[لامارا]

البارت 2

سُلاف *

صفقتها امها كف : غصبا عنك تسمعين كلام اخوك محد عزك ورباك من بعد ابوك غيره
وسحبت شعرها : مينن الكلب الي سوا فيك كذا ؟
سُلاف بخوف : ولد ام نياف
وسعت عيونها ام سُلاف بصدمه : نياف ؟؟!
سُلاف: معرفه معرفه بس قد شفته ببيتهم
ام سلاف : اخذ شرفك الله ياخذك ؟؟
سُلاف وهي تبكي وتهز رأسها : ما سمحت له
ام سُلاف بتفكير : بتقولين لمسك تفهمين ؟ انا بقلب الطاولة عليهم واخليه يعرف كيف يعتدي عليك
سُِلاف: يعني شلون بتكذبين عليهم ؟
ام سُلاف بعصبية : مراح اكذبب وصدرك الدليل
وسحبت ايدها وهي توقفها عند الباب :انتظريني الله يسودك وجهك
وطلعت وهي تجيب عبايتها وانتظرتها سُلاف عند الباب
طلعت ام سُلاف وهي تقفل الباب وراها : امشي الله ياخذك لا يشوفك اخوك ذبحنا
سُلاف : وين بنروح ؟؟
ام سُلاف : بنروح نلم ماء وجيهنا الله يفشلك كانك فشلتيني
مشت وراء امها وهي تتنهد من دعواتها الي تعودت عليها
وصلوا لبيت اهل نايف *
دقت الباب ام سُلاف وهي تنتظر العاملة تفتح
فتحت ودخلت بسرعه وسحبت سُلاف معها
شافتهم يتغدون وقفت قدامهم وهي تتصنع دموعها : سلام عليكم
ابو نياف : وعليكم السلام
ام نياف :وعليكم السلام حياكم غدانا بأوله
ام سُلاف : كيف يا ام نياف تبيني اكل وولدك معتدي على بنتي
وسعوا عيونهم وهم يناظرونها
ابو نياف : وش تقولين انتي مين اعتدى على مين ؟
ام سُلاف ببكاء : ولدك نياف اعتدى على بنتي وهي طالعه من مدرستها وش تسمي فعلة ولدك يبو نياف
ام نياف بصدمه : نياف ولدي مستحيل يسويها اعرفهه ولدي مو راعي بنات ولا ذي الحركات مستحيل ومليون مستحيل يقرب من بنت او يكلم بنت ما له شغل فيها
سحبت ام سُلاف سلاف وهي تحطها قدامهم وتسحب عبايتها عنها :سألتها مين سوا فيك كذا قالت ولدكم مستحيل بنتي تكذب على امها

بالمستشفى *

تنهدوا على حالة ولدهم وطلعوا وهم يتركونه
استوقفت ام عز الدكتور :يا دكتور طلبتك ولدي شفيه ؟
الدكتور بتنهيدة: ولدك مر بحالة صدمه
ام عز : ليه ما يكلمني ليه ما ياكل ليه ما يرد على احد منا ؟
الدكتور : فقد شخص غالي ومستحيل يعوض مكانه غير شخص بنفس غلاته
بكت ام عز وهي تناظره : مشكلته ما يقولي ما يتكلم معي كيف بعرف مين يبي ومين عزيز عليه
الدكتور : احتسبي الصبر ولدك مرده بيقول الي بخاطره
هزت وهي تجلس وهي تبكي على حالة عز وحطت راسها على صدر ابو عز وهي تدعي لولدها
بالفجر *
دخلت ام عز على عز وهي تدعي يرد عليها : عز يمه قوم صل وادعي لفيصل وقول لي الي ودك فيه وانا اجيبه لك
كان يسمع كلامها ونطق : ابي اشوف ملاك
ام عز بصدمه : ملاك بنت عمك ؟
عز :ايه
ام عز : يمه عز ملاك وامها من مات عمك ما شفناهم بس ابشر اجيبها لك من عيوني
وطلعت وهي فرحانه انه تكلم وقال الي بخاطره وركضت لابو عز :ولدك يبي ملاك طلبك يا بدر جيبها ولدي يبيها
ابو عز : وش طرا عليه ؟
ام عز : يبيها ما يبي غيرها يجوز تخليه ياكل او يشرب ولدك بيموت ما اكل ولا نطق ولا تحركك طلبتك لا تردني تجيبها
مسك كتوفها : ابشري بجيبها
بمكان ثاني *
بالجامعة-
كانت تسوي كبسة مع صحباتها
ملاك :زيدي الماء
فجر : اخلصوا المحاضرة بتبدا
زنيب : بسم الله توه بدا البريك
ملاك : وش صار على المرسول بيجيب ببسي؟
فجر : ايه كلمته يقول جاي
زنيب : ملاك جوالك يدق
ملاك : مين ؟

" صلوا على محمد "

بالخط السريع *

بدا سباق نياف وفواز وعمر يعزز لنياف
نياف بصدمه : شف الورع وش حاط ؟
عمر وهو يصور : يبي يفوز ما تعرف حركاته النجس
نياف : والله ما يذوق الفوز
عمر : عطه يبو شنب
تجاوز نياف السيارة الي حاطها فواز بطريقه وبدا يلحق فواز الي اوشك على فوز
عمر بحماس :تجااوزهه
صار قريب من فواز ولف عليه بسيارته وطلعه من الطريق
وضحك نياف وهو يناظر فواز يحاول يسيطر على سيارته
نياف : له وجه يهايط علي
عمر : محد يقدر يتحداك يا اسطوررة
اعتلت ضحكات نياف وبدا يوجه السيارة يمين يسار لحتى دارت
عمر :كفوو يبو شنب
هد نياف من سرعته من اتصلت عليه اخته :هلا
لينا : وش مسوي انتت ؟
نياف :وش مسوي؟
وسرعان ما رمى الجوال من شاف فواز يلف سيارته على نياف
عمر : سيططرر يا ولد
نياف وهو يلف الدركسون ويحاول يسيطر عل السيارة من حركات فواز
عمر :خذ الدوارر
نياف بعصبيه:الفرامل تحوس يورعع
كان يسمع ضحكات فواز والمعزز حقه وهم يصورونهم
عمر :حكومههه حكومههه
نياف وهو يشوف الدوريات وراه والسياره قاعده تحوس في الشارع وفواز يلف بسيارته على نياف
تجاوزه فواز من شاف الدوريات ووصل لخط النهاية واعلن الكل فوز فواز وشلة وكمل نياف طريقه وهو يحاول يضيع الدوريات الي وراه
عمر : عطها تخميسه
صار نياف يدور بالسيارة واخذ الدوار وزاد من سرعته وهو يضيع الدوريات وتنهد وهو يناظر عمر : راحت علينا
عمر : ما عليك موثق السيارة الي حاطها بطريقنا اوريه


بالجامعة *

سحبت ملاك جوالها وهي ترد :هلا يمه ؟'
ام ملاك : السواق جايك اطلعي الحيين
ملاك : عندي محاضرات صاير شي؟
ام ملاك : اعمامك جايين وبياخذونك
ملاك : ياخذوني ؟؟! وليه ان شاء الله ؟
ام ملاك : اتصل عمك بدر وقال بياخذك تعالي الحين ونتفاهم
ملاك : توهم يتذكرون ان عندهم بنت اخ ؟'ماني رايحه
ام ملاك : لا تعصبيني والسواق جاي اطلعي معه وانا ما قلت بتروحين تعالي ونتفاهم
ملاك : محاضراتي اهم منهم معليش مراح اطلع خلي السواق يرجع
ام ملاك بعصبيه : لا تراددين والسواق برا خلصيني اطلعي
ملاك تنهدت بعصبيه من قفلت امها وهي ترمي جوالها
وقامت وهي تلبس عبايتها
فجر : شفيك ؟
ملاك بعصبيه: توهم يعرفون ان عندهم بنت اخ وقال ايش قال بياخذوني يخسون ما اروح معهم
زنيب : بنت شسالفه ؟
ملاك وهي تلف عليهم : اعمامي جايين ويبون ياخذوني والسبب لا تسألوني
ولبست نقابها وهي تسحب شنطتها وطلعت وركبت مع السواق وتوجه لبيتهم
وصلت وهي تشوف سيارات اعمامها نزلت وهي تطلع لشقتهم دخلت وهي تشوفهم بالمجلس ناظرتهم واحد واحد ولفت على امها : وش نتفاهم عليه ؟
عمها بدر : افا يا ملاك صرتي ما تسلمين ؟
ملاك وهي تناظره : ما بيننا سلام
ام ملاك : وشذا الهرج سلمي على اعمامك ؟
ملاك : بتقولون موضوعكم ولا اروح انام؟
عمها محمد : اقعدي وتعلمي الادب يا بنت
قعدت وهي تحط رجل على رجل وتناظرهم ببرود
ناظروها اعمامها وتنهد عمها ونطق : جينا ناخذك بطلب ولد عمك عز
ملاك وهي تناظره بنص عين : من متى عندي عيال عم ؟
كتموا عصبيتهم من نظراتها ونبرتها
بدر : ولدي عز بالمستشفى وحالته استعدت جيتنا لك بطلب منه
ملاك : وشدخلني فيه ؟

بييت اهل نياف *

انصدموا من فتحت ام سلاف عباية بنتها وشافوا اثار قبلات ولدهم
ترك ابو نياف ملعقته وقام وهو يتقدم لسُلاف : متاكده يا بنتي انه ولدي ؟ انا اعلم بولدي وخابر علومه وماني مصدق ان ذي الحركة تكون من ولدي نياف
بكت سُلاف وهي تناظره : والله يا عم ما ظلمته ولا جيته وهو الي سحبني بايده وانا طالعه من المدرسه وسوا الي سواه
مسح ابو نياف على وجهه ولف على ام نياف بعصبيه :اتصلي بالتبننن الهايت
اتصلت لينا باخوها مره ثانيه وهي تنتظره يرد ومتوتره من نظراتهم لها
لفوا على الي دخل وهو معصب ويكلم خويه : اقسم بالله لاوريه الرمه
وقفل من خويه وانتبه لنظراتهم: سلام عليكم ولا نسيت انتم ما تبون مني سلام
وطلع واستوقفه صراخ ابوه : اوقف عندك يالكلب
لف على ابوه ببرود وتنهد وهو عارف انه نفس الاسطوانه الي تنعاد عليه : يبه يرحملي والدينك بتعيد نفس كلامك فكني وخلني اروح انام تراها واصله معي
سحب ابو نياف سُلاف من ايدها وهو يلفها على نياف : واصله معك بعد ما اعتديت على بنات خلق الله
رفع حواجبه ونزل نظراته للي ماسكها ابوه وانتبه على الاثار الي بصدرها : اعتديت على بنات خلق الله ؟ وشذا الهرج ؟
تدخلت ام سُلاف : ما استحيت على وجهك وقربت من بنت لا حول ولاقوة ووصلت فيك تاخذ شرف..
قاطعها صراخ نياف : هيههه حدك ذي مو علومي ثمني كلامك
ام نياف بعتاب : اخر شي ممكن اتوقعه يجوني ويقولون ولدك معتدي على بنت
نياف :يمه انتي صاحيه وشذا الكلام من متى اقرب من بنات انا ؟ ذي تكذب عليكم
ونزل نظراته لسُلاف الي صرخت بوجهه : من متى اقرب من بنات ؟؟! الحين تسأل ؟ بعد ما قربت مني واعتديت علي وابتزيت غيري بصورهم الحين تقول ذي مو علومي ؟
قرب منها بعصبيه: اقسم بالله لو ما تلمين نفسك انتي والي وراك لاخذ شرفك صدق هيا فارقي

"صلوا على محمد"

ملاك *

ردت عليهاام ملاك وهي متفشله من اسلوب بنتها : اعمامك جايين ياخذونك لولد عمك عز صار عليه حادث ومات صديقه وطلبك
ملاك : والمطلوب اروح لانه طلبني ؟
ابو عز : ولدي ما صار ياكل ولا يشرب وساءت حالته يجوز تخلينه ياكل وترجع صحته له
ناطرته ببرود وسحبت شنطتها : ما جيتوني وانا تعبانه تبوني اروح لولدكم؟ ماني رايحه
واعطتهم ظهرها وهي تطلع من المجلس
ناظرتهم ام ملاك وقامت وهي تلحق بنتها دخلت عليها وشافتها تبدل ملابسها : ولد عمرك ما ضرك بشي وانتي بتروحين عشانه مو عشان اعمامك وانسي الي صار
ملاك : نسيتيه انتي انا ما نسيت ولا راح انسى
ام ملاك : الولد حالته يرثى لها حرام عليك ميت صاحبه وما طلب غيرك
ملاك : حنيتي عليه ؟ ما تذكرين اتصالاتك باخر الليالي عليهم عشان يودوني المستشفى ردو ؟ ما ردوا والحين اروح عشان صاحبه مات ؟شدخلني فيه هو وصاحبه
ام ملاك بعصبيه : بتروحين وانتهى نقاش جهزي شنطتك وخلصيني جيتك بالطيب ما رضيتي
ملاك : بتغصبيني اروح عشانهم ؟يمه نسيتي الي سووه فينا ؟من مات ابوي ما سألوا عني وعنك وسرقوا كل ورثه وحلاله والحين بتروحين عشان ولدهم ؟؟
ام ملاك : ما نسيت بس ولد عمك ما انسى الي سواه وجزاتي اردالمعروف له
وطلعت من غرفة بنتها وهي تجهز شنطتها
تأففت بعصبيه من كلام امها : شدخلني فيهه جعله بالموت اليوم قبل بكره
ولبست عبايتها من سمعت نداء امها
ام ملاك : وين الشنطه ؟
ملاك : يوم ونرجع من الحين اقولك
ام ملاك : امشي الحين
طلعت لاعمامها وهي تخزهم واحد واحد
ركبوا وتوجهوا للمستشفى
بعد دقايق نزلوا ونزلت ملاك وراهم
وصلوا لغرفة عز ومسكتها ام عز : حياك الله يا بنتي ما طلبك ولدي الا ان غلاتك مثل غلاة فيصل
ملاك وهي تناظرها سحبت السماعة عن اذنها : وش كنتي تقولين ؟


سُلاف *

انصدم نياف من اعطاه ابوه كف : ما تستحي على وجهك تقول ذا الكلام قدامي ؟
نياف : تتبلى علي وش مقصدها يبه ؟
انقهرت سُلاف من كلامه : شرفي لا تلمسه بحرف منك
ام سُلاف : يرضيك يبو نياف ياخذ شرفها ويهينه قدامنا
ابو نياف بقهر : بتتزوجها
نياف : يبه اقسم بالله ما لمستها تكذبني وتصدق ذي التبن ؟؟
ام نياف : ولدي واعرفه مستحيل يقرب منها ولا راح اخليه يتزوجها
-
بخارج البيت كان وراء الباب ويسمع كل كلامهم سحب جواله بخوف وارسل لاخته : لينا تكفينن طلبتك قولي لهم نايف راقد نايم طلعيني من السالفه
لينا بخوف : شدخلك انت ؟
نايف : انا الي لمستها
شهقت بخوف وارسلت : يا حيوان ونياف الي بياكلها حرام عليك ادخل تصرف ؟
نايف : قولي للشغاله تفتح باب المطبخ تكفيين اخلصي
توترت بخوف وركضت للمطبخ وهي تفتح الباب ودخل نايف وركض لغرفته بسرعه
طلعت من المطبخ بخوف من صراخ ابو نياف الي سأل : نايف وينه؟
بلعت ريقها : نايم يبه
ابو نياف وهو يناظر نياف : يعني حتى ما نقدر نقول يمكن انه نايف وهو نايم من الصباح
نياف وهو يتنهد : يبه والله واحلف لك اني توي راجع من عند العيال وذي التبن ما قد شفتها بحياتي
ابو نياف : وش قصدك تتبلى عليك والاثار بكل جسمها ؟
نياف وهو يناظر سُلاف : وش تبين توصلين له ؟زواج والله ما اتزوجك
واعطاهم ظهره وهو يطلع وسرعان ما غمض عيونه من كلام ابوه : بتتزوجها وتستر على الفضيحة الي سويته ولا بعد كلامي كلام
بلعت ريقها سُلاف من فكرة الزواج وناظرت امها بخوف
ام سُلاف : والله يبو نياف احنا ما نبي الا ستر وولدي لو يدري باللي سواه ولدك ذبحه وانا من خوفي على ولدك وبنتي جيتك قبل يعرف بندر
نياف من فوق الدرج : ما ذبحها ولدك بذبحها انا وبذبحك وراها

نتوقف هنا