساد داخلي واولهم العنود اللي باعت نفسها لواحد مثل صاحب سعود
وبعدها السنين اللي عاشتها مع الوليد كانت مثل شبيهاتها من سلع المتعه اللي يتقاضون اجرهم مقابل ليالي متعه مدفوعة الثمن بعقد مسيار
عمرها ما كانت زوجة لا لأبو ولدها ولا الوليد
والوليد رغم غدرها ومعرفته بولدها ومن هو ابوه
بقى يدعمها ويحميها منه
وتكفل بحياتها هي وابوها وولدها
مقابل تساعده وقت يجي دورها
ورغم الوليد ووضوحه معاها طمعت تغير الواقع ويتخذها زوجة شرعية ثانية
بتشجيع من مسودة الوجه البندري
ما الومها على طمعها بقربه ولا انها تطمع تعيش تحت جناحه
بس اللي استغربه من بعض الأخوات
الموقف الغير منصف لنجلاء
انثى دخلت حياة رجل غصب عنها وظلمها بالبداية بسبب الأكاذيب
ورغم صغر سنها ونقائها قدرت تروض الوحش اللي عايش داخل الوليد
قدرت تلين قسوته
اهدته عائلته اللي عاش معاها سنوات وهو عايش بعالمه الخاص وما يلين الا لأم سلطان اللي كانت له خير عوض وخير ام احتوت الطفل اللي داخله
لاكن اقول للي يهاجمون وينتقدون بتصرف نجلاء اللي داخله مرحله جديدة وهي الأمومه
وما لها كم شهر طالعه من دوامة الأدمان اللي بسبب اهل الوليد
وحريمه اللي طامعين فيه
غلطت اي نعم
ضغطت على الزر الغلط
صح ما ابريها
بس كيف نسيتوا اللي مرت فيه وهي تحمي اهل بيته جميع وتستخدم السلاح لتحمي العنود وولدها
وكل هذا وهي تعاني من اضطرابات ومخاوف على اخوها وعلى زوجها وعلى نفسها واهل بيتها
وقدرت تحميهم رغم خوفها وصغر سنها
غلطت مع الوليد صح
بس حتى هي كانت تعاني من آثار الصدمات المتتالية اللي جتها دقه وحده
ومثل ما الوليد السند والحامي
ياما قدرت تدخل سواده وتروضه وتعوضه بصفاء ونقاء قلبها
ما قدرتوا تلاقون حسنه لها بكل اللي عاشته مع الوليد وبكل موقف قدرت فيه تكسر جموده وتهديه عائلة متكاملة
وتصالحه مع روحه قبل لا تصالحه مع الجميع
خلقت له مكانة عظيمة بقلوب الجميع
وكانت هي المرساه اللي يرجع لها عند كل عاصفه تمر بحياته
حكمنا عليها بلحظة هي نفسها كانت مضطربه فيها وتعاني من تقلصات وخوف على نفسها واجنتها
على طول حصلنا صفات وحسنات تشفع للعنود وانها تستاهل الوليد
يا انكم عشاقين ملالين ما لكم امان
ادرك صعوبه وضعف الوليد بالحظه اللي كلم فيها سعود الكلب وسلطان
بس رغم غلط نجلاء بتصرفها مع الوليد ما هو سبب لكل هذا الهجوم عليها
نسينا حملها وهرموناتها
وفكرنا فقط انها السبب اللي خلى الوليد يلجأ لأحضان العنود
اذا هذا التصرف بيريحه
بأنه يغرق نفسه بسواد علاقته مع العنود
بقلعتهم لثنين
اذا قدر يكسر فيها انوثتها ويجرحها بلحظة غضب وضعف
ففعلا للي يشوفون انه العنود اجدر فيه
فحلال عليه العنود
احنا بشر بالنهاية ومثل ما الوليد وصل لأقصاه
حتى نجلاء وصلت لأقصاها مع جميع الضغوطات اللي عاشتها بهذا اليوم
حمل الوليد قصم ظهره واعذره
على الغضب وعلى الزعل وعلى حتى خروجه من غرفتهم
بس اللي ما اغفرله انه يقصد مخدع العنود لمجرد يكسر فيها نجلاء
راح يفرغ غضبه فيها
بس بروحته كسر رابط مقدس بينه وبين نجلاء
وعذرا للي تقول زوجته وحلاله
لأ عزيزتي
زواجة منها مو الغاية منها السرير
وشروطه مع العنود واضحه
الحماية لها ولولدها وانه يكدر يتمكن من ابو يزيد
ويجره للخطه اللي راسمها
يعني مهو زواج طبيعي
ولا هي دخلت وقعدت كزوجة ثانيه
فما نغطي الواقع لهدف زواجه منها بأنه يحقله يروحلها لنها زوجته الثانية
ولحظة الغضب اللي عمى عيونه نساه حملها اللي لا زال ببدايته
وخلاه يدوس على مشاعرها بكل قسوة
كان يقدر يروح للمزرعه او يختلي بمكتبه او يطلع للحديقة
اي تصرف الا انه يقصد العنود
اذا بيروح لها ياخذ حقه منها
كان من البداية رسى نجلاء على انه خلال زواجه من العنود بيروح لها ويعطيها حقوقها
بس انه يروح لها بلحظة حرجه وقاسية عليهم ثنينهم
مو مقبوله بنظري
هنا هو كسر وسبب شرخ داخل نجلاء صعب عليها غفرانه كأنثى تثق بوليفها
ما قدر انه اللي مرت من خلاله اثر على ردات فعلها معاه
ما ادري كيف قال بتفسر روحته للعنود واللي صار بينهم قبل لا تدق عليهم سمر
ولو سمر ما دقت هل كان بيقضي وقته بسرير العنود يفرغ فيها غصبه اللي تتمناه العنود
ما ادري
بس مثل ما لقيتوا اعذار ما تنعد للوليد
حتى نجلاء تملك اعذار اكبر منه وهي عايشه وجعها ووجعه جميع داخلها
واخيرا وليس آخرا
نسيتوا كل حسنات بنتنا وقمتوا عليها كنكم حرمة ابوها كفانا الله
ههههههههههههههههههههههههه ه
كله من حبكم لجلمودكم
تراه ما يسوى شي بدون ضيه اللي نور السواد اللي داخله
|