[لامارا]

* الابحار الاول

في التاسعة ليلا*

كانت تكلم صحبتها : طييب عادي انتي تعرفين اني احب الكورة مره وحلميي اصير لاعبة كورة
ندى : تستهبلين منجدكك انتي عارفه شقاعده تقولين ؟؟!
ريلام : اي عارفه
ندى : ياربي ذي البنت بتجنني مستوعبه انك بتلعبين وتتدربين مع عيال ؟؟! غبيه انتي؟
ريلام : ندى عارفه والله عارفه وراضيه بعد
ندى : ومنتي خايفه ؟
ريلام وهي تبلع ريقها : لا
ندى : بتقدمين وابوك موجود ؟
ريلام : يا غبيه ما قلتلك ابوي بيروح يتعالج
ندى : واذا رجع ؟
ريلام : بيطول اعرفه يحب البنات بيروح امريكا عشان يستانس وبعدين يفكر يتعالج
تنهدت ندى : طيب وش بتسوين الحين ؟
ريلام : قدمت على النادي بكره المقابله
ندى : يعني بتقصين شعرك وبتغيرين من شكلك ريلام ياخي شيلي الفكرة من رأسك تكفين انا خايفه عليك
ريلام : وش يخوف بغير من شكلي وبلعب معهم على اساس اني ولد معليك كلشي سهل

في مكان ثاني *

كانت قاعده على جواله وانتبهت على اشعار صحبتها دخلت وهي تقرا رسالتها
سحر : نور اسمعي ابيك تكلمين شخص على اساس انك سحر وبعدين اعلمك الباقي
نور: ومن ذا ؟
سحر : ياخي كلميه وبعدين تعرفين
نور : سحر اذا كان من الي تكلمينهم طلعيني من السالفه
سحر : لا ياخي مو منهم معليك
ارسلت يوزره وكلمته نور
سحر : اسمعي اذا ارسل شي وريني وانا بعلمك وش تردين عليه
نور : طيب
بسام : سلام
نور : وعليكم السلام
بسام : كيفك ؟
نور ؛ بخير
بسام : دوم
سكتت نور وانتبهت على اشعاره
بسام : من شفتك في الكوفي حبيتك من عيونك
انصدمت من كلامه وارسلت لسحر
نور : تستهبلين تقولين مو منهم ؟
سحر : نور بليز عشاني بس كلميه لا تقولين انك نور ولا شي هو بيحسبك سحر يعني بس بتقولين له الي اقوله لك عشااني تكفين
نور تنهدت بتعب من صحبتها : طيبب
ردت عليه بعد ما قالت لها سحر الرد
نور: عيونك الحلوه


ببيت ريلام *

شافت رسالة ندى وطلعت وهي تركب معها في اوبر
ندى بهمس : عندك صور لشعرك وهو طويل
ريلام بضحكة : ايي جوالي مليان
ندى بحزن : حيوانه تكفيين تراجعي
ريلام : ندى يعيوني انتي تعرفين قد ايش احب الكوره المفروض تدعميني
ندى هزت براسها : اكييد لو ما ادعمك ادعم من
ابتسموا ووصلو للصالون
دخلو وقعدت ريلام على الكرسي وهي تناظر شعرها
وتنتهد وهي تهز راسها بانها جاهزه
قصت شعرها بقصة ولد وغيرت من شكلها
وناظرت ندى وهي تبتسم
ندى : تغيرتييي يمههه
ضحكت ريلام : كيفف بس صرت ولد ؟
ندى : اي يخوفي يكشفونك من صوتك
ريلام : ما عليك عندي
رجعوا للبيت بعد ما اشتروا ثوب للمقابله وشماغ وكبك وكلشي يغير من شكلها ويخفي انوثتها
ندى شهقت من سمعت ريلام غيرت صوتها وضخمته وتغير لصوت ولد : يمههه انقلعي والله ما انام معك
ضحكت ريلام : نامي نامي بس وراي مقابله بكره
ناموا وهم خايفين من المقابله والقبول
كانت خايفه وتدعي انها تحقق حلمها وتلعب في
اشهر ملعب في المملكة وتشارك في بطولات وتلبس لبس ناديها المفضل وتلعب مع الاعبين

بالصباح *

صحت ريلام وضربت ندى عشان تصحى : ندىى يالله بنتاخرر بقتلكك لوو راحت علي المقابله
ندى بنوم : خلاص انقلعي تروشي وصحيني
ريلام بصياح : قووووميييي
صحت ندى وهي تناظرها : خير ؟
قاموا وافطروا واتصلت ريلام على ابوها
ابو ريلام : هلاا والله عاش من سمع صوتك
ريلام : هلا فيك يبه انا مستعجلة ابي هوية مساعدك القديم اعرف انك تحتفظ بهوياتهم
ابو ريلام باستغراب : وش تبين فيها ؟
ريلام : لا بس عندنا مسرحية في المدرسة وابي امثل اني حارس بهوية حقيقية
ابو ريلام بعدم اهتمام : تلقينها بغرفتي في الصندوق
قفلت منه وراحت ركض لغرفته
اخذت الهوية وطلعوا متجهين للمقابلة
وصلوا لمقر المقابلة
ناظرت في المكان ونزلت وهم يدخلون
ندى وهي تناظر العيال : ول كل ذول يبون يصيرون لاعبين ؟
ريلام : عشان تعرفين ان حلمي مب هين
انتظروا بالصف والتفتوا على الي قال : سيف عبدالله
كانت مشغوله بجوالها وانتبهت لما ضربتها ندى : يا غبيه ينادونك
التفت على المسؤول وانتبهت على نظرات العيال
قامت وهي تبلع ريقها دخلت وهي تدعي انهم ما يدققون بالهويه كثير رفعت راسها وهي تناظر المسؤولين والرؤساء
الرئيس : حياك الله يا سيف
ريلام وهي تضخم صوتها : الله يحييك
الرئيس : بالنظر الى مؤشرات الطول والوزن عندك كانت هاذي من المؤشرات المطلوبة عندنا وهذا يعني انك اجتزت هاذي المرحلة
الرئيس ٢:هويتك لو سمحت ؟
بلعت ريقها وهي تمد الهويه لهم وسرعان ما سحبتها من دخل احد الموظفين بسرعه وهو يحاول يتنفس : المدير يقول اقبلوا الي للحين استجوبتهم بسرعه عندنا استقبال الاعبين الحين

عند نور *

صحت وهي تناظر في جوالها ؛ اوووف الساعة ستهه البااصص
ركضت وهي تاخذ لها شور سريعع ونشفت شعرها ولبست مريولها وضبطت شكلها وطلعت بالصاله وهي تنتظر الباص فتحت جوالها وهي تنتبه على اشعار بسام : صباح الخير
نور : صباح النور
بسام :اتمنى يكون يوم خفيف ومحاضرات سهله عليك
شهقت نور بصدمه : ولاا بعد مكذبه عليييه في عمرها
نور وهي تحاول تسلك له : ان شاء الله
بسام : اقدر اشوفك بعد محاضراتك ؟!
شهقت وهي ترمي جوالها من سمعت صوت الباص
ركضت وهي تركب وتفكر في بسام والكذبات الي قالتها له سحر تنهدت : الله يستر منك يا سحر
بعد دقايق وصلت للمدرسة نزلت ودخلت الفصل وشافت سحر تضبط شعرها مشت لها : في الجامعة اجل؟
سحر وسعت عيونها وهي تسحبها : اسكتي يحمار بتفضحينا
نور : خليهم يسمعون ليه قلتي له انك بالجامعة ؟
سحر : لان يوم شافني قال اكيد انك في الجامعة ومقدرت اعلمه الحقيقة
نور : بالله طلعيني من ذي السوالف
سحر : ياخي خلاص لا تكبرين السالفه
نور : احلفييي ؟ تدرين وش طلب قبل اجي ؟
سحر : وشو
نور: يبي يشوفك
ضحكت سحر : عشان كذا قلت بستاذن

عند ريلام *

ناظرت فيهم بصدمه من قاموا بسرعه والتفت عليها احد الروساء : مبروك القبول تعال النادي بكره
ضحكتت وصرخت بفرحة من طلعوا
طلعت وهي تدور على ندى ما كانت منتبهه
للاعبين الي دخلوا وهي يمشون باتجاه منصة التصوير شهقت من ضرب كتفها بصدره
رفعت راسها له : ما تشوف ؟؟!
نزل نظراته لها : شايف طولك انت ؟
ريلام : فارق الله يصلحك
ثنيان : وقتي قصير ولا كان علمتك المفارق
خزها ومشى بتجاهل
لفت وهي تناظره وبهمس: مسوي شخصية مهمه هو وجهه
انتبهت على ندى وطلعوا وصرخت بحماس : قبلوننينييييي
ندى بصدمه : كذااااااببههه ؟؟؟
ريلام : وربييي
صرخت ندى وضمتها ورجعوا للبيت بحمااس لليوم المنتظر بالنسبة لها

تسريع احداث *

بالصباح -

صحت بحماس وقامت اخذت لها شور سريع
وحجزت اوبر ووصلت للنادي نزلت وهي ترفع راسها
وتناظر في شعار ناديها المفضل ومكتوب اسمه بالخط العريض : وتحقق حلميييي
دخلت وهي تشوف الاعبين يتدربون

عند ريلام

دخلت للنادي وهي تناظرهم
انتبهت على المدرب الي تقدم لها
المدرب : اهلا
ريلام : هلابك
المدرب وهو يناظر استبيان الاسماء: انت من الي قبولهم امس ؟
ريلام : اي
المدرب : ذكرني باسمك ؟
ريلام وهي تبلع ريقها : سيف عبدالله
المدرب : نورتنا يا سيف تفضل ثواني بيجيك المدرب راح تمر باول مرحلة من التدريبات والتمارين واذا قدرت تجتاز بننقلك مع لاعبين النادي
ريلام : تمام
مشت وهي تناظر المدرب يصارخ : الكلل على الملعبب بنبدا تدريبب
تجاهلته وهي تروح تبدل ملابسها في غرفة التبديل
بعد دقايق خلصت وهي تطلع للملعب
ركضت ووقفت مع اللاعبين الجدد
المدرب : بما ان هذا اول يوم لكم عندي لكم مفاجاة
لفوا الكل على الي جاء يركض ووقف عندهم
ابتسموا اللاعبين وهم يناظرون اشهر لاعب في الدوري محليا وعالميا
كانت تناظره من فوق لتحت وبنفسها : ما لقيتوا الا ذا امحق مفاجاة
المدرب : المعروف لا يعرف الكل عارف الاعب ثنيان
التفتوا كلهم عليها من قالت : انا ما اعرفه
رفع ثنيان راسه لها : نعرفك علينا لا تخاف
خزته وهي تناظر المدرب الي قال : انا بطلع على المدرجات والبطل ثنيان راح يدربكم

نتوقف هنا