[اسفة]

فجر الخير آل روايتى

كيف الحال والأحوال

هيمر عليك فى طريق الحياة حاجات كتير وأعجبها واغربها البشر

منهم اللى لله فى الله ما تنزلوش من زور ويتلذذ بأذيتك

ومنهم اللى يتفنن فى حفر الفخاخ لك

ومنهم من يقلل من شأنك ويجعلك ألعوبته ويضحك الناس عليك واهوتكون انت سبب يهرسك بقدمه ليعلو عليك

كتيرر ياكلوا حقوق غيرهم
وكتير يحسدوا ويسحروا ويحقدوا ويجرحوا ويتلاعبواوبدم بارد كمان


ياالله دى غابة بقى مش دنيا من غير غلط فى الغابة لوسمحتوا الحيوان ما بيإذيش اخوه الحيوان إلا من أجل حاجة الطعام وإذا تعدى عليه ودى لها أصول عندهم مش سايبة

صح الكلام لكن صح الصح بقى أنك تصحى لنفسك من حقك تتألم تمام تصرخ وتتقوقع حقك لكن وقت استراحة محارب
الشطارة انك تستغل كل ده يكون سبب وحافذ يعلمك

مشكلتك ايه طيبتك لالالالا فرق كبير بين الطيبة والهبل والأهبل كمان من حقه يزعل لإنه بأمر ربه مرفوع عنه القلم لكن انت حجتك إيه يبقى اسمها السذاجة تمام وضعنا يدنا على اول الخيط هنتعامل ازاى

ببساطة كما تحب أن يعاملك الآخرون بأدب وذوق لكن بدون إفراط ولا تفريط واى حد تهون عليه يهون عليك لكن بأدب زى ما قلنا إحنا برده متربيين

هيتصدم ما يتصدم وهو انت كنت فرقت معاه يعنى هو عنده دم وانت عندك رز بلبن
وأعلم أن المغرورـ الحاسد، المؤذى... الحاقد لن يكون يوما ملاك إلا من رحم ربى ونادرررا



الخلاصة فى ده كله انك تتعلمهنقولوا استوينا وبقينا لوز اللوز هأو فيه شرط يا معلم

أنك تفقد البراءة ولا الخير اللى فيك

مش كده وبس ده حضرتك مطالب إنك تربى هذة الأشكال أزاى برد فعلك وأدبك وحلمك وقوة شخصيتك مش تروح جنب الحيط وتركن عربية إنت ولا تكونش طوبة اصحى عيط شوية وارجع

ده كلللله اختبار ياحلو هو إنتوا نسيتوا السبب الرئيسى لوجودنا على الأرص ألا وهو عبادة الله ربنا خلقنا للعبادة

ومش معنى كده مانقومش من على السجادة أبدا صمودك فى وجه الحياة عبادة

معاشرة الأشكال العكرة دى عبادة



شغلك ،دراستك أى نوع اجتهاد عبادة

حسن الخلق عبادة وهو من اعظم العبادات على فكرة

الكلمة الطيبة اللى بتجبر بها الخاطر عبادة

تبسمك فى وجه غيرك يا بوز الأخص عبادة

الصبر على كلللللل ده عبادة ويابخت من صبر...ده ربنابجلاله وجماله بشر الصابرين

ولازم تعرف حاجة طبعا مش هتغير الكون وفيه ناس لو قدت لهم صوابعك العشرة لا العشرين ولا هينفع ولا هيتغيروا ولا هيطمر فيهم محبة ولا عطاء ولاولا ولا هم كده

دول حبايبى ظهرك فين اعطيه لهم ولا تضيع وقت معهم ولا عليهم ولا لهم وتوكل شق طريقك والله يسهل بك ويسهل لهم

واعلم اننا كلنا هذا الرجل مامن بشر حتى لو ملك إلا واتوجع ماهى دنيا ياجماعة





هنوصل بكل ده ازاى بالصبر وووووالييييقين



فيه مقولة الشيخ الشعراوي عن الصبر عندما قال: حذاري أن تملّ من الصبر فلو شاء لحقق لك مرادك في طرفة عين، هو لا تخفى عليه دموع رجائك ولا زفرات همك، هو لا يعجزه إصلاح حالك وذاتك لكنه يحب السائلين بإلحاح.. أليس هو القائل "إنِي جزيتهم اليوم بما صبروا"







ويعنى إيه يقين








قل اللهم بشرنى بما أتمنى وأنت خير المبشرين خلى عندك يقين